Karin Roodt – Bladsy 18

SANW in ‘kritieke verval’

sandf — ‘n Kritieke gebrek aan modernisering

Suid-Afrika se gewapende magte is volgens ‘n militêre strategie-oorsig in kritieke verval wat minstens ‘n dekade nodig sal hê om omgekeer te word.

Volgens Reuters kan die agteruitgang in die land se verdedigingsvermoë ‘n invloed hê op alles van grensveiligheid tot handel- en vredessendings op die vasteland.

Dit kan ook beteken dat binnelandse veiligheid nie verseker is nie, maar die verslag is onheilspellend stil daaroor.

Suid-Afrika het op die oomblik soldate in die Demokratiese Republiek van die Kongo en Soedan, en sy skepe ondersteun anti-seerowerpogings naby die kus van Mosambiek.

In die Suid-Afrikaanse Verdedigingsoorsig van 2014 word gesê sulke ontplooiings word ook bedreig.

Volgens die verslag is daar ‘n gebrek aan behoorlike ammunisie, verouderde militêre vragvliegtuie en uitgediende toerusting soos vragmotors.

In die verslag word ook daarop gewys dat die gebrek aan fondse die modernisering van ‘n gewapende mag van 97.000 lede terughou.

Sonder meer geld, kan Pretoria se diplomatieke en kommersiële uitbreiding in Afrika misluk, waar die ou koloniale magte soos Frankryk, en ‘n nuwe een soos China teenwoordig is.

“Daar moet óf ‘n groter begrotingstoewysing of ‘n aansienlik afgeskaalde vlak van ambisie en toewyding wees,” lui die verslag.

Massiewe beleggings in swaar wapenvermoë, asook die handhawing van vrede in hoë-risiko situasies moet oorweeg word.

Kenners het gesê dit beteken Suid-Afrika se aanvalshelikopters en tenks moet aandag geniet.

Dit kan die militêre begroting na R74 miljard in 2030 van sowat R40 miljard in 2013 byna laat verdubbel.

Dit is gelykstaande aan sowat 1% van die BBP , ‘n verhouding ver onder ander ontwikkelde en ontwikkelende lande.

Militêre veiligheid benodig volgens die verslag die jaarlikse befondsing van R116 miljard of 3,3 % van die bruto binnelandse produk.

Onder apartheid was Suid-Afrika het een van die mees gevreesde gewapende magte op die vasteland, maar die hele militêre kompleks het intussen in duie gestort na ‘n doelbewuste gesamentlike poging van die NP en ANC om dit tot niet te maak.

Die ontplooiing van die Suid-Afrikaanse Weermag wat aan anti-seerowery-operasies naby die kus van Oos-Afrika deelneem, is intussen vir nog ‘n jaar verleng.

Altesaam 220 lede van die Weermag is aktief in die Mosambiekse en Tanzaniese gebiedswaters.

‘Roei 8 miljoen Russe met kernwapens uit’

Nadat die oproep tussen die Amerikaanse assistent-sekretaris van buitelandse aangeleenthede, Victoria Nuland en die Amerikaanse gesant na die Oekraïne, Geoffrey Pyatt, uitgelek het waarin Nuland sê “F*k die EU”, is ‘n nuwe opspraakwekkende telefoongesprek na die media gelek.

Dié gesprek bevestig weer opnuut dat dit die VSA was wat die toutjies getrek het om die verkose regering in ‘n gewelddadige staatsgreep omver te werp en van die Oekraïne se president Janoekowietsj ontslae te raak.

Die nuutste telefoongesprek, hierdie keer tussen die parlementariër Nestor Shufrych en voormalige premier en ideologiese leier van die Oekraïne se “Oranjerevolusie” Julia Tiemoesjenkoe, is nie alleen onthullend nie, maar ontstellend.

Die mees waarskynlike toekomstige president van die Wes-Oekraïne, Tiemoesjenkoe, maak allerlei nuwe dreigemente teenoor etniese Russe, waaronder ook om 8 miljoen met kernwapens uit te wis.

Nadat die parlementariër haar tydens die gesprek bekommerd vra: “Wat moet ons nou doen met die 8 miljoen Russe wat in die Oekraïne oorgebly het? Hulle is uitgeworpenes…”, antwoord sy kil en saaklik, blykbaar onbewus dat dit ‘n retoriese vraag was.

“Hulle moet doodgemaak word met kernwapens,” sê Tiemoesjenkoe doodluiters. Die rolstoelgekluisterde Tiemoesjenkoe wat gemaklik rondloop as sy nie voor ‘n skare verskyn nie, braak dan verder gal oor ‘n verskroeide aarde-beleid wat sy “namens die hele wêreld met haar kontakte” teen Rusland wil voer en die eks-president met ‘n “masjiengeweer in sy kop skiet”.

Dit is die duidelik namens wie sy die Russe wil uitwis nie, aangesien die Neo-Cons se oorlogsugtige beleid baie ongewild is by gewone Amerikaners wat die Obama-administrasie van “red-baiting” [alarmisme oor die Rooi Gevaar] en opportunistiese McCarthyisme verdink.

Dit is dus duidelik dat die Russe in Oos-Oekraïne nie ‘n kat se kans staan teen die Amerikaanse invallers en hul plaaslike handpoppe nie.

Dié gesprek gee president Poetin die voordeel dat hy wel die onafhanklikheid van die Krim ter beskerming van etniese Russe oorweeg het, presies soos hy gesê het.

Die Oekraïne se sogenaamde “regering”, ‘n stel marionette wat Washington aangewys het, voel niks vir etniese minderhede in die ooste nie en dit is duidelik dat hulle dink dié mense verdien nie om beskerm te word nie, maar verkieslik uitgewis moet word.

Tiemoesjenkoe het tronkstraf uitgedien vir korrupsie nadat sy ‘n gasvoorsieningsooreenkoms onregmatig geteken het wat die land se gasvoorsiener Naftogaz $170 miljoen dollar gekos het.

Aan die stuur van die “Oranjerewolusie” wat Tiemoesjenkoe gelei het, het die land verder agteruitgegaan en dieper in korrupsie verval. Sy het as premier tussen 2007-2010 gedien.

Goldman Sachs, wat namens die Neo-Cons in die VSA die druk op Rusland probeer verhoog, het “voorspel” dat die kapitale uitvloei vanjaar 130 miljard dollar kan haal. Die aksepbank het intussen hulle kliënte met ywer bearbei om hul beleggings uit Rusland te onttrek.

Volgend Goldman Sachs sal Rusland in ‘n resessie verval as hulle hul beleggers oorreed om hulle geld aan die land onttrek, met groei wat waarskynlik gaan verlangsaam namate die kapitale uitvloei die $100 miljard bereik.

Rusland se grootste bank, Sberbank, sê kapitaal het uit die land gevloei en aandele en die roebel het gedaal nadat die Krimgebied oorweldigend gestem het om van die Oekraïene af te stig.

Sberbank sê die situasie het ‘n negatiewe uitwerking op die wêreldwye ekonomie.

Ontleders sê die stappe wat Rusland gedoen het om te keer dat die roebel nog verder daal deur rentekoerse te verhoog, kan die land in ‘n resessie dompel.

Paaie in Wes-Kaap gesluit weens oproer

Verskeie paaie by Joe Slovopark by Milnerton in die Wes-Kaap is gesluit weens oproermakers wat motoriste bedreig.

Die paaie in Bosmansdam- en, Daniëlweg sowel as Racecourse- en Printersweg is ook toe vir verkeer.

Die Kaapstadse verkeersowerheid sê oproeriges het bande aan die brand gesteek en inwoners stort vullis op die paaie om dit onbegaanbaar te maak.

Die polisie en die verkeersowerheid is in die gebied ontplooi.

Maandag is die N2 tussen Somerset-Wes en die Kaapstadse Internasionale Lughawe deur oproeriges geteiken.

ANC-Jeugliga het geen voorneme of skuld te betaal nie

ancyl — Die stem van die Jeugliga is stil

Die African National Congress se Jeugliga het Maandag geen voorneme gehad om sy skuld van meer as R15 miljoen te delg om ‘n finale bevel van likwidasie te vermy nie.

In plaas daarvan, het sy prokureurs in die Suid-Gautengse Hooggeregshof verklaar dat dit nie ‘n maatskappy is nie en dus nie gelikwideer kan word nie.

Argumente in die saak is uitgestel tot Woensdag.

Die Jeugliga is onder voorlopige likwidasie geplaas nadat Z2 Presentation aansoek gedoen het vir sy likwidasie.

ANCYL het versuim om R15 miljoen vir dienste wat verband hou met sy nasionale konferensie in Bloemfontein in 2008 te betaal.

Ander krediteure het na vore gekom nadat die saak vir die eerste keer verlede jaar gehoor is in Junie, insluitend Palanquin Hospitality Management.

Die liga sou na verwagting die skuld vereffen nadat dit hulle skenkings van simpatiseerders vroeër vanjaar gevra het.

In die afwesigheid van die liga as ‘n wettige entiteit, sal die ANC die Mei 7 algemene verkiesing in die gesig staar sonder ‘n volle kontingent van betroubare voetsoldate om veldtogte te voer op grondvlak, veral onder jong swartes.

Ten minste 2 miljoen jong mense sal vir die eerste keer hierdie jaar stem, ‘n beduidende blok kiesers tussen die ouderdomme van 18 en 39 jaar wat geregistreer is om te stem.

Hoewel die liga se vennote in die Progressive Youth Alliance, die Jong Kommunistiese Liga en die Suid-Afrikaanse Studente Congress, nog beskikbaar is om jong mense te werf in die guns van die ANC, het hierdie organisasies voorheen ‘n mindere rol in die ANC se verkiesingsveldtogte gespeel.

In die 2009-verkiesing, het die liga onder sy destydse leier, Julius Malema, die ANC se verkiesingsboodskap in ‘n taal en op ‘n wyse aangebied wat maklik verstaanbaar was vir jong swartes.

Hulle het met groot sukses steunwerwing in nagklubs en ander swart vermaakplekke gedoen.

Malema, wat intussen uit die ANC geskors is, sal aan die verkiesings met sy nuwe party deelneem, die ekonomiese vryheidsvegters of EFF.

Die ANC se sekretaris-generaal Gwede Mantashe het aan die hof gesê in ‘n beëdigde verklaring dat selfs indien die likwidasie-aansoek slaag, die liga geen bates het wat verkoop kan word om die skuld af te betaal nie.

Maandag, het die regsgeleerde vir die jeugliga , John Peter SC , aangevoer dat die hof die liga behandel het as ‘n maatskappy wat vir wins bestaan in sy voorlopige likwidasiebevel, terwyl dit nie die geval is nie.

Nactu wil Amcu-staking steun

Vakbonde geaffilieer by die Nasionale Raad van Vakbonde ( Nactu ) oorweeg ‘n solidariteitstaking ter ondersteuning van Amcu, het die federasie Maandag gesê.

“Ons vakbonde vergader [Dinsdag] om ‘n solidariteitstaking ter ondersteuning van Amcu te bespreek,” het Nactu se voorsitter Joseph Maqhekeni gesê.

Amcu is ‘n filiaal van Nactu.

Lede van Amcu by Lonmin, Impala en Anglo American Platinum ( Amplats ) staak sedert 23 Januarie vir ‘n basiese maandelikse salaris van R12.500.

Hulle verwerp die maatskappye se loonverhoging van tot nege persent.

Die maatskappye verwerp Amcu se hersiene eis dat die R12.500 oor vier jaar bereik kan word, en sê dis onbekostigbaar as ‘n 30 persent verhoging.

“Ons wag , met die hoop dat die myne sal kom met iets. Amcu het gesê dat dit bereik kan word in vier jaar , wat na ons mening ‘n regverdige hersiening is,” het hy gesê.

Nactu het 22 vakbonde wat deel daarvan is .

Die staking by die platinummyne in Rustenburg , Noordwes en Northam in Limpopo is in sy tweede maand.

Gesprekke om die staking te besleg deur die Kommissie vir Versoening , Bemiddeling en Arbitrasie ( KVBA ) het vasgeval.

Die KVBA het beslis dat partye te ver van mekaar af staan.

Samwu eis dat Noordwes-munisipaliteite ontbind

Die munisipale werkersunie, Samwu, in die provinsie het ‘n beroep op die Noordwes-regering gedoen om die Grondwet toe te pas en sukkelende munisipaliteite te ontbind.

Druk neem toe om verskeie munisipaliteite in Noordwes te ontbind voor die verkiesing op 7 Mei.

Die vakbond sê slegs sewe van die 23 munisipaliteite is solvent en ‘n plaaslike regeringsberaad moet dringend belê moet word om oor die nodige stappe te besluit.

‘n Woordvoerder van Samwu sê 90 persent van die munisipaliteite in die provinsie maak op die Nasionale Tesourie staat vir inkomste en toelaes.

Hy sê die meeste munisipaliteite het in die laaste oudit nie skoon oudits gekry nie.

Samwu het ook vroeër gevra dat die Cosatu-leierskap moet bedank of hulle moet ‘n spesiale nasionale kongres voor of op die einde van April 2014 belê, Luidens die unie se sekretaris Lekoba Modimoeng.

Hy het gesê die unie sal sy lede mobiliseer al Cosatu se aktiwiteite te boikot en alle verbintenisse te beëindig.

Die provinsiale Samwu eis dat Cosatu se leiers bedank omdat hulle lidmaatskap daarvan misluk het.

Modimoeng het gesê Cosatu is nie meer so sterk na die skorsing van sekretaris-generaal Zwelinzima Vavi nie.

Samwu het ook gekla dat Cosatu geld mors op regskoste teen Vavi en die geld kon beter aangewend gewees het om werkers teen werkgewers te beskerm, sê die unie.

Bootongeluk eis 108 DRK-vlugtelinge

Die dodetal in die naweek se bootongeluk in die weste van Uganda het gestyg tot 108 van 19 wat aangemeld is Saterdag.

David Kazungu , Kommissaris vir Vlugtelinge in die Ministerie, het aan Xinhua in ‘n onderhoud verklaar dat 108 liggame in die Albertmeer opgespoor is Maandagmiddag.

Die meeste van die passasiers op die boot was vlugtelinge wat wou terugkeer huis toe na die Demokratiese Republiek van die Kongo (DRK).

Hy het gesê die totale aantal mense wat op die boot was nog nie bekend nie. Vyf-en-veertig het die ongeluk oorleef.

Hy het gesê die vlugtelinge wou terugkeer huis toe na die VN-ingryping ‘n Ugandese rebellegroep in die ooste van die DRK geneutraliseer het.

“Die Koning van die Kamango-gebied het ‘n beroep op sy volk gedoen om terug te keer huis toe,” het hy gesê.

Hy het gesê die soektog na meer liggame gaan nog steeds voort maar die kans om meer oorlewendes te kry is skraal. Talle lyke, veral die van kinders, is nog nie geïdentifiseer nie.

Vlug MH370 het glo in see gestort, geen oorlewendes

Die eerste minister van Maleisië, Najib Razak, het Maandag verklaar dat al die passasiers op vlug MH370 omgekom het.

Razak het gesê dat die vermiste vliegtuig in die Indiese Oseaan neergestort en almal aan boord het omgekom.

Hy het gesê verdere besonderhede sal Dinsdag tydens ‘n media-inligtingsessie bekend gemaak word.

“Verteenwoordigers van die vliegrampondersoekspan in die Verenigde Koninkryk (AAIB) het my vanaand in kennis gestel dat Inmarsat, die Britse maatskappy wat satellietdata oor die vliegtuig verskaf het, verdere berekeninge gemaak het,” het Razak Maandag tydens ŉ perskonferensie gesê. “Op grond van die nuwe analise het Inmarsat en die AAIB bepaal dat vlug MH370 langs die suidelike korridor gevlieg het en die laaste posisie van die vliegtuig was in die middel van die Indiese Oseaan, wes van Perth.”

Volgens Razak is dit ŉ afgeleë gebied, buite bereik van landingstroke. “Dit is waarom, met intense medelye dat ek julle in kennis moet stel dat vlug MH370 in die suidelike Indiese Oseaan neergestort het.”

“Malaysia Airlines het reeds met die familie van die passasiers en bemanningslede byeengekom om hulle oor die nuutste verwikkelinge in te lig,” het Razak bygevoeg.

Die vliegtuig het op 8 Maart, van Kuala Lumpur onderweg na Beijing, vermis geraak.

Onsekerheid oor stemmery

Deur Johann Theron.

Dit is duidelik uit algemene kommentaar dat heelwat mense onseker is oor wie om voor te stem. Aangesien ons almal nou in die tradisionele tyd is van blootstelling aan die mooi gesiggies van elke politieke party is dit nog moeiliker om ’n besluit te neem. Daarom wend mense hulle in hierdie tye na beginsels soos bv. geloof, of ’n groenaarde of selfs gelyke regte ens, want as ’n politieke party beginsels navolg is die verwagting dat die slegte en mooi kante van politiek min of meer dieselfde sal wees.

Maar dit is nie meer die geval nie en die hipotese is dat dit die eintlike rede is hoekom mense nie weet vir wie om te stem nie. ‘n Voorbeeld is die oorloop van verteenwoordigers tussen partye vir watter rede ook al – as beginselsaak maak dit net nie sin nie omdat alle partye (in beginsel) nie dieselfde beginsels nastreef nie.

Politieke partye is ook nie meer soos dit altyd was nie, hulle vorm deesdae korporatiewe strukture en jaag besigheidsbeginsels na soos die ANC wat sy eie belegginshuis het. Dit beteken dat ’n kieser uit beginsel vir iemand stem omdat die verteenwoordiger in beginsel sy eie maatskappy wil verryk en dat die politieke beginsels slegs bemarking soos gerig op ’n teiken populasie is. Dan ook die “rykste” populasie soos besighede waar die ANC hulle nou kontak vir “beskerming” of die DA, Agang en EFF vir “fondse” wat later terugbetaal moet word deur middel van staatskontrakte.

Die kwessie van beginsels is belangrik maar dit begin te lyk of dit teen die kieser gehou word. Met ander woorde, mens kan nou waarnemings doen waar dieselfde woorde verskillend geïnterpreteer word deur die kieser en sy verteenwoordiger. Dis hoekom spesialiste deesdae in bemarking benodig word. Neem bv. die Hyundai x35: Die motorverkoopsman verkoop ’n “model nommer” x35 terwyl die koper dink dat x35 beteken ’n 3.5liter motor.

Die ANC is baie goed met hierdie dubbelinterpretasies omdat hulle spesifiek daarna soek om kiesers te mislei. Kyk bv. grondeise wat aan die begin direk so genoem is nadat grondonteiening nie deur die buiteland as wenslik gesien was nie. Vandag noem die ANC dit “custodianship” wat ’n pragtig naam is wat jou laat wonder of hulle nie sommer maar na ons almal se grond kan “kyk” nie.

Die neiging om woorde te verdraai is waarskynlik ’n ou praktyk, maar dit het blykbaar vandag beginsel vervang as die politieke meetkriteria. Met ander woorde as jy vir ’n politieke party wil stem dan moet jy na hulle verdraaiings luister en die party met die minste verdraaiings kry dan jou stem onvoorwaardelik.

Die ANC is nie baie vas op beginsels nie en hulle is heel openlik daaromtrent. Gedurende die Kodesa onderhandelinge was die opdrag blykbaar dat hulle “proses” moet benadruk – nie “beginsel” nie omdat hulle verwag het dat Roelf Meyer beginsels sou gebruik het.

Verdere bevestiging van die krag van woordverdraaiings deur die filosoof Jacques Derrida wat soos volg aangehaal kan word;

“Derrida het aangetoon hoe alle veronderstellings oor menslike lewe en gedrag begrond is in die gebruik van taal.”

Wat Derrida basies bewys het, is dat dieselfde woorde verskillende betekenisse kan uitleef in menslike gedrag. Neem byvoorbeeld die VF+ en selfs die Kerk wat die Afrikaner ondersteun in ’n multi-kulturele konteks. Hulle verteenwoordig die Afrikaner in woord en daad en daarvoor is ons baie dankbaar, maar die konteks is verkeerd. Dis soos om ’n Hyundai x35 te koop en dit dink die “35” verteenwoordig inhoud.

Die “35” verteenwoordig net mooi niks soos inhoud nie.

Seta se verkwisting ondersoek

‘n Interne konsepouditverslag oor die Seta vir kuns en kultuur, het wenkbroue laat lig oor verkwisting, het City Press berig.

Mike Tsotetsi, uitvoerende hoof van Theta, het via ŉ e-pos aan die koerant gesê dat die verslag nog nie aan die Seta se raad oorhandig is nie.

“So ver dit die raad betref is Grant Thornton steeds besig met die ondersoek en gee die raad sy volle samewerking.”

In die konsepverslag is R10 miljoen vir ŉ ongespesifiseerde Afrika-sokkernasiebekerprojek toegewys.

Die geld is vir die sektorale opleidingsowerheid van die toerismebedryf (Theta) beskikbaar gestel, maar daar kon intussen nie vasgestel word waar presies die geld heen verdwyn het nie.

Die koerant berig ook dat die konsepverslag deur Grant Thornton ŉ voormalige werknemer die Seta uitsonder wat ŉ skooltoer na Italië vir “drie benadeelde kinders” sou organiseer.

Een van die skoolkinders is ‘n voormalige werknemer se kind. Die borgskap is deur Tsotetsi self afgeteken.

Die verslag maak ook melding van ŉ werknemer wat van ‘n sekretaresse tot ŉ bestuurder bevorder is met die hulp van iemand anders se CV.

Die sekretaresse het glo die naam bo aan die CV verander en dit as haar eie ingedien.

NVG gaan appèl aanteken teen uitspraak oor Valke-hoof

Die Nasionale Vervolgingsgesag gaan appèl aanteken nadat die Durbanse hooggeregshof alle aanklagte teen die geskorste hoof van die Valke in KwaZulu-Natal, ter syde gestel het.

Die waarnemende nasionale direkteur van openbare vervolging het destyds gesê die eenheid word soos ‘n georganiseerdemisdaad-eenheid bedryf.

Booysen het toe aangevoer dat die NGV gelieg het oor sekere verklarings.

Genl.maj. Johan Booysen was die hoof van die ernstige en gewelddadige misdaadeenheid in Cato Manor wat intussen ontbind is. Lede van die eenheid staar ŉ reeks aanklagte in die gesig, insluitend 28 aanklagte van moord.

Booysen, en lede van sy voormalige eenheid, is daarvan beskuldig dat hulle ŉ kriminele onderneming bedryf het. Die eenheid het glo sluipmoorde teen betaling in KwaZulu-Natal gedoen wat tot die minibustaxi-oorloë gelei het.

Booysen is in Augustus 2012 beskuldig van afpersing en swendelary in die onderneming wat hy bestuur het en wat aan die aktiwiteite deelgeneem het. Hy staan ook tereg op twee aanklagte van moord, die onwettige besit van ŉ vuurwapen en ammunisie, en dwarsboming van die gereg.

Booysen se regspan het Sondag gesê die NVG beplan om appèl aan te teken teen regter Trevor Gorven se besluit.

Gorven het op 26 Februarie in sy uitspraak alle aanklagte teen Booysen laat vaar. Hy het gesê die aanklagte voldoen nie aan die minimumvereistes nie.

Gorven sê sy besluit om die aanklagte ongeldig te verklaar is nie ŉ aanduiding van Booysen se onskuld nie en kan weer aangekla word.
.
Nathi Mncube, woordvoerder vir die NVG, was nie dadelik beskikbaar vir kommentaar nie.

Indien Gorven die NVG se aansoek van die hand wys om appèl aan te teken teen sy uitspraak, kan die NVG die hoogste hof van appèl nader.

Tuberkulose maai onder mynwerkers

Maandag word gewy aan die stryd teen tuberkulose wêreldwyd om bewustheid aan te help.

Soos met misdaad, is Suid-Afrika ook hoog op die lys lande waar hierdie siekte voorkom.

Die tema vanjaar is: “Bereik die drie-miljoen”. Dit is die aantal mense, uit die sowat 9-miljoen mense met TB, wat na raming jaarliks wêreldwyd oor die hoof gesien word deur openbare gesondheidsorginstellings.

Die land kry na raming 500.000 nuwe TB-gevalle elke jaar, en spog met die tweede hoogste aantal TB-gevalle ter wêreld.

Daarbenewens het Suid-Afrika ook die vierde hoogste voorkoms van TB wat weerstandig is teen verskeie soorte behandelings.

Een uit elke 25 mense in die land wat met TB gediagnoseer word, ontwikkel weerstandige tuberkulose.

Die fokus plaaslik sal wees om TB in die afgesonderde gemeenskappe te teiken.

Daar sal aan mynwerkers besondere aandag geskenk word, aangesien die goudmynbedryf die grootste aantal siekes oplewer.

Goudmyne het die hoogste koers van tuberkulose (TB) in die bedryf.

Duisende mynwerkers het ‘n longsiekte wat veroorsaak word deur mynstof, genaamd silikose, wat hul kanse om TB op te doen, verhoog.

Die NUM se nasionale voorsitter vir gesondheid en veiligheid Peter Bailey skat dat vir elke “een noodlottige ongeluk, vyf werkers as gevolg van dié beroepsiekte sterf “.

Duisende voormalige mynwerkers sterf stilweg by hul huise op die platteland, sonder dat die mynbedryf enige politieke ongemak daaroor verduur.

De Hoopdam vandag amptelik geopen

Die De Hoopdam, wat die dertiende grootste dam in die land sal wees, sal na verwagting ‘n 347 miljoen kubieke meter reservoirkapasiteit hê.

President Jacob Zuma sal vandag die multi-miljoen-randse dam in Limpopo open.

Dit het vyf jaar geduur om die dam te bou. Die minister van Waterwese, Edna Molewa en die premier van Limpopo, Stanley Mathabatha sal Zuma vergesel.

Die dam sal ook water verskaf aan myne in die Burgersfort-omgewing.

Dié dam is die hart van die regering se projek om die Olifantsrivier wat deur Limpopo en Mpumalanga vloei, te ontwikkel om water aan verbruikers te bring, het die Departement van Waterwese gesê.

Die dam is geleë naby Steelpoort in Limpopo se Sekhukhune-distrik, in die noord-oostelike deel van die Bosveld-kompleks, ‘n geologiese gebied wat die grootste reserwes van die platinumgroepmetale in die wêreld bevat.

Die dam sal dus die groeiende mynbedryf in die area dien, en 2 miljoen tot 3 miljoen mense in die huishoudelike sektor in die distrik van water voorsien.

Dit sal ongeveer R3.4bn kos om te voltooi.

Die Olifantsrivierwaterhulpbronprojek is deel van die presidensie se strategiese 18 geïntegreerde projekte wat daarop gemik is om ontwikkeling en groei in die land aan te help, werksgeleenthede te skep en basiese dienslewering te verbeter.

Die projek is gemik op die ontwikkeling van die “noordelike mineraalgordel” wat die Waterberg as sy middelpunt het.

Die Raad vir Wetenskaplike en Industriële Navorsing skat die Olifantsrivier is Suid-Afrika se rivier wat die derde hardste werk en ‘n span van 30 wetenskaplikes het bevind dat mynbou-, nywerheids -, landbou- en rioolbesoedeling reeds sorg vir ‘n giftige sop wat sy toekoms bedreig.

Die De Hoopdam sal een van die grootste betondamme in Suid-Afrika wees. Verskeie eerste plekke het tydens die bou daarvan na vore getree.

Een van hulle was die eerste gebruik van rollergekompakteerdebeton (rollcrete), met 129,000 m³ wat oor 30 dae in ‘n enkele operasie gedoen is. Die gietproses het vir ‘n Suid-Afrikaanse rekord gesorg.

NFP hoop om KZN in te palm

Die leier van die Nasionale Vryheidsparty, Zanele Magwaza-Msibi het haar hoop uitgespreek dat die party ná die verkiesing op 7 Mei in beheer van KwaZulu-Natal sal wees.

Sy het in Tembisa gepraat by ‘n geleentheid ter viering van die party se derde bestaansjaar, het RSG berig.

Die NVP se verkiesingsmanifes is ook bekend gemaak.

Sowat 2000 ondersteuners het die geleentheid bygewoon. Die party het in 2011 van die IVP afgestig, wat voorheen die regerende party in KwaZulu-Natal was.

Magwaza-Msibi sê sy beoog om sowat 1,8 miljoen stemme te kry en hoop om ten minste die amptelike opposisie in die provinsie te wees.

Die leier van die IVP, Mangosuthu Buthulezi het vroeër ‘n beroep op party-ondersteuners gedoen om vrye politieke bedrywighede voor te staan wanneer die tussenverkiesings Woensdag gehou word.

Hy sê dit geld ook die 7 Mei algemene verkiesing. Buthulezi het by ‘n saamtrek by die Rotary-stadion naby die Kwamashu-hostel, noord van Durban gepraat.

Die gebied is die afgelope tyd deur voorvalle van politieke onverdraagsaamheid gekenmerk. Twee vrouelede van die NVP en IVP is vermoor.

Die veteraan-leier sê ook dat die tussenverkiesings in die provinsie sal help om die hoeveelheid steun vir die party te peil.

Hy sê dit is ‘n proeflopie vóór die algemene verkiesing, en dus belangrik dat hulle goed vaar.