Besoekers aan die Voortrekkermonument kan nou met die behulp van hulle slimfone die monument verken.
As paghouer van geskiedenis is die Voortrekkermonument byderwets die eerste monument in die land wat met slimfoontegnologie die belang van die Monument en ’n verduideliking van die tonele op die friese kan gee.
“Die tegnologie behels ’n QR-kode wat via die monument se Wi-fi op slimfone die besoeker toegang gee tot wetenswaardighede omtrent die monument en brokkies geskiedenis wat gekoppel is aan die tonele uitgebeeld op die friese,” het Sonja Lombard, besturende direkteur van die Voortrekkermonument gesê.
“Met behulp van die tegnologie het jy nie ’n toergids nodig nie. Die Wi-fi is gratis beskikbaar vir besoekers.”
Die nuwe tegnologie en ’n DVD met die naam ‘Vryheid’ wat die vryheidsideaal van die Voortrekkers verduidelik, is onder blyke van groot belangstelling tydens ’n kultuuraand bekendgestel.
Die DVD is tans in Afrikaans en Engels beskikbaar, maar sal later ook in Chinees, Duits, Spaans, Italiaans en in Portugees beskikbaar wees.
Die bekendstelling is voorafgegaan met sangnommers uit die FAK, ’n volkspele-vertoning deur die Erika volkspelelaer, die bekendstelling van eg eie Suid-Afrikaanse mampoerlikeurs en ’n boekvoorlesing uit Louis Trichardt se dagboek.
Die nuus dat Francis Hougaard en Deon Stegmann albei binnekort geopereer word vir ernstige beserings, en dus nie vanjaar weer rugby sal speel nie, is die nuuste terugslag vir die Blou Bulle wat na dese só uitgedun is voor die Curriebekerreeks dat hulle waarskynlik die jongste en mees onervare span in dié toernooi gaan
wees.
Met slegs tien dae oor voor die Curriebekerreeks vir 2013 afskop, het die krisis in die Bloubul kamp op Loftus Versfeld hierdie week vergroot toe daar aangekondig is dat nog twee senior Springbokke nie weer vanjaar vir die Bulle in aksie sal wees nie.
Dié twee Springbokke, Francois Hougaard en Deon Stegmann, word albei binne die volgende week vir onderskeidelik ’n skouer- en ’n enkelbesering geopereer en sal dus nie weer vanjaar kan speel nie.
Hierdie nuus is nie net sleg vir die Blou Bulle nie, maar ook vir die Springbokke, wat binnekort met hul veldtog in die Castle Rugby Kampioenskap teen Nieu-Seeland, Australië en Argentinië begin. Hoewel Stegmann waarskynlik nie tans in Springbok afrigter, Heyneke Meyer, se visier is nie, was Hougaard se betrokkenheid by die Springbokspan ’n formaliteit.
Hougaard se besering en operasie beteken dat die Springbokke waarskynlik vanjaar die Castle Rugby Kampioenskap met twee skrumskakels sal aandurf wat albei hul klubrugby oorsee speel. Ruan Pienaar wat tans vir Ulster in Ierland speel is van verlede jaar af al deel van Meyer se planne, terwyl sy derde keuse in dié posisie naas Hougaard en Pienaar, Jano Vermaak, ook kort na die SupeRugby halfeindrondte na Toulouse in Frankryk vertrek het, waar hy vir die volgende twee seisoene sy rugby gaan speel.
Stegmann was waarskynlik die sterkste kandidaat om die Blou Bulle in vanjaar se Curriebekerreeks te lei, nadat die ander kandidate vir die kapteinskap ook òf beseer is òf oorsee verkas het. Pierre Spies sal weens ’n besering eers weer in 2014 rugby speel, terwyl Dewald Potgieter na Japan uitgewyk het waar hy vir die Yamaha-span gaan speel.
Saam met Potgieter en Vermaak het nóg vyf senior spelers Pretoria die afgelope maand verlaat. Hulle is Chiliboy Ralepelle (Frankryk), Juandré Kruger (Frankryk), Jacques Potgieter (Japan), Morné Steyn (Frankryk), Wynand Olivier (Frankryk) en Zane Kirchner (Ierland).
Voeg hierby Spies en Arno Botha se langtermyn beserings en die feit dat Flip van der Merwe, Jan Serfontein, JJ Engelbrecht en Bjorn Basson waarskynlik almal by die Springbokke betrokke gaan wees, en dit word duidelik dat die Blou Bulle se diepte tot die uiterste beproef gaan word in die Curriebekerreeks wat op 10 Augustus afskop.
Die Blou Bulle sal dus kan reken op slegs die stutte, een slot en een vleuel wat vir die Curriebekerreeks gaan oorbly uit die span wat verlede Saterdag in die halfeindrondte teen die Brumbies op die veld gedraf het. Pine Pienaar, die Bou Bulle se Curriebeker afrigter, sal dus byna ’n hele nuwe agterlyn en drie nuwe losvoorspelers moet vind vir sy Curriebeker veldtog.
Verlede jaar moes die Blou Bulle baie hard werk om in die Curriebekerreeks onder die top vier spanne te eindig, terwyl hulle die vorige jaar selfs gesukkel het om nie laaste (sesde) te eindig en by ’n promosie-relegasie wedstryd teen die top span uit die Eersteliga betrokke te raak nie.
Vanjaar sal die stryd soveel groter wees, want Pienaar sal moet terugval op jong en onervare spelers om sy Curriebekerspan vol te maak.
Daar word verwag dat die OP Kings met ’n groot aanslag gaan kom om te probeer om vanjaar na die Premierliga-afdeling van die Curriebeker bevorder te word. Hoewel hulle tans vyfde op die punteleer in die Eersteliga-afdeling is, sal hulle vanaf volgende naweek en basies die hele tweede rondte van dié kompetisie al hul SupeRugby spelers beskikbaar hê vir hul Curriebekerspan. Dit is dus nie onmoontlik dat hulle die Pumas, wat tans tien punte voor hulle op die punteleer lê, sal kan inhaal en selfs dié liga kan wen nie.
Indien die OP Kings dit regkry om vir die promosie-relegasie wedstryd te kwalifiseer teen die laagste span op die Premierliga-afdeling, kan dit aanvaar word dat die rugbymagte in die Oos-Kaap alles in hul vermoë sal doen om gepromoveer te word.
Die Blou Bulle sal dit dus nie kan bekostig om enige kanse te vat om in so ’n wedstryd betrokke te raak met ’n jong en onervare span nie. Daar sal enorme druk wees op die Blou Bulle om selfs na die verlies van soveel top spelers én sonder die hulp van hul Springbokke steeds te presteer in die komende Curriebekerreeks. Die Springbokke speel hul laaste toets in die Castle Rugbykampioenskap op 5 Oktober, wat beteken dat die Blou Bulle se Springbokke eers in hul laaste ligawedstryd van die Curriebekerreeks, wat op 12 Oktober sal gespeel word, beskikbaar sal wees. Op daardie stadium behoort die spanne se lot op die punteleer reeds bepaal te wees. – looklocal.co.za
Lyttelton Polisie in Pretoria het ‘n man vasgevat wat vermoedelik onwettig handeldryf met voorgeskrewe medikasie, onder andere steroïedes.
Die Lyttelton polisie het Dinsdagmiddag op ’n verdagte toegeslaan in Pierre van Ryneveld wat vermoedelik onwettig met medikasie, meestal steroïedes, handel gedryf het.
“Ons is deur ’n lid van die publiek ingelig dat ’n verdagte onwettig met skedule drie tot vyf medikasie by ’n gimnasium handel gedryf het. Ons het hom in die gimnasium gekonfronteer en sy voertuig deursoek waar ons medikasie ter waarde van ongeveer R100 000 gevind het,” het Adjudant-offisier Hero Gumbu gesê.
Adjudant Robert Lundall, wat die verdagte in hegtenis geneem het, is op die spoor van ’n tweede verdagte.
“Ons is al vir ’n geruime tyd bewus van hierdie verdagte asook ’n tweede verdagte se modus operandi,” het Lundall gesê.
Die tweede verdagte was egter nie op die toneel toe die polisie toegeslaan het nie.
Die medikasie is gevind in hul oorspronklike verpakking, maar volgens Gumbu is meeste van die produkte moontlik ingevoer.
“Volgens wet mag voorgeskrewe medikasie, soos dié wat ons gekonfiskeer het, nie ingevoer word nie. Meeste van die medikasie was tipes steroïedes wat nie in Suid-Afrika vervaardig word nie,” het Gumbu gesê. – looklocal
‘n Vermeende rower is Dinsdagaand in Rooihuiskraal, Pretoria, doodgeskiet.
Skote het Dinsdagaand in Rooihuiskraal afgegaan toe ’n man glo ‘n vermeende rower in selfverdediging doodgeskiet het.
Dié man, Karel Liebenberg, het na bewering die vermeende rower voor sy huis doodgeskiet nadat ’n vuurwapen op hom gerig is.
Met die aankoms vroeër by hul huis, het Liebenberg uit sy voertuig geklim om die veiligheidshek en motorhuisdeur oop te maak.
’n Oomblik daarna het hy opgemerk dat ’n silwer-grys Subaru sonder ’n nommerplaat agter hulle voertuig stilgehou het. Die voertuig het vir hom verdag voorgekom en hy het sy gelisensieerde vuurwapen uitgehaal.
’n Passasier het regs agter uit die voertuig geklim en ’n vuurwapen op Liebenberg gerig.
Volgens Liebenberg se prokureur, Peet du Plessis, is Liebenberg die hoof van die plaaslike blokwag en daarom dra hy ten alle tye ’n vuurwapen by hom. Weens vrees dat sy lewe in gevaar was, het hy twee skote op die verdagte gevuur.
Volgens Du Plessis het die bure en Liebenberg se vrou verskeie skote gehoor wat afgevuur is, wat moontlik kan aandui dat dié 33-jarige verdagte teruggeskiet het.
Die verdagte is raak geskiet en die ander verdagtes in die voertuig het van die toneel gevlug.
Liebenberg het dadelik die polisie ontbied. Met Sersant Michiel Roos se aankoms op die toneel het die verdagte nog geleef en Roos het die mediese dienste ontbied.
Ten spyte van mediese sorg, is die verdagte op die toneel dood verklaar.
“Die egpaar is nog in skok en erg getraumatiseer,” het Du Plessis aan Looklocal gesê.
Hy wou nie verdere kommentaar lewer totdat die verslae afgehandel is nie.
Volgens Generaal-Majoor Tommy Mthombeni was die reeksnommer van die oorledene se vuurwapen afgeskuur en elf rondtes van ammunisie is in die wapen gevind waarvan een patroon reeds in die kamer gelê het.
Mthombeni het bevestig dat ’n saak van poging tot kaping deur die polisie ondersoek sal word. ’n Geregtelike doodsondersoek sal ook gedoen word. – looklocal.co.za
Die DA wil met die 14 geskorste ANC-raadslede in die Tlokwe-stadsraad in Potchefstroom in Noordwes saamwerk wat gehelp het om Maphetle Maphetle as vorige burgemeester te ontsetel.
Die nuwe burgemeester, Annette Combrink, sal amptelik vandag met haar pligte begin.
Sy sê sy sien uit na die moontlikheid om met die geskorste raadslede in ‘n koalisie saam te werk.
Van dié lede ondersteun Julius Malema se Ekonomiese Vryheidsvegters.
Die DA het voorheen aangedui dat hulle van die geskorste raadslede wat met die EFF simpatiseer, finansieel sal ondersteun.
Die Noord-Gautengse hooggeregshof in Pretoria het Maandag beslis dat Maphetle uit die kantore moet padgee.
Die ANC het gister sy planne om teen die uitspraak te appelleer, laat vaar, nadat die ontsetelde burgemeester eers vasgeskop het en nie die kantoor wou ontruim nie. – RSG/praag
Die meeste ontleders glo Zimbabwe se president, Robert Mugabe het ‘n beter kans as die opposisieleier, Morgan Tsvangirai om die verkiesing te wen.
Mugabe se voorsprong is te wyte aan sy beheer oor die media, kuberruim, veiligheidsmagte en verkiesingslogistiek. Mugabe het alle Westerse waarnemers verbied om toesig te hou oor die verkiesing. Hy het Britse en Amerikaanse regerings beskuldig van ‘n anti-swart agenda.
Waarnemers van die Afrika Unie en die Suider-Afrikaanse Ontwikkelingsgemeenskap het die verkiesing intussen as vry en regverdig gaan verklaar. Ontleders meen die AU en SAOG is so desperaat vir ‘n geloofwaardige uitslag in die verkiesing dat hulle sommige probleme sal miskyk, solank daar nie openlike geweld plaasvind nie.
Die Afrika Unie sê aanvanklike bevindings rakende die verkiesing in Zimbabwe is dat dit vreedsaam en vlot verloop het. Die leier van die AU-waarnemerspan en voormalige president van Nigerië – Olusegun Obasanjo – sê daar is geen rede waarom die verkiesing nie as geloofwaardig beskou kan word nie.
Kiesers het gister in groot getalle by stembusse regdeur die land opgedaag om hul kruisies te trek.
Die MDC in Zimbabwe het egter ‘n lang lys van ongerymdhede opgestel in dié land se parlementêre en presidentsverkiesing.
Die party beweer dat twee miljoen stembriewe met dieselfde strepieskodes as bestaande stembriewe gedruk is. Die party sê ook dat groot getalle kiesers weggewys word weens die chaotiese kieserslys.
Die MDC beweer dat vervalste registrasiekaarte gedruk is, dat stempunte in verkeerde wyke is en dat kiesers in plattelandse gebiede geïntimideer word. Die sekretaris-generaal van die MDC, Tendai Biti sê die party het Woensdag steeds nie toegang tot die jongste kieserslys gehad nie.
President Robert Mugabe sê die verkiesing in sy land is om vir vryheid en regverdigheid te stem. Mugabe het sy kruisie in Harare getrek, en dit duidelik gemaak dat hy vir homself gestem het.
Vroeër het die polisie in Zimbabwe bevestig dat hulle die diefstal van kieserslyste in die Midlands-provinsie ondersoek. ‘n Polisiewoordvoerder, Charity Charamba wou nie meer inligting gee oor die ondersoek nie, maar het gesê dat verdagtes binnekort in hegtenis geneem sal word.
Die MDC beweer dat Zanu PF besig is met ‘n verbete kuberstryd wat toegang tot kommunikasie platforms soos Whatsapp en SMS-boodskappe beperk.
Die Zimbabwiese Verkiesingskommissie het die verkiesing as vry en regverdig bestempel. Die voorsitter van die kommissie, Justice Rita Makarau het onderneem om berigte van ongerymdhede te ondersoek.
Die Zimbabwiese polisie het mense opnuut gewaarsku wat probeer om voortydig uitslae oor die verkiesing uit te lek, dat hulle in hegtenis geneem sal word.
‘n Woordvoerder vir die polisie, Charity Charamba sê enigeen wat die uitslae vooruitloop, voordat dit amptelik deur die Zimbabwiese Verkiesingskommissie aangekondig word, loop die risiko om in hegtenis geneem te word, en dit sluit in die bekendmaking via die internet of sms-boodskappe.
Die waarskuwing bemoeilik nou planne deur sommige burgerregte-groepe wat die uitslae so gou moontlik bekend wil maak.
Mugabe het vroeër gesê dat hy dit sal aanvaar indien hy verloor. – RSG
“Big Brother“Amerikasienaanlyn,sondertoestemming,feitlikallesvanalmal.Metdie programX-Keyscorebly daarweinigwatdaaropdieinternetgebeurwat vir dieAmerikaansegeheimediensverborge bly.
Dit blykuitnuweinligting wat dievoormaligemedewerkervandieAmerikaansegeheimediensNSA,EdwardSnowden,aandieBritsekoerantTheGuardian gelek het.
X-Keyscoreis‘nsoort‘Google‘ maardanvirspeurdersvandieAmerikaanse intelligensie.Metdie program kandatabases,e-pos,klets endiesoekenjin–geskiedenisvanfeitlikelke individuophierdie aarde deursoek word.
NSAhetgeenampteliketoestemmingvanowerhede nodigomdie programtegebruik nie.
In‘nvideo–onderhoudsê dienogsteeds voortvlugtigeSnowdendathy asNSA–medewerker ‘feitlik op almalaanlyn konspioeneer‘.
“Vanafmy lessenaarkonekalmalafluister,vanjoutotjyrekenmeesters,van‘n aanklaertotselfs diepresident,met slegs ‘n persoonlikee-posadres tot my beskikking,” sêSnowden.
Dieonthullingkomtesame met nog ‘n fluitjieblaser,BradleyManning, se verhoor wat tans voor ‘n krygsraadinMaryland uitspraak oor sy vonnis afwag.
Wat het oudpres. Nelson Mandela en die belydenis van Belhar met mekaar te doen? Absoluut niks nie, maar Media24 kon nie die versoeking weerstaan om hul ontkenning van Afrikaners se situasie vandeesweek nogmaals te ondersteep nie.
Die Media24-mens is bedrewe daarmee. As ‘n werknemer sy hele gesin byna uitwis, soos onlangs in Johannesburg gebeur het, dan plaas Beeld gou-gou ‘n berig waarin hulle ons verseker dat die moorde “haarfyn beplan” was. Iemand daar dínk regtig net nie. Asof ‘n mens wat tot so ‘n stap oorgaan in beheer van enige iets was!
Maar die oplettendes onder ons sal weet dat dit nou al die afgelope 20 jaar so gaan. Die mees onkundiges by ons dooieboommedia maak asof hulle heeltemal in beheer is: Oor ons sedes, ons skole, ons standaardtaal, ons kultuurinstellings en ons Afrikaners se lot.
Wat hulle natuurlik hoegenaamd nie is nie, maar om dit te erken, sou ‘n erkenning wees van FW de Klerk se fatale oorgawefout, dus moet lesers nou tot vervelens toe met dié belaglikheid saamleef wat byna in elke opiniestuk figureer.
Die ou NP en daarna NNP, het natuurlik teen 1994 enige geleentheid om ‘n eie nes te veer bo enige beginselsaak gestel. Dis al ou nuus. Argumente en klinkklare bewyse oor hoe Afrikaners se invloed grondig daardeur vernietig is, word gerieflik geïgnoreer, want om hul eie posisies te red, sal die Media24-mens – gewoonlik diegene wat kon voordeel trek uit die oorgawe – ontkennend bly reageer.
Maar om terug te keer tot die Belhar-ramkiekie (en die ou Buikspreker wat glo ewe opgewek waai as hy nie TV kyk in sy immer beterwordende toestand nie): Die onderwerp is al tot vervelens toe gespoel, en dis nie ter sake nie.
Wat wel ter sake is, is dat daar met elke harde klap voorgegee word dat Afrikaners aan die nuwe Suid-Afrika “deelneem”. Nie net ontbreek dit aan die nodige oorredingskrag nie, maar die geteem daaroor stem intelligente lesers tot nugterheid. Dis nie om dowe neute dat duisende lesers by die Facebook-groep om Naspers te boikot, aangesluit het nie.
Die voorwaardes van hierdie alewige “deelname” lei tot ‘n te groot prysgawe van invloed; dit lei tot selfvernietiging. Van die soort wat daardie Media24-werknemer met sy gesin en homself onlangs “beplan” het.
Die Suid-Afrikaanse swemmer Chad le Clos sê hy is ontspanne en vol vertroue voor vanaand se eindronde in die 200 meter vlinderslag by die Wêreld Swemkampioenskappe in Barcelona, Spanje.
Le Clos is een van drie Suid-Afrikaanse swemmers wat vanaand in eindrondes swem. Cameron van der Burgh en Giulio Zorzi het gekwalifiseer vir die eindronde van die 50 meter borsslag.
Le Clos en Van der Burgh is albei die gunstelinge om hulle eindrondes te wen, nadat hulle met die vinnigste tye gekwalifiseer het.
Van der Burgh het Maandag die silwermedalje in die 100 meter borsslag gewen.
TWEE16-jarigeseunsvan die HoërskoolBirchleigh, Kemptonparkis beroofdeur dieselfde groep mansinafsonderlike voorvalle‘nweekuitmekaar.
Dieeenseun se mahet gesêvier swart manshet haarseunen sy vriend,inSilverstraat kort na skoolop 18 Julie voorgekeer terwyl hulle te voet was.
Hulle het indie rigting vanBirchAcres gestap toe die swart mans uit ‘nkantstraat gekom het.Drie het bly staanen gestaarna hulle,terwyl een nahaar seun gestap het om kwansuis te vra hoe laat dit is.
Toe hydie derde keer vra, het hyna sy sak gereik na ‘n mesofgeweer, en haar seunhetsy selfoonaan hom oorhandig.
Diema het gesêdieswarte het haarseun se telefoon uitsy hand geraap.Hullehet niks gedoen aan sy vriend nie, netomgedraai enweggestap,terwyl hulle lag.
DievolgendeDonderdag 25 Julieop byna dieselfdeplek, het dieselfdemanshaar seunse vriend beroof, ookvansy selfoon.Dieseun het daardie dag alleen geloop.
MnrAndréGloy, hoof van dieHoërskoolBirchleigh,het gesê dat hullebynaop ‘n daagliksebasishoorvan skoolkinders wat vanhulselfoneberoof word.Hy waarskugereeldkinders oorhierdie tipegevaar. – looklocal.co.za
Suid-Afrika se werkloosheidskoers het in die tweede kwartaal van die jaar tot 25,6% gestyg, hoofsaaklik as gevolg van verlore poste in landbou en vervaardiging.
Daar was 122 000 méér mense teen einde Junie sonder werk as in die vorige drie maande, wat die aantal werkloses tans op 4,7 miljoen te staan bring.
Nog ‘n kommerwekkende styging is dat die aantal ontmoedigde werksoekers van die eerste tot die tweede kwartaal met 35 000 meer geword het.
In die eerste kwartaal (tot einde Maart) was die werkloosheidskoers 25,2%.
In vergelyking met verlede jaar het werkloosheid in die tweede kwartaal met 5,7% gegroei.
Daar is 18 000 poste in vervaardiging besnoei en 26 000 in landbou. Selfs in die sektor vir gemeenskaps- en maatskaplike dienste – wat die staatsdiens insluit – het 22 000 poste verloor.
Konstruksie het egter 62 000 poste geskep en handel 52 000. In die mynbou is 9 000 poste geskep en in vervoer 19 000.
Die Reserwebank meen ekonomiese groei vanjaar sal nie 2% haal nie – die stadigste sedert die 2009-resessie. Die land word ingeperk deur trae vraag uit Europa, terwyl inflasie plaaslik verbruikers se sak raak. Meer as 60% van die besteding in die ekonomie word deur verbruikers gedoen.
Die regering se teiken is dat 5 miljoen poste teen 2020 geskep word, maar dit sou ’n groeikoers van minstens 5% vereis. – Bloomberg
Absa verloor kliënte en sy aandeelwaarde lyk nie gesond nie. Dit het Dinsdag met 7% tot R141 verswak.
In die ses maande tot einde Junie het die getal transaksionele kliënte van 9,7 miljoen tot 9,4 miljoen afgeneem, terwyl ander Suid-Afrikaanse banke nuwe kliënte bygekry het.
Maria Ramos, uitvoerende hoof, sê die groei neem langer om as wat beplan is.
Die bank wat deel is van Barclays, sy moedermaatskappy, wil sy kliënteprodukte en -dienste verbeter, soos Absa vroeër vanjaar belowe het.
Die kleinhandelsbank se netto diensgeld en kommissie het in die ses maande met 1% tot R5,17 miljard gedaal, grootliks weens ’n afname in rekeninge.
Absa het in Junie sy “futuristiese” tak in Hyde Park, Johannesburg, bekend gestel. Dié tak is papierloos en kliënte hoef volgens Absa nie meer in lang rye te staan nie. Teen einde vanjaar sal 35 sulke takke geopen word, sê Ramos.
Die bank sal ook sy kitsbank-netwerk uitbrei en sy verhouding met Woolworths, Edcon en Pep Stores verbeter, sê sy.
Dinsdag was die laaste keer dat die bank as Absa resultate bekend maak, sê Ramos.
Absa en Barclays sal hul Afrika-sake voortaan saam bedryf.
Die kleinhandelbank sal in Suid-Afrika wel steeds onder die Absa-handelsnaam sake doen, maar die genoteerde Absa-groep sal van Vrydag af as Barclays Africa Group op die JSE begin verhandel.
Die skielike bedanking van Midvaal se burgemeester, mnr. Timothy Nast, was nie onverwags nie.
Mnr. Corrie Pypers, die Vryheidsfront Plus se raadslid vir Midvaal, sê volgens sy mening het Nast nie ‘n keuse gehad as om te bedank nie.
“In teenstelling met die uitbeelding van Nast as iemand wat Midvaal bo-gemiddeld goed bestuur het, het hy talle foute begaan wat daartoe gelei het dat die VF Plus deurlopend druk op hom geplaas het deur wanbestuur in die munisipaliteit bloot te lê,” sê Pypers.
Volgens Pypers was Nast onder meer instrumenteel in die hersonering van grond, wat aan familielede van hom behoort, langs die R59-snelweg. ‘n Hersoneringsaansoek, wat industriële regte insluit, is deur die burgemeesterskomitee onder sy voorsitterskap goedgekeur slegs tien dae voor die munisipale verkiesings in 2011
Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.
Nast was ook instrumenteel in die vervolging van die Meyerton-Gholfklub se bestuur. Dit het gelei tot regskostes van tienduisende rande vir die klub en die stadsraad.
Die grond van die gholfbaan behoort aan die raad en is gesamentlik bestuur deur die raad en die gholfklub sedert die klub se totstandkoming in die jare tagtig.
In ‘n vermoedelik persoonlike vete van Nast teen Pypers, is belastinggeld en amptenare van die raad glo misbruik. Nast, tesame met die raadslede en amptenare van die raad wat by hierdie vrugtelose stryd betrokke was, moet verantwoording doen vir hul optrede en die koste daaraan verbonde.
Die beginsel van wanbesteding van munisipale fondse was onlangs in die kollig met uitspraak in die saak rondom die Tlokwe-raad rakende die ANC-burgemeester wat nie sy kantoor na ‘n mosie van wantroue wou ontruim nie.
Me. Helen Zille, die leier van die Demokratiese Alliansie (DA), het onlangs moontlik lasterlike bewerings rakende Pypers en ‘n voormalige raadslid mnr. Kobus Hoffman op die DA se webwerf geplaas. Die inligting is vermoedelik deur mnr. Nast en sy voorganger Marti Wenger verskaf.
Die optrede van Zille het daartoe gelei dat Pypers en Hoffman‘n regseis vir laster van miljoene rande teen haar ingestel het.
Nast het na bewering nogtans voortgegaan om toe te sien dat raadslede en amptenare wat die waarheid rondom die vals bewerings ontbloot het, afgedank word.
Nast was volgens inligting ook betrokke by die naamsverandering van ‘n oorwegend Afrikaanse skool, en het met stappe begin om, soortgelyk soos ANC-beheerde munisipaliteite doen, die name van verskeie strate en plekke te verander.
Die vermoede bestaan daarom dat Nast binnekort by die ANC kan aansluit.
Verskeie ander sake met ernstige gevolge vir Nast en die DA, is tans sub judice en sal mettertyd bekend gemaak word. Om hierdie redes het Pypers twee maande gelede aangedring op die bedanking van Nast.
