Absa verloor kliënte en sy aandeelwaarde lyk nie gesond nie. Dit het Dinsdag met 7% tot R141 verswak.
In die ses maande tot einde Junie het die getal transaksionele kliënte van 9,7 miljoen tot 9,4 miljoen afgeneem, terwyl ander Suid-Afrikaanse banke nuwe kliënte bygekry het.
Maria Ramos, uitvoerende hoof, sê die groei neem langer om as wat beplan is.
Die bank wat deel is van Barclays, sy moedermaatskappy, wil sy kliënteprodukte en -dienste verbeter, soos Absa vroeër vanjaar belowe het.
Die kleinhandelsbank se netto diensgeld en kommissie het in die ses maande met 1% tot R5,17 miljard gedaal, grootliks weens ’n afname in rekeninge.
Absa het in Junie sy “futuristiese” tak in Hyde Park, Johannesburg, bekend gestel. Dié tak is papierloos en kliënte hoef volgens Absa nie meer in lang rye te staan nie. Teen einde vanjaar sal 35 sulke takke geopen word, sê Ramos.
Die bank sal ook sy kitsbank-netwerk uitbrei en sy verhouding met Woolworths, Edcon en Pep Stores verbeter, sê sy.
Dinsdag was die laaste keer dat die bank as Absa resultate bekend maak, sê Ramos.
Absa en Barclays sal hul Afrika-sake voortaan saam bedryf.
Die kleinhandelbank sal in Suid-Afrika wel steeds onder die Absa-handelsnaam sake doen, maar die genoteerde Absa-groep sal van Vrydag af as Barclays Africa Group op die JSE begin verhandel.
Mag hierdie spul ook maar vou – Gapsa het lankal sy Afrikaner wortels verguis.
ABSA het die grootste bydrae/wins tot Barclays gelewer maar die minste voordeel daar uit vir dien. Sy aandele het ook gesneuwel in die proses. Bravo Zulu in die lingua franca van ons seelui. Dit beteken bak gat!
Ek het hulle 5 jaar gelede vaarwel toegeroep, en is nie een dag spyt nie!
As ‘n bank soos ABSA weier om my in Afrikaans te bedien en boon-op ongesonde differensie be-oefen kan hy maar onder gaan. Ek voel geen pyn nie!
Absa en Barclays sal hul sake voortaan saam bedryf in Afrika. Strategies baie slim want Afrika se bevolking gaan binne afsienbare tyd die grootste mark word vir huishoudelike produkte soos voedsel. Vra maar vir Whity Basson van Shoprite/Checkers.
Wanneer gaan die bank die ‘reddingsboei’ wat die NP destyds gegooi het terug betaal?
Absa is ingesluk.
Dankie tog dat ons ‘n plaasvervanger geskep het.
Dan Roodt, instede van prosa oor Bekker, hou eerder aan met ABSA repliek … dit vreet deur elke blinde BEELD lesende Boer se voorkeer soos kanker … reg op in elke korrekte boetie se keelgat … tot dat sy aandele des moers toe tuimel.
Indien jy die voorblad haal op SA se geliefkooste dag blad, dan weet jy jy het die klokke laat lui tot in London of Loyds
danksy Ramos en power diens,is myne lankal geskuif
ABSA= Afrikaner Broederbond of South africa
‘n Bank kan ongelukkig nie ‘n politieke naprater wees nie en dit is wat ABSA probeer doen het – en dan nog ongelukkig, tot irritasie van dié deel van sy kliëntebasis wat sy grootste inkomstebron is, ‘n naprater van die ANC-regering.