Rusland – Bladsy 6 – praag.co.za

Twee ontploffings ruk Sirië na skietstakingsooreenkoms

Minstens 150 mense is dood in bomontploffings in twee Siriese stede.

Minstens 96 is na berig word dood in drie bomaanvalle Sondag naby ’n Sjiitiese heiligdom, Sayyida Zeinab, in Damaskus. Die profeet Mohammed se kleindogter is daar begrawe.

Enkele ure tevore is minstens 57 mense dood in ’n dubbele motorbomontploffing in Homs. Die Islamitiese Staat (IS) het verantwoordelikheid vir die aanvalle aanvaar.

Ondertussen werk Rusland en Amerika aan ’n skietstakingsooreenkoms.

Die Amerikaanse minister van buitelandse sake, John Kerry, het gesê ’n voorlopige ooreenkoms is bereik, maar die bloedvergieting op die grond het toegeneem.

Die amptelike Siriese nuusagentskap, Sana, het ’n polisiebron aangehaal wat sê 178 mense, insluitend kinders, is onder die gewondes.

Die beplande skietstilstand in Sirië sal glo op 27 Februarie om middernag in werking tree.

Rusland en die VSA sê in ‘n verklaring dat die skietstilstand nié die Islamitiese Staat en die al-Nusra Front, wat bande met al-Kaïda het, insluit nie.

Wêreldmagte het op 12 Februarie ingestem tot ‘n wapenstilstand binne ‘n week, maar die spertyd is nie bereik nie en onsekerheid heers tans oor die jongste aankondiging.

Meer as 250 000 Siriese burgers het gesterf sedert die konflik in Maart 2011 begin het toe Amerikaans-gesteunde magte die land binnegeval het.

Intussen het waarnemers hul kommer uitgespreek omdat ISIS na Libië uitgewyk het.

Russiese premier sê Navo wil nuwe Koue Oorlog hê

Die Russiese premier, Dmitri Medwedef, het Saterdag gesê ‘n nuwe Koue Oorlog met die VSA en dié se bondgenote dreig.

Dit was ‘n bedekte hou in die rigting van die VSA wat steeds ‘n oplossing in Sirië bemoeilik.

Hy sê die spanning duur voort vanweë die konflik in Oekraïne, Rusland se ondersteuning van die Siriese regering en wat hy noem ‘n onvriendelike Navo-beleid teenoor Rusland.

Medwedef het ‘n veiligheidskonferensie in München in Duitsland toegespreek. Hy het Navo en die Europese Unie ook gekritiseer vir hul betrokkenheid in Oos-Europa in weerwil van beloftes tot die teendeel.

Die sekretaris-generaal van Navo, Jens Stoltenberg sê Rusland, die Verenigde State en ander nasies moet voortgaan om te fokus op hul doelwitte in Sirië.

Die VSA sal glo Awacs-vliegtuie stuur omdat enige direkte ingryping op die grond heeltemal uitgesluit is, sê waarnemers.

Die sterk moontlikheid bestaan dat die VSA “gematigde rebelle” dus slegs indirek sal ondersteun dmv ‘n Arabiese invalsmag om Sirië te probeer verdeel in ‘n oostelike sowel as ‘n westelike deel.

Só ‘n stap sal Turkye en Saoedi-Arabië dwing om alleen verantwoordelikheid vir hul troepe in Sirië te aanvaar, sonder direkte Amerikaanse ingryping.

Stoltenberg het gesê bomaanvalle teen opposisiegroepe in Sirië wat die regering tot ‘n val wil bring, moet tot ‘n einde kom en ‘n ooreenkoms bereik word.

Stoltenberg het by die Veiligheidskonferensie in München teruggeval op die supermoontheid-retoriek van die vorige eeu, en gesê Rusland gebruik sy kernarsenaal om Europa te intimideer.

Rusland, Europa en die VSA sê hulle poog om ’n einde aan die Siriese konflik te bring, die spanning in die ooste van die Oekraïne te verlig en saam te werk om Europese ekonomiese sanksies teen Rusland te lig.

“Maar Navo se politieke houding teenoor Rusland bly maar onvriendelik en geslote,” het Medwedef in sy toespraak gesê. “Ek kan dit nie sterker stel nie: Ons is nou in die era van ’n nuwe Koue Oorlog.”

Jens Stoltenberg, sekretaris-generaal van Navo, het in sy toespraak gesê die Russiese president, Wladimir Poetin, moet ophou om lande wat aan sy land grens met sy kernwapens te dreig, maar nie kommentaar gelewer op die feit dat die VSA wapens en troepe mobiliseer dmv Navo nie.

Die VSA het reeds elke belofte om Navo nie uit te brei na voormalige Warskou-verdraglande nie, gebreek.

In Genève het Rusland en die Verenigde State egter vroeër ooreengekom dat enige skietstilstand nie jihadiste en hul bondgenote sal insluit nie, in ‘n poging om Siriese opposisiegroepe wat hulself nie wil losmaak van al-Qaeda en ISIS nie, as wettige teikens te maak.

Siriese vredesonderhandelinge tydelik gestaak

Die Verenigide Nasies (VN) se afvaardiging na Sirië het aangekondig dat die vresamesprekings in Genève, Switserland, tydelik gestaak word.

Dit sal glo later vandeesmaand hervat word.

Te midde ’n toename in die felheid van gevegte in dié land, is Rusland besig om Westerse ISIS-jihadiste op die slagveld te verdryf.

Die suksesvolle Russiese lugveldtog is tans besig om die gang van die onderhandelinge te bepaal, iets wat die VSA tot dusver wou vermy.

Steffan de Mistura van die VN het ná ’n vergadering met opposisieleiers aan joernaliste gesê “dit is nie die einde nie and dit beteken nie die samesprekings het misluk nie”.

Hy sê beide kante stel belang “om die politieke proses aan die gang te kry” en dat hy 25 Februarie as datum vir hervatting van die vredesamesprekings gekies het.

Die aankondiging kom slegs twee dae nadat De Mistura vir die eerste keer in twee jaar met die hervatting van die samesprekings begin het.

Dis daarop gemik om ’n einde te bring aan die vyf jaar lange oorlog waarin 250 000 mense gesterf het en tot die ontheemding van 11 miljoen mense gelei het.

Siriese weermag neem belangrike jihad-bastion oor

Die Siriese weermag die laaste belangrike dorp onder jihadistiese rebellebeheer in die Latakia-provinsie, ’n bastion van pres. Bashar al-Assad, ingeneem.

Die staatsmedia het ’n weermagbron aangehaal wat gesê het Siriese gewapende magte, in samewerking met milisie, het beheer van die dorp Rabia geneem.

Die dorp was sedert 2012 onder beheer van ’n reeks rebellegroepe insluitende die Siriese Turke asook die al-Kaïda geaffilieerde Al-Nusra Front.

Volgens waarnemers het Rabia geval, nadat die weermag ’n verbete aanslag van stapel gestuur en die dorp omsingel het.

Senior Russiese militêre offisiere het die Siriërs bygestaan in die aanval en Russiese vegvliegtuie het na wat verneem word, ’n “kritiese rol” in die gevegte gespeel.

Met die val van Rabia het regeringsmagte ’n belangrike rebelle-toevoerroete deur die Turkse grens in die noorde afgesny.

Die val van Rabia kom nadat regeringsmagte die dorp Salma op 12 Januarie ingeneem het, ná maande se militêre operasies, waar rebelle sedert 2012 in beheer was.

Russiese vegvliegtuie het Saterdag die dorp Khasham ná aan die stad Deir al-Zor, onder bomme gesteek om van die jihadiste ontslae te raak.

Twee ander dorpe is in die voorafgaande 48 geteiken.

Russiese vegvliegtuie het die lugveldtog in Deir al-Zor onderneem waar Siriese regeringsmagte met die Islamitiese Staat (ISIS) wat die provinsie beheer, in gevegte betrokke is.

ISIS beset die stad sedert verlede Maart en het die afgelope weke ’n hernude aanslag teen gebiede van die stad wat nog in regeringshande is, van stapel gestuur.

Vegvliegtuie het ook ISIS se de facto hoofstad, Raqqa, die afgelope naweek geteiken.

Karel Combrinck: Sondebokke

Onlangs is een en ander gesê oor sondebokke. Dit het spesifiek gegaan oor linksliberales, verloopte Afrikaners ingesluit, wat ‘n sondebok probeer soek vir die mislukking van hulle in-sonde-gebore rommelrepubliek en die skuld daavoor te probeer plaas voor die deur van Jacob Zuma. Lesers mag gesien het dat die New York Times, daardie orakel van linksliberalisme, nou ook tot die koor toegetree het met onder meer twee uiters kritiese inleidingsartikels oor Zuma die afgelope twee weke. Die gedagte dat Jacob Zuma soveel verskil kan maak, al is dit in ‘n negatiewe rigting, sou hom waarskynlik tot eer strek.

Die begrip sondebok is so oud soos die mensdom self. So word daar in die Ou Testament melding gemaak van ‘n sondebok op wie die volk sy skulde kon projekteer ten einde hulleself weer witter te kon was as sneeu. Daardie sondebok was aanvanklik natuurlik letterlik ‘n dier, maar met verloop van tyd was sondebokke meesal mense en het die begrip «sondebok» dus die metaforiese betekenis gekry van ‘n mens op wie ander hulle skuld kon pak.

Dit lyk asof daar êrens, diep in die psige van die mens ‘n soort oerbehoefte skuil om sy skuld op iets of iemand anders af te laai.

Die voorbeeld by uitstek van ‘n sondebok was natuurlik Christus self wat aan ‘n kruis gespyker is op aandrang van ‘n histeriese, skreeuende, baarduitrukkende, klereskeurende en as-op-die-hoof-strooiende horde . Soos die aangrypende gedig van Elizabeth Eybers lui wat Praag in sy onlange kersboodskap aangehaal het :

Het jy kon dink, eenmaal sou jy
die hele wêreldskande dra ?

Met hierdie sondebok was die verskil net dat hy homself as offer gebring het en nie iet sof iemand anders nie.

Die vroeë Christene is deur die Romeinse keiser, Nero, die skuld gegee vir die afbrand van Rome waarvoor hy hulle, as straf, voor die voet uitgeroei het. Gedurende die Middeleeue was dit hoofsaaklik sg. «hekse» wat geblameer is as dit nie reën nie, of wanneer oeste misluk, of wanneer ‘n kind in die dorp aan ‘n onbekende oorsaak sterf. In daardie dae was so te sê alle oorsake van sterftes onbekend, sodat «hekse» lustig verbrand en verdrink is.

Die groot sondebokke van die twintigste eeu was sekerlik die Nazi’s asook enigiemand wat deur die linksdekadentes as die Nazi’s se nakomelinge uitgemaak is. Die kommuniste van die Sowjetunie het aan hierdie sondebokstatus ontsnap as beloning daarvoor dat hulle die stryd teen die Nazi’s gevoer het aan die kant van die «Geallieerdes». Vir die grootste gedeelte van die bestaan van die Sowjetunie was akademici, intellektuele en ander linksgesindes, perverses en nuttige idiote in die Weste getroue ondersteuners van die Sowjet-styl-kommunisme en dis eers met die val van die Sowjetunie in die negentigs dat hulle skielik van mening verander het.

Maar dan die ander sondebok van die twintigste eeu: apartheid. Wat het die linkse gepeupel tog veel vreugde gehad aan hierdie «inkarnasie van absolute boosheid» waaraan hulle hul eie morele meerderwaardigheid kon meet. Soos die skrywer Christopher Hitchens (aangegaal deur leon Lemmer in sy artikel oor Moeder Teresa) dit stel : «The most hateful dictatorship of the twentieth century is the vile system of Apartheid in South Africa.» En noudat apartheid iets van die verlede is, nou teer hulle nog steeds op die halfafgeknaagde gebeentes van «onregverdighede uit die verlede» om hulle linkse ideologie ‘n bietjie lyf te gee. Sonder die skrikbeelde van nazisme en apartheid het die linkses moeite om hulleself te identifiseer of selfs die gevoel te kry dat hulle darem bestaan.

Die linkses en hulle nuttige-imbesielmeelopers, die fladderende engeltjies, soek dus nou weer naarstiglik na ‘n nuwe sondebok. Al die ou staatmakers van die verlede is uitgespeel: Hitler se nazisme, Mussolini en genl. Franco se fascisme, Pinochet van Chile en Salazar van Portugal en dr Verwoerd se apartheid en so ook Saddam Hoesein en Moeammar Ghaddafi. En nou is Bachar Al-Assad aan die beurt, maar Al-Assad het Rusland agter hom en dit is ‘n dikkerige kers om af te byt. Die hoofteiken bly nietemin Rusland. Hoe graag sou die Amerikaners en hulle handlangers tog nie van Wladimir Poetin en Rusland ook ‘n sondebok wou maak nie. Dis net dat hulle nou nie juis ‘n lekker argument kry om dit te regverdig nie. Rusland is nie ‘n diktatuur nie en het ‘n demokraties verkose regering. Hulle kan natuurlik Rusland se betrokkendheid in die Krim en in die Oekraïene gebruik maar dis nie heeltemal genoeg om van Rusland ‘n muishond te kan maak nie en trouens is die Russe se ingryping in die hierdie gebiede hoofsaaklik ‘n reaksie op die Amerikaanse program om missielstelsels op Rusland se grense op te rig.

Die jongste is dat hulle Rusland nou begin beskuldig daarvan dat hulle lugaanvalle in Sirië gerig is teen die burgerlike bevolking wat Bachar Al-Assad opponeer. Ons sal maar sien hoe ver kom hulle daarmee.

Maar die Russe het die afgelope tyd ‘n kragtige televisiesender, nl. Russia Today wat die ander kant van die saak stel en dit moeiliker maak vir die linkses om na willekeur oor hulle te lieg. ‘n Kommunikasie-instrument soos dié, is wat ons in die apartheidsdae kortgekom het. (Kyk gerus Russia Today op www.rt.com. Baie interessant.)

Die ware vyand van nasionalisme en volksidentiteit is Amerika en hulle klakkelose napraters aan die universiteite en in die media, waaronder die ou natbroekkrieketbrosjure, DieBurger, en die res van Natpers, die nuttigste idioot van almal. Die Amerikaners is wel begaan oor hulle eie nasionale identiteit. Hulle gun dit net nie aan ander ook nie, want dit staan in die weg van die uitbreiding van die Amerikaanse wêreldimperium. Was dit nie einste Amerika nie wat ten gunste was van die skepping van die Europese Unie en wat nou druk uitoefen om Turkye ook toegelaat te kry, nie om die Europese volkere te versterk nie, maar om hulle te verswak. Die sukses van die strategie kan gemeet word aan die mate waarin die Europese leiers en regerings vandag willoos agter die Amerikaners aanslof, veral wat betref die veldtog teen Rusland. Die nuttige idiote van die verlede was dié wat uit naïwitieit en verwronge humanisme meelopers van die Sowjetkommunisme was. Vandag is hulle dié wat om dieselfde redes Amerika se ambisies ter wille is.

Sonder sondebokke is die linksliberales eenvoudig spookasems . Hulle het weinig substansieels by te dra, benewens ‘n paar afgesaagde humanistiese slagspreuke en dan ook die beledigings waarop hulle enigeen trakteer wat nie met hulle saamstem nie. As daar nie werklik ‘n ideologie van betekenis is waarteenoor hulle kan reageer nie, soos nou, ontstaan aan daardie kant ‘n lugleegte wat onvermydelik deur iets of iemand gevul sal word. Volgens alle aanduidings is regsgesinde nasionaliste en patriotte in Europa vinnig besig om die vakuum te vul. Kyk maar die berig op 3 Januarie dat Geert Wilders nou vir die derde keer die mees gewilde politikus in Nederland is. En dan die moontlikheid van Donald Trump in die Withuis en Marine Le Pen in die Elysée-paleis in 2017. Die linkses moet dus maar net ‘n bietje geduld gebruik. Die nuwe sondebokke is in aantog. Kom ons gaan die Nuwe Jaar met hierdie bemoedigende vooruitsig tegemoet.

Problemen met bewijzen MH17

De betrouwbaarheid van bewijsmateriaal in het MH17-onderzoek is in het geding door de duistere rol van de Oekraïense geheime dienst SBU bij corruptie en misdaadschandalen.

Strafrechtdeskundigen voorspellen problemen voor het toekomstige strafproces tegen de massamoordenaars van de MH17-passagiers, nu blijkt dat er met de inlichtingendienst die allerlei bewijsmateriaal leverde van alles loos is. Het CDA gaat daar vandaag Kamervragen over stellen.

„Er is veel ruis en dat speelt straks gegarandeerd mee bij de strafzaak”, zegt hoogleraar strafrecht Theo de Roos. „Dat geldt voor de verdediging, maar ook voor de rechters die uitermate kritisch naar bewijzen zullen kijken. Het Openbaar Ministerie dient daar niet op te wachten, maar nu al extra onderzoek te verrichten naar de integriteit van de bewijzen.”

De SBU leverde de afgeluisterde telefoongesprekken tussen pro-Russische rebellen in het oorlogsgebied, vlak voor en nadat de Malaysia Airlines Boeing uit de lucht werd geschoten. De veiligheidsdienst had verder een dikke vinger in de pap bij het veiligstellen van stoffelijke overschotten, wrakstukken en raketdelen in het rampgebied.

Maar dezelfde SBU duikt ook op in tal van misdaadaffaires. Meerdere informanten in het schandaal van de weg geroofde schilderijen uit het Westfries Museum in Hoorn wijzen het in juni ontslagen SBU-hoofd Valentyn Nalyvaichenko aan als brein achter de roofkunsthandel. De naam van de vroegere SBU-chef werd vorig jaar al in verband gebracht met grootschalige door de Finse politie ontdekte antieksmokkel.

Ook in het onderzoek tegen de Limburgse politiemol Mark M. lopen er lijnen naar de SBU. Justitie Oost-Brabant deed onlangs rechtshulpverzoek aan Kiev. Volgens opsporingsbronnen hield M. zich in Oekraïne op in een netwerk van ’gangsters en leden van de geheime dienst.’ Alleen deze zomer verdwenen in Oekraïne al 22 SBU-spionnen achter de tralies vanwege corruptie en criminele praktijken.

Het CDA noemt de SBU-schandalen een groot risico voor het strafrechtelijk onderzoek in de MH17-zaak en wil tekst en uitleg van verantwoordelijk minister Van der Steur.

„Er is al weinig bewijsmateriaal”, zegt Tweede Kamerlid Omtzigt. „Wat er wel is, is licht tot zwaar gecompromitteerd. Het bewijsmateriaal werd veel te laat in het gebied opgehaald en blijkt ook nog verzameld door lieden die niet deugen.”

Het CDA wil weten waarom satelliet- en radargegevens van Oekraïners, Russen en Amerikanen in het onderzoek ontbreken. „Verder blijkt nog steeds niet te zijn gepraat met de Oekraïense luchtverkeersleiding.” Volgens het OM verloopt de samenwerking met de Oekraïense onderzoekers ’goed’ en wordt al het aangeleverde bewijs ’kritisch getoetst’.

Hoogleraar internationaal strafrecht Geert-Jan Knoops vindt echter ook dat meer onderzoek naar de betrouwbaarheid nodig is. „Het OM heeft de plicht elk scenario dat met bewijsmateriaal is geknoeid uit te sluiten. Dat houdt in dat nu al nauwgezet bekeken moet worden hoe de SBU bijvoorbeeld de afgeluisterde telefoongesprekken heeft geselecteerd en wie er bij die selectie van de taps betrokken waren.”

Bron: De Telegraaf

SA se kernplanne glo reeds goedgekeur

Die dagblad Business Day het Maandag berig dat die kabinet verlede Woensdag in die geheim die kernkragplanne goedgekeur het.

Suid-Afrika beplan om tussen 6 en 8 kernkragreaktors van 9 600 MW op te rig teen ‘n geraamde koste van tussen R500 miljard en R1 000 miljard wat sowat ‘n kwart van die land se krag teen 2030 sal voorsien.

Die DA het sy kommer uitgespreek dat die Parlement gesystap is in die besluit om voort te gaan met ‘n kernkragprogram.

Die minister van Finansies, Pravin Gordhan het Maandag egter by ‘n mediakonferensie belowe dat die regering met fiskale omsigtigheid te werk sal gaan in die tenderproses.

Hy het gesê dat daar ‘n formele verkrygingsproses sal wees.

Die DA-woordvoerder, Gordon Mackay sê die besluit is kommerwekkend in die lig van die ekonomiese nagevolge van die afdanking van Nhlanhla Nene as minister van Finansies.

Mackay sê gegewe die omvang van die projek moes die kwessie in die Parlement bespreek word.

Gordhan wou nie nadere besonderhede oor die kerntender gee nie en dit wil voorkom asof besluite steeds in die geheim geneem sal word.

Daar is glo nog geen uitsluitsel oor die ligging van die sentrales nie.

Die DA vrees dat die Russiese Rosatom voorkeur kry sonder dat daar duidelike tenderspesifikasies bekend is.

In September 2014 het Tina Joemat-Pettersson, minister van energie, ‘n ooreenkoms in Wene met Rosatom onderteken wat Rosatom toestemming gee om te tender.

Die regering het daarna aangekondig dat ‘n onderneming onderteken is om agt kernreaktors op te rig, maar weens kritiek teruggekrabbel en gesê daar sal ‘n tenderproses wees.

“Die tesourie het volgens ons inligting reeds ‘n koste-ontleding gedoen en bevind die program is onbekostigbaar, maar hulle is aangesê dié bevinding is polities onaanvaarbaar en dat hul model herontwerp moet word,” sê Mackay.

Die tesourie wou glo nie die kostebepaling amptelik bekendmaak nie om die kabinet te keer om met die tenderproses te begin.

Dit is klaarblyklik hoekom Nene afgedank is.

Turkse premier prys Facebook-stigter Zuckerberg

Die Turkse president Erdogan het Donderdag die stigter van Facebook, Mark Zuckerberg geprys vir die klem wat Zuckerberg plaas op die verskil tussen Islam en terreur.

Hy het ‘n boodskap aan die miljardêr gestuur ter ondersteuning omdat hy Moslems teen diskriminasie beskerm.

Erdogan, wat voorheen gedreig het om Facebook te verbied in sy land, het sy amptelike webwerf gebruik om te reageer op Zuckerberg, in Turks sowel as in Engels.

“Ek het baie waardering vir Mark Zuckerberg se boodskap wat die groot verskil tussen Islam en terrorisme uitwys, aangesien hierdie twee konsepte dikwels in dieselfde asem genoem word deesdae,” het hy geskryf.

“Islam is ‘n godsdiens van vrede.”

Erdogan is onlangs deur die Russiese president daarvan beskuldig dat hy direk meewerk om ISIS, die Islamitiese staat, te befonds.

Die ondersteunende boodskap kom net dae nadat die Republikeinse presidensiële kandidaat Donald Trump internasionale verontwaardiging uitgelok het deur ‘n verbod te vra op Moslems wat reis na die Verenigde State van Amerika.

Erdogan, wat in Augustus herverkies is as Turkye se premier nadat hy reeds vir meer as ‘n dekade aan bewind was, het voorheen geen geheim van sy minagting vir sosiale media gemaak nie.

Die regering het Twitter en YouTube dae voor Maart 2014 se plaaslike verkiesings geblokkeer nadat nuus van ‘n beweerde korrupsieskandaal versprei is.

Maar die Turkse leier wat glo Ottomaans in skole wil inbring, het sy standpunte effens versag in die afgelope tyd.

Ottomaans, terloops, is Turks wat in Arabiese skrif geskryf word, anders as Turks wat vandag mbv ‘n Westerse alfabet geskryf word.

Sy amptelike Facebook-bladsy plaas deesdae gereeld sy toesprake en verklarings.

Cosatu waarsku David van Rooyen oor kerntransaksie

Cosatu het Donderdag die nuwe minister van finansies, David van Rooyen, gemaan dat hy nie behoort voort te gaan met die staat se beplande kernkragtransaksie nie.

Die Franse Areva-kerntender vir Eskom is pas deur ‘n appèlhof ter syde gestel.

Volgende maand sal die reuse kernkragtender aan die Russe, onder aanvoering van Tina Joemat-Pettersson, die minister van energie, beslis word.

Joemat-Pettersson sê die tender moet reeds voor die begin van die volgende finansiële jaar in April aan die suksesvolle bieër toegeken word.

Die vorige minister van finansies Nene was gekant teen die beplande tender en het in ‘n onderhoud gesê die regering se plan om 9,600MW van kernkragkapasiteit te bekom, sal eers goedkeur word as dit bekostigbaar is.

Ontleders meen Nene is in die pad gesteek oor sy besware. Die waarde van die kernkragtransaksie sal na verwagting tussen R650 miljard en R1000 miljard wees.

Kommer heers in sekere kringe oor die kernkragplanne wat deur die presidensie ondersteun word, omdat dit reuse geopolitieke implikasies het.

Gordon Mackay, die DA se woordvoerder oor energie, het Donderdag gesê Zuma se besluit om ontslae te raak van Nene hou direk verband met Nene se teenstand teen die kernkragplanne.

Die tesouriedokument waarin die finansieringsmodel vervat is, is steeds geklassifiseer sodat die portefeuljekomitee oor energie nog nie insae daarin gehad het nie.

Die kernkragkontrak wat Suid-Afrika met Rusland wil sluit, sal glo mbv ‘n leningskema gefinansier word.

Alhoewel die SAL-kontrak van R6 miljard voorgehou word as die rede waarom Zuma van Nene ontslae geraak het, meen ontleders dat die kernkontrak die werklike rede is.

In ANC-besprekingsdokumente voor sy nasionale algemene raadsvergadering het die party verklaar dat ‘n deursigtige bekostigbaarheidstudie oor kernkrag gedoen behoort te word.

Wat duidelik is, is egter dat sulke besluite weens politieke oorwegings geneem sal word.

Spanning tussen Rusland, Turkye

Russiese Su-34 bomwerpers, sal voortaan addisioneel toegerus word met lug-tot-lug missiele, het Igor Klimof, woordvoerder vir die Russiese Lugmag gesê.

“Die vliegtuie is toegerus met missiele vir verdedigingsdoeleindes,” het hy gesê.

Turkye se departement van buitelandse sake het sy burgers aangeraai om ook nie na Rusland te reis nie, nadat die Russe alle toeristebedrywighede na Turkye opgeskort het.

Dit is die jongste verwikkeling in die groeiende spanning tussen die twee lande nadat ’n Russiese bomwerper verlede week deur Turkye in Sirië neergeskiet is.

Turkye, wat tans deel is van NAVO, was eers ‘n Russiese bondgenoot.

Turkye het Saterdag in ’n verklaring gesê weens die probleme wat Turkse besoekers en permanente inwoners in Rusland ervaar, word mense aangeraai om hul reise na die land uit te stel.

Dit blyk dat die Russe vertrou het op ‘n vroeëre ooreenkoms wat hulle bereik het met die VSA in Oktober om die beweging van hul onderskeie lugmagte te koördineer oor Sirië.

Aangesien die VSA ‘n anti-ISIS-koalisie lei waarvan Turkye deel is, het die Russe aanvaar dat hierdie ooreenkoms wat die Turkse lugmag onder beheer van die VSA plaas, deur Amerika gerig sal word.

Israel, wat nie ‘n lid van die anti-ISIS-koalisie is nie, het ‘n aparte bilaterale ooreenkoms met Rusland gesluit om die twee lande onderskeie lugmagbedrywighede te koördineer.

In ‘n onlangse ontmoeting met Wladimir Poetin, het die Israeliese eerste minister Netanyahu verwys na hierdie ooreenkoms en gesê dat dit “goed werk”, met verwysing na Turkye se aggressie teen Rusland.

Daarmee het Israel te kenne gegee dat Turkye op aanbeveling van die VSA gehandel het met die afskiet van die Russiese tuig.

Die Russiese president het ook gesê dat Amerika weinig doen om die oliehandel waarmee ISIS miljoene dollar verdien, te ontwrig en dat hul sogenaamde aanvalle op ISIS ‘n siniese poging is om hul bate te beskerm.

‘n Voormalige Amerikaanse bevelvoerder van spesiale magte, Mike Flynn, wat ook gedien het as direkteur van die verdedigingsintelligensie-agentskap, die DIA, het aan Der Spiegel bevestig dat ISIS ‘n skepping van die VSA is. “Ons het strategies opgeruk in die verkeerde rigting.”

Die VSA het vroeër probeer voorgee dat hulle ook ISIS-teikens bombardeer, maar het lugfoto’s van Russiese aanvalle gebruik.

Russiese lugaanvalle teen ISIS in Sirië het die laaste paar weke toegeneem.

Ben Rhodes, die VSA se adjunk-raadgewer oor nasionale veiligheid, het verslaggewers Maandag ingelig dat klimaatsverandering ‘n “ewe groot bedreiging” is as terreur deur ISIS.

Intussen het die Britse regering kaarte van die Russiese lugaanvalle van ‘n week gelede aan die VSA oorhandig om te kla dat die Russe konsentreer op hul bates.

Die meeste Russiese lugaanvalle was toe gemik op gebiede waar Amerikaans-ondersteunde “gematigde rebelle” poog om regime-verandering teweeg te bring en die Siriese president, Bashar Assad, te ontsetel.

Volgens die kaarte is Raqqah – ‘n ISIS-nes – Dayr az Zawr en gebiede oos van Aleppo geteiken.

Rusland ontken dat daar “gematigde” terroriste bestaan.

Met sy besoek aan Rusland het die Franse premier Francois Hollande by Rusland gepleit om nie Britse en Amerikaanse bates te vernietig in die lugaanvalle nie.

Rusland het ‘n vliegspersone oor Sirië ingestel na die Turkse aanval.

Franse leier na Moskou om front teen ISIS te bou

Frankryk het die voortou geneem op die globale politieke toneel met President Francois Hollande se besoek aan Moskou Donderdag.

Sy gesprek met die Russiese president Vladimir Poetin kan lei tot nuwe verwikkelinge in die streek nadat die twee ooreengekom het om terroriste se olie-inkomste te teiken.

Hollande wil konsensus bou teen ISIS in beide Sirië en Irak, na aanleiding van die terreuraanvalle in Parys op 13 November wat 130 mense se dood gekos het en honderde beseer het.

As sodanig, is sy ontmoeting met Poetin Donderdag ‘n belangrike stap in die rigting van ‘n verdraagsame beleid teenoor Rusland.

Wetgewers van Duitsland se regerende partye het die week vergader om te bespreek hoe Berlyn bystand aan Frankryk in die stryd teen die Islamitiese Staat kan verleen.

Dit volg insgelyks na die dodelike terreuraanvalle in Parys.

Hollande, het Woensdag Duitsland se hulp gevra toe kanselier Angela Merkel hom in die Franse hoofstad besoek het. Sy het toe onderneem om “spoedig” op die versoek te reageer.

Lede van die Duitse Bundestag se konserwatiewe blok en diegene van die sentraal-linkse Sosiaal Demokrate is genooi om ‘n vergadering by te woon om die aangeleentheid te bespreek.

Die Franse en Duitse leiers het elk ook ‘n pienk roos by die ander huldeblyke vir die slagoffers van die Parysaanvalle in die Place de la Republique geplaas.

Hollande het ook met die Italiaanse eerste minister, Matteo Renzi, in Parys vergader voordat hy na Moskou gevlieg het.

Sy veldtog word aan bande gelê deur die uitval tussen Rusland en Turkye oor die Russiese vegvliegtuig wat vroeër die week afgeskiet is.

Ontleders meen dat Turkye met Washington se goedkeuring die Russiese tuig afgeskiet het nadat hulle die Russe in ‘n lokval gelei het. CNN het intussen na ISIS-terroriste in hul nuusberigte begin verwys as “amptenare van die Islamitiese Staat”.

Die Turkse president Erdogan en sy gesin baat glo uit die inkomste van gesteelde olie wat hulle by ISIS teen ‘n afslag koop.

Volgens berigte is ‘n Israeliese kolonel Yusi Oulen Shahak glo ontmasker as deel van ISIS.

Frankryk het hom beroep op ‘n resolusie wat bepaal dat lidlande van die Europese Unie (EU) militêre bystand aan Frankryk moet verleen ná die aanvalle in Parys op 13 November toe 130 mense dood is in ‘n golf aanvalle waarvoor ISIS aanspreeklikheid aanvaar het.

Hollande het egter volgehou dat die verkose Siriese president geen rol moet speel in ‘n “oorgang” nie, en dat Rusland as spreekbuis vir Siriese belange moet optree.

Duitsland het vandag ingestem om militêre hulp te verleen aan Frankryk met ondersteuning vir ‘n uitgebreide lugveldtog teen die “moorddadige bende” na die Franse president se besoek.

Deelname sal insluit dat tussen vier en ses Tornado-verkenningsvliegtuie toegerus met spesiale infrarooikameras wat vyandige posisies sal kan opspoor, gestuur word sowel as ‘n fregat om die Charles de Gaulle, die Franse vliegdekskip in die Middellandse See, te beskerm.

Duitsland sal ook hervullingsvliegtuie vir Franse tuie beskikmaar maak, het Henning Otte, verdedigingswoordvoerder vir die Duitse kanselier Angela Merkel se Christen-Demokratiese Unie, aan joernaliste gesê.

Rusland het met die ontmoeting die Turks-Amerikaanse plan om ‘n vliegspergebied oor Sirië aan te kondig, gekelder.

Oorlewende Russiese vlieënier ontken Turkse bewerings

Die oorlewende bemanningslid van ‘n Russiese vegvliegtuig wat deur Turkye neergeskiet is, sê hulle het geen waarskuwing van die Turkse lugmag ontvang nie, waarskynlik omdat hulle nooit binne die Turkse lugruim gevlieg nie, het Reuters berig.

Turkse F16-vegvliegtuie het Dinsdag naby die Siriese grens die Russiese vliegtuig afgeskiet. Volgens Turkye het die Russiese vliegtuig Turkse lugruim geskend.

Kapt. Konstantin Murakhtin (39), medevlieënier is deur Russiese en Siriese spesiale magte gered nadat hy die smeulende tuig per valskerm kon ontsnap.

ISIS-terroriste het die vlieënier wat ook per valskerm uitgeskiet is, lt.kol. Oleg Peshkov, in die lug doodgeskiet en daarna sy lyk onteer.

“Daar was geen waarskuwing nie, nie oor die radio of visueel nie. Daar was geen kontak nie,” het Murakhtin gesê.

“As hulle ons wou waarsku, kon hulle hulself gewys het deur ‘n paralelle koers te vlieg. Daar was niks.

“Die missiel het skielik die stert van ons vliegtuig getref. Ons het dit nie betyds gesien om ‘n teenmissiel-maneuver te doen nie,” het hy gesê.

Turkye sê die vliegtuig is glo “10 keer” gewaarsku om sy koers te verander. Turkye se bewerings, wat in ‘n amptelike verklaring aan die VN gerig is, het egter wenkbroue laat lig weens die ongeloofwaardigheid daarvan.

Volgens die Turke se verduideliking moes die supersoniese Russiese vliegtuig teen stolspoed deur die Turkse lugruim beweeg het, wat onmoontlik is.

Die Russe ontken dat hulle oor Turkse gebied gevlieg het.

“Ek kon perfek op die kaart en op die grond sien waar die grens was en waar ons (in Sirië) was. Daar was geen bedreiging dat ons Turkye sou betree nie,” het Murakhtin gesê.

Woedende Poetin veroordeel Turkse ‘rugstekers’

President Wladimir Poetin het Turkye “rugstekers” genoem nadat Turkye ‘n Russiese vegvliegtuig in Sirië neergeskiet het.

‘n Sigbaar woedende Poetin het gesê dit is ook verbasend dat Turkye daarna nie met Rusland wou skakel oor die voorval nie, maar dadelik NAVO genader het oor ‘n “krisis” asof dit Rusland was wat ‘n vegvliegtuig van ‘n vriendelike bondgenoot afgeskiet het.

Turkye is ‘n lid van NAVO. Finland en Australië het egter voorheen na die Turkse president Erdogan as ‘n “diktator” verwys.

Een vlieënier is dood en terroriste het die tweede vlieënier gevange geneem. Die Associated Press het Dinsdag berig dat die een Russiese vlieënier doodgeskiet is voordat hy met ’n valskerm in Sirië geland het.

Die Russiese vlieënier se lyk is deur ‘n opgewonde horde wat daarop toegesak het, afgeneem en die gru-getuienis is dadelik op YouTube geplaas. Die horde om die man se bebloede lyk jil voortdurend “Allah is groot” in die film.

Terroriste wat pres. Bashar al-Assad se bewind wil omverwerp, het glo ook ‘n Russiese hulphelikopter aangeval met ‘n Amerikaanse TOW anti-tenkmissiel, maar die geredigeerde beeldmateriaal kon nie bevestig word as outentiek nie.

Intussen het die Noord-Atlantiese Verdragsorganisasie (NAVO) ’n noodvergadering belê vir Dinsdagmiddag in Brussel om Turkye se vyandigheid te bespreek.

Turkye gee tans noodsaaklike ondersteuning aan diegene wat verantwoordelik was vir die slagting in Parys.

Daar is dus waarskynlik net een rede waarom Turkye die Russiese vegvliegtuig afgeskiet het: Pure frustrasie met die Russiese ondersteuning vir Assad en die Russe se sukses om ISIS af te takel.

Turkye het ook die eerste geleentheid om die situasie te eskaleer benut, in die hoop dat NAVO gemobiliseer kan word teen Rusland.

Skermgrepe van ‘n video wys die vegvliegtuig in vlamme waar dit in ‘n bergagtige gebied in die noorde van Sirië neergestort het en twee valskerms wat oopmaak.

Die Dogan-nuusagentskap het berig dat die vliegtuig aan die Siriese kant van die grens neergestort het, en dat die twee vlieëniers daarin kon slaag om met valskerms uit te skiet.

Rusland se ministerie van verdediging sê dit is nie duidelik waar presies die twee vlieëniers hulle tans bevind nie. Hulle het geen kontak met die twee nie.

Die Amerikaanse departement van verdediging glo die Russiese Su-24 bomwerper is afgeskiet binne die Siriese lugruim, het Reuters berig.

“Die Verenigde State is van mening dat die Russiese vegvliegtuig wat afgeskiet is deur Turkye Dinsdag, getref is binne die Siriese lugruim na ‘n kort deurvlug deur die Turkse lugruim,” het die amptenaar gesê op voorwaarde van anonimiteit.

Volgens die bron, is die assessering gegrond “op opsporing wat die hittebeeld van die vliegtuig volg”.

Beeldmateriaal wat deur die Anadolu-nuusagentskap uitgereik is, wys hoe die twee vlieëniers met valskerms grond toe daal.

Dit word deur Europese waarnemers as onwaarskynlik beskou dat die Turke sal slaag met hul plan om ‘n NAVO-aanval teen Rusland te bewerkstellig, anders as om karakters soos Senator John McCain, Pole of die Baltiese state, se openlike goedkeuring te kry.

NAVO sukkel om sy bestaan in Europa te regverdig nadat die Warskouverdragslande ontbind het, en probeer voortdurend twis saai.

Die Amerikaanse president, Barack Obama, het intussen “Turkye se reg verdedig om sy lugruim te beskerm” en daarmee sy teenkanting teen internasionale terreur onder verdenking geplaas.

Hy het by ‘n gesamentlike nuuskonferensie met die Franse President, François Hollande, in Washington herhaal dat daar “gematigde” terroriste is wat ‘n burgeroorlog in Sirië dryf met buitelandse steun.

Obama sê Rusland moet mede-verantwoordelikheid vir die voorval aanvaar.

Hy sê die Russe vlieg baie naby aan die Turkse grens en val “opposisiegroepe” aan wat nie net deur Turkye nie, maar ook ander lande gesteun word.

Die VSA probeer steeds voorgee dat daar ander groepe in Sirië is wat gekant is teen Assad, maar dit is reeds bekend dat ISIS die enigste “opposisie” verteenwoordig.

Turkye sorg dat die olie wat ISIS in Sirië steel, op die internasionale mark verkoop word. Met dié inkomste, het ISIS tot ‘n gedugte internasionale terreurorganisasie gevorder wat onlangs ‘n Russiese passasiersvliegtuig afgeskiet het, asook ‘n massaslagting in Parys gereël het.

Poetin het lugfoto’s van die ongehinderde ISIS-oliekonvooie by die pasafgelope G20-beraad vertoon en gesê lede van die G-20 steun internasionale terreur.

Ses Russe eerste doodgeskiet in Mali-aanval

‘n Moslemgroep verbonde aan Al-Kaïda het aanspreeklikheid vir Vrydag se terroriste-aanval op ’n hotel in die hoofstad van Mali aanvaar.

Altesaam 19 mense, van wie die meeste buitelanders was, is in die voorval dood. Gerugte doen die ronde dat 27 lyke getel is. Minstens twee van die aanvallers is doodgeskiet.

Die twee name wat die owerhede vrygestel het, het laat blyk dat die aanvallers van Mali was, maar dit kon nie bevestig word nie.

Minstens 170 mense was in die hotel tuis toe die aanvallers Vrydagoggend daar ingestorm het.

Ses Russe, drie Chinese, twee Belge, ’n Amerikaner, ’n Israeli, ’n Senegalees en ’n lid van Mali se spesiale magte was onder die slagoffers.

Die owerhede is op soek na minstens drie mense wat met die aanval verbind word. ‘n Gas in die hotel het gehoor hoe die aanvallers Engels praat.

Die Russiese owerhede het intussen ‘n klag van moord teen die aanvallers geopen. Al ses Russe het vir die Volga-Dnepr-lugdiens gewerk. Russiese wetstoepassers sal oorlewendes ondervra oor die voorval.

Die Russe is glo heel eerste doodgeskiet.

Al Mourabitoun, wat aan Al-Kaïda verbonde is en in die woestyn in die noorde van die land gevestig is, het in ’n Twitter-boodskap aanspreeklikheid vir die aanval aanvaar.

Dié voormalige Franse kolonie is al jare in ’n stryd met Islamitiese rebelle gewikkel.

Die regering van Mali het ’n noodtoestand verklaar ná die dodelike nege-uur lange gyselaarkrisis Vrydag in die Radisson Blu-hotel, presies ’n week ná die aanvalle in Parys.

Die Al-Murabitoun groep, ’n Al-Kaïda-filiaal, gelei deur die berugte een-oog Algeriese militant, Mokhtar Belmokhtar, wat die bynaam die “onvangbare” of “Mr Marlboro” het, het verantwoordelikheid vir die aanval aanvaar.

Ongeveer 10 gewapende mans het Vrydag in die vroeë oggendure die hotel beset en in die gange geskiet waarna 170 hotelgaste en personeel gyselaar geneem is.

Die aanval is beëindig toe Malinese en 40 Franse spesmagoperateurs die hotel om 3:00 bestorm het. Mali se president, Ibrahim Boubacar Keita, het bevestig dat buitelanders die hotel ontset het.

Die spesiale magte het ook glo twee Amerikaanse soldate ingesluit. Hulle het ‘n dramatiese reddingspoging, van vloer na vloer, uitgevoer en die besetting ná nege ure beëindig. Twee Franse soldate is beseer in die operasie.

Keita het in ’n televisie-boodskap gesê “terreur sal nie seëvier nie”. Hy het die hotel Saterdag besoek.

“Nêrens in die wêreld is enige iemand veilig van hierdie barbare uit ’n ander era nie. Hierdie aanvallers het besluit van weg te breek van die mensdom,” het hy gesê.

Mali het drie dae van nasionale rou afgekondig.