praag.co.za

Tag: jihad

  • VK: Inset oor ‘progressiewe’ Moslem-vroue verwyder na gas se hatergeskiedenis opduik

    VK: Inset oor ‘progressiewe’ Moslem-vroue verwyder na gas se hatergeskiedenis opduik

    Die Verenigde Koninkryk se openbare uitsaaier Channel4 News het ‘n program aangebied deur verslaggewer Assed Baig waarin Moslemvroue “terugveg deur stereotipes te verwerp”. Die inset het Nadia Chan geprys, wat ook ekstremistiese menings huldig.

    Die verlinkse Channel4 het die kort dokumentêr aangebied waarin ‘n vrou met ‘n geskiedenis van gewelddadige, rassistiese en godsdienstige ekstremistiese retoriek aanlyn as voorbeeld van ‘n Moslem-rolmodel deelgeneem het. Die vrou het haarself in die verslag voorgestel deur te sê: “My naam is Nadia Chan en ek het ‘n meestersgraad in Regte. Ek beskryf myself as ‘n anti-koloniale Islamiet.”

    Kykers wat na Chan se aanlyngeskiedenis gekyk het ná die uitsending verlede Donderdag, het ‘n Twitter-rekening gevul met rassistiese aanmerkings teen wittes en gemengde-rasse, en ondersteuning vir terrorisme ontdek.

    Channel4 het intussen die verslag en video van sy webwerf verwyder asook twiets wat die program adverteer. ‘n Woordvoerder het gesê: “Verlede Donderdag, het Channel 4 News ‘n verslag uitgesaai kyk na die rol van Moslem vroue in die Britse samelewing. Na aanleiding van aanhitsende kommentaar wat aanlyn gemaak is deur een van die vroue wat in die vooraf-opgeneemde onderhoud verskyn het, het ons besluit om die stuk te verwyder terwyl ons verder ondersoek instel.”

    Maar terwyl hulle nog “ondersoek instel” het sosiale media-gebruikers dit alreeds gedoen.

    Chan beskryf die Iere as “parasiete” en vra vir gewelddadige militansie teen die Britse regering en blankes. Sy het ook Moslems aangemoedig om “gewapende verset van die Islamitiese Jihad” te ondersteun op die Islamitiese staats-TV.

    Chan se tweets wissel van openlike vyandigheid jeens blankes, rassistiese aanhalings deur Robert Mugabe, en oproepe tot geweld teen die polisie. “Die enigste wit man wat jy kan vertrou, is ‘n dooie witman,” het sy geskryf, en Mugabe aangehaal.

    “Ons benodig harde militantes, hulle [wittes] probeer ons doodmaak en hulle word dapperder. Hierdie stinkerds [“honkies” ‘n rassistiese term] sal meer doodmaak, tensy hulle gestop word,” het sy geskryf. Sy beskryf witmense as “parasiete” en “grotmense” in verskeie twiets, omdat sy blykbaar glo dat die Europeërs die uitvinding van seep van Moslems ontvang het. “Eintlik Moslems (90 persent Pakistan is Moslem) was hulself 5 keer per dag, in teenstelling met julle vieslike wit grot parasiete, het moslims vir jou seep gebring onthou.”

    Sy het haar afkeer uitgespreek vir gemengde-ras-mense met een Europese ouer met opmerkings soos “[jou] mamma is wit ew [walglik] lol,” en “My meegevoel met julle witmense, maar hou altyd PAKISTANIS uit jou m*****f*****. ‘Moenie jou bek rek nie!’”

    Channel4 het vinnig die twiet uitgevee na die 6-minute dokumentêr wat verontwaardiging van die publiek uitgelok het.

    Die verslaggewer Assig Baig, wat Chan uitgenooi het, was vroeër berispe omdat hy Moslems as “Uncle Toms” uitgeskel het vir die bywoning van onthale wat deur die Britse regering gereël word. Die ondersoekende joernalis Baig het matige Moslems aangeval met rasse-beledigings, insluitend “huismoslems”, en selfs beweer dat Britse Moslems wat sulke Islamitiese geleenthede bygewoon het, te gehoorsaam is aan blankes.

    Baig het ook Britse soldate aangeval. “Hulle is nie my seuns of ‘ons’ seuns nie … Sedert wanneer het ons begin om betaalde soldate te prys, met Kevlar-beskerming, lugondersteuning, swaar masjiengewere, gepantserde voertuie en tenks as helde?”

    Die Britse regering het kommer uitgespreek oor “haatspraak” van konserwatiewes, maar die Britse openbarediens-uitsaaier was duidelik nie bekommerd oor Chan se uitnodiging nie. En nog belangriker, waarom word sy nie van haatmisdade aangekla nie?

  • Anti-rassistiese Groene word Stockholm-terroris se vyfde slagoffer

    Anti-rassistiese Groene word Stockholm-terroris se vyfde slagoffer

    Die 66-jarige Sweedse onderwyseres van die omgewingsparty wat “Ons hou van verskille” op Facebook “gehou-van” het – ‘n slagspreuk wat deur multikulturele ondersteuners gebruik word – en ook ‘n foto opgelaai om diegene wat grensbeheer wil hê belaglik te maak net een dag voor die terreuraanval in Stockholm, het die terroriste se vyfde slagoffer geword.

    Marie Kide (66) het die vyfde slagoffer van die terroriste van Stockholm geword, nadat sy aan haar beserings beswyk het terwyl sy nog in die hospitaal was. Kide was ‘n verkose politikus in die stadsraad van Trollhättan vir die Groen Party.

    Die oop grense wat Swede se Groenparty-lede so graag wil sien, het haar haar lewe gekos. Kide was self ‘n voorstander van meer immigrasie na Swede en die transformasie van die land na ‘n multikulturele samelewing.

    Haar laaste pos op Facebook was van die dag voor die terroriste-aanval in Sentraal-Stockholm op 7 April. Dit is ‘n satiriese tekening wat deur die kunstenaar Wisti gemaak is, waar hy mense uitbeeld wat strenger kontroles vir grense vra, belaglik maak omdat hulle gemotiveer word deur vrees dat hulle nie meer luukse kombuis toerusting sal kan bekostig nie.

    Kide se laaste FB-pos lui: As ons ons grens nie nou sluit nie, kan ons eindig in ‘n situasie waar ons nie meer hierdie Per Moberg-snybord vir 400 euro kan bekostig nie.

    Die terreuraanval in die winkelstraat Drottninggatan in Stockholm het vier mense ter plaatse vermoor en 15 ander beseer. Een van die slagoffers was ‘n elfjarige meisie wat op pad huis toe was van skool. Omdat sy gehoorgestremd was, het die kind nie vragmotor hoor aankom nie.

    Kort ná die voorval het die polisie Rakhmat Akilov, 39, gearresteer, die bestuurder van die voertuig wat die voetgangers net soos in Nice, Frankryk, afgemaai het. Akilov kom uit Oesbekistan en was onwettig in Swede en was dus reeds deur die polisie gesoek. Die polisie het egter nie hulpbronne om die ongeveer 10 000 onwettige vreemdelinge van die land te soek nie.

    Daar is ook ‘n gebrek aan politieke wil in Swede om die immigrasie-probleem die hoof te bied. Die Sweedse Groen Party se nalatenskap tot dusver was die bekendstelling van gratis gesondheidsorg en gratis skoolopleiding vir onwettige vreemdelinge wat in Swede wegkruip omdat hulle nie verblyfpermitte het nie.

  • Birmingham se gevaarlike uitvoerproduk: Jihad

    Die stad Birmingham in die westelike Middeland van Engeland, is die tweede mees bevolkte stad in die Verenigde Koninkryk en die agtste grootste in Europa, maar huisves ook Brittanje se gevaarlikste uitvoerproduk.

    Die voormalige sentrum van die Industriële Revolusie, spog met ‘n groot en groeiende Moslem-bevolking. Vyf van Birmingham se kiesafdelings het die hoogste vlakke van radikalisering en terrorisme in die land, en dit het ongelukkig ‘n uitvoerproduk geword.

    Prominente militantes wat deur die stad se ondergrondse netwerke gekom het, sluit in Abdelhamid Abaaoud, organiseerder van die aanvalle van Parys in 2015, en Mohamed Abrini, ‘n Belgiese staatsburger wat gehelp het om die aanvalle in 2016 in Brussel van stapel te stuur.

    David Videcette, ‘n voormalige senior teenterrorisme-amptenaar, het gesê Birmingham het selfs ‘n beter gevestigde ekstremistiese netwerk as Londen. “Dit is ‘n besigheid vir hulle,” het hy gesê. “As ons terrorisme sê, is mense geneig om te dink dit gaan oor godsdiens. Dit is nie so nie. Dit gaan altyd oor geld.”

    Hierdie jaar, in Februarie, het die Franse joernalis Rachida Samouri die stad besoek en berig oor haar bevindings in die Franse dagblad Le Figaro.

    In Birmingham à l’heure islamiste [Birmingham in die greep van die Islam] veroordeel Samouri die Islamitiese enklawe. “Birmingham is erger as Molenbeek,” het ‘n Franse kommentator opgemerk in antwoord op Samouri se verslag. Die Guardian het Molenbeek in België beskryf “as Europa se jihadi-sentrum”.

    Moslemvroue in die Engelse stad wat met Samouri gepraat het, het Frankryk as ‘n “diktatorskap” op grond van godsdienstige vryheid veroordeel. Hulle het gesê hulle beskou godsdiensvryheid en die skeiding van kerk en staat as “‘n verskoning vir die aanval op Moslems”. Hulle het ook gesê dat die Verenigde Koninkryk hul voorkeurland is, omdat hulle toegelaat word daar om ‘n volle sluier te dra.

    In ‘n verslag van 1000 bladsye “Islamitiese Terrorisme: Ontleding van Misdrywe en Aanvalle in die Verenigde Koninkryk (1998-2015),” geskryf deur die Hannah Stuart vir Brittanje se Henry Jackson Society, word Birmingham herhaaldelik aangewys as Brittanje se voorste bron van terrorisme en hierdie terroristeplaag word na die res van die vasteland uitgevoer, nie net die Verenigde Koninkryk nie.

    In die Small Heath area, waar byna 95 persent van die bevolking Moslem is, is baardmanne en vroue wat volle Islamitiese kostuums dra, oorvloedig, markstalletjies sluit vir daaglikse gebed en die winkels vertoon slegs Islamitiese klere en godsdienstige boeke.

    ‘n Tiener van Franse herkoms verduidelik hoe sy pa Birmingham bó Frankryk verkies, want ‘n mens kan die sluier sonder enige probleem dra en ‘n mens kan skole vind waar seuns en meisies nie meng nie. Birmingham “is ‘n bietjie soos ‘n Moslemland. Ons is onder ons, ons meng nie”.

    Die Birmingham Mail-koerant het selfs gekla dat die stad die onderskeid van “Terror Central” het. Nazir Afzal, die voormalige hoofaanklaer van Noordwes-Engeland, het aan die New York Times gesê: “Die ekstremistiese denkskole lyk meer ingebed in Birmingham as in ander dele van die land.”

    Maar ten spyte van die Franse voorbeeld van meer integrasie in die sekulêre Franse samelewing, is jihadiese aanvalle in Frankryk onder die ergste in die geskiedenis. Daar word bereken dat die land sowat 751 spergebiede het, wat sogenaamde “zones urbaines sensibles” genoem word, plekke waar uiterste geweld plaasvind terwyl wetstoepassers, brandweermanne en ander openbare agente nie durf waag om in te gaan nie uit vrees vir meer geweld.

    Die Noorse historikus en kenner op Moslem-enklave, Fjordman, verduidelik hoe die Britte die Moslem-gebiede ignoreer as ‘n gevaar van ander lande:

    “As jy sê dat daar ‘n paar gebiede is waar selfs die polisie bang is om te gaan, waar die land se normale sekulêre wette skaars van toepassing is, is dit onbetwisbaar dat sulke gebiede nou in verskeie Wes-Europese lande bestaan. Frankryk is een van die moeilikste voorbeelde: Dit het ‘n groot bevolking van Arabiese en Afrika-immigrante, waaronder miljoene Moslems. Daar is nie sulke gebiede in die Verenigde Koninkryk nie, beslis nie op daardie vlak nie. Daar is Moslem-enklaves in verskeie stede waar ‘n nie-Moslem nie welkom mag wees nie; plekke wat soos Pakistan of Bangladesj en nie Engeland nie, lyk. Maar nie een van hierdie plekke is ‘n spergebied in die Franse, Duitse of Sweedse sin nie – plekke waar die polisie, ambulanse en brandweer aangeval word as hulle binnekom, en waar die enigste manier om (byvoorbeeld ‘n vuur te veg) is onder gewapende begeleiding.”

    Omar Bakri Muhammed, wat mede-stigter van die Britse Islamitiese organisasie al-Muhajiroun is, het in ‘n televisie-onderhoud in 2013 erken dat hy en mede-stigter Anjem Choudary Westerse jihadiste gestuur het na verskeie ander lande.

    Birmingham as ‘n geheel, met 234 000 Moslems, het 39 veroordeelde terroriste opgelewer. Die grootste enkele aantal veroordeelde terroriste, 117, kom egter van ‘n “geïntegreerde” Londen af.

    Pakistanse en Bangladesjse immigrante en hul kinders is die meeste bestand teen integrasie binne die Britse samelewing. In sulke gemeenskappe praat baie van hulle vroue nie Engels nie en sê hulle verkies Islamitiese Sharia-wet bo Britse wette. In 2014 het Moslem-radikale saamgesweer om fundamentalistiese Salafi-leerstellings en -praktyke in ‘n verskeidenheid van Birmingham-skole in te voer.

    Die voormalige Britse teenterrorismehoof, Peter Clarke, het in sy Julie 2014-verslag gesê: “Daar is gekoördineerde, doelbewuste en volgehoue ​​aksie, uitgevoer deur ‘n aantal geassosieerde individue, om ‘n onverdraagsame en aggressiewe Islamitiese etos in ‘n paar skole in Birmingham in te stel. Dit is behaal in ‘n aantal skole deur invloed oor die beheerliggame te verkry, simpatieke hoofonderwysers of senior personeellede aan te stel, soortgelyke persone in sleutelposisies aan te stel en om hoofonderwysers te verwyder.”

    Sir Michael Wilshaw, die hoofinspekteur van haar Majesteit, het in ‘n brief aan die Staatssekretaris vir Onderwys, op 8 Julie 2016 verklaar dat die situasie “broos bly”.

    Birmingham het die grootste aantal vroue wat nie in Engels praat nie, sowel as die grootste aantal moskees, 161 in die Verenigde Koninkryk. Meer as een opname het getoon dat die jonger geslagte Moslems selfs meer fundamentalisties is as hul ouers en grootouers, wat direk uit Moslemlande geëmigreer het.

    Die jonger geslagte is in Brittanje gebore, maar fundamentalistiese predikers besoek die Britse Moslem-enklaves vrylik, gee lesing in moskees, Islamitiese sentrums en by jeugorganisasies.

    Teen die begin van die eeu, in 2000, het die premier van Bangladesj, Sheikh Hasina, aan die Los Angeles Times vertel hoe die land hulle hordes mense gaan huisves, die verwagte verdubbeling van sy Moslem-bevolking teen 2050. Sy het geantwoord: “Ons sal hulle na Amerika stuur. Globalisering sal die probleem wegneem, aangesien jy alle produksiefaktore, ook arbeid, oopstel. Daar sal vrye verkeer wees, van land tot land. Globalisering in sy suiwerste vorm moet nie grense hê nie, so klein lande met groot bevolkings moet bevolking kan stuur na lande met groot grense en kleinbevolkings.”

  • Sweedse terreuraanval: Jihadis het kinders aspris probeer raakry

    Sweedse terreuraanval: Jihadis het kinders aspris probeer raakry

    Die Sweedse media het die identiteit van die man van Uzbekistan bekend gemaak wat na bewering Vrydag ‘n groep voetgangers in Stockholm doodgery het.

    Uzbekistan se bevolking is bykans 90 persent Moslem. Die res is Ortodoks.

    Rakhmat Akilov is volgens berigte ‘n Moslem-konstruksiewerker en pa van twee wat die owerhede ontduik het om te keer dat hy gedeporteer word.

    Hy het na bewering ‘n vragmotor met ‘n vrag bier gesteel en in ‘n besige straat vol voetgangers gejaag voordat hy in ‘n winkel vasgery het. Vier mense is dood en vyftien is beseer.

    Volgens ooggetuies het die terroris opsetlik kruis en dwars oor die pad geswenk om spesifiek kinders raak te ry. Die elfjarige dogtertjie wat doodgery is, was doof en het nie die vragmotor hoor aankom nie, het Sweedse media berig.

    Die Sweedse vrou by wie die Moslem gewoon het, het aan die media gesê sy het nie geweet hy is ‘n jihadis nie, want “hy het gedrink”. Sy het blykbaar niks van sy ideologiese jihadisme geweet nie.

    Die Noorweegse polisie het intussen in Oslo ‘n toestel, soortgelyk aan ‘n bom, in die middestad gekry. Die BBC berig ‘n gekontrolleeerde ontploffing is toe uitgevoer.

    ‘n Verdagte is ook in hegtenis geneem. Die land se veiligheidspolisie het die ondersoek oorgeneem. Geen besonderhede oor die verdagte is bekendgemaak nie.

    Die polisie in Oslo en in ander Noordweegse stede het Vrydag begin om wapens te dra in reaksie op ‘n beweerde terreuraanval in Swede toe ‘n vragmotor tussen mense ingery het. Vier mense is dood en 15 is beseer.

    Verskeie verdagtes is reeds in hegtenis geneem ná die vragmotor-aanval, maar die Sweedse polisie is besonder versigtig om nie Islam as die rede vir die aanval uit te sonder nie.

    In Egipte het die president Abdul Fattah al-Sisi ‘n noodtoestand vir drie maande afgekondig nadat meer as 40 Christene dood is in twee bomaanvalle by Koptiese kerke.

    Die eerste bom het in die St. George-kerk in die stad Tanta ontplof en die tweede aanval was buite die Koptiese katedraal in Alexandrië.

    Die weermag sal ontplooi word om die polisie by te staan om noodsaaklike infrastruktuur te bewaak. Die Islamitiese Staat het vroeër aanspreeklikheid vir die aanvalle aanvaar.

  • Net na linkse idiote Trump uitlag, slaan Swede aan die brand

    Net na linkse idiote Trump uitlag, slaan Swede aan die brand

    ‘n Spul totaal nuttelose glanspersoonlikhede wat op die hoofstroommedia teer vir aandag en linkse Sweedse politici het ‘n dag of twee tog te lekker gelag vir President Trump omdat hy maatskaplike probleme rakende immigrante in Swede uitgewys het. Hulle beweer daar bestaan nie so iets nie.

    Maar intussen het Dagbladet en Expressen berig dat onluste uitgebreek het in die immigrantenes van Stockholm se voorstad Rinkeby. Die voorstad se bynaam is “Klein Mogadisjoe” as gevolg van die aantal Somaliërs wat daar woon.

    Sweedse polisie moes waarskuwingskote afvuur toe honderde wetstoepassers met klippe bestook het en motors aan die brand gesteek het na skares nie-blankes in die middel van Rinkeby bymekaargekom het vir “georganiseerde aanvalle“.

    In baie sulke gemeenskappe is daar vyf keer meer seuns as dogters, sê Tove Lifvendahl. In Junie 2010 was Rinkeby die toneel van onluste en aanvalle op die plaaslike polisiekantoor. Lede van die nuusspan van ’60 minutes’ is aangeval in 2016.

    Swede sukkel om groot getalle Moslems te integreer, maar maak asof dit nie die geval is nie. Volgens ‘n AP verslag, van 24 Januarie, is ‘n Al-Kaïda-groep besig met werwing onder Somaliese jeugdiges wat in Rinkeby woon. Dit is ook na bewering die sentrum van die werwingspogings van al-Sjabaab, ‘n groep met bande met Al-Kaïda.

    Dit gebeur binne Sweedse regeringsprogramme. Svenska Dagbladet, het berig oor hoe sommige amptelike skemas geïnfiltreer is deur jihadiste.

    In Göteborg is ‘n Britse seun vermoor deur ‘n granaataanval, wat ‘n paar illusies oor Swede begrawe het. Verlede week se moord op agt-jarige Yuusuf Warsame van Birmingham, wat by familie gekuier het, was veral skokkend. Hy was ‘n slagoffer van die Somaliese bendeoorlog wat daar woed. Verlede jaar is ‘n vier-jarige meisie vermoor deur ‘n motorbom buite Göteborg.

    “Vandag is die bende-omgewing – goed, ek wil nie presies dit die Wilde Weste noem nie, maar iets in daardie rigting,” sê Amir Rostami, ‘n kenner van Sweedse georganiseerde misdaad by Stockholm Universiteit.

    Dagbladet beskryf die situasie tydens die onluste die naweek as ernstig. “Dit lyk soos ‘n oorlogsone hier”, het hy gesê.

    Vryskutfotograaf Janne Akesson was op die terrein van die onluste Maandagaand en vroeg Dinsdag. “Hulle gooi klippe na die polisie en die polisie moes waarskuwingskote skiet. Ek het weggekom toe dit op sy ergste was” het hy aan Dagbladet vertel.

    “Ek weet nie hoeveel betrokke nie, maar daar sal in elk geval ‘n paar mense wees,” sê Lars Bystrom, woordvoerder by die polisie in Stockholm. Hy het onbedoeld aan Expressen TV erken dat die toestand buite beheer is en dat wetstoepassers dit nie eens binne die gebied waag nie.

    Volgens inligting in die Sweedse media, is versoeke om versterkings uit Sollentuna en Brännkyrka ontvang, maar die polisie se nooddienste kon nie toegang verkry nie.

  • Broer en suster terreurverdagtes voor

    Broer en suster terreurverdagtes voor

    Twee terreurverdagtes, broer en suster Ebrahim en Fatima Patel (foto, regs in gewaad sonder haar broer), sal na verwagting vandag in die Kagiso-landdroshof verskyn.

    Hulle staan ​​tereg op aanklagte ingevolge die Wet op Plofstowwe en Vuurwapenbeheer na ‘n skokgranaat en 21 koeëls na bewering in hul huis gevind is.

    Hulle is in hegtenis geneem tydens klopjagte in Azaadville, aan die Wes-Rand, op 9 Julie.

    Hulle is aanvanklik borgtog geweier. Na hul prokureur, Yousha Tayob, ‘n dringende aansoek voor die hooggeregshof in Johannesburg vir hul vrylating geloods het, is hulle op borgtog van R5000 elk vrygelaat.

    Hulle het bande met die Islamitiese terreurgroep (ISIS) en het na bewering beplan om bomme by die Amerikaanse ambassade en Joodse instellings in Suid-Afrika te plant.

    ‘n Tweeling, Sallahoeddin (Brandon-Lee) en Jakeen (Tony-Lee) Thulsie is in hegtenis geneem tydens dieselfde klopjag.

    Hulle is in hegtenis geneem op drie aanklagte van die oortreding van die Beskerming van Konstitusionele Demokrasie en Terroriste-en verwante Aktiwiteite.

    Die Tulsies sal in aanhouding bly totdat hul borgaansoeke op 11 Oktober aangehoor word.

  • Is ‘geestesongesteldheid’ die nuwe dekmantel vir terreur?

    Is ‘geestesongesteldheid’ die nuwe dekmantel vir terreur?

    Is “geestesongesteldheid” die nuwe dekmantel waaronder djihadistiese aanvalle op die Weste geregverdig word?

    Dit lyk beslis só.

    Die jongste “geestelik onstabiele” jong man om ‘n oënskynlik arbitrêre aanval op ongewapende burgerlikes te loods was Zakaria Bulhan, ‘n 19-jarige Somaliese Moslem (foto bo).

    Hy het op die ouderdom van 5 in Noorweë aangekom en was glo ‘n “geïntegreerde” lid van die samelewing. Bulhan het ‘n Amerikaanse vrou in Londen met ‘n mes doodgesteek Woensdag in ‘n besige park gevul met toeriste.

    Daarna het hy nog vyf ander beseer in die steekaanval voordat hy in hegtenis geneem is.

    Owerhede het djihadterreur weer eens toegeskryf aan geestesongesteldheid soos by reeds verskeie sulke geleenthede.

    In die Verenigde State van Amerika is soortgelyke aanvalle in Orlando, San Bernardino en Chattanooga uitgevoer en het die polisie eers weke of selfs maande daarna erken dit was terreur, wanneer mense nie meer aandag skenk aan die voorvalle nie.

    Die polisie trek dan stilletjies hul vorige verklarings terug en erken dit was ‘n terroriste-aanval.

    In Nice is die man wat in die skare van veral kinders ingejaag het, ook as ‘n mal mens beskryf, maar “boos” en “fanaties” sou meer gepas gewees het.

    In die geval van die Chattanooga-aanval het dit die FBI vyf maande geneem om te besluit dat Mohammed Youssef Abdulazeez inderdaad ‘n djihadis was en nie net ‘n “geestelik versteurde” jong man wat skielik, sommer uit die bloute, vyf ongewapende Amerikaanse dienspligtiges vermoor het nie.

    Owerhede moet hulself liewer begin vra waarom so baie geestelike siek mense Islamitiese geweld omhels. En wat gaan Obama en Europese leiers doen omtrent hierdie vreemde epidemie van geestesongesteldheid onder Moslems?

    Die Noorweegse Somaliër het byvoorbeeld ‘n diep belangstelling in Islamitiese teologie gehad, het die Independent berig.

    Tog bly die Britse polisie verbaas dat die aanvalle iets met Islam te make kan hê. Hulle sê hulle gaan voort met ‘n “ondersoek oor die motiewe” vir die aanval.

    Scotland Yard se eerste impuls Woensdag was om te sê die naamlose aanvaller is “geestelik onstabiel”, ‘n storie wat wyd berig is oor die hele Europa en op elke groot TV-netwerk in die Verenigde State van Amerika.

    Dit neem klaarblyklik baie langer om terreurmotiewe te ondersoek wat reg onder hul neuse lê, as ingewikkelde geestesversteurings.

    Dit terwyl die 64-jarige Diane Horton doodgebloei het in Londen se Russell Square en die ander beseerdes, ‘n Amerikaanse man, Australiese man en vrou, en twee Britte, die niksvermoedende slagoffers was.

    Teen die tyd dat die Britse owerhede Bulhan se naam Vrydag vrygestel het saam met die feit dat hy ‘n Moslem is, was die media-aandag weer afgelei deur ander onderwerpe van belang, soos die opening van die Olimpiese Spele en Donald Trump se nuutste “veldtogfout”.

    En nie net was Bulhan ‘n Moslem nie, maar ‘n “toegewyde” een, volgens sy beste vriende, wat hom vir sewe jaar al geken het.

    Een het aan die Daily Mail gesê hy geen bewyse van geestesongesteldheid by Bulhan ooit opgemerk nie.

    Dylan Roof, wat swart Amerikaners in ‘n kerk in Charleston in die VSA afgemaai het, was egter volgens owerhede nie geestesversteurd nie, maar ‘n “wit nasionalis”.

    Roof het Suboxone gebruik vir sy dwelmafhanklikheid, ‘n middel wat glo dikwels tot uitbarstings van woede lei.

    Maar ‘n Imam wat daarvan beskuldig is dat hy aktief lede werf om godsdiensgeweld te pleeg, hoef nie ‘n elektroniese moniteringsband te dra nie omdat dit sy “menseregte” skend, het ‘n Britse hof onlangs bevind.

  • Griekse hof sal beslis oor Turkse offisiere

    Griekse hof sal beslis oor Turkse offisiere

    ’n Griekse hof sal Donderdag uitspraak lewer oor die lot van agt Turkse militêre offisiere wat met ’n helikopter land uit gevlug het ná die mislukte staatsgreep in Turkye.

    Die agt staan tereg op klagte dat hulle die land onwettig binnegekom het en die Griekse lugruim geskend het, het AFP berig.

    Die agt weermaglede het om asiel in Griekeland aansoek gedoen en hou vol dat hulle nie deel van die komplot was om die Turkse regering omver te werp nie. Hulle sê die polisie het op hulle geskiet en hulle het gevlug om hul lewens te red.

    Nagenoeg 7 500 mense onder wie baie militêre personeel word in Turkye aangehou. Byna 9 000 offisiere is die naweek sedert die mislukte komplot ontslaan.

    Die Turkse mans wat tereg staan in Griekeland, het Saterdag met ’n militêre helikopter in die noordelike stad, Alexandroupolis, 300 kilometer van Istanboel, aangekom nadat hulle ’n noodsein uitgestuur het.

    Die agt mans het Maandag in die hof verskyn en bly in aanhouding.

    Turkye se kommerwekkende suiwering van amptenare in die lig van Vrydag se mislukte staatsgreep het nou ook na die onderwysterrein uitgebrei.

    Die ministerie van onderwys het meer as 15.000 werknemers geskors, en volgens die staatsnuusagentskap het die Hoër Onderwysraad opdrag gegee dat meer as 1500 Dekane by privaat en staatsuniversiteite afgedank word.

    Die VN se hoof van menseregte, Zeid Ra’ad Al Hussein, sê hy is baie bekommerd oor Turkye se massaskorsing van regters en aanklaers na die staatsgreeppoging.

    Hy het ook die moontlike herinstelling van die doodstraf as ‘n stap agteruit bestempel.

    Intussen het die VSA nog nie ‘n formele aansoek ontvang vir die uitlewering van die uitgeweke Moslemkerkleier, Fethullah Gulen nie.

    Die Turkse president Tayyip Erdogan hou vol dat Gulem die baasbrein agter die naweek se mislukte staatsgreep is. Meer as 200 mense is in die geweld dood.

  • Bylaanvaller op Duitse trein skree ‘Allahu Akbar’

    Bylaanvaller op Duitse trein skree ‘Allahu Akbar’

    Die Duitse polisie het ‘n 17-jarige Afghaanse Moslem Maandag doodgeskiet nadat hy treinpassasiers met ‘n byl doodgekap het.

    Hy het vier mense ernstig gewond in wat Duitse amptenare ‘n “waarskynlike” Islamitiese aanval noem.

    Verskeie ander mense is ook beseer in die aanval op ‘n plaaslike trein naby die suidelike stad van Wuerzburg, het die polisie gesê, en bygevoeg dat die tiener dood is terwyl hy probeer vlug het.

    Joachim Herrmann, die minister van binnelandse sake van Beiere, het gesê die aanvaller het as ‘n onbegeleide minderjarige in Duitsland aangekom en het aanvanklik in ‘n migranteskuiling gewoon en meer onlangs saam met ‘n pleeggesin in die nabygeleë Ochsenfurt.

    “Dit is baie waarskynlik dat dit ‘n Islamitiese aanval was,” het ‘n woordvoerder gesê en bygevoeg dat die aanvaller “Allahu Akbar” geskree het.

    Maar hy het beklemtoon dat die ondersoek aan die gang is en dat die tiener klaarblyklik “alleen opgetree het”. Dit is egter onwaarskynlik aangesien tereuraanvalle in Europa merkbaar toeneem.

    Passasiers het die aanval beskryf as “soos by die slagpale”. Die jihadis het omstreeks 21:15 op die trein, wat tussen Treuchlingen en Wuerzburg in Beiere loop, toegeslaan.

    Vier mense is ernstig beseer en een ander lig beseer. Veertien mense is vir skok behandel.

    ‘n Ooggetuie wat langs die stasie woon het aan die DPA-nuusagentskap vertel dat die treinwa met sowat 25 mense, “soos ‘n slagpale” ná die aanval gelyk het, met bloed oral op die vloer.

    Die man, wat geweier het om sy naam te gee, het gesê hy het mense sien kruip uit die treinwa om ‘n noodhulpkissie te vra.

    Hermann het later gesê dat die tiener geskiet is toe hy die polisie aangeval het terwyl hy probeer het om van die toneel te ontsnap.

    Duitsland het tot dusver nie die soort grootskaalse jihadistiese aanvalle beleef soos in die suidelike Franse stad Nice verlede week nie, waarin die 31-jarige Mohamed Lahouaiej Bouhlel met ‘n vragmotor in mense geploeg het wat na Bastilledag se vuurwerkvertoning kom kyk het.

    In Mei in Duitsland, het ‘n 27-jarige man, vermoedelik ook ‘n jihadis, ‘n mesaanval op ‘n plaaslike trein in die suide geloods, een persoon vermoor en drie ander beseer.

    Hy het ook “Allahu Akbar” geskree. Hy word glo tans in ‘n psigiatriese hospitaal behandel.

    Die reeks moorddadige voorvalle waarin sogenaamde “geestesversteurde” Moslems betrokke is, het so drasties toegeneem dat ‘n ander verklaring binnekort gevind sal moet word daarvoor.

    Beiere word deur die Christen-Sosiale Unie (CSU) bestuur, die susterparty wat in ‘n koalisie met kanselier Angela Merkel se konserwatiewe Christen-Demokrate regeer.

    Die CSU is besonder krities oor die verwelkomende houding van Merkel teenoor asielsoekers en dreig om die koalisie te verlaat wat reeds tot groot probleme vir Merkel se gewildheid gelei het.

    Die party het ook steun verleen aan ‘n populêre regse party, Alternatiewe vir Duitsland, AfD, wat is gestig in 2013 teen Islam en Duitsland se vlugtelinginvloei.

    Die AfD trek tans sowat 10 persent by die stembusse en is verteenwoordig in die helfte van Duitsland se 16 state asook in die Europese Parlement.

    Merkel se gewildheid sal ongetwyfeld na die aanval in Beiere verder daal en die politieke spanning binne die regerende koalisie laat herleef.

  • Turkye se ‘staatsgreep’ lyk na Islamitiese suiweringsveldtog

    Turkye se ‘staatsgreep’ lyk na Islamitiese suiweringsveldtog

    Nagenoeg drieduisend vermeende militêre samesweerders is in Turkye in hegtenis geneem, ná ‘n mislukte staatsgreep Vrydagnag.

    Duisende regters, staatsaanklaers, militêre leiers en soldate is gevange geneem en lasbriewe vir die ander se inhegtenisname is uitgereik.

    Verskeie regsgeleerdes, onder wie tien regters en twee lede van die die grondwethof word ook aangehou in wat deur ontleders bestempel word as ‘n Islamitiese oorname van ‘n sekulêre staat wat deur die president self gelei word.

    Rusland het Turkye vroeër daarvan beskuldig dat hulle ISIS steun deur die internasionale terreurgroep se gesteelde olie te herverkoop.

    Die Turkse president, Tayyip Erdogan het intussen gewaarsku dat daar streng opgetree sal word teen diegene wat die staatsgreeppoging aangehits het.

    Vrese dat Erdogan met mening gaan toeslaan op sy sekulêre teenstanders, het intussen opgevlam.

    Minstens 265 mense is dood toe rebellesoldate Vrydagaand tenks, helikopters en vegvliegtuie ingespan het in ‘n powere poging om Erdogan se regering omver te werp.

    Min van die vereistes vir ‘n suksesvolle staatgreep is egter nagekom en die vermeende poetsjiste het glo selfs gesorg dat die president nie tuis is nie. Hulle het ook geen ander leier in sy plek voorgestel nie.

    Volgens die jongste syfers is 265 mense dood, wat 104 samesweerders insluit.

    Die Amerikaanse president, Barack Obama het intussen sy land se steun aan die Turkse regering herbevestig.

    Die president van die Turks-Suid-Afrikaanse Vriendskapsinisiatief, Abubekir Salim, het die mislukte staatsgreep veroordeel.

    Salim sê hulle sal voortgaan om enige “demokratiese metodes” te ondersteun om die situasie te stabiliseer. Hy het Turkse burgers by die ambassade in Pretoria toegespreek.

    Salim het ook gesê hulle sal “enige verkose regering” in Turkye steun.

    Chaos het ten minste agt uur lank in Istanboel en Ankara geheers terwyl rebelle brûe, die parlementegebou en ander sleutelgeboue probeer beset het.

    Van die soldate wat gevang is, het gesê hulle was onder die indruk dat hulle aan ‘n militêre oefening deelneem.

    Die Turkse president het beroep op Amerika gedoen om Fethullah Gulen, sy eertydse bondgenoot, uit te lewer omrede Gulen glo die staatsgreep “georkestreer” het.

    Gulen het die aantygings met minagting verwerp.

    Erdogan het by sy vakansiebestemming geskuil toe hy op sosiale media ‘n beroep op die publiek gedoen om hom te steun. Duisende Turke het hierop die strate ingevaar om die rebellesoldate te konfronteer.

    Die rol wat moskees regoor die land gespeel het in die mobilisering van Erdogan se ondersteuners soos die staatsgreep ontvou het, was deurslaggewend, maar ook ‘n teken van die ondergang van sekulêre Turkye.

    Honderde Erdogan-ondersteuners het Saterdagaand op pleine, die lughawe in Istanboel en buite sy paleis bymekaargekom om hul steun te wys.

    Turkye, ‘n lid van NAVO met graag deel van die Europese Unie (EU) wil word, is die deurgang vir die miljoene migrante wat jaarliks na die EU stroom.

    Tans pers die president die EU af vir hulpgeld om die migrantestroom onder beheer te hou, maar met die jongste gebeure wat lyk na ‘n gereëlde toneelopvoering om van sekulêres ontslae te raak, kan die immigranteprobleem in Europa verder vererger.

    Onstabiliteit in Turkye, wat as buffer tussen Europa en Sirië dien, kan met die voortslepende vlugtelingkrisis enorme gevolge vir Europa inhou.

    Die Turkse Grondwet is intussen verander om net verwysings na Allah alleen te bevat.

    Gulen het die staatsgreep veroordeel en bygevoeg dat dit aan Erdogan ‘n verskoning bied om met mening op enigeen toe te slaan wat van hom verskil in wat hy as ‘n suiweringsveldtog bestempel eerder as ‘n staatsgreep.

    John Kerry, die Amerikaanse minister van buitelandse sake, het gesê Washington sal met die Turkse owerheid saamwerk, maar dat Gulen nie uitgelewer sal word sonder bewyse dat hy betrokke was nie.

    Kerry het ook verbaas gereageer op hoe onbeholpe die vermeende staatsgreep uitgevoer is.

    Honderde soldate word in Ankara aangehou, onder wie die bevelvoerder wat spesifiek in beheer is van die beveiliging van Turkye se grens met Sirië, Irak en Iran.

    Erdogan se Islamitiese ideologie is in stryd met die weermag, wat al meermale staatsgrepe gebruik het om moderne Turkye se sekulêre grondslag te beskerm.

    Die Franse regering het gewaarsku dat die mislukte staatsgreep nie president Recep Tayyip Erdogan rede gee om van die opposisie ontslae te raak nie.

    Die minister van buitelandse sake Jean-Marc Ayrault het aan die Franse media gesê daar moet binne die raamwerk van die wet opgetree word.

    Vanoggend het die Turkse nuusagentskap gesê bykomende polisiebeamptes is na Istanbul ontplooi in die lig van Vrydag se mislukte staatsgreep.

    Hulle patrolleer die strate en het opdrag gekry om enige helikopter af te skiet wat oor die stad vlieg.

    Die Turkse president oorweeg tans om die doodstraf weer in te stel.

  • Siriese konflik spoel oor na Libanon

    Siriese konflik spoel oor na Libanon

    Altesaam vyf mense is dood toe selfmoordbomaanvallers Maandag die oorwegend Christen-nedersetting, Qaa in Libanon, ongeveer 100 meter van die grens met Sirië geteiken en hul plofstof ontsteek het.

    Vier selfmoordbomaanvallers was by die aanval betrokke.

    Geen groep het nog verantwoordelikheid vir die aanval aanvaar nie.

    Inwoners van die nedersetting het onraad vermoed toe die aanvallers omstreeks 04:00 deur die dorp beweeg het. Toe ’n veiligheidswag hulle geroep het, het hulle ’n handgranaat gegooi en toe agtereenvolgend hulself tussen inwoners van die nedersetting opgeblaas.

    Vier lede van die weermag is onder die 15 gewondes.

    Qaa se burgemeester, Bashir Matar, het gesê die vierde aanvaller is deur veiligheidsmagte doodgeskiet. Hy sê ná die eerste ontploffing het mense op die toneel saamgedrom, waartydens ’n tweede en toe ’n derde ontploffing plaasgevind het.

    “Terwyl ons besig was om van die gewondes te help, het ek die vierde aanvaller na my toe sien beweeg. Ek het op hom geskree,” het Matar gesê. “Ons het op hom begin vuur en toe blaas hy homself op,” het hy gesê.

    Libanon beleef die afgelope jare toenemend oorspoel-geweldpleging uit Sirië se dodelike burgeroorlog en die Libanese owerheid is op ’n hoë gereedheidsgrondslag met verskerpte sekuriteitsmaatreëls wat die afgelope dae geld.

    Al is dit nog nie duidelik wie die aanval uitgevoer het nie, het Libanese Christene in Qaa die wapen opgeneem en selfverdedigingseenhede op die been gebring om inwoners teen moontlike aanvalle deur Moslem-ekstremiste uit naburige Sirië te beskerm.

  • Dodelike vlaag aanvalle deur ISIS in Sirië

    Dodelike vlaag aanvalle deur ISIS in Sirië

    Minstens 101 mense is die week in twee regeringsbastions in Sirië dood in ‘n vlaag aanvalle waarvoor die Islamitiese Staat (ISIS) aanspreeklikheid aanvaar het.

    Altesaam 53 mense is dood in die stad, Jableh en ‘n verdere 48 is in Tartus, verder suid dood, het AFP berig.

    Volgens ‘n woordvoerder van die organisasie Rami Abdel Rahman, is dit “sonder twyfel die dodelikste aanvalle” op die twee stede sedert die konflik in Sirië in Maart 2011 begin het.

    Sewe bomme, waarvan die meeste selfmoordbomaanvalle was, het Jableh en Tartus Maandagoggend byna gelyktydig getref.

    Die Siriese staatsmedia het ook oor die aanvalle verslag gedoen en die staatstelevisie het beeldmateriaal van ‘n bushalte in Tartus, vertoon waar een van die aanvalle plaasgevind het.

    Die uitgebrande wrakke van minibusse was op die toneel sigbaar, terwyl ander voertuie nog in ligte laaie was.
    Ander teikens was nog ‘n bushalte en ‘n regeringshospitaal.

    Albei stede is vestings van die bewind van pres. Basjar al-Assad, wie se familie oorspronklik van die Qardaha-nedersetting, net 25 kilometer oos van Jableh afkomstig is.

    Die stede was tot nou toe redelik afgesonder van die oorlog wat in Sirië woed en waarin minstens 270 000 mense sedert 2011 omgekom het.

    Washington sal voortgaan om ‘n rebellegroep wat na bewering met ‘n bloedbad in Sirië verbind word, te steun.

    Die groep is glo “gekeur” deur die Saoedi’s en het ‘n rol in die Siriese politieke proses gespeel, die Department van buitelandse sake se woordvoerder gesê.

    Ahrar Al-Sham (Harakat Ahrar ash-Sham al-Islamiyya) is een van die grootste rebellegroepe in Sirië, en behoort aan die Saoedi-gesteunde onderhandelingskomitee.

    Dit word beskou as ‘n party tot die Siriese skietstilstand, wat tans onderhandel wprd met Rusland en die VSA.

  • Siriese weermag neem belangrike jihad-bastion oor

    Die Siriese weermag die laaste belangrike dorp onder jihadistiese rebellebeheer in die Latakia-provinsie, ’n bastion van pres. Bashar al-Assad, ingeneem.

    Die staatsmedia het ’n weermagbron aangehaal wat gesê het Siriese gewapende magte, in samewerking met milisie, het beheer van die dorp Rabia geneem.

    Die dorp was sedert 2012 onder beheer van ’n reeks rebellegroepe insluitende die Siriese Turke asook die al-Kaïda geaffilieerde Al-Nusra Front.

    Volgens waarnemers het Rabia geval, nadat die weermag ’n verbete aanslag van stapel gestuur en die dorp omsingel het.

    Senior Russiese militêre offisiere het die Siriërs bygestaan in die aanval en Russiese vegvliegtuie het na wat verneem word, ’n “kritiese rol” in die gevegte gespeel.

    Met die val van Rabia het regeringsmagte ’n belangrike rebelle-toevoerroete deur die Turkse grens in die noorde afgesny.

    Die val van Rabia kom nadat regeringsmagte die dorp Salma op 12 Januarie ingeneem het, ná maande se militêre operasies, waar rebelle sedert 2012 in beheer was.

    Russiese vegvliegtuie het Saterdag die dorp Khasham ná aan die stad Deir al-Zor, onder bomme gesteek om van die jihadiste ontslae te raak.

    Twee ander dorpe is in die voorafgaande 48 geteiken.

    Russiese vegvliegtuie het die lugveldtog in Deir al-Zor onderneem waar Siriese regeringsmagte met die Islamitiese Staat (ISIS) wat die provinsie beheer, in gevegte betrokke is.

    ISIS beset die stad sedert verlede Maart en het die afgelope weke ’n hernude aanslag teen gebiede van die stad wat nog in regeringshande is, van stapel gestuur.

    Vegvliegtuie het ook ISIS se de facto hoofstad, Raqqa, die afgelope naweek geteiken.

  • Dodetal styg na jihadistiese aanval op universiteit in Pakistan

    Die dodetal in die aanval op die Bacha Khan-universiteit in Charsadda, ongeveer 50 kilometer van die stad Peshawar, Pakistan, het vinnig gestyg toe gewapende mans die kompleks in die militante-streek bestorm het.

    Polisie, soldate en spesiale magte het vinnig gevolg en van die grond en uit die lug aangeval om ‘n einde aan die aanslag te maak, het AFP berig.

    “Die dodetal in die terroriste-aanval het tot 21 gestyg”, het die streek se polisiebevelvoerder, Saeed Wazir, gesê.
    Hy sê die operasie is beëindig en veiligheidsmagte het die gebied opgeruim. Die meeste slagoffers was manstudente in ‘n hostel op die kampus.

    Meer as 30 ander, insluitende studente, personeel en veiligheidswagte is gewond, het hy gesê.

    ‘n Militêre woordvoerder, genl.maj. Asim Bajwa, het op Twitter gesê vier aanvallers is ook in die voorval dood.

    Studente het een dosent as ‘n held uitgesonder. Syed Hamid Hussain het volgens berigte teruggeveg en op die aanvallers geskiet in ‘n poging om sy studente te beskerm. Hy is deur die aanvallers raakgeskiet. Pakistan se pres. Mamnoon Hoessein het later bevestig dat die dosent gesterf het.

    Van die studente het vertel dat die aanvallers “Allah is groot” tydens die aanval geskree het.

    Niemand het onmiddellik verantwoordelikheid vir die aanval aanvaar nie. Die aanval het die eienskappe getoon van ‘n Taliban-aanval op ‘n militêre skool in Peshawar in Desember 2014 waarin 150 mense, van wie die meeste kinders was, omgekom het.

    Die 2014 Taliban-aanval het die regering genoop om ‘n volskaalse aanslag op ekstremiste van stapel te stuur.

    Pakistan se Jinnah Instituut sê in ‘n verslag wat Dinsdag bekend gestel is, dat die nasionale aksieplan gehelp het om ekstremistiese geweld verlede jaar hok te slaan, al het geteikende aanvalle teen godsdienstige minderhede in die Moslem-land van ongeveer 200 miljoen mense toegeneem.

    Volgens die verslag was die verbetering veral op die gebied van vervolging weens haatspraak en die inhegtenisneming van terroriste van sektariese organisasies wat godsdienstige geweld aanhits.

    Dinsdag het ‘n selfmoordbomaanval in ‘n mark aan die buitewyke van Peshawar die lewens van tien mense benewens dié van die bomaanvaller geëis.