Etiket: VN

Zuma met SAL na NY maar vrae oor duur vlugte bly

President Jacob Zuma en sy afvaardiging van sewe ministers het intussen in New York aangekom vir die 71ste sitting van die Verenigde Nasies se Algemene Vergadering.

Die president het Saterdag die nasionale lugdiens SAL, wat diep in die rooi is, na die VSA gevlieg.

Zuma, wat graag vliegtuie te duurste huur vir reise, het SAL se diens geloof.

Besprekings oor veiligheid in Afrika en Suid-Afrika as beleggingsbestemming is op die VN-agenda.

Die president spreek môre die Algemene Vergadering toe en Woensdag sal hy die Amerika-Afrika-sakeforum bywoon.

Die Siriese oorlog, vlugtelingskwessies en klimaatsverandering is op die VN-agenda. Dit sal Ban Ki-moon se laaste hoëvlakvergadering wees voordat sy vyf-jaar-ampstermyn aan die einde van die jaar ten einde loop.

Intussen het die Minister van Verdediging en Militêre Veterane, Nosiviwe Mapisa-Nqakula, aangedui dat R100 miljoen opsy gesit is om ‘n straler vir die boekjaar 2016/17 te huur.

Zuma wil glo volgens berigte R4 miljard bestee aan ‘n nuwe vliegtuig vir hom en sy gevolg, terwyl die lugdiens ‘n yslike R4 miljard in die rooi is.

Afrika het ‘n swak veiligheidsrekord as dit by swart leiers en vliegtuie kom.

Hongersnood tref Nigerië

Niemand weet hoeveel kinders van die honger in Nigerië sterf nie.

In vlugtelingkampe en gebiede wat te gevaarlik is as gevolg van die teenwoordigheid van die ekstremiste, volgens Dokters Sonder Grense, dreig ‘n humanitêre krisis van “katastrofiese” afmetings in die noordooste van Nigerië.

Boko Haram het sy greep verloor in sommige gebiede en van sy slagoffers begin te voorskyn tree.

“Dit is kinders wat basies honger was al hul lewens lank,” sê Jean Stowell, ‘n Amerikaanse dokter in beheer van die sentrum in Maiduguri, die streek se grootste stad. Die sentrum het vervierdubbel in grootte van 110 beddens in die afgelope weke.

Byna ‘n kwartmiljoen kinders is erg ondervoed omdat Boko Haram handel en boerdery ontwrig het. Sowat 2 miljoen mense in die streek kon nog nie bereik word nie.

Met Nigerië in ‘n resessie en sonder hulp van buite, dreig ‘n reuse hongersnood.

Nigerië se regering ondersoek verslae van amptenare wat voedselhulp aan die vlugtelinge steel.

Dokters Sonder Grense asook UNICEF se werkers word deur djihadiste geteiken.

In Bama, die streek se tweede grootste stad, sterf ses mense per dag van wanvoeding en diarree. In die vlugtelingkamp moet gesinne tevrede wees met vier handevol rys vir ‘n week.

Noord-Korea voer vyfde kerntoets uit

Noord-Korea het bevestig dat hy ‘n vyfde kerntoets uitgevoer het, ure nadat seismiese stelsels ‘n ontploffing naby sy kerntoetsterrein waargeneem het.

Dit is soortgelyk aan ‘n aardbewing van 5,3 op die Richterskaal.

Die staatstelevisie in Noord-Korea sê dié land het nou die kennis om kernplofkoppe op ballistiese vuurpyle te monteer.

Dit blyk ook dat daar geen lekkasie van kernmateriaal was tydens die toets nie en dat daar geen impak om die omgewing was nie.

Suid-Korea het intussen ‘n noodvergadering van sy nasionale veiligheidsraad belê.

Suid-Korea se intelligensiediens is bekommerd dat Noord-Korea vinniger vorder met die miniaturisering van kernkoppe vir missiele, het ‘n wetgewer by die vergadering gesê.

Kim Byung-Kee, ‘n lid van intelligensiekomitee in die Suid-Koreaanse parlement sê die Noorde se bedoeling is om ‘n sterk beeld van sy leier, Kim Jong Un (foto, heel regs) uit te straal ter die herdenking van die ontstaan van die Republiek in 1948 en om internasionale sanksies uit te daag.

Noord-Korea word deur die VN verbied om enige kern- of missieltegnologie te toets en bykomende sanksies is reeds ingestel ná sy vierde kerntoets in Januarie.

Die VN se waghondagentskap het hul “diep kommer” uitgespreek oor die toets.

Asiese markte het gedaal na die aankondiging van die toets. Na verwagting sal dit dieselfde uitwerking hê op Europese markte waar die FTSE 100, die DAX in Duitsland en die CAC 40 almal vanoggend laer geopen het.

VN, Israel sê Jodehaat op hoogste vlakke ooit

Jodehaat en demonisering van Israel is op “die hoogste vlak van ons leeftyd,” sê Israel se ambassadeur by die Verenigde Nasies.

Danny Danon het by ‘n hoë-vlakvergadering oor antisemitisme Woensdag by die VN se hoofkwartier in New York gepraat.

“Oor ‘n derde van Europese Jode is bang om ‘n hoofbedekking of Ster van Dawid te dra in die openbaar,” sê Danon.

“Meer as die helfte van Franse Jode oorweeg om te emigreer omdat hulle nie veilig voel om as Jode in Frankryk te woon nie. Vandag hoor ons dinge oor Jode en die Joodse volk wat ons gedink het tot die bladsye van die geskiedenis hoort. … Anti-Semitisme is terug in die alledaagse lewe sonder skaamte.”

Danon het ook gesê sosiale media bied ‘n “nuwe soort bedreiging” in die sin dat anti-Semitisme baie vinnig globaal versprei.

“Die gebruik van die gereedskap van aanlyn sosiale netwerke om die Joodse volk en die Joodse staat te demoniseer, dit is Anti-Semitisme 2.0.”

“Die vyande van die Jode gebruik die gereedskap van moderne tegnologie om Jode regoor die wêreld te teiken en te teister,” het hy gesê, en bygevoeg dat die moderne wêreld die lewe makliker vir anti-Semiete maak want “al wat jy nodig het, is Wi-Fi, ‘n Facebookrekening, en ‘n diep haat vir Jode.”

“Dit is meer doeltreffend as die Protokolle van die Ouderlinge van Sion,” het hy bygevoeg.

Die VN se sekretaris-generaal, Ban Ki-moon het die forum via video toegespreek, en anti-Semitisme “een van die wêreld se oudste, mees deurdringende en dodelikste vorms van haat” genoem.

Selfmoordbomaanval deur kind in Irak gefnuik

Dramatiese videomateriaal het na vore gekom van die Irakse polisie wat ‘n selfmoordplofgordel van ‘n kind afhaal, vermoedelik voor nog ‘n selfmoordbomaanvalpoging van ISIS.

Die beeldmateriaal toon hoe sekuriteitspersoneel ‘n sigbaar ontstelde seuntjie in toom hou, terwyl hulle sorgvuldig die gordel van die bolyf die jeugdige in Kirkuk afsny.

Nadat die band verwyder is, word die seun opgeraap en weggeneem.

Koerdistan24, ‘n nuusstasie in Irbil, Irak, het Sondag die beelde uitgesaai.

Owerhede het gesê hulle glo die 15-jarige het ‘n week gelede van Mosul na Kirkuk gekom, ISIS se belangrikste vesting buite Sirië.

Die arrestasie in Kirkuk kom ‘n dag nadat ‘n kind ‘n Koerdiese troue in Turkye in ‘n selfmoordaanval geteiken het.

Meer as 20 van die slagoffers was kinders onder 14, het ‘n Turkse amptenaar gister gesê.

Die aanvaller wat Saterdagaand láát op ’n feesviering in die suidoostelike stad Gaziantep toegeslaan het, was tussen 12 en 14 jaar oud, het Turkye se pres. Tayyip Erdogan verklaar.

Die selfmoordbomaanvaller het laatnag op die troue toegeslaan. Daar was ’n enorme ontploffing tussen die mense was wat nog gedans het.

Bloed en liggaams­dele was daarna besaai oor die terrein, sê ooggetuies. Brand- en bloedvlekke was sigbaar teen die mure in die nou stegie waar die aanval plaasgevind het.

ISIS het ‘n geskiedenis van die misbruik van kinders deur middel van propaganda, maar meer onlangs word hulle aangewend as wapens op die voorste linies en om burgerlikes te teiken.

Die terroriste-groep beskik oor ‘n leër van kindersoldate – gesteel van hul families en geïndoktrineer om die “saak” te bevorder.

Hierdie sogenaamde kleintjies van die kalifaat word ingelyf in die veldtog van geweld, met kinders so jonk as 8 wat deelneem volgens VN-verslae.

“Ons het verslae van kinders, veral kinders wat verstandelik gestremd is, wat gebruik word as selfmoordbommers, waarskynlik sonder dat hulle self verstaan ​​wat gebeur of wat van hulle verwag word,” sê Renate Winter, ‘n VN-kinderregtespesialis.

Tobruk stem teen Libië se VN-regering

Opponente van Libië se eenheidsregering, wat die ondersteuning van die Verenigde Nasies geniet, het Maandag teen ’n mosie van vertroue in die Tripoli-bewind gestem in ’n rare sessie van die parlement wat in die ooste van die land gevestig is.

Die stemmery is ’n vars terugslag vir die regering van nasionale eenheid, wat vir maande na dié parlement se bekragtiging streef, terwyl dit probeer om invloed en gesag tot buite sy basis in die hoofstad uit te brei.

Die stemmery was die eerste sedert Januarie toe die parlement die aanvanklike lys ministers wat deur die eenheidsregering voorgestel is, verwerp het en die eerste sedert die eenheidsregering in Maart vanjaar aan bewind gekom het.

Parlementêre sessies in Tobruk is herhaaldelik uitgestel of geblokkeer, met teenkanting teen die eenheidsregering wat in die ooste van die land aan die toeneem is.

Ondersteuners van die regering, van wie baie nie Maandag se sitting bygewoon het nie, het voorheen gekla dat opponente met fisieke geweld dreig ten einde te verhoed dat stemmery plaasvind.

Altesaam 161 afgevaardigdes het die sitting bygewoon met 61 wat teen die mosie gestem het, 39 wat buite stemming gebly het en net een wat ten gunste van die mosie gestem het.

Die eenheidsregering is die gevolg van ’n VN-onderhandelde ooreenkoms wat in Desember onder­teken is. Die ooreenkoms was daarop gemik om ’n einde aan konflik te maak, wat opgevlam het toe ’n gewapende alliansie in 2014 beheer oor instansies in Tripoli oorgeneem het en die nuutverkose parlement na die ooste van die land uitgewyk het.

Westerse magte maak op die eenheidsregering staat om Libië se veiligheidsvakuum die hoof te bied, olieproduksie te herstel en die stroom migrante te keer wat die Middellandse See vanuit Libië onder­weg na Europa oorsteek.

Magte lojaal aan die eenheidsregering het byna die hele kusstad Sirte van die Islamitiese Staat-groep (ISIS) herower, maar die regering­ sukkel om elders ’n impak te hê.

Die regering­ se onvermoë om die krisis op te los, kragonderbrekings en ander probleme het bygedra dat die regering wyd steun verloor het.

Die minister van buitelandse sake van die Libiese tussentydse regering in Tobruk het in ‘n verklaring gesê die VN-gesant vir Libië, Martin Kobler (foto bo) moet vervang word met ‘n meer neutrale en doeltreffende figuur.

Filippynse president roer dwelmnes, VN

Altesaam 1 800 mense is in die Filippyne dood in dwelmverwante optrede, sedert pres. Rodrigo Duterte sewe weke gelede aan bewind gekom en ’n oorlog teen dwelms verklaar het.

Die hoof van die polisie, Ronald Dela Rosa, het gister ’n senaatkomitee meegedeel dat 712 dwelmhandelaars en gebruikers sedert 1 Julie in polisieoperasies dood is.

Die polisie ondersoek ook 1 067 ander dwelmverwante sterftes, het Dela Rosa gesê.

Die opmerkings kom ’n dag nadat Duterte die Verenigde Nasies (VN) aangeval het na hul kritiek oor die vlaag sterftes.

Duterte het Sondag op ’n laatnag mediakonferensie gesê die Filippyne kan die VN verlaat.

Hy het China en ander lande genooi om saam ’n nuwe globale forum te vorm omdat die VN nie geslaag het om sy mandaat uit te voer nie.

Duterte het ook die afdanking elke lid van sy administrasie wat aangestel is deur ‘n vorige president aangekondig.

Die skuif is die jongste in watter Duterte ‘n veldtog teen korrupsie noem.

Saoedi-aanval op skool in Jemen maak opslae

‘n Saoedi-geleide lugaanval op ‘n skool wat die dood van tien leerlinge veroorsaak het, het kommer laat opvlam oor die toename in burgerlike sterftes in dié land, het hulpverleningsagentskappe gesê.

Die aanval was in die rebelbeheerde provinsie van Jemen en is die jongste in die 17 maande lange burgeroorlog, het AFP berig.

‘n Verdere 28 kinders is in die aanval gewond wat Saterdag in die dorp Haydan in die Saada-provinsie uitgevoer is, sê Dokters Sonder Grense (MSF). Die aanval is deur die Verenigde Nasies (VN) bevestig.

Die koalisie van Arabiese state onder aanvoering van Saoedi-Arabië veg sedert Maart 2015 teen die Iran-gesteunde rebelle nadat hulle die hoofstad van Sanaa ingeneem en hul magsbasis na ander dele van die land uitgebrei het.

Saoedi-Arabië het voorheen hewig gereageer op ‘n besluit in Junie vanjaar om die koalisie te swartlys nadat ‘n VN-ondersoek bevind het die Arabiese koalisie is vir 60% van die 785 kindersterftes verlede jaar in Jemen verantwoordelik.

Sowat tien dae gelede het die koalisie toegegee daar was “tekortkomige” in twee van die agt gevalle van aanvalle op burgerlike teikens in Jemen.

“Dokters Sonder Grense het 10 liggame en 28 beseerde kinders, almal onder die ouderdom van 15 jaar, ontvang wat slagoffers is van die lugaanval op die skool in Hayden,” het woordvoerder Malak Shaher aan AFP gesê.

Die beseerdes is opgeneem in ’n veldhospitaal naby die skool voordat hulle na ’n openbare hospitaal oorgeplaas is, het sy gesê.

“Ons eis dat alle partye die nodige maatreëls sal tref wat nodig is om burgerlikes te beskerm,” het Shaher verder gesê.

Die VN se agentskap vir kinders, Unicef, het ook die aanval veroordeel en gewaarku dat die toename in geweld in die land in die afgelope week die aantal kinders wat gesterf het en beseer is, skerp laat toeneem het.

Die rebelle het foto’s en video’s van dooie en bebloede kinders, toegedraai in komberse, op Facebook geplaas.

Hoethi-woordvoerder Mohammed Abdul Salam het gesê vegvliegtuie het kinders by die Jomaa bin Fadhel skool geteiken, in wat hy as ’n “afskuwelike misdaad” beskryf het.

Die Saoediese nuusagent­skap het aangevoer die koalisie se vegvliegtuie het Saterdag ’n “Hoethi-opleidingsentrum” in Saada ingeval en verskeie rebelle-insypelaars insluitend ’n leier, Yehya Munassar Abu Rabua, doodgemaak.

Die Arabiese koalisie het op 26 Maart 2015 oorlog teen die Hoethi-rebelle verklaar.

China oor vingers geraps vir gebiedsoorskreiding

China se uitbreidingsplanne in Suid-Chinese See is deur die Verenigde Nasies (VN) veroordeel. Die VN vra dat China nou aan sekere dele van die gebied onttrek.

Die VN se permanente arbitrasiehof het in Den Haag, Nederland, het beslis dat China alle eilande, ook mensgemaak (foto hierbo), wat tans beset word weer aan die Filippyne teruggee word nadat laasgenoemde drie jaar gelede die VN genader het oor Chinese gebiedsoorskryding.

Die uitspraak sal dalk nie China se uitbreiding in groot dele van die Suid-Chinese See kortwiek nie, aangesien die arbitrasiehof nie die bevinding kan afdwing nie.

Die Filippynse regering het sonder entoesiasme op die uitspraak gereageer en optimistiese inwoners gemaan om “nugter en ingetoë” op te tree.

Israel wil stemme uit Afrika koop om negatiewe beeld om te keer

‘n Standbeeld (foto hierbo) is opgerig by Aero-strand suid van Uganda se hoofstad, Kampala, van die ontslape Yonatan Netanyahu.

Yonatan was die broer van Israel se eerste minister, Benjamin Netanyahu, en ‘n offisier in die Israeliese weermag se elite-eenheid, Sayeret Matkal.

Hy is dood toe Israel ‘n reddingspoging op die internasionale lughawe Entebbe in Uganda in 1976 uitgevoer het om gyselaars te bevry.

Premier Netanyahu is Maandag in Uganda verwag om die 40ste herdenking van Operasie Entebbe te herdenk.

Israel en Uganda handhaaf glo goeie betrekkinge.

Die Eerste Minister het gesê sy doel is om Afrika-stemme by die VN en ander internasionale forums te gebruik om die negatiewe sentiment teen Israel te bekamp.

Hy sal met die leiers van sewe Afrika-lande vergader: Uganda, Kenia, Rwanda, Ethiopië, Suid-Soedan, Zaïre en en Tanzanië.

“As ons daarin slaag om die 54 lande van Afrika te oorreed, sal die outomatiese meerderheid teen Israel [in die internasionale gemeenskap] wegval langs die pad,” het hy gesê.

Netanyahu het opgemerk dat daar ‘n tendens onder sekere Afrika-state is om óf teen Israel te stem òf buite stemming te bly oor belangrike internasionale kwessies.

Volgens Netanyahu, het Afrika-lande twee basiese behoeftes waarmee Israel kan help. Die eerste is veiligheid, en die stryd teen terrorisme en die tweede is Israeliese tegnologie op die gebied van landbou, water, energie en gesondheid.

Prof Christof Heyns verkies tot Verenigde Nasies se Menseregtekomitee

Prof Christof Heyns, voormalige Direkteur van die Sentrum vir Menseregte en Professor in Menseregte aan die Universiteit van Pretoria (UP), is in Maart 2016 deur die Suid-Afrikaanse Regering genomineer as sy kandidaat vir die hoog aangeskrewe 18-lid Mensregtekomitee van die VN. Hy is op 23 Junie 2016 in New York as lid van dié komitee verkies.

Prof Heyns het die afgelope ses jaar as die VN se Spesiale Rapporteur oor buitegeregtelike, summiere en arbitrêre teregstellings gedien. In dié hoedanigheid was hy direk betrokke by van die grootste uitdagings in die internasionale gemeenskap, insluitende die gevolge van die oorloë in Sri Lanka en die Oekraïene. Hy is ook een van drie internasionale kenners verantwoordelik vir die VN se Onafhanklike Ondersoek na Burundi en dien as voorsitter van die groep. Baie min menseregtekenners het so ‘n wye verskeidenheid topposte op die gebied van die internasionale menseregtestelsel beklee.

Prof Heyns gee onderrig in Menseregte aan UP, Oxford Universiteit, die American University in Washington DC en die Universiteit van Genève. Hy het artikels vir talle internasionale publikasies die lig laat sien, onder meer oor gewapende hommeltuie, die bestuur van betogings, die gebruik van geweld deur wetstoepassingsbeamptes, asook menseregte in Afrika.

Prof Heyns sal vanaf 27 Junie tot 8 Julie 2016 in Suid-Afrika wees, waartydens hy onderhoude oor sy werk sal toestaan. Hy sal drie maande per jaar in Genève woon waar die sittings van die VN se Menseregtekomitee plaasvind.

Sy vader, die teoloog dr. Johan Heyns, is in die vroeë negentigerjare deur ‘n sluipmoordenaar om die lewe gebring.

VN reël droogtekonferensie in Windhoek

Meer as 600 deelnemers word by die eerste Afrika Droogtekonferensie verwag wat vanaf 15 tot 19 Augustus in Windhoek sal plaasvind.

Die konferensie sal ’n tegniese sessie insluit waaraan kenners sal deelneem, gevolg deur ’n hoëvlaksessie waartydens ministers in Afrika en verteenwoordigers van VN-agentskappe teenwoordig sal wees.

Die tema is “Die verbetering van veerkragtigheid teen droogte op die Afrika-vasteland”

Die kerndoelwitte van die konferensie is om ’n strategiese raamwerk vir droogtebestuur op te stel wat die veerkragtigheid teen droogtes vir die hele Afrika-vasteland sal verbeter; om streeks- en internasionale aandag op die kwessie te fokus om veerkragtigheid te kan verbeter; behoeftes en tekortkominge sowel as goeie praktyke te identifiseer en vennootskappe en samewerking tussen lande te versterk.

Die projekkoördineerder het tydens die bekendstelling gesê Afrika is kwesbaar vir die impak van droogtes, wat na verwagting as gevolg van klimaatveranderinge meer dikwels gaan voorkom.

Suider-Afrika is juis kwesbaar vir droogte weens die totale gebrek aan staatshulp vir sukkelende boere, ‘n nuwe verwikkeling onder die ANC wat eerder op “rassisme” fokus. Na verwagting gaan voedselpryse met ten minste 25% styg en 5 miljoen ton mielies sal ingevoer moet word.

“Die kwesbaarheid is beklemtoon deur die voortdurende El Niño-weerverskynsel. Oos-Afrika ervaar die ernstigste droogte in 60 jaar en die Verenigde Nasies (VN) het hongersnood in Somalië verklaar. Suider-Afrika word ook ernstig geraak en die droogte is in Maart vanjaar as ’n streekramp verklaar,” het Kauna ­Schrö­der gesê.

“Die groot verwagte uitkoms van die konferensie is ’n strategiese raamwerk om Afrika se veerkragtigheid teen droogtes te verbeter. Dit geniet reeds die volle steun van die Afrika-unie (AU). Ons kan nie resultate hê as ons nie al die feite bymekaar het nie,” het Schröder gesê.

Terselfdertyd soek die ministerie na borgskappe van en vennootskappe met die private sektor ten einde die droogte te verlig.

Schröder het gesê langtermynvennootskappe is ook moontlik op gebiede soos die verbetering van vroeë waarskuwingstelsels vir droogtes in Namibië, die ontwikkeling van versekeringsmeganismes teen droogtes asook water- en energiebesparingstegnologie.

Die Landbounavorsingsraad (LNR) van Suid-Afrika, het op die LNR se voorlegging oor sy strategiese plan tot 2020 aan die Parlement se portefeuljekomitee vir landbou, bosbou en visserye verslag gedoen oor 10 000 pakkies witmieliebaster sade wat in 2014/’15 gratis aan kleinboere in Limpopo, Mpumalanga, Noordwes, die Vrystaat en KwaZulu-Natal uitgedeel is om te toets.

Die twee sade WE3127 en WE3128 is nie geneties gemodifiseer nie en word onder die handelsnaam DroughtTEGO verkoop. Die eerste droogteverdraagsame witmieliebastersaad wat deur die LNR se Wema-projek (Waterdoeltreffende mielies vir Afrika) ontwikkel is, is in 2014 bekend gestel.

Nege kleinboere van die boerevereniging Mokaba in Mokopane, Limpopo, het te midde van die ergste droogte in 20 jaar hul opbrengs tot 1,14 t/ha van die vorige seisoen se 0,6 t/ha (toe hulle ander mieliekultivars geplant het) verhoog.

Islamitiese Staat uit Palmira verdryf

Die Siriese stad, Palmira, wat deur djihadiste van die Islamitiese Staat (IS) in Oktober 2015 in puin gelê is, is herower.

Siriese troepe het met die hulp van Russiese lugaanvalle die naweek daarin geslaag het om die antieke stad te ontset wat as ‘n Unesco-wêrelderfenisplek verklaar is.

Pres. Bashar al-Assad het die sege as ‘n “belangrike mylpaal” in die stryd teen IS beskryf.

In 2015 toe die geveg om Palmira gewoed het, het die Amerikaanse lugmag nie ingegryp nie. IS kon toe die antieke stad verower omdat hulle deur die oop Oos-Siriese woestyn vryelik voorrade en ammunisie verkry het.

Die bevryding van Palmira is ‘n beslissende keerpunt in die oorlog teen Sirië.

Terwyl daar vroeër militêre suksesse was, is die publisiteitswaarde van die beveiliging van die gewaardeerde Romeinse ruïnes hoër as met vorige oorwinnings.

Die Siriese regering word ook skielik nie meer as “die Assad-regime” voorgehou nie.

Ban Ki Moon, die hoof van die Verenigde Nasies, het die Siriese regering met sy sukses gelukgewens.

Die bevryding van Palmira is moontlik gemaak deur die gebruik van Russiese elektroniese oorlogvoering.

Die Islamitiese Staat het geïmproviseerde plofladings in die ruïnes geplant, maar was nie in staat om hulle per afstand te laat ontspring nie.

Die Russiese toerusting het elektromagnetiese seine om Palmira versteur wat dit verhoed het.

Spanning tussen Rwanda en Burundi na ‘spioen’ vasgetrek word

Spanning tussen Rwanda en Burundi is besig om op te laai te midde van ‘n tien maande lange politieke krisis, nadat veiligheidsmagte in Burundi Saterdag ’n man voor joernaliste geparadeer wat daarvan beskuldig word dat hy ’n Rwandese spioen is.

Betrekkinge tussen Burundi en Rwanda het ’n laagtepunt bereik met Bujumbura en die Verenigde Nasies wat Kigali daarvan beskuldig dat dit rebelle in Burundi ondersteun, het AFP berig.

Die man, wie se naam as korporaal Rucyahintare Cyprien aangegee is, is verlede week in Rushenya op die grens met Rwanda in hegtenis geneem, sê ’n polisiewoordvoerder, Pierre Nkurikiye.

“Hy was besig om te spioeneer en dit is was die derde keer dat hy so ’n sending in Burundi uitgevoer het,” het Nkurikiye gesê. Volgens hom was die doel van die sendings om Burundi te destabiliseer.

Burundi is in ’n krisis gedompel nadat pres. Pierre Nkurunziza aangekondig het dat hy vir ’n derde termyn in die Julie 2015-verkiesings sou staan.

Die beweerde spioen het in Kinyarwanda, ’n amp­telike taal in naburige Rwanda, aan joer­naliste “erken” dat hy die land binnegekom het met die doel om te spioe­neer.

Hy het Burundi ook in Mei 2015 binnegekom om te help om mense wat verantwoordelik vir die mislukte staatsgreep was uit die land te smokkel en weer in November 2015 om inligting in te win vir aanvalle op hooggeplaastes in die land, sê Nkurikiye.

Hy is aan die media vertoon by die hoofkantoor van die nasionale intelligensiediens, wat nie sonder meer beskuldigings van menseregteskendings en marteling kon weerlê nie.

Meer as 400 mense is dood sedert die geweld in April verlede jaar uitgebreek het en meer as 240 000 mense het op die vlug geslaan.

Duisende Rwandese wat in Burundi gewoon het, het ook uit die land gevlug sedert die krisis begin het en ver­skeie is in hegtenis geneem.