Etiket: plundery

Polisie in Thabazimbi ontplooi na xenofobiese geweld

Die polisie op Thabazimbi in Limpopo is op hoë gereedheid nadat winkels van buitelanders die afgelope twee dae aangeval, geplunder en aan die brand gesteek is.

Polisiewoordvoerder Ronel Otto sê elf mense is gearresteer en sal aangekla word van openbare geweld, huisbraak en die besit van gesteelde goedere.

Xenofobiese aanvalle het versprei na Limpopo waar winkels wat besit word deur Somaliërs en Ethiopiërs geteiken is.
 
Ongeveer 50 buitelanders, insluitend vroue en kinders, word nou tydelik gehuisves in die dorp by ‘n gemeenskapsaal.
 
Hulle het aangedui dat hulle al hul besittings verloor het en hulle moet staatmaak op die regering en ‘n paar humanitêre organisasies om basiese dinge soos kos te voorsien.
 
Thabazimbi se burgemeester, Patricia Mosito, het die voorval veroordeel. “Dit is krimineel om buitelandse burgers aan te val … dit is nie iets wat ons kan kondoneer nie.”
 
Intussen het ‘n ANC-lid in die Noordwes-wetgewer, Jeanette Dibetso-Nyathi, ‘n beroep op almal gedoen om die pogings van die nasionale regering te ondersteun in die hantering van die sporadiese aanvalle op buitelandse burgers.
 
Intussen het President Jacob Zuma amptelik die Nasionale Raad van Provinsies ingelig dat hy 338 soldate ontplooi het om enige verdere aanvalle op buitelanders in Kwazulu-Natal, Gauteng en enige ander gebied, te voorkom.
 
Zuma sê dat die soldate op die strate sal bly tot 30 Junie, en kos die land meer as R4,2 miljoen.

Noodtoestand in Baltimore na swart geweld

‘n Noodtoestand is afgekondig en ‘n weeklange aandklokreël is ingestel nadat swart geweld uitgebreek het in Baltimore in die Amerikaanse deelstaat, Maryland.

Die onrus het ontstaan na die begrafnis van Freddie Gray, ‘n swart Amerikaanse krimineel wat vroeër die maand in polisie-aanhouding dood is.

Gray was 18 keer voorheen in hegtenis geneem vir dwelmverwante oortredings. Dit is nie bekend hoe lank hy die tronk deurgebring het nie. Hy het ‘n mes aan hom gehad toe hy gearresteer is, het The Guardian berig.

Die swart onluste het glo gevolg nadat pamflette oor die naweek dmv sosiale media versprei is wat vra dat swartes na Mondawmin Mall opruk.

Dit was veronderstel om ‘n vreedsame optog vir Freddie Gray te wees wat gou in geweld en plundery ontaard het.

Amptenare het die onrus as die ergste bestempel sedert die sluipmoord op Martin Luther in 1968.

Verskeie polisiebeamptes moes behandeling ontvang nadat die polisie en betogers slaags geraak het. Minstens 15 polisiebeamptes is beseer, waarvan ten minste een in ‘n kritieke toestand verkeer.

Swart oproeriges het die polisie met klippe, bottels en ander voorwerpe bestook.

Die goewerneur van Maryland, Larry Hogan het die geweld veroordeel.

Die polisie het gesê lede van ‘n groep oproeriges het ‘n brandslang gesny terwyl die brandweer probeer het om ‘n brand by ‘n winkelsentrum te blus waarop plunderaars toegesak het.

Baltimore Sky Eye se helikopter 13 het een swart plunderaar afgeneem waar hy fluks besig was om goedere uit ‘n winkel te steel en in ‘n wagtende voertuig te laai.

Die polisie het vroeër te hore gekom van ‘n sameswering dat verskeie bendes beplan om wetstoepassers te vermoor.

Rassespanning in Amerika is op die spits gedryf ná ‘n aantal voorvalle die afgelope ruk waar slegs wit polisielede vir geweld verkwalik word.

Swart-op-swart geweld soos in Chicago wat in veelvoude van tien meer lewens eis, kry daarenteen byna geen aandag nie.

Gray is Maandag begrawe in ‘n wit kis met goue versiering.

Die drie polisielede wat Gray in hegtenis geneem het, was wit, en klaarblyklik is wittes oorverteenwoordig in Baltimore se polisiedepartement.

Anders as in Ferguson is die munisipaliteit egter swart.

Los Angeles het intussen ‘n “blou waaksaamheidswaarskuwing” uitgevaardig uit vrees dat die geweld kan oorspoel na die stad uit wraak.

Gigaba loof buitelanders se bydrae tot SA

Buitelandse burgers moet nie aangeval word nie, omdat die meeste ‘n positiewe bydrae tot die land lewer, het die minister van Binnelandse Sake Malusi Gigaba Donderdag in die Parlement gesê

“Om mee te begin wil ons graag uitdruklik verklaar dat die meeste buitelandse burgers ‘n baie positiewe bydrae tot die samelewing maak,” het hy gesê.

Hy het xenofobiese aanvalle in Durban en ander dele van die land veroordeel tesame met president Jacob Zuma en al die opposisie partye.

Gigaba het gesê baie buitelanders in hospitale en skole sorg vir Suid-Afrikaners.

Hulle het ook die nasionale fiskus vergoot, alhoewel hulle hul geld uit Suid-Afrika stuur na hul eie lande.

Die Durbanse middestad was Donderdag ‘n chaotiese toneel van skokgranate, rubberkoeëls, traangas, en ‘n groot polisieteenwoordigheid toe ‘n vredesoptog wat gehou is om xenofobiese aanvalle te beëindig, in verdere geweld en plundery ontaard het.

‘n Burger van Burundi Moses Sefumama, moes gered word van ‘n skare deur die metropolisie in Durban, het News24 berig. Inwoners kla dat buitelanders dwelms aan kinders smous.

Die polisie moes mensekettings in die strate vorm met hul bevelvoerder wat skree “hou die lyn, hou die lyn” terwyl tierende swart skares probeer deurbreek.

Pres. Zuma het in sy toespraak in die parlement gesê die land sal ferm bly staan teen “rassisme, xenofobie, homofobie en seksisme.”

Buitelandse winkels in Johannesburg sluit na dreigemente

Winkels in buitelandse besit in Johannesburg se middestad het begin om hul deure te sluit ná gerugte dat ‘n skare dreig om op ‘n plunderveldtog te gaan.

Nuus24 berig dat die meeste winkels op Breëstraat reeds gesluit is.

Eyewitness News het getwiet dat daar dreigemente van geweld in die sentrum Johannesburg is en sommige winkels is alreeds geplunder

‘n Polisiewoordvoerder Wayne Minnaar sê die metropolisie monitor die situasie.

Geweld het die afgelope week vanaf gebiede buite Durban na die middestad versprei en polisieversterkings moes uit ander dele van die provinsie ingeroep word.

By Ledig naby Sun City in Noordwes is ook voorvalle van plundery en brandstigting teen buitelanders aangemeld.

Intussen het die VN se voormalige Hoëkommissaris vir Menseregte, Navi Pillay, in Durban oor voortgesette xenofobiese aanvalle in Suid-Afrika gepraat.

Pillay het gesê Suid-Afrika moet ‘n strenger immigrasiebeleid instel en strenger beheer neem oor landsgrense.

Sy het Suid-Afrika se oop grense gekritiseer.

Die voormalige VN-amptenaar is deel van ‘n taakspan wat deur die KwaZulu-Natalse regering aangestel is om aandag te gee aan die geweld wat reeds vyf lewens geëis het, waaronder ook die van ‘n minderjarige.

Byna 2000 buitelanders is reeds na skuilplekke uitgedryf.

Die organisasie, Regslui vir Menseregte, sê die regering maatreëls in te stel om die integrasie van buitelanders in die samelewing te vergemaklik.

Hulle het gesê die regering en wetstoepassingsagentskappe moet optree om die huidige vlaag van geweld te ontlont.

Volgens Regslui vir Menseregte voel Suid-Afrikaners dat buitelanders hulle werksgeleenthede bedreig en dit lei tot misdaad en vreemdelingehaat.

Malawi het vroeër aangekondig dat hy sy burgers uit Suid-Afrika sal repatrieer na die toename in xenofobiese geweld.

Zimbabwe het gesê die aanvalle teen sy burgers in Durban sal nie betrekkinge tussen die twee lande beïnvloed nie.

Zoeloes verjaag buitelanders

Grootskaalse plundery in Durban se lokasies het verlede nag uitgebreek soos spanning aangevuur deur xenofobiese retoriek en werkloosheid oorgekook het.

Verskeie mense is dood en duisende is uit hul wonings gejaag in die mees gewelddadige onlangse aanvalle teen buitelanders wat steeds in ‘n deel van KwaZoeloe-Natal voortduur.

Sporadiese geweld is veral in Suid-Durban opgemerk. Honderde polisielede is ontplooi in die stad van alle uithoeke van provinsie, terwyl duisende Zoeloes op buitelanders se winkels toegesak het.

Die eThekwini Metro se hele brandweer is na verneem word ontplooi in net KwaMashu alleen, soos plunderaars winkels aan die brand steek asook huise wat aan buitelandse burgers behoort.

Die polisie se Openbare Orde-eenheid het gesukkel om die eiendom van buitelanders te beveilig. Volgens berigte het groepe mense in Umlazi en in KwaMashu van winkel tot winkel beweeg en voedsel gebuit voordat winkels aan die brand gesteek is.

Die sentiment van Zoeloe-inwoners is vervat in kommentaar deur die Zoeloekoning Goodwill Zwelithini, wat voorgestel het dat nie-Suid-Afrikaanse burgers hulle “tasse moet pak” en terugkeer huis toe.

Zwelithini se opmerking volg te midde van die regering se pogings om duisende ontwortelde buitelanders aan te moedig om na hul gemeenskappe terug te keer.

Die vlaag xenofobiese geweld kan toegeskryf word aan buitelanders wat ongehinderd oor Suid-Afrika se grense stroom en meeding om werk in ‘n arbeidsmark waar werkloosheid reeds hoogty vier.

Berigte dat ‘n kind geskiet is, kon nie bevestig word nie.

‘n Groot groep swart mans wat by die Dalton mans-hostel in die Durbanse middestad saamgetrek het, is ook uiteengejaag.

Polisie ontplooi teen oproeriges in Gauteng, Kaapstad

Twee oproermakers is by Cosmo City by Randburg in Gauteng in hegtenis geneem ná ‘n gewelddadige betoging in die gebied, het RSG berig.

Die betoging het gevolg ná die balju in die gebied aangekom het om gesinne uit huise se sit wat onwettig opgerig is.

Die ontevredenes het die polisie met klippe bestook en verskeie voertuie, onder meer ‘n voertuig van die Johannesburgse Nooddienste, is beskadig.

In ‘n stadium moes die polisie traanrook gebruik om die oproeriges uiteen te dryf en dele van Malibongwe-rylaan was vir etlike ure gesluit.

Die polisiewoordvoerder, Kay Makhubela sê die twee verdagtes sal binnekort in die hof verskyn op aanklagte van openbare geweld en opsetlike saakbeskadiging.

Intussen het die Wes-Kaapse polisie gesê hulle ondersoek gevalle van openbare geweld en kwaadwillige saakbeskadiging na betogings in Khayelitsha op die Kaapse Vlakte.

Dit volg nadat wetstoepassingsagentskappe mense verwyder het wat grond onwettig beset het wat aan Kaapstad en die wapenmaatskappy Denel behoort.

Die polisie sê een persoon is in hegtenis geneem nadat hy ‘n vragmotor vol vleis geplunder het, terwyl voertuie insluitende polisiemotors onder die klippe gesteek is.

Die polisie handhaaf intussen steeds ‘n sterk teenwoordigheid in die gebied.

Buitelanders in rep en roer oor Zoeloekoning se aanmerking

Meer as ‘n honderd buitelanders het by die polisiestasie op Isipingo in KwaZulu-Natal saamgedrom om aanklagte van aanranding en intimidasie in te dien, nadat tien van hulle winkels in die dorp, suid van Durban, geplunder is.

Hulle sê dit is veroorsaak deur Koning Goodwill Zwelithini se aanmerking dat hulle die land behoort te verlaat, het RSG berig.

Die plundery en aanvalle hou vermoedelik ook verband met vroeëre betogings by ‘n plaaslike pakhuis tussen Umlazi en Isipingo.

Buitelanders sê hulle leef in vrees, en het meer sigbare polisiëring in die omgewing gevra.

Ladybrand gespanne na onwettige grondbesetting

‘n Donker rookwolk het Woensdag oor die Manyatseng-lokasie by Ladybrand gehang.

Volgens Biki Mohono, ‘n plaaslike inwoner wat nou in die lokasie is, is die situasie is buite beheer en inwoners is woedend.

Hy het aan OFM gesê is daar verskillende oproeriges wat geboue brand en buitelanders se winkels plunder. Onder die plunderaars is skoolkinders en hul ouers.

Mohono sê groot skade is aan die plaaslike gemeenskapsaal aangerig. Dié groep oproeriges wou vroeër die biblioteek afbrand maar het aanbeweeg na die Platberg-uitbreiding.

Volgens Mohono het ANC-kantore ook in die slag gebly en is daar glo ook inwoners wat die munisipale pakhuis teiken. Hy sê ‘n munisipale trekker is reeds aan die brand gesteek.

Volgens Mohono sê betogers hulle gaan nie ophou voordat die Mantsopa-munisipaliteit se burgemeester, Sello Ntsepe, bedank nie.

Vroeër is vyf oproeriges in hegtenis geneem vir openbare geweld.

Vrystaatse polisiewoordvoerder Martin Xuma sê daar is nog geen beserings aangemeld nie. Dit volg na die gepeupel die strate ingevaar en die R26 met boomtakke en brandende motorbande afgesper het.

Inwoners van die Manyatseng-lokasie is ongelukkig dat die munisipaliteit inwoners wat onwettig grond beset, uit hulle huise gesit het.

Xuma het ook bevestig dat sowat 300 oproeriges, wat buite burgemeester Sello Ntsepe se huis vergader het, intussen deur die polisie verwilder is.

Brandstigting, plundery vir dienste sonder belastinglas

Oproerige inwoners van Letlhabile en Jericho naby Brits in Noordwes het hulself tot brandstigting en plundery gewend vir dienste.

Die oproeriges, wat min of geen belasting betaal nie, dreig om vol te hou met openbare geweld totdat hulle van skoon water voorsien word.

Hulle het ‘n bus en ‘n vragmotor aan die brand gesteek en verskeie winkels geplunder.

Oproermakers beskuldig die Madibeng plaaslike munisipaliteit daarvan dat hulle nie aan die probleem aandag gee nie, ondanks die feit dat die plaaslike regering miljoene rand bewillig het vir ‘n waterprojek.

Dit is nie bekend wat met die geld gebeur het of wie verantwoordelik is vir die projek nie.

Ontevredenes het skole, sake-ondernemings en gesondheidsentrums gedwing om te sluit.

Dertien vas na plundery in Noordwes

Dertien persone is in Stella in Noordwes in hegtenis geneem vir openbare geweld nadat buitelanders se winkels geplunder is.

“Die polisie het ‘n klopjag uitgevoer op ‘n kroeg in Rekgaratlhile en die alkohol gekonfiskeer,” het Kealeboga Molale, woordvoerder van die polisie, gesê.

“Die gemeenskap was glo ontevrede hieroor en ongeveer 200 lede van die gemeenskap het op die twee buitelanders se winkels toegeslaan en dit geplunder.”

Die groep is Saterdagaand omstreeks 20:00 in hegtenis geneem. Hulle sal na verwagting binnekort in die Vryburg-landdroshof verskyn.

Geweld in Ladybrand nadat Rooi Miere toeslaan

Geweld het in Ladybrand uitgebreek in die Oos-Vrystaat.

Die Manyatseng-lokasie in Ladybrand is in rep en roer nadat honderde huise, wat volgens die munisipaliteit onwettig opgerig is, deur die Rooi Miere afgebreek is.

Inwoners het hulle teen die uitsettings verset.

Die voorsitter van die Mantsopa Inwonersvereniging, Kaye Durant, sê die uitsetting, deur die Rooi Miere, moes onderbreek word toe die Manyatseng-gemeenskap gewelddadig geraak het.

Die Rooi Miere het later egter teruggekeer, vergesel deur die polisie, en het voortgegaan met die uitsetting.

OFM-nuus se verslaggewer op die toneel sê so ver die oog kan sien, is daar net sinkplate, pale en bourommel en tekens van buitebande en hout wat gebrand het.

Honderde mense sal sonder ‘n dak oor hul kop moet klaarkom.

Durant sê tans is dit ‘n hele oorlog. Verskeie buitelanders se ondernemings word geplunder, daar is by skole ingebreek, twee wyksraadslede se huise is afgebrand en skoolkinders dwaal sonder toesig rond weens die geweld.

Polisiemagte moes versterkings van Harrismith, Ficksburg en Bethlehem inroep om te help om die gewelddadige gepeupel onder beheer te hou.

Volgens Durant is ‘n Pakistani sake-eienaar beseer tydens die plundering wat plaasgevind het by sy winkel en is na Bloemfontein geneem vir dringende mediese sorg.
 
Die munisipale woordvoerder Mohlomi Mokoatsi sê die munisipaliteit het gelas dat die uitsettings voortgaan.
 
Volgens onbevestigde berigte is drie mense geskiet en gewond deur rubberkoeëls.

Polisie ontplooi in Limpopo teen xenofobiese geweld

Geweld teen Somaliërs in Ga-Sekgopo, oos van Pietersburg (Polokwane) in Limpopo, het daartoe gelei dat hulle hul moes hul winkels verlaat.

Lt.kol. Moatshe Ngoepe, woordvoerder van die polisie, het gesê die polisie is ontplooi. “Die situasie is tans kalm en ‘n saak van openbare geweld word ondersoek,” het hy gesê.

‘n Somaliër is glo betrap met die selfoon van ‘n moordslagoffer. Die man is drie weke gelede vermoor. Inwoners het die Somaliër daarvan beskuldig dat hy verantwoordelik is vir die moord.

Volgens die polisie het een van die moordenaars moontlik die selfoon aan die Somaliër gegee, of verkoop of vir herstel ingehandig. ‘n Moordverdagte is intussen in hegtenis geneem.

Een verdagte is in hegtenis geneem in verband met die moord en nog ‘n persoon het homself Sondag aan die polisie oorgegee.

Sedert Sondag het geweld en plundery in 11 gebiede in Sekgopo die Somalies immigrante uit hul winkels gedwing.

Somaliese winkeleienaars in die gebiede het gesê hulle leef in vrees, aangesien plaaslike swart inwoners dreig om hulle lewend aan die brand te steek.

Een van die winkeliers het gesê hy het al sy voorraad verloor tydens die plundertog. “Ons het ons voorraad, kruideniersware, klere en boumateriaal verloor,” het hy gesê.

Ander eienaars is bekommerd dat hulle kollektief verantwoordelik sal gehou word vir een oortreding. “Dit is jammer, want ons is nie eers deel van hierdie selfoonherrie nie, maar omdat ons buitelanders is, word ons ook ingesluit. Ons bly al jare lank in hierdie gemeenskap. Ons was ‘n familie, ons was deel van hulle.”

Buitelander lewendig verbrand deur gepeupel

In die jongste voorval van vreemdelinghaat is ‘n buitelander lewendig aan die brand gesteek deur ‘n verwoede gepeupel in Soweto.

In nog ‘n voorval is twee mense in hegtenis geneem vir diefstal van goedere uit ‘n buitelandse winkel in Thembelihle, Lenasia. Altesaam 180 mense is reeds verlede maand vasgetrek vir ivm plundery en geweld.

Die buitelander is ernstig beseer toe die skare Donderdag in Doornkop in Soweto paraffien oor hom uitgegooi het en hom aan die brand gesteek het nadat hy aangesê is om die plek te verlaat.

Lt. Kay Makhubela, woordvoerder van die polisie, het die voorval bevestig. “Polisiebeamptes het na die toneel gehaas om hom te red. Hy is baie ernstig beseer en is na ‘n hospitaal geneem.”

Niemand is nog in verband met die voorval in hegtenis geneem nie.

Vier buitelanders is in ‘n afsonderlike voorval in hegtenis geneem toe ‘n groep swart plaaslike inwoners hul winkel begin plunder het.

“Een van die buitelanders het ‘n in die lug gevuur,” volgens Makhubela. Die polisie het die vuurwapen daarna gekonfiskeer. Nie een van die plaaslike inwoners is in hegtenis geneem nie.

Verskeie buitelandse winkels loop in Gauteng onder plundery deur nadat die 14-jarige Siphiwe Mahori op 19 Januarie doodgeskiet is.

Mahori was deel van ‘n skare wat ‘n Somaliër se winkel in Snake Park in Soweto wou beroof. Die onrus het van Soweto na Kagiso aan die Wes-Rand oorgespoel, asook Sebokeng in die Vaal, Edenpark in Ekurhuleni en Alexandra in Johannesburg.

Verskeie mense is dood, insluitend ‘n baba wat tydens ‘n stormloop versmoor het.

Die geweld teen buitelanders se ondernemings regoor die land sal ondersoek word, die minister van Klein Sake, Lindiwe Zulu gesê.

“Die verlies van lewens en die vernietiging van eiendom moet in die sterkste moontlike terme veroordeel word,” het Zulu in ‘n verklaring gesê.
 
Sy het gesê ‘n span sal saamgestel word om die oorsake te ondersoek en aanbevelings te maak.
 
“Ons doen ‘n beroep op lede van ons gemeenskappe om saam te werk met die polisie en nie die reg in eie hande te neem nie.”
 
Sy het gesê almal wat in Suid-Afrika woon, insluitend buitelanders, is geregtig op beskerming onder die wet. In terme van die Grondwet, kan asielsoekers en vlugtelinge besighede in Suid-Afrika bedryf.
 
“Buitelanders wat besighede besit is ook onderhewig aan dieselfde belasting en heffings as Suid-Afrikaners,” het sy egter bygevoeg.
 
“Ons doen ‘n beroep op lede van ons gemeenskappe om aan staatsdepartemente en ander regeringsagentskappe die ruimte te laat om die situasie aan te spreek.”
 
Zulu is onlangs gesê buitelanders moet hulle handelsgeheime en sukses met die plaaslike bevolking deel.
 
“Swart mense was nooit deel van die ekonomie van Suid-Afrika in terme van die besit van enigiets nie. Daarom, as hulle sien dat ander mense van buite suksesvol is, voel hulle asof hulle uit daardie ruimte gesluit word deur buitelanders,” het sy aan Bloomberg op 28 Januarie gesê.

“Dit is belangrik vir buitelanders om hul sukses met Suid-Afrikaners te deel.”
 

Somaliërs moet winkels op Kaapse Vlakte sluit

Somaliese winkels in die Marikana-lokasie in Philippi op die Kaapse Vlakte moes Woensdagaand inderhaas sluit weens geweld teen buitelanders.

Een persoon is dood, een gewond en verskeie winkels is Dinsdag in die gebied geplunder.

Gemeenskapsleiers het intussen vergader om vrese te probeer weerlê van plundery in die gebied.

Die Seskhona beweging het aangedui dat hulle openbare vergaderings sal hou om die geweld te probeer aanspreek.