Kategorie: Internasionale nuus

Nuus oor die wêreld buite Suider-Afrika

Voormalige Israelse premier gevonnis

Die voormalige Israelse eerste minister, Ehud Olmert, is vanoggend in ‘n hof in Jerusalem tot agt maande tronkstraf gevonnis omdat hy onwettig geld van ‘n Amerikaanse sakeman, Morris Talansky, ontvang het vir politieke gunste.

Hy is in Maart in ‘n herverhoor skuldig bevind.

Olmert se regsverteenwoordigers het aangedui dat hulle gaan appelleer.

Hy is verlede jaar ook tot ses jaar tronkstraf gevonnis vir sy rol in ‘n reuse eiendoms-omkoperyskema.

Olmert was premier tydens die aanvalle op die Twin Towers op 11 September 2001 in die stad New York, toe vermeende Moslemaanvallers vliegtuie met papiermesse gekaap het.

Die papiermesaanvallers en argitekte van 9/11 het klaarblyklik nie besef dat die internet aanstons ‘n bepaalde rol sal speel om kwelvrae oor hul betrokkenheid te opper nie.

Olmert is deur Tony Blair ondersteun.

Blair is nou betrokke by die verspreiding van leuens om die Anglo-Amerikaanse oorlog in Irak te vergoeilik.

Hy het sy kiesers en die internasionale gemeenskap stelselmatig mislei oor bestaande wapenprogramme in Irak, sowel as oor Saddam Hussein se versinde skakel met al-Kaida.

Dinsdagaand het die voormalige CIA-adjunk-direkteur en Bush se intelligensieraadgewer Michael Morell op MSNBC se Hardball verskyn waar hy erken het dat die Bush-administrasie doelbewus verkeerde intelligensie gebruik het.

Vredesgeprek in Burundi stol

Burundi se opposisie boikot tans vredesgesprekke met die regering. Die dialoog het Maandag uit protes teen die moord van ‘n opposisieleier, Zedi Feruzi, ten einde geloop.

Die VN het vroeër ingegryp om ‘n maand van protes en geweld te beëindig in dié Oos-Afrika land.

Minstens 20 mense is dood sedert oproer uitgebreek het op 26 April, ‘n dag nadat President Pierre Nkurunziza aangekondig het dat hy vir ‘n derde termyn van vyf jaar sal dien omdat hy nie vir sy eerste termyn verkies is nie.

Die oproeriges teen Nkurunziza is telkens deur soldate onderdruk wat in die lug gevuur het, net om weer elders te hergroepeer.

Daar is ook spanning in weermaggeledere dae ná die mislukte staatsgreep wat deur ’n topgeneraal gelei is, het AFP berig.

Soldate was in straatgevegte met mekaar gewikkel. Die polisie het nou grootliks op straat oorgeneem in ’n poging om die betogings te verhinder.

Voor die mislukte staatsgreep is die weermag deur betogers as meer neutraal as die polisie beskou. Soldate het dikwels tussen die polisie en betogers inbeweeg om konfrontasie te voorkom.

Minstens 20 mense is in straatgevegte gedood voordat die generaals verlede week ’n mislukte staatsgreep uitgevoer het.

Pacifique Nininahazwe, ’n leidende figuur in die protes teen Nkurunziza se poging om vir ’n derde presidentstermyn te staan, het gevra vir ’n “vreedsame betoging sonder beledigings en sonder dat klippe gegooi word”.

“Ons stop wanneer die polisie ons konfronteer. Ons sit met ons hande in die lug en daarna stap ons verder,” het hy in ’n boodskap gesê wat op sosiale media versprei is nadat vier onafhanklike radiostasies deur die owerhede gesluit is.

In die hoofstad se Nya-kabiga-distrik het die weermag in die lug gevuur terwyl betogers met hul hande in die lug op die grond gelê het en die volkslied gesing het.

Bujumbura se burgemeester, Juma Saidi, het Sondag op staatstelevisie gewaarsku dat betogers “as deel van die staatsgreep” beskou sou word en veiligheidsmagte opdrag gegee om hulle as sodanig te behandel.

’n Groep topgeneraals het vroeër probeer om Nkurunziza uit die kussings te lig, terwyl hy op ’n besoek aan Tanzanië was.

Nkurunziza word daarvan beskuldig dat hy ’n veldtog van onderdrukking teen sy opponente van stapel gestuur het. Hy het ook probeer om die onafhanklike media stil te maak sedert die staatsgreep­leiers ná hewige gevegte die knie voor lojalistiese troepe gebuig het.

Sewentien ­beweerde staatsgreepsame­sweer­ders, insluitende ’n voormalige minister van verdediging en twee toppolisiekommissarisse, het reeds in die hof verskyn op klagte dat hulle probeer het om die staat omver te werp.

Prins vra dat diensplig terugkom

Brittanje se prins Harry het versoek dat diensplig weer in dié land ingestel word, het Reuters berig.

Hy sê sy militêre loopbaan het hom en die soldate onder sy bevel gehelp om op die regte pad te bly.

Die 30-jarige Harry, vyfde in die ry vir die Britse kroon, het aan die Britse Sunday Times gesê sy loopbaan van tien jaar in die Britse weermag het “wonderlike dinge” vir hom gedoen.

“Bring diensplig terug. Ek ys as ek dink waar ek sonder die weermag sou wees.

“En nog belangriker, ek het gesien wat dit vir die jong manne beteken.”

Harry se weermagloopbaan eindig in Junie, nadat hy vroeër vanjaar gesê het hy is by ’n kruispad in sy lewe en dat hy meer koninklike take moet hanteer waarvoor hy nie tyd sal hê as hy ook nog in die weermag is nie.

Hy het ook gesê dat hy nie nou enige spesiale vriendin in sy lewe het nie en dat hy tevrede is met sy alleenloper­status.

Skudding tref Tokio

‘n Aardbewing met ‘n voorlopige sterkte van 5,6 op die Richterskaal gemeet het die Japanse hoofstad, Tokio, en omliggende gebiede vroeër geskud.

Die land se meteorologiese agentskap sê dit was nie nodig om ‘n tsoenami-waarskuwing uit te reik nie.

Die episentrum was net noordoos van Tokio, maar geen onmiddellike berigte oor skade of ongevalle is ontvang nie.

Swart Amsterdamse skole soek naarstiglik na wittes

Negen op de tien leerlingen hebben er een kleurtje: de St. Catharinaschool en de Avonturijnschool in Amsterdam-Zuid zijn ‘zwarte’ scholen in gekleurde wijken waarin ook veel autochtone Nederlanders wonen.

Dat wit ondervertegenwoordigd is, vindt directeur Roger Baggen van de Catharinaschool “treurig”. En dat zullen bewoners van de Rivierenbuurt en de Pijp vandaag te weten komen. Leerlingen van de twee scholen gingen namelijk vanochtend de straat op en probeerden met provocerende T-shirts blanke klasgenoten te werven.

“Is dit wit genoeg voor u”, staat op voorkant van de shirts. En op de rug: “Elk kind heeft recht op integratie”. De kinderen uit de hoogste klassen en begeleiders willen op die manier de discussie over zwarte scholen aanzwengelen. De kleintjes blijven op school.

“We hebben dit met de leerlingen besproken en ze staan er helemaal achter”, zegt Baggen. Hij vindt dat de scholen een afspiegeling van de wijk moeten zijn, zodat de leerlingen in aanraking komen met andere culturen.

“Veel witte mensen zien dat hier veel allochtone kinderen op school zijn en dat willen ze niet. Dus kiezen ze voor een andere school, ook al moeten de kinderen dan verder lopen of fietsen.”

Deze situatie is volgens Baggen de afgelopen jaren geleidelijk gegroeid. Het probleem is nu zo groot, dat de scholen te klein dreigen te worden. Als zich geen witte kinderen melden, is het voortbestaan onzeker, want in de omgeving wonen niet genoeg gekleurde kinderen.

Femke Halsema, de fractievoorzitter van GroenLinks, heeft haar kinderen in 2010 van de zwarte school afgehaald in de Transvaalbuurt in Amsterdam-Oost. De tweeling zat op school met een groot aantal islamitische kinderen.

“Ze zijn naar een andere buurtschool. Dat is beter voor hun welzijn. Kinderen zijn geen sociaal experiment. Over de reden wil ik niets zeggen, het gaat over de privacy van mijn kinderen,” aldus Halsema in de Telegraaf.

Bron: nos.nl/ad.nl

MTN sukkel met diesel in Nigerië

Nigerië se grootste selfoonoperateur, MTN, het gewaarsku dat hy gedwing kan word om sy dienste te sluit weens ‘n tekort aan dieselvoorraad in Afrika se grootste olieproduserende land.

MTN Nigeria het ‘n boodskap op die sosiale netwerk Twitter geplaas en gesê omdat die meeste van sy basisstasies en ander toerusting deur kragopwekkers aangedryf word, kan sy bedrywighede ernstig geknou word tensy hy binnekort brandstof kry.

Dit is die jongste maatskappy wat deur die maandlange brandstoftekort in Nigerië geknou word.

Nigerië word deur brandstoftekorte gekortwiek as gevolg van omstrede subsidiebetalings.

Afrika se grootste olie-produsent beskik oor geen binnelandse raffinaderye nie, en word gedwing om ru-olie uit te voer en verwerkte produkte soos petrol en diesel in te voer.

Om koste aan verbruikers laag te hou, stel die regering pryse onder die markkoers en betaal die verskil aan invoerders.

Maar die daling in oliepryse het die land hard getref.

Dwelmbendegevegte in Mexiko eis 43

Minstens 43 mense is dood in ‘n skietgeveg tussen lede van die veiligheidsmagte en ‘n gewapende bende in een van Mexiko se gewelddadigste state.

Die geveg in Michoacan het na bewering met dwelms verband gehou en volgens amptenare is minstens een polisieman ook dood.

Die owerhede is reeds jare lank in ‘n bloedige oorlog met die gebied se invloedrykste dwelmkartel gewikkel.

Meer as 30 gewere is gekonfiskeer na gister se geveg wat langer as drie ure geduur het.

Ierland stem oorweldigend vir gay huwelike

Ierland het in ‘n geskiedkundige referendum oorweldigend ten gunste van die wettiging van huwelike tussen dieselfde geslag gestem.

Meer as 62 persent van die stemme was ten gunste van die wysiging van die land se grondwet om homoseksuele paartjies toe te laat om met mekaar te trou.

Ierland is die eerste land in die wêreld wat sulke soort huwelike sal wettig ná ‘n algemene stemming.

Dr Dan Roodt van PRAAG het op Twitter gesê daar behoort ‘n referendum gehou te word in Suid-Afrika oor die kwessie aangesien die land demokrasie as ‘n nastrewenswaardige voorbeeld voorhou.

Sogenaamde “Grondwetkenners” in Kaapstad het die idee van ‘n referendum oor gay huwelike fel gekritiseer en in reaksie gesê dit is reeds in die Grondwet “verskans” en kan nie “verander” word nie.

Nepal weier Britse helikopters in rampgebied

Drie Chinook-helikopters wat deur die Britse leër gestuur om met noodleniging in die aardbewing-geteisterde Nepal te help, en gestrand was in Chandigarh in Noord-Indië, is onverrigter sake terug na Brittanje.

Volgens vroeëre berigte het die regering van Nepal toegang vir die helikopters geweier.

Groot verwarring heers blykbaar oor die redes vir die weiering. Die Indiese regering sê die weiering het niks met politiek te make nie.

Die Indiese minister van Inligting sê daar is gewoon nie plek op lughawe se aanloopbaan in Katmandoe vir die groot heli’s nie, maar volgens Britse bronne is daar oorgenoeg plek omdat die Chinooks ook op die gras neffens die teer kan land.

Volgens Chinese bronne wil die Indiese regering egter nie ‘n Britse of ‘n Amerikaanse militêre teenwoordigheid in die rampgebied hê nie.

Die Indiese ministerie van Buitelandse Sake het ook ‘n Amerikaanse versoek om ‘n lugbeheersentrum in Nepal op te rig, geweier.

Burundi-verkiesing onbepaald uitgestel

President Jacob Zuma sê Afrikaleiers het op ‘n streekberaad in Angola besluit dat die presidentsverkiesing in Burundi vir ‘n onbepaalde tyd uitgestel moet word totdat daar weer politieke bestendigheid in die land is.

Die spesiale vergadering in Luanda is byeengeroep ná ‘n mislukte staatsgreep in Burundi teen president Pierre Nkurunziza, wie se besluit om vir ‘n derde termyn as staatshoof te staan, grootskaalse betogings en geweld in die land tot gevolg gehad het.

Zuma sê in ‘n verklaring daar is ook ooreengekom dat ‘n afvaardiging van staatshoofde van Kenia, Uganda, Tanzanië en Suid-Afrika Burundi so gou as moontlik sal besoek om die toestand te evalueer en by te dra tot die vreedsame oplossing van die huidige situasie.