Kategorie: Nuus

Skrywer jaag Eugene de Kock by boekbespreking uit

‘n Engelse skrywer, Lauren Beukes het Eugene de Kock uit ‘n skrywersvergadering gejaag waar hy opgedaag het om te verneem of sy boek op ‘n pryskortlys aangekondig sal word.

Die biografie, wat Anemari Jansen in samewerking met De Kock geskryf het, is in April benoem vir die Sunday Times Alan Paton-prys.

De Kock, wat sy tronkstraf uitgedien het en sowat ‘n jaar gelede op parool vrygelaat is, was glo ‘n gas van die biografie se uitgewer, Tafelberg, maar Beukes het besluit om hom terstond van ‘n basiese menseregte te ontneem.

Beukes het soos die Engelse gewoonte maar is, haarself aangestel om ‘n paar bonuspunte vir Engelse voortreflikheid te probeer aanteken deur namens swart skrywers en uitgewers verontwaardig te wees.

Volgens haar was die swartes die naweek by die letterkundefees in Franschhoek “verskriklik getraumatiseerd oor De Kock se teenwoordigheid”.

Almal het “gewonder” of hulle die lokaal moet verlaat, sê sy. Niemand het egter uitgeloop uit die bespreking nie.

Toe nie een van die swartes wou loop nie, het Beukes besluit om in te gryp en voormalige Vlakplaas-verhoorde soos ‘n wafferse konsentrasiekampbevelvoerder te gaan verjaag.

Een van die oud-polisieman se paroolvoorwaardes is dat hy nie met die media mag praat nie. Beukes kon die media dus op haar eentjie trakteer oor die gebeure.

Lede wat die paneelbespreking bygewoon het waar Jansen opgetree het, sê hulle was nie bewus van swart ontsteltenis nie.

De Kock was self verbaas om te verneem van die “swart trauma” maar het nie teëgestribbel nie. “Dankie dat jy my gesê het,” het hy gesê en daarna opgestaan en uitgestap.

Hy het Vrydag en Saterdag die letterkundefees bygewoon.

UJ Sanlam-ouditorium brand na petrolbomaanval

Die Sanlam-ouditorium by die Kingsway-kampus van die Universiteit van Johannesburg het afgebrand, vermoedelik na ‘n petrolbomaanval.

‘n Groot gedeelte van die hoofkampus is tans gesluit. Studente sou eksamen skryf in die gebou.

Die veiligheidspersoneel sê die voorval het moontlik in die vroeë oggendure Maandag plaasgevind en ‘n woordvoerder Herman Esterhuizen het op Twitter gesê die brand is reeds geblus.

Swartes op sosiale media het gesê dit sal lei tot verdere rassisme.

Verskeie departemente word geraak nadat die ouditorium onder ‘n petrolbom-aanval deurgeloop het.

Dit is onduidelik wie vir die voorval verantwoordelik kan wees, maar die kampus is onlangs deur verskeie voorvalle van oproer geteister.

Kolonel Perumal van Brixton-polisiestasie sê ‘n forensiese span van Pretoria is op pad na die toneel.

Studente het verlede week amok gemaak omdat vrouestudente glo deur veiligheidspersoneel geteister word, en daarna weens onvoldoende vervoer op die kampus.

Intussen is lesings by die Vaal Universiteit van Tegnologie nog steeds opgeskort nadat die hoofkampus op Vanderbijlpark suid van Johannesburg afgebrand is.

Die studente was glo kwaad omdat die sekuriteit op die kampus nie diefstal verhoed nie. Hulle eis dat die betrokke veiligheidsmaatskappy afgedank moet word.

Die bestuur het Donderdag alle studente opdrag gegee om hulle koshuise weens veiligheidsredes te ontruim.

Die universiteit se waarnemende Visekanselier, Segopane Seroka, sê die personeellede is aangesê om terug te keer sodat hulle kan werk kan voorberei.

Die studente sal later in kennis gestel word as hulle kan terugkeer kampus toe.

Seroka sê daar is heelwat kwessies wat ondersoek vereis waaronder eksamenvoorbereiding.

Tiener vas vir moord op Winnie Rust

‘n Agtienjarige “belowende atleet” wat aan die Hoërskool Hugenote gematrikuleer het, sal Maandag in die landdroshof in Wellington verskyn in verband met die moord op die skrywer Winnie Rust.

Die skryfster wat verhale oor rassekwessies gepen het, is verlede Woensdag doodgemartel, vermoedelik deur die tiener wat sy gehelp het.

Volgens Noloyiso Rwexana, ‘n polisiewoordvoerder, is die vermeende moordenaar die naweek in hegtenis geneem deur die Wellingtonse speurtak nadat verskeie artikels wat by Rust gesteel is, in sy besit gevind is.

Die verdagte is die seun van die kleurlinghuishulp.

“Vir ons is dit nie ‘n prioriteit of haar moordenaar vasgetrek word nie,” het Rust se jonger broer, Chris van der Merwe (72), gesê nadat hy gehoor het die tiener is gevang.

Intussen is ‘n tweede verdagte ook vasgetrek vir die moord. Hy sal glo Dinsdag verskyn.

“Die polisie kan bevestig dat ’n 34-jarige verdagte ook vir Winnie se moord in hegtenis geneem is en in die hof sal verskyn sodra hy formeel aangekla word,” sê Rwexana.

Bure het Woensdagmiddag harde geluide uit die woonhuis van die egpaar hoor opklink. “Ons het harde geluide gehoor wat uit die huis gekom het,” het ‘n buurvrou aan Nuus24 gesê.

Maar die egpaar se kwaai Duitse herdershond, Max, het nooit geblaf nie.

Inwoners het gesê Rust het nie haar gru-dood verdien nie, omdat sy so uitermatig barmhartig was.

“Sy is die laaste mens met wie so iets moes gebeur en dit maak ’n mens nogal kwaad. Haar sagte manier van omgee het ‘n invloed op almal in die dorp gehad, of jy nou wit, swart of bruin is,” het ‘n vriendin van 30 jaar aan Nuus24 gesê.

Rust se vrygewigheid het van haar ‘n “rolmodel” gemaak, het sy gesê. Sy het glo dikwels kinders van alle rasse gehelp.

Nog ‘n kennis het haar beskryf as iemand met ‘n “fyn oog vir onreg”.

Verskeie bure het by navraag gesê hulle voel uiters onveilig op Wellington.

Een wit inwoner is ‘n paar maande gelede deur booswigte oorval wat voorheen in sy tuin gewerk het.

“Ons het drie jaar gelede van Johannesburg af hierheen getrek. My man het juis Woensdag nog gesê dat dit soveel veiliger hier as daar is, maar ek dink nie so nie. ’n Mens is nêrens veilig nie, nie eens in jou eie huis nie.”

Rust se drie kinders woon in die buiteland.

Wit boer in Zim doodgekap

Die polisie in die suidooste van Zimbabwe sê hulle soek na ‘n plaaswerker wat daarvan verdink word dat hy ‘n bejaarde wit boer met ‘n panga doodgekap het.

Die voorsitter van die Commercial Farmers ‘Union, Petrus Steyl het die moord beskryf as “wrede” aanval op Adolf Willem Botha, 64.

Sy lyk is gevind in ‘n plas bloed by sy opstal in Triangle verlede Saterdag.

Botha, wat as ‘n bestuurder gewerk het op ‘n klein suikerrietplaas, Mpapa, is dood weens ‘n kapwond in die nek.

Lees verder.

Boer in kop geskiet

‘n Boer van Paulpietersburg in KwaZulu-Natal is Vrydagaand in sy huis vermoor.

Friedel Filter is deur swart aanvallers op die plaas Frischgewagt oorval waar sy dogter en skoonseun uit Duitsland tans kuier.

Die swart aanvallers het die boer na buite gedwing met ‘n handwapen teen die kop waar nog vier gewag het.

Die booswigte het Filter buite in die kop geskiet en daarna te voet gevlug.

Volgens maj. Shooz Magudulela, polisiewoordvoerder sê ‘n plaaswerker is kort daarna in die been geskiet, vermoedelik deur dieselfde aanvallers.

Die werker se selfoon is gesteel. Hy word in die hospitaal behandel.

Die polisie is tans op soek na ses swartes tussen 30 en 40 jaar oud.

Wit polisiebeamptes vang swart OTM-aanvallers

Twee wit polisiebeamptes, lt-kol. Amanda Viljoen en adj-off. Vollie van Vollenhoven het drie swart OTM-aanvallers wat Heidelberg die afgelope paar weke geteister het, vasgetrek.

Die swart boewe het veral bejaardes wat geld by OTM-masjiene onttrek het, geteiken.

Die inwoners se aandag is afgetrek terwyl hulle geld onttrek, die rowers het dan hul bankkaarte en kontant gegryp en in ‘n peperduur rooi Volswagen Golf weggejaag.

Bron: Heidelberg Nigel Heraut

Amerikaanse owerhede vrees herhaling van ‘Kry die Jood!’

Die Amerikaanse owerhede is op soek na vyf jong swartes wat ‘n Joodse skoolbus aan die brand gesteek het.

Die voorval het in ‘n woonbuurt plaasgevind wat in die 1990’s onder rasse-onluste deurgeloop het.

‘n Elfjarige swart seun is al in hegtenis geneem en ná die brand Sondag van brandstigting aangekla.

Die voorval word as ‘n potensiële haatmisdaad beskou.

Kringtelevisiemateriaal wys hoe ‘n groep swart seuns weghardloop as die bus begin brand, het die polisie gesê.

Die bus het aan die Bnos Chomesh Academy behoort. Dit is ’n meisieskool in Brooklyn se Crown Heights-woonbuurt, waar spanning tussen die Joodse en swart gemeenskap in 1991 tot onrus gelei het.

Robert Boyce, hoof van die New Yorkse polisie se speurdiens, het gesê ’n groep van ses swartes het karton­houers in die bus ingedra en dit op die sitplekke aan die brand gesteek.

“Dit is doelbewus en met voorafbeplanning gedoen. Dit was baie duidelik ’n bus van ’n Joodse skool. Almal in die gemeenskap weet dit.”

Dit was die derde voorval in sy soort die afgelope week.

’n Busbestuurder van ’n ander Joodse skool het verlede Vrydag gesê sy kantspieëltjie is stukkend geslaan.

’n Dag vantevore het ’n man in tradisionele Joodse drag gesê hy is deur ’n 13-jarige seun geteister. Die seun het hom in die gesig geslaan. Die kind is op ’n klag van aanranding in hegtenis geneem en word as ’n minderjarige verhoor.

Die verdagtes in die brand op die bus en die aanranding is almal swart.

Boyce het gesê die voorvalle in Crown Heights is kommerwekkend.

“Ons hoop om inhegtenisnemings te doen en hierdie sake op te los,” het hy gesê.

Die openbare onrus in 1991 het begin nadat ‘n sewe-jarige swart seun deur ‘n Joodse bestuurder raakgery is.

‘n Groep swartes het begin skree “Kry die Jood!” en ‘n Australiese toeris doodgesteek.

Brand jou skool af en kry ‘n rekenaartablet!

Brand jou skool af om beter leermateriaal en ondersteuning van die owerhede te ontvang. Dit is die boodskap wat die ANC aan stamoproeriges in Limpopo deurgegee het.

Die ANC is kennelik bekommerd oor die voortslepende etniese geweld in Limpopo en het besluit om die oproermakers te probeer paai met duur geskenke soos rekenaartablette vir skoolkinders.

Die LUR vir Onderwys in Limpopo, Ishmael Kgetjepe sê die departement is ook sonder meer gereed om sowat 64 mobiele klaskamers by skole wat afgebrand en gevandaliseer is, af te lewer.

Kgetjepe en die minister van Basiese Onderwys, Angie Motshekga het met ander belangegroepe in Thohoyandou vergader.

Onderrig sal na verwagting teen Maandag voortgesit word nadat die ANC ingestem het om die skole te vervang.

Die koste van die nuwe klaskamers is nie bekend nie.

Vier-en-twintig skole is beskadig deur oproeriges wat tot brandstigting en geweld oorgegaan het oor etniese spanning wat heers tussen die Tsongas en Vendas.

Die Tsongas is woedend nadat hul pogings in die howe om te keer dat Vuwani en Malamulele saam ‘n nuwe munisipaliteit vorm, misluk het.

Die hoof van die ministeriële komitee wat belas is met die etniese geweld in en om Vuwani, Des van Rooyen, sê van die leerders sal met tablette toegerus word.

Skryfbehoeftes en dokumente is verwoes toe skole gevandaliseer is.

Van Rooyen het tydens ‘n mediasessie gesê die privaatsektor is ook van hulp en het maatskappye en organisasies gevra om ook ‘n hand by te sit.

Weste stap uit Uganda se presidentsinhuldiging oor al-Basjir

Amerikaanse, Europese en Kanadese verteenwoordigers het uit die inhuldiging van die Ugandese president, Yoweri Museveni in Kampala gestap.

Die Westerse lande het uit protes teen die teenwoordigheid van die Sudanese leier, Omar al-Basjir, die byeenkoms verlaat en omdat die Ugandese president die Internasionale Strafhof beledig het in sy toespraak.

Museveni het in sy verwelkomingstoespraak aan die begin van sy vyfde ampstermyn kritiek uitgespreek teen die ISS en hulle “‘n spul nuttelose mense” genoem.

Al-Basjir het die plegtigheid bygewoon ten spyte van ‘n internasionale lasbrief teen hom op klagtes van menseslagting.

Amnestie Internasionaal sê al-Basjir moet verantwoording doen vir menseregte-skendings en Uganda moet sy internasionale verpligtinge nakom.

‘n Onlangse hofuitspraak in Suid-Afrika het die Suid-Afrikaanse regering skerp gekritiseer oor die Soedannese leier se teenwoordigheid.

‘n Lasbrief is uitgereik om Al-Basjir in hegtenis te neem, maar Suid-Afrika het versuim toe hy hom verlede jaar in Johannesburg bevind het vir ‘n Afrika Unie-beraad.

Indië het ook geweier om die president in hegtenis te neem tydens sy besoek aan Nieu-Delhi in Oktober verlede jaar het die Internasionale Strafhof gesê.

Indië is nie ’n stigter-ondertekenaar van die Verdrag van Rome waardeur die hof tot stand gebring is nie, maar die hof voer aan dat Indië ’n plig het ingevolge ’n resolusie van die Verenigde Nasies (VN) se Veiligheidsraad.

Al-Basjir se immuniteit is volgens die internasionale reg opgehef, maar Afrikalande steur hulle nie aan die hof se uitsprake nie.

Al-Basjir het ongehinderd in Indië opgedaag vir ’n Indië-Afrika-beraad en is vriendelik deur premier Narendra Modi ontvang. Die twee het intussen samesprekings gehou.

Indië is die tweede grootste handelsvennoot van Soedan na China. Verskeie Indiese olie-, gas- en konstruksiemaatskappye werk in Soedan.

In Maart verlede jaar het die president ook Egipte besoek waar hy aan ‘n internasionale ekonomiese konferensie deelgeneem het en hy het China ook besoek sedert die lasbrief uitgereik is.

Kroonstad, Rustenburg se krane leeg

Daar is geen water op Kroonstad sedert gister nie, nadat die Departement van Water en sanitasie (DWS) en Moqhaka Munisipaliteit begin het met die skoonmaak van reservoirs.

‘n Woordvoerder van die departement Sputnik Ratau, sê die afsluiting is om te verseker dat die kwaliteit van die water nie in die gedrang kom nie.

Hy sê die skoonmaak van die reservoirs is lank reeds beplan en hulle het konsulteer met die gemeenskap vooraf.

Hulle vul intussen tenkwaens met water uit boorgate op verskeie plase.

“Ons het ook ‘n paar gebeurlikheidmaatreëls in plek sodat mense kan voortgaan om water te hê.”

Ratau sê watervoorsiening sal terug wees teen Saterdagmiddag op die laatste.

Intussen het krane in Lethabong naby Rustenburg in die Noordwes opgedroog as gevolg van lae druk op die grootmaatpyplyn, het die Rustenburg munisipaliteit gesê.

“Daar is ‘n lae druk op die grootmaatwaterpyplyn wat begin het op 10 Mei. Dit is nie ‘n waterafsluiting nie.

Tenkwaens is na geaffekteerde gebiede gestuur, het die munisipaliteit se woordvoerder Thapelo Matebesi gesê.

Gefrustreerde inwoners het kruiwaens vol water uit brandkrane getap.

“Dit is al vier dae vandag [Donderdag] sonder water, maar ons betaal,” sê Aliminah Mbenge, wat twee 20 liter houers in ‘n kruiwa stoot. Lethabong gebruik voorafbetaalde watermeters.

“Dit is nie reg nie. Ons kry nie eens kennisgewings van enige wateronderbrekings nie.”

Verlede week Vrydag, het die munisipaliteit ‘n kennisgewing uitgereik dat daar watervoorsieningsonderbrekings sal wees nadat ‘n groot pyp gebars het.

Die 700mm-staalpyp is uiteindelik Maandag herstel.