‘n Forensiese ondersoek is gelas na die Suid-Afrikaanse polisiediens se afdeling wat gemoeid is met skeidingspakette.
Die minister van polisie, Nathi Mthethwa, het gesê ‘n omvattende ondersoek sal geloods word nadat vier polisielede ivm korrupte uitbetalings vasgetrek is.
Die afdeling is verantwoordelik vir die verwerking van betalings en voordele aan voormalige SAPD-werknemers.
Die vier mense is reeds in verband met beweerde bedrog en korrupsie met uitbetalings in hegtenis geneem en die Valke sal die ondersoek verder behartig.
Die boosdoeners het vals profiele geskep aan wie uitbetalings gemaak is, terwyl legitieme begunstigdes nie hul voordele ontvang het nie.
Hulle is aangekeer nadat die seun van ‘n ontslape polisieman ‘n saak van bedrog aanhangig gemaak het.
Mthethwa sê dit is moontlik dat ‘n sindikaat wat binne die polisie opereer met hulp van buite op grootskaal by die bedrog betrokke kan wees.
Die nasionale polisiekommissaris, Rhia Phiyega het vroeër gesê die SAPD word geteiken.
Die gewildste Afrikaanse sanger Steve Hofmeyr gaan na verwagting vandag in die landdroshof op Bronkhorstspruit verskyn op aanklagte van roekelose bestuur.
Die media het vroeër die datum van sy verskyning verkeerd aangekondig.
Hofmeyr is twee weke gelede in hegtenis geneem in verband met ‘n spoedoortreding op dieselfde dag as wat Julius Malema ook vir ‘n spoedoortreding vasgevat is.
Die leier van die Ekonomiese Vryheidsvegters, is in die Vaaldriehoek in hegtenis geneem nadat hy te vinnig gery het.
Hofmeyr was laat vir sy optrede by ‘n musiekfees in Badplaas, Mpumalanga, en het na bewering teen 169 kilometer per uur in ‘n 80 kilometer per uur sone gery.
Hy is dieselfde aand op borgtog van R500 vrygelaat. Sy saak is tot einde Januarie uitgestel.
‘n Swart sanger Donald Moatshe sal ook vandag in die Umhlali-landdroshof aan die noordkus van KwaZulu-Natal verskyn weens ‘n spoedoortreding op die N2 naby Ballito.
Verkeersowerhede sê hy het teen 182 kilometer per uur in ‘n 120 kilometer per uur sone gery.
‘n Malawiër sal Vrydag in Musina se landdroshof om borgtog aansoek doen nadat hy na bewering in die besit van kokaien ter waarde van R19 miljoen betrap is.
Hy is verlede week by die Beitbrug-grenspos in hegtenis geneem.
Die dwelms is deur ‘n snuffelhond op die bus waarin hy gery het, uitgeruik.
Borgtog is verlede week aan nog ‘n Malawiër borgtog geweier nadat hy met R23 miljoen se kokaien by Beitbrug betrap is.
Die departement van binnelandse sake het intussen gesê dat hulle bykomende personeel by die ingangspunte na die land sal ontplooi om te help om die toename in besoekers.
‘n Woordvoerder van die departement, Ronnie Mamoepa, sê die maatreëls sal gedurende die hele Feestyd geld.
Hy sê meer as drie miljoen mense het reeds in Desember die land ingekom, wat sowat 8% meer is as verlede jaar.
Die besigste punte was Johannesburg se OR Tambo-lughawe, gevolg deur die Beitbrug-grenspos.
‘n Swart sak met 25 pakkies wat na kokaïen lyk, is gevind by Hartenbos se strand, naby Mosselbaai, het die Wes-Kaapse polisie Vrydag gesê.
‘n Lewensredder het op Kersdag ‘n swart sak in die water in die see by Hartenbosstrand gewaar,” het kapt Bernadine Steyn gesê.
“Die sak was aan ‘n tou wat gekoppel en was aan ‘n voorwerp aangeheg.
In die sak was daar 25 pakkies wat kokaïen kan wees. “Elke pakkie weeg net meer as ‘n kilogram en as dit wel kokaïen is, sal die sak ‘n geskatte straatwaarde van R8 miljoen hê.
“Die pakkies sal na ‘n laboratorium geneem word om getoets te word, om [te sien] of dit kokaïen is of nie,” het Steyn gesê.
Leiers van Oos-Afrika sal vandag in Nairobi, Kenia byeenkom om die dreigende burgeroorlog en voortslepende geweld in Suid-Soedan te bespreek.
Dié vergadering volg na Donderdag se samesprekings tussen die president van Kenia, Uhuru Kenyatta, die Ethiopiese premier Hailemariam Desaleg asook president Salva Kiir van Suid-Soedan.
Op die sakelys was die onmiddelike beëindiging van gevegte, onderhandelinge met die oog op ‘n politieke oplossing, en die huidige humanitêre krisis.
Nog ‘n kwessie wat aandag sal geniet is die aanhouding van ‘n groep verdagtes wat deel was van die mislukte staatsgreep.
Volgens die Verenigde Nasies is duisende mense in Suid-Soedan reeds gedood nadat geweld op 15 Desember uitgebreek het.
President Salva Kirr het sy voormalige adjunkpresident, Riek Machar van ‘n poging tot ‘n staatsgreep beskuldig en dié beskuldiging het tot die geweld gelei.
Die Russiese forensiese agentskap sê die voormalige Palestynse leier, Yasser Arafat is aan natuurlike oorsake dood en nie aan vergiftiging deur bestraling nie.
Aangehaal deur die staat se RIA Novosti-nuusagentskap, het die hoof van Rusland se Federale Mediese Biologiese Agentskap ( FMBA ), Vladimir Uiba , aangekondig dat die studie tot die gevolgtrekking gekom het dat Arafat ‘n “natuurlike dood gesterf het”.
Arafat se oorblyfsels is deur Switserse, Franse en Russiese kenners ondersoek. Die Franse het ook poloniumvergiftiging uitgesluit, terwyl die Switserse verslag gesê het dat hoë vlakke van radioaktiewe polonium gevind is.
Die Switserse bevindings het aangedui dat derde party se betrokkenheid in Arafat dood in 2004 nie uitgesluit kan word nie.
Arafat se weduwee Suha Arafat het die Franse resultate vroeër hierdie maand verwerp, en gesê sy is oortuig dat Arafat nie ‘n natuurlike dood gesterf het nie.
Die amptelike oorsaak van sy dood was beroerte. Switserse wetenskaplikes het verlede maand gesê monsters wat hulle getoets het, stem ooreen met poloniumvergiftiging.
Die agentskap het later hulself gedistansieer van die kommentaar. “Die FMBA van Rusland het geen amptelike verklaring oor die resultate van die nadoodse ondersoek op Yasser Arafat nie,” het die FMBA se mediadiens gesê.
Die Russiese ministerie van buitelandse sake het geweier om onmiddellike kommentaar te lewer, maar die staatsbeheerde nuusagentskap RIA het ‘n bron in die ministerie aangehaal wat sê die Palestynse owerhede sal besluit of hulle inligting oor die toetse sal vrystel.
Die Stad Kaapstad het besluit om behuising vir dakloses tydelik te laat vaar nadat betogings uitgebreek het oor die karige bystand.
Planne is nou van die baan geskuif om blyplekke vir inwoners van Agstelaan in Valhallapark op te rig nadat brande honderde plakkers dakloos gelaat het.
Oproer en chaos het Donderdag in die gebied uitgebreek met inwoners wat buitebande aan die brand gesteek het toe die Stad Kaapstad “net vier sinkplate” aan Maandag se brandslagoffers gegee het.
Die Stad het met voorheen beloftes gemaak oor hoe hulle die lewens van mense gaan verbeter met die nuwe wonings.
Brandende bande en versperrings is op die Robert Sobukwe-pad aangebring.
Van die mense bly tans in die Nooitgedacht-gemeenskapsaal.
Inwoners het gesê dat hulle eintlik ou skeepshouers verkies. Hulle sê die sinkplate sal maar net een of ander tyd weer afbrand.
Die woordvoerder van die Kaapstadse rampbestuur, Wilfred Solomons-Johannes sê die moeilikheidmakers is ‘n klein minderheid.
Die meerderheid dakloses is bereid om die stad se hulp te aanvaar. Samesprekings word tans met die gemeenskap gevoer om die probleem te besleg.
Aanvanklik is besluit om die ramp as ‘n “geleentheid” te sien om 580 nuwe sinkkaias te bou. Dit sou deel uitmaak van ‘n twee-jaar plan om munisipale opknappings in die woongebied te bespoedig.
Dit is alles egter voorlopig van die baan geskuif nadat die besluit tot oproer gelei het met plakkers wat paaie in die gebied afgesper het en aandring op beter behuising of baksteenhuise.
‘n Egpaar van Durban se name is glo sonder hul medewete gebruik om rassistiese kommentaar op die ANC-webwerf aan te bring, het RSG berig.
Die bladsy op die internet onder boodskappe van medelye vir Mandela op die ANC-webwerf is egter leeg. Dit is nie bekend of daar voorheen enige boodskappe in 2013 verskyn het nie.
Die egpaar oorweeg tans glo regstappe om die skrywer van die boodskap te vervolg.
‘n Inskrywing is onder die Durbanse egpaar se naam gemaak wat die ANC as ‘n terroriste-organsisasie bestempel. Die k-woord is gebruik en beledigende aanmerkings is oor president Jacob Zuma gemaak.
Die telefoonnommers en adres van die paar is onder aan die boodskap gelaat.
Die party het sy webwerf ingerig vir mense om meelewingsboodskappe te skryf ná die dood van oudpresident Nelson Mandela vroeër vandeesmaand.
In die jongste omstredenheid rondom inisiasieskole het dit aan die lig gekom dat sewe jong mans in die Oos-Kaap geslaan en met ‘n warm ysterstaaf gebrand is.
Hulle is gered en na die St Patrick’s hospitaal in Bizana geneem.
Minstens 29 jong mans is reeds tydens dié somer by inisasieskole in die Oos-Kaap dood.
Die voorsitter van die Oos-Kaapse huis van tradisionele leiers, Ngangomhlaba Matanzima het ‘n beroep op die regering gedoen om die polisie en weermag tydens die inisiasietyd te onplooi, veral in die Pondoland-gebied. – RSG
Die bevelvoerder van die Amerikaanse Africa Command sal magte in Oos-Afrika herposisioneer in ‘n poging om maksimum buigsaamheid te verseker om te kan reageer op die State Department se versoek, het ‘n Pentagon-woordvoerder kol. Steve Warren aan verslaggewers gesê.
Warren ook aan verslaggewers gesê dat drie van die vier Amerikaanse personeel wat gewond is op 21 Desember in Bor, Suid-Soedan sal na die Landstuhl militêre hospitaal in Duitsland ontruim word. Die vierde sal ontruim word wanneer sy toestand stabiliseer.
Die vier beseerde Amerikaanse dienslede is tans in ‘n hospitaal in Nairobi, die Keniaanse hoofstad. Hulle is getref deur kleinwapenvuur toe hul Osprey probeer het om te land in Bor .
Genl David M. Rodriguez, die bevelvoerder van Africom, het elemente van die Spesiale Taakmag van Moron, Spanje, na Camp Lemonier, Djiboeti oorgeplaas.
Die Amerikaanse verdedigingsekretaris Chuck Hagel volg die situasie nougeset en is in byna deurlopende kommunikasie met die bevelvoerder, het die amptenaar gesê .
Ongeveer 3.000 buitelandse burgers bevind hulle nog steeds in Suid-Soedan ten spyte van talle Amerikaners wat reeds uit die geweldgeteisterde land verwyder is.
‘n Humanitê koördineerder van die Verenigde Nasies sê burgers van Australië, Brittanje en Kanada is steeds in Suid-Soedan
‘n VN-sending het belowe dat hy nie enige burgerlikes sal agterlaat nie. Die Amerikaanse Departement van Verdediging het nie aangedui of hulle met die VN skakel oor die lot van dié burgerlikes nie.
‘n Woordvoerder in die hoofstad Juba, Joseph Contreras, sê die VN-vestings waar meer as 20.000 vlugtelinge skuiling gesoek het, is relatief veilig.
Sporadiese aanvalle kom steeds voor en geweer- en masjiengeweervuur word redelik gereeld in die stad Bor gehoor.
Dit is dieselfdse stad waar rebelle die naweek op drie VN militêre vliegtuie en Amerikaanse helikopters geskiet het.
Dinge tussen die Republikeine en Demokrate wat ras betref lyk al sedert die inhuldiging van die VSA se eerste swart president nie te waffers nie. Daar heers ‘n ongemaklikheid en ‘n gemor oor gesondheidswetgewing, die skuldplafon en ‘n anti-wit klimaat wat posgevat het.
Republikeine sal aanstons weens immigrasie nie meer ‘n pro-wit-beleid openlik kan voer nie en die rassekwessie prut deurentyd onder die oppervlak.
Maar nou het ‘n volskaalse kultuuroorlog uitgebreek oor ‘n gewilde TV-reeks wat die ou Noord-Suid verdeling soos tydens die Amerikaanse burgeroorlog teen mekaar opgestel het.
Mededingende faksies het die Grand Canyon van Amerika se politieke kloof oopgemaak met ‘n nasionale gesprek oor Duck Dynasty, waarvan die rolspelers baie op helde uit die Confederacy, die pro-wit Suide, lyk.
Duck Dynasty is ‘n Amerikaanse realiteitsreeks op A & E.
Dit wys die lewens van die Robertson-gesin, wat ryk geword het uit hul familie-saak, Duck Commander, wat hulle uit Wes-Monroe, Michigan, bedryf.
Die Robertsons maak produkte vir eendjagters, veral die eendfluit. Die Robertson-broers Phil, Si, en Phil se seuns Jase, Willie , en JEP , is bekend vir hul lang baarde en hulle Christelike standpunte.
Die besigheid het in ‘n skuur begin, waar Phil Robertson 25 jaar lank eendfluite uit Louisiana se sederhout vervaardig.
Sy seun Willie is nou die hoof-uitvoerende beampte van die maatskappy en hul daaglikse doen en late word uitgesaai op die realiteitsreeks.
Die reeks het al verskeie gewildheidsrekords op beide A & E en kabeltelevisie as ‘n geheel gebreek, met die vierde seisoen se première wat ‘n ongelooflike 11.800.000 kykers gelok het.
Dit is loshande die gewildste reeks in die geskiedenis, maar op 18 Desember 2013 het A & E aangekondig dat hy Phil Robertson onbepaald gaan skors as gevolg van anti-gay kommentaar wat hy gemaak in ‘n GQ-onderhoud.
En boonop het Robertson die Bybel as bewys gebruik en hy weier botweg om verskoning te maak vir sy vergelyking dat gay-wees iets met bestialiteit in gemeen het. Dit is genoeg van ‘n rooi vlag vir “progressiewes” in die VSA om rasend te raak van veroordeling en ‘n nuwe anti-wit koors.
Duidelik het diesulkes uiteindelik ‘n rede gevind om die gewildheid wat regse idees in Amerika het, met vars ywer te beveg.
Robertson het in die onderhoud gesê: “Alles vervaag oor wat reg en wat verkeerd is… Sonde word aanvaarbaar. Dit begin met homoseksuele gedrag en beklad net alles… Bestialiteit, rondslaap met hierdie vrou en daardie vrou en dan daardie mans.”
Dit was waarskynlik net ‘n kwessie van tyd voordat die ster sy idees in die openbaar sou weergee om te bots met die “progressiewe houdings”, lees totalitêre en onverdraagsame vooroordele, van Amerika se Hoofstroomnuusnazi’s.
Honderde mense is dood in gevegte tussen Dinka-lojaliste van die president Salva Kiir en Noër-ondersteuners van die voormalige visepresident Riek Machar, wat afgedank is in Julie en beskuldig word van ‘n poging tot magsoorname deur die regering.
Gevegte het intussen na die ryk olievelde uitgebrei en die regering het gesê ‘n senior weermagbevelvoerder het na Machar oorgeloop in die olie-produserende provinsie van Unity State.
Die Duitse weermag het Saterdag gesê hulle het 98 mense, insluitend Duitsers en ander burgers van Suid-Soedan mbv ‘n lugbrug ontruim na die naburige Oeganda.
Die Duitse ambassadeur in Suid-Soedan was onder hulle, die ministerie van buitelandse sake in Berlyn gesê.
‘n Aparte vliegtuig het luitenant-generaal Hans-Werner Fritz, hoof van Duitsland se Operasionele Bevel, saam met sy amptenare en vyf ander Duitsers, na Berlyn geneem, die militêre woordvoerder gesê.
Na die vergadering met bemiddelaars Vrydag, het Kiir se regering op sy Twitter verklaar dat hulle bereid is om gesprekke met enige rebellegroep te hou. Die Verenigde State van Amerika sal ‘n gesant stuur om te help om ‘n oplossing te vind.
Suid-Soedan se minister van buitelandse sake, Barnaba Marial Benjamin, het aan Reuters gesê die regering het swart bemiddelaars die groen lig gegee om met Kiir se mededingers, insluitende Machar en sy bondgenote te ontmoet.
Ethiopië se minister van buitelandse sake Tedros Adhanom, wat ‘n Oos-Afrika-afvaardiging van ministers van buitelandse sake na Juba gelei het vir die bemiddeling tussen die strydende partye, het gesê die span het nie daarin geslaag om Riek Machar van aangesig tot aangesig te ontmoet nie, en ook nie telefoon kontak gemaak nie.
“Ons probeer om hulle te kontak. Ons is hoopvol dat beide kante na die tafel sal kom binne die bestek van 10 dae,” het Tedros aan Reuters gesê.
In hul vergadering met Kiir het Tedros ook gesê hulle doel is om humanitêre hulp aan die bevolking ongehinderd deur te kry .
Benjamin het gesê lt.genl Lazarus Sumbeiywo wat deur die Keniaanse president Uhuru Kenyatta na Suid- Soedan gestuur is, het agter gebly om saam met ‘n Keniaanse diplomaat kontak met Machar te maak.
Sumbeiywo was die hoofbemiddelaar in die gesprekke wat gelei het tot die ondertekening van die 2005-vredesooreenkomste met Noord-Soedan.
Benjamin het gesê hulle moedig albei partye aan tot “onvoorwaardelike dialoog” maar dat die voormalige vise-president Riek Machar nie die mense van Suid-Soedan deur middel van etniese voorkeure moet aanhits nie.
Verenigde Nasies personeel sê honderde mense is dood oor die hele land – wat is die grootte van Frankryk is – hierdie week en dat 40.000 burgerlikes skuil by die VN se basisse.
Die Verenigde Nasies het gesê ten minste 11 Dinka-burgerlikes het tydens ‘n aanval vermoor deur sowat 2.000 gewapende jeugdiges van ‘n ander etniese groep op ‘n VN-vredesmagbasis.
Twee Indiese vredesoldate is ook dood .
Die VN se sekretaris-generaal, Ban Ki -moon het die aanval veroordeel en ‘n beroep op Kiir en Machar gedoen om “na die tafel te kom en ‘n politieke manier om uit hierdie krisis” te vind.
‘n Voorlopige ondersoek dui daarop dat die vlieënier van ‘n Mosambiekse vliegtuig wat verlede maand in Namibië neergestort en die lewens van 33 mense geëis het, die vliegtuig doelbewus laat neerstort het.
Van die 27 passasiers, was 10 Mosambiekers, nege Angolese, vyf Portugese en een burger elk van Frankryk, Brasilië en China aan boord.
Die vliegtuig het in swaar reën in Namibië se Bwabwata Nasionale Park verongeluk.
Die voorsitter van die Mosambiekse Burgerlike Lugvaart-instituut, Joao Abreu, sê opnames bevestig dat daar ‘n doelbewuste bedoeling was om die vliegtuig te laat neerstort wat die lewens van al ses bemanningslede en 27 passasiers geëis het.
Daar was ‘n “duidelike bedoeling” om te verongeluk, het ondersoekbeampte gesê. Die vlieënier, Hermino dos Santos Fernandes, het ‘n “duidelike bedoeling” gehad om dit te doen.
Dos Santos Fernandes het homself in die kajuit toegesluit, en nie toegelaat dat sy mede-vlieënier binnekom tot oomblikke voordat die vliegtuig die grond getref het nie, het Abreu gesê.
“Gedurende hierdie aksies kan jy lae- en hoë-intensiteit alarmseine hoor en ‘n herhaalde geklop teen die deur met eise om in die kajuit te kom,” het hy aan die staatnuusagentskap AIM gesê.
Die vliegtuig van die Mosambiekse Lugredery was op pad na Angola en op 29 November in swaar reën.
