Drie mense het omgekom toe ‘n ligte vliegtuig Woensdagoggend in ‘n park in Wattville in Benoni neergestort het.
Die nooddienspersoneel van ER24 het die drie insittendes binne die verbrande wrak aangetref met hul aankoms op die gru-toneel.
Hulle is op die toneel dood verklaar.
Die vliegtuig het op sy dak gelê.
Die oorsaak van die ongeluk is nog onbekend.
Die Burgerlugvaartowerheid het ‘n ondersoek is gelas na die oorsaak van die vliegongeluk Maandagmiddag tussen Swellendam en Caledon naby die N2 in die Wes-Kaap.
Een persoon is dood. Die Suid-Afrikaanse Lugmag sê die sakestraler was onderweg na Lanseria toe dit kontak met lugbeheer verloor het.
‘n Grippen het daarna van Overberg opgestyg en die vliegtuig agternagesit, maar geen verdere besonderhede is bekend nie.
Die Eclips 500-sakestraler was sowat 37.000 voet bo die grond. Net die vlieënier was aan boord en die vliegtuig het op impak verbrokkel.
Lugvaartdeskundiges sê daar is twee moontlike oorsake wat ondersoek sal word, naamlik ‘n mediese toestand agv ‘n gebrek aan suurstof of lugdrukprobleme.
Nege mense is Dinsdag dood toe ’n klein straler onderweg na ’n lughawe in die Amerikaanse deelstaat Ohio in twee residensiële geboue vasgevlieg het.
Sewe insittendes van dieselfde eiendomsmaatskappy Pebb Enterprises, en twee vlieëniers is dood in die ongeluk. Die maatskappy spesialiseer in die oprigting van winkelsentrums.
Die eienaar van die vliegtuig, Augusto Lewkowicz, het gesê hy sal nie die name van die sewe passasiers en twee bemanningslede was aan boord bekendmaak nie, “uit simpatie vir die naasbestaandes”.
‘n Ooggetuie het gesê die vliegtuig het skielik “uit die lug geval”.
Die Ohio-hoofwegpatrollie het bevestig dat die vlieënier en medevlieënier asook ’n onbekende aantal passasiers in die voorval dood is.
Volgens polisiebronne op die toneel in die stad Akron is nege mense dood.
Lt. Bill Haymaker, woordvoerder van die Ohio-hoofwegpatrollie, sê die Hawker H25-straler, wat tot 10 passasiers kan vervoer, was “heel, maar het gebrand”.
Niemand was ten tyde van die voorval in die geboue nie. Sover bekend is niemand op die grond beseer nie.
Die Russiese ministerie van buitelandse sake het gewaarsku dat dit nog te vroeg is om te bespiegel oor die moontlike verloop van die gebeure wat gelei het tot die vliegramp in Egipte.
Die Russiese passasierstraler, ‘n Airbus A321, met 224 mense aan boord het Saterdagoggend vroeg in Sinaï, Egipte, neergestort.
Die vliegtuig, ‘n huurvlug, het van die toeristemekka Sharm el-Sheikh in Egipte opgestyg maar kort daarna het die vlieëniers glo ’n tegniese fout by lugruimbeheerders aangemeld.
“Hoe kan ons praat oor enige weergawes, as ons spesialiste pas begin het om deur die wrakstukke van die ongelukstoneel te sif?” het die ministerie se woordvoerder Maria Zakharova aan Rossiya 1 TV-kanaal gesê.
Zakharova het geduld gevra en gesê feite eerder enige spekulasie rondom die tragedie moet oorweeg word. Sy het gesê dat die Egiptiese owerhede hul volle ondersteuning en samewerking gee.
Egiptiese owerhede het vroeër gesê dat die vliegtuig nie afgeskiet is nie, en vuilspel uitgesluit.
Alhoewel die Russiese regering nog geen ‘n omvattende verklaring vrygestel het nie, het Reuters berig dat ‘n “groep verbonde aan die Islamitiese Staat” verantwoordelikheid vir die ongeluk aanvaar het.
Intussen het die VSA ook bekendgemaak dat ‘n Duitse kletsrymer in ‘n lugaanval in Sirië gedood is.
Denis Cuspert, wat sy naam na Abou Maleeq verander het, is in Berlyn gebore en was eens ’n gewilde rapper wat opgetree het onder die naam Deso Dogg. In 2012 het hy glo by ISIS aangesluit en lede gewerf.
In een propagandavideo hou Cuspert selfs afgekapte kop vas.
Volgens Amerikaanse beamptes is Cuspert en twee ander mense dood in ’n lugaanval wat op 16 Oktober uitgevoer is.
Die soektog na die vermiste mikroligte vliegtuig waarin die DA se adjunk-leier in Noordwes, Petro Nel in Nepal gevlieg het, het vanoggend hervat.
Die voormalige DA-leier in die provinsie, Chris Hattingh, sê Nel is op vakansie in Nepal en het vir ’n besigtigingsvlug, wat veronderstel was om ’n uur te duur, geneem.
Die vliegtuig, wat vroegoggend in Pokhara opgestyg het, het egter nie soos geskeduleer teruggekeer nie.
Hattingh sê die gebied waar die vliegtuig weggeraak het is geweldig bergagtig.
Die loods is van Rusland. Die owerheid in Nepal is in kontak met Nel se man.
Die ligte vliegtuig wat suid van Durban neergestort het, het vermoedelik in kragdrade vasgevlieg.
Die vliegtuigongeluk het Dinsdag by Winkelspruit in KwaZulu-Natal plaasgevind nadat die vliegtuig waarskynlik enjinprobleme ondervind het.
Twee mense is in die ongeluk dood.
‘n Polisiewoordvoerder, Thulani Zwane sê die vliegtuig het in kragdrade vasgevlieg voordat hy naby die N2 Noord neergestort en aan die brand geslaan het.
Zwane sê die ondersoek na die ongeluk duur voort.
Die wrakstukke van die klein wit vliegtuig kon gesien word aan die onderkant van ‘n suikerrietveld, byna heeltemal uitgebrand.
Die vliegtuig was van die vlugskool van Durban Aviation Centre.
Nadat die vlug enjinmoeilikheid ondervind het, het die vlieënier in ‘n kraglyn vasgevlieg om te probeer land op ‘n nabygeleë snelweg, sê ooggetuies.
Een kraglyn was sigbaar gebreek, wat in pas is met die aanvanklike ooggetuieverslae.
Vier mense is in ‘n vliegtuigongeluk Sondag dood toe twee klein vliegtuie in suidelike Kalifornië in Amerika naby die Meksikaanse grens gebots het.
Een van die vliegtuie is ‘n twee-motorige Sabreliner en die ander een ‘n enkel-motorige Cessna 172, het AFP berig.
Die ongeluk het naby die Brown Field-lughawe in San Diego gebeur, het die Los Angeles Times berig. Dit het die lewe van vier mense geëis en klein veldbrande veroorsaak, luidens die San Diego Union-Tribune.
Die oorsaak van die ongeluk is nie bekend nie, aangesien die lugvaartowerhede se ondersoek nog voortduur.
‘n Ambulansvliegtuig het Sondagoggend in die Tygerbergheuwels neergestort.
Die Lughawensmaatskappy van Suid-Afrika (Acsa) het alle vliegtuie wat die Kaapstadse Internasionale Lughawe laat wag weens ‘n tegniese fout met hul radars. Die reddingsvliegtuie is ook gelas om te wag.
Die stelsels wat die orde van landings bepaal was glo buite werking.
Die beheertoring het kontak verloor met die rampvliegtuig ongeveer sewe myl buite die lughawe.
Al vyf insittendes is op die toneel dood verklaar.
Die 80-jarige Gabriel le Roux, wat in die vliegambulans-ongeluk naby Kaapstad dood is, sou na die Panaroma Medikliniek geneem word nadat hy in ‘n val in Namibië ernstige beserings opgedoen het.
Die departement van vervoer se vliegtuigongeluk ondersoekeenheid ondersoek die voorval.
Die name van die slagoffers is intussen bekendgemaak.
Hulle was die Suid-Afrikaanse ER24-diens vlieënier, Steven Naude, die mede-vlieënier, Amore Espag en ‘n paramedikus, John Ward.
Die Suid-Afrikaanse pasiënt aan boord die vliegtuig, die 80-jarige Gabriel le Roux en sy dogter, Charmaine Koortzen, 49, wat in Oranjemund in Namibië woon, is ook in die ongeluk dood.
Die Franse eerste minister, mnr. Manuel Valls, het gister gesê hy vrees al 148 passasiers en bemanningslede is dood nadat die Airbus van die Germanwings-redery op vlug GWI18G in die suide van Frankryk neergestort het.
“Ons weet nog nie wat die oorsaak van die ongeluk was nie,” het Valls aan die media gesê.
Valls sê hy het die ministeriële krisiskomponent geaktiveer nadat hy van die ongeluk in kennis gestel is. Hy het ook die minister van binnelandse sake, mnr.Bernard Cazeneuve, na die ramptoneel gestuur.
Die Franse koerant La Provence sê die Airbus het 142 passasiers, twee vlieëniers en vier kajuitbemanningslede aan boord gehad toe dit in die Alpe-gebied neergestort het.
Die vliegtuig was van Barcelona na Düsseldorf onderweg toe dit tussen Digne en Barcelonnette geval het.
Die parlementariër Christophe Castaner, wat by die ongelukstoneel aangekom het, het aan FranceInfo radio gesê dat dit nog nie duidelik is watter van die twee swartvlugopnemers opgespoor is nie.
Een wat neem die onderhandelinge van die bemanning op en die ander een die tegniese inligting van die vlug.
Intussen het die VSA haastig die moontlikheid van ‘n terroriste-aanval uitgesluit as die rede vir ongeluk.
“Daar is geen aanduiding van ‘n terreurdaad op hierdie tydstip nie,” het Bernadette Meehan, die Withuis se nasionale Veiligheidsraadwoordvoerder aan Fox News gesê.
Sestien Duitse skoolkinders wat van ‘n skooluistappie teruggevlieg het, is ook in die ongeluk dood.
Twee operasangers Oleg Bryjak en Maria Radner het in die vliegongeluk omgekom nadat hulle in Wagner se “Siegrfied” in Barcelona opgetree het.
Die direkteur van Deutsche Oper am Rhein in Düsseldorf, Christoph Meyer, het die inligting bevestig.
“Die Duitse Düsseldorf/Duisburg Opera treur oor die heengaan van bas-bariton Oleg Bryjak. Hy is een van die slagoffers van vlug U49525,” het Gonne Garling, ‘n joernalis wat vir die Bild-koerant skryf, Dinsdag op sy Twitter-blad geskryf.
Die name van die twee mans wat in ‘n vliegongeluk by Potchefstroom dood is, is nog nie bekendgemaak nie.
Die twee is dood nadat hul ligte vliegtuig Donderdag by die Potchefstroom-lughawe in Noordwes neergestort het.
Die polisie het ‘n geregtelike ondersoek nadat die dood van die twee mans, onderskeidelik 28 en 38 jaar oud, geloods.
Die vliegtuig het omstreeks 10:00 neergestort en aan die brand geslaan. Daar was geen ander mense aan boord nie.
Die oorsaak van die ongeluk is nog nie bekend nie en word deur die burgerlugvaartowerheid ondersoek.
Volgens Aviation Safety was die ligtevliegtuig ‘n Ravin 500 en wat onherstelbaar beskadig is.
Die Taiwannese media berig dat minstens 12 mense dood is in vanoggend se vliegongeluk, het RSG berig.
Die passasiersvliegtuig van Trans-Asia met minstens 53 mense aan boord het in die Taipei-rivier neergestort.
Die dodetal kan na verwagting nog verder styg.
Volgens die jongste inligting het een van die vliegtuig se motore onklaar geraak kort nadat hy by die Sungshan-lughawe in Taipei opgestyg het.
‘n Deel van die vliegtuig het ‘n brug getref en in die Keelung-rivier neergestort. Sowat 30 van die passasiers word nog vermis.
Sowat 16 mense is al gered. Die Taiwannese toerismeburo sê daar was meestal Sjinese toeriste op die vlug.
Brasilië se presidensiële verkiesing wat in Oktober plaasvind, sou vir die huidige president Dilma Rousseff ‘n maklike oefening gewees het, totdat ‘n vliegongeluk Rousseff se lustelose teenstander, ekonoom en voormalige goewerneur van Pernambuco, Eduardo Campos se dood veroorsaak het.
Op 13 Augustus is berig dat die vliegtuig met Campos, ‘n Brasiliaanse presidensiële kandidaat in die derde plak agter die meer konserwatiewe Sosiale Demokratiese Party-kandidaat Aecio Neves – ‘n ekonoom en ‘n kampioen van soberheid – neergestort het in ‘n residensiële gebied van Santos in die Sao Paulo-staat van Brasilië.
Campos was die kandidaat van die voorheen linksgesinde maar nou “pro-besigheid” Brasiliaanse Sosialistiese Party.
Soos met die Britse, Australiese en Nieu-Seeland se linkse partye, die Kanadese liberales en die Amerikaanse Demokratiese Party, is die linkses oorgeneem deur globalistiese korporatiewe belange.
Dit is duidelik dat daar sedert onthullings van die Amerikaanse NSA (National Security Agency) se spioenasie op die e-pos en selfone van Dilma Rousseff en haar ministers, Rousseff se gevolglike kansellasie van ‘n staatsbesoek aan Washington, en Brasilië se gasvryheid teenoor die Russiese president Vladimir Poetin en ander BRICS-leiers op ‘n onlangse beraad in Fortaleza, Washington ongelukkig blyk te wees.
Die State Department sou dus op soek wees na swak skakels in Rousseff se mondering om onstabiliteit te skep soos wat hulle in ander lande in Latyns-Amerika graag doen.
Rousseff, wat van Washington ‘n vyand gemaak het deur die BRICS-aankondiging oor die vestiging van ‘n BRICS-ontwikkelingsbank om te kompeteer met die Wêreldbank, se kanse vir ‘n herverkiesing was uitstekend tot 13 Augustus toe Campos en vier van sy veldtogadviseurs, saam met die vlieënier en mede-vlieënier, dood is in die ongeluk met hul Cessna 560XL.
Die ongeluk het die leisels gegee aan Marina Silva. In 2010, Silva het ‘n verrassende 20 persent van die stemme gekry vir die leierskap van die Groen Party. Eerder as om by die Groenes vanjaar te bly, het Silva gekies om by Campos se pro-besigheidsinisiatief aan te sluit.
Silva word tans beskou as die Sosialistiese Party se beste kans om Rousseff te verslaan as president in die Oktober-verkiesing.
Silva, ‘n evangeliese Christen in ‘n grootliks Rooms-Katolieke land, is een van George Soros se gunstelinge. As ‘n leier van Brasilië se Amasone-reënwoud beskermingspogings, is Silva al baie geprys deur die omgewingsgroepe gefinansier deur Soros se Open Society Institute.
Silva se veldtogretoriek is deurspek met sulke Soros kodefrases soos “volhoubare samelewing”, “kennissamelewing” en “diversiteit”.
Silva is ook meer gematig as Rousseff oor Israel se beleid teenoor Palestina. As ‘n Pinkster Christen, is Silva ‘n lid van ‘n denominasie wat kernlidmaatskap vir die wêreldwye beweging van “Christelike Sioniste” bied.
Haar kerk ondersteun Sionistiese Joodse organisasies soos B’nai B’rith en die Wêreld Joodse Kongres as volg:
“Volgens die Skrif, het Israel ‘n belangrike rol om te speel in die eindtye. Toe die moderne nasie van Israel gestig is in 1948, en die Jode begin terugkeer het van oor die hele wêreld, het die Bybelgeleerdes geweet dat God aan die werk is en dat ons heel waarskynlik in die laaste dae verkeer.”
In 1996, was Silva bekroon met die Goldman Environmental-prys, wat gestig is deur Goldman Insurance Company stigter Richard Goldman en sy vrou, Rhoda Goldman, ‘n erfgenaam van die Levi Strauss klerefortuin. In 2010, is Silva deur die buitelandse beleidstydskrif, geredigeer deur David Rothkopf, ‘n voormalige besturende direkteur van Kissinger Associates, as “top globale denker” aangewys.
Die volledige besonderhede van die oorsaak van Campos se vliegongeluk sal waarskynlik nooit bekend gemaak word nie. Bystand in die ondersoek van die ongeluk is deur die US National Transportation Safety Board (NTSB) en die Federal Aviation Administration gedoen. NTSB en FAA ondersoekbeamptes sal nie hul ondersoek openbaar maak nie.
In verskeie vliegongelukke soos dié van die Panamese President Omar Torrijos in Panama, die Ecuadoriaanse president Jaime Roldos, was daar min vlugdata, ook bekend as ‘n “swartboks” op die vlug.
In Zurich, Switserland het die polisie hul eie ondersoek gedoen wat ontdek het dat die amptelike Ecuadoriaanse regeringsondersoek uiters swak gedoen was. Die Ecuadoriaanse regeringsverslag oor die ongeluk het versuim om te noem dat die vliegtuig se enjins afgeskakel is voordat die vliegtuig in die kant van ‘n berg ingeploeg het.
Soos met Roldos se vliegtuig, het Campos se Cessna nie ‘n vlugdata-opnemer gehad nie. Verder het die Brasiliaanse lugmag aangekondig dat twee uur van die klank van die kajuit se stemopnemer aan boord nie die gesprekke tussen die vlieënier, mede-vlieënier, en grondbeheer op 13 Augustus weergee nie.
Die kajuit stemopnemer aan boord van die noodlottige Cessna 560XL is vervaardig deur L-3 Communications, Inc van New York. L-3 is ‘n groot Amerikaanse intelligensiekontrakteur wat die National Security Agency van baie van sy ondersese kabelafluistervermoëns deur middel van ‘n NSA ooreenkoms met L-3 se Global Crossing filiaal voorsien.
Die VSA en Soros is op soek na verskeie maniere om BRICS-lande te ontwrig.
Soros se poging om die Chinese Politburo binne te dring met Bo Xilai het platgeval toe hy en sy vrou is in hegtenis geneem en in die tronk gestop is vir korrupsie.
Indië en Brasilië is die fokus vir Soros se huidige ontwrigting van BRICS. Hoewel Narendra Modi se regse regering in Indië nog nuut is, is Indië se minister van buitelandse sake, Sushma Swaraj, ‘n uitgesproke en toegewyde bondgenoot van Israel.
Brasilië se Marina Silva, in die leierskap van ‘n BRICS-land, is dalk so bestuur ten einde ‘n “Trojaanse perd” in te stuur teen die toenemend belangrike ekonomiese blok.
Die presidentsverkiesing in Brasilië is deur die dood van een van die kandidate in die wiele gery.
Een van die land se topdrie mededingers om die hoogste pos is Woensdag dood in ʼn vliegtuigongeluk, het AP berig.
Hy was op ʼn klein vliegtuig saam met sy assistente toe die vliegtuig in ʼn woonbuurt geval het.
Die tragiese ongeluk het gebeur slegs twee maande voor die land se presidentsverkiesing op 4 Oktober.
Pres. Dilma Rousseff, wat volgens meningspeilings voor is in die verkiesingsresies, het drie dae van rou verklaar.
Sy en die ander kandidaat, Aecio Neves, het ook aangekondig dat hulle hul veldtogte vir eers gaan staak.
‘n Roetine lugmagopleidingsvlug het Dinsdag in ‘n ramp geëindig toe die vliegtuig in ‘n berg in Mpumalanga vasgevlieg het en die dood van sy twee bemanningslede en ‘n passasier tot gevolg gehad het.
Die Cessna Caravan C208 van 41 Eskader, wat gebaseer is op Waterkloof Lugmagbasis, Pretoria, het in die hange van Blystaanhoogte, nie ver van Lydenburg nie, geploeg.
Twee passasiers, glo lugmaggrond ersoneel, is per helikopter van die toneel na ‘n kliniek Nelspruit gebring waar hulle in ‘n kritieke toestand verkeer.
Lugvaart en militêre ondersoekbeamptes probeer om die oorsaak van die ongeluk na te spoor. Die vlieënier was volgens Beeld “hoogs ervare”.
Die weer was perfek vir vlieg en die vliegtuig was onlangs gediens gewees. Geen noodoproep is gemaak nie.
‘n Bron het gesê: “Dit wil voorkom asof die vliegtuigenjins skielik krag kon verloor het, in die hange vasgevlieg het en getol het om op ‘n dienspad van Yorkplantasies te lande te kom.
“Dit het reguit in die kant van die berg vasgevlieg.
“Die impak was hewig; die vliegtuig is heeltemal verbrysel. Daar is niks oor nie..
“Die feit dat sommige oorleef het, is ‘n wonderwerk,” het hy gesê.
Die ongelukstoneel is afgesper toe redders ure lank probeer het om die liggame uit die wrak te verwyder.
Nelspruit Medi-Clinic-woordvoerder Robyn Baard het gesê beide oorlewendes het veelvuldige beserings opgedoen.
Weermag-woordvoerder brigadier-generaal Xolani Mabanga gesê: “Die personeel is deel te neem aan ‘n bedrywighede oefenkamp in die Lydenburg-omgewing.
“‘n Voorlopige ondersoek het begin en sal gevolg word deur ‘n raad van ondersoek die ongeluk se oorsaak vas te stel.”
Die name van die oorledenes is nog nie vrygestel nie.
