Die Russiese ministerie van buitelandse sake het gewaarsku dat dit nog te vroeg is om te bespiegel oor die moontlike verloop van die gebeure wat gelei het tot die vliegramp in Egipte.
Die Russiese passasierstraler, ‘n Airbus A321, met 224 mense aan boord het Saterdagoggend vroeg in Sinaï, Egipte, neergestort.
Die vliegtuig, ‘n huurvlug, het van die toeristemekka Sharm el-Sheikh in Egipte opgestyg maar kort daarna het die vlieëniers glo ’n tegniese fout by lugruimbeheerders aangemeld.
“Hoe kan ons praat oor enige weergawes, as ons spesialiste pas begin het om deur die wrakstukke van die ongelukstoneel te sif?” het die ministerie se woordvoerder Maria Zakharova aan Rossiya 1 TV-kanaal gesê.
Zakharova het geduld gevra en gesê feite eerder enige spekulasie rondom die tragedie moet oorweeg word. Sy het gesê dat die Egiptiese owerhede hul volle ondersteuning en samewerking gee.
Egiptiese owerhede het vroeër gesê dat die vliegtuig nie afgeskiet is nie, en vuilspel uitgesluit.
Alhoewel die Russiese regering nog geen ‘n omvattende verklaring vrygestel het nie, het Reuters berig dat ‘n “groep verbonde aan die Islamitiese Staat” verantwoordelikheid vir die ongeluk aanvaar het.
Intussen het die VSA ook bekendgemaak dat ‘n Duitse kletsrymer in ‘n lugaanval in Sirië gedood is.
Denis Cuspert, wat sy naam na Abou Maleeq verander het, is in Berlyn gebore en was eens ’n gewilde rapper wat opgetree het onder die naam Deso Dogg. In 2012 het hy glo by ISIS aangesluit en lede gewerf.
In een propagandavideo hou Cuspert selfs afgekapte kop vas.
Volgens Amerikaanse beamptes is Cuspert en twee ander mense dood in ’n lugaanval wat op 16 Oktober uitgevoer is.
Tegniese fout se gai. Vliegtuie is gebou om te vlieg en nie te val nie. In vandag se tyd kan ‘n vliegtuig nie sommer agv ‘n tegniese fout uitmekaar spat en val nie.
Ek reken dat daar ‘n tyd of afstandbeheerde bom op daardie vliegtuig geplant was.
Ons sal natuurlik weer die een of ander storie vertel word, nooit die waarheid nie.
Die webwerf http://www.tomatobubble.com het heel ander storie…….
Latest: airplane broke in two in mid-air. Sounds like a missile or more likely a bomb in the luggage compartment, compliments of US proxies as punishment for Syria.
Daar is heeltemal te veel vliegtuie wat deesdae grond toe gaan op onbeheerde maniere.
Miskien is dit ‘n ongeluk, motors breek en vliegtuie is baie, baie meer kompleks as motors en ‘n vliegtuig kannie langs die pad stilhou as iets fout gaan nie. Vliegtuie is buitendien ‘n vlieënde bomme met hul tonne brandstof en dan is die kajuitdruk nog hoër as die buitedruk ook.
The Russian government will be happy to admit that because anything else could decrease Russian popular support for the Russian actions in Syria.