media – Bladsy 2 – praag.co.za

Trump triomfeer as presidentskandidaat

Donald Trump is amptelik die presidentskandidaat vir die Republikeinse Party.

Die miljardêr is Dinsdagnag in Cleveland in die Amerikaanse deelstaat Ohio amptelik as dié party se kandidaat aangewys.

Hy het 16 teenstanders uitgestof en moes byna ‘n jaar lank ‘n uiters giftige mediaveldtog, selfs uit Republikeinse geledere, trotseer.

Hoofstroomontleders het ook week na week plegtig verklaar dat Trump nie ‘n kans staan om ooit benoem te word nie.

Kort voor die aankondiging het Rupert Murdoch, eienaar van die gewilde Fox News nog van sy stigter Roger Ailes probeer ontslae raak, om die Trump-golf te keer.

Ailes, wat te “regs” is na Murdoch se smaak, is ‘n Trump-ondersteuner en was voorheen die raadgewer van president Richard Nixon. Hy het Fox van niks af uitgebou tot ‘n magtige en uiters winsgewende media-organsisasie.

Donald Trump jr., Trump se oudste seun, het by die party se nasionale konvensie die deelstaat New York se steun aan die kandidaat toegesê wat aan hom 1 237 afgevaardigdes besorg het.

Die byeenkoms is die eerste dag ontwrig deur ‘n groep wat gedink het hulle kan die benoeming ontspoor, maar die teenstanders is gou uitgeboender en hul pogings het klaaglik misluk.

Die Amerikaanse presidentsverkiesing vind op 8 November plaas.

Mike Pence, goewerneur van Indiana, is reeds voor die benoeming as die Republikeinse Party se visepresidentskandidaat aangewys, in ‘n poging om die onderlinge geskille binne die party by te lê.

Afgevaardigdes het senator Ted Cruz uitgejou nadat hy nie in ‘n toespraak sy amptelike steun aan Trump as die party se presidentskandidaat toegesê het nie.

Cruz het vroeër teen Trump meegeding vir die party se benoeming, en het in die tweede plek geëindig. Hy het Trump gelukgewens, maar die swak verloorder het bygevoeg dat Amerikaners volgens hulle “gewetes” moet stem.

Trump-ondersteuners het ook striemende aanvalle teen Hillary Clinton geloods gedurende die Republikeinse Party se konvensie.

Sy het privaat e-posbedieners gebruik in haar ampstermyn as minister van buitelandse sake, vermoedelik om betalings te ontvang vir gunste, ook van buitelanders. Dit kom basies neer op hoogverraad.

Die federale speurdiens (FBI) het ná ‘n ondersoek bevind dat Clinton gelieg het oor haar hantering van geklassifiseerde inligting. Sy gaan egter nie strafregtelik daaroor vervolg word nie.

Clinton het haar fondsinsameling ongeërg voorgesit ná Trump se benoeming en getwiet: “Donald Trump is pas aangewys as die Republikeine se kandidaat. Begin nou geld bydra sodat hy nooit sy voet in die Ovaalkantoor sit nie.”

SABC trap gedrukte media se tjank af

Die SABC het ‘n verbod geplaas op die lees van koerantopskrifte asook die bespreking van koerantvoorblaaie op die lug.

In ‘n duidelike gebaar van wantroue teenoor die dooieboommedia se agenda, het die Suid-Afrikaanse openbare uitsaaier die besluit geregverdig en gesê hulle staak alle gratis publisiteit aan gedrukte nuus.

Die SAUK sê daar is “niks sinisters” in die besluit nie. Die SABC sal voortgaan om in te teken en koerante te koop, maar sal net nie nuus en stories van enige gedrukte media oor die lug bespreek nie.

Die stap kom na die hoogs omstrede besluit van die SABC om ‘n onmiddellike sensuurkombers oor beeldmateriaal van openbare protes te trek.

Die redakteursprogram op SAfm die afgelope Sondag is ná twee dekades sonder enige vooraf kennisgewing ook gestaak.

Die program het koerantredakteurs weekliks genooi om oor koerantstories te gesels en politieke gebeure krities te ontleed.

Verlede maand het die SABC aangekondig dat hulle onmiddellik werksgeleenthede en tenders sal ophou adverteer in dioe gedrukte media.

Sulke advertensies sal deur SABC-kanale alleen versprei word en volgems die uitsaaier sien hulle “nie meer ‘n behoefte om die gedrukte media te gebruik nie”.

Die SABC-woordvoerder, Kaizer Kganyago het aan News24 gesê hulle beskou dit as onredelik om gratis “bemarking” vir koerante te doen.

PRAAG rig brief aan Persraad oor golf van Boerehaat en Afrikaanshaat in media

In die lig van die opwelling van anti-Afrikaanse veldtogte en haatspraak jeens Afrikaners op verskeie kampusse en in die Engelstalige media, het dr. Dan Roodt van PRAAG gister ‘n brief aan die Persraad van Suid-Afrika gerig. Daarin bring hy die oortredings van die grondwet en van internasionale verdrae deur die hoofstroommedia in die land onder die Persraad se aandag en versoek dat sy skrywe aan alle redakteurs versprei sal word. Hy vra ook dat alle inligting oor die Persraad en klagtes wat die publiek teen koerante aanhangig kan maak, in Afrikaans beskikbaar gemaak sal word. So nie, sal PRAAG hom tot die howe wend om die Persraad daartoe te dwing.

Hier volg die volledige brief wat gister per e-pos aan dr. Johan Retief versend is.

Haatspraak teen Afrikaans, Afrikaners en Afrikaanssprekendes

Dr. Johan Retief
Persombudsman
Persraad van Suid-Afrika

Beste dr. Retief,

Oor die afgelope weke, veral rondom die radikale eise van die EFF en verwante organisasies wat Afrikaans by Tukkies heeltemal wil “afskaf”, soos hulle dit stel, is ek geskok deur die oplewing in Boerehaat, anti-Afrikaanse stellings en antipatie teen Afrikaans wat daar veral in die gedrukte media, maar ook aanlyn, na vore gekom het.

‘n Mens sou ‘n lys kon maak van al die berigte en meningsartikels waarin daar ‘n antipatie teen Afrikaans as taal, maar ook as onderrigmedium, uitgespreek is. Hiermee saam was daar die vernietiging van kunswerke en beelde op verskeie kampusse waaroor daar in die media berig is.

Dit ly by my geen twyfel dat daar by redakteurs en sommige joernaliste in Suid-Afrika simpatie en selfs steun vir geweldpleging, rassehaat, Boerehaat, asook etniese, kulturele en talige chauvinisme bestaan nie. Op subtiele en minder subtiele wyse het dié houdings in berigte en kommentaar oor die afgelope weke gemanifesteer.

Hoewel die Engelstalige media die grootste sondebokke is, kan ‘n mens ook nie Media24 se Afrikaanse publikasies hiervan kwytskeld nie, wat – hoe ironies dit ook mag klink – self met ‘n veldtog teen Afrikaans op universiteit besig is. Trouens, dit wil voorkom asof al die groot mediahuise verenig het in hul haat en afkeer van Afrikaans en die Afrikaanse minderheid. Daar word nie ewewigtig berig nie en hoewel anti-Afrikaanse menings vrye teuels gegee word, word daar streng sensuur teen enige menings toegepas wat die grondwetlike en selfs internasionale regte van Afrikaanssprekendes wil verdedig.

Die Kaapstadse akademikus, prof Robert Morrell, het onlangs die volgende in sy aanlynkritiek op gewelddadige kampusbetogings gesê:

“This campus violence rather is an expression of a worrying close-mindedness, a myopia, which refuses to acknowledge any other point of view – not even that of the vast majority of students – and insists on being the only voice that should be heard and heeded. When it fails to persuade its audience, it uses violence.

This has been the way of fascism in the 20th century and of extremist, non-democratic movements in the 21st century.

Campus violence has up to now occurred with virtually no action taken against perpetrators. They have operated with impunity. I cannot speculate about the reasons for the lack of consequence that has attended the perpetration of violence but the widespread sympathy of the media has contributed to the view that students are ‘right’ and that their actions are therefore justified. In this sense, the media are complicit with the perpetration of campus violence because they contribute to a climate that legitimizes it.”

http://www.dailymaverick.co.za/article/2016-02-22-op-ed-the-burning-issue-of-campus-violence/#.VtcOyEJb_Qo

Soos hy dit stel, word die klimaat vir geweld en ekstremisme deur die media geskep en “gelegitimeer”. Daardie geweld en ekstremisme word merendeels teen Afrikaans en Afrikaners gemonster. Nie net verteenwoordig dit ‘n grootskaalse en algemene oortreding van die Perskode nie, maar ook van die grondwet en die volkerereg.

Die ekstremistiese politieke party, of beweging, of rebellegroep, hoe mens ook al na die EFF moet verwys, se verklarings en manewales word alles verbatim in die media weergegee as legitieme aansprake, sonder die nodige balans. Vandag en gister het die EFF se provinsiale leier in Gauteng “oorlog teen die Universiteit van Pretoria verklaar” omdat hy nie summier alle Afrikaanse lesings wil staak nie. Dit word klakkeloos in die pers weergegee en die Afrikaanse taal word konsekwent as ‘n “probleem” getipeer.

Bedekte of onbedekte geweldsdreigemente teen blankes, Afrikaners en Afrikaanssprekendes word ook deur rubriekskrywers gemaak.

Namens ons aksiegroep teken ons ten sterkste beswaar aan teen die huidige veldtog teen Afrikaans, Afrikaners en Afrikaanssprekendes. Daarom versoek ek u om hierdie skrywe aan u lede en redakteurs te sirkuleer met die gedagte dat hulle sal ophou met hul onbesonne aanhitsing van etniese konflik in ons land.

Ons besef dat die wortels van Boerehaat en Afrikaanshaat in ons land baie diep lê en na die negentiende eeu terug te voer is toe daar die idee bestaan het dat almal in Suid-Afrika Engels as taal behoort aan te neem en dat dit die enigste taal van die howe, die koerante, die onderwys en die staatsdiens behoort te wees. In die twintigste eeu het die gedagte via die kommunisme posgevat dat Suid-Afrika tot ‘n Afro-marxistiese staat met een taal gesosiogenieer mag word.

Die huidige Grondwet, vir wat dit werd is, erken egter elf amptelike tale. Waarom moet daar dus ‘n veldtog teen een van die elf tale gevoer word?

Dit bring my by ‘n verdere kwessie: alle inligting oor die Persraad, asook die Perskode, is tans slegs in Engels beskikbaar. Dit maak eintlik ‘n bespotting van die Perskode self wat gegrond sou wees op die handves van regte in die grondwet.

Aangesien Afrikaans en Afrikaanssprekendes geruime tyd reeds die teiken van veral die Engelstalige media is, is dit onses insiens van kardinale belang dat alle inligting oor die Persraad en die moontlikhede om klagtes teen koerante aanhangig te maak, ten volle in Afrikaans beskikbaar behoort te wees.

Indien die Perskode met die grondwet bestaanbaar is, moet u organisasie die veeltalige aard van Suid-Afrika in ag neem en dat Engels beswaarlik die enigste taal is waarin die publiek en koerantlesers diens verlang.

As ‘n reël dring ons aan op gelyke behandeling van Afrikaans met Engels of enige ander taal. Suid-Afrika het ook verskeie internasionale verdrae onderteken wat met die grondwet saamgelees moet word en wat erkenning vir Afrikaans op alle gebiede nog meer bindend maak.

Indien die Persraad nie bereid is om sy webblad en ander kommunikasie vir Afrikaans aan te pas nie, sal ons genoodsaak wees om ons na ‘n bevoegde hof of ander tribunaal te wend om ons regte te laat geld. Aangesien die ANC-bewind reeds die Pan-Suid-Afrikaanse Taalraad ontbind het, sal dit seker nie dié liggaam wees nie.

Ek verneem graag u reaksie.

Met vriendelike groete,

Dr. Dan Roodt
Direkteur, PRAAG

Turkse regering slaan toe op opposisie-media

Turkse polisie moes ondersteuners en werknemers van die Bugun-koerant en die Kanalturk-televisiestasie tydens ’n betoging in Istanboel uiteenjaag.

Die betoging is teen die regering se ingryping in die media gemik.

Onlustepolisie wat traangas en waterkanonne ingespan het, het Woensdag die hoofkantore van die mediagroep, wat bande met pres. Recep Tayyip Erdogan se grootste teenstander het, in Istanboel bestorm.

Die regering se ingryping kom op die vooraand van belangrike verkiesings in die land.

Polisiebeamptes het die hekke van die mediagroep met kettingsae oopgesaag.

Die Koza-Ipek mediamaatskappy het glo skakeling die hoë-profiel regeringkritikus Fethullah Gulen. Gulen leef as banneling in die VSA.

Die Turkse regering het Gulen intussen op ‘n internasionale terreurlys geplaas tesame met die leiers van die militante Islamitiese staat – ook bekend as ISIS – asook Koerdiese en linkervleuel guerillas.

Die Turkse regering sê die geestelike wat wêreldwyd bekend is vir sy klem op pluralisme en intergeloofverhoudings, is besig met ‘n poging tot ‘n staatsgreep.

Karel Combrinck: Die molslang en die muise

Weereens die media. Net eers ‘n bietjie wysgerigheid : Media is die latynse meervoudvorm vir medium, wat beteken middel, d.w.s. ‘n middel of instrument om ‘n doel te bereik. Ons gebruik die woord media deesdae met verwysing na kommunikasiemiddele. Die kommunikasiemiddele waarvan ons praat, is die gedrukte pers, die radio, die televisie, die rolprent en dan die jongste toevoegings in die gedaante van die elektroniese tegnieke nl. internet, e-pos, Twitter, Facebook, die nuuswerwe en nog meer.

Inderwaarheid is ons hier op Praag ook deel van die media. Duidelik is daar egter nie veel ooreenkoms tussen ons en bv. Die Burger of Beeld nie. Wat is die verskil dan? Vanselfsprekend is daar ‘n verskil wat betref die inhoud en strekking van berigte en kommentaar asook die tegnologie wat gebruik word, maar dit op sigself verduidelik nog nie heeltemal die verskil tussen hierdie vorms van media nie. Ek meen die verskil kan uitgedruk word as die onderskeid tussen « informele » media aan die een kant, en « amptelike » of « fatsoenlike » media aan die ander kant.

Die verskil het terselfdertyd ook te make met die onkonvensionele of nie-konformistiese inslag van bv. Praag, ens. enersyds en die konformerende benadering van bv Die Burger en Beeld andersyds. Synde konformisties en konvensioneel, kan laasgenoemde publikasies noodwendig nie te ver afwyk van die heersende ideologie en van regeringsbeleid nie en ook nie van dít wat wêreldwyd as modieus, respektabel en « modern » beskou word nie.

Nog ‘n belangrike verskil, miskien selfs die belangrikste, is dat die fatsoenlike media primêr daarop ingestel is om geld te maak vir eienaars en aandeelhouers en hulle maak geen geheim daarvan nie. Hulle benader dan ook nuus en kommentaar uit die hoek van wat populêr, maklik verteerbaar, goedkoop prikkelend en sensasioneel is of stigtelik en sentimenteel met verhaaltjies oor watter lede van die Britse koningshuis op enige tydstip swanger is, ens. (ek meen die Hollanders noem dit oudbollighede). Praag bv. behoort duidelik nie tot hierdie klas van medium nie.

Joernaliste van die fatsoenlike media lê graag klem daarop dat dit hulle heilige plig is om die publiek in te lig en voor te lig oor die « waarheid »; soetkoek dus waarop hoogleraars in die joernalistiek grootogige post-adolessente op Stellenbosch trakteer (verkieslik in Engels). Die fatsoenlike media is nie blote waarnemers en boodskappers nie. Hulle is aktiewe rolspelers, politiek korrekte breinspoelingsinstrumente om die samelewing te « transformeer », die vaandeldraers van ‘n disintegrerende beskawing.

Die verspreiding van nuus en kommentaar is in werklikheid ‘n hoogs georkestreerde aangeleentheid: New York, London, Parys, Johannesburg, almal in dieselfde vorm gegiet, byna soos die soort restourante waar vragmotors alles uit een kombuis aanry, vooraf gesny, gekook en gepak om in dieselfde patroontjie te pas: saai, eenders, verbeeldingloos. Die rede hiervoor is dat al hierdie onderskeie, maar eenderse media-instellings op die ou einde beheer word deur dieselfde wêreldoligargie van die rykstes. En daarom moet alle media-aktiwiteite daarop gerig wees om van die mensdom ‘n massa konformerende verbruikersoutomate te maak ten einde die belange van die oligargie te dien.

Iewers elders op Praag het iemand gepraat van die Nasionale Partyregering wat in die aanloop tot die oorgawe van 1994 magteloos gestaan het voor die media en spesifiek die Nasionale Pers. Magteloos teenoor die pers! Kan ‘n mens jou voorstel dat dr Verwoerd magteloos sou gestaan het voor die pers? Ondenkbaar.

Na die moord op dr Verwoerd was die spreekwoordelike kat uit die weg en die muise baas: John Vorster, PW Botha, FW de Klerk, die drie blinde muise van die Suid-Afrikaanse politiek, elkeen gehipnotiseer voor die mediaslang: lam arms, knakkende knieë, willoos en weerloos. Al manier waarop hulle nog ‘n bietjie magsuitoefening kon ervaar, was deur heksejagte teen behoudende Afrikaners – die sogenaamde « regses ». As hulle maar kon verstaan dat die media-anakonda waarvoor hulle so vreesbevange was, in werklikheid maar net ‘n molslang was, dan kon hulle dalk probeer het om ‘n bietjie dapperder te lyk.

Vals berigte oor MTN se sluiting in Nigerië

Berigte in News24 dat die selfoondiensverskaffer MTN agv xenofobiese geweld in Suid-Afrika hul kantore in Nigerië moes sluit, is glo vals.

MTN het berigte ontken dat sy kantoor in Abuja geraak is. “Dit veroorsaak groot skade aan ons reputasie,” het MTN se woordvoerder aan News24 gesê.

Hy het gesê daar was Dinsdag ‘n vreedsame aksie buite die Abuja-kantoor en nie Woensdag soos berig nie. ‘n Memorandum is by die geleentheid oorhandig.

Die enigste “ontwrigting” was vir sowat ‘n uur toe MTN-personeel nie toegang tot die gebou kon kry nie tydens die oorhandiging van die memorandum, sê Maroleng.

Die Daily Sun is vroeër aangehaal oor die sogenaamde sluiting van MTN.

Op grond daarvan, het News24 vroeër berig dat MTN onmiddellik sy deure gesluit het en sy bedrywighede opgeskort het asook sy diens, maar Maroleng het gesê hierdie inligting is vals.

“Ons besigheid is ten volle operasioneel,” sê Maroleng.

‘Ek het geleer om byvoeglike naamwoorde te vermy’

Ton Vosloo het uitgetree as nie-uitvoerende voorsitter van Naspers, het Nuus24 berig.

Vosloo, wat al sedert 1956 by die maatskappy betrokke is, sal deur Koos Bekker vervang word. Vosloo het 23 jaar as voorsitter gewerk.

“Naspers en sy vennote is in baie goeie vorm. As ouskool-joernalis het ek geleer om byvoeglike naamwoorde te vermy. So, dit is voldoende om te sê – wat ‘n wonderlike groep maatskappye, gelei deur ‘n wyse raad plus topklas bestuur, en wat versterk word deur duisende van die heel beste kollegas wat mense kan hoop om mee verbind te word,” het Vosloo gesê.

Naspers se aandeleprys het onlangs deur die R2 000-vlak op die aandelebeurs gebreek.

HSM dink landsbestuur is ‘n swart Idols-kompetisie

Die parlementêre sirkus waar die media sowel as lede klaarblyklik meen dit gaan om ‘n klugtige swart Idols-kompetisie eerder as landsbestuur, duur voort.

Hoofstroommedia berig oudergewoonte oor verskillende politieke persoonlikhede wat mekaar slegsê asof dit van enige wesentlike belang vir die produktiewe minderheid sou wees.

Opposisie-parlementslede het intussen tydens die debat oor die staatsrede hul ontevredenheid uitgespreek oor die weglating van sommige sleutelgebeure uit die notules van verlede week.

Hulle kla dat geen melding gemaak word van die blokkering van selfoonseine wat plaasgevind het nie. Dit is nie seker wat die meeste opposisiepartye kan kommunikeer of twiet wat aan die ANC se meerderheid sal verander nie.

Die uitsmyting van die EFF-lede sowel as die DA wat agterna uit die Nasionale Vergadering gestorm het om verrigtinge verder te ontwrig, is nie onder die besprekingspunte nie.

Soos verwag, het EFF-leier, Julius Malema sy toespraak weer begin met ‘n verwysing na Nkandla.

Hoekom Suid-Afrika nog heeltemaal op koers is

Sedert ’n paar weke is dit bekend dat die polisie deesdae meer misdadig as die misdadigers self is, ’n gegewe wat baie Suid-Afrikaners seker nie sal verbaas nie. Aan die een kant is die gewone mens steeds meer gedwonge om die reg in eie hande te neem as gevolg van die wantroue in die reg, en tegelyk is wittes wat dit waag om inbrekers, moordenaars of verkragters uit selfverdediging af te weer, die nuwe kriminele.

Dat polisieagente ook nog vroue ontvoer om in gevangenisselle te verkrag is iets wat die plaaslike en buitelandse media eerder ignoreer as toegee. Dit is net nog ‘n mislukte staat in Afrika, seg hulle dan so nonchalant.

As hierdie gruwel eenmaal die aandag trek van die ivoortoringintellektuele en kwetterende rubriekskrywers van die hoofstroom George Soros-gesteunde media, moet ons weer die ewige geweeklag van apartheid, armoede en wit skuld verduur.

Ongetwyfeld sou Bram Fischer trots hierop gewees het. Soos hy gestel het, het “sommige dele van die media uitstekende werk verrig”, nie net in sy tyd nie, maar vandag des te meer. Selfs in beheerde hoofstroommedia soos CNN, BBC en Al Jazeera word geen woord gerep oor die plaasmoorde, babaverkragtings of moetimoorde nie, maar as Eugene de Kock vry uitstap of Oscar Pistorius sy vriendin skiet, staan hul voelspriete penregop. Ondanks die moord, roof en verkragtings, is en bly wit Afrikaners by implikasie die skurke.

Sommige linkse gekke van weleer soos Nadine Gordimer en Helen Suzman het nogal geskrik toe hulle hul Nuwe Jerusalem in volle kleur en geur ervaar het, en het hulself afgewend van die orde van die dag. Ander linkse gekke daarenteen geniet ten volle van die brute moorde, sadisme en pyn en lag soos die argetipiese Satan vir die gruwel op die gesigte van die ontnugterdes. Die ontslape André P. Brink was van mening dat sy volk dit verdien om te verdwyn, en volgens Auntie-apartheid Conny Braam is volksmoord nog te goed vir ons.

Terwyl die dom linkses onder die waan verkeer dat Zuma en Malema die “erfenis van Nelson Mandela” verraai het, weet die demoniese linkses dat Suid-Afrika nog honderd persent op koers is. Was dit nie Yossel Slovo wat doerie tyd gesê het dat die polisie hul wapens teen die wittes moet keer nie? Dit is mos hoe rewolusie werk, nie waar nie? Enkele magtige agitators agter die skerms wat namens die “verdruktes” praat en dan uiteindelik hierdie golf van haat en sadisme in die naam van liefde en kameraadskap loslaat.

Diegene wat terugkyk na die gedagtes van die kommuniste in die sestigerjare sal verbaas wees om te sien hoedat Suid-Afrika presies daardie land geword het wat hulle wou hê. Dit is belangrik om te weet dat kommuniste en hul magtige handlangers baie geduld en tyd het, en rewolusies gewoonlik dekades vantevore al beplan het.

In die kwartaalblad African Communist uit 1963 (vol. 2 nr. 2, Jan-Mar) het die volgende paragraaf verskyn:
“In order to extend the gains of the revolution, particularly in the conditions of South Africa, the utmost vigilance must be exercised against those who would seek to organise counter-revolutionary plots, intrigues and sabotage, against all attempts to restore White colonialism and destroy democracy … a vigourous and vigilant dictatorship must be maintained by the people against the former dominating and exploiting classes. Towards this end the Party will propose the disbandment of the police and military forces maintained by white colonialism. A new people’s militia and people’s liberation army, composed of and led by trusted representatives of the people, must be created.”

Dit mag dus duidelik wees dat hierdie doel al eintlik bereik is. Die polisie en weermag mag dan weliswaar nie ontbind wees nie, maar is nou heeltemaal oorgeneem deur die skadurewolusionêre, wat in werklikheid nog veel beter is. Die Rooies se ideaal uit 1963 is met ander woorde in 2015 ruimskoots oortref. Daar het ook al berigte verskyn van huurlingkampe waar jong swartes “wat nie deel van die styd by MK kon wees nie” hul militêre opleiding kan volg, terwyl wittes met wapenbeheer gekonfronteer word.

Om te vergelyk met Noord-Korea is daar voortdurend kragonderbrekings, Suid-Koreaners wat in die Noorde vasgekeer was ten tye van die oorlog word nog steeds vervolg, daar is eindelose hongersnood en staatsensuur. So is daar ook in Suid-Afrika kragonderbrekings, wittes, ongeag hul politieke affiliasie word vermoor en skuldig aan die “misdaad van apartheid” geag, en sensuur vanuit Naspers en sy trawante is aan die orde van die dag. Wat hongersnood aanbetref het die rewolusionêr Lef Bronstein, alias Trotski destyds gesê dat daar geen voedselskaarste in die Sowjet-Unie is nie. Sodra moeders hul kinders begin opeet is daar eers sprake van hongersnood.

Met al die moetimoorde wonder ek of Suid-Afrika in ‘n staat van hongersnood sou verkeer volgens hom.

Die georganiseerde chaos neem in ontstellende tempo toe, en naas die wittes word president Zuma nou ook geteiken as rede hiervoor. Die kwetterende klas sit en kla eindeloos oor sy korrupsieskandale, Nkandla en ongeïnteresseerdheid in die welsyn van sy mense, salig onbewus dat dit presies in die groter prentjie van die rewolusie pas. Sodra hy uitgestem of uit die pad oop is, kan ‘n nuwe volbloedrewolusionêr soos Malema die roer oorneem en die klimaat nog verder laat oplaai.

Maar voordat dit so ver is, is die geweld in Suid-Afrika, die demoralisering, die verharding en gewetenloosheid die wapen wat gebruik word om die bevolking voor te berei vir hul ondergang. Kon enige lid van die publiek in die sewentiger en tagtiger jare gedink het dat hulle kinders eendag in ‘n land sou woon waar die president die bevolking ophits om hulle dood te maak? Vandag is dit so algemeen dat niemand ‘n woord meer daaroor rep nie. Selfs al bereik dit die internasionale pers is die reaksie lou of niksseggend, presies soos dit hoort, want die res van die wêreld is volgende om te val.

Dit was immers John D Rockefeller gewees wat gesê het dat hy ‘n wêreld van werkers wil hê, geen denkers nie. Op hierdie manier sal Marx se droom om die werkers van die wêreld om te verenig volvoer word, aangesien grootskalige nasionale vervreemding gaan veroorsaak dat mense nie meer kan dink nie, maar slegs arbeid kan verrig.

Die linkses se haat teen indiwidualisme gaan verder help om die denker te reduseer tot ‘n stem in die woestyn, en hierdie tendens sien ek al duidelik in die Nederlandse akademiese kringe. Laat staan nog die radikale aktiviste wat deesdae vanuit leerstoele preek, wat ‘n slim taktiek is om vrydenkers te intimideer en tot paria te verklaar.

In die groter prentjie van wêreldrewolusie, is Suid-Afrika nog heeltemaal op die regte pad. Die misdaad word weggesteek of ondervermeld deur die media, waarskynlik vir ‘n paar jaar nog, totdat die Weste volledig in die hande van die superskurke is. Wat die media daarna gaan uitvoer is nie belangrik nie, want dan is dit tog te laat om daar iets aan te doen. Die ondergang van die Weste as geheel verloop dus volgens plan. Die Weste het dalk op die slagveld teen kommunisme gewen, maar laasgenoemde is besig om ons volledig in ‘n skaakmat te lei en die oorlog te wen.

Tot tyd en wyl moet ons maar stompgeslaan word met geweld, gemors op tv, volksvervreemding en mediastilte, net soos Kameraad Bram dit wou.

Want ai! Verrig die media tog nie uitstekende werk nie?

Rassehaat word deur die media aangemoedig

Rassehaat word op baie plekke aangeleer. Een daarvan is die media, wat skreiende dubbele standaarde besig.

Wanneer ‘n voorval soos by die Curroskool plaasvind, waar witmense die skuldiges is, is daar ‘n geskree in die media wat dikwels weke duur.

Wanneer talle blankes daagliks deur swartes aangeval, vermoor, verkrag en gemartel word, swyg die media egter soos die graf.

Hierdie verswyging van die ware vlakke van swart rassistiese haatmisdaad teen blankes gemik, wat in der waarheid die koers van blanke rassemisdaad ver, ver, ver oortref, word op leuenagtige wyse, ook deur Naspers, verswyg, en daar word vir blankes gelieg.

Ek wil nie rassistiese haatmisdaad vergoeilik nie, maar die dubbele standaarde oor wie die eintlike haatmisdadigers in SA is, skrei ten hemele. Geen wonder blankes voel bedreig en tree dan reaktief op nie.

So ook probeer die politici en die media vir ons wysmaak perdevye is soetkoek, deur die twak van die sogenaamde nie-rassige NSA aan ons te verkwansel.

Wynand Griesel

Sapa-werknemers boos oor onreëlmatige ontslag

Personeellede van die South African Press Association (Sapa) weier om hul afdankings te aanvaar.

Hulle beplan om hul onreëlmatige ontslag na die Kommissie vir Versoening, Bemiddeling en Arbitrasie (KVBA) te neem.

‘n Woordvoerder van die vakbond, Gerhard Ueckermann, het Vrydag gesê dat hulle nie in die onderhandelingsproses geken is nie, ten spyte van ‘n erkenningsooreenkoms met die nuusdiens. “Ons het gister gehoor die direksie het ‘n persverklaring uitgereik,” het hy gesê.

Dit is ten spyte daarvan dat die unie ‘n brief aan Sapa se bestuur gestuur het aan die begin van die week om hulle in te lig dat die vakbond Uasa deel van die bespreking van die proses in terme van arbeidswetgewing moet wees. “Ons regsafdeling is in die proses van die opstel van stukke,” sê Ueckermann.

Dit is Donderdag aangekondig dat Sapa sy deure op 31 Maart sal sluit, ná 76 jaar van nuus aan uitsaaiers en die gedrukte media.

Minette Ferreira, Sapa-voorsitter, en ‘n direkteur van Media24, het in ‘n verklaring gesê: “Na die verkoop van die bates sal die maatskappy gelikwideer word en sy bedrywighede sal ophou op 31 Maart 2015.” As ‘n spesiale kategorie nie-winsgewende organisasie is, kan Sapa nie verkoop word nie, het sy gesê.

Sy het gesê personeellede, wat almal afgedank sal word, is ‘n bron van kommer vir die raad wat verbind is tot “maksimalisering van geleenthede vir hierdie personeellede”, selfs “elders in die media”.

Dit blyk nou dat die personeel, alhoewel hulle bewus daarvan was dat die raad die oprigting van ‘n wins-gebaseerde nuusdiens oorweeg, heeltemal onbewus daarvan was dat hulle afgedank gaan word en heraansoek sal moet doen vir hul werk.

Hulle vakbond is nooit geraadpleeg deur die bestuur nie.

Drie maatskappye stel glo belang in ‘n wins-gebaseerde nuusdiens, naamlik Gallo Images, KKM Review Publishers en Sekunjalo Investment Holdings, wat besit word deur Independent Media se Iqbal Survé.

Sapa se toekoms is reeds lank onseker, aangesien Times Media Group in 2013 onttrek het, gevolg deur Caxton en Independent Newspapers. Caxton het egter aangehou om Sapa te befonds om die diens van ondergang te red.

ANC ontken dat hulle 3 koerante teiken

Die ANC ontken dat drie koerante gestraf word vir hul aanvalle teen President Jacob Zuma, het ANC-woordvoerder Zizi Kodwa gesê.

“Die bewering is verkeerd en kwaadwillig. Dit dui daarop dat die regering nie soberheidsmaatreëls kan oorweeg betreffende media-aankope nie,” het Kodwa gesê en bygevoeg: “Die regering het ‘n reg om kostes te sny waar hulle kan.”

Die Mail & Guardian het Vrydag berig dat die regering van plan is om ‘n plan te implementeer om die Sunday Times, Mail & Guardian, en City Press van reklame-inkomste ter waarde van miljoene rande te ontneem.

‘n Naamlose amptenaar het die drie koerante uitgesonder wat ‘n “anti-ANC en anti-regeringsaanslag” op die “demokratiese staat” dryf, het Sapa berig.

Die koerant het berig dat die grootste begunstigde van die besluit Independent Media sal wees, wat onder die eienaarskap van Iqbal Survé sal voordeel trek uit die besluit.

Kodwa gesê soberheidsmaatreëls is gedurende Pravin Gordhan, voormalige minister van finansies se ampstermyn aangekondig.

Hy het gesê die regering het onderneem om verkwistende uitgawes te sny en minder op nie-noodsaaklikhede uit te gee.

“Dit het lank gelede begin. Die bewering kan nie nou gemaak word nie.”

Kodwa het gesê die aantyging dat die drie koerante gestraf word, is vals.

“Ons is ‘n demokrasie. Ons het selfs diegene ondersteun wat nie saamstem met ons nie. Dit is nie so dat dit as gevolg van straf is nie. Ons regering sal nooit so ‘n standpunt inneem nie,” het hy gesê.

“Maar die regering het ‘n reg om koste te sny in terme van waarde vir geld, nalv soberheidsmaatreëls. Daar is ook niks verkeerd as die regering sy mediakoopkrag konsolideer nie.”

Dooieboommedia skep rasherrie vir sensuur-doeleindes

Die media kan nie bekostig dat ‘n goeie krisis verlore moet gaan nie, skryf Jan Viljoen.

“It’s long been understood, hundreds of years, that unless people are controlled, they are going to challenge power. They will not simply willingly accept subordination, domination, hunger and so on. Nobody is going to accept that – if they have choices. So it is therefore necessary for them who are in a position to control decision making and monopolize wealth…it is necessary for them to somehow keep the population from their throats as they put it. And it can either be done by force and if that capacity declines, by control of opinion. There is no other method” ……Professor Naom Chomsky. Massachusetts Institute of Technology.

Professor Chomsky lig twee konsepte hierbo uit. Die beheer wat die media oor ons het en die mag agter die media, naamlik die geldmag.
Dit is ontstellend dat daar nog mense is wat nie besef wat die omvang van die mag wat die media oor hulle het, is nie. Soos nuwe en ge-ykte gonswoorde, elke besluit wat hulle neem soos oor wie om vir watter onreg te blameer, oor wat hulle vanaand gaan eet, waarin hulle moet glo, waarin hulle kinders moet glo, wie reg is en wie verkeerd is en bykans elke liewe aspek van hulle private lewe, vir hulle deur die media voorgeskryf word.

Tim du Plessis, wat voor sy bedanking hoof van Media24-koerante se Afrikaanse titels was, het met trots aangekondig dat hy en sy mede joernaliste en rubriekskrywers, “meningsvormers” is. Laat ons vir ‘n oomblik by hierdie term stilstaan. Wat is dit wat du Plessis eintlik wil sê?

Wat dit beteken is dat hy en sy kollegas jou persepsie van die waarheid gaan verander sodat dit in lyn kan kom met wat hulle wil hê wat dit moet wees. Dit gaan beteken dat die waarheid dit is wat hulle vir jou vertel om te wees. Hulle sal dus namens jou die dinkwerk doen en jou die vermoë om jou eie opinies oor kwessie wat jou inherent en onherroeplik raak, ontneem. Jy sal nie meer kan besluit wat die beste vir jou of jou familie, of selfs vir jou groep is nie, maar sal slegs dit wat hulle vir jou vertel wat goed en reg is, glo.

Die persoon wat nie vermoë het om vir homself te dink nie, sal enige-iets glo wat vir hom wat as die waarheid voorgehou word en ongelukkig is dit so dat die groter groep Afrikaners nog te veel waarde heg aan wat in die koerante geskryf staan.

Ons vergeet dat enige berig of rubriek slegs die opinie van ‘n gewone mediaslaaf is. Dit is slegs die hoogs bevoordeelde propaganda van een persoon wat as die mondstuk van sy eienaar optree.

Die term “meningsvorming” is slegs die versagting van die stokou manier om oorlog te voer wat as breinspoeling bekend staan.

Tim en sy trawante wil niks anders bereik as om hulle slagoffers te breinspoel nie en so groot is hulle ego’s dat hulle dit prontuit erken. Hulle voel onaantasbaar want hulle beskik oor die vermoë om hulle vyand se wil af te breek, om hulle te reduseer na redelose slawe wat slegs kan glo wat daar aan hulle gesê word om te glo en daardie vyand, daardie slawe is die Afrikanervolk.

Dit is nie eers meer ‘n geheim nie en hulle sê dit reguit. Die absolute verregaande verwaandheid wat die media bereik het word ge-illustreer deur hierdie tipe Tim-uitlatings en sulke uitsprake bewys hulle minagting wat hulle teenoor die publiek, die gewone man-op-die-straat, handhaaf.

En Tim en sy mede-trawante is nie die enigste nie. Hulle is slegs deel van Naspers, terwyl daar nog ‘n swetterjoel ander mediasoorte is wat presies dieselfde ding doen.

Dag na dag en week na week, 365 dae van die jaar. Is dit dan enige wonder dat dit so maklik is om ‘n volk te beheer en te regeer? As ‘n volk nie weet waarvoor om baklei nie en waarteen om te baklei nie, sal ‘n volk teen homself baklei. En geen volk wat teen homself gedraai is, kan voortbestaan nie.

Daar word vals vyande geskep en voorgehou sodat ons tyd, energie en logistiek daardeur uitgeput kan word. Daar word vals vriende en vals leiers geskep en voorgehou sodat ons onwetend agter die rottevangers kan aanloop na ons ondergang toe. Daar word vals krisisse geskep sodat ons ons gewig agter die vals oplossers van die krisis kan ingooi en daar word vals afleidings verskaf om die mense met oppervlakkige genietinge besig te hou sodat ons nie agterkom hoedat ons regte en vryhede een vir een gestroop word nie en hoedat ons omstandighede stadig in die van ‘n gebonde en besitte slaaf verander nie. Daar sal selfs mense wees wat hierdie woorde lees en dit nog steeds ontken. Die ou gesegde lui dat niemand so gebonde is soos die wat valslik glo dat hulle vry is nie.

‘n Nuwe krisis is byvoorbeeld die storm wat rondom Steve Hofmeyr en Dr. Roodt se koppe losgebars het. Die waarde van ‘n krisis moet nie verlore gaan of onderskat word nie en as daar nie ‘n krisis is nie moet ‘n eenvoudige ding tot krisis-afmetings verhef word of daar moet ‘n krisis geskep word.

Hoekom sal Praag gereeld uitgesonder word as hierdie ϋber-rassistiese webblad terwyl slegs ‘n vinnige besoek op enige van IOL se berigte wat kommentaar bevat, bewys dat die rassisme daar tienvoudig keer erger is. Waar Praag redelike beskaafde en redelike intelligente gesprekke het, is IOL se kommentaar gewoonlik bloot kru en rassisties. Dieselfde geld vir Naspers se kommentare.

Dit is sodat Afrikaanse andersdenkende webblaaie mettertyd onder sensuur geplaas kan word en sodat beheermeganismes in werking gestel kan word, en by implikasie dus ook die kommentators en deelnemers aan gesprekke, gemonitor en gesensor kan word en erger nog, vervolg kan word.

Afrikaners kan verwag dat enige spontane aksie wat uit eie geledere ontstaan, onafhanklik van media-inmenging, wat daartoe poog om Afrikanerleiers of Afrikanerafvalliges te kweek, met die totale mag tot beskikking van die media se propagandamasjien, aangeval sal word.

Die pop insident is nie ‘n vinnige besluit wat een oggend soos ‘n nuwe gedagte by Koch opgekom het nie. Dit is ‘n goed deurdagte en beplande aksie wat daarop gemik is om Afrikanerafvalliges te knou en ook om Afrikaners in pro- en anti-kampe te verdeel. Afrikaners sal nie nou die luukse gegun word om leiers te kweek nie, want Naspers moet ten alle koste die de facto Afrikanerleierrol speel. ‘n Sterk patriotiese Afrikanerfront is iets wat ten alle koste vermy moet word, want dit vorm nie deel van die groter Eliteplan nie.

“The mainstream media really represent the elite interest and they serve those interest in a way that can be described as carrying out a propaganda function”. …..Professor Edward S Herman, professor emeritus of finance at the Wharton School of Business of the University of Pennsylvania and a media analyst.

Maar hierdie media-instellings werk nie vir hulleself nie. Hulle het bepaalde eienaars waarvoor hulle werk en hierdie eienaars het ‘n bepaalde doel voor oë. Dit is nie moontlik om die rotnes van media-eienaars in hierdie skrywe te probeer uitlê nie en die wat belangstel kan gerus hulle eie navorsing doen of die uitstekende uitleg wat Albert Brenner hier op Praag gelewer het, probeer opsoek.

Vir die doel van hierdie skrywe is dit genoeg om te sê dat omtrent al die media op die ou end deur die banke besit word. Die Suid-Afrikaanse Reserwebank, soos al die reserwebanke van enige ander land is nie ‘n staats- of selfs semi-staatsinstelling nie. Alle lande se Reserwebanke is privaatmaatskappye soos wat die kafee op die hoek of jou plaaslike tuindienste in privaathande is. Hierdie banke besit die maatskappye wat as regerings voorgehou word wat by hulle geld leen en soos wat die mag afwentel word bykans elke burger deur die onderskeie banke waar hulle geld leen, besit en beheer.

Hierdie banke, en nie die maatskappy-regerings soos wat soms geglo word nie, besit die mag om geld te skep en te vernietig en om sodoende die welvaart van ‘n land te bepaal.

“Let me issue and control a nation’s money and I care not who writes the laws.” …..Mayer Amschel Rothschild, 1790

Die media se bestaan is nie om die nuus uit te saai of te verkondig nie, alhoewel baie van ons dink dat dit die media se hooftaak is. Die media se hooftaak is om mense se denke te beïnvloed. Om mense beheerbaar en onder die duim te hou deur hulle oningelig te hou en hulle te oorweldig met niksseggende propodandistiese vermaak, onbelangrike balsporte en sportster- en akteuraanbidding.

Om die nuus weer te gee op hulle eiesoortige en selektiewe manier, om selektief briewe te plaas wat hulle denklyne ondersteun, om randeier kwasi-intellektuele se drogbeelde tot nasionale menings te verhef, om volksvyande en volksvreemdes se aanslag teen die volk op ‘n manier te regverdig, om onmin en verdeeldheid te saai, om die regte nuus te sensor en uit die publieke oog te hou en om Afrikanerafvalliges en andersdenkendes en die wat nie die amptelike leuens wil sluk nie, te kruisig.

Naspers, in die afwesigheid van ‘n sterk Afrikanerleier, het gemaklik in die skoene geklim om “leiding” te verskaf, om denke te beinvloed en om die rol as die skynleier van die Afrikanervolk te vervul. En dit is soos wat dit beplan is en dit is die status quo wat ten alle koste gehandhaaf moet word.

Die media sal nie duld dat daar ‘n uitbraak van Afrikanerpatriotisme plaasvind nie, want dit sal hulle rol as meningsvormer ondermyn en daarmee saam die mag wat die geldmag oor ons het, afwater. Maar die media is slegs een van die tentakels wat deur die elite gebruik word om die burgery te beheer. Die staatsmasjinerie van ons bankrotte skynregerings, howe, nuttige idiote by intellektuele instellings, skole, die illusie van demokrasie, politiekery en onafhanklike privaatorganisasies soos, maar nie beperk tot, B’nai B’rith, die Round Table en ‘n swetterjoel ander, is van die ander tentakels.

Maar by uitstek is dit die Reserwebanke en gewone plaaslike banke, wat krediet en lenings kan verskaf, wat die handigste en mees gewetenlose stuk gereedskap is.

Met hulle sisteem van “fractional reserve banking”, en die ongelooflike regeringsgesteunde foefie om fiat geld uit niks te skep wat hulle aan niksvermoedende burgers uitleen en om dan boonop rente op ‘n nie-bestaande lening te hef, het hulle dit reggekry om ons kinders se kinders tot slawe in hulle eie land te reduseer.

“I am a most unhappy man. I have unwittingly ruined my country. A great industrial nation is now controlled by its system of credit.We are no longer a government by free opinion, no longer a government by conviction and the vote of the majority, but a government by the opinion and duress of a small group of dominant men.”….. Woodrow Wilson 1919.

Die media sal ten alle koste ingespan word om enige vorm van andersdenkenheid in die kiem te smoor. Die elite kan nie bekostig dat intelligente individuee die mense tot ander insigte oorreed nie en enige vorm van afvalligheid moet ten alle koste beveg word. Die pop-insident is byvoorbeeld een van daardie kunsmatige krisisse wat as sneller moet dien om krisisbeheer toe te pas.

Sogenaamde menseregte en vryheid van spraak is nie die papier werd waarop dit geskryf is nie en ons moet nie dink dat dit iets is waarop ons ons sal kan verlaat nie. Meganismes moet gevind word om vrye spraak en andersdenkenheid te snoer en aan bande te lê, want dit mag dalk net lei dat mense vir hulleself begin dink en soos ons almal weet is dit baie gevaarlik as mense vir hulleself kan dink.

“….unless people are controlled, they are going to challenge power….”

Dit lei gewoonlik tot die omverwerping van die sogenaamde orde wat tradisioneel slegs die tot die uitsluitelike voordeel van die elite is. Magsvergrype beteken dat die sosiale orde met geweld deur die staatsmasjinerie afgedwing moet word of met breinspoeling deur die media in plek gehou moet word. Magsvergrype beteken dat die sosiale orde met geweld deur die staatsmasjinerie afgedwing moet word of met breinspoeling deur die media in plek gehou moet word.

“Gesprekke is oor menseregte en vryheid van spraak tussen Sanef en ander organisasies, waaronder die Adviessentrum vir Oop Demokrasie (Odac) gehou by die Naspers-gebou in Kaapstad. Volgens die uitvoerende direkteur van Sanef, Mathatha Tsedu, is die sosiale media se platforms en die web ‘n groot en oop wêreld wat nie gereguleer word nie.”….Vryburger, Desember 11, 2014.

Die aanslag teen Steve Hofmeyr en Dr. Roodt is iets wat die gevaarligte moet laat begin flikker. Dit word deur die media gedryf en dit sal in die howe beslis word en albei van hierdie instellings word deur die elite beheer. En wanneer dit deurgevoer word gaan, in watter vorm ook al, sal ons onsself moet staal want wat daarop gaan volg is nog meer beheer en nog meer sogenaamde vryhede wat aan bande gelê gaan word of wat totaal weggeneem gaan word.

Stadig maar seker word die aanslag teen ons verskerp en deur ‘n reeks van sulke tipe krisisse word vryhede stadig maar seker weggeneem. Die bande word al stewiger vasgwikkel en ons sal moet begin beplan om onsself los te wikkel. Ysland het dit gedoen. Hulle het bloot die banke se mag en houvas oor hulle burgery weggeneem en daarmee saam ‘n hele rits Godgegewe regte teruggekry.

Die media is by uitstek meesters by die uitdink en gebruik van gonswoorde. Die rassisme-kaart is slegs ‘n simptoom van mediabeheer, dit is slegs ‘n meganisme wat gemaklik gebruik kan word om ‘n hele volk mee te kasty en dit is slegs die stok wat gebruik word om die wat uit gelid uit trap mee by te kom.

Daar word selfs deesdae van “apartheidsontkenning” gepraat asof dit onwettig is en dit is ‘n nuwe gonswoord wat ons al meer en meer gaan begin teëkom. Dit was ‘n gemaklike meganisme wat die jode al vir die afgelope sestig plus jaar gebruik om enige kritiek teen hulle van die tafel af te vee; dat jy nie die amptelike weergawe, die opgemaakte weergawe van die werklikheid, mag bevraagteken nie.

“Apartheidsontkenning” gaan dieselfde status as die sogenaamde “holocaust”-ontkenning begin verkry en webbladsye soos Praag gaan onder internetsensuur geplaas word, sodat, in die naam van sekerheid, menseregte en regverdigheid, sekere afvallige denke wat anders is as wat voorgeskryf word, gesensor kan word en die skrywers daarvan aan ‘n onwettige proses wat deur die howe gedryf sal word, onderwerp kan word.

Koch is niks. Hy is niemand. Om die waarheid te sê het ek nog nie van Koch voor hierdie insident gehoor nie. Koch is slegs die krisisakteur in hierdie hele insident. Hy is die persoon wat gekies is om dit te inisieer, die media is die liggaam wat dit dryf, groot besigheid soos Landrover en Pick ’n Pay is die liggame wat dit ondersteun, die howe is die liggaam wat dit gaan afdwing en die banke is die entiteit wat daaragter sit, soos wat FNB se “Steve” advertensies duidelik toon.

Maar alles is nie verlore nie. Enige blootstelling is goeie blootstelling en die insident kan ook gebruik word om ‘n bewusmaking van die werklikheid te bewerkstellig, want hoe onwerklik dit ook al mag klink is daar nog mense wat glo dat alles in die land wel en goed is. Ek gaan nie my asem ophou in afwagting van ‘n positiewe mediaberig nie, want dit sal nie gebeur nie. Ons sal onsself moet skool en inlig.

Malema kry onbeperkte toegang vir opswepery teen wittes

Suid-Afrika sal in anargie verval tensy daar grondonteiening sonder vergoeding plaasvind, het EFF-leier en marionet vir buitelandse belange, Julius Malema Donderdag gesê.

Malema se Joodse hanteerder, Kim Heller het intussen op Twitter losgetrek oor Steve Biko wat deur “apartheid” vermoor is.

Malema se werklikheidsvreemde tirade is volledig op ‘n ideologiese lees geskoei. Die platteland van Suid-Afrika besig om leeg te loop omdat jong swartes juis nie in grond belangstel nie, maar in stedelike konsumpsie.

Malema het klaarblyklik onbeperkte toegang tot die media om sy dreigemente en opswepery teen die wit minderheid voort te sit.

Malema het wittes weer gewaarsku dat hulle die land se “gesteelde” rykdom moet teruggee, en dat onproduktiewe grond onteien moet word sonder vergoeding.

“Daar kan nie twee nasies – een vir die rykes en een vir die armes – wees nie.”

Hy het die wit gemeenskap weereens openlik gedreig en gesê hulle “veiligheid word deur die bemagtiging van die mense gewaarborg”.

Indien daar geen herverdeling van grond is nie, het Malema gewaarsku, sal daar ‘n “revolusie sonder leier” plaasvind, wat glo tot anargie sal lei.

Die waarheid is egter dat die opstande bekend as die Arabiese Lente gebeur het as gevolg van ‘n voedseltekort. Die gevolg van Malema se grondgryp sal ongetwyfeld voedselnood beteken.

Die EFF-leier het ‘n uitnodiging van die Kelvin Grove-klub, die Kaapse Persklub in Kaapstad aanvaar om sy jongste opswepery in die media te versprei.

“Ons mense sal nooit kom by die beloofde land uitkom as ons nie die grondvraag oplos nie, want jy is niks sonder grond nie.

“Jou grond is jou identiteit …. Daar is geen mens wat waardigheid kan hê as die mens nie eiendom het nie,” het Malema gesê wat sy gehoor ook sonder ironie vertel het dat die EFF Marxistiese beginsels nastreef wat geen eiendomsreg erken nie.

Malema het gewaarsku dat indien geen politieke party hierdie kwessie opneem nie, sal die grondlose armes opstaan en grond gryp, sonder om by te voeg dat hy sowel as die media en sy hanteerders hard daaraan werk om dit te laat realiseer.