praag.co.za

Tag: SABC

  • Swart sepie saai episode uit waarin 2 wittes swarte lewend begrawe

    Swart sepie saai episode uit waarin 2 wittes swarte lewend begrawe

    ‘n Swart sepie op SABC3 het die afgelope week ‘n episode uitgesaai waarin twee wit mans, albei Afrikaners, ‘n swarte aanval en lewendig begrawe.

    Thandi Smith, hoof van Media Monitoring Africa se mediabeleidprogramme het aan 702 gesê, dit is heeltemal gepas om dié geweld op TV uit te saai want dit is die begin van ‘n “gesprek oor rassisme”.

    Die skrywer van die reeks beweer sy is baie gelukkig oor die reaksie van kykers ook omdat hulle “rassisme” behandel, maar sy is nie bewus van klagtes wat by die Uitsaaiklagtekommissie gelê is nie.

    Peterson Mogola sê die storie is soortgelyk aan wat werklik in Suid-Afrika gebeur. “Dit is soortgelyk aan ‘n voorval wat al in Suid-Afrika gebeur het.”

    Willem Oosthuizen en Theo Jackson word daarvan beskuldig dat hulle ‘n swarte in ‘n doodskis wou begrawe. Die twee is van ontvoering en aanranding aangekla en sal van 26 tot 29 Junie verhoor word.

    In die sepie-episode wil die swarte sy vader se graf op ‘n plaas besoek, maar die eienaars, twee wit mans, koggel hom met bobbejaangeluide en daarna slaan hulle hom en poog om hom lewend te begrawe.

    Die vervaardiger van die Isidingo-reeks is Endemol, wat blykbaar bekommerd is oor die dalende kykergetalle van die reeks.

    Na wat verneem word het die SABC glo nie meer geld om die akteurs van die reeks te betaal nie.

  • Nene ‘bid’ dat Zuma nie Molefe in Gordhan se pos aanstel nie

    Die voormalige minister van Finansies, Nhlanhla Nene, het aan die vereniging van swart sekuriteite-en beleggingsberoepslui gesê hy bid dat President Jacob Zuma nie die minister van Finansies, Pravin Gordhan uit sy pos sal verwyder nie.

    Nene het die hooftoespraak gelewer by ‘n geleentheid in Kaapstad om die vereniging se organisasie vir jong beroepslui van stapel te stuur.

    Politieke ontleders sê die onlangse inhuldiging van die voormalige bestuurshoof van Eskom, Brian Molefe, as parlementslid, beteken moontlik dat hy tydens ‘n kabinetskommeling as minister van Finansies aangestel kan word.

    Nene sê hy het volle vertroue in Gordhan se vermoëns, en dat die land nie enige verdere onbestendigheid sal kan verwerk nie.

    Nog ‘n voormalige Minister van Finansies, Trevor Manuel, het ministers geroskam wat nie verantwoordelikheid neem vir hulle portefeuljes nie.

    Manuel het in ‘n onderhoud met die SABC gesê dit is onverklaarbaar waarom sommige ministers nie begryp dat hulle verantwoordbaar behoort te wees nie.

    Met verwysing na die Minister van Kommunikasie, Faith Muthambi, het Manuel gesê dit wil voorkom of die korrekte prosedures bloot geïgnoreer word.

    Muthambi wat die parlementêre portefeuljekommitee oor die SABC se jaarverslag sou ingelig het, het nie aan die einde van Februarie by die vergadering opgedaag nie.

    Die waarnemende bestuurshoof van die openbare uitsaaier, James Aguma het in haar afwesigheid gesê die SABC het in die 2015/16 boekjaar `n verlies van R411-miljoen getoon. Aguma het verduidelik dat “onvoorsiene gebeure” die verlies meegebring het

    Muthambi behoort uit haar pos verwyder te word, het die DA gesê en belowe hulla gaan die nodige stappe neem om te sorg dat sy tot verantwoording geroep word vir haar onwettige optrede.

    Dit volg na die parlement se ad hoc-komitee oor die SABC bevind het dat Muthambi haar politieke mag misbruik het om in meng by die openbare uitsaaier.

    Dit het glo tot grootskaalse sistematiese agteruitgang by uitsaaier gelei. Een van die bevindinge is dat Muthambi nie die pos van bedryfshoof laat adverteer het omdat sy volgehou het dat Hlaudi Motsoeneng goed in die waarnemende hoedanigheid gevaar het.

  • SABC grom vir Multichoice

    SABC grom vir Multichoice

    Die ad hoc-komitee oor die SABC beveel in ‘n werksdokument aan dat die transaksie met die betaaltelevisiemaatskappy Multichoice aan ‘n forensiese oudit onderwerp word, het RSG berig.

    Dit is een van die aanbevelings wat vervat is in ‘n dokument wat in die besit van SABC-nuus is. Die werksdokument is aan die lede van die komitee versprei.

    Luidens die verslag was die transaksie van meet af aan omstrede en word dit in die verslag as ‘n verdagte transaksie aangedui.

    Die transaksie het onder meer daartoe gelei dat groot hoeveelhede argiefmateriaal aan Multichoice oorgedra is. Die komitee beveel aan dat die forensiese ondersoek die moontlikheid moet insluit dat die transaksie nietig verklaar kan word indien bewyse van ongerymdhede gevind word.

    Die ad hoc-komitee het ook aanbeveel dat die ontbinding van die Raad dringend gefinaliseer word. Die komitee wil voorts hê die tussentydse raad moet alle onregmatige besteding en verkwisting by die uitsaaier ondersoek.

    Die tussentydse raad moet ook stappe doen om geld wat verkwis of wanbestee is, terug te kry.

    Die komitee beveel aan dat die rekenpligtige amptenaar moet toesien dat alle kritieke vakante poste in die finansiële departement en in menslike hulpbonne gevul moet word.

    Meer as 40 aanbevelings word gemaak in die dokument van 38 bladsye.

  • SABC se bedryfshoof daag op vir werk

    SABC se bedryfshoof daag op vir werk

    Die voorsitter van die parlementêre oorsigkomitee vir kommunikasie, Humphrey Maxhegwana sê hy sal die SABC eers kans gee om op te tree teen die uitsaaier se bedryfshoof, Hlaudi Motsoeneng.

    Motsoeneng sal dus as ‘n gewone werknemer vir werk aanmeld ten spyte daarvan dat die hof bevind het dat sy aanstelling as hoofbedryfsbeampte ongeldig is, en dit ter syde gestel het.

    Maxhegwana sê hulle eerbiedig die hofbevel, maar die SABC se raad is in beheer en moet eers ‘n besluit neem.

    Motsoeneng gaan daarom nie sy kantoor ontruim nadat die Appèlhof in Bloemfontein sy aansoek om verlof tot appél teen ‘n beslissing van die Wes-Kaapse Hooggeregshof met koste van die hand gewys het nie.

    Die Appèlhof het beslis dat sy appèl nie ‘n kans op sukses het nie.

    Volgens sy regsverteenwoordiger, Zola Majavu is Motsoeneng egter steeds ‘n voltydse werknemer van die openbare uitsaaier.

    ‘n SABC-woordvoerder Kaiser Kganyago, sê die uitspraak sal bestudeer word voordat hulle daarop kommentaar kan lewer aangesien die “hele uitsaaier” deur die beslissing geraak word.

  • ‘SAUK-4’ deur Arbeidshof heraangestel

    ‘SAUK-4’ deur Arbeidshof heraangestel

    Die vier joernaliste wat summier deur die SAUK afgedank is omdat hulle beswaar gemaak het teen Hlaudi Motsoeneng se beleid om nie meer oor onluste te berig nie, is vanoggend enkele minute gelede deur die Arbeidshof in hul poste heraangestel. Regter André van Niekerk het beslis dat Foeta Krige, Jacques Steenkamp, Suna Venter en Krivani Pillay heraangestel word en dat alle tugmaatreëls teen hulle gestaak word.

    Van die joernaliste het reeds via Twitter hul blydskap te kenne gegee, asook wit ballonne buite die hof vertoon (foto vanaf Twitter hier bo).

    Jacques Steenkamp het getwiet:

    ‘n Joernaliste van KykNET, Lourensa Eckard, het ook die nuus via ‘n twiet oorgedra:

  • Solidariteit: Joernaliste se skorsing in belang van hele SA

    Solidariteit: Joernaliste se skorsing in belang van hele SA

    Volgens Dirk Hermann, bestuurshoof van Solidariteit (foto hierbo), is “die skorsing van joernaliste by die SAUK in belang van alle Suid-Afrikaners”.

    Solidariteit verteenwoordig twee van die geskorste SAUK-joernaliste, Foeta Krige en Suna Venter, maar met dié stelling van Hermann aan Netwerk24 het die twee min hoop om ooit weer heraangestel te word.

    Die twee wou berig oor ‘n betoging voor die SABC deur ‘n Soros-front genaamd Right2Know.

    Die probleem is egter dat die organisasie byna geen steun onder Suid-Afrikaners geniet nie en blykbaar alleen staatmaak op joernaliste wat hul goedgesind is om gratis bemarking vir hulle te doen.

    Krige, uitvoerende regisseur van Kommentaar en die nuusprogramme Monitor en Spektrum, Venter, senior RSG-regisseur, en Thandeka Gqubule, die SAUK se sakeredakteur, is Donderdagmiddag geskors.

    Hulle het tydens ‘n nuusvergadering gekla omdat die SABC nie Right2Know-veldtog wil dek nie.

    Hermann, wat soms voorgee dat hy Afrikaners verteenwoordig, het sy tevredenheid uitgespreek dat die kwessie alle rasse betrek maar die skorsings as “kraak in die grondwetlike bestel” gekritiseer.

    “Ons dink die probleem is by die oorspronklike opdrag wat gegee is. Die probleem is nie by die werknemers nie, maar hoër op. Dis ‘n opdrag wat nie uitgevoer kan word nie en wat ons demokrasie sal benadeel.”

    Die opdrag word egter heel vlot uitgevoer en die SABC het nog geen berig oor Soros se handlangers uitgesaai nie.

    Hermann is klaarblyklik bekommerd dat die huidige diktatuur nog nie genoeg van ‘n tirannie is nie. Hy het landsburgers aangemoedig om te sorg dat mag in die uitvoerende gesag se hande bly.

    “Die hele idee van ‘n grondwetlike staat word beveg. Elke burger het ‘n plig om te keer dat ons in ‘n situasie beland waar die oorspronklike mag nie in die uitvoerende gesag lê nie,” het Hermann aan Media24 gesê.

  • Swart TV-persoonlikheid se seun voor vir haar moord

    Swart TV-persoonlikheid se seun voor vir haar moord

    Moordbeskuldigde, Mark Warona Zinde, sal na verwagting vandag in die Brits-streekhof in verband met die moord op sy ma, TV-persoonlikheid Hope Zinde verskyn.

    Zinde is in hegtenis geneem in verband met die moord op sy ma in Pecanwood, Hartebeespoort.

    ‘n Groot hoeveelheid dwelms en ‘n 10kg gewig vol bloed is in hul huis gevind op die gholflandgoed.

    Die voormalige SABC-raadslid Zinde se lyk agterin haar motor in die motorhuis opgespoor.

    Zinde (50) het vroeër jare bekendheid verwerf as SABC-nuusleser. Sy het later ook ‘n bestuurspos by Prasa beklee.

    Zinde se lyk het waarskynlik dae lank agterin haar Range Rover gelê.

    ‘n Vriend van die gesin het uiteindelik gaan ondersoek instel, en die jong swarte opgemerk wat glo deur die gordyne geloer het.

    Hy het eers geweier om die die deur oop te maak, maar moes later die polisie inlaat wat die bloedspoor na die garage opgemerk het en die toe die lyk ontdek het.

  • SABC trap gedrukte media se tjank af

    SABC trap gedrukte media se tjank af

    Die SABC het ‘n verbod geplaas op die lees van koerantopskrifte asook die bespreking van koerantvoorblaaie op die lug.

    In ‘n duidelike gebaar van wantroue teenoor die dooieboommedia se agenda, het die Suid-Afrikaanse openbare uitsaaier die besluit geregverdig en gesê hulle staak alle gratis publisiteit aan gedrukte nuus.

    Die SAUK sê daar is “niks sinisters” in die besluit nie. Die SABC sal voortgaan om in te teken en koerante te koop, maar sal net nie nuus en stories van enige gedrukte media oor die lug bespreek nie.

    Die stap kom na die hoogs omstrede besluit van die SABC om ‘n onmiddellike sensuurkombers oor beeldmateriaal van openbare protes te trek.

    Die redakteursprogram op SAfm die afgelope Sondag is ná twee dekades sonder enige vooraf kennisgewing ook gestaak.

    Die program het koerantredakteurs weekliks genooi om oor koerantstories te gesels en politieke gebeure krities te ontleed.

    Verlede maand het die SABC aangekondig dat hulle onmiddellik werksgeleenthede en tenders sal ophou adverteer in dioe gedrukte media.

    Sulke advertensies sal deur SABC-kanale alleen versprei word en volgems die uitsaaier sien hulle “nie meer ‘n behoefte om die gedrukte media te gebruik nie”.

    Die SABC-woordvoerder, Kaizer Kganyago het aan News24 gesê hulle beskou dit as onredelik om gratis “bemarking” vir koerante te doen.

  • SABC gaan op plaaslike musiek fokus

    SABC gaan op plaaslike musiek fokus

    Die plaaslike musiekbedryf het ‘n besluit deur die SABC verwelkom om hom tot 90 persent Suid-Afrikaanse musiek op sy 18 radiostasies te verbind.

    Die SABC sê die besluit, wat vandag in werking tree, het ten doel om die verskeidenheid kulture in die land te weerspiëel.

    Die musiek sal oor alle genres moet strek, met ‘n spesiale fokus op Kwaito, Jazz, Reggae en Gospel, het RSG berig.

    Die Jazz-legende, Don Laka, die radiopersoonlikheid, Bob Mabena en die hip hop-kunstenaar, AKA het die skuif geloof en dit as ‘n oorwinning vir plaaslike musiek beskryf.

    Talle luisteraars het egter die besluit op sosiale media bevraagteken.

    Dié besluit is waarskynlik geneem omdat die rand se waarde teenoor buitelandse geldeenhede gesak het en dit te duur geraak het om tantieme te betaal.

  • Stappe teen 150 SABC-werkers wat mediese skema bedrieg

    Dissiplinêre stappe gaan teen meer as 150 SABC-werknemers gedoen word wat na bewering met mediese praktisyns saamgewerk het om die korporasie se mediese skema te bedrieg, het RSG berig.

    Die SABC sê hy het deur middel van fluitjieblasers en ander meganismes van die onwettige praktyke bewus geraak.

    Die woordvoerder, Kaizer Kganyago, sê die SAUK het bewyse van die oortredings, maar gaan dit nie in die stadium bekend maak nie.

    Hy sê hy hoop dit sal ‘n duidelike boodskap stuur dat die korporasie nie enige bedrog of korrupsie sal duld nie.

  • Aktivis rook dagga tydens regstreekse SABC-uitsending

    Aktivis rook dagga tydens regstreekse SABC-uitsending

    Die voorsitter van die Cannabis Working Group, Andre du Plessis, het Maandag in ‘n regstreekse uitsending op die SABC glo dagga gerook.

    Hy het intussen aan eNCA bevestig dat dit ‘n daggadampie was wat hy in die ateljee aangesteek het.

    Du Plessis het tydens ‘n onderhoud met die openbare uitsaaier die dwelmsigaret aangesteek.

    Die SABC het beeldmateriaal van sy Newsroom-program op YouTube gelaai waarin Du Plessis die dwelm gebruik.

    David Nayever, adjunkvoorsitter van die Central Drug Authority (CDA), het Du Plessis aangevat oor dwelmmisbruik, toe Du Plessis die daggasigaret aangesteek het. Die dwelmgebruiker het daarna opgestaan en die ateljee verlaat.

    Du Plessis beywer homself daarvoor om daggagebruik te wettig.

    Die SABC sê by die YouTube-video dat Du Plessis se gedrag afkeurenswaardig is.

  • TV-joernaliste beroof tydens uitsending

    TV-joernaliste van die SABC is Dinsdagaand tydens ‘n regstreekse uitsending in Johannesburg beroof.

    ‘n Bydraende redakteur, Vuyo Mvoko, buitelandse redakteur, Sophie Mokoena en verslaggewer Chriselda Lewis was besig om voor te berei vir ‘n regstreekse uitsending toe hulle ‘n gewapende roof moes trotseer.

    Die nuusspan het vir die nuusbulletin op SABC3 vanaf die Milpark-hospitaal in Johannesburg uitgesaai waar president Edgar Lungu van Zambië mediese toetse sou ondergaan.

    In die beeldmateriaal wat deur die SABC op YouTube gelaai is, kan gesien word hoe drie swart mans kort voordat die uitsending begin agter Mvoko verbystap en dan terugdraai en tot die aanval oorgaan.

    Een van die mans gryp na Mvoko, oënskynlik om die selfoon uit sy hand te gryp.

    Die rowers, wat gewapen was, het daarna gevlug.

  • Vyf miljoen swartes kry skottels vir digitale TV

    Die departement van kommunikasie gaan buurlande help om satellietskottels aan te skaf sodat hulle SABC-propaganda kan volg.

    Die regering het ‘n veldtog aangekondig wat veral swart Suid-Afrikaners in staat sal stel om met skottels en toestelle uitsaai-seine na digitaal om te skakel.

    ‘n Woordvoerder van die Departement van Kommunikasie, Solly Mokoetle het bevestig dat die regering vyf miljoen swart huishoudings gaan help met toestelle om die uitsaai-seine om te skakel.

    Dié maatreëls word onderneem ter voorbereiding van die omskakeling van analoog na digitaal-uitsendings van Junie vanjaar af.

    Wit kykers sal self vir die omskakeling moet betaal as hulle belangstel om die SABC se volg.

    Mokoetle sê dit is belangrik om inwoners op die grense van Namibië, Botswana, Mosambiek, Swaziland en Lesotho eerste te help.

  • SABC se tegniese hoof waai oor kritiese verslag

    Berigte dat Sipho Masinga, die openbare uitsaaier se groepshoof van tegnologie, geskors is, is glo waar. Die SABC wou egter nie uitbrei oor die redes vir sy skorsing nie.

    “Die media gaan nie gebruik word as ‘n manier om ‘n dissiplinêre proses te hanteer nie,” het Kaizer Kganyago, woordvoerder van die SABC, aan Sapa gesê. Volgens Kganyago is Masinga meer as ‘n maand gelede al die deur gewys.

    City Press het Sondag berig dat Masinga geskors is omdat hy onderbrekings in die diens op verouderde en gebrekkige infrastruktuur blameer het in ‘n verslag.

    Radiostasies en TV-kanale was verlede maand glo weens tegniese probleme van die lug af. Kganyago het gesê die verslag is ‘n “interne dokument” wat nie in die openbaar bespreek behoort te word nie.

    Volgens die City Press se berig het Masinga in sy verslag gesê dat talle van die probleme met die infrastruktuur “erger gemaak word deur die aanstelling van onbevoegde mense wat moratoriums plaas op instandhouding en belegging in nuwe tegnologie.”