Die ad hoc-komitee oor die SABC beveel in ‘n werksdokument aan dat die transaksie met die betaaltelevisiemaatskappy Multichoice aan ‘n forensiese oudit onderwerp word, het RSG berig.
Dit is een van die aanbevelings wat vervat is in ‘n dokument wat in die besit van SABC-nuus is. Die werksdokument is aan die lede van die komitee versprei.
Luidens die verslag was die transaksie van meet af aan omstrede en word dit in die verslag as ‘n verdagte transaksie aangedui.
Die transaksie het onder meer daartoe gelei dat groot hoeveelhede argiefmateriaal aan Multichoice oorgedra is. Die komitee beveel aan dat die forensiese ondersoek die moontlikheid moet insluit dat die transaksie nietig verklaar kan word indien bewyse van ongerymdhede gevind word.
Die ad hoc-komitee het ook aanbeveel dat die ontbinding van die Raad dringend gefinaliseer word. Die komitee wil voorts hê die tussentydse raad moet alle onregmatige besteding en verkwisting by die uitsaaier ondersoek.
Die tussentydse raad moet ook stappe doen om geld wat verkwis of wanbestee is, terug te kry.
Die komitee beveel aan dat die rekenpligtige amptenaar moet toesien dat alle kritieke vakante poste in die finansiële departement en in menslike hulpbonne gevul moet word.
Meer as 40 aanbevelings word gemaak in die dokument van 38 bladsye.
And the +10 minute self acclimation add by Hlaudi Motsoeneng on Morning Live? SABC 2 charges up to R18 000 per 3 minuet slot. Please recover this from the “The Genius”
Aanbeveling nr 41 ; om RSG se vals propoganda inhoud te hersien en onmiddelik die bestuurspan se agenda te ontbloot .
Net die SABC kan ou argief materiaal verkoop en daarmee weg kom …gelukkig kan ons jongmense daarop sien hoe dinge gewerk het voor dit gebreek , gesteel en verkwansel is, ons beste gratis advertensie ooit .
Ek lees elders dat Hlaudi persoonlik by hierdie transaksie finansiëel gebaat het – die artikel het ‘n syfer van R30m genoem waarvan omtrent R11m reeds uitbetaal is. Of die syfers nou waar is of nie maak nie saak nie. Dit wys weereens hoe die in beheer hulleself verryk met andere se geld en goed.
in die natuur van die ondier om te steel..Ek sal glad nie verbaas wees as Hlaudi NIE vervolg word nie….dis mos hoe boeties werk…
MultiChoice is lank reeds ‘n bekende gesig in die wêreld van omstredenheid. As geheue korrek dien was hulle in die tyd wat hulle PVR dekodeerders voorafgegaan het ook gewikkel in ‘n korrupte stryd om aktief die invoer/verspreiding van generiese digitale video opnemers in Suid-Afrika te verhoed. Dit was die relatief onlangse viktimisering van ‘n verkoper van ‘n Android televisie-boks op aanklag van kopiereg inbraak, wat my tot die besluit gelei het om nooit weer MultiChoice in my huis toe te laat nie. Die algehele swak produk en belaglike prys maak dit natuurlik baie maklik om hierby te hou. Korrupte interaksie met korrupte SABC lede om belastingbetaler eiendom (argiefmateriaal) te steel is dus geen verrassing nie.
Hmmm…. Sluit dit programme soos Tau-Tau op KykNet ook in? Wonder maar net.