Die voorsitter van die parlementêre oorsigkomitee vir kommunikasie, Humphrey Maxhegwana sê hy sal die SABC eers kans gee om op te tree teen die uitsaaier se bedryfshoof, Hlaudi Motsoeneng.
Motsoeneng sal dus as ‘n gewone werknemer vir werk aanmeld ten spyte daarvan dat die hof bevind het dat sy aanstelling as hoofbedryfsbeampte ongeldig is, en dit ter syde gestel het.
Maxhegwana sê hulle eerbiedig die hofbevel, maar die SABC se raad is in beheer en moet eers ‘n besluit neem.
Motsoeneng gaan daarom nie sy kantoor ontruim nadat die Appèlhof in Bloemfontein sy aansoek om verlof tot appél teen ‘n beslissing van die Wes-Kaapse Hooggeregshof met koste van die hand gewys het nie.
Die Appèlhof het beslis dat sy appèl nie ‘n kans op sukses het nie.
Volgens sy regsverteenwoordiger, Zola Majavu is Motsoeneng egter steeds ‘n voltydse werknemer van die openbare uitsaaier.
‘n SABC-woordvoerder Kaiser Kganyago, sê die uitspraak sal bestudeer word voordat hulle daarop kommentaar kan lewer aangesien die “hele uitsaaier” deur die beslissing geraak word.
Ek wonder nogal wat Kaizer hulle sodaning wil gaan bestudeer. Asof hulle nou regtig verder iets daaomtrent kan doen.
Die hofbevel moet uitgevoer word en dit is dit.
Dag Andy, enigste probleem is dat hofbevele ook “westerse – wit – konstrukte” is. Wat hulle dieselfde hanteer as die wit papier wat op rolletjies kom.
Middag Rooikop,
Ai, jy maak my dag. Hoe lekker lag ek nou. Ja jy is so reg. Vrede.