Suider-Afrika – Bladsy 17

Valke neem by Skerpioene oor

Minister van polisie, Nathi Mthethwa, het die Direktoraat vir Prioriteitsmisdaadondersoeke (DPMO), wat bekend sal staan as die Valke, gister as die plaasvervanger van die voormalige Direktoraat van Spesiale Operasies (DSO), die Skerpioene, aangekondig.

Hy het by die Gallagher Estate-konferensiesentrum in Midrand, waar die aankondiging gedoen is, gesê.“Vandag is die begin van ’n nuwe hoofstuk in die land se stryd teen misdaad."

Die Valke sal op drie areas fokus, naamlik georganiseerde misdaad, ekonomiese misdaad en korrupsie.

"’n Nuwe era het aangebreek," sê die nuwe hoof, komm. Anwa Dramat.

Byna 300 sake wat in die verlede deur lede van die Skerpioene ondersoek is, is gister amptelik aan Dramat oorhandig.

“Ons is trots om aan te kondig 218 van die 244 voormalige ondersoekers van die Skerpioene het ingestem om vir die Valke met hul werk voort te gaan,” het Dramat gesê.

Die Valke beoog om baie nou saam te werk met onder meer die departement van justisie, die tesourie, die Suid-Afrikaanse Inkomstediens, die finansiële intelligensiesentrum en die departe- ment van binnelandse sake.

Mthethwa het gesê 1 700 kandidate is al aan die aanvanklike streng veiligheidsklarings onderwerp en hulle hoop om binne 12 maande ’n totaal van 3 000 beamptes in die Valke se diens te hê.

Reeksverkragter is ‘n ‘gevaar vir die samelewing’

Tsediso Letsoenya – ‘n ‘gevaar vir die samelewing’

Die veroordeelde reeksverkragter Tsediso Letsoenya is 'n gevaarlike misdadiger en 'n gevaar vir die samelewing, is Maandag in die Kaapse Hoëhof aangevoer.

Die aanklaer Christenus van der Vijver het aan die hof vertel dat hy "nie in die minste hieraan twyfel nie". Van der Vijfer het voor regter Abe Motala en twee assessore betoog oor 'n geskikte vonnis wat Vrydag aan Letsoenya opgelê sal word.

Letsoenya gaan op 28 aanklagte van verkragting gevonnis word, waarvan agt vir lewenslange tronkstraf kwalifiseer, asook agt van roof waarvoor hy vir die minimum van 15 jaar op elk van die roofklagte in aanmerking kom.

Van der Vijver het gesê dat hy van plan is om die hof te versoek om Letsoenya tot 'n gevaarlike misdadiger te verklaar, wat sou beteken dat Letsoenya weer in die hof moet verskyn voordat hy uiteindelik op parool vrygelaat mag word.

Die voorgeskrewe minimum vonnis vir iemand wat as 'n gevaarlike misdadiger verklaar word is trouens swaarder as 'n lewenslange vonnis van 25 jaar in die sin dat 'n oortreder wat tot lewenslange gevangenisstraf gevonnis word nie in die hof hoef te verskyn alvorens hy op parool vrygelaat word nie.

Van der Vijver het gesê die jurisprudensie skryf voor dat, waar moonlik, 'n oortreder 'n lewenslange straf moet ontvang eerder as wat hy tot 'n gevaarlike misdadiger verklaar word.

Volgens die Appèlhof is lewenslange gevangenisstraf die hoogste vonnis in Suid-Afrika, aangesien dit die doodstraf vevang het, het hy gesê.

Van der Vijver het gesê as daar ooit 'n saak was waar 'n mens kon sê dat die feite vir sigself spreek, dan was hierdie so 'n saak.

Hy het gesê die verkragtings is almal sorgvuldig beplan en elke keer het Letsoenya verseker dat hy op 'n plek soos 'n stasie was waar hy sy slagoffers sorgvuldig kon uitsoek.

Hy het voortse gesê dat die verkragtings oor 'n lang tyd plaasgevind het waartydens Letsoenya genoeg tyd gehad het om te besin en op te hou.

Van der Vijver het gemeen dat Letsoenya slegs opgehou het vanweë die tussenkoms van die polisie.

Volgens hom is verkragting een van die mees aftakelende en vernederende dinge wat 'n vrou kan oorkom.

проверка и Александр Фильчаков

‘Getoor, ‘n prostituut en ‘n idioot’

Die VSA se mees senior diplomaat in Afrika is ’n “idioot” sê Mugabe.

Johnnie Carson is pas as Amerikaanse onderminister van buitelandse sake belas met Afrika aangestel. Volgens Carson het Mugabe Zimbabwe “verwoes”. Carson en Mugabe het verlede week tydens die Afrika-Unie (AU) se leiersberaad in Sirte, Libië, bladgeskud.

Die staatsbeheerde ZBC het die ontmoeting as ’n “belangrike stap” vir verbeterde verhoudings met die internasionale gemeenskap beskryf, maar diplomate in Harare het aan Sapa-dpa gesê Mugabe het uit die vergadering gestorm.

Volgens die Herald was Mugabe woedend oor Carson se “patroniserende houding”.

Carson is ’n “klein outjie wat dink hy kan vir ons voorskryf wat om te doen,” het Mugabe na berig word gesê. “Ek hoop nie hy praat namens Obama nie. ’n Mens sal nie met ’n idioot van daardie aard praat nie. Ek was baie kwaad vir hom.”

Mugabe het Jendayi Frazer, Carson se voorganger, vroeër ’n “prostituut” genoem en verlede week gesê Irene Khan van Amnestie Internasionaal is “getoor”.

Die VSA weerhou steeds direkte geldhulp aan die Zimbabwiese regering.устройство

Liggaamsdelesaak uitgestel

Die verhoor van 'n swartman wat daarvan beskuldig word dat hy handel in liggaamsdele gedryf het, is Maandag uitgestel, volgens die polisie in Mpumalanga.

Philemon Batulekile Baloyi, 48, het in die landdroshof op Acornhoek verskyn waar hy teregstaan op 'n klag van die besit en skending van 'n lyk, het kaptein Leonard Hlathi gesê.

Hy is op 20 Junie in hegtenis geneem nadat hy na bewering gepoog het om die bors en "gemanikuurde linkerhand" van 'n blanke vrou aan aan 'n injanga oftewel tradisionele geneser te verkoop.

Baloyi het na bewering die liggaamsdele van Ben Mongadi, 35, 'n dagloner by Doves-begrafnisondernemers in Lydenburg, aangekoop.

Hlathi het gesê dat Mongadi, wat ook verhoor word, aan die polisie gesê het dat hy die bors en hand van die vrou verkry het wat veras sou word.

Die polisie ondersoek ook 'n bewering deur Baloyi dat hy liggaamsdele aan vyf injangas in die Acornhoekgebied verkoop het.

Baloyi sal weer op 20 Julie in die hof verskyn en Mongadi op 14 Julie.

Albei swartes word steeds aangehou.

Agt mense vas na geweld in Diepsloot uitbreek

Agt mense is Maandag in hegtenis geneem na geweld in Diepsloot, Johannesburg, uitgebreek het, volgens die polisie.

"Ons het agt mans om twee uur vanmore (Maandag) in hegtenis geneem, net voor die situasie kalmeer het," het inspekteur Daniel Mavimbele gesê.

Die agt is gearresteer ná openbare geweld Sondag uitgebreek het met honderde inwoners wat ontevrede is oor behuising.

Volgens IOL Online, is paaie afgesper met brandende bande, strate is met groot klippe besaai en motoriste is onder klippe gesteek. Winkels in die gebied is ook geplunder.

Die protes het 10vm begin. Dit is gehou om ontevredenheid oor die toewysing van huise en die verskuiwing weereens van sekere krotbewoners te wys. Die krotbewoners sou na 'n plakkerskamp naby Brits, noordwes van Pretoria, geskuif word.

Die betogers het ook elektrisiteit gevra. 'n Groep het glo gedreig dat hulle die plaaslike raadslid se huis wil afbrand, en die polisie het die huis gedurende die nag bewaak.

'n Polisiehelikopter is ook na die gebied te stuur om knelsituasies te monitor.

Mavimbele het gesê die toestand is "kalm vir nou", maar betogings kan later in dag weer hervat indien daar nie aan die ontevredenes se eise voldoen word nie.

"Daar is steeds 'n swaar polisieteenwoordigheid in Diepsloot," het hy gesê.

SAUK-werknemers begin protesaksie

Bykans die helfte van die SAUK se werknemers het gesê hulle gaan Maandag met protesaksie vir hoër salarisse begin.

Die vakbond Mwasa sê hulle verwag al 600 hulle lede sal deelneem aan die aksie, terwyl die Kommuniskasiewerkersunie ook aangedui het dat 'n 1 000 van hulle lede gaan deelneem.

Die SAUK het net meer as 3 000 werknemers. Die unies het hulle tot die Kommissie vir Versoening, Bemiddeling en Arbitrasie gewend nadat die SAUK 'n 12,2% multi-voorwaarde verhoging afwaarts hersien het wat in April van krag sou wees, na 8,5%.

Die Arbeidshof in Johannesburg het die SAUK se poging verlede week om 'n aksie af te weer, van die hand gewys.

Die betogers sal na verwagting oor etenstyd byeenkom, sal nie oortyd werk nie en sal net die take in hulle werkskontrakte verrig.

Indien daar geen vooruitgang in onderhandelinge met die werkgewer is nie, het werknemers gewaarsku dat hulle vanaf 13 Julie heeltemal gaan wegbly.

светильники на дом Александр Фильчаков

Colesberg-inwoners herstel elektrisiteit met hofbevel

Die Aksiegroep Colesberg het daarin geslaag om die elekrisiteitsvoorsiening aan inwoners met 'n hofbevel herstel te kry. Die Aksiegroep en sy lede verkeer tans in dispuut met die sogenaamde Umsobomvu-munisipaliteit weens onredelike tariefstygings en gebrek aan dienslewering.

Nadat die Aksiegroep, wat by die Nasionale Belastingbetalersunie van mnr. Jaap Kelder geaffilieer is, 'n tydelike hofbevel teen die munisipaliteit verkry het, het die burgemeester, munisipale bestuurder en finansiële bestuurder steeds geweier om die krag aan te sit.

Mnr. Johan Matthee, voorsitter van die Aksiegroep Colesberg, 'n klag van minagting van die hof teen die burgemeester en sy twee mede-amptenare gelê. Hy sê: "Nadat die stukke deur die balju op die respondente bestel is, het die munisipale bestuurder steeds hardnekkig geweier om die kragtoevoer te herstel. Ek was derhalwe genoodsaak om lasbriewe vir die inhegtenisneming van die munisipale bestuurder, burgemeester en die finansiele bestuurder aan te vra op sterkte van minagting van die hof. Die lasbriewe is uitgereik en die polisie het onmiddellik opgetree.

"Die munisipale raad het gistermiddag 14:00 'n spesiale raadsvergadering gehou (rede onbekend) en toe die vergadering verdaag, het die polisie gereed gestaan om die mense te arresteer. Die munisipale bestuurder het toe so groot geskrik dat hy daar-en-dan opdrag gegee het dat die krag weer aangeskakel moet word".

Volgens mnr. Matthee het hy "om 17:45 begin oproepe ontvang van baie dankbare inwoners om te bevestig dat hulle kragtoevoer, ná 5 weke in die donker en in uiterse koue, herstel is."

Die keerdatum vir die bekragtiging van die tussentydse hofbevel is 28 Julie 2009. Tensy die munisipaliteit verweer aanteken, sal die bevel dan finaal verklaar word.

Die inwoners dring daarop aan dat hulle net vir elekrisiteit wil betaal, hetsy per rekening, hetsy per voorafbetaalde meter, terwyl hulle dispuut met die Colesbergse munisipaliteit aan die gang is.

Die inwoners beroep hulle op die Munisipalestelselswet nr. 32 van 2000, waarvan artikel 102(2), saamgelees met artikel 102(1), bepaal dat 'n munisipaliteit nie 'n belastingbetaler se skuld vir dienste mag konsolideer "waar daar 'n dispuut met die munisipaliteit bestaan nie".

Aksiegroep Colesberg is finansieel bygestaan deur die Nasionale Belastingbetalersunie om sy regskoste te dek, met advokaat Mari Olivier wat vir die Aksiegroep opgetree het.

Мордвинов Александр Фильчаков

Gautrein dalk voor 2010 gereed

Bushalte in Johannesburg

Die Gautrainprojek vorder goed en mag dalk gereed wees vir die 2010 Fifa Wêreldbeker het die Gautreinbestuursagentskap Donderdag aangekondig.

HUB, Jack van der Merwe, sê dit is hulle bedoeling om die Gautrein so naby aan 2010 as moontlik te loods. Hy het met joernaliste in Johannesburg gepraat gedurende 'n mediatoer.

Die agentskap beoog om die trein te voltooi en te begin toets 'n maand voordat die toernooi afskop.

"Ons probeer om die twee op te lyn en ons probeer versnel," het hy gesê.

Hy het nietemin gewaarsku dat die Gautrain se nuttigheid sal afhang van ondersteunende openbare vervoerprogramme soos die BRT, die snelbusdiens, asook die taxi's.

'n Uitdaging wat voorlê is die staking waarmee die Nasionale Metaalwerkersunie van Suid-Afrika, NUMSA, dreig.

Van der Merwe sê onderhandelinge met die unie sal deur die Suid-Afrikaanse Federasie van Siviele Ingenieurkontrakteurs gevoer word.

Dokters vies oor aanbod, afdankings en toestande

Stakende dokters in die Wes-Kaap het onmiddellik ná ’n massavergadering by Groote Schuur-hospitaal Woensdag laat blyk dat hulle die jongste aanbod waarskynlik Donderdag finaal van die hand gaan wys.

Hulle het hul misnoeë uitgespreek oor die uitslag van die onderhandelings wat Dinsdagaand in Johannesburg geëindig het.

Dr. Molefi Sefularo, die adjunkminister, het die nuwe aanbod persoonlik aan dokters oorgedra tydens die byeenkoms, maar die regering se finale salarisaanbod is volgens medici nie voldoende nie en talle sê die stakings gaan voort.

In KwaZulu-Natal heers reeds onmin, ook oor die feit dat sekere provinsies dokters begin afdank. Talle dreig om die staking voort te sit totdat afdankings teruggetrek word.

Dokters kla verder oor die haglike werkomstandighede.

Spanne van die Suid-Afrikaanse Militêre Gesondheidsdiens is by ses hospitale in KwaZulu-Natal, twee in Mpumalanga, die Tembisa-hospitaal aan die Oos-Rand en drie ander hospitale ontplooi.

Woordvoerder van die 150 stakende dokters in Mpumalanga wat voor die Rob Ferreira-hospitaal in Nelspruit betoog het, dr. Thomas Bredenkamp, het volgens Beeld gesê: “Hulle moet ons ook nie probeer wysmaak ons is besig om die dokters se etiese kode te verontagsaam nie."

“Die kode sê ons moet in die beste belang van ons pasiënte optree. En dit is presies wat ons nou doen. Pasiënte het lank genoeg gely onder die mediese stelsel wat in duie stort.”

accessories wedding

Spanning laai op binne MDC

Morgan Tsvangirai sê die minister van finansies wat hy aangestel het, Tendai Biti, het die leningspakket met China onderhandel.

Chinese amptenare het nog geen aanduiding gegee oor die aard van die lening nie of dit selfs bevestig nie.

Amptenare van Tsvangirai sê hulle glo 'n deel van die pakket sal toegestaan word op voorwaarde dat die geld op Chinese goedere soos kunsmis bestee word.

Ian Makone, 'n Tsvangirai-aide, het gesê die ooreenkoms sal vereis dat die lening op Chinese produkte spandeer word.

Eddie Cross, 'n senior amptenaar in Tsvangirai se party, sê die Chinese ambassadeur het hom tydens 'n ete verlede week verseker dat voordelige kredietvoorwaardes infrastruktuurprojekte sal insluit asook kommersiële voorwaardes om Chinese goedere aan te koop.

Minister van verdediging, Emmerson Mnangagwa, het 'n afvaardiging van ZANU-PF-amptenare Dinsdag in Beijing gelei. 'n Chinese amptenaar van die Politburo het Mugabe se ysterhand glo gerusgestel dat China se verklaarde beleid van investering in Zimbabwe onveranderd sal bly.

Zhou Yongkang, lid van die Politburo, het gesê hulle sal Chinese maatskappye aanmoedig en bystaan om ontwikkeling in Zimbabwe na te streef.

China ondersteun reeds Mugabe se militêre veldtog sedert 1970 om wit heerserskap te beëindig en het selfs onlangs toerusting aan Zimbabwe beskikbaar gestel om telefoongesprekke mee af te luister.

'n Duur blou teëlplafon is 'n ander luukse wat danksy Chinese hulp ter versiering aan die president se herehuis in Harare aangebring is.

Tsvangirai het Dinsdag gesê hy kon byna $500 miljoen van Westerse regerings insamel en dat die besonderhede binnekort bekend gemaak sal word. Kenners is egter skepties oor die bedrag omdat internasionale hulporganisasies reeds miljoene in die land bestee het wat nie dmv van die regering uitgedeel is nie.

Die reis het spanninge tussen die twee politieke partye weer laat oplaai asook binne die MDC self omdat Tsvangirai in sy kritiek teen Mugabe nie fel genoeg was nie. Hy het daarop aangedring dat 85-jarige leier 'n noodsaaklike deel van die oplossing vir Zimbabwe is.

Universiteite moet volgestop word, s? Blade

Die huidige stelsel vir universiteitstoelating moet aangepas word omdat baie studente wat akademiese potensiaal het toegang tot ’n universiteitsopleiding ontsê word, het die minister van hoër onderwys gister gesê.

Dr. Blade Nzimande het gesê net 18% van matrikulante behaal universiteitstoelating en dit is “te onaanvaarbaar laag” om hul vermoëns akkuraat te weerspieël.

“Dit is net baie abnormaal – deels as gevolg van die probleme wat ons het en wat ons geërf het.”

Dit is nie waar dat almal sonder toelating die vermoë het om te slaag nie, het Nzimande aan joernaliste gesê ter voorbereiding van die debat oor die onderwysbegroting.

“Ons moet maniere vind om studente met potensiaal te identifiseer, selfs al het hulle nie universiteitstoelating nie. As ons dit nie doen nie, verdoem ons in der waarheid baie van ons studente tot ’n lewe sonder opvoeding, sonder opleiding, sonder werk.”

Hy het gesê die hersieningskomitee vir hoër onderwys ondersoek die moontlikheid van universiteitstoelatingseksamens.

Hy het gesê ’n verslag van die onderwysdepartement het getoon dat 40% Suid-Afrikaners tussen die ouderdomme van 18 en 24 nie werk of studeer nie. Hy het dit ’n “enorme verkwisting van menslike potensiaal” genoem.

Oor universiteite se klagtes dat matrikulante akademiese vaardigheid kort omdat hulle “swak produkte uit die skolestelsel” is, het hy gesê universiteite het ’n verantwoordelikheid om studente te help om aan te pas en hulle moet ’n “bietjie van die ivoortoring afklim”. Hy het terselfdertyd gesê “ons stel nie voor dat hulle die standaarde verlaag nie”.

Hy het ook die moontlikheid geopper dat ’n verlenging in die tydsduur van ’n standaardgraad van drie na vier jaar oorweeg moet word.

Daar word gereken dat alle studente, ongeag hoe goed of sleg hulle op skool gevaar het, daarby sal baat om vier jaar lank te studeer. Volgens dié gebruik elders in die wêreld kan dit ook lei tot ’n ander soort kwaliteit in die studente, het hy gesê.

In dié geval sou universiteite wegdoen met die honneursjaar en sou alle studente wat ’n graad behaal het direk tot meestergraadstudie toegelaat word.

betting without

Zim kry grootste skenking van China

China het aan Zimbabwe krediet van R7,3 miljard toegestaan om sy ekonomie weer op dreef te kry, het die premier, Morgan Tsvangirai, Dinsdag gesê.

Dit is die grootste aanbod van ’n enkele land sedert die eenheidsregering tot stand gekom het.

Zimbabwe het vroeër ’n vir ’n hulppakket van R77 miljard gevra om sy vervalle infrastruktuur te herbou en om sy werkloosheidsyfer van 90% te verlig.

Tsvangirai het op ’n nuuskonferensie gesê sy drie weke lange toer aan Amerika en Europa het finansiële waarborge van meer as R3,9 miljard opgelewer.

casino slots прокурор Фильчаков

Twee mense dood in Piet Retief-onrus

Twee mense is reeds dood in die Thandukukhanyalokasie in Piet Retief. Nadat die eerste betoger geskiet is toe inwoners van die lokasie winkels en staatsgeboue begin vandaliseer het, is 'n tweede persoon Maandag noodlottig gewond enkele ure na die eerste slagoffer.

Betogers het voor die burgemeester se huis slaags geraak toe die tweede slagoffer geskiet is.

Kaptein Charles Nkosi sê die polisie ondersoek nog die voorval om vas te stel wie geskiet het. Hy sê niemand is beseer toe vier huise aan die brand gesteek is nie. Een van die huise het aan die burgemeester behoort en twee aan ander munisipale raadslede.

Superintendent Abie Khoabane, provinsiale polisiewoordvoerder, sê die betoging het Sondag begin nadat 3000 mense by die plaaslke stadion byeengekom het om met regeringsamptenare te ontmoet.

Die vergadering is met die Mkhondo munisipaliteit belê, maar die helfte van die groep het die stadion voor die vergadering verlaat om padversperrings op te rig, bande aan die brand te steek en motoriste onder klippe te steek, volgens Khoabane.

"Vyf winkels is geplunder, die gemeenskapsaal, kliniek en biblioteek is ook afgebrand."

Sewe mense is reeds in hegtenis geneem vanweë die onrus. Betogers het ook twee munisipale vragmotors, 'n sedanmotor en 'n bakkie uitgebrand.

Mpumalanga Premier David Mabuza sal na verwagting Dinsdagoggend net die inwoners praat.

Alhoewel dit stiller is, het inwoners deur die nag boumateriaal van 'n bouperseel gesteel, sê die polisie.

Norman Mokoena, die provinsiale minister van gemeenskap en tradisionele aangeleenthede, het hom ten sterkste uitgespreek teen die geweld. Hy het gesê die regering het 'n oop deur-beleid en sal altyd beskikbaar wees om probleme dmv dialoog op te los.

free money topcargo

‘Zuma het Cosatu ge?gnoreer’

Cosatu het Maandag by monde van woordvoerder Patrick Craven die negatiewe aanmerkings oor Cosatuleierskap in Moeletsi Mbeki se nuwe boek, Architects of Poverty, skerp veroordeel.

Craven het gesê die aanmerkings is vals en beledigend teenoor die leiers van die vakbond. Die basis van Mbeki se agument is dat Cosatu se grootkoppe oningelig en ongeskoold is.

Moeletsi Mbeki sê in sy boek dat Cosatu "nie die politieke ekonomie van Suid-Afrika verstaan nie" en dat hulle hul leiers in 1994 verloor het.

Mbeki sê voorts dat Cosatu gedink het hulle gaan Zuma gebruik, maar Zuma het hulle geïgnoreer en Vodacom geprivatiseer.

Craven het gesê Mbeki oordryf die gebrek aan invloed wat Cosatu in die ANC het, en gesê die vakbond oefen heelwat invloed uit oor die regering se beleid en besluite en staan hulle ook by in die uitvoering daarvan.

Craven het voortgegaan en Moeletsi Mbeki se onbevangenheid as politieke kommentator bevraagteken aangesien hy nie neutraal was toe sy broer Thabo Mbeki uit die presidentskussings gelig is nie.

"Hy [Moeletsi] kan nie meer as 'n onafhanklike politieke kommentator gereken word nie want hy is iemand met persoonlike wrewel," het Craven gesê.

casino classic mobile Данильченко