Rusland – Bladsy 13 – praag.co.za

‘OB se beheptheid met Nkandla is persoonlik’

Die ANC het die openbare beskermer (OB) Thuli Madonsela se beheptheid met Nkandla veroordeel en gesê sy hanteer dit asof dit ’n persoonlike kwessie is.

Madonsela en Julius Malema van die EFF span tans saam om die Nkandla-molshoop ‘n berg te maak.

Zizi Kodwa, nasionale woordvoerder van die ANC, het Sondag gesê hulle vermoed Madonsela hanteer Zuma se Nkandla-antwoord as ’n “persoonlike saak buite haar grondwetlike mandaat”.

“Haar ongehoorde gedrag ontlok vrae oor haar neutraliteit asook oor haar geloofwaardigheid en die doel van haar verslag,” het Kodwa gesê.

Madonsela het in die brief onder meer gesê Zuma “ondermyn” die Grondwet deur die minister van polisie opdrag te gee om haar bevindings te evalueer, maar het vreemd genoeg geen kritiek gehad vir Malema se aapstreke in die parlement nie.

Malema het Zuma verlede week doodgeskree toe hy vrae oor Nkandla wou antwoord. Die presidensie het die antwoorde later per epos uitgestuur. Ten spyte van Zuma se samewerking sê die OB hy “ignoreer” haar verslag.

Zuma het vroeër gesê die minister van polisie moet besluit of hy wel ’n deel moet terugbetaal, asook hoeveel.

Madonsela eis nou Zuma moet binne twee weke redes aan die parlement verskaf hoekom hy nie so ’n terugbetaling moet doen nie.

Stone Sizani, ANC-hoofsweep, het gesê die OB probeer aan die parlement voorskryf wat om te doen, in plaas daarvan om die instelling se gesag te aanvaar.

Sizani het gesê die OB-verslag het reeds in die parlement gedien en ’n ad hoc-komitee gaan dit oorweeg en voorstelle doen. Hy sê haar jongste veldtog, die brief, is onverklaarbaar. “Dit skep ’n gevaarlike presedent dat haar kantoor verhewe is bo die parlement.

“Die ironie is dat die OB se brief aan die president ernstige beskuldigings insluit oor sy beweerde ondermyning van demokratiese instellings, maar sy kies self die pad van ondermyning van die wetgewende gesag, die parlement, en sy grondwetlike prosesse.”

Mbuyiseni Ndlozi, EFF-woordvoerder, het gesê die OB se brief regverdig die standpunt wat die EFF verlede week in die parlement ingeneem het oor Nkandla.

Pres. Jacob Zuma is tans in Rusland tot Woensdag. Daar was onlangs bespiegelings oor Zuma se gesondheid.

Zuma sal pres. Wladimir Poetin vir bilaterale gesprekke ontmoet, het die departement van internasionale betrekkinge en samewerking bevestig.

Merkel in Washington se onverkwiklike hoek geverf

Wanneer dit kom by die definisie van sinvolle ekonomiese beleid vis-à-vis Oos-Europa, kan Duitsers beter staatmaak op die Sosiaal-Demokrate as die Atlanties-gesinde Christen-Demokrate.

Dit was die CDU se Adenauer Stiftung wat probeer het om bokskampioen Vitali Klitschko as die volgende president van die Oekraïne in Desember verlede jaar aangewys te kry, maar het nie rekening gehou met die Amerikaanse assistent-sekretaris van buitelandse sake Victoria Nuland se eie destabiliseringsplanne vir die land nie.

Geen sodanige kleurrewolusiedwaasheid het van die SPD gekom nie. Die Duitse visekanselier Sigmar Gabriel (SPD), wat Merkel so vroeg soos 2015 sal kan uitknikker, het intussen gesorg vir ‘n paar voorstelle met plofkrag.

Die eerste is dat die Krim Russies moet bly. Dit was in elk geval altyd Russies, totdat die VSA besluit het hulle soek ‘n verskoning om die Koue Oorlog en die sukkelende NAVO te laat herleef.

Sigmar het pas ure voor Merkel se besoek aan Kiëf verklaar dat die Oekraïne ‘n federale staat moet word, en nie ‘n eenheidstaat soos wat die operette-Nazi’s van die junta dit graag wil hê nie.

Washington en Merkel moet kook by die aanhoor van hierdie weldeurdagte oplossings wat hulle oorlogsplanne teen Rusland in die wiele ry.

‘n Fassinerende klein detail wat niemand skynbaar nog opgemerk het nie, is dat die SPD hul Grosse Koalition met die CDU kan torpedo en dadelik ‘n meerderheidregering kan vorm met die Groenes en Kommuniste en oornag, sonder verkiesings, die leisels kan oorneem.

Dit maak Gabriel die magtigste politikus in Duitsland, want hy het opsies, in teenstelling met Merkel wat haarself al hoe meer in Washington se ongewilde hoek bly verf.

Nog ‘n interessante feit is dat die magtige Duitse nywerheid Merkel se anti-Russiese beleid met toenemende konsternasie gadeslaan. Dit is ‘n beleid wat deur Washington aangevoer word en tot Berlyn se uitsluitlike nadeel nagevolg word.

Nie alleen is Merkel se gedienstigheid aan Washington ongewild by nyweraars nie, maar ou swaargewigte uit linkse en regse kampe soos kanseliers Helmut Schmidt, Helmut Kohl en Gerhard Schroeder het reeds gewaarsku dat die huidige gevaarlike anti-Russiese koers Duitsland duur te staan kan kom.

Gabriel kan dus reken op aansienlike ondersteuning van Duitse kiesers van alle partye.

Alhoewel Angela Merkel die Euro-krisis uitstekend hanteer het, was sy nie opgewasse vir Washington nie.

Europa het politici nodig wat na hul eie mense se belange omsien en nie Washington oorlogsugtige imperiale projekte ondersteun nie. Wladimir Poetin en Marine Le Pen is twee leiers wat dit kan doen.

‘n Intelligente Duitse politikus kan die Europese politieke driemanskap help vorm om die Anglo-Amerikaanse houvas op die vasteland te likwideer en die “Weste” te vervang met die “Noorde”: Die Parys-Berlyn-Moskou-as.

In 2003 is die gedagte van die Parys-Berlyn-Moskou-as gebore, toe Rusland, Duitsland en Frankryk geweier het om die Amerikaners op hul verwoestende Irak-safari te vergesel.

Met hoe Irak en die Midde-Ooste tans daar uitsien, was Wladimir Poetin, Gerhard Schroeder, en Jacques Chirac se instinkte destyds reg.

Gelukkig het Rusland ‘n bestendige leier tot dusver gehad wat die gekheid van sulke optrede in die olieryke lande kon uitwys.

Amnestie Internasionaal vra ondersoek na Kiëf-wetgewer

Amnestie Internasionaal (AI) het ‘n ondersoek gevra na die misbruik van mag deur pro-Kiëf vigilantes soos die Oekraïense ultra-radikale LP Oleg Lyashko. Die organisasie het getuienis van gevalle van ontvoering en fisiese geweld teen slagoffers.

Lyashko se sogenaamde “ondervragings” is op sy amptelike YouTube bladsy te siene. Die menseregtewaghond het ‘n verslag uitgereik wat eis dat die wetgewer aanspreeklik vir sy dade gehou moet word.

Amnesty International het sy kommer met die Oekraïense owerhede gedeel oor die ontvoerings en mishandeling van individue in die hele streek, luidens ‘n verklaring.

Lyashenko is ‘n voormalige presidensiële kandidaat wat berug is vir sy anti-Russiese uitsprake.

“Oleg Lyashko is veronderstel om ‘n wetgewer te wees, maar hy het die wet in sy eie hande geneem,” het die verklaring gesê. “Eer aan die Oekraïne, dood aan die teenstanders is sy strydkreet.”

Die wetgewer word altyd vergesel deur gewapende jong mans in militêre klere as hy reis en rekords van sy ontvoerings en mishandeling opneem vir Facebook om daarmee te spog.

Die video’s wys mishandeling wat in stryd is met “die reg op ‘n billike verhoor, vryheid en veiligheid van die persoon, en die reg om nie aan marteling of ander soort mishandeling onderwerp te word nie,” sê AI.

VSA, NAVO verhoog magsopbou teen Rusland

Die VSA het in ‘n verdere magsopbou teen Rusland, die missielkruisboot die Vella Gulf na die Swart See gestuur om “vrede en stabiliteit” in die streek te beskerm, het die Amerikaanse vloot in ‘n persverklaring gesê.

Net in Julie, het NAVO nege oorlogskepe na die Swart See gestuur, die grootste aantal NAVO-skepe in die streek die afgelope 10 jaar.

Die VSA se korporatiewe elite probeer met die hulp van NAVO die Koue Oorlog te herloods as ‘n voorwendsel om Oos-Europa se energiebronne te monopoliseer.

“Die Vella Gulf se missie is om interoperasievaardighede te verbeter en te werk na gemeenskaplike doelwitte, om die verbintenis van die Verenigde State tot die bevordering van die gesamentlike veiligheid van NAVO-bondgenote en vennote in die streek te toon,” het die persverklaring gesê.

Die Ticonderoga-klasvaartuig het aangekom in die Swart See om by te dra tot “die maritieme veiligheid van die streek, opleidingsmissies uit te voer en NAVO bedrywighede te ondersteun”. Vella Gulf se tuishawe is Norfolk, Virginia.

Die hoof van NAVO, Anders Fogh Rasmussen, sal Donderdag die Oekraïne besoek te midde van die volgehoue Amerikaanse militêre opbou in die streek.

Rusland het ontken dat hulle ‘n inval op die Oekraïne beplan en sê daar is satellietbeelde wat as getuienis kan dien dat Rusland nie besig is om sy soldate op sy grens met die Oekraïne te groepeer nie.

Ten spyte daarvan sê NAVO Rusland het sy magte op die grens “vermeerder”.

Rusland het aangebied om direkte internetkommunikasie met Amerikaanse verdedigingspersoneel op te stel om hulle van die nodige data te voorsien.

Intussen het Admiraal John Kirby aan die media by ‘n DoD-inligtingsessie gesê hulle het nie werklik inligting oor wat aangaan op die grens tussen Rusland en die Oekraïene nie. Die inligting waaroor hulle beskik, is “onbetroubaar” het Kirby gesê. Hy weet nie of daar “swaar militêre toerusting” oor die grens geskuif word nie. Voorheen het die VSA beweer sulke toerusting word verskuif.

Rasmussen beweer daar is vrese dat Rusland op militêre gebied kan probeer ingryp onder die voorwendsel van ‘n “humanitêre of vredesoperasie” soos wat Amerika graag doen.

Daar is reeds meer as ‘n duidend mense dood in Kiëf se aanvalle op selfverdedigingsgroepe en talle soldate het gedros na Rusland omdat hulle nie meer kans sien om hul eie mense dood te maak nie, ten spyte daarvan dat die junta verpligte diensplig ingestel het.

Amerikaanse hoofstroommedia is genooi om eerstehands te berig oor die drosters, maar wou nie die nuus dek nie. Daar word vermoed dat die Amerikaanse vise-president Joe Biden – wie se seun Hunter by die oorlog vir gas in die Oekraïne betrokke is – die sensuur rig.

Die Amerikaanse Minister van Verdediging, Chuck Hagel, het verder die oorlogskoors probeer aanwakker deur te gewaarsku dat “die risiko van ‘n Russiese inval aan die toeneem is”.

Die Oekraïense weermag is tans besig om na Donetsk op te ruk, die grootste stad wat deur selfverdedigingsgroepe beset word.

Liggame van Maleisiese vliegramp na Nederland

Die liggame van die slagoffers van die Maleisiese vliegramp sal vandag per vliegtuig na Nederland geneem word.

Die land, wat 193 burgers verloor het toe die vliegtuig in die Oekraïne afgeskiet is, se vlae sal halfmas hang.

Die Amerikaanse intelligensiegemeenskap het intussen erken dat hulle geen getuienis het dat Rusland direk betrokke is by die vliegtuigramp nie.

Drie senior inligtingsamptenare het die media Dinsdag in Washington op voorwaarde van anonimiteit toegespreek.

Hulle glo dat die vliegtuig per ongeluk deur Russies-gesinde separatiste geteiken is, maar geen nuwe getuienis vir hul jongste “scenario” aangebied nie.

Marie Harf, woordvoerder, sê hulle het nog nie “al die feite nie”.

Die intelligensiebronne het gesê dat hulle oor geen inligting beskik dat Russe teenwoordig was of opleiding verskaf het nie.

‘n Senior amptenaar het gesê die mees waarskynlike verklaring is dat die daders nie die nodige opleiding gehad het om die missielstelsel te kan gebruik nie.

Hulle het bygevoeg dat dit hoogs onwaarskynlik is dat die daders ooit uitgewys sal word.

Die amptenare het geweier om meer besonderhede oor die satelliete en ander gesofistikeerde sensors te gee wat hulle in staat gestel het om die missiel op te spoor.

Russiese amptenare het enkele dae gelede baie spesifieke tegniese data vrygestel in die openbare domein wat tot opheldering van die oorsake kan lei.

Die Amerikaanse inligtingsdiens het nie daarop gereageer nie en herhaal dat hulle YouTube en sosiale media gebruik en afleidings maak om tot hul gevolgtrekking te kom.

Van die beskikbare oopbroninligting is reeds uitgewys as vervalsings deur kenners.

Die twee vlugopnemers van die vliegtuig is intussen aan Nederlandse kundiges oorhandig, wat die ondersoek na die voorval lei.

Dit sal na Farnborough in Brittanje gestuur word waar die gestoorde data afgelaai sal word.

Die hoof van die Nederlandse forensiese span in die Oekraïene sê die trein wat vroeër in Kharkof aangekom het, vervoer 200 liggame van die vliegramp van die Maleisiese Lugdiens asook liggaamsdele.

Dit is minder as die liggame wat deur die selfverdedigingseenhede vermeld is. Vroeër is aangedui dat daar was 282 liggame is.

Die span het in die dorp gesê hulle sal na die ongelukstoneel moet terugkeer vir verdere ondersoek.

Toe die vliegtuig verlede week neergestort het, was daar na bewering 298 mense aan boord. Die meeste was van Nederland.

Die plan is dat die liggame van Kharkof af na die Nederlandse stad Eindhoven gevlieg sal word.

Oorlog om MH17?

Mark Rutte mag voor de buitenwacht Vladimir Poetin nog een diplomatieke handreiking hebben gedaan inzake het MH17 drama, achter de schermen wordt samen met de Verenigde Staten een plan B gesmeed. Dat melden bronnen van Spitsnieuws.nl in Polen, die dichtbij de Amerikaanse ambassade staan.

Op zo’n twintig kilometer van de Poolse hoofdstad Warschau bereiden Nederlandse, maar vooral Amerikaanse, militairen zich volgens de Spitsnieuws.nl bronnen voor op een invasie in het gebied waar donderdag de brokstukken van vlucht MH17 van Malaysia Airlines neerkwamen. Daarbij kunnen eventueel ook Nederlandse F16’s worden ingezet. Deze voeren normaal gesproken patrouillevluchten boven de Baltische staten uit. Zowel de Nederlandse als de Amerikaanse autoriteiten hebben zich tot nu toe nog niet geuit over een plan B.

Zowel premier Mark Rutte als minister van Buitenlandse Zaken Frans Timmermans gaven vanmiddag afzonderlijk van elkaar aan de situatie rondom het neergestorte vliegtuig in het oosten van Oekraïne via diplomatieke weg op te willen lossen. Ondertussen zou dus ook al aan een plan B gewerkt worden.

Minister Timmermans is teruggekeerd uit Oekraïne. Het ministerie van Buitenlandse Zaken laat weten dat Timmermans daar “heeft gedaan wat hij kon doen en heeft gesproken met wie hij wilde spreken“. De bewindsman heeft in Kiev onder meer ontmoetingen gehad met president Porosjenko en premier Jatsenjoek. Ook heeft hij een bezoek gebracht aan de Nederlandse ambassade, waar veel Oekraïners sinds donderdag bloemen leggen.

Timmermans vertrok vrijdagavond samen met forensische onderzoekers, een officier van justitie en leden van de Onderzoeksraad voor Veiligheid naar Kiev. De minister wilde zich er persoonlijk voor inzetten dat de delegatie in Oekraïne ongehinderd aan de slag kan gaan. Daarover zijn de afgelopen dag afspraken gemaakt.

Een militaire actie klinkt niet heel ongeloofwaardig na de felle bewoordingen waarin president Barack Obama zich gisteravond uitsprak. Aangenomen mag worden dat zodra Washington voldoende aanleiding heeft, de crash site door militairen zal worden ingenomen, afgeschermd en de plunderende separatisten worden ingerekend. Vervolgens kan normaal, onafhankelijk onderzoek worden verricht en de stoffelijke overschotten van de inzittenden van de rampvlucht op correcte wijze worden geborgen.

Bron: Spitsnieuws.nl

Mark Krygsheer Rutte

Ook de Nederlandse regering ziet al jaren brood in de Russische militaire wederopstanding. ‘Parallel met de krimp in de wapenexport geven de twee kabinetten Rutte vol gas om de Nederlandse militaire industrie te ondersteunen. Soms gebeurt dat door marineschepen uit te lenen ter promotie van de Nederlandse defensieindustrie,’ zo schrijft Frank Slijper in zijn rapport voor de Campagne Tegen Wapenhandel. De wapenhandelanalist, die inmiddels werkzaam is bij Pax, schrijft verder dat het tijdens het Nederland-Ruslandjaar niet bleef bij de ‘hand en spandiensten’ van de Nederlandse marine op de defensiebeurs in Sint-Petersburg.

‘Dit werd nog eens dunnetjes overgedaan tijdens de NEVA beurs in september, ditmaal aan boord van het fregat De Zeven Provinciën.’ Onder andere Thales, Damen Shipyards en de Rotterdamse Haven vertegenwoordigden de Nederlandse industrie op de NEVA, de grootste vakbeurs voor scheepsbouw in de voormalige Sovjetregio.

‘Op die beurs showen we wat Nederland allemaal kan op Maritiem gebied,’ zo vertelt luitenant ter zee der eerste klasse Rob Pulles in Alle Hens, het personeelsblad van de marine. ‘Radarsystemen, geïntegreerde communicatiesystemen, afwasmachines voor in de kombuis. Alles is daar on display. Het mes snijdt dus aan twee kanten. De Russen hebben namelijk veel interesse in onze producten.’

‘DE RUSSEN HEBBEN VEEL INTERESSE IN ONZE PRODUCTEN’

Het actieve wapenexportbeleid van het kabinet-Rutte leidt nog niet tot veel resultaat in Rusland. De afgelopen 10 jaar is er voor slechts een schamele 1,73 miljoen euro naar Rusland aan wapens geëxporteerd. Wapenverkopen zoals geshowd en besproken op de Nederlandse fregatten tijdens het Nederland-Ruslandjaar gaan echter niet over één nacht ijs. Ook met de doorvoer van wapens naar Rusland boekt Nederland weinig resultaat. De aantallen zijn laag, op één lading van ruim 2,5 miljoen patronen die in 2011 via de Haven van Rotterdam naar Rusland verscheept werd.

Maar niet getreurd. Kijkend naar de exportvergunningen van ‘dual use’ goederen lijkt Rutte’s BV Nederland niet helemaal met lege handen te staan. Deze goederen kunnen ook militair ingezet worden en krijgen daarom speciale aandacht van de Nederlandse overheid. Maar ‘al jaren is onduidelijk welke vergunningen wel een militaire relevantie hebben. Het gaat dan vooral om nachtzichtapparatuur en sommige radar,’ licht wapenhandelexpert Frank Slijper toe. ‘In het geval van Rusland wordt het gebruik meestal wel vermeld. Mogelijk door de gevoeligheid van leveranties aan het Russische leger, vanwege de mensenrechtenreputatie en de militaire operaties in de Kaukasus.’

Rusland jachtland
Slijper zet vraagtekens bij de in de exportvergunningen regelmatig terugkerende omschrijving ‘tbv de jacht’. ‘Kent Rusland zoveel jagers met nachtvizieren dat daarvoor beeldversterkerbuizen ter waarde van vele miljoenen euro’s vanuit Nederland worden verkocht?’ In de periode 2009 tot en met 2012 verstrekte Nederland voor ruim 21 miljoen euro aan vergunningen voor beeldversterkerbuizen met als bestemming Rusland, waarvan bijna 15 miljoen euro ‘tbv de jacht’.

Hoe is het te achterhalen of het product daadwerkelijk voor de jacht gebruikt wordt? We bellen met Photonis en Lahoux Optics, die geregeld op de Interpolitex wapenbeurs in Rusland staan. Photonis is één van de grote spelers in de wereld op het gebied van beeldversterkerbuizen, maar de medewerker die zou kunnen helpen was niet bereikbaar voor commentaar. ‘Ik weet niet hoe dat werkt,’ vertelt Sales Manager Roy Ten Wolde van Lahoux Optics, dat naar eigen zeggen ‘maar een kleine speler’ is ten opzichte van Photonis. ‘Maar voor ons is dat ook niet belangrijk. Dat is aan de overheid.’ Uit antwoorden op Kamervragen van de toenmalige regering (2007) blijkt dat de overheid zich op haar beurt vooral baseert op de verklaringen van de koper.

Voor grote wapenverkopen aan Rusland lijkt het kabinet-Rutte te moeten wachten op resultaten van de inspanningen in het Nederland-Ruslandjaar. Het zou ook helpen als de situatie in Oekraïne met een sisser afloopt. Dan kan de Nederlandse industrie vrijelijk verkopen aan Poetin. Door leveranties aan Rusland creëert de defensie-industrie tegelijkertijd nieuwe vraag. Door de Russische militaire wederopstanding gaan overal stemmen op de defensiebudgetten op te schroeven. Waar de Britse premier David Cameron pleit voor een wapenembargo tegen Rusland, ziet minister van Buitenlandse Zaken Frans Timmermans hier vooralsnog niks in.

Bron: ftm.nl

Jongste inligting oor vlug MH17 wys Beeld se misleiding

Deur Rutger Hoell.

Dit sal interessant wees om te verneem wat Leopold Scholtz en Erica Gibson te sê het oor die jongste inligting dat vlug MH17 uit Amsterdam deur die Oekraïne afgeskiet is, veral nadat Scholtz enkele dae gelede in Beeld die volgende beweer het:

Alles dui daarop dat die pro-Russiese rebelle in die Oos-Oekraïne die Boeing 777 van Malaysia Airlines, op pad van Amsterdam na Kuala Lumpur, neergeskiet het. Maar hulle het nie geweet wat hulle doen nie.

Dit wil eerder voorkom asof Scholtz nie geweet het wat hy doen nie. Volgens die jongste aanduidings is die “bewys” van ‘n opname wat die vinger wys na die rebelle, ‘n vervalsing en die tydstempel daarop toon dat dit ‘n dag voor die ongeluk vervaardig is.

Scholtz se verdere bewering dat die Boeing 777 deur ‘n Buk-lugafweerstelsel afgeskiet is wat deur selfverdedigingsgroepe gebuit is, is deur die meeste militêre kenners as onsin afgemaak en eerder ‘n brokkie wat agterdog wek oor ‘n professionele weermag se betrokkenheid.

Die kersie op die koek is egter dat Scholtz nie tussen verskillende insidente en datums kan onderskei nie. Hy moes die BBC se David Stern geraadpleeg het om vas te stel dat ‘n Antonof-26 op 14 Julie afgeskiet is op ‘n hoogte van 6500m, drie dae voor die passasiersvliegtuig neergeskiet is.

Hier is Scholtz se mistasting uit dieselfde smeerstuk teen “nasionaliste” in Beeld:

Onmiddellik nadat kontak met die Boeing verloor is, het ’n leier van die rebelle, “kolonel” Igor Strelkof, op Twitter gekraai: ‘By Torez het ons nou net ’n Antonof-26 neergeskiet. Ons het hulle tog gewaarsku: Moenie in ons lugruim vlieg nie.’

Die profiel van ene “kolonel” Igor Strelkof op VK, die Russiese Facebook, en sy sogenaamde inkriminerende twiet wat Scholtz aanhaal as die beste bewys van Rusland se betrokkenheid, is egter deur AP se voormalige joernalis in Moskou, Max Sneddon as ‘n vals profiel uitgewys.

Dit is dié soort van ongeërdheid oor naspeurbare feite wat ‘n mens verstom. Gibson se naïewe berig oor Russe wat aanmekaar vliegtuie afskiet, en sommer hul eie, is blykbaar vir die ANC geskryf. Scholtz, amper soos Gibson, huiwer nie om die verswarendste gevolgtrekking hiervan te maak nie:

Toe die nuus oor MH17 bekend word, is Strelkof se twiet vinnig verwyder.

Russiese lugdatarekords wys dat ‘n Oekraïense Su-25 vegvliegtuig die Malaysia Airlines Boeing 777 passasiersvliegtuig op die dag toe dit neergestort het in die ooste van die Oekraïne op 17 Julie, baie naby gevolg het.

Luitenant-generaal Andrei Kartapolov, hoof van stafoperasies van Russiese Weermag, het op ‘n nuuskonferensie Maandag, 21 Julie, gesê: “Rekords toon dat die Oekraïense vegvliegtuig die afstand van 3-5 km van die Maleisiese Boeing was.

“Die Su-25 kan op ‘n hoogte van tot 10 km vlieg. Dit is gewapen met P-60 lug-tot-lug missiele wat teikens kan tref op ‘n afstand van tot 12 km en betroubaar binne 5 km.

“Dit word bevestig deur die videomateriaal verkry deur die Rostovmoniteringsentrum. Ons wil graag weet hoekom die Oekraïense vliegtuig ‘n burgerlike roete op dieselfde vlugpad as die Maleisiese Boeing gevolg het,” het Kartapolov gevra.

Die Boeing het begin spoed verloor so 51 km van die grens met Rusland, het Rostov se lugverkeerbeheer gesê.

Ek dink ek sal Beeld in die vervolg vermy wat ernstige kwessies betref soos 192 mense uit ons stamland wat die ewigheid ingestuur word. Ons skuld daardie siele meer as goedkoop politiekery.

Russe tel hele Donderdag aktiewe missiel-radar op

Die Maleisiese vliegtuig is glo afgeskiet oor die Oekraïne met ‘n Oekraïense Buk-missielstelsel wat operasioneel in die gebied was, het die Russiese ministerie van verdediging gesê, nadat Kiëf beweer het daar was nie sulke stelsels ontplooi nie.

Die missielstelsel is binne die gebied ontplooi waar dit die vliegtuig kon afgeskiet het, het die departement in ‘n verklaring gesê. Uitstraling van die stelsel se radar is deur die Russiese weermag opgetel.

“Russiese toerusting het die hele duur van 17 Julie die aktiwiteit van ‘n Kupolradar opgetel, ontplooi as deel van ‘n Buk-M1-stelsel naby Styla [‘n dorpie sowat 30 km suid van Donetsk],” het die ministerie in ‘n verklaring gesê.

Die ministerie het gesê die radar kan gebruik word om opspoorinligting aan ‘n ander stelsel te stuur in die gebied, wat missiele binne reikafstand van die vlugroete kon geplaas het.

Vroeër het Kiëf beweer dat hulle nie ‘n missiel op die verbygaande burgerlike vliegtuig kon afvuur nie, want hulle het geen Buk-missielstelsel wat ontplooi is in die streek nie.

Terselfdertyd het die Oekraïners bevestig dat die separatiste oor geen Buk-stelsels beskik nie, volgens ‘n amptelike verklaring van die land se prokureur-generaal.

Na afloop van die Russiese ministerie se vrystelling van inligting, het Bogdan Senyk, ‘n woordvoerder vir die Oekraïense ministerie van verdediging skielik Kiëf se posisie verander, en gesê “anti-vliegtuig missiele is nie gedurende die anti-terreur operasie ontplooi nie… hulle is alles in plek.

“Die tragedie van ‘n Maleisiese vliegtuig wat in die ooste van die Oekraïne neergestort het, moet deeglik en objektief ondersoek word, het die Russiese president Poetin gesê in ‘n verklaring.

Hy het gesê die tragedie beklemtoon die dringende behoefte vir ‘n vreedsame oplossing van die gewapende konflik in die Oekraïne.

Poetin se verklaring het gekom nadat hy aan die Nederlandse premier Mark Rutte meegevoel oor die dood van sy mede-burgers in die ramp uitgespreek het.

Die meerderheid van die passasiers van die noodlottig vlug was uit Nederland.

Dit is steeds nie duidelik hoekom die vlug deur Oekraïense grondpersoneel oor die oorlogsgeteisterde gebied gestuur is nie.

Suid-Afrika ontken dat enige van sy burgers op Maleisiese vlug was

Die Suid-Afrikaanse departement van internasionale betrekkinge ontken dat enige passassiers met Suid-Afrikaanse paspoorte op die noodlottige vlug van die Maleisiese lugdiens was. Volgens die departement het “twee van die mans op die vlug bande met Suid-Afrika, maar het met buitelandse paspoorte gereis”.

‘n Woordvoerder van internasionale betrekkinge, Nelson Kgwete sê “indien iemand met ‘n buitelandse paspoort reis, moet die land wat die paspoort uitgereik het die leiding neem in sulke voorvalle”. Kgwete het namens die Suid-Afrikaanse familie sy meegevoel uitgespreek teenoor die families van die twee mans met Suid-Afrikaanse bande.

Intussen het een van die rebelleleiers in Oos-Oekraïne gesê die opstandelinge is bereid om tot ‘n kort skietstaking in te stem om toe te laat dat ‘n ondersoek na die Maleisiese passassiersvliegtuig in die gebied onder hul beheer uitgevoer word.Alexander Borodai, die eerste minister van die Donetsk-volksrepubliek, wat eensydig onafhanklikheid verklaar het, sê separatistiese magte is gereed om tot ‘n wapenstilstand van etlike dae in te stem.Die Amerikaanse regering glo dat die vliegtuig deur ‘n grond-tot-lugmissiel afgeskiet is, maar dit is onduidelik wie die wapen sou afgevuur het.

Volgens ‘n anonieme woordvoerder, “bekyk hulle die data om te bepaal of die wapen deur die pro-Russiese separatiste in die Oekraïne afgevuur is, of deur Oekraïense regeringsmagte of deur Russiese troepe oorkant die grens”.

‘Separatiste kon nie vlug MH17 afskiet nie’

Die Oekraïnse departement van binnelandse sake, het Donderdag die skuld vir die lugramp in sy land dadelik op “pro-Russiese separatiste” gepak en gesê Vlug MH17 is met ’n lugafweermissiel neergeskiet.

Volgens die jongste inligting was daar 298 mense aan boord.

‘n Ontleder van Jane’s Defence, Nick de Larrinaga, sê egter die self-verdedigingsgroepe het nie die vermoë om die Maleisiese vliegtuig af te skiet nie.

“Teen normale kruishoogte van burgerlike vliegtuie is hulle buite bereik van die soort van bemande draagbare lug[verdediging]stelsels wat ons in Oos-Oekraïne toenemend sien,” het hy in ‘n verklaring gesê.

Die Oekraïnse magte het egter die wapenstelsels om ’n passasiersvliegtuig neer te skiet.

Die Oekraïense weermag het ‘n paar Buk-M-missielstelsels met ten minste 27 laaiers, wat in staat is om burgerlike vliegtuie in die Donetskstreek waar die Maleisiese passasier vliegtuig verongeluk het, af te skiet, het die Russiese ministerie van verdediging gesê.

Die gewapende magte van die Oekraïne in die ongeluksgebied is glo toegerus met Buk-M1-stelsels wat lugteikens op ‘n afstand tot 160 kilometer kan opspoor en op ‘n afstand van meer as 30 kilometer kan afskiet.

Dié missiel kan ’n hoogte van tot 25 000 m bereik en dus gemaklik ’n passasiersvliegtuig bereik.

Die Malaysia Airlines-vliegtuig het Donderdag op ’n hoogte van sowat 10 000 m verdwyn en die vermoede bestaan dat die vliegtuig afgeskiet is.

Nog ‘n militêre ontleder van die Belfer Center for Science and International Affairs sê die vliegtuig kon alleen deur ‘n professionele militêre mag afgeskiet gewees het.

‘n Suid-Afrikaanse helikoptervlieënier, Cameron Dalziel (43), was een van die oorledenes op Vlug MH17. Hy het in Maleisië gewerk en sou na Nederland reis vir opleiding, volgens Beeld.

Reddingswerkers het intussen die tweede swart vlugopnemer van die Maleisiese passasiersvliegtuig gevind, het Reuters berig.

Vroeër het ‘n woordvoerder van die Vostok-bataljon gesê dit is naby die dorp van Torez in die Donetsk gekry.

Nie een van die 283 passasiers en 15 bemanningslede aan boord, het die ongeluk oorleef nie.

Die Oekraïnse president Petro Poroshenko het Vrydag gesê die vlugopnemer is deur die plaaslike verdedigingseenhede opgespoor wat dit na Rusland sal neem in ‘n poging om “al die spore dood te vee”.

Interfax het Donderdag berig dat president Wladimir Poetin se straler ook dié roete gebruik het met sy terugvlug uit Brasilië van die pasafgelope BRICS-beraad.

Die Maleisiese Boeing777 en Poetin se straler lyk op ‘n afstand baie dieselfde, met dieselfde kleure gemerk.

‘n Bron het egter aan Gazeta.ru aanlynnuusportaal gesê Poetin se vliegtuig het opgestyg vanaf Vnukovo-3, maar die president nie oor die konflik-gebied in die buurland gevlieg nie.

Ander lugdienste gebruik dié roete, maar het nou hul vlugplanne aangepas om nie oor die Oekraïne te vlieg nie. Die VSA vlieg egter sedert April nie oor die Oekraïene nie.

Rusland bekragtig wet teen vloek

’n Russiese wet wat vloekwoorde in rolprente, teaterstukke, die media en kunste verbied, is Dinsdag bekragtig.

Die wet is deel van veldtog deur die Kremlin om tradisionele waardes te herstel en vuil taal te bekamp.

Die wetgewing, wat in Mei deur pres. Wladimir Poetin onderteken is, beteken swaar boetes vir oortreders.

Daar is nie ‘n lys van verbode woorde nie, maar dit word algemeen aanvaar dat Amerikaanse kultuurprodukte waarin vuil sekstaal aangebied word, uitgesonder sal word.

Nikita Mikailof, ‘n filmregisseur sê: “Vloek is ‘n subtiele saak, een van die grootste ontdekkings van die Russiese volk. Vloek is geregverdig wanneer dit die uiterste toestand van ‘n mens uitbeeld soos in oorlog, dood of pyn.”

Mikhalkov het aan die RIA Novosti-nuusagentskap gesê dat dit nogtans “afstootlik en walglik” is wanneer lelike taal alledaagse kommunikasie besoedel.

‘n Groot deel van die Russiese samelewing ondersteun die verbod.

Die flambojante linkse joernalis Alexander Prokhanof het seks-verwante vloekery as “die taal van die hel” in ‘n radio-onderhoud beskryf.

“Vloek is die taal van die hel, dit kan ‘n mens se hart laat saamtrek. Ons leef in ‘n tyd waar die hel na hierdie wêreld gekom het.”

Kritici meen pogings om iets onwettig te verklaar wat reeds deel van Rusland se kultuur is, sal misluk. Van Rusland se mees geliefde digters, insluitende Mikhail Lermontof en Alexander Poesjkin, is bekend daarvoor dat vloekwoorde in hul werke gebruik is.

Die publiek het begin om grappe oor die nuwe wet te maak. Een gewilde grap is waar ‘n woedende kolonel vir een van sy soldate net skree: “Ontslaan!”

Die troepe kyk hom stomverbaas aan. “Wat is fout met hom?” vra een soldaat. “Dit is die verbod op onwelvoeglike taal,” sê sy kameraad.

Sedert hy in 2012 vir ’n derde termyn na die Kremlin teruggekeer het, het Poetin se gewildheid onder sy middeljarige kiesers verstewig en het bande met die Ortodokse kerk verstrek.

Die verbod op vloekwoorde is die jongste in ’n reeks maatreëls wat konserwatiewe waardes koester en Rusland se teenkanting teen Westerse verval bevestig.

Rusland en China sal gasooreenkoms teken

Die president van China, Xi Jinping en die Russiese leier Wladimir Poetin het Dinsdag ontmoet tydens geskiedkundige samesprekinge tussen die twee lande.

Poetin is tans in Shanghai vir ŉ Asiatiese veiligheidsberaad.

Die twee sal ook aan ‘n militêre magsvertoon deelneem waar 14 skepe vir ŉ week lank oefeninge in die Oos-Chinese See sal onderneem.

Dié twee leiers wil bande versterk nadat Westerse aanvalle en gebiedstwiste hulle belange nouer saamgedwing het

Rusland en China wil veral betrekkinge versterk na die VSA se gepoogde oorname van Russiese invloedsfere in die Krim en Sirië misluk het, maar nogtans Amerika se vyandigheid teenoor Rusland duidelik gemaak het.

China het steun nodig in die stryd oor gebiedsregte in die see met Viëtnam, Japan en die Filippyne. China het reeds sy weermag op die grens met Viëtnam saamgetrek om die eise te stuit.

China en Rusland sal binnekort ŉ ooreenkoms teken waarvolgens Rusland natuurlike gas sal uitvoer na China.

Die gaskontrak sal na verwagting Dinsdag gesluit word, waarin Beijing tot $456 miljard vir Russiese gas oor die volgende 30 jaar sal betaal.

Gazprom en China se Nasionale Petroleumkorporasie (CNPC) sal ‘n ooreenkoms vir 38 miljard kubieke meter natuurlike gas vir lewering vanaf 2018 sluit om China se groeiende ekonomie te ondersteun.

Die ooreenkoms hou ‘n wesentlike gevaar vir die Amerikaanse geldeenheid, die dollar, in omdat China die rekening in Chinese Yuan sal vereffen.

China se departement van verdediging het ook Dinsdag die VSA vir “skynheiligheid en dubbele standaarde” veroordeel oor beweerde kuber-spioenasie.

“Van ‘WikiLeaks’ na die ‘Snowden-saak, is die VSA skynheiligheid en dubbele standaarde ten opsigte van kuber-sekuriteit lank reeds duidelik,” het die ministerie in ‘n verklaring op sy webwerf, soos aangehaal deur AFP, gesê.

Rusland verbied VSA se gebruik van vuurpylenjins

Rusland wil die VSA verbied om Russies vervaardigde vuurpyl-enjins vir militêre satelietprojekte te gebruik, het die adjunk-premier Dmitri Rogozin Dinsdag volgens Newsweek aangekondig.

Dit behels die MK-33 en RD-180 enjins wat Rusland aan die VSA beskikbaar gestel het.

Dié besluit kom nadat Amerika sanksies teen Rusland ingestel het om die Russe te dwing om die onwettige en onverkose junta wat na staatsgreep in die Oekraïene regeer, te aanvaar .

Die VSA het sanksies teen hoogs tegnologiese Russiese toerusting ingestel nadat die Krim in ‘n referendum besluit het om onafhanklikheid te verklaar na die onwettige magsoorname van ‘n demokraties verkose regering in Kiëf.

Rusland gaan ook weier dat Amerika sy internasionale ruimtestasie langer as 2020 gebruik.

Washington wil graag die internasionale ruimtestasie tot in 2024 gebruik. Die enigste manier waarop die Amerikaners na die ruimtestasie kan reis is met die Russiese ruimtetuig, die Soyuz.

Die Russe het ook reeds Amerikaanse GPS-stelsels in Rusland onbruikbaar gestel en eis dat die VSA hul soortgelyke navigasiestelsel, die Glonass in die VSA ontplooi.

Indien die VSA nie gehoor gee nie, het Rusland gewaarsku dat die GPS-stelsel teen September permanent afgesluit sal word op Russiese grondgebied.