Pretoria – Bladsy 10

Volkstaat moet Weste van die land uitmaak

Die huidige debat rondom ‘n volkstaat wat op beide Praag en Die Beeld se webwerwe losgebars het, het my genoop om na beide die kaarte van Praag en die VF+ se voorgestelde gebiede te kyk. Die gebied wat deur Praag voorgestel word sal ideaal wees, maar ek kan eenvoudige nie insien hoe die ANC ooit afstand van hierdie gebiede sal doen nie. Dit vorm hoofsaaklik die ekonomiese hartland van die Suid-Afrikaanse staat, en demografies bevat dit ‘n baie hoë bevolkingsgetal wat by verre uit nie-Afrikaners bestaan. Ek wil my eie voorstel indien en sal graag die mense van Praag se opinie daaroor wil pols.

As ‘n mens die VF+ se voorgestelde gebied in die Noord-Kaap (met dorpe soos Prieska, Barkly-Wes en Jan Kempdorp ook ingesluit) neem en dit deur ‘n strook met die Groter Pretoria area (insluitend Brits en Hartebeespoortdam) verbind, kan dit nie ‘n meer verkrygbare gebied vorm nie. Hierdie strook sluit dan rofweg die Wes-Rand, Potchefstroom, Klerksdorp en Schweizer-Reneke in. Dalk kan dele van die Noordwes-Vrystaat wat gebiede soos Bothaville en Odendaalsrus insluit aangeheg word?

Die voordele van die VF+ gebied is dat dit yl bewoon is, dus kan ‘n Afrikaner meerderheid wel in ‘n relatiewe kort tydperk bewerkstellig word en daar is geen nywerhede of myne wat die ANC as redes kan aanvoer om nie die gebied af te staan nie. Dit verleen ook toegang tot die weskus en dus ‘n seeverbinding. Die Groter Pretoria gebied, die Wes-Rand en die strook wat dele van die ou Wes-Transvaal en Noordwes-Vrystaat kan insluit bevat reeds ‘n hoë konsentrasie Afrikaners, daar is sterk kultuur-historiese aansprake en ‘n reeds gevestigde infrastruktuur. Dit mag ook net makliker wees om byvoorbeeld Afrikaners wat in die Oos-Rand en Johannesburg woon te oorreed om hulle in die Afrikaner Wes-Rand of Groter Pretoria gebiede te vestig. Nie juis ‘n reuse trek dan nie of hoe! Ek sien uit na Praag se kommentaar.

тамбов лежаки

Beeld se volkstaatpeiling: ‘n geleentheid vir die VF+?

Die Afrikaanse dagblad Beeld het ‘n peiling op sy webwerf gehou wat gevra het of sy lesers, wat byna almal Afrikaners is, ‘n volkstaat sou steun. ‘n Volslae meerderheid, 54%, het gesê ja. ‘n Verdere 19% het gesê dit hang af. Sowat sewentig persent van Beeld se lesers sou die gedagte dus moontlik steun.

Beeld het die peiling opgevolg met ‘n stuk linkse propaganda verbloem as ‘n redaksionele stuk wat kommentaar gelewer het oor die peiling, wat weer eens toon hoe uit pas Beeld met sy lesers is. Alhoewel tot soveel as 70% van sy lesers voel dat hulle nie meer lus is vir die reënboognasie nie, blaas Beeld steeds in dié rubriek die uitgediende vuvuzela van die gefaalde Azaniese staat, en verkwansel hy steeds sy multi-kulti perdevye as soetkoek. Die vuvuzela wat Beeld blaas se deuntjie is die ou-ou een: Afrikaners sal sink of swem saam met die res van Mzansi. Dis ‘n belaglike argument, soortgelyk daaraan vir ‘n passasier op die Titanic om vol te hou hy wil nie op ‘n reddingsboot klim nie, want hy wil graag saam met die skip sink.

Die peiling se uitkoms was nietemin ‘n baie verblydende uitslag vir my. Dit lyk of die meerderheid Afrikaners uiteindelik die skrif aan die muur gesien het. Suid-Afrika was toe nié anders as enige ander Afrikaland suid van die Sahara nie, het Jan Alleman besef. Die ANC was toe nie die redders wat aan ons voorgehou is nie. Suid-Afrika is nie spesiaal nie, en ook nie sy swart regering nie. Dit is bloot nog ‘n Afrikaland, met alles wat dit impliseer: endemiese misdaad, verval, wanbestuur, korrupsie; ‘n land wat onderworpe aan die stelselmatige verdomming en ‘n versnelling na agterlikheid wat so kenmerkend van post-koloniale Afrika is. Selfs Beeld se redaksionele stuk erken noodgedwonge dat laasgenoemde die geval is.

Die uitslag van die peiling is die goeie nuus. Dit lyk of die tyd ryp is vir selfbeskikking.

Die raaiselagtige verskynsel, en die minder goeie nuus, is egter dat Afrikaners, die meningspeiling ten spyt, skynbaar die volkstaatgedagte slegs in die teorie steun. Op voetsoolvlak het ons wat Afrikaners is skynbaar ander prioriteite as ‘n volkstaat. Die Vryheidsfront Plus is immers sedert sy ontstaan reeds by uitstek die voorstaander van dié gedagte, maar die groot meerderheid blankes, meer as 90% van die blanke kiesers, ook Beeld se lesers, stem eerder vir die DA as vir die VF+. Die VF+ se gedagte was vir ‘n volkstaat aan die Weskus, met Orania as die beginpunt. Daar is so ‘n kaart op die VF+ se webwerf.

Of is dit so raaiselagtig dat Afrikaners die volkstaat as slegs goeie plan beskou in die abstrakte? Ek dink nie so nie.

Ek het nou kennelik die voordeel van ‘n 20/20 geskiedenisvisie, maar die eerste probleem is dat Orania bykans sinoniem geword het met die volkstaatgedagte. Dit was ‘n fout om Orania aan die volkstaatgedagte te koppel. Daar gaan mense wees wat nou kwaad gaan wees vir my, maar as ons eerlik met onsself moet wees, sal ons moet toegee Orania het nie gewerk nie en dat die VF+ sy geld gevolglik destyds op die verkeerde perd verwed het.

Daar was tot onlangs toe minder as 1000 inwoners, dws minder Afrikaners as wat daar in ‘n kleinerige voorstad van Centurion of Kaapstad woon. Voorts is Orania se behoudende lewensuitkyk nou nie juis iets wat ek vermoed aanklank sal vind by jongmense nie. Beeld se berig lê op sarkastiese wyse sy vinger op die probleem: volgens Beeld se rubriek verkies die Afrikaners eerder die Menlynpark-winkelsentrum. Beeld is helaas reg. Pieter Mulder, die leier van die VF+, asook die VF+ se topleierskap, woon nie een eens in Orania nie, omdat daar geen ekonomiese geleenthede daar is nie. Praktiese oorwegings weeg swaarder as ‘n volkstaat. Dis nie onverwags nie. Bitter min Afrikaners gaan uit hul poste bedank en die risiko neem om na ‘n woestynstreek te verhuis wat sonder werksgeleenthede is, al kla hulle oor die simptome van ‘n vervallende Afrikaland.

Omdat Orania se sukses heel beperk is, word die volkstaatgedagte en dus selfbeskikking vir Afrikaners met dieselfde kwas geteer. Omdat Orania nie uit sy nate bars nie, sal selfbeskikking ook nie werk nie, word geïmpliseer. Selfs die VF+ sal dit erken, soos mens duidelik kan agterkom uit die VF+ se bykans totale stilte oor die Noordkaapse volkstaat deesdae. Om te sê die VF+ is deesdae selfs louwarm oor ‘n volkstaat, sou wees om dinge te oordryf. Dit is gevolglik al te maklik vir opponente van selfbeskikking om ‘n vinger na Orania te wys en te sê: “Daar’s julle volkstaat, maar julle eie mense stel nie eens belang nie.” Sodoende word die gedagte van selfbeskikking as onbelangrik en doodgebore afgemaak, juis omdat die publiek Orania en selfbeskikking noodwendig met mekaar assosieer.

Daar is egter ‘n probleem wat selfs groter as die publiek se persepsies van Orania is. Dit is naamlik dat selfbeskikking en ‘n volkstaat, dws ‘n afgebakende, onafhanklike gebied, bykans sinoniem geword het. Mense sal stellings maak soos dat ‘n onafhanklike grondgebied ‘n voorvereiste is vir selfbeskikking. En nie net sommer énige grondgebied nie: dit moet een wees met seetoegang, anders as heelwat ander suksesvolle lande soos die sjarmante Switserland, Oostenryk, Tsjeggië, Luxembourg en ander plekke wat op ‘n verbysterende wyse daarin slaag om as lande te oorleef sonder seetoegang of ‘n hawe. Luister jy na hierdie mense, moet mens eers die stuk grond en dan selfbeskikking kry.

Sê wie?

Die Palestyne en Israel baklei donkiejare al oor grondgebied, maar nietemin het die Palestyne ‘n groot mate van selfbeskikking en ‘n eie owerheid, die PO. Die PO bestaan al is daar laslappies van Israel se nedersettings op die Wesoewer (die gewaande gebrek aan lewensvatbaarheid van laslappies is nog ‘n gunstelingbeswaar.) Die Baske in Spanje geniet heelwat outonomiteit, maar Spanje se grondgebied is nie verdeel in twee afsonderlike lande nie. Die Duitse volk is nie ‘n sinoniem vir die Duitse grondgebied nie. Die Afrikanervolk is ook nie noodwendig gebiedsgebonde nie. Daar bly immers sowat 150,000 jong Afrikaners op enige tydstip in Londen. Die Jode is stellig die beste voorbeeld van ‘n volk wat dwarsoor die wêreld versprei is, en tot 1948 toe geen grondgebied gehad het nie. Wat verhoed Afrikaners om ‘n eie owerheid tot stand te bring? Beslis nie die huidige gebrek aan ‘n grondgebied nie, behalwe natuurlik as iemand my wil vertel dat ons nie sulke goeie bestuurders as die Palestyne kan wees nie.

Al is hy tans in die praktyk hoogstens louwarm teenoor die gedagte van selfbeskikking, bly die VF+ nietemin steeds ‘n sleutelrolspeler in hierdie verband. Die VF+ se prestasie by die stembus is hoeka reeds op ‘n afwaartse trajek. Vernuwing is duidelik nodig. Die beste stuurmanne staan mos altyd aan wal, maar as hierdie stuurman die VF+ van raad kon bedien, sou ek die volgende voorstel.

1. Beweeg weg van die gedagte van onmiddelike territoriale onafhanklikheid, en lê klem op selfbeskikking, in teenstelling met ‘n eie land of ‘n volkstaat as ‘n mediumtermyndoelwit. Kry sodoende eindelik iets wat ‘n differensiator is tussen die VF+ en die DA: waar die DA ‘n multi-kulti ANC-lite is, hoort die VF+ na my mening sy naam gestand te doen en hom te beywer vir selfbeskikking, soortgelyk aan dié wat die Baske en Katalane in Spanje geniet, of dan die PO.

2. Die heel eerste stap in hierdie proses is die totstandkoming van ‘n Afrikanerowerheid, ‘n verkose liggaam wat onafhanklik van ‘n politieke party staan, en wat ten doel het om van die regeringsfunksies wat die ANC regime in elk geval nie kan lewer nie, aan Afrikaners te verskaf. Veiligheid is die aangewese beginpunt.

3. Drink maar die onaangename medisyne en stap af van die Orania / Noordkaapgedagte. Dis doodgebore en ‘n albatros om die nek.

4. Maak ‘n eie grondgebied of, na my mening, grondgebiede rondom Pretoria en in die Weskaap, die langtermyndoelwit.

Beeld se peiling het getoon dat iets tussen 50% en 70% van Afrikanerkiesers reg is om die gedagte van selfbeskikking te steun. Die VF+ se stempersentasie is onder die 9%, wat beteken dat iets tussen 40 en 60% van die Afrikanerkiesers reg is om selfbeskikking te ondersteun, maar in weerwil daarvan vir ‘n liberale reënboognasieparty stem. Is dit net ek, of wink hier ‘n gróót geleentheid vir die VF+?

Lees gerus ook Anton Barnard se woernaal, SAmizdat.

люстры интернет

Plakkers bestook huise met petrolbomme

Die Vryheidsfront Plus het gesê dat die Tshwane-metroraad strenger moet optree teen onwettige grondbesetters naby Laudium wat teen hulle uitsetting betoog. Sommige huise van inwoners van Laudium is met petrolbomme bestook.

Grond wat deur PPC-sement besit word is onwettig beset en PPC het ‘n hofbevel in die Gautengse Hooggeregshof verkry dat die plakkershutte verwyder moet word. Die plakkers het geweier en word nou daarvan beskuldig dat nabygeleë huise in Laudium deur hulle geteiken word vir petrolbom-aanvalle.

Volgens dr. Conrad Beyers, VF Plus-raadslid, moet daar met ‘n ystervuis opgetree word wanneer betogers handuit ruk en inwoners aanval.

Die VF Plus het die ANC-beheerde metroraad daarvan beskuldig dat onwettige grondbesettings stil-stil toegelaat word en dat die metroraad eers optree wanneer besighede en inwoners deur ‘n langdradige en duur hofproses gegaan het om ‘n hofbevel te verkry.

Daar is talle areas in Pretoria waar die metroraad toegekyk het hoe onwettige grondbesetting en plakkerskampe in gevestigde woonbuurte ontstaan.

“’n Verantwoordelike stadsadministrasie wat vir sy inwoners omgee behoort onwettige grondbesetters te verwyder lank voordat dit in ‘n ernstige probleem ontaard”, het Beyers gesê.

free casino downloads

VF Plus eis ‘vullis-afslag’

Die VF Plus het gesê dat die party amptelik eis dat die Tshwane-metroraad korting ter waarde van drie maande se belasting vir vullisverwydering aan inwoners toestaan. Dit volg nadat nog ‘n onderbreking in vullisverwydering hierdie week ondervind word vanweë ‘n staking.

Die VF Plus in Pretoria gaan hom na gesprek met die Pretoria-belastingb etalersverenigin g (PBV) by ‘n amptelike dispuut voeg wat tans voorberei word. In die dispuut word die eis vir die korting gemaak vanweë die nie-lewering van dienste waarvoor belastingbetalers betaal het.

In 2009 was daar minstens vyf ernstige probleme met met vullisverwydering in die Tshwane-metroraadsg ebied, waarvan die laaste oor rondom Kersfees plaasgevind het. Die jaar 2010 is nie eens ‘n week oud nie en daar is reeds nuwe probleme met vullisverwydering.

Volgens dr. Conrad Beyers, VF Plus-raadslid, bewys die nuwe staking dat die ANC-beheerde metroraad geen plan, strategie of idee het oor hoe om die probleem hok te slaan nie.

“Tydens die laaste ses onderbrekings in vullisverwydering het die ANC ses verskillende verskonings vir die probleem aangebied. Hierdie keer handel dit blykbaar oor arbeidsmakelaars. Die talle verskonings raak nou absurd en dit het tyd geraak dat belanghebbende organisasies en inwoners die saak op ‘n gekoordineerde wyse begin aanspreek”, het Beyers gesê.

Die VF Plus het gesê dat die party hoop dat talle organisasies en belanghebbendes hulle by die dispuut sal voeg sodra dit amptelik verklaar word. “Ons wil eers die pad van gesprek, bemiddeling en arbitrasie met die metroraad volg om ons eise en klagtes deur te gee. Indien daar egter nie resultate is nie sal meer ingrypende aksie rakende die korting op belastinggelde oorweeg word”.

Vullis in Pretoria: ‘Gee geld terug’

Die Vryheidsfront Plus het gesê dat inwoners van Pretoria geregtig is om hulle geld vir vullisverwydering terug te eis nadat vullisverwydering in die Tshwane-metrogebied vir die vyfde keer vanjaar nie plaasvind nie.

Volgens dr. Conrad Beyers, VF Plus-raadslid, is die metroraad wetlik verplig om die dienste te lewer waarvoor inwoners betaal.

“Daar is oorgenoeg gronde vir inwoners om ‘n amptelike dispuut op groot skaal met die metroraad te verklaar, waarin daar geëis word dat korting gegee moet word vir dienste wat nie gelewer is nie. Dit help egter nie dat slegs enkelinge dit doen nie – dit moet regoor die stad gekoördineerd wees. Voorsitters van inwonersverenigings, tesame met ander belanghebbendes, moet in Januarie bymekaar kom om gekoördineerde aksie te beplan,” het Beyers gesê.

Die VF Plus het gesê dat dit jammer is dat die probleme rakende vullisverwydering aanhou herhaal, nadat die party reeds verlede jaar gewaarsku het dat voorkomende maatreëls getref moet word om die onderliggende probleme op te los.

Die VF Plus het gesê dat enige verdere versuim deur die ANC om alternatiewe reëlings vir vullisverwydering te tref tot ‘n ramp in die stad kan lei. “Die feit dat die ANC passief toekyk hoe die probleem vererger, het veroorsaak dat ‘n probleem wat op ‘n baie vroeër stadium opgelos kon word tot ‘n ernstige krisis gelei het. Hierdie is die swakste stadsadministrasie in Pretoria se geskiedenis.”

Vonke spat by elektrisiteitskonferensie

Vonke het behoorlik gespat by ‘n elektrisiteitskonferensie oor voorgestelde tariefverhogings, met ‘n ekonoom wat ‘n senior Eskom-bestuurder gekonfronteer het oor sy aanspraak dat die pryse “regtig” nie so hoog is nie.

Ekonoom Mike Schüssler het die verhoog geneem en die syfers wat deur Eskom se hoofbeampte vir kragopwekking, Mike Dames, aangebied is, bevraagteken. Hy het die regering daarvan beskuldig dat hulle “in hierdie Marxistiese sosialistiese ‘ontlasting’ wil wees” deur gratis elektrisiteit aan armes te verskaf.

Schüssler se emosionele aanbieding waarin hy Eskom vertel het “julle het nie ‘n fokken finansiële model nodig nie,” het gekom nadat Dames ‘n gepakte vertrek by die konferensie, wat deur Solidariteit vakverbond in Pretoria oor voorgestelde elektrisiteitstariefverhoging gereël is, toegespreek het.

Dames het Eskom se omstrede 35-persent-vir-drie-jaar tariefverhogingaansoek na die Nasionale Energie Reguleerder van SA (Nersa) verdedig en gesê dit werk “regtig” net uit op 16 sent per kwH per jaar.

Boonop sal die verhoging in bydrae Eskom se kapitaaluitbreidingsprogram befonds, het Dames gesê en bygevoeg: “Die bestaande besigheid van Eskom sal regtig net mooi omtrent verhoog in lyn met inflasievlakke.”

Maar Schüssler het aan die gehoor gesê dat hy nie weet waar Dames sy syfers vandaan kry nie en het ‘n voorafgaande verklaring dat Suid-Afrika daarop afpeil om die duurste elektrisiteit in die wêreld te hê, beaam.

Hy het die feit dat bedryfsdeelnemers in Suid-Afrika baie laer tariewe as verbruikers betaal.

“Die probleem is, ons gee die grootste afslag in die wêreld aan industriële verbruikers… Hoekom kom hulle na die res van ons, in ons middelklaswonings, en martel ons tot die dood met hierdie verhogings? En jy hou aan om vir ons te sê ons het goedkoop elektrisiteitspryse, wat nie die waarheid is nie,” het Schüssler gesê.

Indien Eskom nie sulke ontsaglike afslag op sommige van hulle kontrakte gegee het nie, sal dit nie nou hoef te soek vir bykomende befondsing nie.

“Daar’s genoeg geld… jy het nie ‘n fokken finansiële model nodig nie,” het hy onder toejuiging van die gehoor gesê.

Schüssler het ook die verskaffing van gratis elektrisiteit aan arm huishoudings gekritiseer.

“Maar die regering dink nie so daaroor nie. Hulle wil in hierdie Marxistiese, sosialistiese kak wees.”

Om sake te vererger, word ses persent van die elektrisiteit in die land gesteel.

“Dis nie regverdig nie,” het hy gekla.

Aan die einde van sy voorlegging, waarvoor die gehoor luid hande geklap het, het ‘n middeljarige, bebrilde man opgespring en sy hand in die lug gehou.

“Meneer die fasiliteerder, kan ons ons taalgebruik asseblief beheer,” het hy ontstoke gevra, waarop die fasiliteerder, Chris Yelland, geantwoord het: “Dankie vir die voorlegging, Mnr. Schüssler, uitdagend soos altyd…”

Verskeie gaste het hulle oë oor die klag gerol, en Yelland het bygevoeg: “Dinge word warm, ouens,” voordat hy gou die volgende spreker, energiedeskundige Andrew Kenny, voorgestel het.

Met die aanvang van sy voorlegging, het Kenny gewaarsku dat hy Eskom gaan kritiseer, maar het beklemtoon dat dit niks persoonlik teen Dames was nie, en het bygevoeg dat Dames sy stem sal kry vir Eskom se nuwe uitvoerende hoof.

Kenny het toe voortgegaan en Eskom vergelyk met ‘n koplose hoender: “Dit het in geen rigting hoegenaamd gegaan nie, soos ‘n koplose hoender,” het hy gesê, en homself in tertgrafieke en syfers gewerp om sy punt te bewys.

Konferensiegangers het in ‘n lewendige debat tydens die koffiepouse betrokke geraak, met een wat die Eskom-bestuurders van ‘n gehoorgestremdheid beskuldig het: “Daar’s niemand so doof soos iemand wat nie wil hoor nie,” het hy in Afrikaans gesug.

game big bang

Bus bars in vlamme uit, 10 dood

Minstens tien mense het gesterf en 24 passasiers is ernstig beseer nadat ’n bus in vlamme uitgebars het.

Die bus het begin brand nadat dit in ‘n kettingbotsing met verskeie ander voertuie in Molotoweg, Pretoria, betrokke was, volgens paramedici.

Sover vasgestel kon word, is nege passasiers in die bus doodgebrand.

“Daar is tot dusver 24 passasiers wat tydens die voorval beseer is, sommige van hulle ernstig,” het Chris Botha van Netcare 911 gesê.

“Paramedici, talle brandbestryders en die polisie is tans op die toneel besig om die situasie te beheer.

Molotoweg is tans vir verkeer gesluit.

справки купить

Die betowering van die DA se koloniale droom

Eergister het ek die grootste deel van die dag, van vroegoggend tot ná sononder, by die Vryheidsfront Plus se stalletjie by Tijgerpoortlaerskool naby Silver Lakes in Pretoria deurgebring. Die geleentheid was ‘n munisipale verkiesing wat in wyk 2 van die Bronkhorstspruit- (“Kungwini”-) munisipaliteit gehou is.

Gister het die uitslae bekend geraak en dit blyk dat die VF+ eintlik besonder swak in dié besondere tussenverkiesing gevaar het. Die VF+ het naamlik ‘n skamele 66 stemme teenoor die DA se 1079 behaal:

DA 1079

ANC 214

VF 66

Onafhanklik (gesteun deur belastingbetalersunie) 37

Soos ‘n briefskrywer op PRAAG gister met waarskynlike verwysing na hierdie wyk geskryf het, is “(d)ie demografie in die wyk… seker 70% blanke Afrikaanssprekendes, 25% blanke Engelsprekendes en 5% swart Sothosprekendes”.

Vir diegene van ons wat onwrikbaar glo in die idee van Afrikanervryheid en dat ons taal, kultuur en ideniteit eendag weer sal herleef om tot sy volle reg te kom, kan so ‘n uitslag nie anders as uiters teleurstellend ervaar word nie.

In my geval, ná ongeveer 10 ure buite op ‘n koue en reënerige dag – ek het agtergekom dat ek nie warm aangetrek was nie – is die teleurstelling sekerlik veel erger. Die onmiddellike vraag wat by ‘n mens opkom, is: waarom stem Afrikaners deur die bank vir die party van die ultraliberale of “progressiewe” mev. Zille, met sy boodskap van assimilasie en integrasie binne die sogenaamde “reënboognasie”?

Aan die ander kant was ek voorbereid op ‘n swak vertoning deur die Vryheidsfront. Deur die dag was dit duidelik dat die meeste blanke Afrikanerkiesers hulself meer geredelik tot die DA-stalletjie gewend het. Sekerlik beskik die DA oor ‘n meer “herkenbare handelsmerk” as die Vryheidsfront en geniet dit meer aandag in die nasionale media.

Gedurende die dag het ek egter baie tyd gehad om die petalje van ‘n munisipale tussenverkiesing dop te hou en ek meen ek het ‘n paar gevolgtrekkings om met my lesers te deel.

Ons Vryheidsfrontstalletjie was slegs drie of vier meter van die DA s’n aan die oorkant van die skool se inrypad verwyder. As ‘n mens tien ure lank na die DA-embleem met sy NSA-vlag en NSA-kleure moet staar, dan voel jy jy begin iets van die groepering aan die oorkant verstaan, benewens natuurlik mev. Zille se onlangse toespraak oor die Progressiewe beweging in Suid-Afrika.

Ook het ek geredelik met lede van die DA gesels, van mnr. Dennis Peach wat saam met kollegas hul stalletjie beman het, tot die pas verkose leier van die DA in Pretoria, mnr. Brandon Topham, wat in sy silwer Porsche Boxster opgedaag het om sy troepe te kom inspekteer.

As ‘n mens eerlik is, moet jy erken dat die DA die historiese telg van die ou SAP-beweging in Suid-Afrika is. Trouens, hoewel wyk 2 ‘n Afrikanermeerderheidsgebied is, was die meeste DA-werkers Engelssprekendes vanuit die Pretoria-omgewing. Hulle praat wel goed Afrikaans, maar ‘n hele paar het erken dat hulle ‘n lang pad in die politiek geloop het, van die Verenigde Party, deur die Progressiewe Party of PFP tot by die DA. Oud-Nasionaliste was nie eintlik onder die partywerkers verteenwoordig nie. Om sy liberale, reënbooggetuigskrif gestand te doen, was daar ook ‘n Indiër- en ‘n swart medewerker.

Indien enigiemand tussen die jare 1948 en 1994 sou gesê het dat die meeste Afrikaners eendag weer vir die Sappe of Oudsappe sou stem, sou so ‘n persoon as ‘n naïweling uitgekryt gewees het. En tog was dit in wyk 2 van “Kungwini” wel die geval. Afrikanerkiesers het uit beleefdheid soms by die Vryheidsfrontstalletjie getalm, ons petisie vir beter dienslewering geteken of ‘n geselsie aangeknoop en natuurlik was daar 66 mense wat wel vir ons gestem het, maar oor die algemeen het ek die indruk gekry dat die kiesers veel eerder met die DA en sy NSA-kleure geassosieer het as die oranje en groen van die VF+.

Die wortels van die probleem lê egter veel dieper. Die ANC het deur propaganda aan bewind gekom, propaganda wat ook die DA bevoordeel – ten minste by die rasseminderheid of -minderhede. Die situasie in die Weskaap verskil hemelsbreed van dié in Pretoria of Bronkhorstspruit en daarom is die redes waarom kleurlinge in die Kaap vir die DA steun heel anders as waarom Afrikaners in die ou Transvaal insgelyks die party ondersteun. Terloops, selfs in die Noord-Transvaal of Limpopo – eertydse bakermat van die HNP, KP en ander regste partye – het die DA in vanjaar se parlementêre verkiesing die Vryheidsfront Plus ver uitgestof. Terwyl die HNP se ondersteuners volhou dat hulle nie die wettigheid van die Nuwe Suid-Afrika erken nie, stem hulle lustig vir die liberales in die DA!

In die minderheidspolitiek – en diegene wat nie glo dat blankes deesdae ‘n toenemende minderheid is nie kan gerus maar na die bevolkingstatistieke gaan kyk – bou die DA spoed op in die vaarwaters van die ANC. Trouens, mev. Zille beskou haarself as ‘n getrouer bewaker van die huidige SA grondwet en maatskaplike stelsel as die ANC self. Hoe meer die regime se propagandiste uitvaar teen rassisme en die historiese skuld van apartheid, hoe meer stem die Afrikaners vir die DA. Want hoewel sy die ANC in pragmatiese terme opponeer, ondersteun mev. Zille en haar Progressiewe – met ‘n hoofletter – geesgenote die ANC se waardestelsel, van “nasiebou” tot die aftakeling van die Afrikaneridentiteit en -instellings.

Die arme Afrikanerkieser wat dus gister soos ‘n nat hoender in die reën opgedaag het om sy ietwat futiele stem te kom uitbring – want danksy swart getalle beheer die ANC feitlik elke munisipaliteit in die land, buite die Weskaap – se wil is geknak deur ‘n dubbele aanslag. Sowel die ANC as die DA het hom reeds oortuig dat hy hom oor sy geskiedenis, volkskap, kultuur en identiteit behoort te skaam.

Een van die DA-amptenare in ‘n blou hempie het heel dag lank die kiesers op gemaak vriendelike manier verwelkom – meesal op Engels, hoewel hy ook Afrikaans magtig was. En die Afrikaners praat met hom Engels terug. Soos Wilco Labuschagne in sy brief aan PRAAG skryf, het “die DA… baie lamppale versier, uit Kaapstad gebel en op Engels gevra of hulle op my kan staatmaak en ‘n pamflet versprei oor hoe sleg die VF+ is”. As ons daaraan dink, maak dit tog baie sin. Die Britse ambassade is steeds in Kaapstad, ná al die jare. En mev. Zille, wat is sy anders as ‘n soort “Kaapse goewerneur”, Haar Majesteit se politieke verteenwoordiger in Suid-Afrika wat soos die ou Sappe ‘n Engelse nasie, lid van die Britse Gemenebes, wil bou? Net dié keer gaan dit nie meer oor ‘n blanke nasie van Europese afkoms nie, maar om ‘n multikulturele, veelrassige – of dan “nie-rassige” – nasie.

Ook die verengelsing van Suid-Afrika onder die ANC bevoordeel die DA. Die Vryheidsfront Plus, wat sy veldtog in Afrikaans voer en ‘n spesifieke appèl op die Afrikanerkieser rig, bevind hom dus in ‘n posisie waar hy as minderheidsparty moet meeding teen ‘n party wat weens sy Engelstaligheid voorgee dat hy ‘n “nasionale” of “universele party” is.

Wat is die DA se boodskap nou eintlik, op die keper beskou? “Ons, die DA, kan die land doeltreffender volgens ANC-beginsels regeer as die ANC self!” Die DA wil die Xhosas vinniger in die Weskaap vestig en vir hulle meer en beter huise bou as wat die ANC kan doen. Net so wil die DA die Zimbabwiërs en ander vreemdelinge met groter warmte in die land verwelkom as wat die ANC-ministers reeds doen. Op geen fundamentele politieke kwessie verskil die DA wesentlik van die ANC nie.

In gister se reën en koue, voor die hek van Tijgerpoortlaerskool, terwyl ek toekyk hoe die Engelse van die DA hul Afrikanerstemvee met ‘n mengsel van hovaardigheid, minagting en aangeplakte vriendelikheid in die kraal jaag, het ek by myself gedink: Miskien moet ons Afrikaners dankbaar wees dat die ANC die land regeer en nie die “ware progressiewe” (mev. Zille se term) van die DA nie. Want hulle sou dalk veel meer doeltreffend die “apartheidsbuurte” opgebreek en geïntegreer, die Afrikaanse skole vinniger verengels en hul “reënboogpatriotisme” met groter ywer en fanatisme op ons afgedwing het.

Wat ek hier sê, is allermins suur druiwe oor die Vryheidsfront eergister verloor het. Want dis nie net die Vryheidsfront wat verloor nie; dis die hele Afrikaanse beweging, die Afrikaner, die taalstryd, ons voortbestaan, ons geskiedenis wat tans besig is om skipbreuk te ly. Die kragte aan die ander kant, hetsy swart demografie, hetsy die Sap-ideologie van ‘n heengegane geslag Britte en verengelsde Afrikaners, was veel sterker as wat ons gedink het. My pa se geslag het vuisgeslaan met Sappe en het geweier om op te staan as “God save the King” in die bioskope gespeel word. Maar vandag sing die Afrikaners lustig “God save Africa” saam met die ANC en gaan stem in opdrag van sms’e wat vanuit Goewerneur Zille se kantoor in Kaapstad na Pretoria versend word.

Die Vryheidsfront, asook elkeen wat hom- of haarself steeds as ‘n Afrikaner of ‘n Boer beskou, sal baie hard moet gaan dink wat ons nou te doen staan. Ons tyd is besig om uit te loop en oor ‘n paar jaar gaan die Afrikanervolk in dié land net ‘n vae herinnering wees. Daar sal nie meer ‘n enkele Afrikaanse pleknaam in dié land oorbly nie en soos ons al gesien het, word selfs die Afrikaanse boeke in die biblioteke by tye verpulp. Sowel die ANC as die DA werk baie hard aan ons verdwyning.

Die gemiddelde Afrikaner is so banggepraat, geïntimideer, verguis, gebreinspoel, geestelik afgetakel en geknak dat hy soos ‘n elektries geskokte hond in ‘n sielkunde-eksperiment reageer. As hy die geel liggie sien aangaan, nog voor hy die pyn voel, begin hy al tjank en sy eie stert byt. Om met sy mede-Afrikaners te assosieer en – ‘n strafbare sonde – ‘n Afrikanerparty of selfbeskikking te ondersteun, is vir hom amper taboe.

Die oorlog wat daar vir ‘n groot deel van die afgelope twee eeue op meer as een manier teen ons gevoer is, is nog lank nie verby nie. Gedurende die tweede helfte van die twintigste eeu was dit ‘n terreuroorlog, maar veral: ‘n propagandaoorlog. Hoewel, wat is die huidige vlaag geweld in die naam van “misdaad” anders as terreur?

Tot dusver het Afrikanerleiers en -intellektuele geen doeltreffende teenvoeter vir die vyand se diaboliese en ophoudelike propaganda gevind nie. Ons is gedurig op die verdediging en beskik nie oor die Machiavelliaanse sin vir die leuen, die halwe waarheid en gemaakte verontwaardiging waarvoor ons vyande ‘n natuurlike aanleg het nie.

Die Vryheidsfront behoort ernstig te besin oor die vorm van politieke opposisie wat hy wil beoefen. Daar is ‘n ou debat oor “samewerkende” of “regstreekse” opposisie teenoor die ANC. Ná enkele maande lyk dit nie asof daar enige voordeel vir die Afrikaner of vir die Vryheidsfront geleë is in die adjunkministerskap van Pieter Mulder nie. Enersyds bied dit ‘n gerieflike stok aan die DA om die VF+ mee te slaan, andersyds het geen verdere toegewings van die ANC aan die Afrikaner gevolg nie en word ons met groter minagting as ooit deur die owerheid behandel.

Daar is egter ook die verhouding teenoor die DA. By die gewone kiesers, asook lede van sowel die DA as die Vryheidsfront, is daar ‘n gevoel dat “die opposisie moet saamwerk teen die ANC”. Die vraag is egter op watter basis dit kan geskied as die ideologiese verskille onbrugbaar groot blyk te wees. Hoewel die DA ‘n verenigde opposisie en koalisievorming predik, beskou hy tog op ‘n manier die Vryheidsfront, eerder as die ANC, as sy “ware vyand”. Mev. Zille het in ‘n verbasende erkenning gesê dat sy die Marxistiese Barbara Hogan van die ANC en SAKP as ‘n “geesgenoot” beskou vanweë haar “begrip vir die grondwet” terwyl sy diegene wat hulle aan etniese of rassedenke skuldig maak as ‘n verskynsel beskou wat liefs tot die buitenste ruim – of ‘n ander oewer – verban behoort te word.

Hoewel daar pragmatiese en opportunistiese redes daarvoor mag bestaan, is samewerking met die DA myns insiens nie vir die Vryheidsfront moontlik nie. Net soos wat mev. Zille die Vryheidsfront en die swart-nasionalistiese vleuel van die ANC as twee sye van dieselfde munt beskou, behoort die Vryheidsfront en Afrikaners in die algemeen die DA en die ANC as twee aansigte van dieselfde “reënboogmonster” te beskou. Albei is integrasionisties, assimilasionisties, Engels en wesentlik gekant teen Afrikanervoortbestaan.

Die ANC beheer die staat, die weermag, die polisie, asook die grootste deel van die media, waaronder die SAUK. Op hierdie stadium kan ons kwalik genoeg kragte teen die ANC monster. Maar die “ANC lite” wat as die DA bekendstaan, kan effektief beveg word, as die kleinere manifestasie van ‘n veelkoppige monster wat ons voortbestaan bedreig. Indien ons sukses teen die DA behaal, mag uiteindelike sukses teen die ANC nie uitbly nie.

Dit maak nie saak hoeveel slim planne Afrikanerleiers en -intellektuele beraam om vryheid en selfbeskikking internasionaal te bevorder en selfs te beding indien Afrikaners op voetsoolvlak in elke verkiesing ten gunste van hul oplossing in die reënboognasie met sy onderbroekvlag stem nie.

Die geskiedenis in Suid-Afrika herhaal hom blykbaar oor en oor. Die stryd tussen die Vryheidsfront en die DA het al die eienskappe van die Nat-Sap-stryd van destyds. In ‘n hoë mate verskaf die Afrikanerkieser vandag die getalle om die Engelstalige se fantasieë oor koloniale beheer moontlik te maak. Die DA verbeel hom dat hy – in weerwil van die land se demografie wat vanweë onwettige immigrasie konstant versleg – ‘n “alternatiewe regering” kan wees en dat hy verder op die horison steun vanuit die Westerse wêreld en veral Brittanje en Amerika geniet. Hierdie is alles illusies en drome wat nog nie aan die toets van die harde werklikheid onderwerp is nie. Ongelukkig is dit ‘n verleidelike droom, ‘n politieke piramideskema wat die skyn van ‘n oplossing aan die kieser voorhou. Weereens skep die kulturele oorheersing van die Engelstalige die indruk dat hy iewers steeds ‘n onsigbare hand op die hefboom van mag het, wat die Afrikaner in sy toenemende identiteitskrisis lok om sy gewig by die koloniale droom van die DA in te gooi.

Afrikaners kon een keer in die onlangse geskiedenis teen die Britse Suid-Afrikanisme mobiliseer en seëvier. Heel moontlik kan hulle dit nou vir ‘n tweede keer regkry om die Sappe op hul baadjie te gee. Maar dan sal ons die stryd met groter skerpte en kragdadigheid moet aanpak. Getalle is op dié stadium nie so belangrik nie. Dit gaan meer oor die integriteit en veral die intensiteit van ons teenkanting teen hierdie bose bestel waarvan die DA vir seker ook ‘n pilaar is.

VF Plus wil aanhou veg vir Pretoria

“Die VF Plus is bly dat die vorige hofbevel oor die Pretoria-straatnaamkwessie nog staan,” sê mnr. Jaco Mulder, LPW en Provinsiale Leier vir die VF Plus in Gauteng, na die uitspraak van regter Pathudi in die Hooggeregshof in Pretoria.

Regter Pathudi het egter vandag in die Hooggeregshof in Pretoria die aansoek van die Tshwane Metroraad teen die VF Plus en AfriForum toegestaan wat beteken dat alhoewel die vorige bevel nog staan, dit nie die Tshwane Metroraad verbied om die verwelkomingsborde by die ingang van die stad op te rig wat slegs die naam Tshwane bevat nie. Hierdeur word die persepsie geskep dat die stad se naam Tshwane is terwyl dit inderdaad nie die geval is nie.

“Die feit dat die naam City of Tshwane/ Pretoria in die internasionale bemarkingsveldtog gebruik word terwyl die plaaslike veldtog nou net die naam City of Tshwane gaan bevat, skep verdere bemarkingsverwarring. Die VF Plus ondersoek die moontlikheid om by verdere prosesse betrokke te raak om die naam van Pretoria te beskerm.

3d снимок зубов депутат лобановский

Wie se land is dit hierdie?

Dis maklik om die semi-retoriese vraag in die opskrif hiervan te beantwoord. Dis beslis nie meer die blankes se land nie. Ons is soos geskeide pa’s wat onderhoud betaal aan die ma’s wat alleentoesig oor die kinders verkry het. Jy het geen of min regte nie, maar jy moet wel betaal.

Alhoewel ons steeds die meerderheid persoonlike belasting betaal, het ons hoegenaamd geen insae in hoe dit bestee word nie, omdat verkiesings ‘n sinnelose rassesensus is. Die voorgestelde naamsverandering van Pretoria na Aapstad sou byvoorbeeld ‘n paar jaar gelede glo sowat ‘n miljard rand gekos het. Ons, die blanke betalers van die groot meerderheid erfbelasting in Pretoria, is agv demografiese verswelging nie in staat om hierdie kulturele vandalisme, wat téén ons gemik is, te stuit nie.

Voorts word dit daagliks duidelik gemaak presies hóé onwelkom blankes en veral blanke mans hier is. Tweedeklasburgers begin nie eens om dit te beskryf nie. Slaan bloot die koerante se vakatureblaaie oop om te sien hoeveel advertensies vir poste dit duidelik stel: “EE only.” (Lees: blanke mans hoef nie aansoek te doen nie.) Meer as ‘n miljoen van ons onwelkomes, sowat 20% van die totaal, het reeds geëmigreer.

Nou goed, siende dat dit nie meer my en my mede-onwelkomes se land hierdie is nie, wie se land is dit dan? Sou dit nie logies wees om te sê dis deesdae diegene met politieke en demografiese mag s’n nie? (Laasgenoemde is veral in Afrika meestal dieselfde ding – stamdemografie is mag.) Van die meer radikale stemme in swart geledere meen tog so. As jy deel is van die groep wat die land besit, gaan jy dienooreenkomstig optree, nie waar nie? Jy gaan byvoorbeeld warm gevoelens van patriotisme ervaar, en soos Winnie, Julius en Leonard diegene wat nie jubel oor Caster Semenya se goue medalje nie, as onpatriotiese rassiste afmaak.

Vir buitestaanders kan dit miskien vreemd wees dat die huidige besitters van die land, hul eie land dikwels so erg bemors en verniel. Waarom sou jy letterlik jou eie nes bevuil deur onnadenkend rommel te wil strooi? Gaan stap byvoorbeeld in Paul Kruger- of Bosmanstraat in Pretoria naby die stasie, en gaan kyk hoe absoluut smerig dit daar is. Daardie rommel word deur iemand gestrooi, en daardie iemand is beslis nie slegs die vervreemde komponent van die bevolking nie. Daar is plakkers in dieselfde omgewing wat op die stoepe van kantoorgeboue slaap tussen die vieslikste rommel, urine en menslike ontlasting, wat die plakkers self daar strooi.

Voorts sou sommiges die vandalistiese optrede van die land se besitters in plekke soos Standerton onverklaarbaar vind. Oproeriges het hul eie stadsaal asook ‘n biblioteek aan die brand gesteek. Dit was nie die vervreemde komponent van die bevolking se biblioteek of stadsaal nie. Die vervreemdes sal nie geraak word daardeur nie, buiten dat hulle as belastingmelkkoeie sal moet opdok om die skade te herstel. Die huidige besitters van die land is diegene wat regstreeks deur hierdie soort optrede geraak sal word. Dit is hulle veelvuldige kinders wat sonder toegang tot ‘n biblioteek vir skooltake sal moet klaarkom. Voorts is dit ‘n gegewe dat hierdie einste brandstigters vir hul eie “bevryders”, die ANC, gestem het, diegene wat regstreeks verantwoordelik is vir die gebrekkige dienslewering waaroor die vandale protesteer.

Ek vind bostaande optrede persoonlik nie heeltemal so vreemd nie. Bederf ‘n kind, koop vir hom als wat sy hartjie begeer, en jy sit met ‘n bedorwe brokkie wat niks waardeer nie. Dit is insgelyks dikwels die geval dat diegene wat so vernielsugtig is, juis die einstes is wat nog nooit enige persoonlike of erfbelasting betaal het nie. Hulle het daardie biblioteek en stadsaal waarskynlik op ‘n skinkbord voor 1994 gekry, met komplimente van die huidige onwelkome belastingbetaler. Mens het hoeka nie respek of waardering vir goed waarvoor jy nie self gewerk het nie. Die enigste gevolgtrekking wat mens hieruit kan maak, is dat die vorige bedeling se pogings tot medemenslikheid en ontferming teenoor die armes ‘n onding was, wat regstreeks tot die huidige vernielsugtigheid het. Dit was ongetwyfeld ‘n wrede, rassistiese komplot deur die neo-imperiale blanke onderdrukkers om grootskeepse ondankbaarheid onder die huidige besitters van die land te kweek, deur vir hulle infrastruktuur te verskaf waarvoor hulle nie self nodig gehad het om te betaal nie.

Dit is, kortom, apartheid en witmense se skuld dat Pretoria se middestad smerig is en die biblioteek in Standerton afgebrand is.

Lees ook Anton Barnard se woernaal, SAmizdat.

VF+ wil met plaaslike ANC oor ‘Pretoria’ praat

Die Vryheidsfront Plus het uitsprake van die plaaslike ANC in Pretoria verwelkom waarin hulle erken het dat die naam van die hoofstad Pretoria is.

Die voorsitter van die ANC se Tshwane-distrik, Sputla Ramokgopa, het aangedui dat Pretoria se naam nie sonder meer verander sal word nie.

Volgens dr. Conrad Beyers, VF Plus-raadslid, is hierdie ‘n oorwinning vir Pretorianers en ‘n wekroep dat druk verder verskerp moet word om die naam van die stad te beskerm.

“Die plaaslike ANC is onder druk vanweë die stad se finansiële krisis en hulle eie ondersteuners maak dit aan hulle duidelik dat hulle dienslewering soek, nie naamsveranderinge nie. Die plaaslike ANC is duidelik verdeeld oor die naamkwessie,” het Beyers gesê.

Die VF Plus het die ANC-beheerde metroraad vroeër daarvan beskuldig dat die raad probeer om aandag af te lei van die finansiële krisis waarin hulle die stad gedompel het, nadat die metroraad die VF Plus voor die hof gedaag het om toestemming te kry om naamborde wat slegs die naam ‘Tshwane’ bevat, op te rig.

Die VF Plus het gesê dat hy in gesprek wil tree met die plaaslike leierskap van die ANC oor ‘n moontlike finale oplossing vir die naamkwessie. “Ons glo dat ‘n permanente oplossing moontlik is waarmee alle inwoners in die stad tevrede sal wees. Pretoria het die geleentheid om ‘n voorbeeld te stel oor hoe sensitiewe sake soos hierdie hanteer behoort te word.”

mositaldent.ru topcargo

Kop op die blok s?: Haaie gaan vertrap word op Loftus

Gustav Venter

‘n Haai swem nie so lekker op droë grond nie. En die ongemak kan ‘n foltering word as die vis boonop deur ‘n trop beeste vertrap word. Dít is wat Stefan Terblanche môre gaan leer wanneer hulle, dorsale vinne pronkend na ‘n paar wenslae, die Blou Bulle tussen die horings op Loftus moet kyk.

Protesteer soos wat Haaie-afrigter John Plumtree wil, sy span neem te veel dinge vanselfsprekend aan. Die vernaamste daarvan is dat die plaasvervangers wat die Pretoriaanse Springbokke se plekke moet warm hou, nie die Blou Bul-rugbyfilosofie mooi ingestudeer het nie. ‘n Mens kan hierdie mistasting verstaan: Die Bulle het deurtrek met stywesiekte gelyk teen die Leeus en die WP. Frans Ludeke is egter ‘n boer wat al hoe meer tuis lyk in die bulkraal en hy weet wat die regte doepa is om slym uit die oë en stramheid uit die spiere te verdryf.

Vir die Haaie om te wen, moet hulle ‘n voorpak geskoei op ‘n tradisionele voorspelerlees tem, en dit is juis hier waar hulle gaan vasval. Daar is min te kies tussen die voorrye, maar van daar af is die Blou Bulle die ene brahmaan. Dit is veral te betwyfel of die Haaie se basketbaltipe slotte, Albert van den Bergh en Steven Sykes, die brekerbenadering van Wilhelm Steenkamp en Flip van der Merwe sal kan weerstaan. En hoewel die Haaie ‘n gebalanseerde losdrietal, vol flair en werksywer, het, sal Pedrie Wannenburg hulle te gereeld terugdryf, sal Dewald Potgieter se kortpadrugby hulle verskrik en sal Deon Stegmann net te veel balle van hulle af wegbrüssouw.

Die Haaie floreer as daar bloed in die water is, wanneer die spel losrafel en goedkoop balle rondlê van waar hulle tussen ongeorganiseerde agterspelers kan inkom. Die Blou Bulle se agterlyn het egter te veel struktuur. Burton Francis verstaan die bestanddele van die Blou-Bul-resep al hoe beter en weet hoe om die pap aan te maak. Nie net sal die Pretoorsdorpers se agterlyn nie in die verdediging skiet gee nie, hulle het genoeg karwatskrag om self pak uit te deel, met veral Jaco Pretorius wat nou wys dat hy weer begin verstaan waar die doellyn is.

Praag se voorspelling: Die Haaie se drie drieë is te min om ‘n Blou-Bul-oorwinning te keer.

Kundigheid kan Pretoria se finansies herstel

Conrad Beyers

Die Vryheidsfront Plus het in ‘n verklaring gesê dat die party oor die vermoë en strategiese kontakte beskik om die Tshwane-metroraad se geldsake te help herstel, indien die party die geleentheid gegun word.

Die VF Plus het gesê dat langtermyn-oplossings, eerder as korttermyn-krisisbestuur, benodig word om finansiële vertroue in die metroraad te herstel.

Volgens dr. Conrad Beyers, VF Plus-raadslid, is die metroraad se huidige finansiële verknorsing te wyte aan swak bestuur en ‘n afwesigheid van toekomsbeplanning, wat die gevolg is van ‘n ernstige tekort aan kundigheid in die metroraad se finansiële department.

“Die VF Plus bied aan om die nodige kundigheid te help mobiliseer ten einde die stad op finansiële gebied te red. Ons het ‘n keuse – ons kan aanhou histeries skree en gil sonder enige resultate en soos die DA hoop dat alles in duie stort. As die stad egter in duie stort, sit almal sonder water en ligte. Of ons kan probeer red wat te redde is,” het Beyers gesê.

Die VF Plus het gesê die verhoging van die stadsraad se oortrokke fasiliteit vanaf R500 miljoen tot R1.2 miljard is onverantwoordelik vanweë die risiko’s daaraan verbonde.

Volgens Beyers is dit onhoudbaar dat enige instansie se oortrokke fasiliteit byna 10% van die totale begroting uitmaak. Buiten die hoë koste van sulke korttermyn-finansiering is daar groot risiko’s aan verbonde. Indien die finansierders bekommerd raak oor die sekuriteit van hulle fondse, kan hulle eis dat oortrokke skuld onmiddellik terugbetaal word. Gevolglike beslaglegging op die munisipaliteit se kontant kan tot ‘n totale ineenstorting lei.

Die VF Plus is tans in gesprek met verskeie organisasies wat oor die vermoë beskik om finansiële kundigheid te mobiliseer. Die VF Plus self beskik oor mense met sterk agtergrond in finansiële bestuur en aktuariële wetenskap.

Die VF Plus beskik oor ‘n databasis van kundiges wat opgebou is tydens die party se SA Talent-veldtog waarmee die party poog om kundigheid na die staatsdiens terug te bring. Die VF Plus het ook organisasies soos die Afrikanerbond, die Pretoria Sakekamer, die Afrikaanse Handelsinstituut asook ander professionele liggame geïdentifiseer wat hiertoe ‘n bydrae kan maak.

By Donderdag 27 Augustus se raadsvergadering sal die VF Plus die voorstelle ter tafel lê.

Metropolisie in Pretoria se wapens in kroeg gekonfiskeer

Drie metropolisiebeamptes van die sogenaamde "Tshwane"-metroraad se wapens is vroeg vanmore in 'n kroeg in Pretoria gekonfiskeer, het 'n munisipale amptenaar gesê.

"Lede van die publiek het die SA Polisiediens gewaarsku dat drie metropolisiebeamptes so pas die kroeg in volle uniform tydens die vroeë oggendure Dinsdagoggend binnegekom het," het Console Tleane, woordvoerder van die Pretoriase gemeenskapsveiligheidsdepartement gesê.

Die polisie wat na die kroeg ontbied is, het die metropolisiemanne se wapens gekonfiskeer alvorens hulle "vrygelaat" is.

"Die metropolisie se regsafdeling sal die saak ondersoek en mag skorsing aanbeveel met die oog op 'n klag dat die departement se reputasie geskend is," het Tleane gesê.

Volgens hom word daar van polisielede verwag om te alle tye, veral as hulle aan diens is, die naam van die departement en die polisiediens in die algemeen hoog te hou.

"'n Polisie-uniform moet geag word en die waardigheid van die persoon wat dit dra, moet bo alle verdenking wees."

play online