Afrikaanse nuus – Bladsy 21

Plaasaanvallers plunder huis in Delmasdistrik

Drie swartes het ‘n jong egpaar op hul plaas buite Sundra in die Delmas-distrik aangeval.

Die drie het gedreig om die ma te verkrag en ’n vuurwapen teen die pa se kop gedruk, het Netwerk24 berig.

Gideon Steenberg (38) en sy vrou, Annetjie (30), se seun Ronaldo was nie tuis ten tyde van die voorval nie.

Gideon het wakker geword van een van die aanvallers se selfoonflits. Twee van die swartes het .38-Special-rewolwer en ’n 9 mm-pistool teen sy kop gedruk.

Die derde aanvaller was ongewapen.

Hulle het die egpaar vasgebind en die huis byna volledig geplunder.

Aanvallers steek plaashuis aan die brand

Aanvallers het Saterdagnag ‘n plaashuis in die Biesiesvlei-omgewing in Noordwes aan die brand gesteek.

‘n Voorman van die eienaar Herman Conradie het in die huis gewoon.

Rudi Thiart en sy gesin was nie tuis toe huis aan die brand gesteek is nie.

Thiart se honde is twee weke gelede vermoedelik deur dieselfde aanvallers vergiftig, het Netwerk24 berig.

Die aanvallers het met gesteelde goedere in Conradie se bakkie gevlug, maar het later met die voertuig verongeluk.

‘n Polisiewoordvoerder, sê niemand is nog in hegtenis geneem nie.

Plaasaanval-verhoorafwagtendes ontsnap

‘n Interne ondersoek is ingestel nadat vier verhoorafwagtende mans uit ‘n polisievangwa in Brits, Noordwes, ontsnap het.

Die polisie is steeds op soek na die vier swartes wat as gevaarlik beskryf word.

Gontse Lubisi, Gibson Msimango, Chris Sithole en Alfonso Mpofu het in die ry op die N4-snelweg uit die vangwa gespring.

Sithole en Mpofu staan saam met twee ander tereg op vier aanklagte van verkragting, een van moord en een van roof.

Polisiewoordvoerder, Leonard Hlathi, sê die moontlikheid dat Lubisi en Msimango betrokke was by ‘n plaasaanval in Noordwes waartydens ‘n bejaarde egpaar vasgebind en gemartel is, word nog ondersoek.

Maties skors 2 studentes vir pers, nie eens swart gesigte

Die Universiteit van Stellenbosch het sy strewe na kulturele marxisme en politieke korrektheid tot ‘n nuwe hoogtepunt te voer deur twee studentes van die Heemstede-koshuis te skors omdat hulle hul gesigte vir ‘n partytjie pers geverf het, blykbaar om soos wesens uit die buitenste ruim te lyk. In ‘n drakoniese stap is die studentes met onmiddellike ingang geskors terwyl die universiteit vandag die volgende verklaring uitgereik het:

Twee vrouestudente is uit die Heemstede-koshuis van die Universiteit Stellenbosch (US) geskors terwyl ŉ ondersoek aan die gang is na ŉ ‘blackface’-voorval by ŉ verwelkomingsgeleentheid vroeër vandeesweek. Een van die studente is ook van haar rol as studentementor onthef.

Die Universiteit het vinnig opgetree nadat die Bestuur Vrydag (5 Februarie 2016) oor die voorval ingelig is. Die saak is onmiddellik aangemeld by die US se Eenheid vir Gelykwaardigheid wat onlangs gevestig is om alle vorme van onbillike diskriminasie te ondersoek, en dit is ook by Sentrale Dissiplinêre Komitee aangemeld.

Studente het Vrydagaand by ŉ vergadering in Heemstede hul woede, misnoeë en seerkry ná die voorval bespreek. Die geleentheid is bygewoon deur ŉ groot groep studente, die Studenteraad (SR), die koshuis se huiskomitee, inwoners van Heemstede en universiteitspersoneel, onder andere ook prof Nico Koopman, Waarnemende Viserektor: Sosiale Impak, Transformasie en Personeel, en prof Arnold Skoonwinkel, Viserektor: Leer en Onderrig. Gesprekke het tot diep in die nag voortgeduur. Alle huiskomitees van universiteitskoshuise is intussen ook versoek om teen Sondagaand oop en eerlike gesprekke te voer, en om die impak van sulke voorvalle aan koshuisinwoners te verduidelik.

Met verwysing na die Heemstede-voorval, het die Fakulteit Regsgeleerdheid intussen ‘n verklaring uitgereik waarin hulle sê dat hulle met kommer kennis neem van die beweerde betrokkenheid van ‘n Stellenbosse regstudent in ‘n ‘blackface’-voorval op kampus gedurende die week. “Die relevante Universiteitstrukture is tans besig met ‘n ondersoek. Die Fakulteit sal ‘n verdere verklaring uitreik so gou as wat verdere inligting ontvang word,” lui die verklaring.

In die lig van ŉ soortgelyke insident in 2014, sowel as die nasionale debat oor rassisme in ons land, beskou die US-bestuur die situasie in ŉ baie ernstige lig. Die Bestuur veroordeel alle vorm van rassisme en diskriminasie, en erken die ernstige negatiewe uitwerking van die trauma en seerkry op studente, personeel en lede van die publiek.

Nuwe boikotplan om sukkelende organisasie te help

AfriForum Jeug wil soos die EFF ‘n boikot uitroep, maar Afrikaanse studente gaan die gelag betaal.

Die organisasie het ‘n beroep gedoen op alle studente wat in Afrikaans onderrig word of onderrig wil word, om tot Junie vanjaar geen klasgelde te betaal nie.

Woordvoerder, Ian Cameron, sê ‘n vyfpuntplan, wat deel is van die organisasie se RedAfrikaans-veldtog, is vandag bekend gemaak. Hy sê die veldtog is daar om studente bewus te maak en aan te moedig om op hul regte te staan.

Die plan behels onder meer die uitbreiding van AfriForum se takke by universiteite wat tans min aftrek kry.

Cameron sê studente gaan ook gemobiliseer word “sonder dat konflik aangemoedig word”. As Afrikaanssprekende studente geïntimideer word moet hulle weet dié organisasie is daar om hulle te ondersteun.

“Dit volgens ons is nie aanvaarbaar nie. Ons het ‘n reg soos enige ander student om in ons moedertaal te studeer.”

Hy sê die EFF se dreigemente dat daar met Afrikaans weggedoen gaan word by universiteite omdat Engelse-klasse nie op standaard is nie, is nie logies nie. “Ons is hier om te bly en daarom is die vyfpuntplan bekendgemaak.”

Afriforum, wat deel is van Solidariteit, het hul eie akademiese instelling by name Akademia. Hulle hoop kennelik dat die boikotplan hul eie onderneming sal aanhelp.

Vir studente is dit ‘n risiko omdat die bestaande universiteite hulle eenvoudig sal uitskop en hulle sodoende hul studies sal moet verleng.

De Klerk, Vlok staar strafregtelike aanklagte oor apartheidsmisdade in die gesig

Die kollektiewe skuld wat Afrikaners moet verduur oor apartheid, het uiteindelik ‘n gesig of twee gekry.

Die Anti-Racism Action Forum (ARAF) sal Woensdag tot die logiese stap oorgaan om die apartheidspresident FW de Klerk van verskeie apartheidsmisdade aan te kla.

Die oud-president en Nobelvredespryswenner het voorheen klaarblyklik geglo sy eie veroordelings van “rassiste” en “apartheidsapologete” sal hom kwytskeld van sulke aanklagte.

De Klerk het reeds by herhaling aangedui dat hy hyself gekant was teen apartheid en dit by talle geleenthede ten sterkste veroordeel.

Hy het tewens om daardie rede die hele land aan die ANC se meerderheidstirannie oorhandig sonder slag of stoot.

Dit is daarom net logies dat ten minste 22 strafregtelike aanklagte teen die voormalige staatspresident asook die voormalige minister van polisie, Adrian Vlok ingedien is, aangesien hulle self die verantwoordelik aanvaar het vir wat beskou word as ‘n bose stelsel.

Die Forum, wat homself met dié optrede bekendstel, sê die aanklagte gaan by Hillbrow-polisiekantoor ingedien word.

Die organisasie sê die aanklagte handel oor misdade waarvoor die twee nie amnestie ontvang het nie.

‘n Woordvoerder, Zandi Radebe sê daar is steeds mense wat nie verantwoordbaar gehou word vir die ongeregtighede van die verlede nie.

De Klerk het vroeër gesê diegene wat hom van menseregteskendings wil aankla, moet voortgaan om dit te doen.

Hy sê hy is twee keer deur elemente in, of lede van die Waarheid- en Versoeningskommissie voor die hof gedaag oor beweerde skending van menseregte.

De Klerk sê hy het een van die sake gewen, terwyl die tweede saak teruggetrek is.

Hy sê egter hy kan nie namens voetewasser Vlok oor die organisasie se planne praat nie.

Twee wit studente se eise teen Kovsies van die hand gewys

Twee wit studente se eise, wat ondermeer laster insluit, teen die Universiteit van die Vrystaat het nie geslaag nie. Afriforum het die regsgeding behartig.

Die universiteit het oor hul oorwinning gekraai en gesê die saak teen twee van sy voormalige studente word beskou as afgehandel.

Cobus Muller en Charl Blom het in twee afsonderlike sake elk vyf miljoen rand van die universiteit vir onder meer laster en skadevergoeding geëis.

Die hof het dié week die eise met koste van die hand gewys.

Muller en Blom het die eise ingestel nadat die hof die twee onskuldig bevind het op aanklagte van poging tot moord en aanranding.

Die twee is twee jaar gelede by van rassisme beskuldig deur ‘n swart leuenaar na sy versinsels oor ‘n beweerde voorval op die kampus.

Die rektor, Jonathan Jansen, het dadelik die swarte se weergawe van die beweerde insident aanvaar en die wittes veroordeel.

Muzi Damane Gwebu, het beweer hy is omgery en daarna aangerand by die Universiteit van die Vrystaat, en gesê dit is nie die eerste keer dat hy rassistiese mishandeling op die Bloemfontein-kampus moes verduur nie.

Die Menseregtekommissie kon egter bewyse van die beweerde rassisme teen Gwebu kry nie.

Twee verdagtes van Rouxville-plaasmoord verskyn vandag

RSG berig dat die saak teen twee verdagtes in die Rouxville-plaasmoord, tot vandag uitgestel is vir verdere ondersoek.

Thabang Jordan en Ngalekile Zamayo is in hegtenis geneem nadat Bennie Cilliers verlede week dood en sy vrou Cecilia ernstig beseer is in die aanval.

Die verdagtes word aangekla van moord, poging tot moord, roof en voertuigdiefstal.

Jordan is ‘n voormalige werknemer van Cilliers.

Die egpaar is in hulle slaapkamer aangeval.

Volgens die polisie is Cecelia Cilliers steeds in ‘n kritieke toestand in die hospitaal in Bloemfontein.

Die verdagtes is Vrydagaand in hegtenis geneem en gesteelde goedere is in hulle besit gevind.

Bejaarde oorleef plaasaanval naby Brits

n Bejaarde vrou van Brits is steeds geskok nadat sy Sondagoggend ‘n plaasaanval oorleef het.

Die 83-jarige mev. Steyn is deur drie swartes in haar kothuis oorval.

Volgens Steyn het die aanvallers die huis geken. Twee het handwapens op haar gerig en die ander een het haar vasgebind met ‘n elektriese kabel.

Die aanvallers was glo woedend omdat die pensioentrekker nie meer geld gehad het nie. Hulle het ander items gesteel en daarna op die vlug geslaan.

Sy het egter daarin geslaag om later hulp te ontbied.

Dit is die tweede aanval in minder as ‘n week in die Klipkop-omgewing.

Die Van der Walt-gesin is op 26 Januarie deur vier gewapende swartes oorval, aangehou en beroof.

Vrou steeds kritiek na swart aanvallers boer skiet

Twee swartes sal na verwagting vandag in die hof verskyn in verband met die moord op ‘n boer van Rouxville, dr Bennie Cilliers.

Cilliers en sy vrou, Cecilia, is Donderdag aangeval op hul plaas buite Rouxville.

Cecilia verkeer steeds in ‘n kritieke maar stabiele toestand in die waakeenheid van die Mediclinic in Bloemfontein.

Sy is erg aangerand en het frakture aan haar skedel, linkerarm, ribbes asook sagte weefsel beserings.

Die Vrystaat se polisiewoordvoerder, Yanga Ngcukana, sê die twee mans is Vrydagnag in hegtenis geneem in Bloemfontein.

Hulle sal binnekort in die Smithfield-landdroshof op aanklagte van moord, poging tot moord en diefstal verskyn.

‘n Woordvoerder van die hospitaal, Amanda Appelgryn, sê Cecilia is nie geskiet nie, soos voorheen berig.

Cecilia is waarskynlik met ‘n stomp voorwerp aangerand Donderdagnag op hul plaas langs die Caledonrivier.

Bennie is op die toneel dood verklaar, terwyl Cecilia per lugambulans na die Mediclinic Bloemfontein gevlieg is.

Die polisie sê ‘n plaaswerker het Vrydagoggend op die egpaar in hul huis afgekom.

Appelgryn sê Cecelia is aan ‘n ventilator gekoppel. ‘n Drukmonitor is Vrydagaand in haar skedel geplaas en ‘n ortopediese prosedure is op haar linkerarm uitgevoer.

‘n Roudiens vir Bennie sal voorlopig Vrydag om 11:00 op Rouxville gehou word.

Vryheidsliewende predikant dood op sy plaas aangetref

Die lyk van dr. Steyn Steenekamp is op sy plaas in die Mooinooi-omgewing op Sondag, 31 Januarie 2016 ontdek.

Na verneem word was sy hande en voete vasgebind en hy was reeds ‘n paar dae oorlede. Sy voertuig, ‘n wit bakkie, word steeds vermis.

Dr. Steenekamp, opgelei as predikant en ook in die sosiale wetenskappe, het die bediening jare gelede verlaat en voor 1994 by die RGN (Raad vir Geesteswetenskaplike Navorsing) gewerk.

Daarna was hy een van die wetenskaplikes wat navorsing vir die destydse Volkstaatraad gedoen het. Hy was tot onlangs betrokke by die VVK.

Sy eggenote, Bets, is ‘n geliefde sopraan, is bekend vir haar aanbieding van ‘n klassieke musiekprogram op Pretoria FM.

Akademie bekommerd oor outonomie van universiteite

Die Suid-Afrikaanse Akademie vir Wetenskap en Kuns het sy bedenkinge uitgespreek oor die voorgestelde Wysigingswet op Hoër Onderwys.

Die wet sal beteken dat universiteite se vryheid om hulle eie taalbeleid te bepaal, ingeperk kan word.

Die Akademie sê dit maak inbreuk op die outonomie van tersiêre instellings in Suid-Afrika.

Die Akademie het ook die departement se deskundigheid en bevoegdheid om te bepaal wat die spesifieke taalomstandighede van ‘n instelling is, in twyfel getrek.

Hulle sê die gevaar bestaan dat magspolitieke oorwegings by die bepaling van taalbeleid ‘n rol sal speel.

Universiteite gaan sedert verlede jaar gebuk onder voortslepende swart oproer wat ondermeer ook taal insluit.

By die Universiteit van Stellenbosch het swart studente beswaar gemaak teen Afrikaans. Swart studente beweer hulle word “uitgesluit” deur taal.

Intussen verskyn 43 studente van die Kaapse Skiereiland Universiteit van Tegnologie vandag in die landdroshof in Bellville op aanklagte van openbare geweld.

Die aanklagte hou verband met die Fees Must Fall-betogings verlede jaar. Tydens hulle vorige hofverskyning is borgtog van drieduisend rand elk aan hulle toegestaan.

Hulle is ook verbied om personeel en getuies te intimideer.

Die universiteit het vanjaar heropen sonder enige voorvalle en studente het die eksamens afgelê wat verlede jaar uitgestel is.

Trekker in diep modder maak boer se hart bly

‘n Mielieboer van Bultfontein in die Vrystaat is so dankbaar oor die welkome reën vandeesweek dat hy Maandag met blydskap in sy hart en ‘n hup in sy stap sy trekker, wat in sy nat landerye vasgeval het, uitgetrek het.

Michris Janse van Rensburg het daarna op sy Facebook-blad ‘n foto geplaas waar hy en een van sy plaaswerkers spook om die trekker uit die modder te kry, het OFM berig.

Hy sê dit was ‘n droë seisoen waarin hy nie betyds mielies kon aanplant nie. Sedert September verlede jaar tot Woensdag het dit slegs 20mm gereën.

Janse van Rensburg het verlede week ná ‘n bui reën van sowat 12mm ‘n kans gewaag en 60ha mielies geplant, al was dit té laat daarvoor. Na die bui van 40mm was daar weer hoop. Hy sê al het sy trekker vasgeval, was dié gesukkel die moeite werd.

“ ’n Mens is amper in trane, want gewoonlik as ‘n trekker vasval, beteken dit moeilikheid.”

Hy het egter nie omgegee om te sukkel nie en het met ‘n glimlag die foto van sy gesukkel met sy trekker geneem. “Dit gaan oor daai gevoel van blydskap, want nou kan ons die oorlog aanpak.”

Hy sê voor die goeie bui reën gister was hy op moedverloor se vlakte. Hy het ‘n kans gewaag en mielies geplant, maar diep in sy hart het hy geweet hy maak ‘n fout. Dit gaan egter om geloof, sê hy.

Janse van Rensburg vertel selfs die plaaswerker wat die trekker bestuur het, was skoon verskrik oor die nat toestande, omdat hulle nie meer gewoond aan reën is nie.

Hulle het later die trekker met ‘n ander trekker uitgetrek. Janse van Rensburg gaan nou sonneblom aanplant.

Suid-Afrikaanse Menseregtekommissie weier om in Afrikaans te kommunikeer

Die mediawoordvoerder van die Suid-Afrikaanse Menseregtekommissie, Isaac Mangena, weier om in Afrikaans te kommunikeer. Hy gebruik slegs Engels, of anders antwoord hy op Noord-Sotho wanneer vrae aan hom in Afrikaans gestel word.

Dr. Dan Roodt van PRAAG (die Pro-Afrikaanse Aksiegroep) het verlede jaar, asook verlede week, versoeke om inligting aan Mangena gestuur vir publikasie op die PRAAG-webblad, waarna Mangena weereens in Noord-Sotho geantwoord het.

“Ons aanvaar nie hierdie behandeling nie,” sê dr. Roodt. “Ons siening is dat Afrikaans die oorspronklike taal van Suid-Afrika is. In die Transvaal en die Vrystaat is Engels ‘n onlangse immigrantetaal, net soos Noord-Sotho of Pedi. In elk geval is ons hoofkantoor in die Transvaal en ons dring daarop aan dat daar aan die Verdrag van Vereeniging van 1902, asook ‘n hele rits internasionale verdrae, benewens nog FW en Roelf se patetiese grondwet van 1996, gehoor gegee word.”

Die Menseregtekommissie is veronderstel om na die menseregte van Suid-Afrikaners om te sien. “Maar hier word taalregte vertrap deur dieselfde liggaam as wat veronderstel is om oor ons regte te waak. Dis totaal absurd!” sê Roodt.

Nie net PRAAG nie, maar al die Afrikaanse media word deur die MRK se weiering om vrae in Afrikaans te beantwoord, geraak. Daarom gaan die organisasie “dringend en indringend die kwessie ondersoek”, met die oog op optrede om die MRK te dwing om Afrikaans te gebruik.

“Ons wil nie onnodig ons tyd met hofsake mors nie, en ons is reeds in ‘n geding met die departement van kuns en kultuur, asook die departement van omgewingsake betrokke rondom hul weiering om erkenning aan Afrikaans te gee,” sê Roodt. “Maar vir seker buig geen Afrikaner voor ‘n Pedi nie, of hy nou ‘n Pedi-Pedi of ‘n Engelse Pedi is. Met dié dat Paul Kruger so in die nuus is, moet die Pedi’s dalk bietjie gaan oplees oor hoe hy dié beginsel telkemale gedemonstreer het.”

Benewens ‘n hofaansoek teen die MRK, sal PRAAG ook klagtes by internasionale organisasies aanhangig maak. Die organisasie voer uitgebreide korrespondensie met internasionale organisasies wat mense- en taalregte betref. “Die Menseregtekommissie kan hom maar regmaak vir ‘n PRAAG-aksie,” sê Roodt. “Toe ons in 2000 gestig is, het iemand geskerts dat ons leuse moet wees, ‘na aksie, satisfaksie’. Vir seker gaan ons die saak nie hier laat nie.”

PRAAG sal ook ‘n e-petisie teen die SAMRK loods. “Ek is lus en stel die stelsel só dat elke e-pos in die inmandjie van Mangena, asook elke menseregtekommissaris beland. Dan sal hulle miskien twee keer dink oor hul anglofilie en pedifilie,” sê Roodt.

PRAAG beplan ook om ‘n eis van etlike miljard rand teen die ANC-SAKP-bewind in te stel vir skade aan die Afrikaanse taal en kultuur. “Ons wil reparasies hê vir dít wat Afrikaans aangedoen is,” sê Roodt. “Die verdrukker moet betaal.”

Besonderhede oor die eis teen die ANC-SAKP-bewind sal binnekort bekendgemaak word.