praag.co.za

Nuwe boikotplan om sukkelende organisasie te help

Written by

praag

in

,

AfriForum Jeug wil soos die EFF ‘n boikot uitroep, maar Afrikaanse studente gaan die gelag betaal.

Die organisasie het ‘n beroep gedoen op alle studente wat in Afrikaans onderrig word of onderrig wil word, om tot Junie vanjaar geen klasgelde te betaal nie.

Woordvoerder, Ian Cameron, sê ‘n vyfpuntplan, wat deel is van die organisasie se RedAfrikaans-veldtog, is vandag bekend gemaak. Hy sê die veldtog is daar om studente bewus te maak en aan te moedig om op hul regte te staan.

Die plan behels onder meer die uitbreiding van AfriForum se takke by universiteite wat tans min aftrek kry.

Cameron sê studente gaan ook gemobiliseer word “sonder dat konflik aangemoedig word”. As Afrikaanssprekende studente geïntimideer word moet hulle weet dié organisasie is daar om hulle te ondersteun.

“Dit volgens ons is nie aanvaarbaar nie. Ons het ‘n reg soos enige ander student om in ons moedertaal te studeer.”

Hy sê die EFF se dreigemente dat daar met Afrikaans weggedoen gaan word by universiteite omdat Engelse-klasse nie op standaard is nie, is nie logies nie. “Ons is hier om te bly en daarom is die vyfpuntplan bekendgemaak.”

Afriforum, wat deel is van Solidariteit, het hul eie akademiese instelling by name Akademia. Hulle hoop kennelik dat die boikotplan hul eie onderneming sal aanhelp.

Vir studente is dit ‘n risiko omdat die bestaande universiteite hulle eenvoudig sal uitskop en hulle sodoende hul studies sal moet verleng.

Comments

4 responses to “Nuwe boikotplan om sukkelende organisasie te help”

  1. Loeis Pretorius Avatar
    Loeis Pretorius

    As genoeg studente deelneem, kan Cameron se plan werk.

    Dink julle regtig ‘n universiteit sal bv ‘n duisend studente inlig dat hul registrasie beëindig is, terwyl daar ‘n behoorlike proses gevoer word?

    1. G Avatar
      G

      Daardie “behoorlike proses” het toe nie vir die twee wit Kovsie studente so goed gewerk nie. Afriforum is gek want hulle kan nie die uitkoms of die risiko beheer nie. Hulle soek wit/swart konflik op die kampusse, dis al.

    2. Rooikop Avatar
      Rooikop

      Ja hulle sal. Onthou die wat Afrikaans voorstaan is blank. Dieselfde reëls geld nie vir die verskillende groepe nie.

  2. Rooikop Avatar
    Rooikop

    Al wat die universiteite gaan doen is om die studente summier te skors weens wanbetaling. Die enigste ding wat moontlik sal werk is om soos die ander belhamels die plek te verniel maar diekeer sal daar ook weer ‘n voorbeeld van die mense gemaak word en hulle vervolg tot in die n’de graad, anders as in die geval van die belhamels.
    Afriforum lei hierdie lammers ter slagting.

Leave a Reply

More posts