Nuus – Bladsy 39 – praag.co.za

Eskom skakel weer die ligte aan

Eskom het die kragonderbrekings na munisipaliteite wat die kragvoorsiener geld skuld, tydelik gestaak. Die kragverskaffer het Maandag met die kragonderbrekings begin en dit Donderdag laat vaar.

Die munisipaliteite skuld al byna R12 miljard. Die ANC is bekommerd dat Eskom se yslike skuldlas Suid-Afrika se kredietgradering negatief kan raak.

Nadat die minister van Openbare Ondernemings, Lynne Brown, ingegryp het, brand die ligte weer na ‘n duur, nuttelose hofsaak wat haar wou oorreed tot dié stap maar misluk het.

Brown het in ‘n verklaring gesê Eskom, die department van Openbare Ondernemings en die Suid-Afrikaanse Plaaslike Regeringsvereniging het ‘n ooreenkoms bereik om munisipaliteite nog tot die einde van die maand te gun om hul agterstallige rekeninge te betaal.

Sy sê die kragonderbrekings het ‘n moontlike rampspoedige uitwerking op sakeondernemings, wat ook tot werkverliese kan lei. Sy het ook onverwags haar simpatie ontdek vir diegene wat wel betaal.

Drie munisipaliteite in Noordwes – Naledi, Lekwa-Teemane en Kgetlengrivier – en twee in die Noord-Kaap – Ubuntu en Renosterberg – is Donderdag nog aan daaglikse kragonderbrekings van vier ure lank onderwerp weens skuld van miljoene rande aan Eskom.

Nóg 10 munisipaliteite in sentraal-Suid-Afrika, wat ook agterstallige rekeninge het, het voor Maandag se spertyd betalingsooreenkomste met Eskom aangegaan.

Trump sê hy gaan aanhou twiet

Die gebruik van Twitter is die enigste manier om oneerlike media teen te werk, het die nuwe Amerikaanse president Donald Trump gesê tydens ‘n Fox News-onderhoud wat Woensdag uitgesaai is.

“Ek hou nie van twiet nie, ek het ander dinge wat ek kan doen,” het hy opgemerk.

“Maar ek kry baie oneerlike media, baie oneerlike pers. En dit is my enigste manier waarop ek dit kan teenwerk. Wanneer mense wanvoorstellings oor my maak, is ek in staat om dit te sê en dit uit te wys,” het die Amerikaanse verkose president verduidelik en bygevoeg dat “As die pers eerlik, wat dit nie is nie, sou ek absoluut nie Twitter gebruik het nie.”

Daar is historiese voorbeelde van direkte kommunikasie. Iemand soos Franklin D. Roosevelt, het sy kaggel-geselsies baie effektief gebruik om sy kritici by te kom en die pers te omseil.

Ronald Reagan het met openbare ongefiltreerde radio-onderhoude elke Saterdag direk met die bevolking gepraat.

“Tussen Facebook en Twitter, dink ek het ek meer as 40 miljoen mense en dit is ‘n moderne vorm van kommunikasie,” het hy gesê tydens ‘n 7 Desember-onderhoud met NBC. “Ek kry dit baie vinniger uit as ‘n persverklaring. Ek kry dit veel meer eerlik uit as deur oneerlike verslaggewers.”

Die Nederlanders verwys na valse nuus as “nep-nieuws”. Miskien kan Afrikaners by hulle gaan kersopsteek vir die neologisme nepnuus, soos in nepotistiese nuus.

Trump het ‘n punt beet oor betaalde betogers

Donald Trump het ‘n punt beet oor betaalde betogers: Advertensies in meer as 20 Amerikaanse stede bied $2500 per maand aan vir opstokers om hierdie week by die presidensiële inhuldiging te gaan amok maak.

Demand Protest, ‘n San Francisco maatskappy wat homself as die “grootste private voetsoolvlaksteunorganisasie in die Verenigde State van Amerika,” voorhou, het identiese advertensies op 12 Januarie in verskeie stede op Backpage.com geplaas om betogers te werf.

“Kry betaling om te gaan veg teen Trump!” lui die advertensie.

“Ons betaal mense wat reeds polities gemotiveer is om te veg vir die dinge waarin hulle glo. Jy gaan in elk geval tot aksie oor, waarom nie dit doen met ons nie!” Die advertensie lui voorts: “Ons is tans op soek na agente om te help om ‘n sterk boodskap van protes aan die opkomende inhuldiging te stuur.”

Die werk bied ‘n maandelikse fooi van $2500 plus “ons standaard per gebeurtenis betaling van $50/uur, so lank as wat jy deelneem aan ten minste 6 gebeure in ‘n jaar,” sowel as gesondheids-, oog- en tandheelkundige versekering vir voltydse agente.

Kolleges kom landwyd tot stilstand

Die Suid-Afrikaanse studentevereniging vir verdere onderwys en opleiding het vroeër gedreig dat bedrywighede Donderdag by alle TBOO-kolleges landwyd tot ‘n stilstand gedwing moet word.

Die Departement van Hoër Onderwys het ‘n beroep gedoen dat gesprekke met verteenwoordigers van kolleges vir verdere opleiding voortgesit moet word.

Die liggaam eis inligting oor kwessies soos befondsing, infrastruktuur en uitslae en sertifikate wat nog nie uitgereik is nie.

Honderde voormalige studente is werkloos omdat van hulle na bewering tot sewe jaar vir hul sertifikate wag. ‘n Woordvoerder van die departement, Madikwe Mabotha sê die departement is vasbeslote om met alle rolspelers saam te werk om ‘n oplossing te vind.

Safetsa sê die landwye staking sal die opleiding by 265 tegniese, professionele en opleiding (TVET) kolleges raak.

Die vereniging het gesê die regering het sy kommer geïgnoreer, en kolleges sluit dus onbepaald.

Safetsa se Yonke Twani sê onopgeloste kwessies sluit in die vertraging van resultate en hangende sertifikate sedert 2012, onvoldoende befondsing en vertraging van akkommodasie en vervoertoelaes, swak infrastruktuur, ongekwalifiseerde dosente en studenteviktimisasie.

Twani sê hulle praat al jare met die Departement van Hoër Onderwys daaroor.

Hulpagentskappe smokkel glo migrante na Europa

Volgens die organisasie Gefira, het ‘n aantal hulpagentskappe byna 40 000 migrante binne twee maande na Europa gesmokkel.

Amptelik, maak hulle asof hulle migrante in nood red op see. Maar die bewegings van skepe wat aan die hulpagentskappe behoort, het Gefira tot die gevolgtrekking gekom dat hulle eintlik net buite die Libiese kus migrante aan boord te neem.

Die amptelike beskrywing van die daaglikse aktiwiteite van hulpagentskappe is teenstrydig met inligting oor die bewegings van die skip Golfo Azuro, byvoorbeeld. Die vaartuig word gebruik deur die Nederlandse hulpagentskap Stichting Bootvluchting.

‘n Video wys hoe die skip, saam met drie ander skepe van hulpagentskappe, na ‘n punt 8.3 seemyl van die Libiese kus beweeg. Op sy webwerf beweer die hulpagentskap dis na ‘n oproep van die Italiaanse kuswag, maar die twee liggings verskil drasties. Tien uur na die oproep, beweeg ‘n boot van ‘n Libiese hawe reguit in die rigting van die hulpflotilla. Twee seemyl weg van hulle kom dit tot stilstand.

Die volgende dag, word berig op die webwerf van die hulpagentskap, dat hulle ‘n reddingsoperasie uitgevoer het in die Siciliaanse Straat, dit wil sê in die Middellandse See tussen Sicilië en Tunisië, baie verder noord van werklike posisie van die skepe. Met die sogenaamde reddingspoging, het ‘n drie-jarige Nigeriese seun en 17 ander mense glo verdwyn. Die 113 mense wat “gered” is, is nie aan die naaste veilige hawe in Tunisië besorg nie, maar na Sicilië geneem.

Gefira bevraagteken die sogenaamde reddingsoperasies, wat al hoe meer na mensehandel begin lyk. Gefira beweer ook dat die bedrywighede nie moontlik sou wees sonder die toestemming van owerhede nie en noem die volgende organisasies wat daarvan verdink word dat hulle met mense smokkel: MOAS, Jugend Rettet, Stichting Bootvluchting, MsF (Dokters Sonder Grense), Save the Children, Proactiva Open Arms, Sea-Watch.org, See-Eye en Life Boat.

MOAS lyk na ‘n sleutelspeler in hierdie aktiwiteit. Dit is in 2013 gestig deur ‘n Amerikaanse sakeman Chris Catrambone in Malta. Hy het sy loopbaan as ‘n werknemer van die Amerikaanse Kongres begin. Sy maatskappy, Tanger Groep, het sedert 2006 gegroei van ‘n maatskappy met drie werknemers wat betrokke is in Irak, tot vandag, met bedrywighede in 110 lande en ‘n onbekende aantal werknemers. Gefira bevraagteken die manier waarop hierdie sake-onderneming in staat was om soveel inkomste te genereer sodat Catrambone met sy eie geld ‘n skip kon betaal vir MOAS. Een moontlike verklaring kan wees dat die maatskappy ‘n groot inkomste uit “reddingsoperasies” verkry.

MOAS word gelei deur die voormalige Maltese opperbevelvoerder Martin Xuereb en ‘n paar ander personeellede met óf militêre agtergronde in Malta of in private sekuriteit. Sedert MOAS se bedrywighede eindig die immigrante aan wal in Italië en vreemd genoeg nie in die tuishawe van Malta nie.

Gefira is ‘n Nederlandse stigting gefokus op die ontleding van die huidige geopolitieke en finansiële onstabiliteit.

Sal Tajani in die voetspore volg van groot verkwister Martin Schulz?

Martin Schulz was óf ‘n Bollinger Bolsjewistiese of ‘n Foie Gras Federalis. Wat sal die nuwe baas van die EU Antonia Tajani wees?

Tajani het pas sy landgenoot verslaan om die pos oor te neem na ‘n lang stemproses gister in Straatsburg.

EU-grootkop Martin Schulz, en sikofant van oorlede Britse Marxistiese historikus Eric Hobsbawn, is vervang deur Tajani.

Schulz het twee limousines, twee chauffeurs en 33 assistente aangehou, almal betaal deur die belastingbetaler.

Schulz se span het bestaan uit ‘n woordvoerder, vyf persbeamptes en twee dagboek-assistente. Die voormalige alkoholis het ook twee bodes geklee in swart aandpakke aangehou om gaste te groet.

Die voormalige hoof van die EU-Parlement is dikwels daarvan beskuldig deur die kollegas dat hy openbare geld mors, terwyl Schulz geen probleem daarmee gehad het om vir groter bydraes te bedel nie.

‘n EU-verslag van 2015 het aan die lig gebring hoe Duitsland se groot verkwister min agting vir ander mense se geld het.

Die Sosialis het ‘n so ‘n yslike en duur span van personeel aangehou, dat die EU Parlement se begrotingsbeheerkomitee “met kommer kennis geneem het van die groot aantal personeel wat in die kantoor van die president van die Europese Parlement dien, ‘n hoogs twyfelagtige bestuursbesluit”.

“Dit skep ‘n slegte voorbeeld vir kostevermindering en fiskale verantwoordelikheid in die Parlement,” het hulle bygevoeg. Die lede ook sy behoefte aan twee baie duur motors bevraagteken.

Voormalige UKIP-leier Nigel Farage het opgemerk: “Die Koningin van Skeba het waarskynlik minder personeel gehad, beslis minder chauffeurs. Ek kan nie besluit of Martin Schulz ‘n Bollinger Bolsjewis of ‘n Foie Gras Federalis is nie. Wat hierdie verslag toon is dat die president van die Europese Parlement agter EU-sous aan is. Hy is lief vir die EU, want dit baat hom persoonlik.”

Hy is ook beskuldig van politieke baantjies vir boeties na die uitdeel van top administratiewe poste in die Parlement aan lede van sy persoonlike personeel, het The Daily Mail berig.

SABC grom vir Multichoice

Die ad hoc-komitee oor die SABC beveel in ‘n werksdokument aan dat die transaksie met die betaaltelevisiemaatskappy Multichoice aan ‘n forensiese oudit onderwerp word, het RSG berig.

Dit is een van die aanbevelings wat vervat is in ‘n dokument wat in die besit van SABC-nuus is. Die werksdokument is aan die lede van die komitee versprei.

Luidens die verslag was die transaksie van meet af aan omstrede en word dit in die verslag as ‘n verdagte transaksie aangedui.

Die transaksie het onder meer daartoe gelei dat groot hoeveelhede argiefmateriaal aan Multichoice oorgedra is. Die komitee beveel aan dat die forensiese ondersoek die moontlikheid moet insluit dat die transaksie nietig verklaar kan word indien bewyse van ongerymdhede gevind word.

Die ad hoc-komitee het ook aanbeveel dat die ontbinding van die Raad dringend gefinaliseer word. Die komitee wil voorts hê die tussentydse raad moet alle onregmatige besteding en verkwisting by die uitsaaier ondersoek.

Die tussentydse raad moet ook stappe doen om geld wat verkwis of wanbestee is, terug te kry.

Die komitee beveel aan dat die rekenpligtige amptenaar moet toesien dat alle kritieke vakante poste in die finansiële departement en in menslike hulpbonne gevul moet word.

Meer as 40 aanbevelings word gemaak in die dokument van 38 bladsye.

Duitse skrywer wat media ontbloot sterf onverwags

Die joernalis en skrywer Udo Ulfkotte is skielik op die ouderdom van 56 jaar oorlede.

In 2014, het hy opslae gemaak met sy boek “Gekoopte Joernaliste” waarin hy die invloed van die CIA in Duitse hoofstroom media blootgelê het.

Ulfkotte was ‘n ondersteuner van die Pegida-beweging en was krities oor Islamitiese idees. Die omstrede skrywer is na ‘n hartaanval dood.

Hy is Vrydag oorlede, het DPA berig, volgens inligting wat verkry is van sy familie.

Die politieke aktivis het vir baie jare as ‘n joernalis vir die invloedryke Duitse dagblad die Frankfurter Allgemeine Zeitung gewerk.

Hy het later as ‘n vryskutjoernalis opgetree.

By ‘n Pegida-byeenkoms in Dresden, het hy van die dreigende Islamisering veroordeel, nadat vark in Duitse skole en crèches verbied is.

Ulfkotte was ‘n ondersteuners van Thilo Sarrazin oor sy menings rakende migrasie probleme en die vergrype van Islam.

Hy het aan die Leipziger Volkszeitung in 2010 gesê dat die regering “is stapelgek om sulke yslike bedrae aan agterlike immigrante se opvoeding uit te gee”.

Met sy blitsverkoperboek “Gekoopte Joernaliste” het Ulfkotte ‘n groot gehoor bereik. Die publikasie het gefokus op sy eerstehandse ervaring waar kollegas betaal is om op te tree as agente vir die CIA en ander intelligensie-agentskappe.

Die openbaring het bygedra tot die groeiende verlies van vertroue in die pers in Duitsland.

Hy het ook erken het dat hy meegedoen het gedurende sy tyd as ‘n werknemer van die FAZ. Ulfkotte beskryf dit in sy boek, en verduidelik dat sy kollegas ‘n gevaarlike nabyheid aan elite netwerke gehandhaaf het, en beweer dat regeringsagentskappe soos die Bundesnachrichtendienst openlik verslagdoening gedikteer het. Ulfkotte het vir die FAZ gewerk tussen 1986-2003.

Verskeie hoofstroommedia het Ulfkotte se beweringsas “onbetroubare teorieë” en “samesweringsteorieë” probeer afmaak.

Eskom skakel ses munisipaliteite se ligte af

Ses munisipaliteite in Noordwes en die Noord-Kaap staar van môre af daaglikse kragonderbrekings in die gesig indien hulle nie betalingsooreenkomste met Eskom aangaan nie.

Die munisipaliteite skuld Eskom miljarde rande.

In Noordwes sal daar van môre af kragonderbrekings in die Lekwa-Teemane-, Maquassi Hills-, Madibeng-, en Kgetlengrivier-munisipaliteite wees. In die Noord-Kaap sal daar geen krag in die Ubuntu- en Renosterberg-munisipaliteite wees nie.

Die kragtoevoer sal onderbreek word van Maandae tot Vrydae, soggens tussen ses en agt, en smiddae tussen 5-uur en half-agt. Saterdae en Sondae sal die krag af wees tussen half-nege en 11-uur die oggend en 15:00 en half-ses die middae.

Die kragtoever is reeds van gister af tussen daardie tye na die Ventersdorp- en Naledi-munisipaliteite onderbreek. Die Mamusa-munisipaliteit, wat ook kragonderbrekings in die gesig gestaar het, het egter ‘n ooreenkoms met Eskom aangegaan.

Bron: OFM Nuus

Trump gee Navo en Merkel twee ken-opstoppers

In twee afsonderlike onderhoude met Duitsland se Bild en Londen se Sunday Times, het Donald Trump uit sy hoek van die internasionale bokskryt gestorm gekom, met verreikende beleids- en strategie-aankondigings oor NAVO en Merkel.

Trump het aan die Times gesê baie lande gaan die Europese Unie verlaat, as gevolg van die skade wat aangerig is deur die migrasiekrisis. “Ek dink dit is baie moeilik,” het hy gesê. “Mense, lande wil hul eie identiteit behou en die Verenigde Koninkryk wou sy eie identiteit hê.”

Trump het NAVO beskryf as uitgedien, en voorspel dat ander lede van die Europese Unie die Unie binnekort gaan verlaat.

Hy het ook gepraat oor sy standpunt oor Rusland en voorgestel dat hy dalk ekonomiese sanksies teen Vladimir Poetin as hefboom in gesprekke oor kern-ontwapening sal gebruik. Navo, het hy gesê, “het probleme”.

“[NAVO] is uitgedien, eerste, want dit is ontwerp baie, baie jare gelede,” het Bild Trump aangehaal. “In die tweede plek betaal lande nie wat hulle moet nie” en NAVO “het niks teen terrorisme gedoen nie”.

Maar sy mees neerhalende opmerkings was gemik teen die EU en Merkel, wie se oop-grens-beleid ‘n “katastrofiese fout” was volgens hom. Hy het die EU as ‘n instrument van Duitse oorheersing voorgehou met die doel om die VSA te klop in internasionale handel. Om dié rede, het Trump gesê staan hy afsydig teenoor lande wat nie die Unie wil verlaat nie volgens Bild.

Merkel staar ‘n ongekende uitdaging in die gesig van die anti-immigrasie Alternatief vir Duitsland as sy ‘n vierde termyn aanpak, in navolging van vele Afrika diktators wat wil bly klou aan mag.

Trump het opgemerk dat sy Duitsland seergemaak het deur die inlaat van “al hierdie onwettiges” in haar land.

Bloomberg berig dat Trump se kommentaar “min twyfel laat dat hy sal vashou aan veldtogposisies en in sommige gevalle dekades van Amerikaanse buitelandse beleid gaan omkeer, om hom fundamenteel in stryd te bring met die Duitse kanselier Angela Merkel oor kwessies wat vrye handel en vlugtelinge asook sekuriteit en die EU se rol in die wêreld insluit”.

Toe hy gevra is oor die vooruitsig van ‘n vermindering in kerngereedheid teenoor Rusland, het Trump aan die koerant gesê: “Vir een ding, dink ek kernwapens moet baie minder word en aansienlik afgeskaal, dit is ‘n deel daarvan.”

Die nuwe Amerikaanse president het gesê hy wil met Brittanje ‘n “billike” handelsooreenkoms binne weke sluit om te help met Brexit, ‘n “groot ding”. Hy het die Britte geprys dat hulle die EU verlaat het. Mense en lande wil hul eie identiteit behou en wil nie buitestaanders laat instroom om alles te “vernietig” nie, het hy gesê.

Halfmiljard-Cyril gaan kuier in Davos

Adjunkpresident Cyril Ramaphosa, een van die land se 50 rykste mense weens naakte politiekery, sal die Suid-Afrikaanse afvaardiging na die Wêreld Ekonomiese Forum (WEF) lei. Die forum begin môre in Davos in Switersland.

Bykans drieduisend regeringsleiers, sakeleiers en arbeidverteenwoordigers sal byeenkom vir die forum. Die byeenkoms vind plaas te midde van moeilike toestande vir ekonomieë wêreldwyd sowel as politieke onsekerheid vir mense wat nie deur die staalring om die plek kan dring nie.

Die teenwoordiges het dit breed genoeg om nie te hoef te bekommer oor die res nie.

Suid-Afrika sal na verwagting die byeenkoms gebruik as ‘n geleentheid om die land te posisioneer as ‘n voorkeur beleggingsbestemming.

Die Chinese president, Xi Jinping sal na verwagting afgevaardigdes op die eerste dag van die forum toespreek.

Terwyl besluitnemers en baie van die super-rykes hierdie week by die WEF se jaarlikse vergadering in Davos versamel, toon nuwe data dat China en Indië die armste helfte van die wêreld verteenwoordig, armer as wat voorheen beraam is.

Oxfam het kort voor die begin van die Wêreld Ekonomiese Forum gesê die sogenaamde rykdom van die wêreld se armste drie komma ses miljard mense is gelykstaande aan die netto waarde van ses Amerikaanse sakelui, een van Spanje en een van Meksiko.

Die agt sluit in Bill Gates, die medestigter van Facebook, Mark Zuckerberg en die stigter van Amazon, Jeff Bezos.

Die agt mans het dieselfde welvaart as die helfte van die wêreld se bevolking.

Volgens dié internasionale organisasie wat hulle glo beywer vir die beëindiging van armoede, sal dié tendens gemeenskappe uitmekaar skeur.

Davos is deesdae ideologies te arm aan oplossings. Dis basies ‘n rykmansklub wat maak of hulle omgee oor die armes, maar ‘n rekordmaat sjampanje deur hul kele afgooi op soek na “oplossings”.

Kiesers wat Brexit en Trump gekies het, het klaar die oplossings gevind wat die rykes nog na na dekades en duisende liters duur alkohol, steeds ontwyk.

Twee terroriste in SA se visier

Twee vermeende terroriste is onlangs in en na Suid-Afrika in afsonderlike voorvalle vasgetrek, het die Valke Sondag gesê.

In die eerste voorval, is ‘n vermeende ekstremis, wat reis op ‘n paspoort van die Verenigde State van Amerika via Turkye, by die OR Tambo op 16 Desember gevang, het Media24 berig.

“Hy was reeds gemerk deur Interpol,” het die Valke se woordvoerder Hangwani Mulaudzi gesê.

“Hy is toegang tot die land geweier en moes terug na Turkye.”

In die tweede voorval, wat ook plaasgevind het verlede maand, is ‘n Irakse man wat probeer het om te vlieg uit Turkye na Suid-Afrika gekeer. Hy is deurgang geweier deur die Turkse owerhede. Hy is daarna in hegtenis geneem.

“Hulle voel hy huldig ekstremistiese menings… [volgens] hul eie intelligensie,” het Mulaudzi gesê. Suid-Afrikaanse wetstoepassing wag nou vir ‘n verslag van Interpol oor die aangeleentheid om meer besonderhede te bekom.

Die Sunday Times berig dat die Irakse man bedrywig was vir die Islamitiese staat en hy is ‘n bommaker. Die Irakse ambassadeur Saad Kindeel het volgens die koerant gesê dat die man “nie wou kom na Suid-Afrika om vir ISIS te werf nie, maar om ‘n spesifieke teiken wat later aangeval sou word, te identifiseer”.

Intussen het Mulaudzi gesê gesê dat Suid-Afrikaanse amptenare waaksaam bly en skakel met ander wetstoepassingsagentskappe om die bedreigings van terrorisme die hoof te bied.

“Suid-Afrika is nie immuun teen hierdie voorvalle nie.”

Hy het gesê interne bedreigings van terroriste-aktiwiteit kon ook nie geïgnoreer word nie.

Motoriste gewaarsku oor yslike sinkgat in NK

Die Noord-Kaapse departement van openbare werke en paaie sê hulle werk met verskeie rolspelers om die skade en oorsaak van die sinkgat op die R31 tussen Daniëlskuil en Kuruman te bepaal.

Die gat het verlede Woensdag in gietende reën op die plaas Mount Carmel ontstaan, waarna die aanhoudende reën dit verder laat inval het.

Die department het in ‘n verklaring weer eens motoriste aangeraai om van alternatiewe roetes gebruik te maak met 29mm reën wat vir hierdie week in die gebied voorspel word.

Motoriste word aangeraai om die roete om Postmasburg te gebruik. Padtekens is ook aangebring waarop motoriste gemaan word om hul spoed te verminder.

Die gat het verlede Woensdag in gietende reën op die plaas Mount Carmel ontstaan, waarna die aanhoudende reën dit verder laat inval het.

Die sinkgat is op plekke tot 100 meter lank en 30 meter diep en loop tot langs die R31-teerpad.

‘n Ingenieur het intussen gewaarsku dat die krag van water nie onderskat moet word nie, en is van mening dat die pad binnekort deel van die sinkgat kan word en dat die situasie baie ernstig is.

Bron: OFM Nuus

Veediewe in Kimberley nog soek

Die polisie in Kimberley sê niemand is nog in hegtenis geneem nadat 78 skape hierdie week by die Veemark Vleismark in die stad gesteel is nie.

Polisiewoordvoerder, Olebogeng Tawana, sê die skape is Donderdag by die vleismark gesteel.

Hy sê lede van die veediefstaleenheid het die spoor van die veediewe tot so ver as 10 km van die vleismark gevolg waar daar toe op die ingewande van 34 skape afgekom is.

Dit wil voorkom of die booswigte volgens Tawana die karkasse en vel saam met hulle geneem het. Die polisie het Vrydagoggend 21 van die 78 gesteelde skape naby die plaas Eureka gevind.

Tawana sê dat hulle elke leidraad opvolg in ’n poging om die veediewe vas te trek.

Bron: OFM Nuus