Kategorie: Nuus

PRAAG ontvang repliek van UNESCO, wil Kerkplein tot wêrelderfenis verklaar sien

PRAAG (die Pro-Afrikaanse Aksiegroep) het ‘n antwoord van UNESCO, die kulturele afdeling van die Verenigde Nasies, ontvang na aanleiding van ‘n klag wat dié organisasie op 9 April 2015 teen die ANC-regering aanhangig gemaak het nadat die Paul Kruger-standbeeld op Kerkplein gevandaliseer is.

In sy skrywe aan UNESCO (sien PDF-dokumente in Frans hier onder), vra dr. Dan Roodt van PRAAG dat nie net die standbeeld nie, maar die hele Kerkplein tot ‘n wêrelderfenisterrein verklaar word sodat dit die nodige internasionale beskerming kan geniet. Hy versoek insgelyks die bemiddeling van UNESCO om samesprekings tussen die Afrikanerminderheid en die ANC-bewind oor erfenis te reël.

In hul reaksie, verwys die adjunkdirekteur: kultuur van UNESCO, mnr. Alfredo Pérez de Armiñán, die saak na Suid-Afrika se permanente verteenwoordiger by UNESCO, asook na mev. Thumeka Ntloko wat Suid-Afrika se wêrelderfenisbestuur behartig.

Daar is reeds meer as 1300 mense wat PRAAG se aansoek om Kerkplein as ‘n wêrelderfenisgebied geklassifiseer te kry, ondersteun. Die organisasie versoek egter lede van die publiek om die aanlynpetisie op sy webblad www.praag.co.za te teken ten einde nog name by die aansoek te voeg.

PRAAG onderneem om mev. Thumeka Ntloko onverwyld oor die kwessie te nader. “Indien ons nie sommer gou ‘n afspraak met Suid-Afrika se wêrelderfenisbestuurder verkry nie, sal ons ‘n bevoegde hof nader vir ‘n bevel dat sy ons oor Kerkplein te woord moet staan, op grond van die UNESCO-brief, asook Suid-Afrika se verpligtinge kragtens die Wêrelderfeniskonvensie wat hy in 1997 onderteken het,” sê dr. Dan Roodt. “Terselfdertyd sal ons die hof vra om tussentydse maatreëls te tref om Kerkplein en die Krugerstandbeeld te beskerm sodat geen verdere skade aan ons erfenis deur Boerehaat-fanatici aangerig kan word nie.”

email addressed to DG afrikaner Heritage

20150511_ADG response to Dan Roodt

DA mobiliseer op grond van ras

Mmusi Maimane, Helen Zille se opvolger en gunsteling, het die leierskapsstryd by die DA se verkiesingskonferensie in Port Elizabeth met ‘n oorweldigende meerderheid gewen wat daarop dui dat Zille steeds die party agter die skerms sal beheer.

Die 34-jarige Maimane het minder as vyf jaar gelede by die DA aangesluit. Maimane het gister die amptelike opposisie se eerste swart leier geword.

Dit het Sondag duideliker geword dat daar klaarblyklik geen ander projek vir die DA is behalwe verswarting nie. Die DA het wit kiesers gemaan om nie teen verswarting op te staan nie. Die nuutverkose DA-leier sê die party moet daarna streef om “ware nie-rassisme” te bereik.

Hy het ontken dat hy Zille se marionet is. Hy het gereageer op kritici wat gesê het hy is nie “ervare” genoeg om die amptelike opposisie te lei nie.

Hy het gesê hy sal sy eie styl van leierskap na die party bring en niemand sal die toutjies trek agter die skerms nie.

Die byeenkoms het meer aan ‘n sirkus herinner, met lede in blou narre-uitrustings geklee wat onsinnighede en gemeenplase voor die kamera resiteer.

‘n Gillende Zille is luid toegejuig toe sy die aankondiging van Maimane se oorwinning met ‘n ooglopende selfvoldaanheid gemaak het, op ‘n wyse wat Maimane se marionet-status verder beklemtoon het.

Maimane het sonder ironie gewaarsku dat daar geen verdraagsaamheid sal wees teenoor lede van die party wat “op grond van ras mobiliseer nie”. Hy het bygevoeg dat die DA “nie vasgevang moet word in ‘n “rassistiese verlede nie”.

Ten spyte van die gewone saai ontkennings oor hul deursigtige swart rasse-projek bekend as “nie-rassigheid”, het die nuwe ja-broer leierskap eweneens die verswarting en rasmobilisering van die opposisie geprys.

Die “verskrikking” van Verwoerd is oudergewoonte op ANC-wyse nadergesleep om aandag van die verswartingsprojek af te lei sodat wit kiesers eerder op “hul” skuld van die verlede kan fokus en nie op huidige swart onvermoë en wanprestasie nie.

“Skuld” is reeds met groot vrug deur die ANC en Mandela gebruik teen Afrikanerbelange, die Afrikaans taal en eie instellings. Dit word vandag selfs teen anti-koloniale wit leiers ingespan.

Mandela, ‘n voormalige internasionale terroris wat nie geweld wou afsweer nie, word steeds voorgehou as “vergewensgesind”.

Maimane het nalv veteraan-Boerhater Allister Sparks se opmerking oor Verwoerd gesê Sparks het sy lewe daaraan gewy om teen Verwoerd se nalatenskap, apartheid te veg.

Boer en vrou met graaf geslaan in plaasaanval

‘n Bekende boer van Nelspruit (Mbombela), mnr. Gerhard Kunneke, word in die intensiewe sorgeenheid van Mediclinic Nelspruit behandel nadat hy gisteraand oorval is op sy plaas in die Kingstonvale-omgewing op die pad na KaNyamazane.

Daar was beurtkrag in die area en die krag het net weer aangekom toe hy na buite is om die kragopwekker af te skakel. Dit was net na 20:00. Hy is toe van agter met ‘n graaf oor die kop geslaan. Volgens mnr. Nico Grobler, operasionele bestuurder van Hi-Tech Sekuriteit Nelspruit, het hy hom teëgesit en is erg aangerand.

Sy vrou, Lynette, was in die huis, maar kon hoor daar was ‘n geskarrel buite. Sy het ondersoek ingestel en het gesien haar man word aangeval. Sy het die deure gesluit en Hi-Tech ontbied. Een van die aanvallers het die badkamervenster gebreek en só toegang tot die huis verkry.

Lynette is ook oorval en buite na haar man geneem waar sy met draad vasgebind is. “Sy is met die graaf deur die gesig geslaan en gedwing om die kluis se sleutels aan hulle (die swart verdagtes) te oorhandig,” het Grobler vertel.

Die swartes het drie vuurwapens uit die kluis gehaal en te voet gevlug met dit, asook twee televisies, ‘n skootrekenaar en die egpaar se selfone. Hi-Tech se beamptes het op die toneel aangekom en gesien die egpaar is erg beseer. Hi-Tech se ambulans is gevolglik ontbied en die Kunneke’s is na die hospitaal geneem.

Lynette is reeds vanoggend ontslaan. “Mnr. Kunneke is by sy positiewe, maar het bloeding op die brein. Hy en sy vrou het gesê dat daar drie verdagtes was wat almal balaklavas gedra het,” het Grobler bygevoeg.

Bossie’s Community Justice en die polisie was ook op die toneel. Mnr. Jacques Meiring, operasionele bestuurder van Bossie’s, het gesê dat hulle ‘n beloning van R50 000 aanbied vir inligting wat sal lei tot die inhegtenisname en suksesvolle vervolging van die verdagtes.

Bron: Die Laevelder

Baksteenmisdaad: Seuntjie haal self asem

Die agtjarige seuntjie wat met ‘n baksteen teen sy kop getref is, is van asemhalingsmasjiene ontkoppel.

Die Krugersdorpnuus het vanoggend met Caden Slabbert se ma Andriëtte Cooper, wat oppad na die hospitaal toe was, gesels oor Caden se huidige toestand.

Caden en sy sussie Eden, sou vir die langnaweek by hulle pa gaan kuier het in Alberton toe ‘n swarte ‘n baksteen van ‘n brug af gegooi het en hom deur die kar se ruit getref het.

Caden, wat in ‘n in geïnduseerde koma was is nou van die masjiene af en haal self asem. Sy ma vertel die dokters het gewaarsku dat hy ontrekkingsimptome, hallusinasies en terugflitse mag hê as gevolg van die sterk medikasie wanneer hy wakker geword het.

“Dis aaklig om hom so te sien,” sê sy bedroefde ma.

Sy ogies gaan baie klein oop en hulle kan sien hoe volg hy hulle bewegings en hou selfs hulle hande styf vas.

Cooper meen dat die dokters gelukkig is met Caden se verbetering maar steeds bekommerd is oor sy wond op sy kop waar die linkerkantse deel van sy skedel verwyder was en gaan weer geherkonstruktief terug gesit word.

Wanneer Caden ten volle wakker word sal die dokters die nodige toetse kan doen om te bepaal of hy enige breinskade in die insident op gedoen het.

“Daar is beslis positiewe verbetering in sy toestand en ons is baie dankbaar vir al die gebede vir Caden. Sy herstelling is beslis ‘n wonderwerk.”

Die swart krimineel is nog steeds op vrye voet en die plaaslike polisie in die omgewing is skynbaar opsoek na ‘n onstabiele man wat naak op die hoofweg loop en bakstene en klippe vanaf die brûe rondom The Glen-winkelsentrum gooi.

Zuma, Poetin hou samesprekinge

Die Russiese president, Vladimir Poetin, en president Jacob Zuma het hulle bilaterale samesprekings in Moskou afgesluit, het RSG berig.

Die twee leiers het tydens die vieringe van die 70 ste herdenking van die oorgawe van Nazi-Duitsland in die Tweede Wêreldoorlog samesprekings gevoer.

Volgens ‘n verklaring deur die Presidensie het die twee leiers die status van die Interregeringskomitee oor Handel en Ekonomiese Samewerking vir die komende BRICS-beraad in Julie in Moskou bespreek.

Poetin en Zuma het ook ooreengekom om onderlinge samewerking in mynwese, energie en landbou te verskerp.

Rusland het die oorwinning van die Geallieerdes oor Duitsland met ‘n luisterryke militêre parade gevier.

Dit was ‘n verleentheid vir die oorwinnaars oor Nazisme in die Weste wat nie die geleentheid wou bywoon nie.

Eskom-gemors weens politiekery sê ekonoom

Dawie Roodt, ekonoom, het tot die gevolgtrekking gekom dat Suid-Afrika se ekonomie R360 miljard groter sou gewees het as Eskom beter bestuur was.

Dawie Roodt het gesê kragonderbrekings kom voor weens voortdurende politieke inmenging.

Eskom sukkel om die ligte aan te hou sedert verlede jaar. Eskom sê die nasionale netwerk is onder druk en word vererger deur onwettige aansluitings.
 
Die Eskom-raad het sy uitvoerende hoof Tshediso Matona en drie ander bestuurders geskors. Sy voorsitter Zola Tsotsi het intussen bedank.
 
Roodt sê politici moet die bestuur in die hande van bekwame bestuurders laat.

Skietery in Switserland eis vyf

Die polisie in Switserland het bevestig dat vyf persone Saterdagaand in ‘n skietery in Würenlingen in Switserland dood is.

“Die slagoffers is op twee verskillende plekke in dieselfde buurt gevind,” het Markus Gisin, hoof van die Aargau-polisie, Sondag aan verslaggewers gesê.

‘n 36-jarige man, Simon B. het homself geskiet nadat hy die vier moorde gepleeg het. Volgens die polisie het die man sy pa (58), skoonma (57), swaer (32) en ‘n 46-jarige man ná ‘n stryery doodgeskiet. Die 46-jarige buurman was glo toevallig op die misdaadtoneel.

Die 36-jarige man, ‘n pa van drie, het nie saam met sy vrou en kinders gebly nie en het nie ‘n vuurwapenlisensie gehad nie.

Die polisie is ontbied nadat bure skote gehoor het. Die dorp, sowat 30 km noordwes van Zürich, het ongeveer 4 500 inwoners.

Die skieter het vorige oortredings wat verband hou met geweld en onwettige besit van vuurwapens gehad.

Duiweboer vermoor noord van Pretoria

‘n Boer Dinsdagaand op sy plaas in Bon Accord, noord van Pretoria, vermoor in die jongste plaasaanval.

Johan Coetzee is met ‘n graaf doodgeslaan. Sy dogter het glo op haar pa liggaam in ‘n buitegebou op die plaas afgekom.

‘n Kluis is met ‘n slypmasjien oopgesny en ‘n vuurwapen asook kontant en reisdokumente word vermis.

Coetzee was ‘n diereliefhebber en het ondermeer met duiwe geboer.

Lt.Kol. Katlego Mokgale, polisiewoordvoerder, het die voorval bevestig en gesê ‘n saak van moord is aanhangig gemaak.

Kaapse brande glo doelbewus gestig sê ondersoeker

Brande wat groot verwoesting gesaai het in die Kaapse Skiereiland en die lewe van ‘n brandbestryder geëis het, is glo doelbewus gestig.

Twee van die drie brande in Maart is kwaadwillig gestig en die derde een, die grootste van die drie by Houtbaai, is moontlik per ongeluk deur bergies gestig.

‘n Forensiese ondersoek deur dr. David Klatzow, ‘n forensiese ondersoekbeampte, het glo aangetoon dat bergies die vuur aangesteek het.

Hy sê daar is geen moontlike elektriese oorsake vir die ander twee brande nie. Meer as 3 000 hektaar en huise het in die slag gebly.

Die brande kan die belastingbetaler tussen R20 miljoen en R40 miljoen uit die sak jaag, alhoewel nog geen amptelike beraming van die skade gedoen is nie.

UK skors swart Rhodes-aktivis

Die Universiteit van Kaapstad (UK) het gister bevestig hulle ‘n student oor ‘n beweerde rasse-onderonsie met ‘n personeellid geskors het.

Die UK weier egter om die student se naam of ras bekend te maak.

Dit is klaarblyklik die swart aktivis Chumani Maxwele wat die veldtog teen Rhodes se standbeeld gelei het.

Hy word volgens bronne geviktimiseer deur die universiteit.

UK se woordvoerder, Gerda Kruger het gesê die skorsing volg na ‘n voorval tussen die student en personeellid wat na bewering ‘n week gelede plaasgevind het.

“Daar word beweer dat die student ‘n lid van die personeel geïntimideer, geteister en gedreig het asook rassisties was.”

Die swart student het aan Eyewitness News gesê die ‘n personeellid het ‘n rassistiese aanval teen hom geloods, en nie andersom soos die universiteit beweer nie.

“Toe sê sy vir my, die onlangse politieke voorvalle van ons barbaarse swart studente, hulle kan dit nie meer toelaat nie.”

Die student sal na verwagting volgende week voor ‘n tugkomitee verskyn.