praag.co.za

Tag: Unesco

  • PRAAG ontvang antwoord van UNESCO oor vernietiging van Afrikanererfenis

    PRAAG ontvang antwoord van UNESCO oor vernietiging van Afrikanererfenis

    PRAAG het so pas ‘n antwoord van die Verenigde Nasies se kultuurliggaam, UNESCO in Parys, ontvang. Die Pro-Afrikaanse Aksiegroep het weereens ‘n klag by UNESCO aanhanging gemaak ná die jongste vlaag aanvalle op Afrikanerstandbeelde op kampusse.

    “Die ANC-bewind, asook die radikale groepe in die land wat ons standbeelde en ander erfstukke aanval, is besig om strydig met plaaslike en internasionale wetgewing op te tree,” sê dr. Dan Roodt. “PRAAG is ook bekommerd oor versamelings van boeke en skilderye wat in biblioteke en museums gehou word en wat insgelyks die prooi van marxistiese revolusionêre bendes soos dié van die EFF kan word. Ook dít is aan UNESCO oorgedra.”

    cr_swart
    ‘n Standbeeld van oudpres. CR Swart word op die kampus van die Vrystaatse Universiteit gevandaliseer terwyl die polisie passief toekyk

    UNESCO het die wens uitgespreek dat ‘n “oplossing op nasionale vlak deur dialoog tussen gemeenskappe gevind kan word”. PRAAG se klag is aan Suid-Afrika se permanente verteenwoordiger by UNESCO oorgedra.

    Die aksiegroep het reeds verlede jaar ‘n klag by UNESCO teen die ANC-bewind aanhangig gemaak op die stadium toe die Krugerstandbeeld in Pretoria gevandaliseer is. Die organisasie sukkel egter al ‘n jaar lank om met die departement van omgewingsake, wat met UNESCO skakel, te kommunikeer aangesien die departement weier om Afrikaans te gebruik. PRAAG sal egter binnekort ‘n dringende hofaansoek bring om die departement te dwing om erkenning aan Afrikaans as amptelike taal te verleen.

    “Die kommunikasieprobleem met omgewingsake belemmer ons aksie om Afrikanererfenis van vandalisme en vernietiging te red,” sê dr. Dan Roodt van PRAAG. “In teenstelling met die ANC-bewind, kan mens gemaklik met internasionale organisasies kommunikeer aangesien hulle streng by hul taalbeleid hou en veeltaligheid handhaaf. Tot dusver het ons alle briewe aan UNESCO in Frans gerig, aangesien dit een van die amptelike tale van dié liggaam is en dit boonop in Parys gesetel is. Die ANC-bewind regeer vanuit Pretoria, ‘n Afrikanerstad, maar ken blykbaar geen woord Afrikaans nie. Vreemd. Ek is egter vol vertroue dat die howe ons gelyk sal gee dat Afrikaans nie in 1994 opgehou het om ‘n amptelike taal van Suid-Afrika te wees nie.”

    PRAAG skakel met verskeie buitelandse regerings in ‘n poging om hulle by die reddingsaksie vir Afrikaanse erfenis te betrek, maar ook om tussen Afrikaners en die ANC-maghebber te bemiddel. “Ons bekyk tans die idee dat aspekte van Afrikanererfenis ook gedeelde erfenis met Europese lande kan wees,” het Roodt verklaar. “Die revolusionêre afro-marxistiese bendes is dus nie net besig om óns erfenis te vernietig nie, maar ook dié van Europa. Ons doen ‘n beroep op alle pro-Westerse groepe wêreldwyd om ons in ons stryd te ondersteun.”

    Die aksiegroep is veral optimisties dat die veranderende politieke klimaat in Europa en die VSA pogings om Afrikanererfenis te red ten goede sal strek. “Mnr. Trump se gewildheid in die VSA, asook nuwe regse regerings in Oos-Europa, toon dat die tydvak van Westerse dekadensie ten einde loop,” sê Roodt. “Binnekort gaan die swartman in Suid-Afrika nie meer oor ‘n vrypas beskik om vanweë sy rassehaat vir die blanke ons standbeelde aan te val, of boeke en skilderye te verbrand nie.”

    PRAAG blameer ook die hoofstroommedia vir die klimaat van onverdraagsaamheid wat daar teen Afrikanerkultuur en -erfenis geskep is. “Joernaliste in die HSM blaas die haat aan en juig as Afrikanererfenis gevandaliseer word. Ook word streng sensuur gehandhaaf oor enige pogings tot die teendeel: om Afrikanererfenis te red of te bewaar. Die alternatiewe media sal egter oor die beweging teen vandalisme en afro-marxistiese vernietiging berig. En iewers in die toekoms moet vandag se meelopers wat soveel haat en vernietiging teen ons aanblaas weens hul misdade teregstaan. Hulle gaan nog boet,” sê Roodt.

     

     

  • ISIS vernietig geskiedkundige erfenis verder

    Lede van die die Islamitiese Staat (ISIS) het die naweek die eeue oue triomfboog in die geskiedkundige stad Palmira opgeblaas.

    Vroeër het die beweging ook twee tempels en ander strukture in die 2 000 jaar oue stad verwoes.

    Die terroriste het die stad, ’n Unesco-bewaringsgebied, in Mei verower. Hulle beskou die geskiedkundige geboue en monumente as heidens en teen hul geloof.

    “Dit is asof ’n vloek die stad getref het. Daar sal niks oorbly as dit in hul hande bly nie,” het Maamoun Abdulkarim, hoof van oudhedebewaring in Sirië, gesê.

    “Hulle is nou op ’n moedswillige vernietigingstog. Hul optrede word nie meer deur ideologie of godsdiens gemotiveer nie. Hulle blaas nou ook geboue op wat geen godsdienstige betekenis het nie.” Die rebelle het in Augustus die tempel van Baal Shamin en die tempel van Bel vernietig.

    Dit is van die geboue uit die Romeinse era wat die beste behoue gebly het. Unesco­ het die vernietiging van geskiedkundige terreine in Palmira as oorlogsmisdade bestempel.

  • ISIS-aanval op Palmyra ‘oorlogsmisdaad’ sê Unesco

    ISIS-aanval op Palmyra ‘oorlogsmisdaad’ sê Unesco

    Militante van die Islamitiese Staat-groep (ISIS) het ’n tempel in die antieke Siriese stad Palmyra verwoes en die ergste vrese van argeoloë bewaarheid.

    Die 2 000 jaar oue stad van die Romeinse era is in Mei deur die militante beset.

    Palmyra, een van die Midde-Ooste se mees aanskoulike argeologiese plekke en ’n Unesco-wêrelderfenisgebied, is naby die moderne Siriese stad met dieselfde naam geleë.

    Unesco het die aanval op die wêreldkultuurerfenisplek beskryf as “etniese suiwering” en ‘n “oorlogsmisdaad”.

    Aktiviste sê die militante het plofstof gebruik om die Baalshamin-tempel op te blaas. Die ontploffing was so kragtig dat dit van die antieke Romeinse pilare ook beskadig het.

    Die lot van die nabygeleë tempel van Bel, wat aan die Semitiese god Bel opgedra is, is nie bekend nie.

    Die ekstremiste voer aan antieke relieke bevorder die aanbidding van afgode en moet gevolglik vernietig word.

    Die verwoeste tempel dateer terug na die eerste eeu en is gewy aan die Fenisiese god van storms en reën.

  • PRAAG ontvang repliek van UNESCO, wil Kerkplein tot wêrelderfenis verklaar sien

    PRAAG ontvang repliek van UNESCO, wil Kerkplein tot wêrelderfenis verklaar sien

    PRAAG (die Pro-Afrikaanse Aksiegroep) het ‘n antwoord van UNESCO, die kulturele afdeling van die Verenigde Nasies, ontvang na aanleiding van ‘n klag wat dié organisasie op 9 April 2015 teen die ANC-regering aanhangig gemaak het nadat die Paul Kruger-standbeeld op Kerkplein gevandaliseer is.

    In sy skrywe aan UNESCO (sien PDF-dokumente in Frans hier onder), vra dr. Dan Roodt van PRAAG dat nie net die standbeeld nie, maar die hele Kerkplein tot ‘n wêrelderfenisterrein verklaar word sodat dit die nodige internasionale beskerming kan geniet. Hy versoek insgelyks die bemiddeling van UNESCO om samesprekings tussen die Afrikanerminderheid en die ANC-bewind oor erfenis te reël.

    In hul reaksie, verwys die adjunkdirekteur: kultuur van UNESCO, mnr. Alfredo Pérez de Armiñán, die saak na Suid-Afrika se permanente verteenwoordiger by UNESCO, asook na mev. Thumeka Ntloko wat Suid-Afrika se wêrelderfenisbestuur behartig.

    Daar is reeds meer as 1300 mense wat PRAAG se aansoek om Kerkplein as ‘n wêrelderfenisgebied geklassifiseer te kry, ondersteun. Die organisasie versoek egter lede van die publiek om die aanlynpetisie op sy webblad www.praag.co.za te teken ten einde nog name by die aansoek te voeg.

    PRAAG onderneem om mev. Thumeka Ntloko onverwyld oor die kwessie te nader. “Indien ons nie sommer gou ‘n afspraak met Suid-Afrika se wêrelderfenisbestuurder verkry nie, sal ons ‘n bevoegde hof nader vir ‘n bevel dat sy ons oor Kerkplein te woord moet staan, op grond van die UNESCO-brief, asook Suid-Afrika se verpligtinge kragtens die Wêrelderfeniskonvensie wat hy in 1997 onderteken het,” sê dr. Dan Roodt. “Terselfdertyd sal ons die hof vra om tussentydse maatreëls te tref om Kerkplein en die Krugerstandbeeld te beskerm sodat geen verdere skade aan ons erfenis deur Boerehaat-fanatici aangerig kan word nie.”

    email addressed to DG afrikaner Heritage

    20150511_ADG response to Dan Roodt

  • Petisie: Maak die Krugerbeeld en hele Kerkplein wêrelderfenis!

    [emailpetition id=”4″]
    [signaturelist id=”4″]

  • PRAAG vra dat UNESCO hele Kerkplein in Pretoria as wêrelderfenis verklaar

    PRAAG het ‘n tweede skrywe aan UNESCO gerig waarin die organisasie se dringende ingryping om die standbeeld van Paul Kruger te beskerm, gevra word.

    Terselfdertyd het dr. Dan Roodt van PRAAG gevra dat die Kruger-standbeeld, asook Kerkplein met sy historiese geboue daar rondom, as ‘n wêrelderfenisperseel geklassifiseer word.

    In reaksie op ‘n verklaring van die Partij voor de Vrijheid van Nederland, wat ‘n soortgelyke versoek aan die Nederlandse regering gerig het, het Roodt gesê: “Ons verwelkom die PVV se pogings om ook die Nederlandse regering se ingryping te bekom om die barbaarse beskadiging van ‘n grootse monument en kunswerk te stuit.”

    Die Pro-Afrikaanse Aksiegroep wil egter verder gaan en nie net die standbeeld nie, maar ook die geboue rondom die plein as wêrelderfenis geklassifiseer hê. “Die hele Kerkplein, tesame met die standbeeld, moet aan Afrikaners oorgedra word. Die ANC-munisipaliteit moet die Ou Raadzaal ontruim sodat Afrikaanse organisasies dit permanent vir vergaderings en administrasie, asook die verwelkoming van toeriste, kan gebruik. Die Afrikanerbeweging het ‘n sentrum nodig van waar ons die handhawing en bevordering van ons kultuur kan bedryf.”
    As nie-regeringsorganisasie doen PRAAG aansoek om die hele Kerkpleinkompleks as wêrelderfenis deur UNESCO te laat klassifiseer. Lede van die publiek wat die aansoek ondersteun, word versoek om ‘n petisie op die PRAAG-webblad met hul name en eposadresse te onderteken. Die petisie sal by die amptelike aansoek om die standbeeld, plein en geboue as wêrelderfenis te verklaar, aangeheg word.
     

  • PRAAG kontak UNESCO oor skending van standbeelde, erfenis

    PRAAG het vandag die Verenigde Nasies se kulturele liggaam in Parys, UNESCO, gekontak met die oog daarop om ‘n klag teen die Suid-Afrikaanse regering wat die skending van die Afrikaner-erfenis toelaat, in te dien. “Ons versoek UNESCO om tussen ons en die ANC-regering te bemiddel, wat hom blykbaar as ‘n militêre besetter van Afrikaner-erfenisstrukture en -monumente beskou,” sê dr. Dan Roodt, direkteur van PRAAG. “Ek is besig om ‘n brief in Frans aan UNESCO te rig waarin ons ook die dringende ingryping van dié liggaam, soos vir die konflikgebiede in die Midde-Ooste, versoek ten einde verdere beskadiging van ons erfenis te verhoed.”

    Hoewel dit daaroor gaan om die krisis rondom Afrikanerstandbeelde te hanteer, wil PRAAG ‘n meer omvattende oplossing hê waarmee die sorg van museums, biblioteke en argiewe aan Afrikaners oorgedra kan word.

    “Die ANC en SAKP, wat ons in 1994 verower het, het geen erg aan ons erfenis nie en staan vyandig daarteenoor. Vele historiese Afrikanergeboue word deur die ANC beset, beskadig of misbruik, wat strydig met internasionale konvensies is. Ook word standbeelde geskend weens die heersende ideologie dat ons weens ons ras nie ‘inheems aan Afrika’ is nie, asook die algemene vyandigheid teenoor Afrikaners en Afrikaans,” sê Roodt. “Dit gaan om meer as die standbeelde. Alle museums, biblioteke en selfs nie-tasbare elemente van ons erfenis is ter sprake. Ons het die reg dat ons erfenis vir die nageslag bewaar sal bly en dit nie verwaarloos of beskadig sal word nie.”

    PRAAG is insgelyks bekommerd oor Afrikaanse skrywers en kunstenaars wat van die kulturele lewe van die land en veral van kampusse en kunstefeeste uitgesluit word, om etniese en ideologiese redes. “Daar word beslis teen ons gediskrimineer,” sê dr. Dan Roodt. “As die ergste krisis rondom die standbeelde afgeweer is, bestaan daar internasionale meganismes om diskriminasie teen Afrikaanse kunstenaars te hanteer, of geskille daaroor te besleg.”

    Die organisasie is tans ook besig met ‘n hofsaak teen die Suid-Afrikaanse Menseregtekommissie wat verseg om met hom in Afrikaans te kommunikeer. “Ons sal seker vroeg aanstande week die dagvaarding om die MRK beteken,” sê Roodt. “Ons sal seker in ‘n Engelse hof moet gaan staan, maar al moet ons uiteindelik ‘n internasionale tribunaal of organisasie betrek, sal ons dit nie aanvaar dat ons taal tweederangs is of dat ons tweederangse burgers is nie.”

  • Erfgoedstatus Suriname in gevaar

    Erfgoedstatus Suriname in gevaar

    Paramaribo
    Paramaribo

    De historische binnenstad van Paramaribo dreigt te verdwijnen van de Unesco-lijst voor werelderfgoed. Suriname heeft tot 31 december de tijd gekregen om te komen tot een pakket van maatregelen om het tij te keren. De Surinaamse hoofdstad staat sinds 2002 op de Werelderfgoedlijst vanwege de vele oude houten gebouwen waarvan sommige honderden jaren oud zijn.

    “Paramaribo is een uniek voorbeeld van de contacten tussen de Europese cultuur van Nederland en de inheemse culturen en het milieu van Zuid-Amerika in de jaren van intensieve kolonisatie van deze regio in de 16e en 17e eeuw”, schreef de Unesco in 2002. Maar de gebouwen worden verwaarloosd en gesloopt. Vaak komen er nieuwe betonnen panden voor in de plaats.

    Een adviescommissie heeft daarom voorgesteld de binnenstad van de Unesco-lijst te verwijderen tenzij er maatregelen getroffen worden om onherstelbare schade aan de nog bestaande gebouwen te voorkomen.

    Stephen Fokké, directeur van de Stichting Gebouwd Erfgoed Suriname, waarschuwt al jaren voor de verloedering van de binnenstad. “De overheid heeft geen oog voor monumenten. Andere belangen gaan voor en naar onze waarschuwingen is nooit geluisterd”, zegt hij. “Iedereen bouwt maar raakt en er wordt niet tegen opgetreden. De overheid heeft ook geen monumentenbeleid. Dat moet echt veranderen.”

    De adviescommissie van de Unesco heeft onder meer kritiek op het feit dat de Surinaamse overheid het Onafhankelijkheidsplein heeft heringericht zonder overleg met de organisatie en spreekt van “een onherstelbaar proces van instorting en grote veranderingen”.

    De Unesco heeft Suriname nu concrete maatregelen voorgesteld. Stephen Fokké vindt dat de regering geen andere keuze heeft dan de voorstellen uit te voeren.

    Een plek op de Werelderfgoedlijst wordt internationaal gezien als een grote opsteker voor een land. Het geeft status en trekt veel toeristen. Het gebeurt niet vaak dat een land van de lijst verwijderd wordt. NOS.nl