Al-Bashir se vliegtuig styg op van Waterklooflugmagbasis

Soedan se president, Omar al-Bashir het glo klaring gekry om vanaf ‘n Suid-Afrikaanse lughawe op te styg in weerwil van ‘n geslaagde dringende aansoek dat hy in die land moet bly.

Bashir se bemanning het glo pas klaring ontvang van die beheertoring by die Waterklooflugmagbasis en sy vliegtuig maak gereed om op te styg.

Die voorsitter van die Portefeuljekomitee oor Internasionale Betrekkinge, Siphosezwe Masango, het sy kommer uitgespreek oor die hofaansoek om die regering te dwing om die Soedanese president in hegtenis te neem.

Die Hooggeregshof sal aanstons uitspraak gee oor die Suid-Afrikaanse Litigasiesentrum se dringende aansoek dat al-Bashir in hegtenis geneem word.

Hy word deur die Internasionale Strafhof gesoek vir misdade teen die mensdom en volksmoord.

Masango het dit as ‘n opportunistiese stap beskryf wat slegs ten doel het om Afrika-leiers teen mekaar aan te hits onder die vaandel van die internasionale reg.

Hy sê dit is ook daarop gemik om die visie van Agenda 2063 te kaap. Masango sê die Afrika Unie-beraad, waarvoor Bashir na Suid-Afrika gekom het, moet belangrike kwessies oorweeg soos ekonomie op die vasteland, handelsintegrasie, infrastruktuur, vreemdelingehaat, asook nie-beheerde migrasie.

‘n Woordvoerder van die Departement van Justisie, Mthunzi Mhaga sê hulle het nog nie tyd gehad om die gerugte na te gaan nie. Hy sê dit sal, indien nodig, ooreenkomstig met ander departemente moet gebeur.

Die militêre korrespondent van Beeld, Erika Gibson, is blykbaar by Waterklooflugmagbasis gestasioneer en het soos volg oor die gebeure getwiet:

Bejaarde in Reddersburg oorval

Die polisie in die Vrystaat ondersoek ‘n klag van huisbraak nadat ‘n bejaarde vrou gister in die vroeë oggendure in haar meenthuis op Reddersburg oorval en met ‘n skerp voorwerp gedreig is.

Polisiewoordvoerder, Ikobeng Hlubi, sê nog niemand is in hegtenis geneem nie nadat die 73-jarige Marie de la Rosa Sondagoggend kort na 12:00 in haar slaapkamer geluide gehoor en ‘n man met ‘n flitslig gesien het.

Hy het ‘n skerp voorwerp soortgelyk aan ‘n deel van ‘n skaapskêr teen haar keel gehou en geld geëis. Volgens Hlubi het die booswig De la Rosa se bankkaart en die PIN-kode vir die kaart geëis. Hy het ook juwele en haar selfoon gesoek. Die man het vermoedelik te voet gevlug.

De la Rosa se seun John het gister aan OFM-nuus gesê altesaam vier ontrekkings is kort na die voorval uit sy ma se rekening gemaak.

Volgens hom is sy ma fisiek ongedeërd maar erg getraumatiseerd na die voorval. Hy sê dit is die tweede aanval op ‘n bejaarde vrou op die dorp verlede week.

Vergete ‘Wit Zoeloe’ deur die Koningshuis onthou

Die Britse Hoëkommissaris in Suid-Afrika, Judith Macgregor, het aangekondig dat Koningin Elizabeth die Tweede die Orde van die Britse Ryk (OBE) aan die Suid-Afrikaanse musikant en anti-apartheidsaktivis, Johnny Clegg, toegeken het.

Sy sê in ‘n verklaring dit is in erkenning vir Clegg se dienste aan die kunste, mense en kinders wat kwesbaar is en vir “demokrasie” in Suid-Afrika.

Die 62-jarige Clegg, ‘n Jood, voorheen bekend as die “Wit Zoeloe”, was veral bekend vir sy musiekgroepe, Juluka en Savuka.

Clegg het deurentyd seker gemaak dat hy die gesig van die groep bly en sy swart musikante is op die agtergrond gehou en glo swak betaal.

Sy musiek was vir ‘n wit gehoor bedoel. Swartes het geen aanklank daarby gevind nie en hy is vandag grootliks vergete.

“Dit was ‘n lang reis van meer as 30 jaar, toe ek die eerste keer begin het om te eksperimenteer met eg-Suid-Afrikaanse oorloopmusiek, en terselftertyd besig was om ‘n kulturele aktivis in die stryd teen apartheid te wees,” het hy gesê.

“Ons musiek is verbied op nasionale radio,” het Clegg gesê, maar vergeet om by te voeg dat sy plate vryelik beskikbaar was.

Hy het gesê hy is ook deur die veiligheidpolisie gejag.

Hy het gesê hy het aan die End Conscription Campaign, het die vakbondbeweging, die Bevryding van kinders in aanhouding-veldtog deelgeneem in pogings om die gedwonge verskuiwings van landelike gemeenskappe die hoof te bied.

Hy het ook met sy musiek fondse ingesamel vir die United Democratic Front, het hy gesê.

Mugabe loods aanval teen SA, Nigerië by AU-spitsberaad

President Robert Mugabe het hom gister op die AU-beraad in Sandton skerp uitgelaat oor Afrikaleiers wat tot net twee ampstermyne beperk word.

President Zuma het voorheen aangedui dat hy slegs twee termyne sal dien.

Mugabe het ook bedekte ‘n aanval op Suid-Afrika en Nigerië geloods. Albei lande het die VN-resolusie 1973 in 2011 gesteun, wat militêre optrede teen die regime van Libiese leier Moeammar Gaddafi gemagtig het.

Die Zimbabwiese leier, wat in sy sewende termyn is, het gesê dit is demokraties om voort te gaan indien die mense van ‘n land wil hê hul leier moet langer dien.

Mugabe het egter gemaan dat onstabiliteit nie veroorsaak moet word deur aan te dring om langer as twee termyne aan te bly nie.

Mugabe het ingegryp in ‘n vergadering van die sogenaamde “Komitee van 10” by die AU-spitsberaad Saterdag waar moontlike wysigings bespreek is oor die “Ezulwini-konsensus” wat Suid-Afrika se posisie tov die hervorming van die Veiligheidsraad van die VN rig.

Die 2005 Ezulwini-konsensus was dat Afrika ten minste twee permanente en vyf nie-permanente setels op die raad moet vra as deel van die uitgerekte, wyer hervorming om dit meer verteenwoordigend van die wêreld te maak.

Die konsensus eis voorts dat twee permanente setels bygevoeg moet word met dieselfde vetoreg as vir die vyf huidige permanente lede, die VSA, die Verenigde Koninkryk, China, Rusland en Frankryk.

Die eis is as onrealisties beskou deur ander lidlande.

Die sogenaamde G4-groep wat Duitsland, Japan, Indië en Brasilië insluit, wil ook permanente setels op die Veiligheidsraad bekom.

Mugabe se aanval word beskou as ‘n einde van die poging om die Ezulwini-konsensus te hersien om Nigerië en Suid-Afrika se profiel in die Veiligheidsraad te verhoog.

Al-Bashir-lasbrief toets vir Internasionale Strafhof

Die Suider-Afrikaanse Litigasiesentrum het om ‘n dringende hofbevel aansoek gedoen om Soedan se president Omar al-Bashir in hegtenis te laat neem.

Die Internasionale Strafhof het ‘n lasbrief vir Bashir se inhegtenisname uitgereik.

Bashir word as ‘n Chinese oliebondgenoot beskou en die kwessie is ook ‘n toets vir die Internasionale Strafhof se geloofwaardigheid.

Die ANC het intussen verklaar dat die Internasionale Strafhof nie meer doeltreffend is vir die doel waarvoor dit tot stand gebring is nie. Afrikalande het reeds kapsie gemaak oor die Hof se partydigheid.

Die regering van Soedan sê sy president, Omar al-Bashir sal Suid-Afrika eers verlaat nadat sy bedrywighede by die 25ste Afrika Unie-beraad in Sandton afgehandel is.

Die Hooggeregshof in Pretoria het die aansoek tot vanoggend uitgestel en opdrag gegee dat al-Bashir nie die land mag verlaat nie.

Soedan se minister van buitelandse sake, Ibrahim Ghandour het aan die SABC gesê al-Bashir is op uitnodiging van die Afrika Unie in Suid-Afrika en sal sy verpligtinge as president nakom.

Talle Afrika-lande beskuldig die Strafhof van selektiewe geregtigheid en die ANC het gevra vir ‘n hersiening van die hof se mandaat, om dit op alle lede van die Verenigde Nasies van toepassing te maak.

“President Bashir is nog in Johannesburg, maar ons verlaat Suid-Afrika vandag [Maandag],” het sy woordvoerder, Mohamed Hatem aan Reuters gesê.

Regter Hans Fabricius het Bashir Sondag verbied om Suid-Afrika te verlaat totdat hy ‘n besluit oor ‘n aansoek gemaak het.

Die verhoor oor die saak sal Maandag hervat om 0930 GMT hervat word.

Suid-Afrika se regering het die hof se beslissing uitgedaag omdat Bashir immuniteit gegee is, sowel as alle ander afgevaardigdes na die AU-beraad.

Soedanese amptenare het Sondag gesê die hofbevel het “geen waarde” nie, want Bashir is uitgenooi deur die Suid-Afrikaanse regering.

Amnestie Internasionaal het ook geëis dat Al-Bashir onmiddellik gearresteer moet word.

Die menseregtegroep se navorsingsdirekteur vir Afrika, Net-sanet Belay, sê indien president Jacob Zuma se regering hom nie in hegtenis neem nie, verleen hulle bystand aan ’n leier wat daarvan beskuldig word dat hy aandadig is aan die doodmaak, verminking en marteling van honderde duisende mense.

‘Het einde van Nederland is nabij’

De linkse elite is nu net zo blind voor de islam als ze destijds voor het communisme was. Ook in zijn tweede boek, over Zuid-Afrika, draagt PVV-Kamerlid Martin Bosma dit credo uit.

Tegenwerpingen dat een moslimmeerderheid zich in Nederland echt niet aftekent, ziet Bosma als het bewijs van een ‘linkse tunnelvisie’.

Alles werd goedgepraat om het ANC in Zuid-Afrika maar te laten triomferen, schrijft PVV-Kamerlid Martin Bosma (50) in zijn boek ‘Minderheid in eigen land’. Een kloek werk, met ruim 2000 voetnoten, over links Nederland dat 25 jaar lang de strijd van het ANC ongeclausuleerd en enthousiast steunde.

Bosma telt allerlei wandaden op van de toenmalige verzetsorganisatie – martelkampen, autobandmoorden – en de huidige regeringspartij ANC. Hij trekt conclusies die buiten de kring van Afrikaner nationalisten weinig weerklank vinden.

Volgens Bosma troffen de blanken in de zestiende eeuw een ‘leeg’ land aan. En het ANC voerde niet zozeer een strijd tegen de blanke machthebbers alswel een vuile oorlog tegen de ‘veel grotere’ ‘anti-apartheidspartij’ Inkatha – waarbij hij onbesproken laat dat deze organisatie bestond bij de gratie van het thuislandbeleid, dat hun door de Zuid-Afrikaanse veiligheidspolitie getrainde militie een vuile oorlog voerde tegen het ANC, en dat ze in tegenstelling tot het ANC niet verboden was, wat de hogere ledentallen kan verklaren. En omdat onder het huidige ANC-regime blanke boerengezinnen worden gemarteld en vermoord en blanken moeilijk aan werk komen, heerst volgens Bosma in het land nu apartheid, sterker: er vindt genocide plaats.

Aan het eind van zijn boek stelt Bosma de vraag: moeten oorspronkelijke Nederlanders hetzelfde lot ondergaan als de Afrikaners, en maar toestaan dat ze een minderheid worden?

De moordaanslag die Bosma zich nog elke dag herinnert, is die op Theo van Gogh in 2004. De plek, ‘half op het fietspad, half op de parkeerplek’, staat op zijn netvlies gegrift. Hij is rustig, onderhoudend, bezorgd.

Bron: Trouw

‘FW wou nie luister nie’ – genl. Constand Viljoen

“Die ou NP en selfs mnr de Klerk was polities steriel en het nie geluister na raad en lesse uit die baie insurgensiebotsings nie.” Só sê genl. Constand Viljoen, voormalige hoof van die SAW in ‘n epos wat aan verskeie Afrikaanse organisasies en aktiviste gerig is. Hy het insgelyks die standpunt van dr. Dan Roodt van PRAAG beaam dat die NP onder De Klerk strategies onbeholpe was. Genl. Viljoen sê:

“Die beginpunt (van Afrikanerherlewing) is om saam te stem dat daar in 1994 ongelooflike strategiese flaters gemaak is. Die ou NP en selfs mnr De Klerk was polities steriel en het nie geluister na raad en lesse uit die baie insurgensiebotsings nie. Natuurlik moes in ons land verandering kom. Maar die inploffing was nie nodig nie, veral die rigting na ‘n unitêre staat een-mens-een-stem-wenner-neem-alles. Ons weet almal dat die toenmalige regering onder druk van orals was. Maar die militêre vermoë was nog so sterk dat ons onderhandeling meer brinkmanship kon openbaar het.”

Genl. Viljoen, wat die stigter van die Vryheidsfront in aanloop tot die 1994-verkiesing was, het hom verder teen Afrikanerbinnegevegte in die huidige tydvak uitgespreek en dit as “volkselfmoord” bestempel. In sy epos sê hy:

“Interne gevegte op hierdie stadium is volkselfmoord. Dit gaan ons nêrens bring nie. Ek glo in die laaste boodskap van Paul Kruger: Erken eers uit die verlede wat ons in hierdie situasie laat beland het, kom dan bymekaar en soek na alterniewe en daar is sulke moontlikhede. Ek het nie meer baie jare voor nie maar is bereid om alles in te sit om ons volk uit hierdie ellende te kry.”

Hy het hom ten gunste van onderlige gesprek tussen Afrikaners uitgespreek en meen dat “ons vyand nie meer bang of respekvol is nie”:

“Waarna ek soek, is ernstige onderlinge gesprek en die hoop dat daaruit verstandige, werkbare alternatiewe  sal voortspruit. wat genoegsame steun sal kry om skrumkrag binne ons volk te genereer. Ons vyand is nie meer bang of respekvol  nie. ‘n Flentergat-Afrikanergroepering gaan nie indruk maak nie.”

Kliniek gebrand, nooddienspersoneel aangeval vir ‘beter dienslewering’

Die polisie is ontplooi in die Intabazwe-lokasie in Harrismith in die ooste van die Vrystaat.

Die oproermakers wil hê die burgemeester en munisipale bestuurder moet bedank. Hulle eis ook beter huise en infrastruktuur.

Dit volg na ‘n week van gewelddadige onrus waarin een persoon dood is, en ‘n plaaslike kliniek afgebrand is.

Nooddienspersoneel is ook aangeval deur die oproermakers terwyl hulle die brand probeer blus het. Dit is nie duidelik hoe die brandstigting dienslewering sal verbeter nie.

Oproeriges het paaie met klippe en rommel versper en die polisie monitor steeds die gebied.

Agt mense is reeds in verband met openbare geweld in hegtenis geneem.

Gebreke in Koeberg se noodplan

’n Noodplan-oefening by die Koeberg-kernkragstasie aan die Kaapse weskus is Donderdag gehou wat gebreke in die plan uitgewys het.

Ongeveer ‘n honderd 100 reddingsvoertuie en meer as 400 lede van onder meer die polisie, verkeersdepartement, nooddienste, die weermag, omgewingsdienste en busdienste het daaraan deelgeneem.

‘n Rampbestuur-woordvoerder, Elmien Steyn, het aan Die Burger gesê in ’n noodgeval moet mense in ’n radius van nul tot vyf kilometer van Koeberg binne vier uur ontruim word, en dié wat in ’n radius van vyf tot 16 kilometer woon, binne 16 uur.

Minstens 100 sirenes in die omgewing van Koeberg én op plase daar naby sal in ’n noodgeval afgaan.

Die jaarlikse oefening toets die stad se rampbestuur wat betref sy gebeurlikheidplanne in die geval van ‘n kernramp.

‘n Woordvoerder, Charlotte Powell het vroeër gesê die sentrum sal openbare veiligheid tydens die oefening monitor en bystand bied indien dit benodig word.

Kaapstad het ná afloop van die oefening gesê sekere gebiede is uitgewys wat moet verbeter.

Die burgemeesterskomiteelid vir veiligheid en sekuriteit, JP Smith, sê hoewel die oefening ‘n sukses was, het sekere gebiede bykomende opleiding nodig.

Smith sê hulle kon al die beskermende optrede implimenteer insluitende skuilings, dekontaminasie, massa sorgsentrums en om die ontruimings na te boots.

Die gebiede waarop verbeter kan word, hou hoofsaaklik verband met nuwe rolspelers wat nog nie vertroud is met die oefeninge nie, en meer opleiding sal moet ondergaan.

Irak-mislukking met nuwe Amerikaanse oorlogsgier beantwoord

Tot 450 Amerikaanse militêre raadgewers gaan na Irak gestuur word om die land te help om sy soldate op te lei.

Tot dusver het die VSA se buitelandse beleid tot niks in die streek gelei nie. Ontleders het met verbasing gereageer op die aankondiging en gesê dit lyk asof Amerikaanse mislukkings met ‘n nuwe oorlogsgier uitgebrei sal word.

Die Withuis sê in ‘n verklaring president Barack Obama het die besluit geneem ná ‘n versoek deur die Irakse eerste minister, Haider Al-Abadi.

Die groep sal gesetel wees by ‘n militêre basis in die Anbar-provinsie waarvan die hoofstad, Ramadi, in Mei deur militantes van die Islamitiese Staat beset is.

Dit sal die getal Amerikaanse opleidingskampe in Irak op vyf te staan bring en sowat 9000 Irakse soldate is reeds by die vier bestaandes opgelei.

Die meeste van dié toerusting en opleiding het egter intussen die opkoms van ISIS in die streek ondersteun, toe oudsoldate in Irak in groot getalle by die groep aangesluit het.

‘n Londense taxi-bestuurder is selfs daaraan skuldig bevind dat hy bomme vervaardig het wat Amerikaanse soldate in Irak geteiken het. Anis Abib Sardar is die eerste persoon wat in ‘n Britse hof skuldig bevind is aan ‘n misdaad in die Irakse konflik.

Die hof het gehoor dat minstens een van sy bomme in 2007 die lewe van ‘n Amerikaanse soldaat wes van Bagdad geëis het. Die Amerikaanse Federale Speurdiens het Sadar se vingerafdrukke op twee van die bomme gekry.

Kort nadat President Barack Obama van Amerika die ontplooiing van ‘n bykomende 450 Amerikaanse militêre opleidingspersoneel na die Anbar-provinsie in Irak goedgekeur het, is hy deur die Australiese premier Tony Abbott ondersteun in ‘n oproep om djihadiste te beveg.

Die Islamitiese Staat het die afgelope tyd groot oorwinnings in die gebied behaal. Abbott sê die ISIS is ambisieus en het sy oog op verskeie dele van die wêreld.

Minstens agtien mense is dié week dood in ‘n reeks bomaanvalle in die Irakse hoofstad Bagdad.

Agt van die slagoffers is dood toe ‘n bom naby ‘n restaurant ontplof het. Die militante Islamitiese Staat word glo van die jongste terreuraanvalle verdink.