President Robert Mugabe het hom gister op die AU-beraad in Sandton skerp uitgelaat oor Afrikaleiers wat tot net twee ampstermyne beperk word.
President Zuma het voorheen aangedui dat hy slegs twee termyne sal dien.
Mugabe het ook bedekte ‘n aanval op Suid-Afrika en Nigerië geloods. Albei lande het die VN-resolusie 1973 in 2011 gesteun, wat militêre optrede teen die regime van Libiese leier Moeammar Gaddafi gemagtig het.
Die Zimbabwiese leier, wat in sy sewende termyn is, het gesê dit is demokraties om voort te gaan indien die mense van ‘n land wil hê hul leier moet langer dien.
Mugabe het egter gemaan dat onstabiliteit nie veroorsaak moet word deur aan te dring om langer as twee termyne aan te bly nie.
Mugabe het ingegryp in ‘n vergadering van die sogenaamde “Komitee van 10” by die AU-spitsberaad Saterdag waar moontlike wysigings bespreek is oor die “Ezulwini-konsensus” wat Suid-Afrika se posisie tov die hervorming van die Veiligheidsraad van die VN rig.
Die 2005 Ezulwini-konsensus was dat Afrika ten minste twee permanente en vyf nie-permanente setels op die raad moet vra as deel van die uitgerekte, wyer hervorming om dit meer verteenwoordigend van die wêreld te maak.
Die konsensus eis voorts dat twee permanente setels bygevoeg moet word met dieselfde vetoreg as vir die vyf huidige permanente lede, die VSA, die Verenigde Koninkryk, China, Rusland en Frankryk.
Die eis is as onrealisties beskou deur ander lidlande.
Die sogenaamde G4-groep wat Duitsland, Japan, Indië en Brasilië insluit, wil ook permanente setels op die Veiligheidsraad bekom.
Mugabe se aanval word beskou as ‘n einde van die poging om die Ezulwini-konsensus te hersien om Nigerië en Suid-Afrika se profiel in die Veiligheidsraad te verhoog.
DIe klomp afrikaleiers kloek lekker saam en die res van die wêreld sterk hulle in hul kwaad.
Wanneer hierdie despoot sy mond oopmaak is dit soos ‘n groot rioolpyp wat bars
Politiek ,vernaam in Afrika laat n mens somtyds lag en party maal verstom staan. Robert Mugabe val in dieselfde kategorie as Idi Amin en ander tiranne. Deur sy toedoen is duisende Matebeles in die middel tagtigs vermoor. Sy mense ly honger omdat sy haat vir die witman sy oordeel lam le. Tog laat die AU dit toe om Mugabe voorsitter te maak. Dit is waarom Afrika so terug op die brug is. Julius Malema skree in die Parlement vir Zuma dat hy die geld moet terug betaal maar hyself het 32 miljoen rand gesteel deur nie belasting te betaal nie. Afrika word regeer deur narre en despote maar die wereld wil niks verkeerd sien nie.
Mugabe praat net, ek dink nie hy verstaan self wat hy kwyt raak nie. Eintlik moet niemand hom ernstig opneem buiten Zimbabwe nie