Die polisie in die Vrystaat ondersoek ‘n klag van huisbraak nadat ‘n bejaarde vrou gister in die vroeë oggendure in haar meenthuis op Reddersburg oorval en met ‘n skerp voorwerp gedreig is.
Polisiewoordvoerder, Ikobeng Hlubi, sê nog niemand is in hegtenis geneem nie nadat die 73-jarige Marie de la Rosa Sondagoggend kort na 12:00 in haar slaapkamer geluide gehoor en ‘n man met ‘n flitslig gesien het.
Hy het ‘n skerp voorwerp soortgelyk aan ‘n deel van ‘n skaapskêr teen haar keel gehou en geld geëis. Volgens Hlubi het die booswig De la Rosa se bankkaart en die PIN-kode vir die kaart geëis. Hy het ook juwele en haar selfoon gesoek. Die man het vermoedelik te voet gevlug.
De la Rosa se seun John het gister aan OFM-nuus gesê altesaam vier ontrekkings is kort na die voorval uit sy ma se rekening gemaak.
Volgens hom is sy ma fisiek ongedeërd maar erg getraumatiseerd na die voorval. Hy sê dit is die tweede aanval op ‘n bejaarde vrou op die dorp verlede week.
Ek dink omdat die Vrystaat-Landbou en AfriForum nie hulle se vingers uit hul agterstewe getrek kan kry om sulke aanvalle te keer nie, moet hulle nou maar vir Executive Outcomes uit Nigerië laat kom, hulle het vir Boko Haram en ISIS daar ore aan gesit.
So terloops: Die laaste dat ek die van De la Rosa gesien het was toe ‘n polisie-kolonel of brigadier of iets De la Rosa die bevel aan die polisie se onluste-eenheid wat Pik Botha se vergadering in Pietersburg teen moerige Afrikaners moes beskerm, gegee het om die moeilike manne onder traanrook te steek. Og, dit was lekker, ek sien nou nog hoe vang so ‘n jong mannetjie ‘n traansrookgranaat soos Jonty Rhodes in sy lewe nooit kon regkry nie uit die lug en pos dit met rente terug na daardie dapper polisiemanne op die verhoog.
Dit was nou nadat daardie jare se Transvaalse kampioenrugbyspan Goudstad (afrigter oud-Springbok Gerrie Germishuysen) die drag slae van hul lewens van die “farmboys of the Far Northern Transvaal” (soos ‘n Engelse koerant dit gestel het), gekry het. Maar dis nie al nie: Skouer aan skouer met die fris rugbyspelers van Goudstad om tot Pik Botha se hulp te kom, was ‘n span swartbelt-karatekampioene. Maar kry hulle op hulle se moer van daardie omgekrapte boere, sommer so reg voor Pietersburg se stadsaal.
Hoop mev. De la Rosa herstel gou.
Daar was – as ek reg onthou – ‘n polisie-offisier met dieselfde van (dalk dieselfde persoon?) wat lank op Robert van Tonder se lys van polisiemartelaars en voksverraaiers verskyn het (in Boerant).