Kategorie: Nuus

Verengelsing: Name van geteikende Afrikaanse skole bekend

Die Gautengse onderwysdepartement het die name van Afrikaanse skole wat hy wil verengels, bekendgemaak. In die eerste fase wil Panyaza Lesufi, die LUR vir onderwys in Gauteng, nie minder nie as 66 Afrikaanse skole na Engels-parallelmedium laat oorskakel.

L.W. Klik hier en teken die petisie: Los ons Afrikaanse skole uit!

Van die heel bekende Afrikaanse skole wat op die lys verskyn, is die volgende: Hoërskool Randburg in Johannesburg, asook Afrikaans Hoër Meisies, Die Wilgers, Garsfontein en Centurion in Pretoria. Aan die Oos-Rand wil Lesufi die volgende skole verengels: Kemptonpark, Jeugland, Dr. E.G. Jansen, asook Volkskool Heidelberg wat die Laer- en Hoërskool insluit.

Lesufi meen die infrastruktuur wat deur Afrikanerouers oor jare heen befonds is moet nou “gedeel word”. Hy sê: “Ek het ’n taakspan opdrag gegee om al ons skole te omskep sodat dit al ons kinders kan akkommodeer. Die dae dat kinders bloot op grond van die onderrigmedium op skool verdeel word, sal verby wees.”

Volgens ‘n adjunkhoof van ‘n Johannesburgse laerskool sal die proses om ‘n skool se taalbeleid te verander egter lank en uitgerek wees, omdat die taalbeleid by die beheerraad berus. Magte van beheerrade is egter oor die afgelope paar jaar afgewater, veral na die hofsaak wat die Gautengse onderwysdepartement teen Rivonia Primary tot in die Grondwethof gevoer het.

Lesufi sê as ‘n skool nie sy taalbeleid vrywillig wil verander nie, sal die departement “moet ingryp”. Volgens mnr. Marius Meyer, die voorsitter van Randburg-hoërskool se beheerliggaam, het die departement nog geensins met hulle in verbinding getree nie. Hulle lees van die planne in die media. Hy sê:

“Dit is belangrik om te onthou, in ons geval, dat daar net ses Afrikaanse skole in Sentraal-Johannesburg is. Vier van hulle is laerskole.

“Al daardie laerskole beleef gesonde groei en moes al klaskamers aanbou.

“Die Afrikaanse kleuterskole sit met lang waglyste. Al daardie kinders moet een of ander tyd geakkommodeer word.”

Volgens die Kempton Express het mnr. Roelof Burger, hoof van Hoërskool Kemptonpark, die aangeleentheid in die skool se nuusbrief onder ouers se aandag gebring.

” ʼn Parallelmediumskool impliseer dat onderrig in beide Afrikaans en Engels binne die skool aangebied word. Leerders wie se voorkeurtaal van onderrig bv Engels is, word in een klas saam gegroepeer en in die taal van hul keuse onderrig,” het Burger geskryf.

Hy het ook genoem dat die Suid-Afrikaanse Skolewet (Wet 84 van 1996) in art. 6 voorsiening maak dat die skoolbeheerliggaam die taalbeleid van ʼn skool kan bepaal.

“In die hofsake “Die Laerskool Middelburg en ’n ander v Die Departementshoof: Mpumalanga se Departement van Onderwys en andere [2002] JOL 10351 (T)” en “Governing Body of Mikro Primary School and Another Western Cape Minister of Education and Others (332/05) [2005] ZAWCHC 14; 2005 (3) SA 504 (C) [2005] 2 All SA 37 (C)” het die hof in die uitsprake daarop gewys dat die Staat (Departement) nie met die verantwoordelikheid van die Skoolbeheerliggaam mag inmeng nie.

“Hoërskool Kemptonpark is volgens ons taal- en toelatingsbeleid ʼn enkelmedium hoërskool waar onderrig in Afrikaans plaasvind. Enige leerder wat onderrig in Afrikaans wil ontvang en die norme, waardes en etos van Hoërskool Kemptonpark aanvaar, is welkom om in te skryf. Daar is nie sprake dat die taalbeleid deur die beheerliggaam gewysig gaan word nie.”

Die ander Afrikaanse skole in Kemptonpark se beleid is heel waarskynlik dieselfde.

Die name van ander skole wat op die departement se teikenlys verkeer en wat aan die media gelek is, is die volgende:

Laerskole in Pretoria en Centurion:

Mayville; Uniefees; Voorpos; Doringkloof; Elarduspark; Garsfontein; Hennopspark; Skuilkrans, Anton van Wouw; Silverton; Bakenkop; Bergsig; en Wierdapark.

Laerskole aan die Oos-Rand:

Impala; Birchleigh; Bredell; Edleen; Die President; Oosterkruin; Kruinsig; Nobel; Westwood; Werda; Hannes Visagie; Goudrand; Orion; Elsburg; Concordia; President Steyn; en Du Preez van Wyk.

Laerskole aan die Wes-Rand:

De Beer; Dagbreek; en Ebenhaeser.

Hoërskole aan die Oos-Rand:

Alberton; Edenvale; Goudrif; Dinamika; Afrikaans Hoër Germiston; John Vorster; en Hoër Tegniese Skool Springs.

Hoërskole in Pretoria:

Overkruin; F.H. Odendaal; Voortrekkerhoogte; en Hoër Tegniese Skool Pretoria-Tuine.

Hoërskole aan die Wes-Rand:

Carletonville; Jan de Klerk; Bastion; en Jan Viljoen.

Ander skole:

Laerskool Generaal Christiaan de Wet in Triomf, Johannesburg; Laerskool Risiville, Johannesburg; Hoër Tegnies Langlaagte in Johannesburg; Hoërskool Vanderbijlpark; Laerskool Unitaspark, Vereeniging; Laerskool D.F. Malherbe, Vanderbijlpark; Gekombineerde Skool Cullinan; Hoërskool Erasmus, Bronkhorstspruit.

L.W. Klik hier en teken die petisie: Los ons Afrikaanse skole uit!

Lees ook Gauteng-onderwysdepartement gaan 124 Afrikaanse skole verengels

Elsevier over Zuid-Afrika: ‘Anti-blanke en -Joodse sentimenten onder zwarte studenten’

Die groot Nederlandse nuustydksrif, Elsevier, het so pas oor die toenemende anti-Joodse en anti-blanke gevoelens onder swart Suid-Afrikaanse studente berig. Sowel die uitspraak deur Mcebo Dlamini van Wits dat hy “Hitler bewonder” as die Rhodes-standbeelddebakel op die Kaapstadse kampus word hierby betrek. Hier volg die artikel, tesame met die skakel na die oorspronklike heel onder aan dié plasing.

Steeds vaker uiten zwarten in Zuid-Afrika anti-blanke en anti-Joodse sentimenten. Zo bewondert student Mcebo Freedom Dlamini de nazi’s.

De zwarte Zuid-Afrikaanse student Mcebo Freedom Dlamini is fan van Adolf Hitler, zo liet hij via Facebook weten. Toen hij die opmerking maakte, was Dlamini nog voorzitter van de studentenraad van de hoog aangeschreven Universiteit van Witwatersrand in Johannesburg.

Desgevraagd vertelde Dlamini de universiteitskrant Vuvuzela dat hij Hitler hoog acht wegens diens charisma en zijn gave om mensen te mobiliseren in barre tijden.

Genocide

Nadat er een stroom van (blanke) verontwaardiging was losgebarsten, gooide Dlamini het over een andere boeg: hij vergeleek de Holocaust met kolonialisme, apartheid en slavernij waarbij volgens hem zeker 2,5 miljoen mensen om het leven kwamen en de Afrikanen op gewelddadige wijze hun land, menselijkheid en waardigheid werd af­genomen.

‘Niemand heeft de verantwoordelijkheid genomen voor deze genocide die door blanken is begaan,’ aldus Dlamini, die eraan toevoegde dat in iedere blanke een stukje Hitler schuilt.

Massamoordenaar

Een week na zijn Facebook-comment en zijn weigering om zich te verontschuldigen, verloor Dlamini zijn positie als voorzitter van de studentenraad – overigens officieel niet vanwege zijn Hitler-adoratie, maar vanwege eerdere problemen.

Dlamini mag dan vertrokken zijn als studentenvertegenwoordiger, daarmee is deze affaire nog niet ten einde. Commentatoren wijzen erop dat anti-Joodse en anti-blanke sentimenten steeds vaker de kop opsteken in Zuid-Afrika.

Zo werd in maart op de Universiteit van Kaapstad met succes fel actie gevoerd tegen een standbeeld van de ‘massamoordenaar’ Cecil Rhodes (1853-1902).

En in februari zei de studentenleider van de Durban University of Technology dat Joodse studenten die zich niet voor de Palestijnen uitspraken, zich moeten laten uitschrijven – een uitspraak waarvan de studentenraad zich haastig distantieerde. Ook zijn er acties gaande tegen Woolworths-supermarkten wegens Israëlische producten, waarbij onder meer varkenskoppen in de winkels werden gedumpt.

Ras

Er is veel woede onder zwarte jongeren, die zich geconfronteerd zien met enorme jeugdwerkloosheid (50,2 procent) en een sociale en economische ongelijkheid die vaak is gekoppeld aan ras.

Bovendien is er een felle richtingenstrijd binnen het ANC en de aan de partij gelieerde vakbonden en communisten, waarbij de roep om ‘radicale hervormingen’ de leidende mantra is. In dergelijke omstandigheden, leert de geschiedenis, is het zoeken naar zondebokken een populair tijdverdrijf.

Maar je kunt Dlamini’s uitspraken en de steun die hij van jonge zwarten kreeg, ook zien als een noodkreet, waarbij de meest banale voorbeelden worden gebruikt om maar te worden gehoord – ook al betreft het iemand die juist zwarten classificeerde als ‘Untermensch’.

door Fred de Vries 15 mei 2015

Elsevier nummer 21, 23 mei 2015

Regtegroep vaar uit teen Operasie Fiela

President Jacob Zuma het die regering se Operasie Fiela verdedig. Die operasie is daarop gemik om seker te maak dat immigrante die nodige dokumente het en wettig in die land is.

Die veldtog is deel van die regering se planne om misdaad te bekamp.

Stephen Faulkner van die People’s Coalition Against Xenophobia, het gesê die regering vergelyk buitelanders met “gemors” omdat “fiela” beteken om skoon te maak.

Die weermagoperasie impliseer dat diegene wat in hegtenis geneem word as “gemors” in stryd is met die regering se verbintenis om xenofobie uit te roei.

Die operasie word ook gekritiseer omdat dit gesien word as `n veldtog wat nie net onwettige immigrante aankeer nie, maar ook mense wat om asiel aansoek doen.

Zuma, wat vrae in die Nasionale Raad van Provinsies beantwoord het, het gesê dat dit veldtog slegs teen misdadigers is.

Beurtkrag vir die volgende drie jaar met SA

Beurtkrag gaan vir die volgende drie jaar ‘n werklikheid in Suid-Afrika wees, het die minister van Openbare Ondernemings gewaarsku.

Lynne Brown het vroeër gesê Suid-Afrikaners sal moet saamleef met voortdurende kragonderbrekings.

Volgens die minister sal instandhouding by Eenheid Een van Koeberg teen die einde van die maand voltooi wees.

Die kernaanleg in die Kaapse Skiereiland sal 900 megawatt tot die kragnetwerk kan voeg.

Brown sê vordering word by die Medupi-aanleg in Limpopo gemaak, en die eerste opwekkingseenheid, Eenheid Ses het onlangs meer as 700 megawatt gelewer, ‘n mylpaal.

Brown sê Medupi behoort teen die middel van vanjaar ten volle in bedryf te wees en sal krag gelykstaande aan meer as 40 persent van dié by Koeberg kan uitstoot.

Burundi se president keer terug

Die president van Burundi, Pierre Nkurunziza het na die hoofstad, Bujumbura teruggekeer, het RSG berig.

Nkurunziza was in Tanzanië toe ‘n weermaggeneraal aangekondig het dat hy hom in ‘n staatsgreep ontsetel het.

Die president het die weermag, polisie en die landsburgers gelukgewens omdat hulle die staatsgreep teengestaan het.

Soldate aan beide kante het vroeër op mekaar geskiet om beheer oor Bujumbura oor te neem.

Magte wat lojaal aan die president is, sê hulle het sedertdien die rebelle verdryf en het weer volle beheer oor die stad.

Die onrus in Bururndi word deur spanning tussen China, Rusland en die VSA gedryf.

NVG ingeroep na traangasaanval by skool

Die Hoërskool Pescodia in Kimberley in die Noord-Kaap is van voorneme om die onderwysdepartement se voorgeskrewe dissiplinêre prosedure te volg om op te tree teen twee leerlinge wat Woensdag ‘n onderwyseres met traangas in ‘n klaskamer aangeval het.

Amanda Loots het haar bewussyn verloor na die aanval.

Adjunkhoof, Hendrik Phillies, sê hoewel die skool sy eie dissiplinêre beleid het vir leerlinge wat die skoolreëls oortree sal die skool die department se prosedure volg omdat dit betrekking het op meer ernstige oortredings.

Phillies sê die skool het reeds begin met ‘n interne ondersoek en wou nie uitwy oor die voorval nie. Volgens hom is die twee leerlinge nie by die skool nie. Hulle gaan saam met hul ouers die skool besoek om sake te bespreek.

Phillies wou nie die twee hoërskoolleerlinge se ouderdom bekendmaak nie. Niemand is in die voorval beseer nie. Volgens hom is die betrokke klaskamer dadelik na die voorval ontruim.

Die polisie ondersoek ‘n klag van aanranding. Die minderjariges is onder hul ouers se toesig geplaas. Die nasionale vervolgingsgesag sal besluit of die leerlinge vervolg sal word.

Gauteng-onderwysdepartement gaan 124 Afrikaanse skole verengels

Die Gautengse departement van onderwys het vandag ‘n verklaring uitgereik waarin hy dit onomwonde stel dat enkelmedium-Afrikaanse onderwys summier beëindig word. In die plek daarvan sal skole voortaan parallelmedium Afrikaans en Engels wees met die verwagting dat daar stelselmatig na Engels oorgeskakel sal word. Volgens beskikbare navorsing neem dit ongeveer vyf jaar vir ‘n Afrikaanse skool om volledig na Engels oor te skakel.

Vir die anderhalf miljoen Afrikaners in Gauteng is dit ‘n nagmerrie wat bewaarheid word. Meer as ‘n eeu van Afrikaanse onderwys wat moeisaam oor geslagte heen tot stand gekom het, word hiermee revolusionêr beëindig. Beroemde Afrikaanse hoërskole soos Afrikaans Hoër, Waterkloof, Randburg en Linden, om net van hoërskole te praat, gaan daarmee sneuwel.

Die verklaring deur Panyaza Lesufi stel die totale Afrikanergemeenskap in kille terme voor die besluit wat eensydig en sonder raadpleging deur die ANC-beheerde onderwysdepartement geneem is. Daar word ook gesuggereer dat Afrikaners “demografies gaan wegkwyn” en dat hul skole dus sonder meer oorgeneem kan word. Die tersaaklike gedeelte van die verklaring lui soos volg:

“Weens die toenemende vraag na ruimte in ons skole en die toevloei van leerlinge vanuit ander provinsies na Gauteng, het die departement die besluit geneem om beskikbare ruimte te gebruik om dié leerlinge toe te laat. Daarom noop dit ons om die maksimumgebruik van alle beskikbaar ruimte in te stel, wat deur ons grondwetlike verpligting genoodsaak word om alle leerlinge wat toelating nodig het in ons skole te plaas. In die lig hiervan, het die departement ‘n strategie ontwikkel om 124 enkelmediumskole na parallelmediumskole om te skakel as ‘n manier om die oorbevolking in die meeste van ons skole te hanteer.

Dié redenasie word deur die volgende ondersteun:

  • Die bestaan van hoëgehalte-infrastruktuur wat tans onderbenut word in gemeenskappe waarvan die demografiese profiel oor die jare verander het;
  • Skole behoort die behoeftes van die gemeenskappe waarin hulle bestaan, te dien en die veranderende demografie van daardie gemeenskappe te weerspieël;
  • Die GOD (Gautengse Onderwysdepartement) het ‘n morele verpligting en gesag om toegang tot onderrig te verskaf waar ruimte bestaan soos wat deur die Suid-Afrikaanse skolewet nr. 84 van 1996 vereis word.

Die hele proses sal binne die wetlike vereistes geskied. Die departement sal binnekort ‘n raadplegingsproses met die skole wat hierdeur geraak word, begin. Die raadplegingsproses sal al die skoolhoofde, vakbonde en skoolbeheerliggame betrek wat hierdeur geraak word en sal hulle deur die proses voer, waaronder die beoogde winste en om potensiële vrese en uitdagings te hanteer.”

Dit is bekend dat mev. Barbara Creecy, die vorige LUR vir onderwys in Gauteng, van plan was om ‘n grootskaalse offensief teen Afrikaanse skole te begin. Dit wil voorkom asof sy egter gewag het totdat ‘n swartman by haar oorneem ten einde die rassekaart teen blanke Afrikaanse skole te kan speel.

Benewens die verengelsings van skole, gaan model C-skole ook gedwing word om gesamentlike beheerliggame met lokasieskole in te stel, sodat daardie skole die hulpbronne van veral die Afrikaanse skole kan oorneem.

Dr. Dan Roodt van PRAAG sê: “Dit lyk na ‘n soort proletariese nasionalisering van onderwys. ‘n Mens herken hierdie metodes uit die geskiedenis van voormalige kommunistiese lande. Nie net word Afrikaanse skole summier verengels nie, maar hulle gaan ook na die vlak van die meeste swart skole toe afgetrek word. Tot dusver was voortreflike onderwys nog al wat die blanke minderheid in staat gestel het om rassistiese regstellingswette te trotseer. Maar ook dít word nou kennelik van ons en van ons kinders af weggeneem.”

Lees ook: Verengelsing: Name van geteikende Afrikaanse skole bekend

en teken die petisie: Los ons Afrikaanse skole uit!

Oproeriges brand skole, beskadig 50 voertuie

Spanning in Alberton het daartoe gelei dat die Ekurhuleni Metropolisie op ‘n hoë gereedheidsgrondslag geplaas is.

‘n Metropolisiewoordvoerder, Wilfred Kgasago, sê dit is nog nie duidelik waaroor die oproer handel nie, maar hy sê staatsgeboue word geteiken.

Gewelddadige oproer in die Albertongebied het Dinsdag tot brandstigting gelei. Amptenare sê oproeriges het in die nag die strate ingevaar en skole aan die brand gesteek.

Talle oproermakers is intussen weens openbare geweld in hegtenis geneem.

Vier skole en ‘n gemeenskapsaal is in brande beskadig en strate is versper. ‘n Raadslid se huis is tot op die grond afgebrand.

Polisie is ook ontplooi buite Sasolburg weens klipgooiery.

Tussen Sasolburg en Koppies is meer as vyftig voertuie op die R82-pad deur klipgooiers beskadig. Die toestand is steeds gespanne.

Nog motors is op die pad tussen Sasolburg en Heilbron geteiken in die onrus oor kragvoorsiening.

Oproermakers van die Amelialokasie by Sasolburg het paaie met klippe en brandende buitebande versper om te eis dat elektrisiteit aan hulle voorsien word.

Hulle eis ook dat die Metsimaholo-munisipaliteit woonerwe aan plakkers beskikbaar stel.

Hoërskool leer tieners oor ouerskap

Riverside College in Kaapstad stel nie soveel daarin belang om leerlinge aan Wiskunde of Wetenskap bloot te stel nie. Die skool meen leerlinge moet meer te wete kom oor ouerskap op ‘n jong ouderdom.

Die skool het tegnologie vir tien dae lank ingespan waartydens die leerlinge geleer is oor die verantwoordelikhede van ouerskap.

Die hoërskool het hul leerlinge gevra om ‘n “baba” rond te dra vir dié tydperk.

Nie net is van die leerlinge verwag om die “baba” rond te dra van 2.5kg waar hulle gaan nie, maar hulle het digitale aanmanings per selfoon ontvang oor hul opvoedingstaak.

Elke leerling het verskeie kere per dag ‘n boodskap ontvang wat hom of haar herinner dat die “ouer” die “baba” moet voed, winde moet uitvryf, doeke moet ruil, moet bad en kwaliteit aandag aan hul “kinders” moet gee.

Suid-Afrika worstel reeds met ‘n buitensporige aantal tienerswangerskappe wat deur staatstoelae aangemoedig word.

Noordwes skuld kontrakteurs miljoene

Noordwes se departement van openbare werke en paaie skuld padkonstruksiekontrakteurs meer as R280 miljoen.

Hierdie inligting het aan die lig gekom tydens ‘n vergadering van die staande komitee oor openbare rekeninge in die provinsiale wetgewer.

Die voorsitter van die komitee, Mahlakeng Mahlakeng, het gesê die komitee het met Noordwes se premier Supra Mahumapelo byeengekom om die finansiële situasie van drie provinsiale departemente wat tans deur die provinsiale tesourie help bestuur word, te bespreek.
 
Mahumapelo het verlede maand aangekondig dat die departemente van openbare werke en paaie, onderwys en gesondheid onder administrasie geplaas word.
 
Mahlakeng sê die uitstaande betalings aan kontrakteurs laat kommer oor moontlike vrugtelose en verkwistende uitgawes.