Beurtkrag gaan vir die volgende drie jaar ‘n werklikheid in Suid-Afrika wees, het die minister van Openbare Ondernemings gewaarsku.
Lynne Brown het vroeër gesê Suid-Afrikaners sal moet saamleef met voortdurende kragonderbrekings.
Volgens die minister sal instandhouding by Eenheid Een van Koeberg teen die einde van die maand voltooi wees.
Die kernaanleg in die Kaapse Skiereiland sal 900 megawatt tot die kragnetwerk kan voeg.
Brown sê vordering word by die Medupi-aanleg in Limpopo gemaak, en die eerste opwekkingseenheid, Eenheid Ses het onlangs meer as 700 megawatt gelewer, ‘n mylpaal.
Brown sê Medupi behoort teen die middel van vanjaar ten volle in bedryf te wees en sal krag gelykstaande aan meer as 40 persent van dié by Koeberg kan uitstoot.
Dankie dankie dankie die libtird wereld is nou n sukses.
Brown se “mylpaal” is drie jaar laat en gaan nie n werklikheid word nie.
Die eerste mylpaal Lynne, is wanneer julle die kaders in Soweto kry om te betaal en die stadsrade kry om te betaal, dit wat hulle by die belastingbetalers steel.
Wat is die uitwerking op die ekonomie, Lynne?
Eskom sal nooit weer die monopolie terugkry nie. Tegnologies kan nou al mens ‘n huis met sonkrag en windlaaiers en batterye selfvoorsienend maak teen sowat R50,000 -00 . Betaal dit self binne 5 jaar.
As Eskom minder krag duurder wil verkoop maak hulle die proses van privatisering net baie vinniger en meer betalend vir die verbruiker.
Die nuwe Tesla batterye is tans nog baie duur maar ‘n fantastiese produk wat kragopwekkers gaan verplaas.
Ek voorsien dat die hele netwerk van Eskom gaan geprivatiseer word met uitgekontrakteerde Kragopwekkers. : Son Wind en Kernkrag en Steenkool. .