Menings – Bladsy 6 – praag.co.za

Brief: Het voorgestelde haatmisdaadwetgewing ‘n bestaansreg?

Ek is nie ‘n prokureur nie en die sienings wat ek deel is slegs hoe ek dit interpreteer en nie noodwendig dié van ‘n regsgeleerde nie. Maar die voorgestelde haatmisdaadwetgewing opper baie vrae.

http://www.justice.gov.za/legislation/bills/2016-HateCrimes-HateSpeechBill.pdf

Offence of hate crime

3.

A hate crime is an offence recognised under any law, the commission of which by a person is motivated on the basis of that person’s prejudice, bias or intolerance towards the victim of the hate crime in question because of one or more of the following characteristics or perceived characteristics of the victim or his or her family member:

(a) Race; (b) gender; (c) sex, which includes intersex; (d) ethnic or social origin; (e) colour; (f) sexual orientation; (g) religion; (h) belief; (i) culture; (j) language; (k) birth; (l) disability; (m) HIV status; (n) nationality; (o) gender identity; (p) albinism; or (q) occupation or trade.

Volgens die definisie van “maatmisdaad” is dit duidelik dat die regstellende-aksiewetgewing, asook ook die swartbemagtigingswetgewing daardeur gekanselleer word. Ek sê so omdat baie van die wetgewing geskryf is in die gees van diskriminasie teen blankes en veral teen blanke mans. Die vraag dan is of dit so toegepas sal word?

Verder dink ek nogal is dit nie ‘n te slegte stuk wetgewing nie want dit sal vryheid van spraak vir die linksliberale pers totaal en al inperk en die geweeklaag van mense soos Max Dup sal nie meer kan plaasvind nie.

As mens verder lees sal jy sien dat dit nie jou as persoon se interaksie met mense inperk nie. Ek neem as ‘n voorbeeld: Ek stuur ‘n boodskap aan ‘n groep dat ek nie organisasies sal ondersteun wat Blank sowel as Swart kinders kos gee nie. Ek pleeg nie ‘n haatmisdaad deur dit te sê nie, ek deel slegs my siening met ‘n groot groep mense. Maar as een van daardie mense, kom ons sê maar die persoon is hopeloos te liberaal, my aanval oor my siening en uitkyk op die wêreld en my bv name noem pleeg daardie persoon ‘n haatmisdaad. Sou daardie persoon verder gaan en dit wat ek gesê het versprei na sy kontakte toe met die gedagte dat hulle my ook moet aanval, dan pleeg daardie persoon ook ‘n haatmisdaad.

Ek vra dus die vraag of Penny Sparrow onder dié wetgewing aangekla sou kon word, sy het verwys na morsjorse as ape. Regter Mabel Jansen het weer in ‘n privaatboodskap haar sogenaamde misdaad gepleeg. Die wetgewing is duidelik dat privaat omgang, tensy dit is om iemand aan te hits om ‘n haatmisdaad te pleeg, nie ‘n misdaad is nie. Om egter daardie privaat kommunikasie te gebruik om die persoon aan te val en in ‘n slegte lig te stel, is wel ‘n haatmisdaad. So Gillian Schutte het haarself dus skuldig gemaak aan ‘n “haatmisdaad” omdat sy Jansen aangeval het uit haar verhewe liberale “prejudice, bias or intolerance towards the victim”. My vraag dus is as Jansen ‘n klag teen Schutte sou lê wat sal die uitspraak dan wees? Sou die hof nie Schutte skuldig bevind nie sal dit al reeds ‘n groot deel van die wetgewing tot niet maak. Verder moet net een politieke persoon met aansien aangekla word vir ‘n onbesonne ding wat hy of sy kwytraak en onskuldig bevind word en daar stort die wet totaal ineen.

Nou moet ek vra: Wie het hierdie konsepwet saamgestel?

Moet ons stilbly en die wet laat deurgaan en vinnig speel, ‘n paar liberale en swartes uitlok en aankla om sodoende die tande van die wetgewing te trek of moet ons die voorgestelde wetgewing met hand en tand beveg?

Ek sal graag die siening van ‘n regsgeleerde wil sien aangaande my afleidings.

– Jan Malan

Brief: Is universiteite nog relevant?

Word die oorlewing van ‘n volk bepaal deur haar vermoë om die status quo te beskerm of haar vermoë om aan te pas na gelang van omstandighede? Ek is oortuig die enigste manier vir ons as volk om te oorleef, is om meer analities en strategies na die wêreld om ons te kyk en vinniger te reageer op veranderinge, terwyl ons vashou aan die kernwaardes van die volk.

Ek sien daagliks hoe ongelukkig ons mense is oor die toestand van universiteite in die land. In ‘n sekere sin is dit vir hulle ondenkbaar dat die lewe kan voortgaan sonder universiteite. Vir dekades lank is ‘n graad by ‘n universiteit beskou as verteenwoordigend van besonderse akademiese prestasie. Die vraag is: het dit nie dalk tyd geword om te gaan kyk of universiteite nog relevant is nie? Is ons nie besig om vas te kyk teen die sentiment van hierdie instellings bloot omdat dit deur ons gebaar is nie?

In die jaar 2000 was ‘n LLB-graad 4 jaar lank en het ek ‘n Nokia-foon gehad met ‘n groen skerm en die prentjies op my sms’e is gemaak met punte, kommas en strepies. Vandag het ons slimfone (wanneer dit nie ontplof nie!) wat omtrent alles kan doen waaraan jy kan dink en ‘n LLB-graad is nog steeds 4 jaar lank. As ons objektief hierna kyk, kan mens nie help om te wonder of universiteite dalk tred verloor het met die spoed waarteen die mensdom ontwikkel nie. Oorskadu die idee van ‘n graad nie dalk ‘n lomp waarheid nie?

Hoeveel van ons het nie op die eerste werksdag gehoor: “Vergeet wat jy geleer het op varsity – hier is hoe dit werk in die regte lewe” nie? Ná drie of vier jaar se studie is soveel mense ontnugter deur die praktyk. Hierdie gaping tussen teorie en praktyk is egter nie ‘n nuwe debat nie, maar die gaping het aansienlik vergroot die laaste paar jaar. Daar is deesdae so ‘n wye verskeidenheid posbeskrywings dat meeste mense nie eers weet wat moet jy gaan studeer om ‘n sekere pos te kry nie. Kortom, stuur ons ons kinders vir drie of vier jaar universiteit toe om teorie te gaan leer wat verouderd gaan wees teen die tyd dat hulle klaar is, om ‘n graad te kry in ‘n rigting wat hulle moontlik nie eers gaan gebruik nie, en dít teen ‘n helse koste!

Digitale media het in ‘n kwessie van ‘n paar jaar die wêreld verander. Mense hoef nie meer te wag vir die koerant om te sien wat is nuus nie. Ons het toegang tot enige en alle inligting wat ons kan ronddra in ons broeksakke. Ons kan kommunikeer met enige iemand op aarde en dit alles gebeur in ‘n kwessie van sekondes. So die waarde van ‘n instelling wat toegang gegee het tot navorsing, teorie, inligting en opinies kan mos onmoontlik dieselfde weeg as wat dit twintig jaar terug gedoen het.

Ons moet egter onderskei tussen die stelling dat universiteite nie meer relevant is nie, in teenstelling met die idee dat kennis, wysheid, opleiding en vaardigheid nie relevant is nie. Laasgenoemde is vandag meer noodsaaklik as in enige ander tyd in die mensdom se geskiedenis. Die uitdaging is om ‘n alternatief te ontwikkel vir opleiding om kennis, wysheid en vaardighede oor te dra aan die individu, maar om dit te doen op ‘n doeltreffende, toepaslike wyse, met ons kultuur se voortbestaan as subteks.

Baie akademiese dissiplines het alreeds groot vordering gemaak om weg te breek van die oordrewe gewig wat ‘n universtiteitsgraad dra en dit is vervang met meer doeltreffende alternatiewe. So ‘n paar dekades terug was Christene beperk tot die paar bekende kerke waar die arme predikant sewe jaar moes studeer voor hy iemand kon begrawe. Vandag sien ons talle suksesvolle kerke waar die predikers of pastore gebruik maak van kursusse of mentorskappe. Baie van die bekende internasionale predikers het geen formele opleiding gehad nie en tog bereik hulle boodskap duisende mense.

Dus, wat die geesteswetenskappe betref, is daar reeds alternatiewe beskikbaar. Bitter min kunstenaars studeer kuns, bitter min musikante studeer musiek en filosowe is werkloos met of sonder ‘n graad. Die uitdaging word aansienlik moeiliker met meer gereguleerde rigtings soos die regte. Een alternatief wat reeds beskikbaar is, is om langafstand-onderrig te ontvang. Ek weet van heelwat mense wat hulle grade gekry het en ‘n voltydse werk gehad het. Dit kan gedoen word.

Ek dink die ideaal is egter om ‘n meer praktyk-gedrewe alternatief daar te stel. Een so ‘n voorbeeld is dat mense in die regsberoep ‘n sentrum op die been bring vir jong mense. So ‘n sentrum moet skakel met die praktyke en studente moet van die eerste dag af betrokke wees by die praktyk. Die model sal baie korter en meer intensief wees as die vierjaargraad wat hulle gedoen het. Stel ‘n streng toelatingsvereiste en maak seker almal voldoen aan die vereiste voor hulle die beroep professioneel kan begin beoefen. In plaas daarvan dat hulle vir vier jaar jol en partytjie hou en nagte om studeer voor eksamens, gaan hulle nou elke dag op hoogte wees van wat aangaan in die beroep. Hulle projekte en take kan geskoei wees op die behoeftes van die betrokke praktyke en sodoende skep hulle waarde vir die aandeelhouers. ‘n Eenvoudige beursmodel kan gebruik word om mense te finansier wat nie kan betaal nie of ‘n lening wat hulle kan afbetaal sodra hulle toegelaat is om te praktiseer.

Hetsy dit regte, medies of enige ander wetenskap is, daar is alternatiewe om meer bedryfsgedrewe opleiding daar te stel. Ek is daarvan oortuig dat daar meer relevante maniere is om jou kind se toekoms te verseker as die huidige universiteite. Universiteite het ‘n plek geword waar duisende mense vir ‘n jaar of drie rondhang teen groot koste met te veel tyd tot hul beskikking terwyl die wêreld in daardie selfde tyd alweer besig is om te verander.

Dit wil voorkom asof universiteite die slagoffers gaan word van politieke, grootliks rasgedrewe standpunte. Die ondoeltreffendheid van die instellings, koste en risiko vir ons jeug watd daaraan verbonde is, word net al groter. Wat ons nodig het, is dat akademici begin koppe bymekaar sit om alternatiewe daar te stel. Die uitdaging bly om erkenning te kry vir die alternatief by ‘n regering wat duidelik sy eie agendas dryf en sy mag op minderheidsgroepe wil afdwing.

Gelukkig is daar baie mense onder ons met universiteitsgrade wat ‘n oplossing vir die probleem sal kan voorstel… of is dit nie relevant nie?

– Vannermerwe

Verslete ou ANC-gevegte oor wie die beursie hou

Die gewone vervelige ou faksiegevegte binne die ANC wat gereeld as “nuus” in Suid-Afrika aangebied word, is weer opgediep deur wit ANC-lede in Gauteng wat van die etniese Zoeloes in die party ontslae wil raak.

Die “elite” in die ANC veg verbete om posisies en gebruik staatsmiddele daarvoor omdat hulle slegs deur politieke intriges verryk word weens ‘n gebrek aan kundigheid. Die media dink persoonlikhede in die ANC is nuuswaardig want hulle sal dit nie waag om die hele korrupte nes van ‘n bestel te ontbloot nie.

Gauteng-marionet, Pravin Gordhan, en minister van finansies, beweer “verdagte transaksies” van R6,8 miljard is met die Guptas gesluit. Geen “verdagte transaksie” deur die ANC se Gauteng-faksie is nog opgediep nie en aangesien die media Gordhan se sy trawante heelhartig steun, sal dit ook nie gou gebeur nie.

Die anti-Zuma-faksie in die ANC hoop die nuwe intrige sal Zuma by die party se verkiesingskonferensie in Desember volgende jaar in die verleentheid stel.

Dit is dus geen verrassing dat Cyril Ramaphosa ook sy “morele en politieke steun” aan Gordhan toegesê het nie.

“Voorvalle die laaste paar dae wat verband hou met minister Gordhan is ‘n groot bron van kommer vir alle Suid-Afrikaners in alle sektore van ons samelewing. Ek bied my ondersteuning aan minister Gordhan in die klagte wat die nasionale vervolgingsgesag (NVG) teen hom ingedien het,” het Ramaphosa gesê.

Dit kan egter die meeste Suid-Afrikaners nie skeel wat van Gorhan en sy trawante word nie, want die media kan dit nie waag om hulle buitenissige voorregte te verdedig nie. Die ANC-vetkatte het hul posbeskrywings te danke aan ‘n ideologiese windeier.

Die swart politieke stemme toon te min variasie as hulle begin kerm dat hulle nie kan saam baljaar op die staat se onkoste nie. Ebrahim Patel, minister van ekonomiese ontwikkeling, en Derek Hanekom, minister van toerisme, is die ander kabinetslede wat Gordhan glo steun. Nie een van die drie het enige invloed nie en werk saam met die EFF.

Die EFF het Sondag klagtes ingedien teen die Guptas en Duduzane Zuma, Zuma se seun.

Floyd Shivambu, onderleier van die EFF, het by die Rosebank-polisiekantoor gedreig om die “Guptas en hul hanteerder, Jacob Zuma, op hul knieë te dwing” omdat hulle glo genoeg bewyse by die polisie ingedien het. Dit sluit glo geldwassery, afpersing, bedrog en diefstal in.

Brief: Die afwesigheid van die vaderfiguur in SA blanke politiek

Daar kan gereken word dat PW Botha die laaste volksleier met erkende politieke mag was. Die gatomswaai-brigade wat hom opgevolg het se agendas en verskonings is nou nie juis gedoop in volksliefde nie. Die volkseie leiers van daardie tyd tot en met vandag het nie een regtig daarin geslaag om die steun van die groter blankedom in die land te trek nie.

Vir ongeveer die laaste drie dekades sit ons dus met ‘n leierskapskrisis. Die leiers wat daar was, was nie te vertrou nie en die goeie leiers is nie die kans gegun om te lei nie. Vandag sit ons in ‘n groter krisis as ooit tevore met betrekking tot volkseie leiers. Daar is baie manne soos dr. Roodt, Steve Hofmeyer en ander wat poog om leiding te gee, maar hulle sterk punte is in ander velde en hulle bevind hulle in ‘n situasie waar daar verwagtinge geskep word vir hulle om leiers te wees omdat daar niemand anders is nie. Met ander woorde, bloot omdat hulle leiers is op hulle gebied, moet hulle nou ook leiers wees in die kultuurpolitieke konteks van die volk.

Daar word baie verwys na die idee dat ons nie leiers het nie. Myns insiens is die probleem egter dieper as dit. Ons het leiers, maar ons het die vaardigheid of die kennis oor hoe om te lei, verloor. As ons kyk na ‘n familiebesigheid as voorbeeld sien ons dat die jonger geslag by die ouere oorneem. Eers leer hulle die operasionele kant deur onder die ou geslag te werk en daarna, soos hulle hulle bewys, word hulle “erken” en word die leierskap van daardie onderneming oorgegee. Net so behoort daar ‘n vloei in politieke leiding binne ‘n homogene groep te wees. Die jong manne moet eers leer by die ou manne en dan oorvat en verder lei.

Met die uitwissing van politieke mag het hierdie vloei van leierskap tot stilstand gekom. Daar was skielik nie meer ‘n familiebesigheid om te bestuur nie en die jonger geslag moes uitspring en gaan werk soek. Die gevolg is dat baie leiers hulle tans bevind in leiersposisies in die sakewêreld, terwyl daar ‘n vakuum in die kultuurpolitieke arena ontstaan het. Die afwesigheid van die vaderfiguur in die politiek het tot gevolg gehad dat die bestaan van die volk in twyfel getrek word. Sonder struktuur, is ons net ‘n klomp wit mense hier in die Suidpunt van Afrika. Daar is geen land ter wêreld wat nie ‘n leier het nie. Dink jouself in hoe ‘n land sal voortbestaan sonder ‘n tipe regering? Netso deurmekaar is ons tans sonder leiers en ‘n leierstruktuur.

Die geslag wat nou moes lei, het dus geen erfenis van hulle vaders ontvang nie en laat dus ook geen erfenis vir die kinders na nie. So al die geslagte wat nou ‘n voorbeeld van die vaderfiguur moes ontvang, sien niks behalwe Pokemons nie! Leiers op die internet wat jy oral soek net om te besef dit is alles ‘n virtuele klugspul, net soos Pokemon.

Die realiteit is dat die bestaan van ons volk in gedrang is. Sonder leierskap wag ons eenvoudig dat die laaste hoofstukke van ons geskiedenis oorgeskryf word deur die nuwe heersers, voor hulle ons taal en kultuur finaal uitwis en ons net ‘n klomp kultuurlose individue word. Maar wat is die antwoord? Hoe oorbrug ons leierlose generasies?

Die een opsie is om eenvoudig te wag en te hoop. Alhoewel dit vir sommiges klink na ‘n belaglike idee is daar bewyse dat ons volk geneig is om te wag totdat ons in die hoek is voor daar leiers opstaan. Die oomblik as die krisis groot genoeg is, as daar niks meer oor is om te verloor nie, dan staan die leiers op en trek die wa deur die drif. Baie van die generaals in die ABO wou geen deel hê aan ‘n oorlog nie, tog, toe die oorlog begin was hulle van die name wat in ons geskiedenis vereer word.

‘n Ander opsie is om bestaande leiers te begin kredietwaardigheid gee deur massa-ondersteuning. Bestaande partye, groepe en organisasies het almal leiers in plek. Ek is egter nie oortuig dat hierdie opsie lewensvatbaar is nie. Die argument is eenvoudig dat as hierdie leiers so goed was, sou die mense hulle reeds ondersteun het.

Daar is egter ‘n ander idee wat dalk kan help met die krisis, maar dit is ‘n waagstuk. Neem in ag dat meeste mense onder 40 nie militêre opleiding gehad het nie. Nie net sit ons met generasies sonder die vaardighede in iets soos gevegskuns nie, maar ons sit ook met generasies sonder die dissipline en loutering wat van ware leiers verwag word. Met ander woorde die laaste generasie leiers is nou tussen 40 en 65, die tipiese ouderdom waarop leiers die verhoog beset. As hierdie generasie leierloos verdwyn, sonder om ‘n nalatenskap agter te laat, kan ons die idee van ‘n volk vergeet.

Stel jou voor die leiers van ‘n groep soos 32 (die Buffels) kom bymekaar en stig ‘n burgerregte-organisasie. Soos almal weet was 32 veelrassig, meertalig en was die eenheid onder hulle gebou op wedersydse vertroue, respek en ‘n stel kernwaardes. Die oomblik as so ‘n groep gaan bymekaarkom met die doelwit om die regte van minderheidsgroepe te beskerm, gaan dit skokgolwe deur die politieke landskap stuur. Ons kan van die ou weermag sê en dink wat ons wil, maar hulle het leiers gekweek en dissipline afgedwing. Hierdie “ou” manne sal die ideale platform skep vir die nuwe generasie om die kern van leierskap te leer. Sit hierby die kennis en strategiese denke van iemand soos dr. Roodt en die charisma van die flambojante Steve en skielik het jy ‘n leierskorps wat die behoudende individu en die minderheidsgroepe kan verteenwoordig.

Neem in ag dat ons troep nie net baklei het vir die wit mense in Suid Afrika nie. Hulle het baklei vir hulle land. So die idee van ‘n organisasie wat vir Suid-Afrika baklei, is iets wat elke persoon wat diensplig gedoen het verstaan. Daar is dus onmiddellik ‘n netwerk of band tussen die oudsoldate.

Ons moet ook nie die rol van oorlogsveterane onderskat nie. Van Amerika tot in Zimbabwe is die veterane ‘n naturlike drukgroep om van kennis te neem, maar op die oomblik het ons nie toegang daartoe nie. Ons het egter nodig om ons stryd te sien in die internasionale konteks en daarom gaan dit nie help om ‘n groep te stig wat bloot die behoud van een volkie probeer najaag nie. Die hele wêreld stoei met hierdie liberale ideologie en die konserwatiewe waardestel is oral besig om weerstand te begin bied. Ons moet dus ‘n platform daarstel wat in dieselfde waardestel beweeg en terselfdertyd vir ons as ‘n unieke kultuurgroep beskerming bied.

Dit is heel moontlik ‘n verregaande idee dat die oudsoldate of ‘n legendariese groep binne die oudsoldate soos ‘n 32 Bataljon die nuwe gesig van volksoorlewing moet word. Die idee sal egter radikale groepe soos die EFF iets gee om oor te dink. In ‘n land waar daar tans geen teenpool is nie, sal iets soos die Nuwe Buffels die aandag van duisende trek en kan dit heel moontlik die antwoord wees vir ‘n volk wat tans soos weeskinders sonder ‘n leiersfiguur rondswerf.

Wie weet, as daar nou ‘n leier in sy Army Browns opstaan, was Oom Siener dalk nie te ver uit met sy “Man in Bruin”-visioen nie…

– Vannermerwe

Betogers het nie geloofwaardige eise nie

Gratis onderrig, gratis beurse, gratis vervoer, gratis verblyf en gratis kos. Dit is die jongste eise van swart oproeriges wat bereid is om geweld te gebruik om dit aan universiteite op te dwing.

In ‘n stemposnota het ‘n swart student Woensdag gewaarsku dat die betogers binnekort ‘n wit student gaan vermoor om hul “rewolusie” te laat eskaleer.

Voorheen was dit klagtes teen klasgeldverhogings en daarna uitbarstings, vandalisme, en brandstigting oor die dienskontrakte van skoonmakers.

Kennelik is enige kwessie goed genoeg om ‘n grief te word wat tot die sinnelose vernietiging van tersiêre instellings sal lei. Dit sluit ook sluipmoorde op wit studente in.

Dat die oproeriges nie geloofwaardige eise het nie, raak al hoe duideliker en dit sal studente wat wil studeer loon om dadelik van hul universiteite se bestuur ontslae te raak.

Talle universiteite regoor die land is steeds vandag gesluit nadat hernieude betogings die week uitgebreek het.

Wits en die Universiteit van Kaapstad het akademiese aktiwiteite opgeskort nadat klasse vir ‘n rukkie hervat is, omdat die leierskap een of ander politieke speletjie speel met die oog daarop om van president Zuma ontslae te raak.

Die betalende studente wat ingeskryf het om te studeer se regte word eenvoudig deur Adam Habib (Wits) en Max Price (UK) geminag. Maar niemand eis hulle bedankings nie.

Die DA, te vreesbevange om nie verlinks te lyk soos die EFF nie, swyg in alle tale.

Dieselfde het by die Universiteit van die Wes-Kaap en die Kaapse Skiereiland Universiteit van Tegnologie gebeur.

Ander tersiêre instellings soos die Nelson Mandela Metropolitaanse Universiteit in Port Elizabeth is ook gesluit.

Klasse word by die Durban Universiteit van Tegnologie onder polisiebewaking voortgesit.

Linkse kanker woeker voort

In Leopold Scholtz se jongste Stasi-propaganda-opstelletjie ter verdediging van die linkse Duitse kanselier Angela Merkel, trek hy weer te velde teen die “populiste”, die bose “nasionaliste” en “ongeskoolde” kiesers wat teen haar en haar party gestem het vir die regse AfD.

Scholtz waarsku lesers ook dat Merkel weer die verkiesing gaan wen, ten spyte daarvan dat haar beleid om hordes immigrante toe te laat tot haar huidige ongewildheid gelei het.

Dalk is die volgende verkiesingsuitslae al reeds bekook, net soos in Oostenryk waar die land weer sal moet stem weens verkiesingsbedrog deur die linkses?

Merkel het so kort gelede soos in 2010 verklaar dat multikulti nie werkbaar is nie, en daarna nogtans die landsgrense oopgegooi! Dit is dus duidelik dat die oud-kommunis nie te vertrou is nie en dat haar verklarings bloot daarop gemik is om kiesers om die bos te lei deur hulle met leuens te paai.

Maar volgens Leopold staan die linkses nog vas op hul morele hoëgrond, want hulle glo die land moet oorstroom word met immigrante om die Duitse ras te vernietig.

Migrante wat in hul eie lande nie die mas opkom nie, verteenwoordig nou die “hoop” vir Europa.

En beter mense soos hy en Angela wat dink die Duitse volk het geen reg om te bestaan nie, net soos die Afrikaners ook geen bestaansreg het nie, het darem nog hul linkse vriende soos Gerwald Rock Claus-Brunner (foto).

Want Leopold het ons weer daarop bedag gemaak dat hy niks met “dom” regses te make wil hê nie. Hy bly links.

Soos die politikus van die “progressiewe” Pirateparty, Rock Claus-Brunner (44) wat op 19 September, ‘n dag na die party se groot nederlaag in die Berlynse staatverkiesing, versuim het om die 5%-drumpel te haal.

Gerwald het daarna ‘n man in sy woonstel vermoor voordat hy sy eie lewe geneem het. Hy is uiteindelik neffens die lyk gevind wat hy vir ure lank, dalk enkele dae lank, verkrag het.

Claus-Brunner het reeds op 23 Junie aan politieke partyverteenwoordigers sy voornemens min of meer aangekondig en verklaar dat hulle “spyt sal wees dat die party waaraan hy behoort sal ophou om te bestaan” en dat hulle eendag “sal moet opstaan en ‘n minuut van stilte” vir hom sal moet hou.

Sy party het ook beweer dat hy aan ‘n “ongeneeslike siekte” ly. Dít, tesame met die swaar verlies van die verkiesing, het hom glo tot moord en verkragting van ‘n lyk gedryf.

Die Pirateparty is oorspronklik gestig met die doel om digitale vryheid te bevorder, maar dié oogmerk het verdwyn tussen al die ander linkse “progressiewe” programme soos neomarxisme, antifascisme en radikale feminisme.

Gerwald wou bloedskande wettig, asook pedofilie, instemmende seksuele verhoudings tussen ouers en hul kinders, kinderhuwelike, kinderpornografie, aanvaarding van homoseksuele paartjies en geslagsneutrale badkamers in alle openbare instellings.

Die party is natuurlik ‘n voorstander van die Frankfurtskool en het ‘n wetsontwerp voorgestel om “die bevordering van die nasionale belange van Duitsland” te staak, naamlik “Antrag gegen Nasionale Egoismen” in 2012.

Die wetsontwerp is presies wat Leopold ook in gedagte het: ‘n Oproep om die “historiese verantwoordelikheid” van Duitsland om die wêreld se mees multikulturele utopie te vestig vir “al 7 miljard wêreldburgers”.

Openbare skole moet beëindig word en gedagtemisdade moet in aanloop tot die eenwêreldparadys swaar gestraf word.

Dít is Leopold Scholtz se soort geselskap, die soort mens waarmee hy graag identifiseer. Vir die regses sien hy en Naspers nie kans nie.

Ons word daagliks met die linkse neomarxistiese kanker besmet, waar selfs gebreinspoelde skoolkinders, soos ene Ewan-Nize Gerber, ook as bruikbare idiote ingespan word:

Omdat my huistaal Afrikaans is, vra mense my gereeld: “Is jy ’n Afrikaner?”

Oor die jare het my antwoord al hoe kwaaier geword: “Nee.”

(…)

Ek kan nie my weersin [in Afrikaners] wegsteek nie.

Gerber is ‘n matriekleerling aan die Hugenote-hoërskool in Wellington en net soos Gerwald Rock Claus-Brunner, Leopold Scholtz, Angela Merkel, en Media24, is sy nie regs nie.

Ek sal nooit ’n Afrikaner wees nie. (…)

Ek is nie ’n burger van ons land nie, ek is ’n burger van die gees van ons land. Ek is gebore in Suid-Afrika; ek is ’n Suid-Afrikaan. Ek is die eenheid van die nasie en dit is die Suid-Afrikaners onder ons wat die nasie sal verenig.

Ons Suid-Afrikaners is die enigste mense wat ons nasie kan verenig. En aan al die ander: Wees gewaarsku.

Ons getalle neem toe met die breek van elke brander aan ons wonderlike kus; ons wag geduldig. Stadig en sekerlik aan die opbou.

Maar danksy haar voorgangers kan sy gerus wees dat die volksmoord teen Afrikaners steeds voortwoed. Haar geduld sal beloon word.

Brief: Nou verstaan ek ‘strukturele rassisme’

Dit was nog altyd vir my moeilik om vatplek te kry aan die konsep bekend as strukturele rassisme. Aanvanklik het ek gemeen dit gaan daaroor om jou vreemd en ontuis te voel. Ons almal gaan egter deur ervarings wat ons vreemd en na ‘n buitestander laat voel: Jou eerste skooldag. Jou eerste dag in die hoërskool. Die slag as jy universiteit toe gaan. By ‘n nuwe werk. Mettertyd raak die meeste blankes egter gewoond aan hulle nuwe omstandighede, en ek het nog nooit gesien dat die linkse media beserk geraak het oor die lot van nuwe blanke graadeentjies nie.

Google was eweneens nie van veel hulp nie. Selfs die Wikipedia-artikel oor dié saak is maar vaag, en erken in soveel woorde dat dit minder waarneembaar is as openlike rassisme. Ek moes my dus maar tot nuusberigte wend.

‘n Vrees vir standbeelde van dooie wit ouens is blykbaar nader aan die Ware Jakob. Die vrees vir standbeelde en skilderye wat glo ‘n toonbeeld van strukturele rassisme is, loop dikwels uit op die brand van skilderye en lesinglokale. So ook is die betaal van klasgelde of die terugbetaling van studielenings kwansuis erge voorbeelde van strukturele rassisme. Weer eens loop dit maklik uit op die brand van buitebande of geboue. Hier het ons dus ‘n leidraad in ons soektog: As ‘n trein, skool, skildery of lesinglokaal afgebrand word, is dit ‘n duidelike simptoom daarvan dat die arme, onskuldige brandstigters en geweldenaars ly onder strukturele rassisme. Prasa en Spoornet is terloops skynbaar van die ergste sondebokke wanneer dit kom by die toepassing van strukturele rassisme, te oordeel aan hoeveel treine afgebrand word, met busmaatskappye nie ver agter Prasa nie.

Nog ‘n kenmerk van strukturele rassisme is dat dit vloeibaar en vormloos is. Een ding loop maklik uit op ‘n ander, en dikwels het die griewe min met mekaar uit te waai. ‘n Voorbeeld hiervan is weer eens die Fees Must Fall-beweging. Eers het dit gegaan oor standbeelde van dooie wit mans wat die arme bloedjies agv hulle vrees en bewing ontlasting laat gooi het, toe omvorm dit in klagtes oor uitgekontrakteerde skoonmakers, wat uiteindelik uitgeloop het op klagtes oor klasgelde. Hierdie is leidraad nommer twee: Strukturele rassisme is onlogies, vormloos en bykans enige iets kan ‘n voorbeeld daarvan wees.

‘n Lig het egter vir my opgegaan nav die opstande by die Pretoria High School for Girls. Hierdie keer was dit nie dooie wit mans wat die arme bloedjies so te na gekom het nie; nee, dit was hul hare, en spesifiek hul “reg” om met koppe wat soos die spreekwoordelike ontploffing in ‘n matrasfabriek lyk, by die skool op te daag, in weerwil van die reëls soos deur die Beheerraad van die skool opgestel.

Dit tref my toe: Strukturele rassisme gaan nie oor standbeelde, laat treine of enorme boskase by skole nie. Dit lyk nie op die oog af so nie, maar die taxibestuurder wat alle verkeersreëls verontagsaam, die ontlastinggooier by die Universiteit van Kaapstad wat skilderye verbrand en die skoolmeisie in Pretoria met haar kunsmatige boskaas hou almal nou verband. Dit gaan oor reëls. Al die voorbeelde hierbo sukkel om hul koppe om dissipline te kry.

Strukturele rassisme kan dus baie eenvoudig gedefinieer word: Dit is die ongeneeslike onvermoë van sekeres om hulle by reëls en dissipline neer te lê.

– Johan Visagie

Brief: Los ons ‘Stem’ en ander simbole!

Wat beteken simbole vir jou?

Simbole is al van die vroegste tye gebruik om volke, stamme, mense en lande uit te ken. Almal van ons moes al op skool die debat voer oor skooluniforms en een van die basiese redenasies daaragter is dat dit die leerlinge as ‘n eenheid saambind.

Ons het nou tydens die pas afgelope Olimpiese Spele gesien, hoe lande hulle vlag en volkslied beskou as iets op op trots te wees. Deelnemers en toeskouers deel in die sukses en vreugde wat saamgebind word deur hulle eie land se gekleurde stukkie lap.

Nou kom die vraag by my op: hoekom nie in Suid-Afrika nie?

Ek onthou as kind hoe ons elke oggend met trots die landsvlag gehys het voor die skool. Ek onthou hoe ons die volkslied gesing het. Hoe ons die landswapen bestudeer het en die simboliek daaragter leer ken het. ‘n Trotse gevoel het diep in my hart kom brand as ek kon sê, “Ek is van Suid-Afrika”.

Ek kyk na vandag se tieners en laerskoolleerlinge en besef ons het tog iets in gemeen. Ons gaan steeds met uniforms skool toe en die kinders van daardie ouderdom stel steeds nie in die minste in die politiek belang nie. Ten spyte van dit alles, moet hierdie kinders grootword in ‘n era van haat en geweld. Die voorbeeld wat die “grootmense” vir hulle stel is een van, “entitlement”. As ek iets wil hê, hoef ek nie daarvoor te werk nie; ek vat dit. As ek nie van iets hou nie, moet dit verwyder word. En as mense nie luister na my of my seergemaakte gevoelens nie, dan brand ek iets af en gedra my soos ‘n barbaar.

Ons is onderdruk! roep almal uit, maar die meerderheid van die jonges wat betoog, skree en so barbaars optree het nog nooit een asemteug geneem in ‘n land wat onder apartheid gestaan het nie. Hulle was nog nie eens gebore met die afskaffing van apartheid nie. Nou bly my vraag weer: hoekom moet ‘n hele generasie besoedel word met gif, haat, nyd en geweld, net omdat hulle ouers “‘n chip op die skouer het”?

Tydens die onderhandelings pre-94 is daar besluit dat die blanke volk sekere simbole moet prysgee. Daar moet ‘n nuwe vlag, landswapen, volkslied en dies meer gekies word. Ten einde nie die hele bevolking geheel en al uit te sluit nie, is besluit dat sekere simbole heeltemal verander en sommiges slegs gewysig word. Met heelwat gemor, gekla, seergemaakte gevoelens en ‘n almene gevoel dat my mense aan die korste ent trek, het ons dit aanvaar.

Toe kom nog veranderinge, die Voortrekkermonument word verander om ander bevolkingsgroepe in te sluit, so ook die Uniegebou, die Vrouemonument, noem maar op. Seer dolke is in ons harte gedraai, maar ons het stilgebly.

So word Jan van Riebeeck opgehaal en uitgeskel vir als wat sleg is. Hy het alles wat sleg is na Suid-Afrika gebring. Ons het stilgebly.

Nog standbeelde word gevandaliseer, sommiges verwyder, ongeag of daardie persone wel ‘n integrale deel gevorm het in die proses om hierdie land te bring tot waar dit vandag is. Elkeen van die mense wat nou die skuim van die aarde is, het ‘n deel gehad om hierdie land te bou. Sommige het meer stene in die geskiedenisprentjie gebou as ander, maar almal het ‘n bydrae gelewer.

Nou, 22 jaar ná die blanke bevolking stelselmatig uitgeskuif is, meer as twee dekades na die ander lede van hierdie land oorgeneem het, is die bewyse elke dag sigbaar dat hulle geen land sou gehad het om te regeer (al is dit in die grond in), as dit nie was vir die mense wat hulle so graag uit die prentjie van die geskiedenis geskryf wil hê nie.

Infrastruktuur sou nie hier gewees het nie. Geen paaie, hospitale, skole, universiteite (al spog hulle almal met grade by daardie instellings), geen wetenskaplike navorsingsentra, geen howe, geen regeringsgeboue met sagte gemaklike stoele vir korrupte potentate, geen geskiedkundige monumente (aangesien hulle die voriges net geforseerd ingelyf het) en geen winkels of elektrisiteit nie. Ja, dis reg. Daar sou ook geen KFC of Nando’s gewees het nie.

Maar ná dit alles is die ongevergenoegde, gebreinspoelde, gierige spul steeds nie tevrede nie. Hulle wil nou “Die Stem” ook uit die land se geskiedenisboeke en volkslied skryf, want dit maak hulle arme gevoelens seer.

My raad aan julle is om ‘n bruggie te bou en oor julle kwessies te kom (sonder om ‘n sielkundige te gaan sien, aangesien dit ook ‘n hulpmiddel uit die apartheidstyd is). Julle het meer as genoeg tyd gehad om julle wonde te lek en en julle sielkundige terugslae te bowe te kom. Hier is waar ek en my volkie nou die streep trek. Ons het nou lank genoeg stilgebly, die onsigbare houe van BEE gevat, gekyk hoe ons mense uitgemoor word op plase en dorpe en dit afgemaak word as net nog misdaad.

Baie mense vergeet van dinge soos Bloedrivier, want dis uit die geskiedenisboeke op skool gehaal, maar nie een enkele regering of bemagtigingsprogram sal ooit hierdie volk se geskiedenis, herinneringe of veggees kan vernietig nie.

Daar is iets wat ek julle moet vertel van my mense. Ons kry seer, en ons sal stilbly, ons word geskop, en ons sal stilbly, ons word verneder en ons sal stilbly, maar nóóit vir een oomblik sal ons gaan lê nie. My voorouers se bloed vloei deur my are en tou opgooi is nie in my woordeskat nie.

Indien dit dan so erg is saam met die blanke volkie te leef, hoekom laat julle ons nie toe om met selfbeskikking te regeer nie? Of is julle bang dat ons dan weereens sal floreer en julle (met al julle gehate infrastruktuur wat julle gerieflikheidshalwe gebruik en benut) sal verval tot ‘n kreperende massa wat net as nog ‘n statistiek op die Afrikakontinent se lys van behoewende nasies aangeteken word.

Los my en my mense se simbole, julle krap aan ‘n groot slapende leeu wat al lankal gatvol is.

– Audrey Bierman

EU open nuwe strategiese front teen NAVO

“Dus gaan ons ‘n EU-weermag saamstel…” Dit was die woorde van die Italiaanse premier Renzi, tydens die ontmoeting met sy ewekniëe in Italië.

Italië se premier, die Duitse kanselier, Angela Merkel en Frankryk se pres. Francois Hollande het Maandag op die vliegdekskip, die Guiseppe Garibaldi, byeengekom om dié aankondiging te maak.

Renzi sê dit moet nie as ‘n kuur vir chroniese werkloosheid onder die jeug in die suide van Europa gesien word nie, maar as ‘n teken van ‘n nuwe toekoms vir dieper Europese samewerking.

Renzi het in ‘n verklaring gesê dat Europa nou bereid is om sy plek in te neem in die wêreld.

Brittanje het nog altyd planne vir ‘n sogenaamde “EU-weermag” probeer fnuik, met die argument dat dit NAVO se rol sou ondermyn as die hoeksteen van Europese verdediging.

Dit is nooit hardop gesê nie, maar dit was juis ook die hoeksteen van Britse invloed in Washington en by die NAVO-konferensietafel.

Maar met Brittanje “uit”, is Europa nou vasbeslote om hierdie nuwe strategiese front te open.

Soos die besluit om die perskonferensie op die Italiaanse vliegdekskip Garibaldi te hou, geanker naby die graf terrein van Altiero Spinelli, een van die intellektuele vaders van Europese federalisme.

Die simboliek was doelbewus.

Wat belangrik is, is dat die Duitse kanselier Angela Merkel, se regering ‘n witskrif vrygestel het wat pleit vir ‘n nuwe pan-Europese militêre bevelstruktuur net enkele dae na Brexit.

Merkel het saamgestem dat Europa “meer vir ons interne en eksterne veiligheid” moet doen.

Die verdrag van Lissabon maak voorsiening vir sulke samewerking.

Dit is ook wyd berig dat David Cameron ‘n ooreenkoms met Duitsland aangegaan het waar hy ingestem het om ‘n Euro-weermag te ondersteun in ruil die EU om die heronderhandeling van Brittanje se toetrede toe te laat.

Dit is nou duidelik dat die VK gaan sukkel om enige voordeel uit ‘n heronderhandeling te trek.

Brief: Poetin enigste leier met ruggraat

Navorsing oor militêre magte en oorloë is al vir baie jare een van my stokperdjies. Die afgelope paar jaar haak ek vas by Rusland se spesiale magte, genaamd Spetsnaz. Ja, ek hou van Rusland. Ek het respek vir hulle militêre mag en ek dink dat pres. Poetin die enigste leier in die wêreld is wat logies en selfstandig dink.

‘n Paar weke gelede vat ek vir Leopold Scholtz aan oor sy anti-Russiese propaganda wat hy alewig in ‘n mens se keel probeer afdruk. Ek het onder andere daarop gewys dat Spetsnaz goeie werk in Sirië doen deur die twee miljoen Christene in die land teen ISIS en Al-Nusra te beskerm. Maar Scholtz bly vashaak in sy droomwêreld waarin hy blykbaar oortuig is dat ons in die 1960’s lewe. Hy probeer tog so uiters hard om Rusland en Poetin as kommunistiese fasciste uit te beeld.

Ek probeer glad nie sê dat Poetin en Rusland volmaak is nie. Almal het hulle foute. Maar waar Scholtz aan die klomp snert kom wat hy opdis, sal geen mens weet nie. Indien hy sy navorsing ordentlik doen, sal hy sien dat Poetin se beleid in Rusland onder andere die volgende behels:

Aborsie is verbode. In uitsonderlike gevalle waar aborsie wel toegepas word, word dit streng ondersoek en gekontroleer.
Dobbel is onwettig.
Gay-huwelike is onwettig.
TV-reekse soos South Park en Simpsons is verbied, omdat beide reekse lief daarvoor is om met die Bybel te spot.
Lasterlike uitsprake in die openbaar teen Christus en die kerk is verbode en kan daartoe lei dat jy ongeveer 12 maande gevangenisstraf kry.

Poetin klink vir my geensins na ‘n kommunis en ‘n diktator nie. Dit klink eerder asof hy poog om streng morele beginsels in sy land te handhaaf. Dit is opvallend dat morele verval al hoe meer toeneem in die Weste.

Rusland weier eenvoudig om ‘n skoothondjie van die VSA en sy Nuwe Wêreldorde te wees. En dit is verblydend, want ten minste is daar nog iemand wat ‘n ruggraat het.

– Tertius Fourie, Bloemfontein.

Is ‘geestesongesteldheid’ die nuwe dekmantel vir terreur?

Is “geestesongesteldheid” die nuwe dekmantel waaronder djihadistiese aanvalle op die Weste geregverdig word?

Dit lyk beslis só.

Die jongste “geestelik onstabiele” jong man om ‘n oënskynlik arbitrêre aanval op ongewapende burgerlikes te loods was Zakaria Bulhan, ‘n 19-jarige Somaliese Moslem (foto bo).

Hy het op die ouderdom van 5 in Noorweë aangekom en was glo ‘n “geïntegreerde” lid van die samelewing. Bulhan het ‘n Amerikaanse vrou in Londen met ‘n mes doodgesteek Woensdag in ‘n besige park gevul met toeriste.

Daarna het hy nog vyf ander beseer in die steekaanval voordat hy in hegtenis geneem is.

Owerhede het djihadterreur weer eens toegeskryf aan geestesongesteldheid soos by reeds verskeie sulke geleenthede.

In die Verenigde State van Amerika is soortgelyke aanvalle in Orlando, San Bernardino en Chattanooga uitgevoer en het die polisie eers weke of selfs maande daarna erken dit was terreur, wanneer mense nie meer aandag skenk aan die voorvalle nie.

Die polisie trek dan stilletjies hul vorige verklarings terug en erken dit was ‘n terroriste-aanval.

In Nice is die man wat in die skare van veral kinders ingejaag het, ook as ‘n mal mens beskryf, maar “boos” en “fanaties” sou meer gepas gewees het.

In die geval van die Chattanooga-aanval het dit die FBI vyf maande geneem om te besluit dat Mohammed Youssef Abdulazeez inderdaad ‘n djihadis was en nie net ‘n “geestelik versteurde” jong man wat skielik, sommer uit die bloute, vyf ongewapende Amerikaanse dienspligtiges vermoor het nie.

Owerhede moet hulself liewer begin vra waarom so baie geestelike siek mense Islamitiese geweld omhels. En wat gaan Obama en Europese leiers doen omtrent hierdie vreemde epidemie van geestesongesteldheid onder Moslems?

Die Noorweegse Somaliër het byvoorbeeld ‘n diep belangstelling in Islamitiese teologie gehad, het die Independent berig.

Tog bly die Britse polisie verbaas dat die aanvalle iets met Islam te make kan hê. Hulle sê hulle gaan voort met ‘n “ondersoek oor die motiewe” vir die aanval.

Scotland Yard se eerste impuls Woensdag was om te sê die naamlose aanvaller is “geestelik onstabiel”, ‘n storie wat wyd berig is oor die hele Europa en op elke groot TV-netwerk in die Verenigde State van Amerika.

Dit neem klaarblyklik baie langer om terreurmotiewe te ondersoek wat reg onder hul neuse lê, as ingewikkelde geestesversteurings.

Dit terwyl die 64-jarige Diane Horton doodgebloei het in Londen se Russell Square en die ander beseerdes, ‘n Amerikaanse man, Australiese man en vrou, en twee Britte, die niksvermoedende slagoffers was.

Teen die tyd dat die Britse owerhede Bulhan se naam Vrydag vrygestel het saam met die feit dat hy ‘n Moslem is, was die media-aandag weer afgelei deur ander onderwerpe van belang, soos die opening van die Olimpiese Spele en Donald Trump se nuutste “veldtogfout”.

En nie net was Bulhan ‘n Moslem nie, maar ‘n “toegewyde” een, volgens sy beste vriende, wat hom vir sewe jaar al geken het.

Een het aan die Daily Mail gesê hy geen bewyse van geestesongesteldheid by Bulhan ooit opgemerk nie.

Dylan Roof, wat swart Amerikaners in ‘n kerk in Charleston in die VSA afgemaai het, was egter volgens owerhede nie geestesversteurd nie, maar ‘n “wit nasionalis”.

Roof het Suboxone gebruik vir sy dwelmafhanklikheid, ‘n middel wat glo dikwels tot uitbarstings van woede lei.

Maar ‘n Imam wat daarvan beskuldig is dat hy aktief lede werf om godsdiensgeweld te pleeg, hoef nie ‘n elektroniese moniteringsband te dra nie omdat dit sy “menseregte” skend, het ‘n Britse hof onlangs bevind.

Brittanje en Duitsland vra einde van NAVO-uitbreiding, dialoog met Rusland

Washington moes uiters verlig gewees het toe sy moslemvennoot en ‘n kritiese komponent in die NAVO-sekuriteitsopset, Turkye, daarin geslaag het om die staatsgreep verlede week af te weer.

Die VSA sou deur Amerikaanse wetgewing noodgedwonge sy militêre magte uit Turkye moes onttrek, insluitende sy vegvliegtuie by die Incirlik-lugbasis wat dien as ‘n kritieke nodus vir sendings in Sirië, Irak en Afghanistan.

Die Verenigde State van Amerika word verbied om militêre hulp te bied of gestasioneerde troepe in enige land te hou wat onder beheer van ‘n militêre junta staan.

Die Weste staan nietemin steeds voor ‘n kommerwekkende besluit, met President Erdogan wat na verwagting as ‘n ondemokratiese leierskapsfiguur vordering sal maak ter wille van sy eie behoud.

Die EU asook die VSA sal uiteindelik hul nasionale strategieë moet aanpas om voorsiening te maak vir hierdie oorgang.

Die retoriek teen Rusland en oproepe om troepe op die grens van Rusland te ontplooi, is dus nog een van die kwessies wat aan bod gaan kom.

Duitsland en Brittanje het nou die handrem opgetrek vir die voortsnellende en ondeurdagte uitbreiding van die Verdragsorganisasie.

Franse, Italiaanse, Bulgaarse en Griekse leierskappe het hulself ook van die koorsige retoriek by die jongste NAVO-beraad in Warskou gedistansieer.

Almal van hulle sê dat hulle Rusland as ‘n vennoot eerder as ‘n vyand beskou.

Alhoewel Merkel voorspelbaar volhou met haar kil houding teenoor die Russe, maak haar SPD- en CSU-koalisievennote dit baie duidelik hulle nie saamstem met haar nie.

In ‘n lang Der Spiegel-artikel, suggereer Wolfgang Ischinger, ‘n SPD-lid, dat die Weste verbrou het.

Ischinger voel verplig om lang veroordelings van Russiese beleid en absurde stellings in te voeg as ‘n bevestiging van lojaliteit en waarsonder hy natuurlik geen hoop sou gehad het om gepubliseer te word nie.

Russiese skrywers wat deur die Sowjet-tydperk geleef het en Afrikaners wat nie die ANC/DA se kommuniste ophemel nie, sal vertroud wees met hierdie soort sensuur.

Die belangrike punt bly egter dat ‘n hoëvlakgesprek binne die Duitse regering plaasvind oor die twee belangrikste fondamente vir lidlandsamewerking, naamlik onafgebroke NAVO-uitbreiding na oos en die wenslikheid van die ontplooiing van strategiese lugafweermissiele.

In 2008 is Georgië en Oekraïne NAVO-lidmaatskap belowe, maar sonder enige vaste datum. ‘n Leë belofte? As dit so was, beteken dit dat NAVO verantwoordelikheid moet dra vir die feit dat beide lande de facto dele van hul grondgebied sedertdien afgestaan het.

Die Finse of Oostenrykse modelle van neutraliteit, ten einde die situasie polities en militêr te bestuur, en om hul ekonomiese verhouding met Rusland te normaliseer, sou baie meer sinvol gewees het.

Die oorhoofse beginsels van die Verdragsorganisasie, in die besonder dié van die vrye keuse van alliansies, sou daarmee gesneuwel het, met ‘n gepaardgaande verlies van Amerikaanse geloofwaardigheid, meen Ischinger.

Maar NAVO-uitbreiding het desnieteenstaande tot die huidige krisis in Europa gelei en tot ‘n beeldprobleem vir president Obama.

Terwyl NAVO-uitbreiding in Duitsland al lank met agterdog bejeën word, het Brexit Brittanje – die een Westerse land wat voorheen die mees uitgesproke ondersteuner was – in die Duitsers se kamp gejaag.

Die Britse parlement se verdedigingskomitee het onlangs ‘n lang verslag oor die stand van die Britse-Russiese verhoudings vrygestel met ‘n reeks aanbevelings wat niks anders as verrassend pro-Russies is nie.

Eerstens, doen die verslag dringend ‘n beroep vir ‘n hervatting van ‘n hoëvlak politieke dialoog en spreek ontsteltenis uit dat dit nog nie gebeur het nie.

In die tweede plek, is die verslag onthuts oor die nypende gebrek aan gekwalifiseerde kenners wat die Britse regering adviseer.

Veel meer belangrik is egter wat die Komitee sê oor die gevare van die ondermyning van die geloofwaardigheid van Artikel 5.

Dié artikel is ‘n waarborg dat ‘n potensiële teenstander met die volle mag van die alliansie sal moet reken indien een lidland bedreig word, maar die alliansie het reeds getoon dit nie bereid is om lande soos Georgië en die Oekraïene te verdedig nie.

Die verslag is nie bedoel vir ‘n wye leserspubliek nie. In teenstelling met die artikel in Der Spiegel is dit dus deel van ‘n interne beleidsdialoog.

Nietemin is dit opvallend dat daar in twee voorste lande – Duitsland en Brittanje – oproepe vir dialoog met Rusland opklink.

Die verskille binne NAVO is nog lank nie bygelê, maar die Neocon-agenda van uitbreiding en konfrontasie met Rusland is nou uiteindelik uitgedaag deur die Europese elite.

Dit blyk dat ongeag die uitslag van die verkiesing in die VSA in November, NAVO se uitbreidingsplanne na oos iets van die verlede kan wees.

Brief: Swak diens, geen Afrikaans deur Media24/Naspers

Vanoggend is ek briesend. Briesend vir mense van kleur wat my soos kak behandel. Ja, reg gelees, lekker af-die-tong-rol Afrikaans, Afrikaans dat almal kan verstaan wat ek bedoel en hoe ek voel. Ek kannie glo hoe verrot hierdie hele bloederige land word nie. Dat selfs die taal wat ek praat aanstoot gee aan mense wat aangestel is in posisies (wat hulle nie kan verstaan of nie die werk kan doen of met die publiek kan skakel nie) net omdat hulle ‘n sekere velkleur het. Dan spuug die Kruiperkaners, Elite-engkaners, verligte Afrikaners wat my as deel van die Afrikanervolk sien, nog verder gif om my taal te vertrap.

Ek het ‘n boek (Nie van Kaviaar Alleen ; Johannes Mario Simmel – vertaal in Afrikaans deur Wilhelm Grutter – eerste uitgawe in Afrikaans 1983 / eerste uitgawe 1960 in Duits / deur Tafelberg Uitgewers as Leserskring – Moderne Gunstellinge) op die vlooi-mark opgetel, ongelukkig toe ek begin lees kom ek agter dat van die bladsye vlerkies gekry en weggevlieg het. Ook die agterste hoofstuk is weg. Dus wou ek graag by Tafelberg-uitgewers uitvind of hulle nie nog van die drukke het nie, of waar ek een in die hande kan kry.

Ek persoonlik lees graag net Afrikaanse boeke wat voor 1990 gepubliseer is, dié daarna is deurspek met vrot Engkaans wat as Kaaps gesien word. Ek het darem nog my Afrikaanse taaltrots.

Dus bel ek Tafelberg-uitgewers vanoggend – ek kom deur na media24 waar die foon net in Engels geantwoord word. Niemand is onder ‘n kalkoen uitgebroei nie; ons almal ken en weet en hoor aksente en “weet” wie of wat daardie prater is. Ek weet sommer dis iemand wat wel ook Afrikaans magtig is, al is dit Kaapse Afrikaans. Ek praat Afrikaans, vra of ek met iemand kan gesels oor my dilemma. Ek hou aan, waar een of ander swart taal eerste, dan Engels, dan Afrikaans oor en oor in my oor afspeel oor ek weet nie wat nie. Weer word die foon beantwoord in Engels en ek praat Afrikaans…

NA ALLES, IS NASPERS NIE ‘N WIT AFRIKANERMAATSKAPPY GESTIG DEUR WIT AFRIKANERS WAT DEUR WIT BELASTING-VOORSKOTGELD EN WIT AFRIKAANSE VINDINGREIKHEID GEGROEI HET NIE??????????

IS DIE AFRIKAANSE DRUKKERSWESE NIE GESTIG DEUR WIT AFRIKANERNASIONALISTE WAT DIE VERTRAPPING VAN DIE WIT AFRIKANERS EN HUL TAAL DEUR DIE ENGELSE GESIEN HET NIE???????????

EN WAT NOU WEER DEUR DIE EINSTE WIT Kruiperkaners en Elite-Afrikaners en verrotte wit mense MY IN MY EIE TAAL VERTEL HOE WALGLIK ONS WIT AFRIKANERS NOU EINTLIK IS NIE??????????????????

………. en die persoon (manlik, swart of kleurling weet ek nie) sê “hallo…. eeéééhh” en klik is die foon dood. Ek skakel terug, toe is daar so by nabetragting Afrikaans gepraat terwyl ek afgesny word. Ek vertel (IN ENGELS die keer) dat ek afgesny is, en dat ek jammer is dat ek durf waag het om Afrikaans te praat. Ek word verseker dat ek wel Afrikaans kan praat, maar ek het klaar my gat gewip. Weer word ek ek weet nie waarheen nie deurgesit. Weer dieselfde storie. Ek bel terug, vertel die “ontvangs” dat “I cannot believe that this is the treatment you measure out to people that do not comply to your standards, that I will send e-mails to everyone I know, and that your are a lot of assholes”.

Nie 10 minute later nie kry ek ‘n oproep (in Engels) van ‘n dametjie wat wil weet wat die ou plobleempie nou eitlik is. Dié het ek reguit vertel om hel toe te vlieg.

Hemel, ek is nog steeds stuurs oor die hele aangeleentheid. Julle, ja Naspers, Media24, maak julle geld uit Afrikaners en uit my taal Afrikaans, waarom vertrap julle ook my regte soos al die rassistiese wette wat deur die Bantoes op die wetboeke geplaas is? Net omdat ek ‘n wit vel het? Net omdat ek Afrikaans praat? Wat maak julle beter as ek? Dink julle wit Afrikanergemors dat julle gespaar gaan word van die witmensslagting wat reeds in hierdie bloederige land plaasvind?

Ek is te oud en te arm om die stoffies van Afrika van my voete af te skud en ‘n heenkome op ‘n ander plek te gaan vind. Ek moet sit waar ek is, maar dit maak my woedend as daar op mense getrap word, sommer net!

– Ciska du Plessis

Brief: My pa was ‘n donkie

My Pa het my altyd vertel hoe hulle op skool ‘n bord met die woord “Donkie” om hulle nek moes dra elke keer as hulle swak gedoen het met die Engels. Nou vir ‘n jong Boere-lat was Engels nie die maklikste ding op aarde nie en die gevolg was dat hy menige pouses as ‘n “Donkie” saam met sy maats moes speel.

Snaaks hoe dit wat eens was, maar net weer is. Kyk mens na die hele taaldebakel op ou Afrikaanse universiteite wat moet verengels, sien mens hierdie selfde Engelse (imperialistiese) hovaardigheid al weer voor ons afspeel. Afrikaans word in debat na debat beskou as uitgedien in die nuwe wêreld en Engels, Engels, Engels, is al wat ons hoor. Wat skokkend is, is wanneer mens tot die besef kom dat die besluite oor die bestaan van Afrikaans nie geneem word deur Engelse mense nie, maar deur Afrikaanses. Dit wil voorkom of die Elite-Afrikaner tot die besef gekom het dat indien hulle hulle status wil behou, hulle moet wegbeweeg van die kombuistaal en meer gesofistikeerde Brits moet praat. In soveel woorde reken hulle Afrikaans is uitgedien en dat dit sinneloos is om aan te gaan om mense in die taal op te voed.

Dus- Die Afrikaner-/Afrikaanse akademiese elite se boodskap aan die res van ons is –“Julle tyd is verby”. Hulle het boedel oorgegee en ons moet aanbeweeg. Hulle besluit namens ons dat hierdie volk met hierdie taal se toekoms nie meer relevant gaan wees nie. Nou goed- my Engels is nie van die beste nie, maar hier is ‘n boodskap vir hulle in my beste Brits: “To hell with you!!” As mens dit moet vertaal in Afrikaans kan dit ook lees: “Vlieg binne julle moer in!”

Vir te lank sit ons mense met hierdie Calvinistiese minderwaardigheidskompleks waar jy inherente respek toon aan iemand wat geleerdheid het. Hierdie (ver-)leiers van die volk wat na ons belang moet omsien, verkoop ons keer op keer uit vir hulle eie persoonlike gewin of om hulle eie opinie te bevorder. Die tyd het gekom om ons rug te draai op hierdie mense wat nalaat om ons belange te beskerm wanneer hulle in sodanige posisies is om dit te doen. Die besef moet tot ons deurdring dat ons volkie se voortbestaan in ons eie hande is en dat enige iemand wat dit teenstaan as vyandig beskou moet word. Vir te lank blameer ons die regering, ander rasse en politieke partye vir die verlies van ons eie bates terwyl die grootste skade aangerig word deur die Afrikaner-/Afrikaanse Elite agter toe deure.

Een van die groot uitdagings van universiteite was nog altyd die gaping tussen die akademie en die praktyk. Studente leer ‘n ding in ‘n boek, maar as hy in die praktyk instap, is dit baie anders. Net so het hierdie Elite ‘n goeie akademiese punt, maar ons, die mense, is die praktyk en die twee is tans ver verwyderd.

Ons volk het nie onstaan uit geleerdes nie; dit was rowwe bliksems wat hier aangekom het, harde manne wat op die myne gewerk het, bywoners was, geboer het en transport gery het oor die vlaktes en berge. Harde werkers. Donkies. Nou, behalwe vir die feit dat ons Saligmaker op ‘n donkie die stad ingery het, is daar ‘n ander ding van ‘n donkie wat jy moet weet. Hy het ‘n wil van sy eie. So hard soos wat hy kan werk, net so steeks kan die donner word. Vir jare het hulle bordjies om ons nekke gehang en ons “Donkies” genoem. Dalk is dit tyd om hierdie realiteit te aanvaar. Dalk is dit tyd om te aanvaar dat ons ‘n hardwerkende, nederige, moedswillige volk is. Die tyd het gekom dat ons vassteek soos net ‘n donkie kan en weier om ‘n hel verder in die pad af te stap waarheen die Elite ons lei, ‘n pad waar Afrikaans nie meer relevant is nie, ‘n pad waar ons alles wat ons uniek maak, moet opoffer omdat dit akademies en polities nie aanvaarbaar is nie.

My Pa was ‘n “donkie”. Eerlik, hardwerkend en nederig. Hy het die spot as kind verduur en met sy eie hande vir hom en vir sy gesin ‘n lewe gemaak al was dit op daardie tydstip onaanvaarbaar om swak Engels te praat. Hy het gestaan by wat vir hom reg is, moedswillig en hardkoppig. Dalk is dit hoekom Oom Siener die volk altyd as donkies in sy gesigte gesien het. Die punt is – ek is eerder ‘n opregte, moedswillige plaasdonkie as ‘n geleerde joiner-elite. My pa was ‘n donkie en so is ek. Jy kan nou maar vir ‘n donkie lag, maar wee die dag as hy vir jou raakskop.

– Vannermerwe