praag.co.za

Tag: Die Stem

  • Thys Human: Die rugby-euforie

    Thys Human: Die rugby-euforie

    Volgens ‘n berig op Naspes se Netnuus loop Steve Hofmeyr glo deur oor ‘n twiet wat hy geplaas het.

    Die Twiet:

    Dis duidelik dat Hofmeyr hier verwys na die oorstelpende jubeling oor die sg. Springbokke se oorwinnning in die RWB.  Wat dit eintlik, na my mening, sê is dat hierdie jubeling oor ‘n getransformeerde rugbyspan deur die ANC gebruik gaan word om te beweer dat wittes – en veral Afrikaners – nou vierkantig agter die ANC staan en dat hulle nou kan maak wat hulle wil, want steun aan hierdie bontspan is gelyk aan steun vir die ANC en sy ganse beleid.

    Hofmeyr is weer eens reg – absoluut in die kol.

    Maar ek wil verder gaan as Hofmeyr:

    • Enige steun vir enige SA sportspan is verraad teen die Afrikaner
    • Enige steun vir enige SA sportspan sê jy aanvaar die ANC-regime se reg om oor jou en jou toekoms te besluit
    • Enige steun vir enige SA sportspan sê jy vereenselwig jou met die konsep van “One Nation” wat in wese en uiteindelik ‘n totale swart “nasie” sal wees.
    • Enige steun vir enige SA sportspan sê jy aanvaar dat Afrikaans verguis en ondergrawe word – soos op die oomblik besig is om te gebeur.
    • Enige steun vir enige sportspan sê jy sal jou verheug as jou dogter met ‘n swart sportman (of enige swartman) uitgaan.
    • As jy lustig saamsing wanneer Die Stem gespeel word, maar nie saamsing met Nkosi Sikelela nie, is jy vals en gaan jy nog van rassehaat aangekla word. Maar as jy tog Nkosi saamsing, is jy ‘n banggat, slapgat Afrikaner.
    • Enige steun vir enige SA sportspan sê jy stem toe tot korrupsie en wanbesteding van jou belastinggeld.
    • Enige steun vir enige SA sportspan sê jy stem in met swart regstellende aksie en dat wit werkers en kundiges stelselmatig uit hulle werk en poste gedruk mag word – en verarm.
    • Enige steun vir enige SA sportspan sê wit boere se grond mag sonder vergoeding van hulle weggeneem word en aan ‘n klomp skelm, onbekwame swartes uitgedeel word. (Soos Hofmeyr tereg uitwys.)
    • Enige steun vir enige SA sportspan sê dit skeel jou niks dat wit boere (en ander gewone wittes) beroof, vermink en vermoor word nie.
    • Enige steun vir enige SA sportspan sê jy is bereid om jou huis met twee (of meer) swart gesinne te deel – en sommer vir al hulle huishoudelike goed te betaal. (Ja, moenie lag nie, dit kom, sommer een van die dae.)
    • Enige steun vir enige SA sportspan sê jou voorvaders in hierdie land was ‘n spul vieslike onderdrukkers en grondgrypers.
    • Enige steun vir enige SA sportspan sê jy skel en vervloek die handjie vol Afrikaners wat poog om een of ander vorm van selfbeskikking vir wit Afrikaners te bewerkstellig.
    • Enige steun vir enige SA sportspan sê jy sal graag in jou kar klim en in Soweto vir die sokkerspan gaan skreeu. As jy dit nie doen nie, is jy vals en ‘n rassis!

    Is hierdie standpunte van my iets nuuts? Allermins. Ek het reeds in 1992 gesê toe Mandela (2 jaar voor hy president geword het) “toestemming” gegee het dat die SA krieketspan aan daardie jaar se Wêreldbekerreeks mag deelneem. Ek het gesien hoe julle jubel, en gewaarsku dat dit julle duur gaan kos. Dit het toe. Julle het die Afrikaner se toekoms vir die pot lensiesop van internasionale sport verkoop. Ek het net daar besluit dat ek nooit weer ‘n SA sportspan sal steun nie – en ek hou steeds by daardie standpunt.

    Benewens bostaande standpunte, eis ek dat Die Stem as een van die land se “volksliedere” afgeskaf word. Dit is nie die swartes se volkslied nie. Dis ons Afrikaners s’n – en dit mag net deur ware Afrikaners gesing word. Ek swaai ook nie die ou Unievlag rond nie. Dit is uitgedien, dit verteenwoordig die verlede en uitverkoop aan ’n swart meerderheid. (Dis miskien tyd dat ons ons eie vlag ontwerp – iets op die basis van die ou Prinsevlag.)

    En as jy my uitlag vir hierdie standpunte en dit afmaak as regse twak, wil ek verder niks met jou en jou mede-jubelaars te doen hê nie.

    Fokof uit my pad en my lewe.

  • Steve Hofmeyr sing ‘Die Stem’ by stampvol Kaboem-fees op Nylstroom

    Steve Hofmeyr sing ‘Die Stem’ by stampvol Kaboem-fees op Nylstroom

    Steve Hofmeyr het ‘n verdere uitdaging aan die linkse hoofstroommedia gerig deur Saterdagaand net ná nege-uur “Die Stem” aan die einde van sy vertoning by die Kaboem-fees net buite Nylstroom te sing. Die skare van sowat 7 000 mense (sommige het dit op 10 000 geskat) het spontaan op aandag gestaan en saamgesing in ‘n viering van Afrikanersamesyn en -protes teen kulturele en taalverdrukking. Ook Bok van Blerk (foto hier bo), wat ‘n dekade gelede bekendheid met sy De la Rey-lied verwerf het, het ‘n vurige vertoning van “Sing, Afrikaner, sing” gelewer. Dit bevat sinspelings op die sensuur waaronder Afrikaans en Afrikaners tans gebuk gaan, met die woord:

    Jy mag niks meer sê
    Jy is klaar gepraat
    Dis ‘n hartseer saak
    Wat ons almal raak
    Want die groot verraad
    Kom vanuit ons eie mense…

    Sing, Afrikaner sing
    Laat jou stem gehoor word
    Laat jy nooit verdwyn
    O, sing, Afrikaner sing

    Die Kaboemfees (Kranskop- Boerekos- en Musiekfees) is juis deur Steve Hofmeyr en sy aanhangers gereël omdat hy weens sy sing van “Die Stem” en ander volksliedere by Innibos en elders verbied is om op te tree. Tydens sy geselsies met die gehoor tussen liedjies het Hofmeyr insgelyks geen doekies omgedraai nie en gesê dat die Kaboemfees “ware kulturele vryheid” moontlik maak en dat kunstenaars daar “kan sing wat hulle wil”.

    Hofmeyr, wat vandag verjaar, het gister getwiet:

    Die fees is vooraf en agterna deur die hoofstroommedia en veral Naspers en Netwerk24 doodgeswyg, maar kennelik het die sosiale media soos Twitter en Facebook gesorg dat almal daarvan bewus gemaak is. Die Kaboemfees het op ‘n plaas sowat 3 km buite Nylstroom plaasgevind, en sal hoogs waarskynlik aanstaande jaar weer gehou word. Benewens ‘n groot tydelike verhoog, biertent en ander geriewe, was daar dosyne kosstalletjies, asook ander stalletjies waar T-hemde, hoedens en allerlei snuisterye te koop aangebied is. Die fees het ook Afrikaanse skole in die omgewing, waaronder CVO-skole, toegelaat om stalletjies ter fondsinsameling op die feesterrein te bedryf.

    'n Deel van die skare by die Kaboemfees Saterdagaand
    ‘n Deel van die skare by die Kaboemfees Saterdagaand

    Kaartjies vir die fees het R195 gekos, of R150 vir pensioenarisse, heelwat goedkoper as die R800 wat onlangs vir Oppikoppi gevra is. Na raming het die loketgeld anderhalf miljoen rand beloop, wat ‘n belowende debuut vir ‘n “alternatiewe” fees is.

    Bok van Blerk het ook sy bekende lied oor die Angola-oorlog, “Die kaplyn” gesing, waarin die opofferinge wat jong blanke mans destyds gemaak het, geloof word.

    Terwyl die hoofstroommedia gedurig poog om Afrikaneridentiteit en -patriotisme af te breek, asook sangers soos Arno Carstens of Karen Zoid bemark wat minagtend teenoor Afrikaans staan, is dit helder dat kunstenaars soos Hofmeyr en Van Blerk se aanhang net groei, soos wat die anti-Afrikaanse beweging in felheid toeneem.

  • Steve Hofmeyr: Antwoord aan Max du Preez oor ‘Die Stem’

    Steve Hofmeyr: Antwoord aan Max du Preez oor ‘Die Stem’

    Die nuwe Suid-Afrika sal vir altyd aan die oue gemeet word, met of sonder “Die Stem”, Max du Preez. Jy weet, ná so 270 konserte vandat ek by Innibos verban is vir die sing van “Die Stem”, het ek die lewende bewys geword, nie van die dualiteit in Suid Afrikaanse patriotisme nie, maar die enormiteit daarvan. Mense, derduisende mense, soos ek, wat nie kan wag om “Die Stem” te sing nie. Kinders wat vorentoe hol, studente wat opspring en bejaardes wat orentkom en klein artritisvuiste teen hul bors slaan. ‘n Ma wat saggies huil terwyl ‘n Pa maak of hy nie dieselfde doen nie. Skoliere wat minstens afkeurend grinnik as geselekteerde geskiedenis op hul afgedwing word, natuurlik was Mandela nie ‘n terroris, juffrou, en ‘n hele volk wat diep skepties staan teenoor die verskraling van hul taalregte op kampusse en die rasmeriete van hul sportspanne.

    Dit pla jou en die EFF geensins dat die volkslied en vlag wat julle oor ons wil, eendag terugskouend met minagting beskou sal word vir die verderf, verdriet en volumes bloed wat dit verteenwoordig het nie. Vir die bejaarde en kleuterverkragsyfer en die nasionale moordkoers onder sy burgers en veral sy plaasboere. Vir die geskiedkundige hoogtepunt in werkloosheid en ekonomiese verval, vir die rekordaantal gewelddadige betogings, skole in vlamme gehul, vir ongekende rassisme en wederkerige haat waarmee die huidige volkslied en vlag geassosieer sal word.

    Versoening is skraps en al wat jy moet onthou, Max, is dat jy in hierdie tyd voorgestel het dat “Die Stem” geboikot moet word omdat die “oorweldigende meerderheid” glo dink bogenoemde verval is een hunky dory-standaard en die res ‘n handjievol bitterbekke was. Man, het ek nuus vir jou. Maar dankie Max. Ek skuld jou kommissie. Want daar gaan my telefoon weer…

    * * *

    Daarom die Kaboemfees. Ek sien jou Vrydag 26 Augustus by my FAK-saamsingaand en Saterdag by my konsert met Bok en kie. Kom ervaar, bo alles, ware kulturele vryheid. Boeresport, biltong en “Bobbejaan klim die berg”. Bring ‘n kombers.

    * * *

    My pêl laat weet dit pla hom glad nie dat hulle Nkosi Sikelel’ iAfrika uit die volkslied gaan haal nie….

  • Brief: Los ons ‘Stem’ en ander simbole!

    Brief: Los ons ‘Stem’ en ander simbole!

    Wat beteken simbole vir jou?

    Simbole is al van die vroegste tye gebruik om volke, stamme, mense en lande uit te ken. Almal van ons moes al op skool die debat voer oor skooluniforms en een van die basiese redenasies daaragter is dat dit die leerlinge as ‘n eenheid saambind.

    Ons het nou tydens die pas afgelope Olimpiese Spele gesien, hoe lande hulle vlag en volkslied beskou as iets op op trots te wees. Deelnemers en toeskouers deel in die sukses en vreugde wat saamgebind word deur hulle eie land se gekleurde stukkie lap.

    Nou kom die vraag by my op: hoekom nie in Suid-Afrika nie?

    Ek onthou as kind hoe ons elke oggend met trots die landsvlag gehys het voor die skool. Ek onthou hoe ons die volkslied gesing het. Hoe ons die landswapen bestudeer het en die simboliek daaragter leer ken het. ‘n Trotse gevoel het diep in my hart kom brand as ek kon sê, “Ek is van Suid-Afrika”.

    Ek kyk na vandag se tieners en laerskoolleerlinge en besef ons het tog iets in gemeen. Ons gaan steeds met uniforms skool toe en die kinders van daardie ouderdom stel steeds nie in die minste in die politiek belang nie. Ten spyte van dit alles, moet hierdie kinders grootword in ‘n era van haat en geweld. Die voorbeeld wat die “grootmense” vir hulle stel is een van, “entitlement”. As ek iets wil hê, hoef ek nie daarvoor te werk nie; ek vat dit. As ek nie van iets hou nie, moet dit verwyder word. En as mense nie luister na my of my seergemaakte gevoelens nie, dan brand ek iets af en gedra my soos ‘n barbaar.

    Ons is onderdruk! roep almal uit, maar die meerderheid van die jonges wat betoog, skree en so barbaars optree het nog nooit een asemteug geneem in ‘n land wat onder apartheid gestaan het nie. Hulle was nog nie eens gebore met die afskaffing van apartheid nie. Nou bly my vraag weer: hoekom moet ‘n hele generasie besoedel word met gif, haat, nyd en geweld, net omdat hulle ouers “‘n chip op die skouer het”?

    Tydens die onderhandelings pre-94 is daar besluit dat die blanke volk sekere simbole moet prysgee. Daar moet ‘n nuwe vlag, landswapen, volkslied en dies meer gekies word. Ten einde nie die hele bevolking geheel en al uit te sluit nie, is besluit dat sekere simbole heeltemal verander en sommiges slegs gewysig word. Met heelwat gemor, gekla, seergemaakte gevoelens en ‘n almene gevoel dat my mense aan die korste ent trek, het ons dit aanvaar.

    Toe kom nog veranderinge, die Voortrekkermonument word verander om ander bevolkingsgroepe in te sluit, so ook die Uniegebou, die Vrouemonument, noem maar op. Seer dolke is in ons harte gedraai, maar ons het stilgebly.

    So word Jan van Riebeeck opgehaal en uitgeskel vir als wat sleg is. Hy het alles wat sleg is na Suid-Afrika gebring. Ons het stilgebly.

    Nog standbeelde word gevandaliseer, sommiges verwyder, ongeag of daardie persone wel ‘n integrale deel gevorm het in die proses om hierdie land te bring tot waar dit vandag is. Elkeen van die mense wat nou die skuim van die aarde is, het ‘n deel gehad om hierdie land te bou. Sommige het meer stene in die geskiedenisprentjie gebou as ander, maar almal het ‘n bydrae gelewer.

    Nou, 22 jaar ná die blanke bevolking stelselmatig uitgeskuif is, meer as twee dekades na die ander lede van hierdie land oorgeneem het, is die bewyse elke dag sigbaar dat hulle geen land sou gehad het om te regeer (al is dit in die grond in), as dit nie was vir die mense wat hulle so graag uit die prentjie van die geskiedenis geskryf wil hê nie.

    Infrastruktuur sou nie hier gewees het nie. Geen paaie, hospitale, skole, universiteite (al spog hulle almal met grade by daardie instellings), geen wetenskaplike navorsingsentra, geen howe, geen regeringsgeboue met sagte gemaklike stoele vir korrupte potentate, geen geskiedkundige monumente (aangesien hulle die voriges net geforseerd ingelyf het) en geen winkels of elektrisiteit nie. Ja, dis reg. Daar sou ook geen KFC of Nando’s gewees het nie.

    Maar ná dit alles is die ongevergenoegde, gebreinspoelde, gierige spul steeds nie tevrede nie. Hulle wil nou “Die Stem” ook uit die land se geskiedenisboeke en volkslied skryf, want dit maak hulle arme gevoelens seer.

    My raad aan julle is om ‘n bruggie te bou en oor julle kwessies te kom (sonder om ‘n sielkundige te gaan sien, aangesien dit ook ‘n hulpmiddel uit die apartheidstyd is). Julle het meer as genoeg tyd gehad om julle wonde te lek en en julle sielkundige terugslae te bowe te kom. Hier is waar ek en my volkie nou die streep trek. Ons het nou lank genoeg stilgebly, die onsigbare houe van BEE gevat, gekyk hoe ons mense uitgemoor word op plase en dorpe en dit afgemaak word as net nog misdaad.

    Baie mense vergeet van dinge soos Bloedrivier, want dis uit die geskiedenisboeke op skool gehaal, maar nie een enkele regering of bemagtigingsprogram sal ooit hierdie volk se geskiedenis, herinneringe of veggees kan vernietig nie.

    Daar is iets wat ek julle moet vertel van my mense. Ons kry seer, en ons sal stilbly, ons word geskop, en ons sal stilbly, ons word verneder en ons sal stilbly, maar nóóit vir een oomblik sal ons gaan lê nie. My voorouers se bloed vloei deur my are en tou opgooi is nie in my woordeskat nie.

    Indien dit dan so erg is saam met die blanke volkie te leef, hoekom laat julle ons nie toe om met selfbeskikking te regeer nie? Of is julle bang dat ons dan weereens sal floreer en julle (met al julle gehate infrastruktuur wat julle gerieflikheidshalwe gebruik en benut) sal verval tot ‘n kreperende massa wat net as nog ‘n statistiek op die Afrikakontinent se lys van behoewende nasies aangeteken word.

    Los my en my mense se simbole, julle krap aan ‘n groot slapende leeu wat al lankal gatvol is.

    – Audrey Bierman

  • Max vra dat DA Die Stem skrap ter wille van EFF

    Max vra dat DA Die Stem skrap ter wille van EFF

    Die linkse rubriekskrywer Max du Preez het die DA-leier Mmusi Maimane, versoek om die Die Stem uit die volkslied te verwyder omdat die EFF nie daarvan hou nie.

    “Jy is in ‘n beter posisie as enige ander Suid-Afrikaanse politikus om te help om ontslae te raak van die verse uit Die Stem in ons volkslied.

    Du Preez meen Maimane is in die beste posisie omdat hy die politieke leier van die “oorgrote meerderheid wit Suid-Afrikaanse kiesers is” namens wie dié verse in die volkslied opgeneem is.

    Die Stem is glo nie so mooi en strelend soos die huidige lied nie omdat dit “marsmusiek” is volgens Du Preez se “musikale” oor.

    Hy meen Nkosi Sikelel ‘iAfrika moet eerder in Afrikaans en Engels gesing word.

    Die ANC het tot dusver druk weerstaan ​​om te peuter met Nkosi Sikelel iAfrica omdat hulle ‘n teenreaksie van blankes vrees.

    “Maar as die voorstel kom van die party wat deur die meeste blankes en ander minderhede ondersteun word, sal slegs ‘n paar hardekoppe kwaad wees,” het Du Preez gesê.

    Du Preez dink “volwasse Suid-Afrikaners” sien dit as ‘n “simbool wat noue verband met die apartheidsera het”.

    “Of jy wil hoor of nie, Die Stem en die oranje, wit en blou vlag was die eerste simbole van Afrikaner-nasionalisme wat ons samelewing oorheers het tussen 1948 en 1994.”

    Hy sê die meeste Afrikaners en ander wit Suid-Afrikaners maak dit duidelik vandag dat hulle glo apartheid verkeerd en immoreel was.

    “FW de Klerk, ‘n paar van sy kabinetskollegas en die Afrikaanse kerke het al uitgereik om uitgebreide verskonings aan te bied vir die era van ongeregtigheid.”

  • DA werk saam met EFF wat eis dat Stem, eiendomsregte waai

    DA werk saam met EFF wat eis dat Stem, eiendomsregte waai

    Die EFF het Woensdag ‘n aantal eise gestel aan die ANC en die DA vir nouer samewerking. Dit blyk dat Julius Malema en Mmusi Maimane (foto bo) gemene grond gevind het.

    Malema se party eis onder meer die uitgooi van Die Stem uit die Nasionale Volkslied, grondgryp sonder vergoeding, nasionalisering van banke en myne, asook die verwydering van Jacob Zuma as president.

    Die leier van die EFF, Julius Malema, sê Die Stem is ‘n oorblyfsel van apartheid Suid-Afrika en hoort nie daar as deel van die Nasionale Volkslied nie.

    Desnieteenstaande sê die DA hulle sal graag saamwerk met die EFF.

    Die DA het intussen omonwonde verklaar dat geen gesprek met die ANC oorweeg word oor koalisies in bestrede munisipaliteite nie, maar Donderdagoggend in Sandton aangekondig dat hy ooreenkomste met verskeie opposisiepartye bereik het, waaronder die EFF.

    Die EFF het Dinsdag by hul perskonferensie in Alexandra, by monde van Julius Malema bevestig dat een van die voorwaardes aan die DA was dat Die Stem uit die volkslied verwyder moet word.

    Malema het gesê dat Maimane het saamgestem dat die sing van die Die Stem “soortgelyk is aan Jode wat volksliedere oor Hitler sing”.

    Maimane het by die spoggerige Radisson Blu-hotel in Sandton oor sy opmerking gesê “meningsvryheid” laat sulke standpunte toe.

    Die EFF het ingestem om die DA te steun sodat die party sekere munisipaliteite kan beheer, wat die metrorade van Tshwane en Nelson Mandelabaai insluit.

    Die DA se federale voorsitter, James Selfe, sê hul ooreenkoms met die EFF berus daarop dat enige verskille tussen die partye “net woorde” is.

    Die UDM het die EFF geloof vir sy besluit om nie ‘n koalisie-ooreenkoms met die ANC te sluit nie.

    Die UDM-leier, Bantu Holomisa, sê die EFF het die regte besluit geneem en sal nou die rol van ‘n “waghond” op plaaslike en nasionale vlak speel.

    Die EFF het egter reeds herhaaldelik in die Parlement getoon dat hulle graag reëls verontagsaam, dus is dit nie duidelik watter “waghond-rol” die party kan speel nie.

    Holomisa sê dit is ‘n “groot tree nader aan ‘n veelparty-demokrasie”, terwyl dit duidelik is dat die huidige naakte politieke opportunisme juis ‘n veelparty-demokrasie waar beleidsverskille belangrik geag word, ondermyn.

    Die EFF het Woensdag aangekondig dat hy nie ‘n koalisie met die ANC sal vorm om die metrorade van Gauteng, Nelson Mandelabaai en ander bestrede munisipaliteite te beheer nie.

    Die EFF sal met die DA saamwerk in Tshwane, Johannesburg en Nelson Mandelabaai om beheer te verkry.

    Die DA in Rustenburg het ‘n koalisie gevorm met ander partye voor die eerste raadsvergadering later vandag om ANC uit die kussings te lig.

    Die ANC het 43 van die 89 raadslede in Rustenburg, gevolg deur die EFF met 24 en 14 van die DA. Die Forum for Service Delivery het vier setels en is die sleutelparty in die planne om die ANC te vervang.

    Die DA se Oos-Kaapse leier, Athol Trollip, sal waarskynlik vandag by die Nelson Mandelabaai se raadsvergadering as burgemeester verkies word nadat die DA ‘n ooreenkoms met die UDM, Cope en ACDP bereik het om ‘n koalisie te vorm.

    Die EFF het reeds aangedui dat hy vir die DA sal stem sodat die ANC vir die eerste keer die opposisie in dié Metro sal wees.

    Die ANC in die nuwe munisipaliteit van Tlokwe en Ventersdorp in Noordwes het die opposisie uitgedaag om die uitslag van die munisipale verkiesing te aanvaar.

    Die DA, EFF en onafhanklike kandidate beplan om die Verkiesingskommissie weens beweerde onreëlmatighede voor die hof te daag.

    ‘n DA-apologeet, Theo Venter, verbonde aan die NWU, sê die EFF se besluit om nie nog nouer met die DA saam te werk nie, is ‘n “strategiese fout”.

    Hy sê dit lyk of dié party ‘n poging aanwend om ‘n posisie te handhaaf waar hulle onaantasbaar is, maar die behoud van so ‘n posisie in die politieke arena is “onmoontlik” op die langtermyn.

    “Die vraag ontstaan – waar gaan jy die ervaring kry om te bestuur as jy nie êrens aan ‘n koalisie of ‘n mede-bestuursproses deelneem nie. Die EFF diskwalifiseer hulself eintlik nou oor die langtermyn vir korttermynvoordele,” het Venter gesê.

    Venter se “ontleding” is van ‘n onthutsende wêreldvreemdheid omgeef, aangesien daar hope voorbeelde is van uiters suksesvolle radikale swart aansprake, waaronder al Suid-Afrika se buurlande ingereken moet word.

  • Brief: Waarom het die ANC besluit om PANSAT te ontbind?

    Brief: Waarom het die ANC besluit om PANSAT te ontbind?

    Na aanleiding van die eensydige ontbinding van PANSAT deur die swart ANC-regime het dit my laat wonder oor die eintlike strategie agter die skuif.

    Alhoewel tandeloos, was dit darem ‘n tipe van teoretiese meganisme wat die Afrkaner kon gebruik in spesifieke noodgevalle wat van nou af heel dikwels gaan opduik.

    Ek dink byvoorbeeld aan die behoud van Die Stem-gedeelte in die sg. volkslied van SA.

    Niks verhoed nou vir Nathi en sy kamerade om die hele Stem-deel weg te laat en slegs “Nkosi Sikelel’ iAfrika” as geldige en wettige volkslied te verklaar nie.

    Enige persoon wat daarteen kapsie maak kan en sal as rassis gebrandmerk kan word wat gekant is teen transformasie en apartheidsimbole aanhang. Daar is geen ander statutêre manier om Die Stem-gedeelte te behou nie – nog een van FW se wigte en teenwigte wat gekantel het. Die Afrikaner se erfenis sal weereens sonder slag of stoot vertrap word.

    Duur en uitgerekte hofsake is ook futiel want die regsbank is besig om meer en meer regeringsbeleid te weerspieël.

    Ek hoor graag jou mening.

    – Jan de Klerk

  • Steve sing Die Stem by Aardklop

    Steve Hofmeyr het Vrydagaand Die Stem uit volle bors by Aardklop in Potchefstroom gesing, wat tot luide toejuiging gelei het.

    Die waarderende gehoor het hand op die bors saamgesing. Hofmeyr het nie die laaste versreëls gesing nie, maar sy gehoor het die feesterrein laat weergalm met die slot.

    Hofmeyr het voor sy optrede aan PRAAG gesê dat hy sal aanhou om Die Stem te sing.

    “Ek sing dit elke aand voor ’n duisend mense. En niemand is kwaad nie. Ek het al in ’n bruin gemeenskap én swart gemeenskap mense gesien opstaan en as hulle die woorde ken, saamsing,” het Hofmeyr aan Netwerk24 gesê.

    Hofmeyr meen dit is die nuwe versetlied. “Dit is ’n versetlied. Verset teen verval, en hy bly die mooiste lied wat ooit geskryf is vir hierdie land.”

    Volgens Hofmeyr het Aardklop geen voorskrifte gehad oor wat hy nie mag sing nie.

  • EFF wil Die Stem uit nasionale volkslied

    Die EFF het ‘n beroep gedoen dat Die Stem uit die nasionale volkslied verwyder word, het RSG berig.

    ‘n Woordvoerder van die EFF, Mbuyiseni Ndlozi het in ‘n erfenisdag-verklaring gesê dat Nkosi Sikelel’ iAfrika gesing moet word soos dit tydens die koloniale- en apartheidsjare gesing is, sonder die vers wat uit die voormalige volkslied, Die Stem aangepas is.

    Ndlozi sê ook die Krugerwildtuin se naam moet verander word, “omdat Paul Kruger president was van ‘n Boere-republiek wat die grondslag vir die apartheidstelsel gevorm het”.

    Die EFF het in die verklaring gevra dat die grondkwessie opgelos moet word. Ndlozi sê slegs die onteiening van grond sonder vergoeding om herverdeel te word, kan aan mense waardigheid gee.

  • DA veroordeel bewaringsgesinde en wetsgehoorsame Afrikaners

    In ‘n mediaverklaring wat slegs in Engels uitgereik is, het die DA die protes veroordeel wat op Kerkplein gehou is teen die onwettige skendings van standbeelde.

    Die party het Steve Hofmeyr, Sunette Bridges en ander Afrikaners se oproep om wetsgehoorsaam te wees en kultuurgoedere te bewaar, veroordeel. Hulle het ‘n bewaringsgesindheid as “racially divisive” beskryf.

    Klaarblyklik is die party van mening dat alles in Suid-Afrika maar afgebreek mag word om swart rasse-eenheid te bewaar.

    Die DA bestempel ‘n bewaringsgesindheid as in dieselfde kategorie van onaanvaarbare optrede as dié van die EFF met die skending van ‘n kultuurerfenis.

    Hulle het die teenwoordigheid van die vierkleur en sing van Die Stem ook veroordeel.

    In die DA se mediaverklaring word Afrikaners as ‘n “minderheid van randfigure” afgemaak wat oral “verdeling, haat en vrees saai”.

    Hulle verklaar voorts dat die land ons nie nodig het nie.

    “The reactionary and racially divisive defence of these aspects of our collective national history makes today’s protest from the far-right no better than the actions of those defacing and destroying monuments and statues across the country,” aldus die DA.

    In weerwil van die DA se kwaadwillige uitlatings oor Afrikaners wat soortgelyk is aan die EFF, is ‘n dringende interdik bekom téén die EFF en sy leierskap vir hul voortgesette vandalisme.

    In ‘n uitspraak in die Pretoria Hooggeregshof dié week, het regter Eben Jordaan gesê dat dit steeds onwettig is om standbeelde te beskadig.

    Jordaan het hofbevel toegestaan wat die EFF-leier Julius Malema, die party se nasionale woordvoerder Mbuyiseni Ndlozi en die adjunk-voorsitter van Tshwane Moafrika Mabongwana verbied om enige van die party se lede en ondersteuners aan te hits om enige nasionale monument of standbeeld in SA te ontsier, beskadig of te verwyder.

    Dit sluit spesifiek monumente en standbeelde in wat die Afrikanergeskiedenis en -kultuur verteenwoordig.

  • Steve Hofmeyr sing Die Stem by Kruger-standbeeld (video)

    Die groep betogers wat gister saam met Steve Hofmeyr beswaar gemaak het teen die vandalisering van Oom Paul se standbeeld op Kerkplein, het spontaan ingeval en Die Stem begin sing. Sommige was in uniform en het gesalueer terwyl die Afrikaanse volkslied gesing is.

    Die land verkeer in rep en roer oor standbeelde terwyl die onbekookte multikulturele kommunisme wat sedert 1994 in Suid-Afrika geld, feitlik deur alle bevolkingsgroepe verwerp word. Selfs die aarts-“nasiebouer” en pro-Britse, pro-kommunistiese meningsvormer, Max du Preez, het in ‘n onlangse rubriek toegegee dat die ingevoerde, sogenaamde “reënboognasie”-begrip finaal misluk het.

    Terwyl die Naspersgroep en verskeie kunstefeeste angsvallig poog om Steve Hofmeyr te marginaliseer deur hom by hul byeenkomste te verbied of te “ontnooi”, boemerang dit deur sowel Die Stem as Hofmeyr se gewildheid te laat styg.

    PRAAG het gister ‘n omvattende plan aangekondig om Afrikaner-erfenis deur internasionale bemiddeling onder eie beheer te bring.

  • Godslastering is toelaatbaar by KKNK, maar nie Steve Hofmeyr & Die Stem

    Hiermee wil ek graag my misnoeë te kenne gee met SA Kunstefeeste soos KKNK, Innibos en die Vryfees wat my kollega, Steve Hofmeyr, boikot oor die sing van
    die Stem en hom sy reg op vryheid van spraak ontneem.

    KKNK beweer dat hulle Steve nie daar sou toelaat nie al het hy nie aansoek gedoen om daar op te tree nie. Net die feit dat hulle dit vermeld, is vir my ‘n teken dat hulle verdeeldheid wil veroorsaak onder die Afrikaner. Sou hy aansoek gedoen
    het, en dan afgekeur gewees het, kon hulle dit noem.

    Steve word geboikot oor hy dit gewaag het om Die Stem te sing, iets wat vir baie Afrikaners en Suid-Afrikaners ‘n groot deel is van ons geskiedenis en herkoms, net soos Nelson Mandela en die huidige volkslied ‘n groot deel is
    van sekere Suid-Afrikaners se geskiedenis en herkoms, maar ander ongerymdhede word wel by KKNK toegelaat soos bv:

    • 1997 toe die publiek ontevrede was met die optrede van Miriam Makeba en haar met bierblikkies gegooi het, is hulle met traangas gebombardeer, dus die publiek word gestraf weens hulle eerlikheid oor dit waarvan hulle nie hou nie;
    • 1998 het Breyten Breytenbach ‘n toneelstuk opgevoer met eksplisiete seks, so erg dat die mense die teater verlaat het, dus openlike seks is welkom, maar nie Die Stem nie?
    • 2006 het die publiek geëis dat die omstrede groep F-Off Polisiekar van die program verwyder moet word nadat hulle op n “fan” se beursie geskryf het “F@# God”, maar hulle is steeds toegelaat om verder op te tree, so jy mag
      God vloek, maar nie Die Stem sing nie?
    • 2008 was die publiek weer ontsteld toe hulle op Goeie Vrydag ‘n kaal man met ‘n sweep geslaan het, as herdenking van Jesus se kruisiging, dus naaktheid
      word toegelaat, maar nie Die Stem nie?

    Casper de Vries maak gereeld godslasterlike uitsprake, maar is steeds welkom by kunstefeeste, maar Steve Hofmeyr is onwelkom net oor hy Die Stem sing?

    Dit kom vir my alles daarop neer dat jy die vryheid het om alles te mag doen, behalwe om ‘n Afrikaner te wees, alhoewel die Afrikaner die feeste ondersteun en sorg dat die geldkassie vol bly…

    Oudtshoorn was die tuiste van die geliefde digter, CJ Langenhoven, dieselfde CJ wat Die Stem geskryf het, maar sy bekendste en mooiste gedig, is nie welkom in sy tuisdorp nie. Hartseer!

    Daar is reeds in September 2014 kontrakte vasgemaak met KKNK en Innibos vir optredes en is ek verplig om my kontrakte na te kom maar daarom het ek besluit om die gelde wat die feeste my betaal, te skenk aan die bou van die
    Kleinvallei-ouetehuis waarby ek betrokke is om vir 20 bejaardes ‘n veilige hawe te gee.

    As een stem stilgemaak word, sal ‘n ander stem opstaan en sing: “Ons sal lewe, ons sal sterwe, Ons vir jou Suid Afrika.”

    – Manie Jackson

  • Steve weer by AIG

    Suid-Afrika se gewildste sanger sal weer by een van die gewildste Afrikaanse musiekkonserte optree. AIG het verlede week op Facebook aangekondig dat Steve Hofmeyr weer sal deelneem.

    “AIG het gedoen wat geen ander instelling wat boikot, gedoen het nie. Hulle was eerbaar. Hulle het my gevra of ek rassisties is en ek het geantwoord,” het Hofmeyr aan Beeld gesê.

    “Hulle aanvaar nie ’n verhoor-deur-die-media nie en ook nie die woord van elke agterbakse komediant as evangelie nie. Uit die reaksie van my eie konserte sou ek raai dat AIG groter as ooit gaan wees,” het Hofmeyr gesê.

    Jaguar Land Rover Suid-Afrika en Pick n Pay het intussen aangedui dat hulle nie hul borgskappe gaan hernieu nie.

    Albei maatskappye het verlede jaar gesê hulle gaan die AIG-borgskap hersien na aanleiding van die sanger Steve Hofmeyr se “omstrede menings”. Dit sluit klaarblyklik in dat die sing van Die Stem, wat amptelik deel van die nuwe volkslied is, ook verbode is.

    Lesley Sutton, bestuurder van mediabetrekkinge van Jaguar Land Rover Suid-Afrika, sê hulle “internasionale vennootskap” met die Wêreldbeker-rugbytoernooi en ‘n vennootskap met die Bloodhound SSC-wêreldlandspoedrekordpoging gebeur op dieselfde tyd as die AIG-konserte.

    Land Rover het glo Bobby van Jaarsveld van ‘n ryding voorsien.

    Verlede jaar het Land Rover in ’n verklaring gesê: “Die goed gepubliseerde persoonlike menings van die gewilde Suid-Afrikaanse kunstenaar (Hofmeyr) het die Afrikaanse musiekbedryf en die reputasie van sy kollegas in die gedrang geplaas en so ook dié van die borge wat die konsert moontlik maak.”

    Hofmeyr het in Oktober verlede jaar swart rassisme aan apartheid verbind in ‘n twiet. Dié opmerking was waarskynlik vir sommiges te na aan die waarheid.

    ‘n Mislukte buikspreker het daarna die borge van die AIG-konserte genader in die hoop om swart punte aan te teken vir sy kwynende gewildheid met beskuldigings van “rassisme”, maar dit vinnig uitgebrei na alles wat met Afrikaners en Afrikaans verband hou.

    Die sukkelende wit komediant wou die borge dwing om hul “assosiasie” met ’n “apartheid-ontkenner” en “wit heerssugtige” te beëindig. Die sensuuroefening het tot ‘n onbedekte uitbarsting van Boerehaat op sosiale media en in die dooieboommedia gelei.

    Dr Dan Roodt het namens Hofmeyr, onsuksesvol probeer om ‘n tweede permanente beskermingsbevel teen die buikspreker Conrad Koch te kry om sy volgehoue haatveldtog te staak.

    Roodt het twee maande gelede reeds die redes skriftelik van die Indiër-landdros aangevra, maar sonder sukses.

    Die eerste aansoek om die buikspreker se anti-Afrikaanse en lasterlike veldtog teen Hofmeyr te keer, was egter suksesvol en het meegebring dat die AIG-konsert kon voortgaan.

  • Vryheid vir Steve Hofmeyr en alle kunstenaars by kunstefeeste!

    [emailpetition id=”3″]
    [signaturelist id=”3″]