My Pa het my altyd vertel hoe hulle op skool ‘n bord met die woord “Donkie” om hulle nek moes dra elke keer as hulle swak gedoen het met die Engels. Nou vir ‘n jong Boere-lat was Engels nie die maklikste ding op aarde nie en die gevolg was dat hy menige pouses as ‘n “Donkie” saam met sy maats moes speel.
Snaaks hoe dit wat eens was, maar net weer is. Kyk mens na die hele taaldebakel op ou Afrikaanse universiteite wat moet verengels, sien mens hierdie selfde Engelse (imperialistiese) hovaardigheid al weer voor ons afspeel. Afrikaans word in debat na debat beskou as uitgedien in die nuwe wêreld en Engels, Engels, Engels, is al wat ons hoor. Wat skokkend is, is wanneer mens tot die besef kom dat die besluite oor die bestaan van Afrikaans nie geneem word deur Engelse mense nie, maar deur Afrikaanses. Dit wil voorkom of die Elite-Afrikaner tot die besef gekom het dat indien hulle hulle status wil behou, hulle moet wegbeweeg van die kombuistaal en meer gesofistikeerde Brits moet praat. In soveel woorde reken hulle Afrikaans is uitgedien en dat dit sinneloos is om aan te gaan om mense in die taal op te voed.
Dus- Die Afrikaner-/Afrikaanse akademiese elite se boodskap aan die res van ons is –“Julle tyd is verby”. Hulle het boedel oorgegee en ons moet aanbeweeg. Hulle besluit namens ons dat hierdie volk met hierdie taal se toekoms nie meer relevant gaan wees nie. Nou goed- my Engels is nie van die beste nie, maar hier is ‘n boodskap vir hulle in my beste Brits: “To hell with you!!” As mens dit moet vertaal in Afrikaans kan dit ook lees: “Vlieg binne julle moer in!”
Vir te lank sit ons mense met hierdie Calvinistiese minderwaardigheidskompleks waar jy inherente respek toon aan iemand wat geleerdheid het. Hierdie (ver-)leiers van die volk wat na ons belang moet omsien, verkoop ons keer op keer uit vir hulle eie persoonlike gewin of om hulle eie opinie te bevorder. Die tyd het gekom om ons rug te draai op hierdie mense wat nalaat om ons belange te beskerm wanneer hulle in sodanige posisies is om dit te doen. Die besef moet tot ons deurdring dat ons volkie se voortbestaan in ons eie hande is en dat enige iemand wat dit teenstaan as vyandig beskou moet word. Vir te lank blameer ons die regering, ander rasse en politieke partye vir die verlies van ons eie bates terwyl die grootste skade aangerig word deur die Afrikaner-/Afrikaanse Elite agter toe deure.
Een van die groot uitdagings van universiteite was nog altyd die gaping tussen die akademie en die praktyk. Studente leer ‘n ding in ‘n boek, maar as hy in die praktyk instap, is dit baie anders. Net so het hierdie Elite ‘n goeie akademiese punt, maar ons, die mense, is die praktyk en die twee is tans ver verwyderd.
Ons volk het nie onstaan uit geleerdes nie; dit was rowwe bliksems wat hier aangekom het, harde manne wat op die myne gewerk het, bywoners was, geboer het en transport gery het oor die vlaktes en berge. Harde werkers. Donkies. Nou, behalwe vir die feit dat ons Saligmaker op ‘n donkie die stad ingery het, is daar ‘n ander ding van ‘n donkie wat jy moet weet. Hy het ‘n wil van sy eie. So hard soos wat hy kan werk, net so steeks kan die donner word. Vir jare het hulle bordjies om ons nekke gehang en ons “Donkies” genoem. Dalk is dit tyd om hierdie realiteit te aanvaar. Dalk is dit tyd om te aanvaar dat ons ‘n hardwerkende, nederige, moedswillige volk is. Die tyd het gekom dat ons vassteek soos net ‘n donkie kan en weier om ‘n hel verder in die pad af te stap waarheen die Elite ons lei, ‘n pad waar Afrikaans nie meer relevant is nie, ‘n pad waar ons alles wat ons uniek maak, moet opoffer omdat dit akademies en polities nie aanvaarbaar is nie.
My Pa was ‘n “donkie”. Eerlik, hardwerkend en nederig. Hy het die spot as kind verduur en met sy eie hande vir hom en vir sy gesin ‘n lewe gemaak al was dit op daardie tydstip onaanvaarbaar om swak Engels te praat. Hy het gestaan by wat vir hom reg is, moedswillig en hardkoppig. Dalk is dit hoekom Oom Siener die volk altyd as donkies in sy gesigte gesien het. Die punt is – ek is eerder ‘n opregte, moedswillige plaasdonkie as ‘n geleerde joiner-elite. My pa was ‘n donkie en so is ek. Jy kan nou maar vir ‘n donkie lag, maar wee die dag as hy vir jou raakskop.
– Vannermerwe
Ja! My pa (was doer in die vroee 20s op skool in die Uitenhage-distrik) het ook die donkie-ding om sy nek moes dra – dikwels het hy altyd vertel. Maar dis interessant dat hy nie ‘n haat en ‘n wrewel in die gewone ingilse gehad het nie. Maar hy was sterk anti-Brits – dis hoekom ons in die oorlogsjare gereeld skelm en onwettig na Radio Zeesen(?) geluister het! Ek het my wrewel in die ingilse van vandag hoofsaaklik gekry toe ek as politieke joernalis dikwels met die ingilse joernaliste te doen gekry het. Daai was (en is nog) vir jou ‘n liederlike spul!
Maar Thysh jy het dan vroeër geskryf dat jy jou ouers vroeg verloor het en wees grootgemaak is.
Jy is die skrywer van die artikel en lewer kommentaar daarna.
Soos Ou Matt Heyns se polemiek pompery onder skuilname….
Julle Vrydenkers Antigotters is so voorspelbaar soos Malema.
Albert Brenner verwys na julle as sop [d] trollenaars of so-iets in afrilkaans.
Jy het elders geskryf oor die tweede skop van ‘n muil wat vir die onnosele nie opvoedkundig is nie.
Ek belowe jou, die eerste skop van ‘n donkie is vir enigeen opvoedkundig. ‘n Donkie het my een skop tussen by blaaie gegee toe ek gesukkel het om die toom onder sy voorpoot uit te kry. Soos ek gehurk gesit het, het ek seker drie jaarts daarvan grond gevat.
Ek was touleier so van 4 jaar af. Het met die ploëery gehelp. Vertel jou een ding. Die donkies wat so van 8 tot 1 ploeg en dan rus, val weer by 3 in en werk maklik tot 7 sonder om eers te lyk asof hulle moeg is.
Ek kan my nogals met die karaktertrekke van ‘n donkie vereenselwig. Foeter hom en hy besluit of hy aandag aan die hou gaan gee. Wil hy nie, dan steur hy hom nie aan jou nie. As dit van die groot donkie-soort is (Spaans gebaster met die gewone donkie) het jy eers ‘n probleem. Net soos die verbastering tussen Nederlander, Duitser, Fransman, Joodse bloed op die koop toe bygevoeg plus Ingelse bloed. Wat ‘n baster wat hom net mooi by niks hou nie. Toe hy in die tuig van die “elite nasionale leiers – kerk, godsdiens, ens) was, het dit nog gegaan. Nou dat hy uitgespan is, gaan die ware karakter uitkom.
Baie is pessimisties, ek is baie optimisties. Die Afrikaner het mos die slegte manier, as hy groot skrik, gaan staan hy in die hoek en beskyt homself. Na ‘n rukkie maak hy homself skoon en kom agter dat hy die probleem oorskat het en homself onderskat het. Dan maak hy planne. Dan kom sy donkiestreke uit. Hy is lui as die baas wil hê hy moet trek. Loop wei daar vêr wat dit moeilik maak om hom aan te keer. Span die wa verkeerd in en die geneuk van die voordonkie wat te stadig is en die verkeerd gespanne vinnige agterdonkie gaan maak dat geen werk gedoen word nie maar heeltyd ‘n gespook om die spul in toom te hou.
Dit is nou n kommentaar wat mens nie anders kan as om te geniet nie.
Sou mens die britte moet evalueer volgens hulle sepies
waarmee ons oorspoel word is hulle n klomp suipende sedelose leegleêrs wat
heeldag in kroeë rondlê. Kyk mens na
hulle monargie is die enigste verskil in hulle gedrag en hulle onderdane se
gedrag finansies.
Ek het nog in die tyd van – “Ma ek wil n Boerseun hê”
grootgeword. Sterk manne wat spiere gehad het van harde werk – nie engelse spiere
(“called fat”) gebou met steriode en ongesonde kos in “gyms” nie.
Sagte maar sterk rigtinggewende moeders wat kinders kon
opvoed om in produktiewe beginselvaste volwassenes te ontwikkel – Sy het haar gesin
versorg en sy en haar man het mekaar die eer ondersteuning gegee wat wedersyds mekaar
toekom tot die dood hulle skei.
Engels is vir my verteenwoordigend en omvattend van alles wat swak is.
KOLSKOOT!!
Dis net die reine waarheid!
Is so. Die Afrikaners was as volk nog altyd super de luxe – a graad – uitvoerkwaliteit mense. Met uitsondering van ons integrasie predikante, politieke leiers, ja-stemmers, sewendelaan kykers, korrupte akademici, liberale joernaliste, en sport verslaafdes, wat net `n klein minderheid is.
Was daar al ooit `n volk wat iets soos ‘die antwoord’ opgelewer het? Watter ander volk kan spog met iets soos ‘jou ma se p**s in `n fishpaste jar’?
Johan jy het my nou lekker laat lag – ek tel toe al die swakkolle
wat jy opnoem en dit is toe net mooi 7 uit 10 – weg is my lekkerlag want dit is
statisities gruwelik. Die dominees en hulle verleiding het toe nie verder gekom
as om die multimiljoen dollar industrie te laat vou nie en verder troos ek toe
vir my dat die statistieke bietjie anders daar sal uitsien as n mens in
aanmerking neem dat net drie of vier uit elke tien al hier swakpunte huisves.
Johan, ja daai (vekeerde) antwoord is die laagste van laagtepunt – die Hollanders is nie ver agter nie of gee selfs die pas aan. Ek sien oor die naweek ‘n video van ‘n liedjie “drank en drugs” van die nederlanders en ‘n tyd gelede “New kids turbo” – antwoordmentaliteit op sy beste.
Donkies het nie leiers nodig nie , ons weet wat om te doen….hardkoppig met rigting.
Alles wat jy sê – en hardkoppig en as n donkie hom vererg
dan skop hy om dood te skop – hy speel nie.
As die Afrikaner donkies tog maar net dié les kan leer …
Miskien sal die kommentaartjie wat ek op Leon Lemmer se artikel “Jack Donovan oor die blanke stam” hier ook van toepassing wees:
Die kern is dus: “die ons/hulle-onderskeid wat deesdae as boos afgemaak word deur diegene wat ons probeer wysmaak dat die mensdom een groot familie is”. Miskien kan ons byvoeg “een groot Engelse familie”, want die groot, identiteitlose, gesiglose “mensdom” is inderdaad Engels, of wil dit graag wees. Daaruit volg dat enigiets of enigiemand wat van die groot Engelse mensdom wil afwyk en ‘n volksverband wil aanhang, in Leon Lemmer se woorde as primitief, onbeskaaf en agter die klip afgemaak word. Die Engelse wêreld gun net nie ‘n plek in die son aan ander kulture en nasionaliteite om ‘n eie onafhanklike bestaan te voer nie. “Inklusiwiteit medemenslikheid, moderniteit, die menslike familie” is blote sinonieme vir die groot Engelse wêreld. Die “all-inclusive, culture-erasing universalism that is epidemic in the West and spreading virulently across the globe” waarvan Donovan praat, is inderdaad Engelse culture-erasing. Wat kan dit anders wees? Maar ons kan seker nie van Angelsaksiese skrywers verwag dat hulle dit sal erken nie.
Die Engelse het sopas ten gunste van eksklusiwiteit gestem. Die meerderheid Afrikaners ondersteun darenteen steeds integrasie.
Goeie punt.
Die NWO gaan oor die defenisie van grense Grense was nog altyd gebruik vir beveiliging,,,,maaaaaarr
Wanneer word grense in tronk en tiranie? – Waaroor Verwoerd vermoor is omdat hy grense suksevol gebruik het vr vrede veilgheid en voorspoed vir almal.
Dis waaroor alles gaan naamlik die keuse tussen Verwoerd en Tsafendas.
Teoloog Thysh het ‘n donkie-mentaliteit opgestel teenoor Calvinisme.
Johan het hierdie donkie mentaliteit mooi beskryf.
Wat is julle keuse?
Ek is verseker ‘n donkie! (Ek weet ook die donkie is ‘n wonderlike ding)
En ek is ‘n Calvinistiese donkie.