Menings – Bladsy 5 – praag.co.za

Die byenes van plaaslike regering

Terwyl die byenes om die kop van Kenny Leluma, waarnemende munisipale bestuurder van Ventersdorp aan die oplaai is, moet ernstige vrae gevra word aan die minister van Sicelo Shiceka, minister van koöperatiewe regering en tradisionele sake, oor sy erns om plaaslike regering reg te ruk.

Pas het dit aan die lig gekom dat slegs twee persent van die land se munisipaliteite in die mees onlangse rondte skoon oudits van die Ouditeur-generaal verkry het. Die beste beskikbare mense is nodig om sake reg te ruk.

Leluma is nou in die nuus oor hy deur die minister self na Ventersdorp gestuur is om ake reg te ruk. Nou blyk dit dat hy verskeie senior amptenare van die Bitou-munisipaliteit by Plettenbergbaai inspan as ‘n sogenaamde ministeriële taakspan. Ventersdorp en Plettenbergbaai, en nie die ministerie nie, betaal skynbaar onregmatig die rekening van reuse konsultasiefooie aan mense wat reeds reuse salarisse verdien. Nou moes Ventersdorp boonop hoor, die onthullings ten spyt, gaan hulle tot die munisipale verkiesings volgende jaar met Leluma sit.

Leluma is geen gewone openbare administrateur nie. Hy het in 1993 reeds die nuus gehaal toe hy as lid van die sogenaamde Breë demokratiese Beweging in Qwaqwa geëis het dat die Qwaqwa-ontwikkelingskorporasie gedemokratiseer word. In 2003 is hy weens beweerde wangedrag as munisipale bestuurder in Qwaqwa geskors. Sedertdien is daar min tekens van die deursigtigheid wat hy eens bepleit het.

Leluma het sedertdien by Bithou ‘n politieke adviseur geword. Bithou sal weer onthou word vir die omstrede munisipale bestuurder, George Seitisho, wat met ‘n span hoogsbetaalde personeel van Bronkhortspruit gekom het, onder andere ‘n sekretaresse wat toe glo die hoogsbetaalde sekretaresse in die land geword het.

Sy aanstelling self was egter al ‘n kopkrapper, nadat sy dienstyd in Bronkhorstspruit goed met dorings besaai was. Terwyl OG-verslae aan die lig gekom het waarvoor hy uiteindelik geskors en verhoor is, het die destydse Wes-Kaapse ANC-regering hom boonop administrateur in ander sukkelende munisipaliteite gemaak, waaronder die Kannaland-munisipaliteit wat toe behoorlik om al die verkeerde redes in die nuus was.

Dit kom dan ook as geen verassing nie dat Seitisho se naam weer opduik in die Leluma-debakel by Ventersdorp, en dié keer is Seitsho in die media aangehaal as provinsiale koördineerder van die ministerie.

Seitisho se spoor deur elektroniese argiewe is nie altyd vir ‘n joernalis maklik om te volg nie omdat sy van deur die jare nie altyd dieselfde gespel is nie. Vir die minister behoort dit egter kinderspeletjies te wees om ‘n behoorlike agtergrondondersoek te laat doen.

Presies hóé droog moet ‘n kader maak voor hy sodanig in onguns verval dat hy nie met elke teenspoed in ‘n nog hoër amp beland nie?

Dit is ongelukkig gereeld Noordwes se spartelende munisipaliteite wat die spit moet afbyt. Die verhoor van ‘n geskorste munisipale bestuurder van Moqhaka-munisipaliteit by Kroonstad word gestaak toe hy as munisipale bestuurder by Klerksdorp aangestel is. By Klerksdorp verweer die munisipale regering hom dat daar geen beletseling op die aanstelling was nie omdat al die klagtes teruggetrek is.

Ook ‘n voormalige munisipale bestuurder van Mangaung, wat Bloemfontein insluit, word as administrateur van ‘n munisipaliteit in Noordwes gehersirkuleer – terwyl hy saam met ‘n oud-burgemeester tereg staan op aanklagte van onder meer korrupsie en rampokkery.

how to build instagram followers топкарго развод

As howe die regering tot verantwoording moet roep

Twee parallelle gebeurtenisse speel hulle nou af. In die Vrystaat is ‘n skikking tussen Vrystaat Landbou en die regering verkry wat daarop neerkom dat die regering nou sy grondwetlike plig teenoor Vrystaatse grensboere met Lesotho gaan nakom. Die staat – oftewel – die belastingbetalers – gaan die regskoste betaal.

Die staat het na drie jaar kopgegee en uiteindelik besluit om sy verweerskrif te onttrek, en nou uiteindelik ‘n probleemgrens te beveilig.

Terselfdertyd spreek Afriforum sy regspan, nadat die Suid-Afrikaanse regering weer versuim het om Suid-Afrikaanse boere in Zimbabwe te beskerm wat deur grondbesetters bedreig word. Die regering het teen die spertyd nie op Afriforum se kommunikasie hieroor reageer nie. Die aanloop is ook dat die regering op die laaste nippertjie geskik het toe hy van plan was om boere uit ‘n bilaterale ooreenkoms met Zimbabwe te sluit. Nou staar die regering waarskynlik weer regsoptrede in die gesig.

Terwyl die regering met die mond kliphard nasiebou predik, faal dit en sy tentakels as dit by die daad kom. Veral sommige lede van die nasie is skynbaar bestem om tweedeklas-lede te wees, en volgens huidige uitsprake, onbepaald so te bly. Die strategie van voetskietery maak nie sin gegewe die bekpraatjies nie.

Die tweede aspek wat onder die loep kom, is dat die howe nie net ‘n waghondfunksie oor die regering moet vervul nie, maar gereeld regeringsfunksies moet oorneem. Ook in die Vrystaat moes die hof byvoorbeeld ingryp en nie net tenders tersyde stel nie, maar hertoeken.

Terwyl dit goed is dat die howe hierdie soort funksies kan vervul, en bereid is om dit te vervul, sleep dit ook die howe by die politiek in, wat al hoe meer grondwetkenners maan die howe se aansien kan benadeel. Veral as dit tot die partypolitieke vlak begin daal, soos waar die howe by herhaling in die Cope-sage moes ingryp.

Die howe moes terselfdertyd ingryp in die Julius Malema-sage. In lande soos Australië is ‘n debat aan die gang oor hoe ver die oppergesag van die grondwet, en daardeur die howe, moet strek. Uiteindelik, so word geargumenteer, word die kiesers hul demokratiese reg om hulself te regeer deur ‘n onverkose liggaam ontneem.

Die debat neem trek egter ‘n geheel ander baadjie aan as dit om ‘n heterogene land handel met ‘n grondwet wat vir ‘n homogene land ontwerp is. Dan kan daar geen twyfel wees dat die howe se rol onontbeerlik sal wees nie, soos nou in Suid-Afrika by herhaling bewys word. Om nou die howe se sogenaamde inmengery te bevraagteken is ‘n erkenning dat die grondwet nie aan sy demokratiese aard voldoen nie, en ook nie kan voldoen nie.

Dit word vererger deur die disfunksionele en / of partydige grondwetlike beskermingsliggame, soos die Menseregtekommissie en Openbare Beskermer. So lank die howe soos onafhanklike howe handel, so lank verdien hul bereidheid om reg te maak waar sake skeefloop, nie om onder verdenking geplaas te word nie.

So lank die regering ook nie leer om self sy burgers ewehandig te hanteer nie, moet hy ook nie verbaas wees as die wat hy minder gelyk as ander behandel, hulle tot die howe wend nie. En solank dit gebeur is nasiebou deur euforie soos om Tik teen armoede in te span. So lank moet die bou van die land se beeld deur die prisma van ‘n patetiese regering geskied.

Terwyl die Nederlandse regering se energie deur koalisiegesprekke opgeneem word, sorg daardie regering nog vir sy oranje rokdraende burgers. Hierdie regering moet deur die howe tot orde geroep word om dieselfde te doen.

topcargo развод

U rekening, meneer

Die kostes om die sokkerpartytjie te befonds en die toernooi aan te bied is reeds aangegaan. Finale kostes is nog nie bekend nie, maar strek tussen R40 miljard (40,000,000,000) en R52 miljard (52,000,000,000). Kom ons werk op R40 miljard en ons kyk hoe die rekening daarna uitsien. (2009 SAID-jaarverslagdata verwys.)

– Die R40 miljard kostes is ongeveer 6,40% van die hele land se belastinginvorderings in 2009 (R625 miljard) wat indiwidue en besighede insluit.

– Jan Publiek, die salaristrekkende belastingbetaler, betaal ongeveer 56% van die hele land se belasting (R196 miljard Inkomstebelasting en R157 miljard BTW = R353 miljard uit die total poel van R625 miljard)

– Tussen die Jan Publiek-private-indiwidue is daar ‘n groep van ongeveer 5,7 miljoen indiwidue wat die grootste deel van die inkomstebelasting betaal (R190 miljard van die R196 miljard is jou rekening). Dan is daar nog so 5,6 miljoen mense wat die ander R6 miljard van die R196 miljard dra.

Die ander 33,7 miljoen in die land betaal niks inkomstebelasting (IB) nie; Zero, zilch, geen. Dit volg natuurlik dat almal in die land wat iets koop BTW betaal, ook die 33,7 miljoen wat nie IB betaal nie. Maar per afleiding betaal die gemiddelde ou in die 5,7-miljoengroepie egter baie meer BTW op sy internet, selfoon, kruideniersware, ADT-beskerming, Discovery Health-plan en BMW-paaiemente as die ander ouens wat net BTW op pap en sy BMW-paaiement het. (Terloops, daar is nie eers BTW op pap nie).

Ek stel dit dan aan u, dat die gemiddelde private belasting betaler, d.m.v. BTW en IB, die meerderheid van die kostes in Mzansi moet dra. Nou as jy dit kan erken, insien en besef, kom ons kyk wat jou 56% van die 40,000,000,000 vir jou gekoop het.

– Opgegradeerde en nuwe stadions

– Opgegradeerde lughawens

– Opgegradeerde infrastruktuur deur die land

Jy as private indiwidu het egter geen beheer oor hierdie bates en hulle voordele nie. Dit is in beheer van die staat en sy amptenare (wat gewoonlik hulle gades insluit).

– Hulle sal besluit waarvoor die stadions verder aan gebruik gaan word.

– Die staat sal besluit wie kan vergaderings by die stadions hou.

– Die staat sal besluit wat hierdie infrastruktuur gedoop gaan word.

– Die staat sal die doeanebelastings van die nuwe lughawens ontvang.

– Die staat sal die meerderheid van die voordele vanuit hierdie nuwe infrastruktuur ontvang. Jy gaan nie nou gratis op Loftus kan sit vir die volgende twee jaar omdat jy hom help betaal het nie.

– Dink jy ANC-lede moet toegangsfooie betaal vir ‘n sitplek as hulle ‘n Peter Mokaba-viering in Peter Mokaba-stadion in “Polokwane” bywoon?

Nee man, sê jy dalk vir my. Moenie bekommer nie, die land gaan ‘n klomp geld inkry vanaf buitelanse toeriste. Praat ons dalk van die 300,000 van hulle?

Ok, ok, ok sê die afleweraar van die rekening. Ten minste gaan die land se internasionale beeld gepoets en gevryf word. Dink net aan die ontasbare waarde van die beeld wat uitgedra word. Gaan vertel dit vir die 13 lande wie se spanne, mediaspanne en toeriste reeds beroof is. En ons is nog nie eers halfpad nie. Gaan vertel dit vir die internasionale kykers wat hulle TV’s afsit om die klank van die versoeningstrompet uit hulle ore te kry.

As daar landsburgers is wat gelukkig is met die uitgawes en die aangeskafte bates: “Wonderlik vir julle!” Maar as dit ‘n vrywillige betaling geverg het, twyfel ek sterk of die volle R40 miljard bymekaar gemaak sou kon word. Die klomp hêppie hêppie trompletblasende mense sou maar gesukkel het om die R40 miljard sonder die ander se bydraes bymekaar te maak. So as jy nie vrywillig bygedra het nie, hoe is die geld uit jou uit gekry? Jy is gedwing en subtiel gedreig deur die staat, wat ‘n monopolie op gewapende mag het, om dit te doen. Die skrywers van liefdesbriefies aan juffrou Mandela en meneer Bafana in Naspers se koerante en hulle 33,7 miljoen maatjies het die ander belastingbetalers mooi gewys waar Dawid die wortels gegrawe het.

Suid-Afrika se wonderlike water

Ek verwys na dié week se TV-insetsel oor water.

Verder heg ek ook hierby aan ‘n foto wat ek vanoggend geneem het; die water – glo dit of nie – kom uit my kraan uit. Nou my vraag vandag aan julle is, sal julle die water drink?

Ek glo nogal nie. Ek het ook reeds die water soos ek hier tik by die wasbak afgegooi, waar ek voel julle program ook hoort. Swak.

Ek koop dan eerder die produkte van Nestlé en Coke, soos ek nou al die afgelope 6 maande doen sedert ons terugkeer van die buitleland, want ek kan nie meer doktersrekeninge bekostig vir die behandeling van maagaandoeninge nie.

Julle aanbieders het ons probeer wysmaak dat die Suid-Afrika se drinkwater so wonderlik is. Ek moet bieg ek het na die eerste paar minute die TV afgesit want daar is ook net soveel propaganda wat een mens kan verduur.

Julle program het oor die jare baie goeie inligting aangebied maar ek reken om deesdae in diens van die SABC-ANC te wees, meng mens nogal moeilik die waarheid met propaganda en is ek van mening dat laasgenoemde keer op keer sal seëvier.

Ten laaste, hierdie e-pos sal nooit die lig sien nie, sou dit wel, drink ek daardie vuil SA water (eerder as om my hoed te eet).

Sowetodag: Jeugdag of Jigdag?

Met die totstandkoming van die NuweSA het 16 Junie van Sowetodag na Jeugdag verander. Baie lesers weet waarskynlik nie waar dié “mooi” en oënskynlike onskuldige benaming vandaan kom nie!

16 Junie elke jaar verteenwoordig een van die mees onskuldige vakansiedae van die “nuwe SA”. Vir die meeste mense is dit maar net nog ‘n vakansiedag onder die “mooi” naam van Jeugdag! Min mense is daarvan bewus dat hierdie dag een van die bykans 50 name in die Suid-Afrikaanse Kommunisteparty se “South African Revolutionary Calendar” is en eers as “Soweto Uprising – International Day of Solidarity with the Struggling People of South Africa” bekend gestaan het.

Die benaming van hierdie dag op sigself is agterdogwekkend en verteenwoordig ‘n politieke ideologie en doelstelling! Gedurende 1975/76 is hierdie dag dan ook deur die SAKP misbruik om die sg Soweto-opstande teen Afrikaans in swart skole te organiseer en het daarna as Sowetodag rugbaar geraak. Dié dag het eers sedert 1995 as Jeugdag op kalenders begin verskyn.

Die links-liberale media het gewoonlik ‘n groot ophef van hierdie dag gemaak en dit veral in die jare voor die “groot oorgawe” opgeblaas as die dag waarop die “finale vryheidstryd” begin het. Dit was ‘n klein vonkie wat met ‘n klipgooi en aan die brand steek van motorbande en motors begin het, en uiteindelik gelei het tot ‘n groot vuur wat in hierdie land begin brand het.

Die nadelige gevolge wat hierdie dade vir die swart jeug wat destyds daaraan deelgeneem het in hul latere lewe meegebring het, is tot vandag toe nog nie bereken nie! Die swart jeug wat hulle destyds aan daardie dade skuldig gemaak het, is waarskynlik dié wat in die afgelope aantal jare hul skuldig maak aan gewelddadige misdade soos kapings, bankrowe, moorde, inbrake, ens., omdat hulle destyds touwys gemaak is dat dit die blanke, maar spesifiek die Afrikaner is, wat verantwoordeliik was vir dit waarteen hulle betoog het.

Agter hierdie klipgooi het groot internasionale magte gesit wat daarop uit was om Suid-Afrika en by name die Afrikaner aan ‘n swart kommunistiese sg meerderheidsregering oor te gee. Hulle het die swart jeug op ‘n behendige dog subtiele en bedrieglike wyse gebruik om hul doelstellings te bereik. Alhoewel dit op daardie stadium oënskynlik oor Afrikaans as verpligte vak in swart skole en die benaming “Bantoe-onderwys” gegaan het, het dit in werklikheid oor die “sonde van apartheid” gegaan. Die Afrikaner sou uitgesonder word as die groot “sondaar” en hy sou moes boet vir sy “apartheidsonde”.

Dit is nou bykans ses-en-dertig jaar gelede wat hierdie gebeurtenis plaasgevind het en steeds kan die blanke en Afrikaner nie deur die swartman vergeef word vir iets wat hy nie gedoen het nie. Want Afrikaans was nie verpligtend soos wat die magte wat agter die opsweping van die swart jeug van destyds gesit het, voorgegee het nie. Dit was ‘n vrywillige vak soos wat bv Noord-Sotho in blanke skole was en geen leerling hoef dit te geneem het indien dié nie wou nie. Apartheid was ook nie so boos soos wat hulle dit voorgestel het nie.

Die beheptheid met apartheid en menseregte was niks anders nie as ‘n dekmantel vir die magte wat agter Sowetodag, Sharpevilledag ens., gesit het, ten einde SA voor te berei en in ‘n “nuwe wêreldorde” in te lei. Apartheid van destyds het, in teenstelling met die “nuwe SA” se apartheid, ten minste werk, onderdak, vrede en veiligheid vir alle inwoners van die SA van daardie tyd gebied!

лобановский депутат

So van hoenders gepraat

Die onlangse rubriek deur dr. Dan Roodt, Wanneer gaan die Afrikaner koers kry? het betrekking. Daarin haal hy vir M.T. Steyn aan wat gesê het: “Om Afrikaners te lei, is soos om ‘n klomp hoenders aan te jaag!”

Die kultuurpolitieke beweging PRAAG, soos ek dit verstaan, strewe die doelwitte van Vryheid, Afrikaner-behoud en die beskerming van Afrikaans na. Ek assossieer in ‘n mate hiermee en is dus lankal reeds ‘n lid van hierdie kultuurpolitieke beweging en sy forums. Ek deel nie noodwendig dieselfde sieninge as PRAAG of PRAAG-lede met betrekking tot die belangrikheid van my taal nie en ook nie met die party-verhoudinge wat PRAAG noodgedwonge moet handhaaf met ander organisasies nie. Maar ek deel wel die enkele grootste ooreenstemmende doelwit van vryheid.

Soos wat die wêreld die afgelope paar jaar ‘n nuwe herlewing begin ervaar in die rigting van sogenaamde regse politiek, in lande soos Nederland, België en selfs Duitsland; is daar ‘n soortgelyke wakker-wording in die arena van ekonomiese beleid en teorie. Die doktrines en beleide van mense soos John Maynard Keynes, Thorstein Veblen en Alfred Marshall begin al hoe meer krake en gate toon in hulle absolute fondamente. Die neo-klassieke ekonomiese denke waarop ons welsynstate gebou is word daagliks as gefaald uitgewys. ‘n Wesenlike rigting-verandering na die amper verlore “Oostenrykse Skool” begin plaasvind. Die “Austrians”, soos Ludwig von Mises, Murray Rothbard, Henry Hazlitt en meer onlangs, Hans Hermann Hoppe se bekroonde werke begin al hoe meer van ‘n aanklank in vrye lande ervaar. Hulle teoriëe en doktrines bly steeds uitgesproke en onder druk, maar die verdedging daarvan op eie meriete is onbetwyfeld.

Die laissez-faire ekonomiese beginsels van die Oostenrykse skool bewys, onteenseglik, dat die teenwoordigheid van die staat negatief inwerk op die welvaart en uiteindelike vryheids-doelwitte van ‘n gemeenskap. Die staat is, en sal altyd oop wees vir onbevoeglike invloed, neig tot korrupsie en on-effektiwiteit. Die staat het die monopolie op mag in die land en kan deur middel van wetgewing, belasting en gewapende mag enige van ons vryhede “wettiglik” ontneem. As groep A se eindom onteien kan word om tot voordeel van groep B aangewend te word net omdat groep B vinniger aanteel as groep A, wat is die burokrasie anders as die stelers en die delers alles in een? As daar sulke arbitrêre bepalings gebruik word om mag te misbruik dan ontstaan daar mos aansporings om:

(i) Deel van hierdie besluitnemings groep (die staat ) te wil word sodat jy die een kan wees wat die onteiening kan doen. Verwys elke staats amptenaar wat al van nepotisme of bedrog aangekla is. Verwys ook Mugabe se oorlogs-veterane.

(ii) Hierdie groep te beïnvloed sodat hulle nie joue ontneem nie, maar net jou bure se eiendom. Sien die algemene rampokker in die land wat sy ANC konneksies verkoop en daaroor spog. Wat geld bydrae tot die verdediging en bevordering van politici sodat hulle die roede gespaar sal wees. Wat sy politieke vernuf (nie ekonomiese of industriële vernuf nie) gebruik om tenders te wen.

(iii) Of om jou eie groepie te stig wat eendag maar net dieselfde wil doen sodat jy van groep A kan ontneem om aan groep C te gee. Verwys COPE, DA end die MDC.

Het ons soveel van ons vryhede al verloor dat ons dit amper nie eers meer mis nie? Is die skille al vas gegroei aan ons oë?

Die staat kan tog nie die vryheid van sy burgers beloof of beskerm aan die een kant en dit ontneem aan die ander kant nie? Jou staat kan tog nie ‘n derde van jou salaris neem, die taal beleid van jou kind se skool voorskryf, jou grond onteien, die arbeidspraktyk van jou besigheid bepaal en dit alles doen onder die dekmantel van vryheid nie? Boonop is die ander kant van die “kontrak” ‘n kamstige lewering van dienste? Amper alle ekonomiese doktrines bewys dat sulke dienste beter, goedkoper en meer effektief deur die burgers in ‘n vrye mark gelewer sou kon word as wat die staat dit ooit kan doen.

Elke een van ons weet hoe werk jy met jou eie geld as jy vir jouself iets moet koop (‘n nuwe kar). Jy lê self-beheersing en oorweging aan die dag. Jy probeer die meeste vir jou begrote rand kry.

Ons weet ook hoe elke een van ons werk wanneer jy met iemand anders se geld vir jouself iets moet koop (jou baas se kredietkaart vir ‘n werksete). Jy is nog steeds besorgd oor die uitgawe want jy wil darem ‘n goeie diens / produk vir die geld kry. Daar is ‘n oorweging om ten minste ‘n goeie voordeel uit die transaksie te trek. Jy het waarskynlik geen probleem om die R100 van jou baas te spandeer nie, maar jy wil darem iets goeds en ordentliks koop daarvoor. Jy wil nie R100 spandeer op ‘n brood nie.

Derdens weet ons ook hoe jy met jou eie geld vir iemand anders iets koop (bv ‘n geskenk vir iemand anders). Jy is nie soseer bekommerd oor wat die produk of diens se kwaliteit is nie, jy wil net nie te veel van jou eie begrote rand spandeer nie. Jou besorgdheid lê inherent in die koste van die transaksie want dit is tog jou geld.

Die laaste groepie is die groep waarin jou regering, die ANC, jou staat, JZ en Malema val. Hulle spandeer iemand anders se geld op iemand anders. Dieselfde besorgdheid oor fondse bestaan nie. Dieselfde besorgdheid oor die kwaliteit van die diens bestaan nie. En dit is te verstane. Dit is die aard en natuur van die staat, alhoewel dit net erger en meer opvallend is in Afrika. Dit is onafwendbaar dat hierdie koei moet dood gemelk word. Dit kan nie anders nie.

Nêrens is die bewyse van die Oostenrykste skool so ooglopend soos in die Nuwe Suid-Afrika onder die ANC nie. Hulle ekonomiese teoriëe voorspel, verduidelik en bewys hoekom die staat ‘n groter vergryping van hulle burgers se eiendom sal moet doen. Dit sal en moét kummulatief net groter word a.g.v die monetêre en fiskale beleid van die ANC. Die fiskale en monetêre beleid van die DA sal waarskynlik tot op die letter met dié van die ANC saamstem, met dalkies ‘n groter klem op die kwaliteit van die diens. Groepe sal egter steeds gepaai moet word, gunsies bekom moet word en die welsynstaat gehandhaaf moet word. Alles met die belasting-betaler se rand.

Kan jy in Suid Afrika:

– Jou privaat eiendom en lewe met alle middele tot jou beskikking beskerm?

– Jou inkomste aanwend soos jyself goeddink?

– By jou afsterwe, jou inkomste oordra aan jou kinders sonder dat die staat ‘n deel van jou afneem?

– Diamante op jou eiendom ontgin en vir jouself hou?

– ‘n Selfoon network begin sonder goedkeuring van ‘n staatsamptenaar?

– ‘n Arbeidskontrak met die proliteriaat sluit op terme wat vir julle aanvaarbaar is?

– Sê wat jy wil en publiseer wat jy wil?

En ons dink ons het vryheid?

As ek by dr Roodt se aanhaling van MT Steyn mag leen, is die klomp hoenders heeltemal te deur die mis. Die blanke Afrikaner in Suid Afrika gaan verseker nie enige tyd homself uit sy verknorsing probeer loswikkel nie. Nie vir sy geloof, sy taal, sy gesin se veiligheid of enige iets anders nie. Hy sal dit net doen as sy lewensmiddele en inkomste finaal bedreig word. Die hoenders se mieliepitte moet eers opraak. Ons wil eers voel voor ons hoor.

рефрижераторный Лобановский

Roodt genomineer as VVK-kandidaat

Vir dié wat nog nie weet nie, dr Dan Roodt is genomineer as kandidaat vir aanstaande jaar se volksverkiesing.

Soos almal reeds weet, word daar in Mei 2011 so ‘n volksverkiesing gehou. Die verkiesing word geadministreer deur die VVK (Volksraadverkiesingskommissie by www.vvk.co.za). Binnelands en buitelands is daar ‘n groot aantal registrasiebeamptes besig om kiesers te registreer.

Daar is ook begin met die nominasie van kandidate vir die sewe volksraadslede. Volgens die VVK-inligtingsdokumente kan ‘n kandidaat slegs deur ‘n geregistreerde kieser genomineer word. Elke nominasie moet een honderd sekondante hê en elke sekondant moet ‘n geregistreerde kieser wees. ‘n Sekondant mag slegs een kandidaat sekondeer en mag daarna nie weer ‘n ander kandidaat sekondeer nie. Belangstellendes kan ‘n kandidaat sekondeer deur die vorm persoonlik in te vul, of elektronies sekondeer deur die invul van ‘n spesiale vorm.

As mens jou denke fokus op wat in die VOLK se beste belang is, is daar sekerlik nie ‘n meer geskikte kandidaat as dr Roodt nie. Dit is krities noodsaaklik dat bekwame persone as volksraadslede verkies word. Hierdie verkiesing is dalk ons enigste kans om onsself weer op die voete te kry – mens sidder by die gedagte dat ook hierdie poging mag misluk.

Verskillende persone het verskillende menings oor presies wat “bekwaamheid” behels. Kyk mens na die mandaat van die volksraad wat verkies gaan word, moet die eis om selfbeskikking eerstens aan die Suid-Afrikaanse regering gerig word. Indien dit misluk, moet dit aan die internasionale gemeenskap gerig word. Sou dit ook misluk, moet die situasie aan die volk voorgelê word. Dit beteken hierdie volksraad sal met hooggeplaastes in plaaslike en oorsese regerings asook leiers van groot sakeondernemings in gesprek moet tree. Hulle sal ons saak moet kan stel en vrae moet kan beantwoord. Hulle sal goed ingelig moet wees oor regsargumente, ekonomiese kwessies en geopolitieke gebeure. Hierdie persone sal ook oor die nodige interpersoonlike vaardighede moet beskik. Internasionale kontakte met goedgesinde meningsvormers en vryheidsinstitute kan ook help.

Ek het al verskeie voorstelle gehoor van persone wat as bekwaam beskou word. Die meeste van hierdie persone is nog nie as kandidate genomineer nie. Dit laat my wonder waarom nie. Hulle kan tog nie hulleself nomineer nie. My gevolgtrekking is dat hulle nog nie genader is nie. Hoe moeilik kan dit wees om so ‘n persoon te bel, te faks, te kontak op Facebook? Miskien ken mense nie so ‘n bekwame individu persoonlik nie en huiwer om hom of haar te kontak. Maar iemand moet tog die ys breek. Ek verstaan daar is ‘n afsluitingsdatum vir nominasies en die verkryging van sekondante.

Daar is werk om te doen. Ek en jy moet die werk doen; ons kan nie wag tot iemand anders dit doen nie. Kandidate moet genomineer word, sekondante moet gevind word, kiesers moet geregistreer word. Ek weet van geen ander plan of poging, behalwe hierdie volksverkiesing, wat vir ons selfbeskikking gaan bring nie.

Ek is oortuig dr Roodt sal tot die volksraad verkies word. Hy is een van die min persone wat oor ‘n duidelike visie vir ‘n volkstaat beskik. Ook verstaan hy hoe so ‘n volkstaat in die praktyk moet funksioneer. Ek is oortuig dat Praag-lesers gaan toustaan om hom te sekondeer.

Veels geluk, dr Roodt!

Ns. Enigeen wat belangstel om as een van die honderd sekondante op te tree, word genooi om my te kontak by wlabuschagne[aapstert]take5.co.za.

how to promote Александр Фильчаков

Vis nog vlees

Terwyl ontleders in Nederland nog kopkrap oor waarom die Christen-demokrate – tot voor die onlangse verkiesing die grootste party, ongeveer die helfte van sy steun ingeboet het – kom ‘n soortgelyke boodskap uit België en in die besonder Vlaandere.

“Vlees noch vis” lui die naambord op die Christen-Demokratiese Appèl se stalletjie in ‘n Nederlandse spotprent se uitbeelding van hul verkiesing. By die stalletjies weerskante, een wat haring verkoop en die ander wat “kippen” verkwansel, staan die skares ywerig tou.

Hoewel ontleders diepsinnig en wyd na redes soek, is die leserskommentare van koerante minder kleitrapperig: Hulle het vir ‘n party gaan stem waar hulle geweet het hoe die wind waai.

Heelwat hiervan het aangedui dat die CDA se lamsakkigheid rondom die Israels – Islamitiese saak hulle nie aangestaan het nie. Geert Wilders, die man wat onlangs nog van ‘n tipe haatspraak aangekla is en byvoorbeeld Turkye belet is, en met moeite toegang tot Brittanje gekry het, is onomwonde pro-Israel, en onomwonde krities op die Islam. Sy party het oornag een van die groot kanonne geword.

Die gemiddelde Nederlander voel miskien nie sterk oor godsdiens nie, maar die vooruitsig dat daar binnekort meer Moslems in hul land as Protestante kan wees, is ook nie aptytlik nie. Die Protestants-Rooms-Katolieke kwessie is juis een van die hoofredes hoekom daar vandag nog ‘n internasionale grens tussen Nederland en Vlaandere loop, en verskeie provinsies middeldeur gesny is.

Dalk nie meer lank nie, as gekyk word na die pas-aangekondigde verkiesingsuitslae in België, waar die Vlaams-nasionalistiese party van Bart de Wever, die NVA, as grootste party uit die verkiesing getree het. Die Franstalige sosialisteparty het die tweede meeste stemme gekry.

Hoewel De Wever nie so goed gevaar het soos wat algemeen verwag is nie, is die 27 setels uit ‘n totaal van 150 ‘n merkwaardige aanpassing op die 4 persent steun wat Vlaamse nasionaliste nog in 1925 kon bymekaar hark. Boonop is die NVA nie die enigste party wat hom vir Vlaandere se afskeiding van België beywer nie. Ook hier het die Vlaamse Christen-Demokrate soos hul noordelike buurman steun ingeboet, en is ses van sy vorige 23 setels kwyt. Dié party beskryf die verlies as aardskuddend, wat in die konteks staan daarvan dat die vorige algemene verkiesing maar twee jaar gelede plaasgevind het, en die pas-afgelope verkiesing juis afgedwing is toe die bymekaarhou van België, en veral die netelige kwessie van Brussel, sake uitmekaar laat spat het.

Ook in België, so lyk dit, het die kiesers voet neergesit en word die regering as’t ware gedwing om te kies of hulle vis of vlees wil wees.

Dit hou ook lesse vir Suid-Afrika in. Sedert die begrip konsensus-politiek tydens die drie-kamerstelsel in Suid-Afrika posgevat het, het duidelike standpunt-inname oor kwessie bykans vreemd in die hoofstroom-partye geword. Voor ‘n verkiesing sal groot plakkate nog plattelandse dorpe se ingange versier met beloftes van eie skole. Na die verkiesing weet die betrokke party skielik niks hiervan nie, om maar een voorbeeld te noem.

Referendums is na die uitslae bekend gemaak is voorgehou as oorweldigende “ja”-stemme vir hervorming, terwyl dit vooraf verdedig as referendums om byvoorbeeld ‘n mandaat vir voortgesette onderhandeling te kry, en in soveel woorde ergerlik ontken is as sou dit handel oor hervorming of nie.

Een van die grootste blokke aan die been vir die ANC is volgens ontleders juis dat dit ‘n balanseertoertjie moet probeer uitoefen tussen nasionalistiese en sosialistiese, en selfs kommunistiese denke. Die DA laat keusevryheid aan kiesers oor kwessie soos aborsie, gay-huwelike en die doodstraf. Cope sukkel nou om sy uiteenlopende tentakels onder een kombersie teen die winterkoue toe te hou. Selfs die VF+ kom in eie geledere onder druk oor wat as liberale toegewings beskou word.

In Nederland en België het kiesers nou die voet neergesit en die “Nog vlees, nog vis”-stalletjie kry nie aftrek nie.

люстра

Brief aan Tim du Plessis van Beeld

Hallo Tim

Ek wou eintlik vanoggend op jou eie koerant se webwerf reageer, maar die kommentaar is gesluit.

Jy skryf: “Ons gaan aanhou berig oor ander groot gebeure.” Dié rubriek is ook by ons in Volksblad geplaas.

Vanoggend gaan koop ek en Pumba die Volksblad by die keraats op die hoek. Dit het taamlik gereën, en sulke haele geval, en benewens die ou slaggat in ons woongebied se “hoofstraat” wat vanoggend soos ‘n binnelandse meer lyk, het daar ‘n entjie weg nog een ontstaan. Dit maar terloops. Ek het in ‘n tuiskoerant gelees die munisipaliteit betaal nie die teermense nie, en dus kan slaggate, oues en nuwes, nie meer reggemaak word nie.

Gelukkig is Pumba ‘n boerboel, want die spanjoel wat ons gehad het sou onderweg, en op pad terug, eers in die slaggate wou waad. Met die lang ore wat so uitgesprei langsaan uitsprei soos dit van die klosse op die water dryf.

By die huis gaan ek deur die Volksblad. Teen dié tyd het ek darem geweet wat die uitslag van die Bafana-wedstryd was, en het ek al self vir ‘n publikasie ‘n wedstrydverslag gestuur. In Engels.

Maar “aanhou berig oor ander groot gebeure” soos jy geskryf het?

Oornag het die buitelandse besoekers blykbaar immuun teen misdaad geword, soos met die Konfed. Toe was die enigste buitelanders wat onheil op die lyf geloop het die besoekers wat saam met die Britse en Ierse Leeus getoer het, en waarvan ‘n mens dikwels maar in oorsese koerante moes lees (jy weet, met die internet en die “alewige blogs”).

Vanoggend se Volksblad laat my dink aan die blonde buurvrou wat vanoggend kom verneem het of daar dan iets aan die gang is. Sy luister nie nuus nie, want dis so “depressing” en is baie verbaas as sy hoor iemand koop nog ‘n koerant.

“Dis net slegte nuus.” Mens is skoon verbaas haar hare bly so blond van die volstruispolitiek.

“Hoekom is daar so ‘n geraas? Asof iemand op iets blaas wat so ‘n aaklige geluid maak. “

Ek wikkel my weg by die rekenaar en die internet. Ek het pas na ‘n taamlike soektog darem die uitslag en wedstrydverslag van die sokkerwedstryd tussen Frankryk en Uruguay gekry. Gelykop. Dié wedstryd se uitslag is vir die Bafana net so belangrik soos die een wat in Soccer City gespeel is, want al het Zuma nie daar Mandela se boodskap gelees nie, is daardie twee spanne in dieselfde groep as die Bafana en Meksiko, en kan die Bafana se lot net sowel daar beslis gewees het. Dié geploeter – so blyk dit uit die verslag – was ook gelykop.

So tussenin het ek ‘n paar buitelandse koerante deurgedraf om te kyk of die res van die wêreld werklik so gaan stilstaan het soos mens uit vandag se Volksblad sou aflei.

Soos dat België môre verkiesing hou. Dis nou wel nie die queen se land nie, maar nou ja, ek is miskien ‘n skwêr wat meer in ons stamlande se wel en weë belangstel as wat die lotjie op die eiland maak. Ek sien in Nederland het die heer Gert Wilders met hul koningin ‘n gesprek gehad, en die “rapporteur” wat ‘n regering moet probeer saamstel, moet nou met Wilders praat om te kyk of ‘n regering moontlik is waarvan Wilders deel is.

Ek kan sien hoekom dit vir Obama belangriker is om met BP oor die olielek te raas, as om te kom sokker kyk.

Iewers sien ek daar was naby Soccer City ‘n kragonderbreking, maar dit is nou een van daai items wat regtig nie meer nuus is nie, en dus lees ek nie of dit ‘n geval was van onwettige aansluitings wat oorlaai geraak het nie.

Asseblief, stuur tog ‘n e-possie die kant toe en vra dat die manne by Volksblad tog ook jou rubrieke lees. Hier is darem mense wat van iets anders as die sokker ook wil weet. Veral van “belangrike nuusgebeure,” soos jy geskryf het.

En o ja, terwyl ek die pen opgeneem het, daar is ook ander partye as die DA, die ANC, die DA, Cope en die DA.

Groetnis

Herman

прокурор Фильчаков

ATKV misbruik sy Afrikanerlede

Beeld het gister (9 Junie) ‘n foto van die ATKV gepubliseer wat ballonne ter ondersteuning vanh Bafana vrygelaat het – by die Voortrekkermonument nogal. Dit wil voorkom of dit Centurion-tak is wat dit gedoen het. Die voorsitter, ene Sakkie Kotze, is glo weer tot die ATKV se bestuur gekies.

Die byskrif by die foto lui: “BAFANA, WEN MONUMENTAAL! Die ATKV se Centurion-tak het gister ballonne met boodskappe om Bafana Bafana sterkte toe te wens vir WB 2010 by die Voortrekkermonument in Pretoria vrygelaat. Die boodskappe het gewissel van ‘Oos wes, Bafana bes’ tot ‘Moenie verloor nie’. Foto: CORNéL VAN HEERDEN.”

Ek het gelukkig al ‘n hele paar jaar gelede uit die ATKV padgegee, maar ek maak heftig beswaar dat hierdie mense die Voortrekkermonument op hierdie manier besoedel en beswadder. Die Centurion-tak is een van die voorstes om die Afrikaner se koppe te draai om in een groot mengelmoesgemorspul met swartes in te gaan in die sogenaamde reënboognasie. Wanneer gaan die gewone ATKV-lid wakker word en besef hoe hy misbruik word?

Фільчаков прокурор

Fifa in die spervuur

Kort voor die aanbreek van die Fifa-toernooi in Suid-Afrika, en te midde van die euforie wat heers, speel ‘n heel ander wêreld hom ook af.

Al hoe meer berigte en briewe sien die lig waarin Fifa as ‘n soort hartelose skurk uitgebeeld word wat met wavragte vol geld uit Suid-Afrika gaan verkas terwyl die land met yslike rekenings gaan sit om te vereffen. Van die berigte het selfs gelui dat Griekeland se ekonomiese ineenstorting deels toegeskryf kan word aan die aanbieding van die Olimpiese Spele.

Van vandag af deel Afriforum Jeug honderde DVD’s by die OR Tambo-lughawe uit waarin ‘n heel ander sy van Peter Mokaba voorgehou word as die man wat deur die regering, en nou ook deur Fifa op sy webblad, as held vereer word. Hierin word hy as die voorsanger van Kill the Boer, Kill the farmer, en die werklikhede van plaasmoorde, uitgebeeld.

Afriforum het Fifa eers ordentlik versoek om dié heldeverering van sy webblad te verwyder, maar het geweier.

Afriforum het ook versoek om ‘n vreedsame optog in Potchefstroom te hou waar die vermeende moordenaars van ‘n boer weer in die hof gaan verskyn. Dié vermoorde boer is onder meer lewend agter sy bakkie aangesleep. Toestemming is geweier, so lui die brief, onder meer omdat Fifa ‘n moratorium op die hou van optogte geplaas het. Die grondwet gee egter so ‘n reg aan Suid-Afrikaners.

Op die vooraand van die toernooi word berig dat twee tradisioneel wit woongebiede in Peter Mokaba se tuisstad, Pietersburg wat na Polokwane verander is, nou ook gaan verander. Nie net word beoog om dit te verander nie, maar te vernoem na iemand wat deur baie van die einste inwoners as ‘n voormalige terroris beskou word. Heel moontlik het sommige inwoners kinders aan die dood afgestaan in aanvalle deur die einste persoon en sy mense.

Terwyl baie instansies na plaasmoorde as volksmoord verwys, en op erkende volkeregtelike definisies wys om dit te staaf, sien baie van die regeringstentakels skynbaar kans om ongehinderd met kulturele moord teen die Afrikaner voort te gaan. Die jeugdige pleknamekomitee van Limpopo word immers as ‘n verlengstuk van die ANC-Jeugliga beskou.

Nog ‘n gasheerstad, Durban, het in die hof die groen lig gekry oor straat- en gebouename wat ‘n erg verdelende invloed uitoefen. Dié hofuitspraak gaan op appèl geneem word.

Met die oë van die wêreld nou soos selde op Suid-Afrika gerig en ‘n bykans ongekende stroom negatiewe beriggewing oorsee, verweer een van die hoofbronne vir die negatiewe publisiteit, pres. Jacob Zuma hom dat hy nie weer op die aanklagte van onder meer bedrog tereg kan staan nie omdat dit sy aandag van sy regeerpligte gaan aflei. Dit stuur nie ‘n besonder positiewe beeld uit van ‘n ingesteldheid oor reg en verkeerd nie.

Fifa kon veel bygedra het om daar waar dit die toernooi aangaan, rug styf te maak in keuses tussen reg en verkeerd. Om Peter Mokaba as held voor te hou verseker dat baie van die land se inwoners nie die toernooi met dieselfde euforie beleef nie. Dit is nie net die naasbestaandes en simpatiseerders van plaasmoord-slagoffers nie, maar ook die slagoffers van die Vigspandemie, waar Mokaba self ‘n bedenklike ontkenningsrol gespeel het. Fifa skop net te veel mense in die tande – presies hoeveel sal eers na die toernooi blyk wanneer die kasregisters ophou klingel en die rekenings kom.

Фильчаков прокурор

Ferdi Greyling se dwaling in Beeld

Van tyd tot tyd gebeur daar iets wat n mens na jou pen laat gryp – soos byvoorbeeld Ferdie Greyling se dwaling vanoggend in Beeld.

Mnr Greyling is van mening die feit dat Engeland die myne in Suid-Afrika afgeneem het en twee Boererepublieke saamgevoeg is as Britse kolonie met die daarstelling van die Unie van Suid-Afrika. Hoewel dit teen die Afrikaner se sin geskied het, meen Greyling: “Maar dit het gebeur en as ’n mens nou terugkyk, was die uitkoms ’n goeie een.”

Greyling beskou 1994 as politieke sukses – “Op albei gebiede is die land vandag n voorbeeld vir baie dele van Afrika.”

Hieruit moet daar dus afgelei word dat dat mnr Greyling die afbreek van landstrukture en infrastruktuur, die plundering van staatsfondse, die besmetting van Suid-Afrika se ondergrondse water, die besmetting van riviere, die vernieting van gesondsheidsdienste, die verval van wet orde, asook blanke volksmoord as voorbeeld vir die res van Afrika voorhou – inderdaad!

Vervolgens beweer Greyling dat die Afrikanervolk die grondwet in 1994 aanvaar het – op watter stadium mnr Greyling?

Die laaste vraag aan mnr Greyling is – wie van sy “twee vriende” is woedend en wie is selfbejammerend? Hy is nie die Afrikaner se vriend nie – en die Afrikaner is nie woedend of selfbejammerend nie – net doelgerig gedetermineerd.

хауз пиломатериалы

My protesoptog in Londen – perpektief op Afrikanerskap

Ons het so pas teruggekom by die huis ná ‘n besoek aan Londen vandag, om ons stem te voeg by die verwagte duisende ontstoke Suid-Afrikaners wat uit simpatie met ons mense tuis, ‘n protesoptog gehou het vanaf Picadilly Circus tot by die NSA-ambassade op Trafalgarplein.

Die opkoms was klein, ek skat so 500 siele. Waar is die 100 000 Suid-Afrikaners wat in Londen woonagtig is? Die protes was lou. Niemand wou kant kies of dalk, moontlik vir ‘n denkbeeldige iemand aanstoot gee nie. Sommige wou iets skreeu in Afrikaans. Hulle het “Oom Kosie Sukkel Lekker hier in Afrika” twee keer probeer waarvan net die Stem-gedeelte volume gehad het. Daar was selfs ‘n klein opposisie vanuit Engelse geledere. Die hele gedoente versinnebeeld vir my die blankes se posisie in die NSA: ontevrede, maar te rigtingloos en identiteitsloos om enigsins effektief op te tree.

Ek lees in die afgelope week ‘n berig in die Daily Mail, geskryf deur ‘n oud-Engelse krieketkommentator wat weer Kaapstad gaan besoek het. Hy kon nie ophou om die wonderlike ervaring op te hemel nie. Ek gesels die vorige week met ‘n Engelse sendelingdominee wat 7 jaar lank in Zambië gewerk het, nadat hy as jong man ‘n Afrikaanse Bybelskool bygewoon het. Hy het twee kinders in Stellenbosch waarvan een by Maties klas gee. Hy voel dit gaan nie te sleg in die NSA nie en voer aan ons moet net vir so 40 jaar of so vasbyt totdat die bagasie van die verlede agtergelaat is en ons dan in harmonie – alhoewel op ‘n primitiewer vlak – op die Afrika-manier kan saamleef.

Ek maak die volgende veralgemeende stelling: Geen groep ervaar die NSA so fel soos die Afrikaner nie. Afrikaners is immers die groep wat van heersersklas in die Ou Suid-Afrika tot niksseggende minderheidsgroep in die NSA gedemoveer is, met die gepaardgaande verlies aan Afrikaanse onderwys en taalstatus. Al 60 miljoen geskatte inwoners van die Reënboogstaat is onderworpe aan die statisties ondersteunde skokervaring van moord, verkragting, roof, haatspraak en algemene verval, korrupsie en onbevoegdheid, en tog is daar nog massiewe hoop en positiwiteit vir die NSA te vinde onder die meeste ander bevolkingsgroepe buiten die Afrikaner. As ons aanneem dat die statistiek ‘n goeie aanduiding gee van die werklikheid, dan moet die verskil in ervaring in die verskil tussen psiges te vinde wees.

Baie Afrikaners probeer desperaat om die NSA so sleg as moontlik te laat vertoon omdat hulle onder die wanindruk verkeer dat dit ons saak vir selfbeskikking op ‘n manier groter legitimiteit gee. Baie Afrikaners is heeltemal tevrede om deur andere regeer te word mits hulle net erkenning kry en nie misdaadstatistiek word nie. Laasgenoemde houding geld waarskynlik vir die meerderheid blankes.

Ek sê nie ‘n mens moet stilbly oor die vergrype en mislukkings van die NSA nie, maar wel dat Afrikaners ook op ‘n plek moet kom waar ons meer positief kan wees oor ons hele bestaan in die NSA. Ons mag nie vasval en moedeloos word soos wat die NSA rondom ons verkrummel nie. Ons moet die voordeel daarin raaksien: Die NSA bring nuwe geleenthede vir entrepreneurs, dit maak die wêreld oop, dit skep nuwe strukture los van die staat, dit stimuleer nuwe aktivisme vir ons taal, kultuur en Christenskap. Kortom, dit hang van Afrikaners self af om hulle plek in die NSA te vind. Dit gaan vernuf en geld verg wat verdere vernuf verg, maar negatiwiteit gaan dit nie vir ons doen nie. Op ‘n praktiese vlak beteken dit dat ons self vir ons veiligheid, onderwys, energiebehoeftes en dienste sal moet voorsien, los van die staat. Dit gaan organisasie verg en ook beplanning vir die slegste scenario’s.

‘n Nuwe realisme is vir die Afrikaner nodig. Dit moet positief wees, die werklikheid begryp en skeppend wees na gelang van ons eie behoeftes. Dit moet ook verstaan dat ons, die Afrikaner, nie meer spesiaal is as enige van die ander 10 amptelike groepe in die NSA nie. Ons is net spesiaal vir onsself en as ons dus onsself wil behou, moet ons nie net praat nie, maar prakties uitvoer. Hierdie uitvoering moet nie wees ten koste van ander groepe nie, maar gerig op versterking en koestering van ons eie op alle terreine. In ‘n neutedop, het ons ‘n klomp groeipunte nodig geskoei rondom die Orania- en Kleinfonteinmodel. Kan voorstede van Pretoria hulleself so onderling opstel? Wat van ander dorpe? Wat van families en vriende op plase, of ‘n klompie plase saam? Daar gaan en is alreeds noodwendig ongelukkig ‘n groot klomp agtergeblewe Afrikaners aan die NSA opgeoffer, maar ons kan hulle eers weer regtig help, as ons onsself reggeruk het.

As ons met die regte oë kyk, lê daar vir ons ‘n nuwe toekoms en wag. Ons moet dit net visualiseer en realiseer. Hou in gedagte dat die groot honger kom en moontlik ook oehoeroe in een of ander vorm. Moenie net praat nie, maar berei voor, vir jou en jou kinders so goed soos jy kan. Om dit te vermag, sal jy by ‘n groep moet aansluit of self ‘n groep vorm, want alleen gaan jy val in die NSA – jou individuele vryheid in ‘n staat soos dié, is jou doodsvonnis.

ресивер Александр Фильчаков

Dop en produktiwiteit

Navorsing wat pas bekend gemaak is toon dat werkers wat by die werk skelm dop of ‘n ietsie snuif, die land byna R10 miljard per jaar aan produktiwiteit kos.

Dit is maar die oortjies van die seekoei van die land wat nie optimaal produseer nie weens ‘n spektrum van moraliteitskwessies.

Tenderpreneurskap, waar die land duur betaal vir minderwaardige werk, is nog siekte wat die land se mededingendheid knou. Die stropermentaliteit van so veel as moontlik vir so min werk as moontlik in te palm strek wyd oor die Suid-Afrikaanse ekonomie.

Geen land is ‘n eiland nie. Gister het koerantopskrifte nog gelui dat Suid-Afrika grootliks die skade op aandelebeurse weens die Griekse krisis vrygespring het danksy die vakansiedag. Vandag berig die koerante oor hoe die einste probleem die aandelepryse geknou het.

Talle faktore soos minerale rykdomme en ‘n gunstige landbouklimaat dra by tot ‘n land se internasionale mededingendheid en welvaart. Dit verskaf aan ‘n land ‘n relatiewe voordeel bo ander lande.

Uiteindelik is dit egter werksetiek en produktiwiteit wat dikwels die deurslag gee en bepaal watter lande gaan ploeter, en watter lande gaan kop optel.

Dit is nie maar ‘n ligtelike saak nie.

Etiese waardes moet van jongs af vasgelê word. Dit vereis dat die land se leiers die regte voorbeeld moet stel.

holidays