Etiket: moslems

Merkel hang aan ‘n draadjie

Angela Merkel se premierskap hang aan ‘n draadjie nadat duisende Duitsers opgeruk het om haar bedanking te eis en ‘n belangrike politieke bondgenoot sy steun aan Merkel onttrek het oor haar onbesonne immigrasiebeleid.

Meer as 5000 betogers het in Berlyn byeengekom en nog duisende regoor Duitsland om die “oop-deur-beleid” aan te val wat talle meen die skuld moet kry vir die vier wrede terroriste-aanvalle wat die dood van 13 mense in die afgelope maand veroorsaak het.

Die kanselier staar ‘n nuwe vlaag woede in die gesig nadat dit bekend geword het dat twee onlangse terreuraanvalle en ‘n derde moord deur mense wat die land as “vlugtelinge” binnegekom het, uitgevoer is.

Ten spyte van die massiewe vloedgolf kritiek, hou Merkel aan om haar beleid te verdedig. Sy het hierdie week weer verkondig: “Ons kan dit doen”, en belowe om nie toe te laat dat gewelddadige optrede politieke besluite lei nie.

Maar nou het haar belangrikste bondgenoot in Beiere ‘n vars nuwe aanslag op haar leierskap van stapel gestuur, en sy party gedistansieer van Merkel. Dit het die koalisie wat haar aan bewind hou onder kwaai druk geplaas.

Horst Seehofer, die konserwatiewe premier van Beiere, het gesê hy deel nie Merkel se verwelkomingscredo nie na die byna 2 miljoen immigrante en vlugtelinge Duitsland binngestroom het.

Seehofer, van die Christen-Sosiale Unie, die susterparty van Merkel se konserwatiewe Christen-Demokrate, het gesê Hy “kan dit nie doen nie” met die beste wil, om die credo as sy eie te aanvaar.

Ná ‘n vergadering met die Beierse regering in Tegernsee, het hy bygevoeg dat die oplossings tot op hede “te min” was.

Seehofer het beklemtoon dat hy geen begeerte het om ‘n rusie met Merkel te begin nie, maar gesê dit is belangrik om ‘n werklikheid in die gesig te kyk.

‘n Bylaanval, ‘n massaskietery, ‘n mesaanval en ‘n selfmoordbomaanval binne die kwessie van ‘n week het Duitsland diep geruk, met 13 mense dood, waaronder ook drie aanvallers, en dosyne gewond.

Drie van die vier aanvallers was asielsoekers, en twee van die aanvalle is deur die Islamitiese staat uitgevoer.

“Merkel moet gaan” is tans die nommer een kwessie op sosiale media, met mense wat boodskappe stuur en foto’s insluit waar die kanselier met bloed op haar hande, soos hierbo, vertoon word ná onlangse aanvalle.

‘n Nuwe opname het bevind dat 83 persent van Duitsers immigrasie as grootste uitdaging van hul land beskou – twee keer soveel as ‘n jaar gelede.

Terreursaak teen SA tweeling gaan voort

Die terreursaak teen ‘n Moslemtweeling (23) sal in die Johannesburgse landdroshof voortgaan.

Die saak is Donderdag uitgestel nadat Brandon Lee en Tony Lee Thulsie van Newclare se regsverteenwoordiger `n aansoek teen hul aanhouding ingedien het.

Hulle regte name is Sallahoeddin (Brandon-Lee) en Jakeen (Tony-Lee) Thulsie.

Hulle word daarvan beskuldig dat hulle beplan het om die Amerikaanse ambassade en Joodse instellings in Gauteng aan te val.

Hulle sou gister om borgtog aansoek gedoen het, maar dit het toe nie plaasgevind nie weens die aansoek teen hul aanhouding.

Die vrou van een van die tweeling het die nag van hul inhegtenisneming beskryf.

In ‘n beëdigde verklaring, het die vrou van Tony-Lee Thulsie, Aadila Alben, besonderhede gegee van die aand van die arrestasies.

Sy het gesê die polisiedokumente is onderteken deur haar skoonfamilie in ‘n “klimaat van vrees en intimidasie”.

Hulle beweer dat hulle nie lasbriewe ontvang het toe hulle in hegtenis geneem is nie.

Die twee het vandeesweek drie keer die Johannesburgse landdroshof verskyn. Hulle het nog nie formeel om borgtog aansoek gedoen nie.

Borgverrigtinge is uitgestel ten einde vas te stel of hul arrestasies in werklikheid onwettig was.

Die vervolging moet nou bewys dat die behoorlike prosedures gevolg is toe die identiese tweeling op 9 Julie in hegtenis geneem is.

As hulle versuim om dit te doen, kan die Thulsie broers vrygelaat word.

Die tweeling is in hegtenis geneem in Newclare, wes van Johannesburg.

Obama en Hillary koer vir mekaar en ignoreer Islam

Pres. Barack Obama en Hillary Clinton, wat nooit veel van mekaar gehou het nie, het soos twee duifies vir mekaar gekoer by die Demokrate se benoemingsbyeenkoms.

Die soetsappige innigheid was so aangeplak, dat ‘n mens daaran kon verstik. Die kandidate het deur die hele byeenkoms nie een keer na radikale Islam verwys nie, die hoofitem van alle nuusberigte die afgelope twee weke.

Bywoning van die geleentheid was besonder swak, behalwe vir swart vroue. Terwyl Clinton die gehoor toegespreek het, was die meeste sitplekke leeg.

In wat waarskynlik sy laaste toespraak voor ‘n groot gehoor as president was, het Obama Hillary Clinton se lofprysinge besing.

Hy het onder meer probeer om Clinton op te hemel deur Donald Trump af te kraak en as die “plaaslike demagoog” te beskryf. Klaarblyklik kon hy nie veel oor Clinton self sê nie.

Obama het net gesê Hillary is by verre die “bekwaamste presidentskandidaat”, selfs meer as hy of rokjagter oudpres. Bill Clinton was.

Hy was Woensdagaand op die verhoog op die derde dag van die Demokrate se nasionale konvensie.

Slegs visepres. Joe Biden het ‘n emosionele betoog ten gunste van Clinton gelewer.

Intussen sê straatverkopers daar is min belangstelling in hulle knopiespelde en t-hemde van Hillary. Die Washington Post berig dat kopers liewer aandenkings van Bernie Sanders wou koop, maar nie van Hillary nie.

Die genomineerde visepresidentskandidaat, senator Tim Kaine van Virginia, is ook by die geleentheid voorgestel.

Almal het Trump aangeval wat Rusland aangemoedig het om Hillary Clinton se verlore 30 000 eposse te help soek.

“Gaan soek vir ons daardie 30 000 e-posse van Clinton,” het Trump gesê. Hillary en haar span gooi wal oor haar gebruik van ‘n privaatbediener waarmee sy klaarblyklik geklassifiseerde inligting rondgestuur het.

Die Demokrate beweer Rusland het haar bediener gekraak, maar die eposse is deur die Clintons self verwyder.

Trump het gesê pres. Wladimir Poetin van Rusland sal nie Amerikaners soos Hillary respekteer nie.

In ‘n desperate verklaring het Clinton se beeldpoetsers gesê ‘n “presidentskandidaat moedig ‘n ander land aan om op ‘n Amerikaanse teenstander te spioeneer”

Mike Pence, Trump se visepresidentkandidaat het gesê indien Rusland met die Amerikaanse verkiesing begin inmeng, daar sal ernstige gevolge wees.

“Sou dit gebeur, sal albei partye in Amerika seker maak die gevolge is ernstig,” het Pence in ‘n verklaring gesê.

Nigeriese joernalis vas vir staatsgreepplanne

Koerantuitgewers in Nigerië eis dat die land se geheime diens ’n joernalis vrylaat wat daarvan beskuldig word dat hy ’n olie-militant is, het AP berig.

Nigerië is dié land in die wêreld vir oliediefstal.

Agente van die departement van staatsveiligheid sê hulle het die ­uitgewer van die Weekly ­Source-koerant, Jones Abiri, op 21 Julie op klagte van terrorisme, poging tot ontvoering en die feit dat hy glo agter gerugte van ’n militêre staatsgreep gesit het, in hegtenis geneem.

Die Bayelsa-staat se vereniging van koerantuitgewers het Abiri as ’n “­geloofwaardige joernalis” bestempel en ’n beroep op die owerheid gedoen om hom onmiddellik vry te laat.

Die geheime diens beskuldig Abiri daarvan dat hy aan die hoof staan van die Gesamentlike Rewolusionêre Raad, ’n militante groep in Nigerië se olieryke suide. Die organisasie val gereeld oliepypleidings aan.

Dit het meegebring dat olieproduksie in die gebied van 2,2 miljoen vate per dag tot net 1,2 miljoen vate af­geneem het.

Die Weekly Source is ’n koerant wat in Yenagoa, in die Bayelsa-staat, ­gepubliseer word.

‘Rambo’ van Duitse Ansbach-aanval lyk soos tipiese infiltreerder

‘n Siriër, bekend as “Rambo” het Sondag in Ansbach, Duitsland, sy bomgordel buite ‘n musiekfees laat ontplof. Twaalf ander mense is in die voorval beseer, waarvan drie ernstig.

Die Siriër het twee jaar gelede in Duitsland aangekom en het na bewering “twee keer vantevore selfmoord probeer pleeg”.

Die man was glo bang dat hy teruggestuur word na Bulgarye nadat hy ‘n jaar gelede asiel in Duitsland geweier is, volgens mediaberigte, maar sy mede-inwoners by die asielhotel in Ansbach vertel ‘n ander storie.

Hy was glo besonder gespierd en doelgerig, stil en versigtig om mense nie te na te kom nie, sê mede-asielsoekers. Die Duitse dorpinwoners het hom ook as “vriendelik” ervaar.

Dit skets ‘n prentjie van ‘n infiltreerder eerder as ‘n vlugteling, iets waarteen kritici van Duitsland se oopdeur-beleid herhaaldelik gewaarsku het.

Ansbach, ‘n klein dorpie, is suidwes van ­Neurenberg geleë, waar ‘n Amerikaanse weermagbasis is.

Joachim Herrmann, Beiere se minister van binnelandse sake, het aan verslaggewers gesê dit is “onduidelik” of die man beplan het om sy eie lewe te neem en of hy “ander saam met hom wou doodmaak”.

Die aanvaller het Sondag ‘n rugsak gedra waarin plofstof en metaalstukke was, wat aandui dat hy waarskynlik meer ongevalle voorsien het.

Dit toon ook hoe onopreg Herrmann se “twyfel” oor die aanvaller se motief is.

Die polisie het intussen op die aanvaller se skootrekenaar foto’s ontdek wat geweld verheerlik.

‘n Skakel na die “Islamitiese staat” (ISIS) se terroriste militia is opgespoor. Die skakel is nog duideliker op sy selfoon, wat ‘n videodreigement oor ‘n aanval bevat het.

ISIS het intussen verantwoordelikheid vir die aanval aanvaar.

‘n Mede-inwoner by die vlugtelingskuiling, 28-jarige Mubariz van Pakistan het die man meermale in die gemeenskaplike kombuis teëgekom.

Hy het bygevoeg dat hy nooit die man se regte naam gehoor het nie, aangesien die meeste van die Hotel Christi se vlugtelinge hom op sy bynaam “Rambo” geken het as gevolg van sy lang hare en gespierde bolyf.

In wat kennelik die vierde Islamities-­geïnspireerde aanval was, moes meer as 2 000 mense ná die aanslag van die musiekfees na veiligheid gebring word.

Dit was die vierde geweld­dadige aanval in Duitsland die afgelope week, waarin die owerhede naarstiglik die kollig van Islam probeer afhaal en daders se geestesongesteldheid voorhou.

Angela Merkel, Bondskanselier, se posisie is in gedrang omdat kiesers haar verantwoordelik hou vir die reeks aanvalle.

Nege mense is Vrydag in München deur Ali Sonboly doodgeskiet. Die ­aanvaller is in Duitsland gebore, maar sy ouers is streng Moslems. Die skieter het homself later om die lewe gebring.

Dit is onthul dat Sonboly hulp van ‘n man uit Afghanistan ontvang het vir die aanval.

In Reutlingen, in die suidweste van die land, het nog ‘n Moslemvlugteling Sondag swanger vrou met ‘n kapmes doodgekap en twee ander mense beseer voordat hy deur wetstoepassers onder bedwang gebring is.

‘n Pakistanse vlugteling het ‘n week gelede in Würzburg vyf mense in ‘n byl­aanval beseer in die naam van Allah voor hy deur die polisie doodgeskiet is.

Vier Suid-Afrikaners wat by ISIS wou aansluit vas

Vier Suid-Afrikaners wat in verband met terreur aangekeer is, sal vandag in Johannesburg en aan die Wes-Rand in die hof verskyn.

Die drie mans en een vrou is almal in hul vroeë twintigs en vermoedelik Moslems.

‘n Woordvoerder van die Valke, Hangwani Mulaudzi sê hulle is Saterdag in Azaadville in Krugersdorp en Newclare in Randburg in hegtenis geneem voordat hulle na Sirië kon vertrek.

Die Valke het beslag gelê op ammunisie, skokgranate, rekenaars en dokumente, het RSG berig.

Twee van die verdagtes sal in Johannesburg in die hof verskyn en die ander twee in die landdroshof in Kagiso.

Buitelanders stroom na Sirië om by die Islamitisese Staat (ISIS) aan te sluit teen betaling.

Vroeër is berig dat ten minste 140 Suid-Afrikaners reeds by ISIS aangesluit het.

Veiligheidsamptenare sê egter geen militante groepe is sover bekend, in Suid-Afrika aktief nie.

Brittanje en Amerika het verlede maand waarskuwings gerig oor moontlike aanvalle op buitelanders in Suid-Afrika, maar Moslems is slegs 1,5% van die land se bevolking.

Die vier wou vermoedelik in Sirië gaan veg. Hulle is aangekeer voordat hulle die naweek sou vertrek en die lugredery waarmee hulle sou reis is ook kennis gestel.

ISIS het dié naweek ‘n helikopter afgeskiet van die Russiese lugmag naby die stad Palmyra in Sirië. Twee Russiese vlieëniers is dood toe hulle deur ‘n TOW-missiel getref is.

Dié Amerikaanse missiele wat deur ISIS bekom is, het tot vrae gelei oor die VSA se houding teenoor die terreurgroep.

President Vladimir Poetin se woordvoerder het nalv NAVO-oefeninge in Oos-Europa gesê dit is verbasend dat NAVO oos kyk en nie suid nie na waar die terreurbedreiging van ISIS groei.

Selfmoordbommers tref drie stede in Saudi-Arabië

Vier mense is dood nadat selfmoordbomaanvallers drie stede in Saoedi-Arabië geteiken het.

In Medina het ‘n selfmoordbomdraer homself naby die stad se veiligheids-hoofkwartier opgeblaas in wat beskryf word as ‘n aanval deur ISIS.

Die ontploffing was nie ver van die moskee van die profeet, waar Mohammed begrawe is nie.

Nog ‘n selfmoordbomaanvaller is dood in Qatif wat die tuiste van die Sjiitiese minderheid is.

Moslems het ‘n oproep om eenheid gedoen.

Twee mense is ook beseer in die derde selfmoordbomaanval by die Amerikaanse konsulaat in die stad Jeddah.

Veiligheidsmagte is van mening dat dit geörkestreerde aanvalle was om saam te val met die einde van Ramadan.

Qari Ziyaad Patel, 36, van Suid-Afrika, was by die moskee toe hy die ontploffing gehoor het.

Hy het gesê baie het eers gedink dit is die klank van tradisionele, feestelike kanonvuur, maar toe het hy die grond voel skud.

“Die vibrasies was baie sterk,” het Patel gesê aan die AP nuusagentskap. “Dit het geklink soos ‘n gebou wat ingeplof het.”

Aanklagte teen swart UV-amokmakers onvoorwaardelik teruggetrek

Aanklagte teen twee swart studente wat aanvanklik op 24 Februarie in hegtenis geneem is tydens die oproer by die Universiteit van die Vrystaat (UV) is onvoorwaardelik teruggetrek.

Die oproer deur ‘n groep skoonmakers en studente het tot vandalisme en openbare geweld gelei waar Afrikanerbeelde afgebreek is.

Machini Motloung, ‘n verteenwoordiger van die Regshulpraad vir studente, sê hulle is bly die vervolging het ooreengekom om al die aanklagte terug te trek.

Lindiwe Abongile Bakaqa sowel as Kgotso Baba moes Maandag in die Bloemfontein-landdroshof verskyn waar ‘n verhoordatum vasgestel sou word.

“Ons het met die vervolgingspan vergader waar die vervolging ingestem het om onvoorwaardelik die aanklagte terug te trek teen die betrokke studente. Die ander student is nou in Turkye. Die aanklagte teen hom is ook onvoorwaardelik teruggetrek. Die saak is nou ter ruste gelê,” het hy gesê.

Die aanklagte het verband gehou met saakbeskadiging en die oortreding van ‘n hofbevel.

Tydens ‘n Varsitybeker-wedstryd tussen die UV Shimlas en die Nelson Mandela Metropolitaanse Universiteit (NMMU) se Madibas het die swart oproeriges op die veld gestorm maar is deur rugby-ondersteuners weggejaag.

‘n Wit damesstudent, Ju-Mari Pretorius (22), is net voordat die Shimlas en die Madibaz se wedstryd afgeskop het, na bewering buite Shimlapark se hekke aangerand deur swart oproeriges. Sy is met ‘n voorwerp oor die kop geslaan.

OFM-nuus probeer egter voorgee dat swart geweld by UV uitgebreek het omdat die swart studente by die rugbywedstryd “aangeval” is deur wittes en hulle daarom “betoog” het.

Dis is ‘n uiterste wanvoorstelling van gebeure. Die oproer is beplan deur simpatiseerders van soortgelyke anti-wit veldtogte by ander instellings oor swart studente se studielenings en swart skoonmakers se kontrakte.

Dié kwessies is egter lukraak gebruik om eiendom te beskadig, klasse te ontwrig en Afrikaans afgeskaf te kry.

Swart betogers het egter met Amerikaanse slagspreuke opgedaag (foto hierbo), wat kennelik dui op ‘n georkestreerde NWO-poging met buitelandse befondsing om ‘n rasseoorlog te ontketen.

‘n Lasbrief vir die inhegtenisneming is uitgereik vir Baba nadat hy versuim het om op te daag vir die vorige hofverskyning. Hy was reeds in die buiteland nadat ‘n beurs skielik aan hom toegeken is deur ‘n Moslemland.

Bakaqa het teruggekeer na die hof omdat sy nie verlede maand wou instem tot die bemiddelingsterme nie.

Dodelike ISIS-aanval op Istanbul-lughawe eis talle

‘n Geweer- en bomaanval op Istanbul se Ataturk Internasionale Lughawe Maandagaand het die lewens van 50 mense geëis.

Meer as 239 mense is in die aanval beseer. ‘n Polisiewoordvoerder sê drie aanvallers het by die ingang van een van die terminale op mense begin skiet.

Hulle het hulself opgeblaas toe polisie op hulle begin skiet. Die Eerste Minister Binali Yildirim sê dit blyk asof die sogenaamde Islamitiese Staat vir die aanval verantwoordelik is.

Volgens mediaberigte word Ataturk-lughawe reeds vir ‘n geruime tyd as ‘n weerlose teiken beskou.

Baie gewone Turke is toenemend bekommerd en kwaad dat die oorlog op die grens teen Sirië oor die grens spoel en in die land binnegedring het.

Die aanvalle is nie eerste wat Turkye tref nie en is vermoedelik weer die werk van ISIS.

Van die drie selfmoordbommers in die lughawe-aanval, was twee by die internasionale terminaal, en die derde terroris was in die nabygeleë parkeerterrein, het ‘n Turkse amptenaar het aan CNN gesê.

Al drie ontploffing het het hulself opgeblaas.

Die Turkse president Erdogan het ‘n oproep gedoen om verenigde internasionale stryd teen terrorisme.

Dit is Europa se derde besigste lughawe.

Minstens twee Suid-Afrikaners het die aanval op die Ataturk-lughawe in Istanboel aanskou en oorleef.

Die 77-jarige Paul Roos en sy vrou Susie het gesien hoe een van die drie aanvallers wild in die vertreksaal geskiet het.

Hulle sê hulle het agter `n toonbank weggekruip, maar die man dopgehou. Roos sê daar was twee ontploffings voor die man met die roltrap na die onderste verdieping beweeg het.

Nog skote is afgevuur, gevolg deur `n ontploffing waarna dit stil geword het.

Roos en sy vrou was op pad Kaapstad toe na `n vakansie in Turkye.

Owerhede het bevestig dat drie selfmoordbomdraers eers op mense by die lughawe losgebrand het voordat hulle hulself opgeblaas het toe die polisie op hulle geskiet het.

Volgens amptenare was meeste van die slagoffers Turke, hoewel buitelanders ook in die aanval dood is.

Siriese konflik spoel oor na Libanon

Altesaam vyf mense is dood toe selfmoordbomaanvallers Maandag die oorwegend Christen-nedersetting, Qaa in Libanon, ongeveer 100 meter van die grens met Sirië geteiken en hul plofstof ontsteek het.

Vier selfmoordbomaanvallers was by die aanval betrokke.

Geen groep het nog verantwoordelikheid vir die aanval aanvaar nie.

Inwoners van die nedersetting het onraad vermoed toe die aanvallers omstreeks 04:00 deur die dorp beweeg het. Toe ’n veiligheidswag hulle geroep het, het hulle ’n handgranaat gegooi en toe agtereenvolgend hulself tussen inwoners van die nedersetting opgeblaas.

Vier lede van die weermag is onder die 15 gewondes.

Qaa se burgemeester, Bashir Matar, het gesê die vierde aanvaller is deur veiligheidsmagte doodgeskiet. Hy sê ná die eerste ontploffing het mense op die toneel saamgedrom, waartydens ’n tweede en toe ’n derde ontploffing plaasgevind het.

“Terwyl ons besig was om van die gewondes te help, het ek die vierde aanvaller na my toe sien beweeg. Ek het op hom geskree,” het Matar gesê. “Ons het op hom begin vuur en toe blaas hy homself op,” het hy gesê.

Libanon beleef die afgelope jare toenemend oorspoel-geweldpleging uit Sirië se dodelike burgeroorlog en die Libanese owerheid is op ’n hoë gereedheidsgrondslag met verskerpte sekuriteitsmaatreëls wat die afgelope dae geld.

Al is dit nog nie duidelik wie die aanval uitgevoer het nie, het Libanese Christene in Qaa die wapen opgeneem en selfverdedigingseenhede op die been gebring om inwoners teen moontlike aanvalle deur Moslem-ekstremiste uit naburige Sirië te beskerm.

Veertien kom om in al-Sjabaab-aanval op Somaliese hoofstad

Minstens 14 mense is dood toe die ekstremistiese, Islamitiese groep al-Sjabaab ’n hotel in Somalië se hoofstad, Mogadisjoe, beset het.

Die aanval het met ’n kragtige ontploffing by die ingangshek begin, het AP berig.

“Ons het uiteindelik die beleg beëindig. Die laaste militante is op die boonste verdieping van die hotel doodgeskiet,” het kapt. Mohamed Hussein van die polisie gesê nadat veiligheidsmagte die gewapendes doodgeskiet het wat as sluipskutters stelling op die dak van die Naso-­Hablod-hotel ingeneem het. Volgens die polisie was minstens vier mans in die aanval betrokke en twee is doodgeskiet.

Minstens 14 burgerlikes is in die aanval dood.

Die veiligheidsmagte het die meeste gyselaars bevry, maar teen druktyd was dit nie bekend of enige van hulle in die aanval dood is nie. Volgens mediese personeel is nege mense in die voorval gewond.

Die polisie sê die aanval het begin toe ’n selfmoordbomaanvaller homself in ’n voertuig, volgelaai met plofstof, by die ingang van die hotel op­geblaas en die hek aan flarde geskiet het. Ge­wapende mans het hul pad na die hotel oopgeveg en ooggetuies­ sê hulle het wild op hotelgaste begin skiet. Die hotel se vloer was met bloed bevlek en die mure het gate in gehad waar dit deur koeëls getref is.

Al-Sjabaab, met sy bande met Al-Kaïda, voer ’n dodelike insurgensie in Somalië en maak dikwels van selfmoordaanvallers met motorbomme gebruik.

Die aanval in die hoofstad beklemtoon die uitdagings wat die Somaliese regering en die magte van die Afrika-­unie in die gesig staar om die land te beveilig. ’n Aanval in Februarie op nog ’n hotel in Mogadisjoe het die lewe van minstens nege mense geëis en in April het ’n motorbom buite ’n restaurant in die hoofstad tot die dood van minstens vyf mense gelei.

Obama wil Moslems se gevoelens spaar

Hoe President Obama reageer op geweld wat met Islam te make het, word duidelik bepaal deur ‘n spesifieke stel reëls.

In sy jongste aanval op Donald Trump na die massaslagting deur ‘n ISIS-terroris in Orlando, Florida, het die Amerikaanse president weer erg kleigetrap.

Trump het Obama se versuim om radikale Islamiste te kritiseer, ten sterkste afgekeur en gesê die president behoort te bedank.

Obama het op sy beurt die debat rondom radikale Islam “politieke afleiding” genoem.

Die president was eerder bekommerd dat Moslems se gevoelens gespaar moet bly.

Hy het gesê oproepe vir strenger beheer en ‘n verbod op Moslemimmigrasie sal Moslem-Amerikaners “verraai deur hul regering laat voel”.

Obama het aan verslaggewers gesê ná ‘n ontmoeting met die Amerikaanse Nasionale Veiligheidsraad ‘n aanval deur groepe soos “Isil” (beter bekend as ISIS) “sal nie verhoed word deur die gebruik van ‘n etiket nie” en bygevoeg dat Islam “niks te doen het met die aanval nie”.

“Oproepe om ‘n bedreiging ‘n ander naam te gee, sal nie maak dat dit nie weggaan nie. Dit is ‘n politieke afleiding.”

Net daarna het hy homself liederlik weerspreek en gesê die idee dat die administrasie verward is oor die vyand, is vals want hulle voer ‘n oorlog teen “Isil” in Sirië, Irak en Libië “wat stadig gewen word”.

Die oorlog teen ISIS word tans eerder deur sy administrasie se aartsvyand, president Assad van Sirië mbv Rusland gewen.

Berigte van Amerikaanse betrokkenheid om ISIS se hand te sterk dmv hul NAVO-bondgenoot Turkye het vroeër die nuus gehaal, terwyl Obama herhaaldelik oproepe gedoen het dat “Assad moet gaan”.

Obama het Islam weer verdedig soos hy nog nooit enige ander godsdiens verdedig het nie. Soos gewoonlik het hy die swartsmeerdery, aanvalle, moorde en massamoorde op Christene geïgnoreer.

Die swart president het ook voorheen geen woord van simpatie gehad vir Colleen Hufford wat die slagoffer van ‘n wrede jihadistiese aanval was nadat ‘n toegewyde swart Moslem haar kop afgesny het nie.

In die linkse media is Hufford voorgehou as iemand wat dalk “rassisties” kon gewees het, maar sonder enige getuienis van sulke optrede. Haar beweerde “rassisme” is gebruik om die Moslem se moord te regverdig.

Obama blameer gereeld alle wit mense vir slegte dinge wat gebeur het, tans gebeur, en kan gebeur met swart mense.

Hy het trouens sy aanval op Trump afgesluit deur te sê mense wat Moslems “terroriste” noem, bevorder eintlik terreur.

Obama het in sy reaksie gesê Omar Mateen se massamoord in Orlando was ook ‘n “haatmisdaad” en “uit eie bodem, uitgevoer deur ’n moordenaar wat wapens wettig gekoop het”.

Die ander bestanddele van die Obama-resep is om alle rykes te demoniseer tensy die rykes Demokratiese Party ondersteuners is.

Trump het Obama se reaksie op die Orlando-skietery as te bangbroekig beskryf en Hillary Clinton betig omdat sy haar nie sterker teen terreur kan uitspreek nie, en bygevoeg dat sy nie aan die presidentsverkiesing behoort deel te neem nie.

“Pres. Obama het skandelik geweier om selfs die woorde ‘radikale Islam’ te gebruik.

“Om daardie rede alleen behoort hy sy amp neer te lê. As Hillary Clinton ná hierdie aanval nie die twee woorde ‘radikale Islam’ kan sê nie, moet sy uit die presidentsverkiesing tree,” het Trump in ’n verklaring gesê.

Trump het kort ná die skietery getwiet hy wil nie “gelukgewens word” omdat hy reg was oor radikale Islamitiese terreur nie; hy wil “taaiheid en waaksaamheid hê”.

SA ministers byeen oor Amerikaanse terreurwaarskuwing

Ministers binne die veiligheidsgroepering vergader vandag na ‘n terreurwaarskuwing wat deur die Amerikaanse ambassade in Pretoria uitgereik is, het RSG berig.

Maar die waarskuwings kom van ‘n besmette bron, ‘n sakeman van Oos-Afrika wat glo in Suid-Afrika woon en sulke gerugte versprei teen betaling het News24 berig.

‘n Bron uit die Suid-Afrikaanse intelligensiediens het gesê die sakeman is glo ‘n “gediskrediteerde” informant wat net geld najaag vir sy inligting.

Suid-Afrikaanse owerhede het die bedreiging onderspeel en gesê daar is geen rede tot paniek nie.

Die Amerikaanse regering het vroeër sy burgers in Suid-Afrika gewaarsku dat terreurgroepe Amerikaanse toeriste by luukse winkelsentrums in groot stede kan teiken.

Brittanje en Australië het ook reiswaarskuwings vir hulle burgers uitgereik.

‘n Woordvoerder van die Amerikaanse ambassade, Cynthia Harvey, sê wanneer hulle spesifieke en geloofwaardige inligting oor bedreigings ontvang, is dit hulle beleid om die inligting bekend te maak.

Sy het ook weer bevestig dat hulle met die Suid-Afrikaanse owerhede saamwerk.

Die Instituut vir Sekerheidstudies het vroeër gewaarsku dat terreurdreigemente in Suid-Afrika nie ligtelik opgeneem of geïgnoreer moet word nie.

‘n Senior navorser by die Instituut, Martin Ewi, sê terreurgroepe wil Amerikaanse en Europese belange wêreldwyd aanval, en dit sluit Suid-Afrika in.

Maar die Afrika-direkteur vir terreurnavorsing en analise (TRAC), Jasmine Opperman het gesê die waarskuwings is eerder gerig om buitelandse burgers “wat duidelik aandui dat hulle hul dreigemente van direkte aanvalle op Suid-Afrikaanse bodem invoer”.

Rowers loop hul vas in gedugte gaste by Franse kitskosketting

Gewapende rowers wat ‘n McDonald’s in Frankryk wou beroof, is verras deur die gaste in die kitskos-eetplek.

Die rowers het reeds begin skiet buite die eetplek, en kliënte het gedink dis ‘n terreuraanval.

Ten minste elf Franse Spesmag offisiere was in die restaurant ten tyde van die roof. Hulle was van diens af.

Die twee vermeende booswigte wat die tak van die kitskosketting by ‘n winkelsentrum in Besançon, die ooste van Frankryk wou beroof, was gewapen met haelgewere en het €2000 uit die geldlaai gehaal.

Maar met byna ‘n dosyn Franse paramilitêre beamptes onder die vreesbevange kliënte, het die tweetjies hulself gou in diep waters bevind.

Die lede van die Groupe d’intervention de la Gendarmerie Nationale (GIGN) se kitsmaaltye van Big Macs en skyfies is onderbreek om te verhoed dat die vermeende rowers met hul buit wegkom.

Die beamptes word dikwels beskryf as een van die mees “effektiewe anti-terreur magte in Europa, indien nie die wêreld nie”. Een van die rowers wat na die uitgang gehardloop het, het nie die deur gehaal nie en homself beseer nadat hy “by trappe afgeval het”.

En nadat die ander een vermanings geïgnoreer het om sy wapen te laat val, is hy in die maag geskiet.

Die tweede rower het die blink gedagte gekry om die offisiere met ‘n wapen te dreig terwyl hy probeer het om met kontant te vlug.

Die twee beskuldigdes, albei Moslems in hul vroeë twintigs en uit die plaaslike Mombéliard gebied, is na die hospitaal geneem Besançon vir behandeling. Die twee is buite gevaar volgens die hospitaal.

Die staatsaanklaer, me Roux-Morizot sê albei is in aanhouding en verskyn voor ‘n regter op aanklagte van gewapende roof en geweld.

Die GIGN spesialiseer in teen-terrorisme, gyselaarontsetting, beskerming van hoë regeringsamptenare en die uitroei van die georganiseerde misdaad.