Etiket: Bloemfontein

Nog twee vas oor hospitaaldiefstal

Die polisie in Bloemfontein het Woensdag nog twee staatsamptenare in hegtenis geneem in verband met die klopjag waartydens beslag op duisende rande se hospitaaltoerusting gelê is.

Dit volg nadat twee amptenare – wat werksaam is by Pelonomi-hospitaal – vroeër vandag in hegtenis geneem is in verband met toerusting van dié hospitaal met ‘n geskatte waarde van R450 000.

Die toerusting is tydens ‘n klopjag by ‘n skrootmetaal-onderneming in Bloemfontein gevind.

Intussen sê die gesondheidwoordvoerder, Tebogo Oepeng, die departement gaan ondersoek instel om uit te vind of die saak verband hou met ‘n interne ondersoek wat laat verlede jaar begin is, ná die ontdekking van noodsaaklike medisyne wat besig was op stof op te gaar in ‘n pakhuis in dié hospitaal.

Brand naby Vrymesselaarsperseel in Bloemfontein

‘n Brand naby die Vrymesselaarsperseel in Sterling Small Holdings in die omgewing van Horizon Stables and Guest House, het Maandag in Bloemfontein uitgebreek.

Die oorsaak van die brand wat by die spa van ‘n gastehuis naby Langenhovenpark in Bloemfontein gewoed het, sal na verwagting Dinsdag ondersoek word.

Afdelingsoffisier van die Mangaung-brandweer-en-reddingsdiens, Braam van Zyl, sê hulle is gisteraand omstreeks 20:00 na die Horizon Stables en Gastehuis by die Sterling-kleinhoewes ontbied.

Vlamme het gewoed in losstaande houthuisies naby die gastehuis. Van Zyl sê die brand het vermoedelik in een van die houthuisies wat as ‘n spa ingerig is uitgebreek en na ander houtgeboue versprei.

Van Zyl sê die brand is omstreeks 23:00 gisteraand onder beheer gebring. Niemand is in die voorval beseer nie.

Tertia de Bruin, wie se man Johan die eienaar van Horizon Stables is, sê hulle is baie dankbaar die vlamme het nie versprei na die gastehuis nie.

Beweerde bordeeleienaar nie aangekla

Die vier swart vroue wat Vrydag in hegtenis geneem is by ‘n beweerde bordeel in Fleurdal in Bloemfontein bly in aanhouding tot later vandeesweek.

Dit kom nadat Princess en Zanele Ncube, Sthando Zondi en Sandisile Gumede Dinsdag in die plaaslike landdroshof op aanklag van prostitusie verskyn het.

Zanele word ook aangekla vir die bedryf van ‘n bordeel, terwyl Princess tereg staan op ‘n bykomende aanklag van die besit van kokaïne.

Die vroue se verhoor is uitgestel tot Vrydag om meer inligting te bekom vir ‘n formele borgtogaansoek.

Intussen het die beweerde eienaar van die huis waar die vroue in hegtenis geneem is, nie in die hof verskyn nie.

Die 56-jarige man, glo verbonde aan ‘n hoër onderwys-instelling, is Saterdag by dieselfde huis gearresteer.

‘n Woordvoerder van die polisie, Chaka Marope, sê die saak is nie op die rol geplaas nie weens ‘n tegniese fout.

Sensitiewe inligting is nie op die klagstaat van die man ingesluit nie. het Marope gesê.

Hy sou na verwagting in die hof verskyn het op aanklag van die bedryf van ‘n bordeel. Sy prokureur Bertus Jacobs, sê hy is egter laat gaan omdat die staat nie die saak op die hofrol geplaas het nie.

Jacobs sê sy kliënt word nie met die misdryf verbind nie. Advokaat Nico Dreyer tree in opdrag van Jacobs vir dié man op.

Bordeeleienaar glo by tersiêre instelling

Vier vroue tussen die ouderdom van 31 en 40 is vandag in Fleurdal in Bloemfontein in hegtenis geneem in verband met prostitusie.

Polisiewoordvoerder, Chaka Marope, sê een van die vroue was ook in besit van dwelms. Hulle is van KwaZulu-Natal en Gauteng.

Volgens hom bedryf een van die vroue wat in hegtenis geneem is se vriend glo die bordeel. Hy is nog nie in hegtenis geneem nie. Marope sê die vroue sal na verwagting Maandag in die plaaslike landdroshof verskyn.

Bloemfontein Courant verneem intussen vertroulik die beweerde eienaar van die eiendom waarop die bordeel glo bedryf word is, bly ook daar. Die persoon is na bewering werksaam by ‘n tersiêre instelling in Suid-Afrika.

Bloemfontein Courant is in besit van die persoon se naam en werkplek.

Vyf bejaardes sterf, drie kritiek na bussie verongeluk

Drie inwoners van die Bult Aftree-oord in Bultfontein in die Vrystaat is in ‘n kritieke toestand in die Mediclinic Bloemfontein.

Dit kom ná ‘n ongeluk Donderdag, waarin ‘n bussie waarin die groep gereis het, omgeslaan het ongeveer 6 km buite Bulftontein.
 
Die inwoners was op pad terug van ‘n uitstappie na Florisbad naby Bloemfontein. Lettie Muller, Daan Minnie, Dinie Aschar en Charlotte Lategan is op die toneel dood.
 
Amanda Appelgryn, woordvoerder van die hospitaal, sê vyf pasiënte is opgeneem.

Die bestuurder van die oord, Gert Bezuidenhout, sê Marie Ehlers is in die hospitaal oorlede.
 
Volgens hom is die bestuurder en ‘n verpleegster wat ook in die bussie gereis het, net lig beseer.

Die bussie is glo van agter deur ‘n bakkie getref. Die bakkie wou verbysteek, maar moes terugval vir ‘n aankomende vragmotor. In die proses het die bakkie die bussie getref.
 
‘n Woordvoerder van Life Rosepark-hospitaal in Bloemfontein het gesê die bestuurder van die bussie, Hendrik Neethling, is reeds ontslaan. Hy het ‘n sny in die kop en sy skouer is beseer.
 
Die verpleegster is getraumatiseer, maar fisies ongedeerd.

Bestuurder in hof oor R1 miljoen gesteelde geld

Die bestuurder van ‘n bakkie wat verlede week in die besit van bykans R1-miljoen se beweerde gesteelde geld betrap is, is Dinsdag in die landdroshof op Trompsburg op R5 000 borgtog uitgelaat.

Vrystaatse polisiewoordvoerder, Ikobeng Hlubi, sê die 47-jarige Rollend Olive kon verlede Woensdag nie sy bestuurderslisensie in ‘n padversperring op die N1 toon nie.

Polisiebeamptes en lede van die verkeersdepartement by Hillside het sy bakkie deursoek en op ‘n houer met note afgekom.

Volgens Hlubi kon Olive nie ‘n voldoende verduideliking gee oor die geld wat in sy besit was nie. Sy sê Olive was van Kaapstad na Bloemfontein op pad toe hy voorgekeer is.

Dit is nog onduidelik van waar hy oorspronklik is.

Olive verskyn weer op 7 April in die hof. Die ondersoek duur voort.

Mangaung Metro ontken dat water besmet is

Die Mangaung Metro het ontken dat water in Bloemfontein met, onder meer, padavissies en bakterieë besmet is.

OFM Nuus is oorval deur navrae oor ‘n moontlike problem met die water soos wat beweer word in ‘n Whats App-boodskap wat die rondte doen.

Volgens ‘n luisteraar, Hester Taljaard, word die boodskap onder Bloemfonteiners versprei met die waarskuwing dat daar paddavisse en allerlei ander goed in die water is wat mense baie siek maak.

Nog ‘n luisteraar het gesê sy is baie bekommerd oor dié bewerings aangesien sy ‘n drie maande-oue baba het en wou weet of sy eerder gebottelde water moet koop.

Mangaung Metro-woordvoerder Qondile Khedama het egter vanoggend by navraag gesê die bewerings is onwaar.

Swartman gevang met vermoorde vriendin se lyk in kruiwa

‘n Swartman is in hegtenis geneem omdat hy die ontbindende lyk van sy vriendin in ‘n kruiwa in Bloemfontein rondgestoot het, berig die Vrystaatse polisie.

Haar liggaam is onder komberse weggesteek, maar ‘n plaaslike inwoner het soos in ‘n rillerfliek haar voet onder die kombers sien uitsteek. Dit het rondom 05:30 gister in Kagisanong gebeur, het die polisiewoordvoerder Pater Kareli in ‘n verklaring gesê.

Die 35-jarige man is gevang en geslaan toe hy probeer weghardloop.

Die polisie in Kagisanong het die swartman na die Pelonomihospitaal geneem waar hy in ‘n ernstige toestand onder polisiebewaking verkeer.

Die lyk is as die verdagte se 31-jarige vriendin geëien.

‘n Moordsaak is geopen en ‘n nadoodse ondersoek vind plaas.

Bejaarde egpaar buite Bloemfontein afgemaai

Die name van die bejaarde egpaar wat laas nag op hul Bainsvlei-hoewe buite Bloemfontein doodgeskiet is, is bekend gemaak.

Die Vrystaatse polisie het die name van die bejaarde egpaar bevestig wat in die jongste plaasmoord deur swart aanvallers afgemaai is, tussen Kwaggafontein en Bainsvlei buite Bloemfontein.

Woordvoerder Sam Makhele sê die lyke van Toon en Rienie Swanepoel, tussen die ouderdomme van 72 en 70 onderskeidelik, is gevind kort ná twee swart verdagtes in die egpaar se bebloede bakkie aangekeer is.

Hy sê ‘n derde verdagte is kort daarna in Kelly’s View in hegtenis geneem.

Hy sê al drie sal na verwagting verskyn in die Bloemfonteinse landdroshof op aanklagte van moord en roof.

Die eerste twee verdagtes is enkele ure na die voorval gearresteer en het reeds die plek waar die lyke gelaat is aan die polisie uitgewys.

Polisiewoordvoerder Chaka Marope sê die egpaar is omstreeks middernag aangeval. Hulle is vasgebind en van ‘n televisiestel en kamera beroof.

Die rowers het die egpaar daarna doodgeskiet en hul lyke 3km van hul huis af in ‘n bos gelaat.

Motordiewe pak Vrystaat

Nog drie swart verdagtes is op Thaba Nchu in die Vrystaat aangekeer in verband met die moord op ‘n swarte wat op Oujaarsaand tydens ‘n motorkaping in Phahameng in Bloemfontein doodgeskiet is.

Twee swartes is vroeër op Nuwejaarsdag in besit van ‘n gekaapte VW Polo vasgetrek.

Die 27-jarige is vyf keer geskiet en sy vriendin is in die voorval gewond.

Die ander twee verdagtes is in Botshabelo, oos van Bloemfontein, gevang.

Hulle verskyn Maandag in die Bloemfonteinse landdroshof op aanklagte van moord, poging tot moord en kaping, en ‘n vyfde in die hof op Botshabelo op ‘n aanklag van die onwettige besit van ‘n vuurwapen.

Polisiewoordvoerder Thandi Mbambo het bevestig dat twee mans, onderskeidelik 42 en 37 jaar oud, kort na middernag in G-seksie in Botshabelo in hegtenis geneem is.

Sy sê die polisie moes op die voertuig se bande skiet om te verhoed dat die vier insittendes wegkom met die motor wat die vorige oggend in Pahameng gekaap is.

Mbambo sê twee verdagtes het eers ontsnap.

Tydens die kaping is Sphiwe Mashiya doodgeskiet en sy 25-jarige vriendin lig gewond.

In ‘n ander voorval is drie Quantum-voertuie tydens ‘n gewapende rooftog by die Glen Landboukollege net buite Bloemfontein in die vroeë oggendure van Saterdagoggend gesteel.

Mbambo het die voorval bevestig. Sy sê vyf gewapende verdagtes het twee veiligheidswagte vasgebind.

Drie van die verdagtes het toe met die drie voertuie gevlug, terwyl die ander twee by die sekuriteitswagte gebly het en ‘n paar uur later vrygelaat het. Mbambo sê geen arrestasies is gemaak nie.

Volgens ‘n polisiebron is die voertuie na bewering oor die grens na Lesotho geneem in die vroeë oggendure, maar die owerhede in Lesotho kon dit nie bevestig nie.

EFF prys Jansen, waarsku ANC

Die EFF se top ses leiers sal tydens die verkiesingkonferensie wat tans by die Universiteit van die Vrystaat gehou word, aangewys word.

Floyd Shivambu, hoofsweep van die EFF, het universiteit geprys vir sy onpartydigheid omdat hy die EFF geakkommodeer het.

“Dit is ‘n dapper instelling met ‘n sterk leierskap,” het hy met verwysing na Jonathan Jansen gesê.

Die Vaal Universiteit van Tegnologie wou nie verlof gee aan die EFF om sy konferensie daar te hou nie, selfs nadat hulle die saal bespreek en betaal het.

Julius Malema, leier van die party het gesê “die regse partye, soos die DA”, het ‘n plafon bereik en sal nie nog swart stemme lok nie. Hy het bewerings, dat die EFF in die parlement deur die Demokratiese Alliansie gebruik word, verwerp. “Ons werk net saam oor bestaande kwessies.”

Die DA het hulself reeds verbind tot ‘n Trotskistiese ideologie van “struggle”, soortgelyk aan dié van die EFF.

Die EFF is vol vertroue oor sy prestasie in die 2016 plaaslike verkiesing en het Sondag die ANC gewaarsku dat sy oorheersing bedreig word.

“Om die waarheid te sê, ons raai die regerende party in Tshwane, Ekurhuleni en Nelson Mandela Bay aan om hul tassies te begin pak,” het Malema aan afgevaardigdes gesê in Bloemfontein.

Hy het egter voorspel dat geen party al die metropolitaanse munisipaliteite sal wen nie. “Die plaaslikeregeringsverkiesings gaan dissipline van die EFF vereis.

Malema het gesê die toekoms van Suid-Afrika is helder en die party kan die land vorentoe vat. “Ons was op die spits van die berg en het die toekoms gesien,” het hy gesê. “Die toekoms lyk baie helder. Suid-Afrika sal ekonomiese emansipasie bereik danksy die EFF.” Hy meen die EFF is die enigste organisasie wat die land kan bevry.

Hy het egter gemaan dat die land ‘n leierskapkrisis beleef en het verwys na werkloosheid, dienslewering en opvoeding. “Ons is in ʼn krisis omdat die 8 miljoen mense werk soek, en dit nie kan kry nie,” het hy gesê.

 

 

Jansen en Goldberg dans die Boerehaat-riel met oorgawe

Die geseur van die bruin rektor van die Universiteit van die Vrystaat oor “transformasie” oftewel gedwonge verengelsing van Afrikaanse instellings, het ‘n gehoor wat die Joodse redakteur van timeslive, Reuben Goldberg betref.

Goldberg het die ongewilde baas Jonathan Jansen se gedeeltelike mislukking om Engels af te dwing met sy gewone über-Boerehater-simpatie en growwe gemeenplase begroet.

Volgens Goldberg se blad het Jansen onlangs een oggend wakker geword met twee dosyn “te koop”-borde buite sy huis. Kennelik is die rektor nie so gewild in sy tuisdorp soos in sekere Jingo-voorstede van Johannesburg waar hy Afrikaners as agterlike, rassistiese bullebakke voorhou nie.

Jansen meen die borde is geplaas deur ‘n persoon of persone van sy universiteit wat ontsteld is oor sy anti-Afrikaanse transformasie-agenda.

Eerder as om te besin oor sy stommiteite om internasionaal erkende taalregte te ignoreer, het Jansen klaarblyklik homself eerder tot bruin vervolgingswaan voor sy Engelse gehoor gewend.

Diktator Jansen was ‘n lid van ‘n paneel van senior akademici in Kaapstad wat Dinsdagaand transformasie by universiteite bespreek het.

Jansen het sonder ironie na “tradisioneel” Engelssprekende universiteite verwys, ‘n onbewuste erkenning dat Afrikaanse instellings intussen ook verengels het.

Hy het gesê hoewel die ou Engelse universiteite soos Kaapstad, ‘n “kultuur van hoë intellektuele lewendige debat” het, ken “tradisioneel Afrikaanse universiteite soos Stellenbosch en Bloemfontein net doodsdreigemente en beledigings”.

Jansen het gesê hy kry glo gereeld doodsdreigemente. Indien dit waar is, is dit egter vreemd dat die polisie dit nog nie opgevolg het nie.

Die gehoor het egter merkbaar verstyf toe hy ‘n onbedekte aanval op die Universiteit van Stellenbosch geloods het. Jansen het gesê die US het ‘n ernstige gebrek aan sensitiwiteit vertoon deur die begrafnisdiens van hul eerste swart visekanselier Russel Botman, by die DF Malan-sentrum te hou.

“Ek het net gedink dit was hoogs onsensitief. DF Malan was die eerste apartheidspremier. Hy het chaos in die land gesaai. Om nie te besin daaroor as ‘n universiteit nie, is ‘n baie hartseer ding,” het hy gesê.

‘PW het niks vir eie gewin gedoen nie’

Oudpres. PW Botha het geweier dat belastinggeld vermors word om ’n ondergrondse bunker by sy aftreehuis in Wildernis te bou.

Barbara Botha, sy weduwee, het pres. Jacob Zuma se bewering dat die staat destyds die lughawe in George gebou het omdat Botha daar gewoon het, as snert afgemaak.

Botha se weduwee het aan Media24 vertel dat daar planne opgetrek was om ‘n bunker by Die Anker, die Bothas se aftreehuis in Wildernis, in te rig as ‘n veiligheidsmaatreël.

“Hulle het gesê die departement is besig om ondergrondse kamers by verskeie BBP’s se huise regoor die land in te rig, maar PW het net geweier. Hy het gesê dit is ’n mors van geld,” het sy gesê.

Botha het Die Anker eers in die laat sewentigs gekoop ná die besluit om die lughawe te bou, reeds geneem is.

Vandag gebruik meer as 560 000 passasiers jaarliks die lughawe.

“PW het niks vir eie gewin gedoen nie,” het sy weduwee ontstoke gesê.

Luidens die Hansard het Lourens Muller, destydse minister van vervoer, op 8 Februarie 1977 in ’n parlementêre antwoord gesê die lughawe word gebou deur die Suid-Afrikaanse lugmag, die departement van openbare werke en die departement van vervoer “vir die verskaffing van ’n meer gereelde en gerieflike lugdiens tussen gemeenskappe in die Suid-Westelike distrikte en die res van die Republiek asook vir strategiese verdedigingsdoeleindes.”

Die regering in Maart 1973 besluit om die lughawe te bou en dit is in Junie 1977 voltooi.

Daar is oorweeg om die lughawe in Oudtshoorn te bou, maar “uit ’n praktiese en veiligheidsoogpunt” is daar op George besluit, het Muller gesê.

Frans Swarts (94), SAL-hoof toe die lughawe gebou is, het aan Media24 gesê vlugte het destyds gesukkel met weerstoestande in Kaapstad en kon weens lae wolke nie in Kaapstad land nie. Daar was nie vandag se moderne toerusting om sulke hindernisse te oorkom nie.

Vlugte moes noodgedwonge dan in Bloemfontein land en dus was die lughawe in die Suid-Kaap ‘n noodsaaklikheid om ’n alternatiewe landingsplek te hê wanneer Kaapstad nie beskikbaar was nie.

Hennie Smit, wat van 1981 tot 1983 LPR vir George was en later vir Botha as LV vir George opgevolg het, het gesê daar was geen druk van Botha se kant om die lughawe te bou nie.

“Inteendeel, hy (Botha) het destyds ’n onafhanklike komitee aangestel om te kyk waar die beste plek is om die lughawe te bou. Daar is gekyk na Mosselbaai, ­George en Oudtshoorn. Verskeie faktore, waaronder veiligheidsoorwegings en weersomstandighede, is in ag geneem.”

Volgens Smit wou Botha gehad het dat die lughawe na die destydse minister van vervoer, Louw­rens Muller, vernoem word.

Nkandla is ’n privaatwoning en die lughawe is in staatsbesit, het kritici gesê.

Swart skoolleerling slag Kovsielektor met mes

’n Swart leerling in graad 10 – maar wat reeds 18 jaar oud is – van die Hoërskool Castle Bridge in Bloemfontein is oor die naweek in hegtenis geneem weens ‘n grusame moord met ‘n mes. Sy slagoffer op Lehlohonolo Mathengtheng, 27, ‘n lektor in die departement mediese mikrobiologie en virologie aan die Universiteit van die Vrystaat.

Lehlohonole Mathentheng op een van sy Facebookfoto's
Lehlohonole Mathentheng op een van sy Facebookfoto’s

Ooggetuies op die toneel by Mathengtheng se woonstel in Willows, Bloemfontein, het gesê dat hy ‘n snywond aan sy nek gehad het en “soos ‘n dier geslag is”.

Die verdagte en die vermoorde het mekaar blykbaar geken. ‘n Bebloede mes, wat vermoedelik vir die moord gebruik is, twee selfone en ‘n gebruikte kondoom is in ‘n slaapkamer in Mathengtheng se woonstel in Madaleenhof, King Ewardsweg, Willows, gevind.  Die polisie ondersoek die saak reeds sedert 28 September, maar hy die jeugdige verdagte is eers Saterdag omstreeks 20:00 by sy ouma se huis in Botshabelo aangekeer. Volgens ‘n polisiewoordvoerder, Sinag Mpakane, sal hy vandag in die hof verskyn.

Hoewel die moordenaar met ‘n tabletrekenaar, ‘n skootrekenaar, ‘n Blackberry-selfoon en Mathengtheng se bankkaart weg is, het die polisie eers gereageer toe hulle oproepe van die publiek ontvang het wat die skootrekenaar in die verdagte se besit geëien het.

Die vermeende tienermoordenaar het agterna vir die polisie gaan wys waar hy van sy slagoffer se bankkaart ontslae geraak het en hulle ook na die handelaar geneem waar hy sy skootrekenaar gaan verkoop het.

’n Tablet-rekenaar en BlackBerry-selfoon van die vermoorde is in die verdagte se besit gekry en hy sou gister vir die polisie gaan uitwys het waar hy die bankkaart van Mathengtheng gaan weggooi het en ook waar hy die skootrekenaar van die vermoorde gaan verkoop het.

Hy het ook in Mathengtheng se motor rondgery totdat die petrol opgeraak het en dit toe by ‘n taxistaanplek gelos.

Die moord is vermoedelik reeds op Vrydag 26 September gepleeg.

Volgens Mpakane het mense die polisie vroeër gebel oor die skootrekenaar van Mathengtheng wat hulle in sy besit gesien het.

Die motor van die vermoorde is vroeër by die taxi-terminus gekry waar dit agtergelaat is.

Polisiebeamptes is erg geskok deur die moordtoneel, met bloedspore wat van een vertrek na ‘n ander lei. “Dit was verskriklik,” het een polisielid gesê. Die lyk is op sy rug in een van die slaapkamers gevind met ‘n bloeddeurtrekte T-hemp langs hom.

Die oorlede was diep gelowig en het die Donderdag voor sy moord nog op Facebook gesê:

Lord we thank you for the joy in our lives!! The peace that only You can provide, and the current and future breakthroughs You have in store for us!! In Jesus name, Amen!! Happy Thursday everyone…

Polisielede wat op die toneel was, het dit as verskriklik beskryf en was agterna baie emosioneel.

Mathengtheng, wat vroeër in die Universiteitskoor gesing het, het in sy laaste Facebook-inskrywing die Here gedank vir die vreugde in sy lewe.

Vriende het met skok op Facebook op sy dood gereageer.