Die bestuurder van ‘n bakkie wat verlede week in die besit van bykans R1-miljoen se beweerde gesteelde geld betrap is, is Dinsdag in die landdroshof op Trompsburg op R5 000 borgtog uitgelaat.
Vrystaatse polisiewoordvoerder, Ikobeng Hlubi, sê die 47-jarige Rollend Olive kon verlede Woensdag nie sy bestuurderslisensie in ‘n padversperring op die N1 toon nie.
Polisiebeamptes en lede van die verkeersdepartement by Hillside het sy bakkie deursoek en op ‘n houer met note afgekom.
Volgens Hlubi kon Olive nie ‘n voldoende verduideliking gee oor die geld wat in sy besit was nie. Sy sê Olive was van Kaapstad na Bloemfontein op pad toe hy voorgekeer is.
Dit is nog onduidelik van waar hy oorspronklik is.
Olive verskyn weer op 7 April in die hof. Die ondersoek duur voort.
Dwelmgeld?
Janee want wie anders het soveel kontant? Hulle was ook dwelmgeld by luukse winkels in Sandton hoor ek. Betaal kamtig duisende kontant vir ‘n paar stukkies klere wat ses nommers te klein is vir die dik Nigeriese m8 wat die note in die bruin papiersak aflewer.