plundery – Bladsy 3 – praag.co.za

Paniek oor Eskom: binnekort dalk geen krag en water, maar wel onluste, plundery

Soos wat meer en meer nuus oor Eskom uitlek, kom dit voor asof jare se wanbestuur deur hoogs besoldigde “uitvoerende beamptes” uiteindelik hul tol begin eis. Die koerant Business Day berig vandag dat die elektrisiteitsreus Donderdag “ten minste 10 000 Mw van sy vermoë verloor het”, die ergste sedert die kragonderbrekings in 2008. Hierdie toestand gaan ten minste vir die volgende twee tot drie jaar duur.

Volgens Eskom het daar Donderdag 10 424 Mw (een kwart van die land se totale elektriese vermoë) se opwekkeningseenhede “onverwags onklaar geraak”, wat die maatskappy naarstiglik laat soek het na maniere om ‘n totale ineenstorting van die netwerk te keer. ‘n Verdere 5 000 Mw se vermoë was boonop onbeskikbaar vanweë beplande instandhouding.

Ingenieurs en afgetrede ingenieurs wat buite die stelsel verkeer en dus meer vrylik kan praat, is bekommerd dat ‘n totale ineenstorting van die kragnetwerk nie meer ver is nie. Dit kan tussen 2 weke en 2 maande neem vir die netwerk om weer aan die gang te kom soos wat kragsentrales weer aangeskakel moet word, wat miljoene mense binne ure sonder krag, water, kommunikasie en veral veiligheid kan laat.

Die Amerikaanse ervaring in New Orleans na afloop van die Katrina-orkaan het getoon dat veral die swart bevolking dit as ‘n geleentheid om te roof, te plunder en te verkrag gesien het. Terwyl die hoofstroommedia in die VSA dié aspek van die ramp in Augustus 2005 geïgnoreer het, het konserwatiewe webblaaie in die VSA gewemel van eerstehandse berigte van die chaos wat gevolg het toe daar nie meer krag of water was nie.

‘n Ingenieur van Pretoria, mnr. Alex Bell, het gepoog om uit te vind of die Pretoriase munisipaliteit oor enige gebeurlikheidsplanne beskik om seker te maak dat inwoners ten minste water sou hê indien Eskom se kragnetwerk ineenstort. Hy skryf in ‘n epos dat mense hul eie voorsorgmaatreëls moet tref aangesien die Suid-Afrikaanse “owerheid” nóg besorg oor die krisis is nóg oor enige voorsorgmaatreëls beskik:

Ek woon in ‘n sekuriteitsoord met ongeveer 250 wooneenhede. Dit kan na my mening onverantwoordelik wees om NIKS te doen nie, maar elkeen moet sy eie plan beraam.

INDIEN die Eskom-NETWERK VAL – ineenstort, soos totaal, gaan dit ten minste enigiets van 2 weke tot 2 maande neem om dit weer aan te kry.
MAAR waar lê die grootste risiko? Dit is nie die feit dat ons nie gaan krag hê nie, daarvoor kan ons ‘n plan maak soos gas of iets, MAAR WAT MAAK ONS INDIEN DAAR NIE WATER IS NIE !!!!

Daar is geen bron van waar drinkwater aangery kan word nie – moontlik rou water vanaf nabygeleë damme. Die kettingwinkels sal net vir ‘n dag of twee water hê en die reservoirs wat in die Randwater- en byvoorbeeld munisipale verspreidingsnetwerke is sal maksimum vir ongeveer 48 uur water kan voorsien. En daarna ??? In ‘n stad soos Pretoria of Johannesburg sal dit afhanklik wees van waar die water voorsien word, maar nog steeds sal die munisipale pompstasies asook dié se Randwater-inlynpompstasies NIE water kan pomp sonder krag nie !!!!

Ek het met “bekwame persone” van byvoorbeeld Pretoria-munisipaliteit gesels en dié sê dat Pretoria geen bystandsgenerators het wat aangeskakel kan word vir dié doel nie.

Só het ek ook gesels met bekwame persone van Randwater, en dié sê hulle het by verre nie genoeg / voldoende / net enkele bystandskragopwekkers wat gebruik kan word, sou daar ‘n krisis ontstaan.

Ek dink dié boodskap moet uitgaan sodat ons mense NIE KAN SÊ HULLE IS NIE BETYDS GEWAARSKU NIE !!!

Die noodsaaklike behoefte aan water sal in die orde van sê 4 000 liter (4 kubieke meter) per persoon per maand wees. Bronne wat gebruik kan word is byvoorbeeld: boorgate, swembaddens en watertenks.

Indien mense twyfel oor die moontlikhede dat die Eskomnetwerk kan faal, skakel en gesels met verantwoordelike persone oor die stand van onderhoud wat by Eskom ondervind word.

Ongeag die vooruitsig van ‘n volslae krisis en moontlike chaos wat daarop kan volg, rig Eskom reeds enorme skade aan die ekonomie aan. ‘n Energiekundige wat gereeld selfs in die hoofstroommedia aangehaal word, Chris Yelland, het vanoggend soos volg getwiet oor ‘n verdere “menslike fout” by die Koebergkragstasie:

The cost of unserved energy to the productive economy in SA caused by this #Eskom “human error” at Koeberg is estimated to be R7,5-billion.

— Chris Yelland (@chrisyelland) February 9, 2015

The expended period of #Eskom loadshedding since Dec 2014 to date is now beginning to have a serious negative economic impact — Chris Yelland (@chrisyelland) February 9, 2015

#Eskom fun fact 1: Cost to economy for loadshedding at Stage 1 for 10 hours a day for 20 days a month is estimated at R20-billion per month.

— Chris Yelland (@chrisyelland) February 9, 2015

#Eskom fun fact 2: Cost to economy for loadshedding at Stage 2 for 10 hours a day for 20 days a month is estimated at R40-billion per month. — Chris Yelland (@chrisyelland) February 9, 2015

#Eskom fun fact 3: Cost to economy for loadshedding at Stage 3 for 10 hours a day for 20 days a month is estimated at R80-billion per month.

— Chris Yelland (@chrisyelland) February 9, 2015

#Eskom fun fact 4: These costs to the productive economy for loadshedding in SA are based on a cost of unserved energy of R100 per kWh.

— Chris Yelland (@chrisyelland) February 9, 2015

Benewens water, behoort mense ook droë kos soos rys wat min water verg om gaar te maak, byderhand te hou, tesame met genoeg gas, kerse en brandstof in voertuie aangesien die pompe by vulstasies ook nie mag funksioneer nie.

Oproer saai oral chaos

‘n Vierde skool is by Khakhanwa in Malamulele in Limpopo aan die brand gesteek omdat hulle klasse voortgesit het.

Ouers het die skool probeer bewaak te midde van die laaste vier weke se oproer in die gebied.

Drie skole in die gebied is vroeër dié week ook aan die brand gesteek.

Dienste en toegang tot die gebied is steeds versper. Oproer in die gebied duur reeds sowat vier weke met Tsongas wat ‘n aparte munisialiteit eis.

Intussen sê die Malamulele-taakspan die Tsongas sal Sondag besluit of hulle protes gaan opskort. ‘n Woordvoerder, Isaac Nukeri, het met die minister van polisie, Nathi Nhleko en die minister van staatsveiligheid, David Mahlobo, gesprek gevoer.

In ‘n ander voorval van openbare geweld, het Jacob Mamabolo, LUR vir samewerkende regering in Gauteng, Woensdag gesê dit was EFF-lede wat munisipale geboue aan die brand gesteek het tydens oproerigheid in Mohlakeng buite Randfontein.

“Die EFF-lede het op ‘n plundertog gegaan en munisipale eiendomme aan die brand gesteek en alle paaie en ingange na die gebied versper, en die gemeenskap is verhoed om te gaan werk,” het Mamabolo gesê.

Die burgemeester se huis en motor, die biblioteek, munisipale kantore en die stadsaal is van die eiendomme wat in ligte laaie gelaat is.

Volgens Mamabolo het die betogers ook winkels, wat deur buitelanders besit word, geplunder.

Inwoners het Woensdagoggend op ‘n plundertog uitgevaar. Christina Mabala, voorsitter van die EFF se Wes-Rand-tak, het egter gesê ANC-lede het die brande begin.

“Sommige mense binne die ANC het besluit om die geleentheid te gebruik om eiendomme te brand en te plunder. Ons as die EFF distansieer onsself van die gewelddadige optrede en skade aan eiendom,” het sy gesê. Sy het gesê die beskuldigings is vals.

Mabala het gesê die EFF het ‘n optog gereël van Mohlakeng na Randfontein om hul griewe aan die burgemeester te oorhandig.

Volgens Mabala het die polisie met rubberkoeëls op die betogers losgebrand.

In nog ‘n voorval van openbare geweld, het die polisie Woensdag met rubberkoeëls op betogers in Majakaneng, naby Mooinooi in Noordwes, losgebrand.

Brig. Thulani Ngubane, woordvoerder van die polisie, het gesê die oproeriges het dele van die N4 met hekke, klippe, bome en brandende bande versper. Volgens Ngubane het die betogings Maandag begin.

Sewe betogers is in hegtenis geneem en sal aangekla word van openbare geweld en kwaadwillige saakbeskadiging.

‘n Bus is aan die brand gesteek en twee winkels, wat aan buitelandse behoort, geplunder. Inwoners is glo ongelukkig oor water- en elektrisiteitstoevoer in die area.

Biskop Paul Verryn van die Metodistekerk en ‘n kollega wat probeer het om dialoog te bevorder, is met klippe bestook. Verryn en sy kollega is nie beseer nie.

Hoofpaaie was Woensdag gesluit nadat die oproeriges motoriste tussen Rustenburg en Pretoria met klippe bestook het. Die pad tussen Mooinooi en Brits was ook gesluit.

Die departement van gemeenskapsveiligheid in Noordwes het gesê drie vragmotors en ‘n voertuig is Dinsdagaand aan die brand gesteek.

Niemand is nog in hegtenis geneem in verband met die voorval nie.

Polisie by nóg plundery betrek

Aanvalle op buitelanders het na die Noord-Kaap en KwaZulu-Natal versprei waarby polisiebeamptes in sekere gevalle ook betrek word.

Die polisie het glo aan die plundering van buitelanders se winkels in die Noord-Kaap meegewerk.

Twee polisiebeamptes en ‘n polisiereservis is in verband met die gewapende roof van ‘n Somaliese winkel in Kimberley in hegtenis geneem.

Minstens een polisieman is verfilm waar hy verlede week aan die plundery in Soweto deelgeneem het, terwyl die Metropolisie ook verfilm is terwyl hulle in die hitte van aanvalle op spazawinkels nie ‘n vinger lig nie en verveeld toekyk.

Plundery is nou in die Oos-en Wes-Rand, sowel as Alexandra in Sandton, Langlaagte, suid van Johannesburg en op Inanda buite Durban aangemeld.

‘n Noord-Kaapse polisiewoordvoerder, Marriam Mochologi-Maleme, sê hulle beskou die polisie se optrede as ‘n misdaad. Sy het gesê hulle is in hegtenis geneem en sal binnekort in die hof verskyn.

Swart ma wat plunder val op baba

Die swart ma van die baba wat in ‘n stormloop tydens ‘n plundery in Kagiso, wes van Johannesburg, dood is, sê sy word daarvan beskuldig dat sy vir haar kind se dood verantwoordelik was.

Skares swartes het buitelandse winkels gestroop in die jongste vlaag xenofobiese geweld.

Zanele Majozi sê haar een maand-oue baba was aan haar lyf vasgemaak toe ‘n skare mense haar omgestamp het. Sy sê sy het op die kind geval, het RSG berig.

Sy het bewerings verwerp dat sy ten tye van die voorval ‘n spaza-winkel geplunder het. Vroeër is berig dat die baba 13 maande oud was, maar volgens Majozi was die kind baie jonger.

Nog twee mense is Sondagnag in Langlaagte in Johannesburg doodgeskiet.

Volgens die polisie het skares ‘n spazawinkel van ‘n buitelander geplunder en daarna aan die brand gesteek. Die plunderaars het glo op die polisie losgebrand en twee mense is noodlottig gewond.

Die Somaliese winkeleienaar, Senosi Yusuf, verskyn intussen vandag weer in die Protea landdroshof in Soweto in verband met die dood van ‘n tiener van die gebied, wat tot grootskaalse onrus gelei het.

Yusuf het na bewering verlede week ‘n 14-jarige seun doodgeskiet wat sy winkel probeer beroof het. Hy is in aanhouding sedert hy Donderdag in die hof verskyn het.

Die saak is tot vandag uitgestel sodat ‘n tolk gevind kon word.

Die voorval in Snake Park, Soweto, het gelei tot verskeie voorvalle van geweld en plundery van winkels van buitelanders in Soweto. Dit het ook na ander gebiede uitgebrei.

Bykans 200 mense is reeds in verband met die plundery in hegtenis geneem en het reeds in die hof verskyn.

Die Noord-Kaapse polisie het in ‘n ander voorval ‘n 27-jarige swarte in hegtenis geneem in verband met die dood van ‘n 20-jarige man in Roodepan wat vermoedelik gestenig is.

Die verminkte liggaam van Dallen Inks is in ‘n oop veld gevind. Die polisie-woordvoerder, Donald Mhluli het ‘n beroep op die gemeenskap gedoen om met inligting na vore te kom wat met die ondersoek kan help.

Nóg mense in hegtenis weens plundery in Soweto

Die aantal mense wat tot dusver weens plundery van winkels in Soweto aangekeer is, het tot 178 gestyg, luidens ‘n verklaring van die Suid-Afrikaanse Polisiediens wat gister uitgereik is.

Tot dusver is 178 verdagtes in hegtenis geneem… Ses van hulle is minderjariges wat onder die toesig van hul ouers vrygelaat is, op voorwaarde dat hulle in die hof moet verskyn,” se luitenant-generaal Solomon Makgale.

Polisiemanne steur hul nie aan 'n winkel wat agter hulle geplunder word nie. Foto: Alon Skuy — Polisiemanne steur hul nie aan ‘n winkel wat agter hulle geplunder word nie. Foto: Alon Skuy

Van die 178 wat in hegtenis geneem is, het 83 reeds in die Protea-landdroshof verskyn waar hul sake tot 28 en 29 Januarie uitgestel is. Hulle bly in aanhouding.

Volgens die luitenant-generaal sal die oorblywende 95 verdagtes, waaronder die minderjariges, vandag in die Kagiso- en Protea-landdroshowe verskyn.

Hulle word van openbare geweld en die besit van gesteelde goedere aangekla.

Dié man is duidelik in sy noppies oor sy gratis tamaties wat op 22 Januarie in Soweto gebuit is.

Makgale meen dat die naweek redelik stil verloop het in al die gebiede waar plundery voorheen aangemeld is.

“Hoewel die situasie tans rustig is, sal die polisie ‘n ogie hou oor dinge sodat daar vinnig opgetree kan word indien voorvalle van misdaad aangemeld word.”

Polisieversterkings is in al die gebiede ontplooi totdat wet en orde herstel kan word.

“Ons moedig ook lede van die publiek aan om plundervoorvalle aan te meld en winkeleienaars om nie die reg in eie hande te neem nie,” sê hy.

Plundery het oral in Soweto losgebars nadat ‘n tienderjarige swarte verlede Maandag doodgeskiet is, na bewering deur ‘n buitelandse winkelier in Slangpark naby Dobsonville.Inwoners het uit weerwraak alle winkels wat aan buitelanders behoort, begin plunder. Hierna het die gedrag na ander dele van Soweto uitgebrei en teen Donderdag het dit na Kagiso aan die Wes-Rand en Sebokeng in die Vaaldriehoek oorgespoel.

Drie mense is dood en meer as 160 is in hegtenis geneem. Die ongevalle sluit ‘n baba in wat doodgetrap is toe die kind se ma haar in die harwar toe mense weghardloop, laat val het. Die winkelier wat daarvan beskuldig word dat hy die tienderjarige doodgemaak het, sal ook vandag in die hof verskyn, tesame met ander wat op aanklagte van openbare geweld in hegtenis geneem is.Intussen berig AFP dat die plundery van Chinese winkels in Kinshasa in die DRK ook oor die afgelope paar dae uitgebreek het. Kongolese winkeliers kla dat die Chinese hul goedere te goedkoop verkoop, wat veroorsaak dat hulle nie ‘n bestaan kan maak nie. Chinese winkeliers het tekens op hul winkels gesit wat lui:”Moenie ons plunder nie. Dis u winkels óók!”

Swart jeugdiges val buitelanders aan in Limpopo

Die polisie in Limpopo het vyf-en-twintig mense, onder wie verskeie tieners, is in hegtenis geneem na ‘n plundertog teen buitelanders.

In Gilead, buite Ellisras (Lephalale) in Limpopo is die winkels van buitelanders aangeval en besteel.

Die polisiewoordvoerder, Hangwani Mulaudzi, sê die skare het die winkels aangeval nadat hulle die buitelanders van misdaad beskuldig het.

Mulaudzi sê die verdagtes sal binnekort op aanklagte van openbare geweld en roof in die hof op Gilead verskyn.

DA sê Olievenhoutbosch-oproer nie verby

Ses mense is in hegtenis geneem na Dinsdag se gewelddadige oproer by Olievenhoutbosch suid van Pretoria.

Die polisie is steeds in die gebied ontplooi. Twee mense is tydens die oproer beseer.

Die DA sê die oproer sal voortgaan omdat daar nie genoeg geriewe vir plakkers is nie. Hulle sê die DA is ‘n party wat “omgee”.

Oproeriges was glo ook ontstoke dat die Mooiplaas-lokasiebewoners na Olievenhoutbosch verskuif is.

Ander bronne beweer weer die gebrek aan krane by Chobe-plakkers is die werklike probleem.

Daar is voorts bronne wat beweer dat die opstand oor die toekenning van HOP-huise gaan.

Olievenhoutbosch is een van die nuwe uitbreidings vir die opkomende swart middelklas.

Die geweld het uiteindelik in aanvalle op buitelanders ontaard. Woedende inwoners het Dinsdagaand winkels geplunder wat aan Pakistanse burgers behoort.

Berigte dat die Pakistani’s skote op die oproerige skare afgevuur het, kon nie bevestig word nie.

Die woordvoerder van die Tshwane metropolisie, Isaac Mahamba sê bewerings van ‘n skietery word ondersoek.

Die situasie in die gebied is tans kalm, en die paaie is weer oopgestel, maar motoriste word aangeraai om alternatiewe roetes te gebruik.

DA-leier, Helen Zille het by die Chris Hani-lokasie in Hammanskraal, noord van Pretoria sonkrageenhede uitgedeel om stemme te koop.

Sy het die plakkers ook huise en “skoon regering” belowe. Zille het soos verwag, niks oor misdaad gesê nie, aangesien die Wes-Kaap waar die DA regeer, die provinsie met die hoogste misdaadsyfer is.

Zweli Mkhize het Woensdag ’n voormalige DA-raadslid wat na die ANC oorgeloop het by die party verwelkom. Solani Gudluza sê hy was van 1999 af ’n lid van die DA, maar die party kom nie hul beloftes na nie.

“Ek is ’n harde werker, maar die DA vervolg jou daarvoor … jy word nooit beloon nie,” het Gudluza aan verslaggewers gesê.

Suid-Afrikaners het vertroue in die regerende ANC, het die party se tesourier-generaal, Zweli Mkhize, Woensdag in Soweto gesê.

“Daar is ’n baie groot aantal mense wat, terwyl ons veldtogte voer, aandui hulle wil met die ANC identifiseer,” het hy aan verslaggewers op ’n ANC-veldtog in Freedom Park gesê.

Polisie stuit Kaapse oproeriges in hul spore

Polisiebeamptes het Donderdag daarop aangedring dat die betogers in Kaapstad in hul spore omdraai.

Die dooiepunt is uiteindelik gebreek toe die polisie ‘n waterkanon en skokgranate ingespan het om die skare uiteen te jaag .

Teen hierdie tyd ‘n paar betogers het reeds wegbeweeg van die belangrikste groep langs Nelson Mandela-boulevard.

Betogers het ook die droë gras van ‘n leë veld in Distrik Ses aan die brand gesteek .

Daar was ook berigte van betogers wat winkels en stalletjies geplunder het.

“Ons was uitgelok deur die polisie,” het die oproermakers gesê.

Die bedoeling was om die Provinsiale Wetgewer te bereik, maar die polisie het hulle voorgekeer.

Twee skokgranate is die skare gegooi wat hul geledere uitgedun het tot net ongeveer 50 agterosse wat nog wou toi-toi op die hoek van Waal- en Adderleystrate.

Toe ‘n beampte dreig om nog ‘n skokgranaat te gooi, het die laaste betogers die aftog geblaas.

Polisie het vragmotors, motorfietse en vierwielmotorfietse gebruik om die betogers terug na die Kaapstadstasie te jaag.

Polisiebeamptes het 12 betogers in verband met die optog in hegtensi geneem. Kapt FC van Wyk het gesê hulle in die Kaapstadse landdroshof verskyn op aanklagte wat verband hou met die Wet op Onwettige Byeenkomste.

Swartes begin plunder toe burgemeester hulle ignoreer

Sewe en twintig mense is naby Mafikeng in Noordwes in hegtenis geneem na ‘n plundertog tydens ‘n oproerige byeenkoms oor die burgemeester hulle nie wou ontmoet nie.

Hulle is op aanklagte van openbare geweld en die besit van gesteelde goedere gearresteer.

Die inwoners van die Setlagole-lokasie het die week gewelddadig geraak, en strate met klippe en brandende bande afgesper. Hulle het daarna op ‘n pludertog gegaan toe die burgemeester hulle nie wou te woord staan nie.

Die burgemeester, Victor Mance het nog nie gereageer op die inwoners se griefskrif van twee weke gelede nie.

Die verdagtes sal volgens die polisie in die Atamelang landdroshof verskyn.

Polisie het hul hande vol met oproer

‘n Totaal van 63 mense is in hegtenis geneem nadat lede van die gemeenskap in Moletlane by Zebediela op ‘n plundertog gegaan het en vyf winkels van Chinese sakemanne afgebrand het.

Die geweld spruit na bewering uit ‘n voorval die naweek toe ‘n 21-jarige man doodgesteek is ná ‘n argument met ‘n Chinese winkeleienaar. Die verdagte is in hegtenis geneem op ‘n aanklag van moord.

Sondag het lede van die gemeenskap begin mobiliseer en vyf winkels geplunder en aan die brand gesteek.

Niemand is beseer of gedood tydens hierdie voorvalle nie, maar uitgebreide skade is aan die geboue aangerig.

Die verdagtes, 43 mans en 20 vroue , is in hegtenis geneem op aanklagte van openbare geweld en brandstigting en sal na verwagting later hierdie week verskyn in die Magatle-landdroshof .

Op Apel is sewe verdagtes in hegtenis geneem nadat hulle na bewering vyf huise en drie voertuie aan die brand gesteek het ook oor die naweek.

Lede van die gemeenskap beskuldig drie mense van die vermorsing van geld wat ingesamel is vir ‘n gemeenskapsprojek.

Niemand is dood of beseer is tydens die voorvalle nie. Die verdagtes sal in die Sekhukhune-landdroshof verskyn.

Lede van die Openbare Orde Polisie-eenhede is in albei hierdie gebiede ontplooi om die situasie te monitor en geen verdere voorvalle van geweld is aangemeld nie.

Die provinsiale kommissaris van die Suid-Afrikaanse Polisiediens in Limpopo, lt.genl Fannie Masemola, het ‘n streng waarskuwing aan die lede van die gemeenskap gerig en gesê hierdie tipe wetteloosheid en gewelddadige optrede sal nie geduld word nie.

Meer as 70 lede van die Siyandhani gemeenskap buite Giyani in Limpopo is Dinsdagaand in hegtenis geneem op aanklagte van openbare geweld.

Die SAPD het die voorval bevestig, maar sê dit is nie duidelik wat tot die onrus gelei het nie.

Onderrig by skole in die omgewing is ontwrig.

Diegene wat in hegtenis geneem is sal na verwagting binnekort in die hof verskyn.

Inwoners van Ntibane by Ngqeleni in die Oos-Kaap het sedert Vrydag die pad na die Mthatha residensiële kusgebied versper.

Die oproeriges kla oor swak dienste. Omliggende gebiede word ook geraak deur die oproer wat toerisme en skole negatieg beïnvloed.

Volgens berigte is sewe skole en drie klinieke gesluit weens die geweld.

Inwoners kla dat hulle al meer as tien jaar wag vir elektrifisering, die gebrek aan water, sanitasie en swak paaie.

Die gemeenskap dreig om nie die verkiesing te boikot as die regering nie op hul eise reageer nie.

Tiener in die nek geskiet na plundertog

‘n Sewentienjarige skoolmeisie is in die nek geskiet en beseer in ‘n wraakaanval deur Pakistani-winkeliers.

Tientalle betogers het na bewering die mans se winkels geplunder en het paaie met klippe en brandende motorbande versper.

Die buitelanders het daarna op ‘n skare swart leerlinge en voetgangers in Botleng naby Delmas losgebrand.

Volgens kolonel Jannie van Tonder van die SAPD was dit vermoedelik ‘n aanval deur die winkeliers in weerwraak op inwoners wat hulle winkels Donderdag geplunder het.

Die beseerde meisie is na ‘n waakeenheid by ‘n Witbank-hospitaal geneem.

Die SAPD het die winkeliers in hegtenis geneem en op ‘n gesteelde 9mm-pistool beslag gelê.

Die situasie in Delmas is gespanne.

Die ANC se kantoor in Botleng is vroeër aan die brand gesteek en ander geboue is beskadig.

Betogers, waaronder jong kinders, het Vrydag weer die strate ingevaar. Die polisie monitor die situasie.

Dinsdag, voor die skietery, is briewe is onder leerlinge versprei wat maan dat hulle weg van die skool moet bly en aan optogte moet deelneem.

Die jeugdiges beweer dat ‘n gebrek aan werksgeleenthede te wyte is aan ‘ n korrupte verhouding tussen die mynbase en munisipale amptenare .

Hulle ook ‘n groot vragmotor wat aan ‘n wit boer behoort met bale veevoer Donderdagmiddag aan die brand gesteek.

Die twee Pakistani burgers sal binnekort in die hof verskyn op aanklagtes van poging tot moord en die besit van ‘n ongelisensieerde, gesteelde vuurwapen.

Gautengse premier betig oproermakers in Bekkersdal

Gauteng se premier, Nomvula Mokonyane, het Sondag in Bekkersdal aan die Wesrand verklaar dat sy nie deur betogers geïntimideer sal word nie.

“Ek sal nooit van enigiets weghardloop nie. Ek sal nie weghardloop van ons mense terwyl hulle ‘n ’n krisis verkeer nie.” Seweduisend inwoners het opgedaag om haar te troef.

Paaie in die lokasie is Sondag met klippe en brandende boomstompe versper. Skole en eksamens is ook ontwrig. Inwoners eis onder meer dat die burgemeester van Westonaria, Nonkuliso Thunzi, die trekpas kry.

Die betogings duur nou al weke lank en 59 mense is reeds in hegtenis geneem vir poging tot moord, diefstal en openbare geweld.

Mokonyane sê sy het gehoor daar word geëis dat dié mense vrygelaat word anders sal die plundery voortduur. Hierop het sy gesê die regering “sal nie as gyselaar aangehou word nie”.

Sy het inwoners skerp gekritiseer omdat hulle Sondag kerkdienste ontwrig het, iets wat selfs nie in die apartheidsjare gebeur het nie. “Kerke was ons vestings,” het sy gesê.

Die polisie is in die gebied ontplooi. Die oproerige inwoners sê hulle sal aanhou totdat die Westonaria plaaslike munisipaliteit onder administrasie geplaas word.

Hulle het Sondag met Gautengse regeringsamptenare vergader om die swak dienslewering in die munisipaliteit te bespreek.

Die regering het onderneem om die bewerings van korrupsie in die munisipaliteit te ondersoek.

Thunzi sê die inwoners keer dat die munisipaliteit sy werk kan kom doen, soos vullisverwydering. – Sapa

Media gewaarsku om nie polisie se buitery te rapporteer nie

Kenia se polisiehoof het gedreig om joernaliste in hegtenis te neem ná berigte oor grootskaalse buitery deur veiligheidsmagte tydens die terreuraanval op die Westgate-winkelsentrum verlede maand in Nairobi verskyn het.

Genl. David Kimaiyo het Donderdag aan joernaliste gesê dit is “baie duidelik dat daar ’n beperking is” op mediavryheid.

“Ons kyk na individue binne die wet wat op die een of ander manier misdade gepleeg het… Hulle sal binnekort in hegtenis word en voor die hof verskyn, waar hulle die gevolge sal moet dra,” het Kimaiyo gesê.

“Julle het nie nodig om Keniane aan te hits nie, julle het nie nodig om verklarings uit te reik wat neerkom op haatspraak nie,” het hy bygevoeg.

Kringtelevisie-beeldmateriaal wys hoe lede van die veiligheidsmagte met plastieksakke uit ’n supermark in die Westgate-winkelsentrum stap kort nadat die vermeende Al Sjabaab-rebelle op omstanders begin skiet het.

Sommige winkeleienaars sê hul winkels is heeltemal geplunder.

Kenia se weermaghoof, Julius Karangi, hou egter vol dat soldate nie geplunder het nie, maar slegs koeldrank in die supermark gevat het om “hul dors te les”.

In ’n poging om te verduidelik hoekom ander items gevat is, het Karangi dit “sanitasie om hul veiligheid te verseker” genoem.

Verskeie eienaars het aan AFP gesê dat hulle die winkels gesluit het voordat hulle gevlug het.

Met hul terugkeer was die winkels egter heeltemal geplunder en waardevolle items soos juwele, selfone en elektriese ware was vermis. – Sapa/AFP

Meer as 60 vas vir openbare geweld in Limpopo

Die polisie in Limpopo het meer lede ontplooi en sowat 65 betogers is in hegtenis geneem vir openbare geweld in Malamulele, Limpopo, Maandag, het die polisie gesê.

Betogers het Openbare Werke se streekkantore en vyf voertuie in ligte laaie gelaat, sê brigadier Hangwani Mulaudzi.

“Die plaaslike Masingita-winkelkompleks is heeltemal geplunder,” het hy gesê.

Skade word tans beraam op R3 miljoen.

Mulaudzi het gesê die situasie bly gespanne, en hy het motoriste aangeraai om paaie na Giyani en Thohoyandou te vermy.

Inwoners is eis hul eie munisipaliteit. – Sapa