Dan Roodt – Bladsy 15

Pieter in die leeukuil

Sedert die oorgawe van FW de Klerk en Roelf Meyer aan die ANC, asook die oorhandiging van die Suid-Afrikaanse Weermag aan die bevelstruktuur van Umkhonto we Sizwe, bevind die Afrikaner hom in die situasie van 'n oorheersde volk wie se grondgebied feitlik vanuit die Ooskusgebiede van Suid-Afrika deur ander groepe beset word.

Die aanstelling van dr. Pieter Mulder, leier van die Vryheidsfront Plus, as adjunkminister van landbou het uit verskeie oorde kritiek ontlok omdat dit enersyds as die soveelste voorbeeld van Afrikanerverraad – soortgelyk aan dié van De Klerk en Meyer – gesien kan word en andersyds tot verlies aan kiesersteun vir die VF Plus kan lei.

Die afgelope twee jaar reeds is daar sprake van toenadering tussen Jacob Zuma en Afrikaners, wat begin het met die braaivleis wat onder beskerming van die tydskrif De Kat in Houghton gehou is en waar Steve Hofmeyr, ekself en ander teenwoordig was.

Die huidige strategie is dat Afrikaners moet poog om groter invloed op die ANC uit te oefen, teenoor die Engelse en kommunistiese intellektuele, asook die Britte en Amerikaners, wat tot dusver die party se denke en optrede bepaal het. Daarmee saam moet Afrikanerselfbeskikking die hoogste prioriteit geniet aangesien die huidige grondwet en bestel besig is om tot ons ondergang te lei.

Onder die omstandighede het Pieter Mulder dus die regte besluit geneem om in die ANC-leeukuil in te stap. Alles hang nou af van hoe hy hom daar laat geld, maar ook: in watter mate die Vryheidsfront Plus, tesame met die breër Afrikanerbeweging met sy kultuurorganisasies, intellektuele en instellings, nuwe denke oor ons land en ons vasteland kan verwoord.

Ten eerste moet sulke denke onder ons eie mense gepropageer word. Die tragiese blindheid waarmee die meerderheid Afrikaners in die afgelope verkiesing gestem het vir die liberale Engelse party, die DA, wat miskien nog meer as die ANC tot Afrikanerondergang en -verdwyning verbind is, toon dat daar nog 'n groot taak voorlê.

Die gevaar bestaan dat 'n steriele debat oor samewerking of nie-samewerking met die ANC verdeeldheid in die VF Plus kan veroorsaak, wat daartoe kan lei dat die party die weg van alle regse Afrikanerpartye volg deur herhaaldelik te skeur totdat daar niks van oorbly nie.

Terwyl robuuste debat en kritiek rondom die kwessie 'n goeie ding sal wees, moet ons daarteen waak om gedurig twis en verdeeldheid aan te wakker.

Een swaeltjie maak geen somer nie, kan mens wel sê. Maar dit beteken ook dat Pieter Mulder vanuit sy party en vanuit die breë Afrikanerbeweging met idees en inligting ondersteun moet word. Die ideologiese stryd teen Suid-Afrikanisme, nasiebou en die miskenning van die Afrikaner se volkskap moet juis nou in felheid toeneem.

Hierdie toegewing van die ANC of voortsetting van Jacob Zuma se toenadering, moet nie as 'n aalmoes gesien word wat ons as dankbare bedelaars by die politieke banket huistoe stuur nie, maar as die begin van 'n reeks toegewings wat op eie strukture vir onderwys, gesondheid, veiligheid en uiteindelik 'n eie staat moet uitloop.

Soos Johann Wingard egter onlangs hier geskryf het: 'n volkstaat gaan nie uit die lug val nie. Ons vryheidstryd kan baat by Pieter Mulder se aanstelling of dit kan daardeur belemmer word. Op sigself is dié gebeurtenis egter nie bepalend nie.

Die keuse berus by elke Afrikaner wat by die politiek betrokke moet raak en veral moet sorg dat Afrikaners nie meer – soos in die afgelope verkiesing – hul kruisie by die liberale Engelse party moet trek nie.

Die Vryheidsfront Plus behoort ook riglyne aan Pieter Mulder te gee ten einde seker te maak dat hy nie soos Marthinus van Schalkwyk sonder meer deur die ANC en sy nasiebou-ideologie opgeslurp word nie. Indien Mbeki deur die ANC vanuit die presidentskap "herroep" kan word, kan die VF Plus sekerlik onder bepaalde omstandighede dieselfde met Pieter Mulder doen indien sy posisie as adjunkminister van landbou nie meer strategiese sin het nie.

Volkstaat sal nie uit die lug neerdaal nie

Die huidige debat oor parlementêre deelname deur Afrikaners is 'n teken dat ons politieke bewussyn besig is om te ontwaak, waarvoor ons PRAAG se webtydskrif moet bedank. Vanweë sy onverbondenheid slaag die PRAAG-werf daarin om eerlike menings van verskeie bydraers te ontvang en om daardeur 'n beter begrip te kry van hoe ons mense werklik voel.

Dalk sal dit nou goed wees as ons bietjie vertoef by die word "selfbeskikking" asook die begrip van "vryheid". 'n Senior lid van die ANC het eendag by 'n konferensie in die Kaap beweer dat Afrikaners ook van apartheid bevry is, dat hulle vry is binne die mees liberale grondwet op aarde en dus geen selfbekikking benodig nie.

Waarop ek hom vra: "Nou waarom kan ons nie ons eie skole beheer nie? Waarom dan nie ons eie skoolkurrikula opstel nie? Waarom mense aanstel wat geen woord Afrikaans kan verstaan en aan ons kinders voorskryf wat hulle mag leer en nie mag leer nie? Wat van ons geskiedenis, ons letterkunde, ons gedigte en ons liedereskatte?"

Vryheid beteken vir my om nie onder beheer van ander persone of instansies te staan nie, om nie deur arbitrêre regulasies ingeperk te word nie, en om my eie denke volgens eie aard mondelings of skriftelik te formuleer en sonder beletsel na ander oor te dra. Dan is jy vry van die bande wat burgers soos marionette beheer.

Selfbeskikking is die som van al die regte wat gesamentlik deur 'n gemeenskap besit word om aan daardie gemeenskap die reg te verleen om sy eie toekoms volgens sy eie aard, sonder die toedoen van enige ander gemeenskap of owerheid, self uit te werk en na te streef.

Beperkings word altyd geplaas op vryheid. Die vryheid van ander persone kan negatief geraak word deur jou vryheid. Enige mens kan sy motor oral heen bestuur, solank hy binne die spoedbeperking en verkeersreëls bly, anders word ander padgebruikers se veiligheid deur jou vryheid van beweging bedreig.

Selfbeskikking van een gemeenskap word egter nooit deur dié van 'n ander bedreig of ingeperk nie. Ek sou sê dat dit die wesenskenmerke van vryheid en selfbeskikking is.

Die gesamentlike regte van gemeenskappe en die vryheid om dit volgens eie aard saam uit te leef, is die reg wat Afrikaners nou moet opeis. Die Suid-Afrikaanse grondwet, soos hy tans geskrywe staan, maak dit moontlik om nou reeds selfbeskikking van 'n gevorderde aard te beoefen, maar dan moet die gemeenskap homself as 'n volwaardie gemeenskap organiseer.

Die semantiek van die Grondwet veroorsaak dat heelwat verwarring by mense oor die begrippe minderheidsregte en gemeenskapsregte bestaan. Nêrens word daar van minderheidsregte in die Grondwet gepraat nie, maar slegs van gemeenskapsregte. Hieronder word godsdienstige, kulturele en taalgemeenskappe bedoel. Terwyl daar in die Afrikaanse politieke semantiek van volke gepraat word, word in die Europese Unie se protokolle van minderhede en minderheidsregte gepraat. Dit skep verwarring by diegene wat hierdie kwessies in Engels wil debatteer.

Die sleutel tot selfbeskking lê daarin dat Afrikaners moet aandring op die skeiding tussen organe van die burgerlike samelewing en van staatsinstellings. Ek het by dr. Christo Landman, voormalige Kommissaris van die Artikel 185-Kommissie, gaan kers opsteek en hier is sy vertolking daarvan:

Dit is 'n fout om uit die Grondwet, 1996, af te lei dat dit vir minderheidsgroepe voorsiening maak.
Die term minderheidsgroepe het 'n etniese inslag.
Etnisiteit herinner aan apartheid, sal die opstellers van die Grondwet redeneer.
Die Grondwet maak wel op allerlei wyses voorsiening vir die regte van georganiseerde gemeenskappe.
So word 'n duidelike onderskeid gemaak tussen organe van die staat (a.239) teenoor organe van die burgerlike samelewing (a.31(1)(b)).
Nie net is daar gesagsverdeling tussen die organe van die staat (wetgewend, uitvoerend en regsprekend) nie, maar ook mag die organe van die staat nie in die interne bevoegdheid van die organe van die burgerlike samelewing inmeng nie.
Die georganiseerde organe van die burgerlike samelewing word in a.185 nader bepaal deur 'n Kommissie vir die Bevordering en Beskerming van die Regte van Taal-, Godsdiens- en Kultuurgemeenskappe.
Artikel 185 en die 185-Kommissiewet 19 van 2002 maak voorsiening vir die registrasie van rade. Alhoewel die 185-Kommissie kan help met die daarstelling van Rade, is en bly dit die plig van organe van die burgerlike samelewing om tot Rade oor te gaan.
Rade is privaatregtelike instellinge wat by die publiekregtelike 185-Kommissie bloot om registrasie vra.
Die reg op godsdiens word in a.15 en die reg op taal en kultuur in artikels 30 en 31 omskryf.
Om 'n gemeenskapsreg te kan bevorder en te kan beskerm moet omskryf word wat met taal, godsdiens en kultuurgemeenskapsregte bedoel word.
Artikel 234 maak voorsiening vir die grondwetlike aanvaarding van ander regte as individuele regte, soos omskryf in hoofstuk 2 van die Grondwet.
Dit behoort die 185 se plig te wees om taal-, godsdiens- en kultuurregte te omskryf en in terme van artikel 234 by die Parlement te laat goedkeur as deel van die Grondwet van SA.
Die aangestelde Kommissarisse sedert 2004 was onbevoeg om hierdie taak te verrig en dit is my submissie dat die Voorsitter 'n politieke opdrag gehad het om Rade te laat skipbreuk ly.

Die 185-Kommissie het liederlik gefaal om sodanige regte te formuleer. Insgelyks het die burgerlike organe nagelaat om dan in die afwesigheid van prestasie deur 185 sodanige regte te omskryf.

Ons het dus te make met 'n lam regering wat nie rigting het nie en slap gemeenskapsorganisasies wat hulself nie in verteenwoordigende rade wil organiseer om hul plig teenoor toekomstige geslagte na te kom nie.

Hieruit kan mens aflei dat die ANC-regering willens en wetens die grondwet volgens hul eie agenda vertolk en die land se kultuurgemeenskappe laat Gods water oor Gods akker loop terwyl elkeen van 50 Afrikanerorganisasies die volk op sy eie wil red.

As Afrikaners nie eens in staat is om hul gemeenskapsregte op te eis nie, kan hulle die volkstaatdroom maar op hul mae skryf. 'n Volkstaat sal nie uit die lug op hulle neerdaal nie.

free casino gambling

Regses wag op ‘n leier

Uit wat ander briefskrywers vermeld, kan ons aflei dat daar voor 1994 omtrent 800 000 regses was. Hiervan was omtrent 450 000 ondersteuners van 'n volkstaat. Die volkstaters het toe die Vryheidsfront van genl. Viljoen gesteun. Sedertdien het 300 000 van hulle die Vryheidsfront+ verlaat.

Baie van die regses wat nie 'n volkstaat ondersteun het nie, kon moontlik sedertdien van gedagte verander het. Dus kan tussen 450 000 en 800 000 tans hulle steun aan 'n volkstaat toesê.

Waarskynlik wag hulle op 'n leier.

Sal 'n volkstaat bereik kan word binne die huidige stelsel of daarbuite?

Nie een van die rubrieke of briewe maak melding van die Volksraadverkiesingskommissie nie. Is hulle nie van hierdie opsie bewus nie of wil hulle nie daarvan bewus wees nie?набор инструментов

Die politieke na?witeit van die Vryheidsfront Plus

As 'n entoesiastiese Praagwebwerfleser het ek met verbasing gesien hoe ontnugter die meeste Praagrubriekskrywers is oor die afgelope algemene "verkiesing". Dit kom klaarblyklik van mense wat vir die Vryheidsfront Plus gestem het, want "elke stem tel". Niemand van die Vryheidsfront Plus kon eintlik vir ons vertel wat is die Vryheidsfront Plus se ideaal of visie nie. My inligting is dat die Vryheidsfront Plus toenemend skaam geword het vir sy volkstaatbeleid.

Die feit bly staan dat die meeste regses wat voor 1994 vir die KP en HNP gestem het (en "nee" gestem het in die referendum), tereg besef het die Afrikaner se tyd vir partypolitiek is verby en nie gaan stem nie.

Die Vryheidsfront Plus dien tans slegs twee doele:

a) Om 'n hand vol politici op die soustrein te hou;

b) om 'n ANC-eenpartymagstaat elke vyf jaar te help rubberstempel as 'n "demokrasie".

Die Vryheidsfront Plus wil namens Afrikaners praat, maar verstaan nie die land se geskiedenis nie. Die term "Afrikaners" is geskep met Uniewording in 1910 om 'n nasie te skep uit die "Cape Dutch", die hensoppers en joiners, en dan natuurlik die bittereinders van die Anglo-Boereoorlog. Hierdie bittereinders het nog in 1914 gerebelleer teen hierdie opset wat die resultaat was van Britse Imperialisme ("De la Rey, sal jy die Boere kom lei?").

Om die sogenaamde Afrikanernasie deur sosiogeniëring te vestig het die "Cape Dutch" in die 1930s die Nasionale Party oorgeneem en die "swart gevaar"-taktiek (weet nou waar die "stop Zuma" vandaan kom?) gebruik om "Afrikaners" te konsolideer in een party. (Rasdiskriminerende wetgewing is soos deur 'n worsmasjien geproduseer). Suid-Afrika is toe sedert 1948 as eenpartymagstaat geregeer volgens die Afrikamodel.

Die sogenaamde reënboognasie is weer 'n nuwe projek in sosiogeniëring wat in 1994 begin het en teen 2009 reeds heeltemal misluk het(lees R.W. Johnson se jongste boek).

Die feit is dat Suid-Afrika soos sy naam aandui nie 'n politiek lewensvatbare staat is nie, maar 'n geografiese gebied geskep deur Britse imperialisme wat niemand weet hoe om te regeer nie of te laat sterf nie.

So waar laat dit my mede-Praaglesers? Het dit nie tyd geword dat die begrip "Afrikaner" ontbondel word in "Afrikaanses"(Naspers kan hiemee help) aan die een kant en Boere aan die ander kant nie?

Laasgenoemde groep sal moet teruggryp na die ideale (nie metodes) van die 1914-rebellie (Sal de la Rey weer die Boere kom lei?) en Orania aktief begin bemark (Johann Wingard kan hier help) as die begin van 'n alternatief vir Australië.
President Zuma is dalk die man wat met die onderhandeling van hierdie ideale kan help.

Лобановский Харьков

Introspeksie oor die verkiesing

Ek moet sê dat dit ’n plesier is om deur al die briewe te lees wat op PRAAG se webbladsy geplaas word. Dit getuig van ’n eerlike introspeksie ná die afgelope verkiesing.

As ’n mens eerlik moet wees, lyk die pad vorentoe maar baie grys en selfs Pieter Mulder sal baie moed moet saamskraap om nog aan te gaan ná sy reuse poging tot dusvêr. (Dankie daarvoor, maar soos deur ander skrywers opgemerk, was julle poging skynbaar heeltemal te eerlik!?)

Ek sou bitter graag egter wou uitvind wat die ouderdomsprofiel was van mense wat vir die Vryheidsfront gestem het want ek hoop om daaruit krag te put vir die toekoms. My raaiskoot (wens) is soos volg:

Bo 60 (15%) – Die siniese groep; ook die profiel wat nie aan die verkiesing deelneem nie
50 – 65 (25%) – Die klein bietjie mense wat nog in die Afrikanerideaal glo
35 – 50 (5%) – Die afwesige selfsugtiges; hoekom moet ons iets prysgee vir ’n groter ideaal?
Onder 35 (55%) – Die jong groep wat nie ander opsies het as om dinge vir hulleself in Afrika te maak werk nie

As die Vryheidsfront dit kan regkry om hierdie jonger geslag se ideale en aspirasies in die huidige “samewerkende styl” te kanaliseer, het ek hoop vir die toekoms.

Mense, ons moet hard stry vir ten minste een volledige Afrikaanse universiteit en ander tegniese kolleges. Dít, saam met moedertaalonderrig, is die enigste manier hoe ons as groep in die toekoms kan bewys dat ons onmisbaar in Afrika is.

Hier is nog ’n paar redes hoekom ek glo Afrikaanse mense vir die DA gestem het:

1. Afrikaans / Afrikaners / Boere as ’n produk het lyk vir my sy bemarkbare status geheel en al verloor.

Om die waarheid te sê, Afrikaanse mense wens dit weg. Voorbeelde hiervan is die aanhang van Engelse predikers soos Angus Buchan terwyl daar daagliks wonderlike werk deur Afrikaanse predikante in honderde gemeentes gedoen word. ’n Ander duidelike voorbeeld is die keuse van duisende Afrikaanse mense om eerder hulle heil in ander lande te gaan soek, as om mekaar te vertrou vir ’n oplossing. Die pers het regtig daarin geslaag om die mense te breinspoel dat Afrikaans aanstoot gee en veragtelik is (so asof ’n swart moordenaar eers aan sy slagoffer vra of hy Afrikaans is voordat hy hom doodmaak).

2. Alle kiesers se stemme gaan in ons moderne tyd slegs om potensiële finansiële voordeel.

Die swart stem is ’n stem vir ’n model wat hulle glo die beste finansiële voordeel vir hulle sal bring. Die stem vir die DA is nie ’n ideologiese stem nie, maar slegs ’n poging van Westerlinge in Afrika om deel te hê aan ’n ekonomiese model wat hopelik vir hulle voordeel sal bring.

3. Die hoofstroom-Afrikaner het “common” geword.

Elke keer as ek die Robbie Wessels Vodacom-advertensie sien (en nog baie ander voorbeelde), voel ekself regtig skaam om myself daarmee te assosieer. Ek hoop regtig dat ons 21ste-eeuse kultuur meer as net rugby, braaivleis en skindertydskrifte verteenwoordig.

игри для девочке депутат лобановский

Herbesin oor VF-leierskap?

As 'n VF Plus-ondersteuner in die afgelope verkiesing, is dit teleurstellend om te sien dat die VF Plus nie daarin kan slaag om die deursnee-Afrikaner te oortuig dat identiteits- of minderheidspolitiek die enigste werklike oplossings bied vir ons volk se toekoms nie, veral nie ná die moontlikheid van politieke suurstof wat Zuma se onlangse ontmoeting met Afrikanerorganisasies vir ons geskep het nie. Feit is dat die VF Plus onder Pieter Mulder in sowel die 2004- as 2009-verkiesings geen vordering getoon het nie.

Dit is duidelik dat, alhoewel ek hoë agting vir dr. Mulder het, sy leiding nie oor die nodige dinamika en kragdadigheid beskik om die volk agter VF-beleid te monster nie. Die Afrikaner koop nie in die VF Plus in nie, die laaste twee verkiesingsuitslae bevestig dit en indien die leierskapskwessie nie aangespreek gaan word nie sal die party krimp en sy bestaansreg nie meer geregverdig kan word nie.

Die vraag is of die VF Plus dit sal besef en of daar kandidate binne die party is wat wel die vonk kan verskaf. Die VF Plus onder Mulder word geassiosieer met verloor; dit is hard, maar dit is die werklikheid. Ek hoop die VF doen ernstige selfondersoek en besef nuwe leierskap met 'n nuwe, vars en effektiewe bemarkingstrategie is broodnodig. Ek hoop van harte so.

online casino no

Klein partye sal moet keuses maak

Verskeie politieke ontleders vra of ondersteuners van klein partye sal volhou om lojaal te bly as hul stemme so vermors word.

Kyk mens na die getalle van die klein partye op nasionale vlak, lyk die prentjie uiters verdoemend.

IVP 804260 LP's 18 Gemiddeld per LP 44,681
OD 162 915 LP's 4              "                 40,728
UDM 149 680 LP's 4           "                 37,420
VF+ 146796 LP's 4             "                 36,699
ACDP 142 658 LP's 3         "                 47,552
Gemiddelde getal kiesers per setel       41,416

Daar is skynbaar 'n redelike ingewikkelde formule wat gebruik word om die getal setels te bereken, maar bogaande toon dat elke LP ongeveer 41,000 kiesers verteenwoordig.

Kyk mens na bogenoemde getalle lyk dit of die volgende twee opsies strategiese moontlikhede vir die VF+ is:

Óf die VF+ groepeer saam met ander streekspartye soos die IVP, UDM, OD en selfs die ACDC en ontwikkel 'n gesamentlike strategie wat die groepsidentiteite van al die kiesers sal beskerm, of hy gaan in koalisie met die ANC om binne die regeringsparty die Afrikaners se belange te bevorder.

Die eerste opsie sal vanweë korporatiewe en persoonlike egos moeilik haalbaar wees en sal in direkte opposissie met die DA, COPE en die ANC staan. Daarmee vorm hulle dan 'n sigbare teiken wat deur die sterker drie soos 'n slaansak bearbei sal word. Behalwe vir politieke masochiste, is dit 'n haas onverteerbare vooruitsig en laat dit slegs die eerste opsie as polities haalbaar.

In so 'n geval verkry 'n ANC/ VF+ koalisie dan 'n tweederde meerderheid in situasies wanneer dit die VF+ sou pas, byvoorbeeld as bepaalde vorms van selfbeskikking vir minderhede deurgevoer moet word.

In sy stuk, 'Waarom nie by die ANC aansluit nie?' beredeneer Anton Barnard heel logies dat as die VF+ getrou aan sy roeping wil bly om Afrikanerbelange te bevorder, hy baie ernstig sal daaraan moet dink of dit praktiese politiek sal wees.

Oor my skouer hoor ek reeds 'n growwe rasperstem wat kners: "So, nou wil julle Boereverraaiers met die Kommuniste en die antichrist gaan heul. Wat het dan van julle beginsels geword?"

Waarop mens sou kon antwoord: "Beginsels? Watter beginsels? Praat jy van die haatbeginsel waarin ons die Engelse en die swartes moet haat? Van wanneer af is haat tot 'n beginsel verhef? Gaan samewerking met die maghebber nou outomaties verhef word tot liefde vir iemand anders se saak?

Of wat dan van die beginsel van standvastigheid, waar verwag word dat mens altyd dieselfde deuntjie moet sing? Slegs baie dom mense steun so 'n standpunt; intelligenter mense gebruik hul gesonde verstande om elke moontlikheid te ondersoek om probleme op te los. Die enigste geloofwaardiege en standvastige beginsel vir die mens op aarde is om God se Gebooie te onderhou en sy naaste soos homself sal liefhê. 'n Godloënaar se politieke beginsels is nie 'n sikspens werd nie. Sy haatbeginsel sal omgesit moet word in een van liefde voordat sy medemens hom ernstig sal opneem.

En verder: wat dan van die bykans 2,000 boere wat sedert 1994 wreed vermoor is en die duisende onskuldige mense wat daagliks geplunder en gemartel word? Wil julle werklik met die vyand gaan heul?

Hierop kan mens antwoord dat, sou ons nie iets vindingryks doen en gou weer elemente van mag en invloed bekom nie, gaan daar 'n verdere 2000 boere op die plase sterf, gaan daar meer jong Afrikaners armlastig word en sonder werk, kos of dak sit. Dan sou die Groot Trek en die Vryheidsoorloë futiele grepe in Afrika se geskiedenis wees. Dan sal die Afrikanervolk geoffer word aan rassiste en godloënaars wat aan 'n ernstige graad van die magsindroom lei.

Binne so 'n koalisie sal die VF+ in staat wees om sy verkiesingsbeloftes beter na te kom as daarbuite. Hy sal egter teen 'n gesamentlike koukus moet waak, want die verstandhouding moet wees dat die VF+ party die gewete van die Afrikanersaak binne die koalisie sal wees, en nie om die ANC of kommunistiese party se agendas te dien nie. Daarvoor is die ANC se eie getalle heeltemal voldoende.

для девочки игра Фільчаков прокурор

Waarom nie by die ANC aansluit nie?

JH du Toit se rubriek is 'n deprimerende dog nugtere en realistiese blik op die benarde posisie waarin Afrikaners hulself tans bevind. Alhoewel die VF+ 'n rapsie meer stemme as in 2004 gekry het, is dit niks om oor huistoe te skryf nie. Sowat 150 000 stemme verteenwoordig maar 'n breukdeel van alle Afrikanerkiesers.

Afrikaners verkies eerder om vir die Joods-Engels-gedomineerde ANC-Lite, die DA, te stem. Soos voorheen aangedui, is daar beleidsgewys egter min te kies tussen die ANC en die DA. Beide hang die multikultivisie aan. Beide staan transformasie en regstellende aksie voor. Beide doen entoesiasties mee aan straatnaamveranderinge van Afrikaanse straatname, soos die DA in Kaapstad gemaak het en die ANC in Pretoria.

Johann Wingard is die voormalige voorsitter van die Volkstaatraad. Hy het met 'n interessante gedagte vorendag gekom in hierdie skrywe. Sy vraag is: siende dat die VF+ se model in ieder geval 'n soort samewerkingsmodel met die ANC verteenwoordig, en siende dat die meeste Afrikanerkiesers in ieder geval klaarblyklik gemaklik blyk te wees met leiers van buite ons etniese groep, waarom sluit die VF+ hom nie bloot by die ANC aan nie?

Dis nie sonder sy presedente nie – die NNP het so gemaak en Kortbroek het 'n kabinetspos as beloning gekry.

Uit 'n Machiavelliaanse oogpunt sou dit op 'n manier sin maak. My vyand se vyand is soms my vriend, as dit ons albei pas. Daar is niemand, behalwe Afrikaners, wat die Engelse in SA so haat soos vir Zuma nie. Die verskil tussen die DA en ANC, soos hierbo aangedui, is nie soseer beleid of ideologie nie, maar bloot watter rassegroepe vir die twee partye stem en die gelaatskleur van hulle leiers.

Siende dat Afrikaners in ieder geval skynbaar polities-gesproke boedel oorgegee het aan volksvreemdes, waarom ons nie skaar by die sterker party vir die doeleindes van politieke mag nie? Die ANC, uit hoofde van blote getalle, kan meer vir Afrikaners doen as wat die DA kan.

Wat Afrikaners het, en die ANC benodig, is kundigheid. Dink net hoe sal dit vir Botoxzilla-hulle irriteer as daar 'n paar ANC-stadsrade kom met Afrikaners as munisipale bestuurders en stadsingenieurs, wat goed bestuur word. Die ANC sou dus kritiek kon afweer dat hy bestuursvaardighede kort, en Afrikaners sal hopelik ook voordeel uit so 'n verwantskap kon trek.

Is bostaande sinies en opportunisties? Ja, beslis. Watter politiek is egter nie sinies en opportunisties nie? Dit sal in ieder geval meer sin maak, weer eens op 'n Machiavelliaanse wyse, as wat deelname aan 'n onwenbare rassesensus bekend as SA se verkiesings tans maak. Want sien, die demokratiese prosesse wat enigsins saak maak, het nie op 22 April 2009 plaasgevind nie. Dit was eerder in Desember 2007 in Pietersburg, toe Mbeki onttroon is.

As ons wel aan partypolitiek wil deelneem (en daar is kennelik diegene wat meen buite-parlementêre weerstand is verkieslik), waarom neem Afrikaners nie eerder deel aan die prosesse wat wel 'n verskil kan maak nie? play casino slots лобановский политик

Pakistan van groot strategiese belang

President Barack Obama het Woensdag sy kommer uitgespreek oor die swakheid van Pakistan se regering en het nie Amerikaanse inmenging uitgeskakel indien die Islamitiese land se kernwapens in ekstremistiese hande sou beland nie.

In ‘n spitstydnuuskonferensie wat die 100-daemylpaal van sy presidentskap markeer, het Obama gesê: “Ons wil hulle soewereiniteit respekteer, maar ons wil ook erken dat ons groot strategiese belange het – groot nasionale veiligheidsbelange – om seker te maak dat Pakistan stabiel is en dat mens nie eindig met ‘n kernbewapende militante land nie.”

Pakistan, die Islamitiese wêreld se enigste verklaarde kernwapenstaat, is woedend oor Amerika se inmenging in sy soewereiniteit.

Pakistan het Amerika gevra om sy soewereiniteit te respekteer en toe te laat dat hulle op hul eie na militante soek, maar Amerikaanse amptenare het gesê elemente in die Pakistanse intelligensie het militante waarskuwings gegee van vorige aanvalle en soektogte.

детски машина

Zille vs. Zuma

Soos ander skrywers het ek ook twee briewe aan Beeld geskryf om my misnoeë met die DA se verkiesingsveldtog uit te spreek. Ek het ook die punt uitgewys dat die DA en ANC eintlik ideologies 'n tweeling is. Beeld het my briewe ook nie geplaas nie.

Ek sien gister dat Beeld darem een brief geplaas het waarin die skrywer se hy het teen sy beterwete vir die DA gestem. Ek dink dis tyd dat Afrikaners óf nie stem nie óf ten minste begin om die VF+ te steun. In die komende 5 jaar het ons genoeg tyd om mense in te lig oor wie en wat Zille en die DA werklik is.

Die buite-parlementêre weg wat die VF+, die mense van Soldariteit, PRAAG en vele ander Afrikanergroepe volg sal na my mening meer vrugte afwerp. Zille se konfrontasiepolitiek kan SA baie maklik in komende verkiesings in 'n Zimbbawe-tipe situasie dompel. Ek twyfel of Zille 'n steek omgee; sy sal nie deur woedende opgesweepte massas in die hande gekry word nie, maar haar wit ondersteuners sal die spit afbyt.

Dis verblydend dat die Nasionale Belastingsbetalersunie daarin geslaag het om n ooreenkoms met die Departement van Waterwese te onderteken. Volgens hierdie ooreenkoms sal die NBU met die Departement saamwerk om meer as 200 dorpe se riool- en waterstelsels onmiddellik reg te ruk. Hierdie tipe vordering wat gemaak word, word deur die koerante verswyg en bitter min lede van die publiek is bewus van die samewerkingsooreenkoms tussen die NBU en Waterwese.

Die impak van hierdie gebeurtenis is groter as wat baie mense besef omdat die regering n bereidwilligheid verklaar het om nouer saam te werk met kundiges wat lank oorbodig was. Die DA kan natuurlik nie politieke munt uit so n gebeurtenis slaan nie omdat die NBU 'n nie-politieke organisasie is wat munisipale inwoners regoor die land verteenwoordig.

Wat die NBU bereik het, kan na elke ander sfeer in die Suid-Afrikaanse samelewing uitgebrei word. Dit sal ons net kan doen as ons buite die politiek bly en die deur wat Zuma onlangs oopgemaak het sinvol benut.

Ek glo dat indien ons sou begin om ons hulp en insette op n subtiele wyse aan die ANC-regering te bied, ons nog veel in die land kan vermag. Die Britse politieke stelsel werk nie in Afrika nie en het 'n nare manier om politici se neuse in hul foute te vryf. Ons weet almal wat die gevolge daarvan in Afrika is.

Deur met Zuma saam te werk, kan moontlik blankes se enigste opsie wees om in Suid-Afrika te oorleef sonder om hul standaarde drasties te verlaag. Want kom ons wees nou eerlik: die meeste blankes sal eerder na Australië emigreer as om binne Suid-Afrika in 'n volkstaat te gaan bly. Polities sal ons nooit weer die mag in ons hande hê nie, maar maak dit werklik saak as mens op ander maniere dinge kan laat gebeur wat in elk geval vir almal, wit en swart, tot voordeel strek?

динамо центр

Afrikaners verwerp etniese politiek

Die uitslag van die 2009 algemene verkiesing is 'n werklike terugslag vir Afrikaners se politieke belang. Hoewel Afrikaners geen hoop gehad het om by wyse van enige politieke party die mag oor te neem nie, is dit die wyse waarop Afrikaners gestem het wat aandui dat die huidige breë politieke beweging vir Afrikaner-selfbeskikking bittermin impak het.

Die swak vertoning van die VF+ het nou finaal getoon dat die party geensins Afrikaners se verbeelding aangryp nie. Deels sou dit seker toegeskryf kan word aan die verbeeldinglose en vaal leierskap van die VF+. Hierdie party se ‘samewerkende’ opponerende styl tot die ANC skep waarskynlik weinig vertroue by Afrikaanse kiesers. Boonop onderspeel die party Afrikaner politieke selfbeskikking, een van hul amptelike beleidspunte, in der mate dat dit eerder voorkom asof die spesifieke beleidspunt 'n verleentheid vir die party skep. Die party se onvermoë om meer aktivisties om te gaan met Afrikaner-politiek, te midde van ons huidige krisis, versterk verder die gevoel van beroepspolitici wat nie die appelkar wil omgooi nie.
Hoewel die VF+ 'n sentrale rol gespeel het in die herwinning van Suid Afrikaners in die buiteland se stemreg, het daardie einste kiesers die party grootskaals ten gunste van die DA verwerp. Dit moet sekerlik die grootste klap in die VF+ se gesig wees.

Die feit dat Afrikaners grotendeels vir die liberale multikulturele DA en in mindere mate vir die swart oorheersde Cope stem, is nie net ‘n stem van afkeur vir die VF+ nie, maar ook vir Afrikanerselfbeskikking in die geheel. Afrikaners ondersteun by implikasie die huidige politieke orde en onderskryf in alle dwaasheid die idee dat deelname deur middel van die DA hul lot kan verbeter.

Nie net is hierdie toedrag van sake ‘n groteske aanduiding van die mislukking van die VF+ nie, maar dui dit ook op die mislukking van die breë Afrikaner-selfbeskikkingsideaal en almal wat hulleself daarvoor beywer. Die leiers van die versplinterde regse beweging het ernstige rede tot nadenke. Duidelik het hul onderskeie pogings om afkeer van die linkse DA te toon geensins byval by die kiesers gevind nie. Moontlik was die gefragmenteerde boodskap doodgewoon so difuus dat dit nooit by die meerderheid Afrikaners uitgekom het nie. Klaarblyklik het die breë regse beweging ook klaaglik misluk in hul poging om die idee van die volkstaat te bemark. Indien die kiesers entoesiasties oor laasgenoemde idee was, sou mens immers ‘n beter uitkoms vir die VF+ as die enigste parlementêre verteenwoordiger vir die idee kon verwag … of altans so sou mens kon redeneer.

Mens sou verder kon argumenteer dat Afrikaners regse politiek en die selfbeskikkingsideaal bykans geheel en al afgeskryf het en hul futiele lot by die ANC, DA en Cope se multi-kulti-swart meerderheidsoorheersde NSA ingewerp het. Dit is werklik ‘n hartseer stand van sake, maar moet sekerlik voor die deur van die gefragmenteerde en swak leierskap van die breë regse beweging gewerp word. Afrikaners het duidelik die keuse om in belang van hul etniese belange te stem, verwerp ten gunste van ‘n identiteitslose multi-rassige opposisieparty. Dat die voormalige Black Sash-lid, Helen Zille, Afrikaners meer inspireer as Afrikaner-leiers, is 'n belediging vir laasgenoemde.

Die feit dat daar te veel ego's ter sprake is – en ook 'n sekere fundamentalisme wat meebring dat ‘n breë regse kompromie nie gevind kan word nie – mag nou die finale spyker in die Afrikaner se politieke doodskis wees. Mens kan alleen wonder of Afrikaners hulself werklik nog as ‘n etniese groepering beskou. My gevoel is egter dat daar nie asem opgehou moet word dat Afrikaner-leiers hul politieke huis in orde sal kry om die stand van sake om te keer nie.

free slot spins Данильченко Харьков

Ek is dankbaar vir Orania, al is dit ‘n spikkel

Dan Roodt skryf soos volg oor Orania hier : "Elke 12 ure word daar in Suid-Afrika ongeveer 700 swart babas gebore, dus verteenwoordig Orania 'n blanke demografiese spikkel wat liefs geïgnoreer of die spot mee gedryf kan word."

As ek my somme reg maak, beteken Dan Roodt se berekening dat daar 3,066,000 swart babas per jaar gebore word in die RSA. Dit is 500,000 meer as die totale Afrikanerbevolking, oud en jonk, indien ons, ons eie bevolking redelik positief skat. Erger nog; elkeen van daardie 3,066,000 gaan oor 18 jaar kan stem. By implikasie is die ganse Afrikanervolk 'n demografiese spikkel en verklaar dit waarom die magshebbers in Suid-Afrika (insluitend die DA) ons ignoreer of die spot mee dryf.

Nou ja, Orania het miskien op die oomblik net 700 siele, maar Orania is die enigste plek waar daardie 700 swart babas wat elke 12 ure gebore word, hulself nie vestig nie.

Ek is dankbaar vir Orania vir die hoop en die toekoms wat die dorp en streek ons bied. Dit sal dwaas wees indien Afrikaners sou begin spot met dit wat ons het, want ons het so bitter min.

барбі дом мечты депутат лобановский

Onder die multikulti-masker skuil identiteitspolitiek

In die rekenaarwese praat hulle mos van: WJSIWJK, oftewel "wat jy sien, is wat jy kry". In die Suid-Afrikaanse politiek geld presies die teenoorgestelde: wat jy sien, is juis nie wat jy kry nie.

Laat ek verduidelik.

Woensdag se verkiesingsuitslae toon duidelik dat Suid-Afrikaners stem vir die party van hul eie rasse- en kultuurgroep, met die moontlike uitsondering van Afrikaners wat óf nie gestem het nie óf hul lot by dié van die Engelse liberale party, die DA, ingewerp het.

In vandag se Business Day beaam Steven Friedman dieselfde punt as hy sê: "Ons verkiesings oor die afgelope 15 jaar het primêr oor identiteite gegaan: diegene wat stem, kies partye nie op sterkte van inkopies om te bepaal watter mededinger die beste transaksie bied nie, maar op grond van hul bepaling van wie namens hulle en mense soos hulle praat."

Vir iemand uit die liberale skool soos Friedman om dít te bely, spreek boekdele oor die krag van identiteitspolitiek in Suid-Afrika.

Ironies genoeg probeer die meeste politici en meningsvormers om dié eenvoudige waarheid te ontken. Sedert Tony Leon se "veg terug"-veldtog in 1999, het die DA hom geposisioneer as 'n party vir blankes wat ander minderheidsgroepe soos kleurlinge en Indiërs in hul geledere koöpteer. Die enigste provinsie waar die DA tot dusver min of meer vyftig persent van die stemme kon verkry, is in die Wes-Kaap waar blankes en kleurlinge 'n demografiese meerderheid teenoor swartes en spesifiek Xhosas uitmaak.

Op die oog af, natuurlik, projekteer die DA 'n multikulturele beeld met slagspreuke soos "die party vir al die mense" en "een nasie, een toekoms". Dog kiesers is slim genoeg om tussen illusie en werklikheid te onderskei, soos die dame met wie ek Woensdag meer as twee ure in die ry voor die stembus moes staan en heel duidelik DA sou stem.

Synde blank en Engelssprekend, was haar eerste woorde aan my: "Dis baie belangrik om te stem, veral vir ons wittetjies, en om die ANC te verhoed om 'n tweederdemeerderheid te verkry."

Natuurlik het haar stem nie die ANC gekeer om wel 'n tweederdemeerderheid te behaal nie, maar waarskynlik som haar woorde die motivering vir die meeste van die DA se kiesers baie mooi op.

Iemand het iewers gesê dat die politiek daaruit bestaan om die teenoorgestelde te doen as wat jy sê. Moontlik is dit waarom Engelse en Xhosas so goed vaar in die Suid-Afrikaanse politiek want hulle vind dit gemakliker om 'n front vir hul ware oogmerke voor te hou, anders as die Afrikaners byvoorbeeld waarvan die legendariese eerlikheid eenvoudig nie vir die huidige skimmespel deug nie.

Dit verklaar moontlik die paradoks waarom die partye wat "eerlike" identiteitspolitiek voer, soos Inkatha en die Vryheidsfront Plus, by die stembus so bedroë daarvan afgekom het. Pleks daarvan dat hulle, soos die ANC en DA, onregstreekse identiteitspolitiek beoefen, sê hulle reguit dat hulle Zoeloe- of Afrikanerbelange wil dien, 'n soort polities inkorrekte onbloting wat die gemiddelde kieser laat bloos. Iets in die trant van: die keiser is kaal en moet kaal bly, maar laat ek nie die eerste persoon wees wat dit sê nie.

Aan die ander kant mag dit wees dat kiesers nie soseer identifiseer met partye se beleidsrigtings wat in elk geval duister is nie, maar met 'n ander stel veranderlikes, soos lyftaal, stemtoon en etniese testosteroon.

Soos die grappe destyds oor mev. Thatcher gelui het toe sy "mans genoeg" was om die Britse kabinet te domineer, maak Helen Zille 'n veglustiger indruk as Pieter Mulder en is die gemiddelde bedreigde blanke wat 'n Zimbabwe vrees dus meer geneig om vir haar as die leier van die Vryheidsfront Plus te stem.

Zuma se gewildheid is insgelyks daaraan te danke dat hy onbeskaamd sy swart en Zoeloe-identiteit uitleef, al maak hy dan soms vriendelike geluide oor Afrikaners. Daarom sien die swart kieser hom as 'n geloofwaardiger swart nasionalis as Buthelezi of ander swart leiers wat "tradisionele" politiek beoefen, maar in hul gedrag en logika meer Westers voorkom. Die lakmoestoets hiervoor is sekerlik om te kyk hoe die etniese en rasse-opponent jou sien. Verreweg die meeste blankes hou van Buthelezi en vind hom gematigd en rasioneel, terwyl hulle Zuma en sy masjiengeweerliedjies vrees. Net so word Pieter Mulder en die Vryheidsfront Plus deur swartes as 'n soort folkloristiese Afrikanerparty gesien wat in wese skadeloos is en nie hul mag bedreig nie, 'n bietjie soos Orania met sy 700 siele. Elke 12 ure word daar in Suid-Afrika ongeveer 700 swart babas gebore, dus verteenwoordig Orania 'n blanke demografiese spikkel wat liefs geïgnoreer of die spot mee gedryf kan word.

Heel moontlik kyk die swart, blanke of kleurlingkieser daarom eers na hoe die vyand sy leier of sy party sien alvorens hy sy kruisie gaan trek. Zuma se gewildheid het veral gebaat by al die negatiewe publisiteit wat hy in die hoofstroommedia van blanke kommentators en spotprenttekenaars soos Zapiro ontvang het; dit het die idee by sy ondersteuners gevestig dat hy oor die nodige moed beskik om juis die blanke establishment aan te vat.

Toe Julius Malema van die ANC insgelyks die liberale Helen Zille in Natal 'n "rassis" genoem het, het hy haar aantreklikheid by blanke kiesers verhoog, as iemand met 'n verskuilde rasseprogram wat sy doeltreffend agter haar liberale masker verberg.

Die afgang van die kleiner politieke partye is heel moontlik daaraan te danke dat hulle nooit deur hul opponente aangeval of beledig word nie en gesien word as te naïef of te onskadelik om 'n dubbele spel te voer.

Mandela het waarskynlik die grondslag vir politiek in die nuwe Suid-Afrika gelê deur te maak asof hy die blankes se vriend was terwyl hy hulle ondergrawe en vernietig het. Met ander woorde: wat jy sien, is nie wat jy kry nie.

Zim steel geld uit privaat bankrekeninge

Zimbabwe se sentrale bank se goewerneur het erken dat hy sonder toestemming geld geneem het uit bankrekeninge van private besighede en hulpgroepe, en het gesê dat hy net probeer het om sy land se arm ministeries aan die gang te hou .

In ‘n verklaring wat ondenkbaar sou wees komende van die meeste sentrale banke, het dit voorgekom asof Gideon Gono, die goewerneur van die reserwebank ‘n pleidooi gemaak het om sy pos te behou te midde van toenemende kritiek.

Gono het gesê dit is tyd om “die verlede agter te laat” noudat Zimbabwe ‘n nuwe koalisieregering het wat toegewys is en wat die ekonomiese agteruitgang wil keer.

Die sentrale bankier het gesê hy het die geld wat hy geneem het as lening gegee aan verskeie ministeries, en die private rekeninge sal weer herstel word sodra die lenings terugbetaal is. Hy het gesê die bank se poging het “die land gedra” in sy uur van nood.

Gono se verklaring het getoon die praktyk is wydverspreid. Dit was verlede jaar vir die eerste keer genoem, toe die internasionale hulpagentskap Global Fund gedreig het om Zimbabwe se fondse om Vigs, TB en malaria te bestry af te sny, tensy die geld wat uit hulle rekening geneem is teruggeplaas word. Die sentrale bank het $7,3miljoen aan Global Fund terugbetaal.

Die stroop van buitelandse geld is net een van die kwessies wat bevraagteken word en waarvoor Gono skerp gekritiseer is.

Aanvalle op Gono is tans aan die oplaai die afgelope paar dae nadat hy sowat 50 gebruikte karre aangebied het vir nuwe regeringslui van beide Mugabe se party en Tsvangirai se MDC. Kontroversie oor die karre het gelei tot ondersoeke van die sentrale bank se werking, wat strek van die koop van eetgerei tot besighede wat Gono op die kantlyn bestuur.

In sy verklaring vandag, het Gono ‘n beroep gedoen op die nuwe lede om die karre terug te gee, maar gesê dat die aanbod in goedertrou gemaak is.

Gono het gesê dat hulle vir die karre gevra het sodat hulle oor die land kan reis om die boodskap van hervorming en nasionale rekonsiliasie uit te dra.

фильтр компрессора topcargo кидалы