Afrikaanse nuus – Bladsy 11

Amateurs verantwoordelik vir Amerikaanse foltermetodes

Twee sielkundiges, amateurs wat nog nooit 'n gevangene ondervra het nie, was verantwoordelik vir die CIA se ondervragingstegnieke by gevangenisse soos Guantanamo wat wêreldwyd opspraak gewek het.

James Mitchell en sy vennoot Bruce Jessen van die maatskappy Knowledge Works het die handleiding geskryf wat gebruik is om Al-Kaidaverdagtes te folter.

Mitchell, 'n toegewyde Mormoon, was voorheen betrokke by die Amerikaanse weermag se geheime SERE-program. SERE staan vir die Engelse Survival, Evasion, Resistance, Escape, en is ontwerp om Amerikaanse soldate voor te berei indien hulle gevang en gemartel sou word.

Van die metodes wat Mitchell opgeteken het is ook oorgedra uit die ervaring van die Koreaanse oorlog. Soldate word kaal uitgetrek, aan uiterste temperature blootgestel, moet harde musiek verduur en word teen mure gegooi. Die berugte waterbordonderdompeling is ook toegepas.

Albei mans, Mitchell en Jessen, is patriotiese Amerikaners wat gretig was om by die 'Oorlog teen terreur' betrokke te raak. Daarbenewens was dit 'n sakegeleentheid wat groot winste beloof het toe hulle deur die CIA genader is om as kontrakteurs op te tree.

Maar politici in Washington is gewaarsku deur ander SERE-opleidingspersoneel dat die metodes nie in ondervraging gebruik behoort te word nie. Lt-kolonel Daniel Baumgartner, in bevel van SERE-opleiding, het gemeen dat sulke tegnieke "nie baie betroubaar" is nie en dat dit die teenoorgestelde uitwerking kan hê as wat beplan is.

Baumgartner het ook gewaarsku dat dit openbare en politieke teenreaksie kan meebring as dit aan die lig sou kom. Die waarskuwings het egter nooit die ore van politici bereik nie en George Tenet, eertydse CIA-direkteur, het sy politieke base verseker dat dit die beste ondervragingsmetode is omdat dit reeds op duisende Amerikaners getoets is.

поршневой компрессор

Afrikaners vandag

Dis tyd dat ons die waarheid in die oë kyk. Die Afrikaner as kollektiewe entiteit is tot niet. Ons kollektiewe bewussyn is oor die afgelope 200 jaar gekweek uit die loutering van twee vryheidsoorloë en omstandighede wat samewerking tot 'n oorlewingsmeganisme verhef het. Sedertien is hierdie kollektiewe bewussyn polities gemanipuleer om 'n nuwe blanke volk ryp te druk deur die apartheidsjare. Om hierdie nuwe volk teen die getalle monster van die swartes te beskerm, moes die kollektiewe status ten alle koste behou en uitgebou word, en dit was ook so. Die onuithoudbare onregverdigheid en diskriminasie van Apartheid was uiteindelik 'n groter krag wat hierdie kollektief langs sy natuurlike nate en verdelinglyne laar skeur het. Verdelingslyne wat net nie weer saamgevoeg kon word na De Klerk se oorgawe nie.

Die rede waarom die huidige geslag Afrikaners nie weer vry sal wees nie, is omdat hulle nooit weer met die stigma van Apartheid wil en kan saamleef nie. Dit is die enkele groot faktor wat alle pogings tot hereniging onder Afrikaners sonder uitsondering laat sneuwel het. Of Afrikaners wel 'n saak het, hang net van hulle self af, maar die probleem lê juis by die 'Hulle' wat maar net nie weer wil heg nie. Sentiment is bloot net nie meer effektief nie – ons voorvaders se offers net nie meer groot genoeg nie.

Daar is wel 'n nog groter krag wat voortspruit uit die natuurlike behoefte van die kultuurmens. Dis die kohesie van soortgelykheid. Die implikasies hiervan werk deur op alle terreine, van sportgebied tot in die kerk en staat. Dit impliseer opsigself dat ons kollektief afgebreek is tot op plaaslike vlak waar ons in ons gemeenskappe verkeer. Dit is dan ook ons uitdaging vir vandag in die NSA. Prakties beteken dit dat as jy as Afrikaner wil leef, jy eenvoudig moet verskuif na 'n plaaslike ruimte waar jy onder eendersdenkende Afrikaners tuis kan voel en 'n vrugbare en veilige bestaan kan maak. Ek weet van 'n klompie vriende- en familiegroeipunte waar dit juis toegepas word. Hieruit kan groter raakpunte weer opgebou word, maar van die Kaap tot in die Transvaal sal ons nooit weer kollektief kan wees nie. In hierdie ruimtes bly Afrikaners voortleef in 'n postmoderne styl sonder om te veel te tob oor ons amptelike status, want daarvan is daar niks meer oor nie.

Dis 'n bitter pil om te sluk vir baie Afrikaners, maar kyk dit nou maar eenmaal in die oë, ons Afrikanerryk het vir goed sy einde bereik. Dit gaan baie frustrasie spaar as ons net eers weer ons plek kan vind in die NSA. Wie weet, vorentoe mag ons wel weer 'n eie land hê, maar dit sal gebore wees uit die praktiese en nie sentiment nie.

free blackjack no download Лобановский

Dink voor jy drink!

Daar is 54 munisipaliteite in Suid-Afrika waar kraanwater nie aangeraai word vir menslike gebruik nie. Die departement van water en omgewingsake het Dinsdag 'n waarskuwing uitgereik waarin hulle sê dat hulle nie vertroue het in die vermoë van die lys munisipaliteite om skoon drinkwater te voorsien nie.

Oos-Kaap
* Alfred Nzo Distrik
* Baviaans
* Ikwezi
* Kouga
* Sondagsrivier
* Cacadu Distrik

Vrystaat
* Mafube
* Metsimaholo
* Ngwathe
* Moqhaka
* Matjhabeng
* Nala
* Tswelopele
* Masilonyana
* Dihlabeng
* Mantsopa
* Kopanong
* Naledi

Gauteng
* Kungwini
* Lesedi
* West Rand Distrik

Kwa-Zoeloe Natal
* Umkhanyakude Distrik

Limpopo
* Groter Sekhukhune;
* Mogalakwena
* Mookgophong
* Mopani District
* Thabazimbi

Mpumalanga
* Dipaleseng
* Ehlanzeni Distrik
* Gert Sibande Distrik
* Lekwa
* Mkhondo
* Msukaligwa
* Nkangala District
* Nkomazi
* Steve Tshwete
* Taba Chweu
* Thembisile

Noord-Kaap
* Hantam
* John Taolo Gaetsewe Distrik
* Kai !Garib
* Khai-Ma
* Richtersveld
* Siyancuma
* Sol Plaatjie
* Tsantsabane

Noordwes
* Bojanala Distrik
* Matlosanastadsraad
* Madibeng
* Maquassi Hills
* Merafong

Wes-Kaap
* Hessequa
* Oudtshoorn
* Swellendam

Zambi?rs wil hulle geld van Chiluba terug h

'n Zambiese hof het gesê daar sal later die maand besluit word of 'n Britse hofbeslissing teen eks-president Frederick Chiluba is Zambië geldig is om die terugbetaling van gesteelde fondse moontlik te maak. Chiluba was vanaf 1991 tot 2001 staathoof.

Die beslissing van 2007 het Chiluba skuldig bevind aan die diefstal van staatsfondse van ongeveer 50 miljoen dollar. Chiluba het 'n aansoek gebring om die registrasie van die beslissing in Zambië te keer, maar het misluk.

Regter Evans Hamaundu het gelas dat alle vertoë ingehandig word voordat hy uitspraak lewer op 29 Mei. Zambië se prokureur-generaal wil hê die Londense beslissing moet in Zambië gereistreer word om plaaslike jurisdiksie te verseker.

Regter Peter Smith het in 2007 bevind dat Chiluba Londense bankrekeninge gebruik het van die Zambiese regering en het beslis dat hy toegang tot sy pensioen by Barclays Bank geweier word in Lusaka asook sy eiendomme in Ndola.

Smith het gesê die Zambiërs weet wie vir die duur pakke betaal het, die handgemaakte hemde met 'n monogram daarop geborduur en handgemaakte skoene waarvan die hakke spesiaal opgebou is om Chiluba langer te laat vertoon.

Chiluba het tydens sy ampstermyn 100 000 dollar verdien, maar het blykbaar genoeg geld gehad om een miljoen dollar by 'n eksklusiewe Switserse boetiek te blaas op een slag. Zambiërs moet oorleef op een dollar per dag.

пазлы для детей Лобановский Харьков

Mulder in Zuma se kabinet skok, s? HNP

Die Herstigte Nasionale Party het verklaar dat "die aanstelling van dr Pieter Mulder, leier van die VF+, as adjunk-minister in die Zuma-kabinet, met skok ontvang is. Sy aanvaarding van die aanstelling het die laaste greintjie geloofwaardigheid in hom vernietig."

Volgens mnr. Louis van der Shyff, hoofsekretaris, het Zuma voor die verkiesing op 22 April gesprek gevoer met sekere leiersfigure uit die Afrikanergemeenskap. Die doel was om die indruk te skep dat die ANC onder Zuma simpatie het met die Afrikaners in die land. Maar Zuma het nie onderneem om misdaad en korrupsie te bekamp nie. Die aanstelling van Mulder is net gedoen om Afrikaners verder te mislei.

Die HNP het voorts verklaar: "Zuma is bekend vir sy vyandige uitsprake teen die Blanke. Die samestelling van sy kabinet weerspieël dit. Die instelling van 'n nuwe portefeulje van "grondhervorming" is bevestigend van die eis van die Freedom Charter dat blanke grond geroof sal word en aan swart boere oorhandig word. Zuma sal dié proses verhaas."

Van der Shyff vind dit "skokkend dat die dag in die Afrikaner se bestaan moes aanbreek dat nog 'n bekende politikus uit die blanke politiek gekies het vir finansiële voordeel teen die vryheid van sy volk. Dat dit die seun van dr Connie Mulder moes wees, is net so tragies soos wat die oorgawe van oud-minister Jan de Klerk se seun aan die ANC was."

Die HNP tref ook 'n parallel tussen die NNP en die Vryheidsfront Plus. "Toe kortbroek Marthinus van Schalkwyk adjunkskap in die ANC aanvaar het, het dit die einde van NP beteken. Dr Mulder se aanvaarding van die aanstelling deur Zuma beteken ook die einde van die VF+."

Verder toon die optrede van dr Mulder "net weer die klug van die parlementêre stelsel. Mulder het gesê elke stem tel. Nou tel sy stem vir die ANC. In effek gee hy nou aan Zuma sy tweederdemeerderheid waarteen hy gewaarsku het."

Volgens Van der Shyff het "die verantwoordelikheid op die HNP om die vryheid van die Afrikanervolk te herstel, vandag nuwe dimensie gekry. Die ganse volk word tot dié stryd opgeroep."

форма 086у

Metroraadslede wens Mulder geluk

Die Vryheidsfront Plus-raadslede in die Tshwane/Pretoria metroraad het dr. Pieter Mulder geluk en sterkte toegewens met sy aanstelling as adjunk-minister van Landbou, Bosbou en Visserye:

Dr. Rentia Landman (leier van VF Plus in die raad), dr. Conrad Beyers (koukusvoorsitter), kol. Piet Uys (sweep), rdl. Neels Hatting, rdl. Wouter Hoffman en rdl. Frik van Wyk is die lede.

Hulle meen Mulder het die belangrike gebaar wat pres. Zuma aan Afrikaners gemaak het aanvaar na konsultasie met die partyleierskap en invloedryke Afrikanerinstellings.

Die lede sê dit was belangrik dat dr. Mulder hierdie gebaar in belang van Afrikaners en die landbougemeenskap aanvaar. Dit is goed vir Suid-Afrika en bied ook aan die Vryheidsfront Plus nuwe geleenthede en 'n sinvolle rol om regeringsbesluite, ook op munisipale vlak, te beïnvloed.

Hulle sê ook dit is nou tyd vir die party om geledere te sluit en te werk vir 'n beter toekoms vir ons mense en vir die party.

magic owl лобановский политик

VF+ ruk jeugleier in die bek

Na aanleiding van ’n mediaverklaring wat op 10 Mei 2009 deur mnr. Cornelius Jansen van Rensburg, die VF Plus se Nasionale Jeugleier, uitgereik is en waarin hy aantygings teen die Leier van die VF Plus maak, het die Uitvoerende Dagbestuur van die VF Plus vandag besluit om mnr. Cornelius Jansen van Rensburg se lidmaatskap ooreenkomstig die Grondwet van die VF Plus tydelik op te hef, hangende ’n ondersoek deur die Party se Federale Regskomitee.

Die VF Plus is nie bereid om enige ongedissiplineerdheid van hierdie aard te duld nie.

Die party het in 'n verkalring gesê die stroom van ondersteuning wat verkry word van oor die hele Suid-Afrika vir die besluit wat die Uitvoerende Dagbestuur van die VF Plus geneem het dat dr. Pieter Mulder, die Leier van die VF Plus, die pos as adjunkminister van Landbou moet opneem, is oorweldigend.

лобановский депутат

Die einde van die VF+ s? DA

DA-woordvoerder, Manie van Dyk, sê Pieter Mulder se aanvaarding van die adjunkministerspos in die ANC-kabinet van Jacob Zuma, is miskien vir talle 'n verrassing, maar nie vir die DA nie.

"Dr Mulder plaas duidelik sy pensioen voor sy beginsels," het van Dyk gesê. Volgens van Dyk het die VF+ "nog nooit opposisiepolitiek behoorlik verstaan nie".

"Hulle sal eerder skraal konsessies van die regering ontvang in ruil vir hulle samewerking, as om deel te wees van 'n beginselvaste opposisie teen die ANC," het van Dyk gesê.

Die bekendmaking dat Mulder nie eers met die leierskap van sy party beraadslaag het voordat hy die pos aanvaar het nie, is 'n aanduiding van die minagting wat hy vir sy kollegas en ondersteuners voel, meen van Dyk.

"Hy stel blykbaar meer belang in die voordele en voorregte wat 'n kabinetspos meebring," het die DA-woordvoerder gesê. Hy dink ook dat Zuma se uitlating voor die verkiesing dat Afrikaners die enigste ware wit Suid-Afrikaners is, Mulder oorreed het om die pos te aanvaar.

"Mulder se aanvaarding van die kabinetspos gaan die finale spyker in die kis van die VF Plus wees. Ons het reeds gesien hoe die Nasionale Party deur die ANC ingesluk is nadat Marthinus van Schalkwyk in die kabinet opgeneem is. Die ANC gaan die VF Plus insluk nes hulle die Nasionale Party ingesluk het."

игры двчк topcargo кидалы

VF+ se jeugleier boos vir Mulder

Die VF Plus-jeugleier, mnr. Cornelius Jansen van Rensburg, het in reaksie op die aanstelling van Dr Pieter Mulder, VF Plus-leier as adjunk-minister van landbou gesê dat Dr Mulder die aanstelling sonder goedkeuring van die party aanvaar het.

Die VF Plus-jeug het hierdie stap ten sterkste veroordeel en dit as`n verbreking van die party se verkiesingsmanifes beskryf.

VF Plus lede en die party se Federale Raad het eers tydens President Zuma se aankondiging Sondagmiddag van hierdie besluit gehoor. Dr Mulder is dus sonder ŉ mandaat van die VF Plus by die regering betrek.

"Dr Mulder kan nie as die party se leier en adjunk-minister in President Zuma se kabinet dien nie. Verder sal die VF Plus nooit `n koalisie met die ANC binnegaan nie," het Jansen van Rensburg gesê.

Die saak sal op 23 Mei tydens ŉ Federale Raadsvergadering van die party bespreek word.

Pieter Mulder verdedig sy adjunkministerskap

Dr. Pieter Mulder

Dr. Pieter Mulder, leier van die Vryheidsfront Plus, het in 'n verklaring sy besluit verdedig om 'n adjunkminiserspos in die Zuma-kabinet te aanvaar. Volgens hom het "mnr Jacob Zuma die afgelope tyd by verskillende geleenthede na Afrikaners en ander minderhede uitgereik. Hy het onlangs ’n daglange gesprek met Afrikanerkultuur en -landbou-organisasies soos die FAK, Solidariteit, die Afrikanerbond, Transvaalse Landbou-Unie, Agri SA, en andere gevoer; hy het met kunstenaars en skrywers soos Steve Hofmeyr en Dan Roodt braaivleis gehou en het saam met Solidariteit arm Afrikaners besoek.

Mulder meen sulke gesprekke is tereg deur baie Afrikaners skepties bejeën as politieke aksies voor die verkiesing. President Zuma het dit nou opgevolg deur na die verkiesing ’n adjunkministerspos aan die VF Plus aan te bied in voorsetting van sy uitreik na die Afrikaner.

Luidens Mulder se verklaring het die VF Plus "gedurende die verkiesing die ANC heftig gekritiseer oor die feit dat Suid-Afrika vir die eerste keer as gevolg van ANC-beleid ’n voedselinvoerland geword het. Die adjunkpos wat die VF Plus aangebied word, is juis oor landbou- en voedselsekuriteit."

Aangesien die ANC ’n 65% meerderheid het, het die party nie nodig om so ’n aanbod aan enige party te maak nie. Daar is dus nie sprake van ’n koalisie of enige ander soortgelyke ooreenkomste tussen die ANC en die VF Plus nie. Volgens Mulder "het Zuma in gesprekke oor die saak saamgestem dat die VF Plus sy outonomiteit as politieke party, asook sy kritiese rol as opposisieparty ten volle behou."

Tydens Zuma se inhuldigingstoespraak op 9 Mei 2009 het hy juis verwys na "'n vennootskap vir heropbou ontwikkeling en vooruitgang" waarin daar vir alle Suid-Afrikaners, swart en wit, plek is."

Dr. Pieter Mulder het voorts gesê dat hy "as VF Plus-leier breed met Afrikanerkultuur- en landbou-organisasies oor die saak geskakel het en hulle advies oor die aanbod gevra het. Hulle oorweldigende en eenparige reaksie was dat ons nie die hand van samewerking wat in hierdie ernstige tye na ons uitgesteek word, summier kan wegklap nie en dit as ’n geleentheid moet sien."

Die VF Plus wil die geleentheid dus verder benut om sake wat vir ons ondersteuners belangrik is soos Afrikaanse Universiteite en onderwys; naamsveranderinge; regstellende aksie en armoede; selfbeskikking; die status van Orania; amnestie en algemene minderheidsregte op die tafel te sit en verder met die ANC te onderhandel.

Die VF Plus sien daarom die aanvaarding van die aanbod as ’n politieke eksperiment wat besliste voordele vir Suid-Afrika, vir sy ondersteuners en vir die landbougemeenskap inhou. Die besluit sal egter van tyd tot tyd aan die hand van sekere riglyne geevalueer moet word ten einde te verseker dat die oogmerke daarmee nog bereik word.

Van die riglyne wat die VF Plus daargestel het, is die volgende:

1. Sonder die prysgawe van beginsels;

2. Behou die reg om die ANC te kritiseer waar nodig;

3. Dit moet tot voordeel wees van die bevordering van belange politiek;

4. Mag nie VF Plus se groeipotensiaal beperk nie;

5. Dat dit as ’n geleentheid benut sal word tot bevordering van en beter beskerming van minderheidsregte en Afrikanervryheid.

6. Dat dit deurlopend evalueer word.

Volgens Mulder "verander die besluit ook nie die VF Plus se standpunt oor die vorming van opposisiekoalisies om die ANC se monopolie op mag te verminder nie. Waar die ANC in die toekoms minder as 50% steun het, is die VF Plus steeds ten gunste van opposisiekoalisies. Verskeie sulke situasies kan reeds ná die volgende plaaslike verkiesings in sekere dorpe en stede opduik."

Die VF Plus het tydens die verkiesing entoesiasties daaraan gewerk dat die ANC nie ’n tweederdemeerderheid gekry het nie. Dit is in belang van Suid-Afrika en van die ANC dat die party nie nou so ’n tweederdemeerderheid kry nie en die VF Plus se standpunt hieroor het geensins verander nie. Die benutting van hierdie geleentheid beteken geensins dat die VF Plus sal meewerk om aan die ANC ’n tweederde meerderheid te gee nie.

Mulder het voorts gesê dat die besluit om die aanbod van president Zuma te aanvaar letterlik binne enkele ure geneem moes word. Daarom sal hierdie strategie nog verder deur VF Plus-strukture bespreek word.

play live casino online

Verkennersjeug beset winkel by Voortrekkermonument

Winnie Mandela met kopdoek

'n Groep van twintig jongmans van die Verkennersjeug het omstreeks 17:00 Saterdag die geskenkwinkel by die Voortrekkermonument beset en geëis dat "Winnie Mandela se kopdoek" soos hulle na sekere vlae verwys, asook ander items wat onvanpas sou wees, uit die winkel verwyder word.

Ons het so pas verneem dat die winkel intussen deur die polisie ontset is. Niemand is in hegtenis geneem nie.

Nadat die winkeleienaar ontbied is, is 'n beswaarskrif oor die gewraakte items aan hom oorhandig. Aanvanklik het die besetters by monde van mnr. Jan Beyers gedreig om nie die winkel te verlaat alvorens die vlae en gewraakte items uit die winkel verwyder word nie.

Genl. Gert Opperman, uitvoerende beampte van die Voortrekkermonument, is in kennis gestel van die gebeure wat hul op die terrein van die monument afgespeel het.

Die besetting het gevolg ná 'n uitgerekte briefwisseling met die bestuur van die Voortrekkermonument waarin beswaar teen die verkoop van onvanpaste vlae en items aangeteken is.

ігри кухня для дівчат Фильчаков прокурор

Volkstaat sal nie uit die lug neerdaal nie

Die huidige debat oor parlementêre deelname deur Afrikaners is 'n teken dat ons politieke bewussyn besig is om te ontwaak, waarvoor ons PRAAG se webtydskrif moet bedank. Vanweë sy onverbondenheid slaag die PRAAG-werf daarin om eerlike menings van verskeie bydraers te ontvang en om daardeur 'n beter begrip te kry van hoe ons mense werklik voel.

Dalk sal dit nou goed wees as ons bietjie vertoef by die word "selfbeskikking" asook die begrip van "vryheid". 'n Senior lid van die ANC het eendag by 'n konferensie in die Kaap beweer dat Afrikaners ook van apartheid bevry is, dat hulle vry is binne die mees liberale grondwet op aarde en dus geen selfbekikking benodig nie.

Waarop ek hom vra: "Nou waarom kan ons nie ons eie skole beheer nie? Waarom dan nie ons eie skoolkurrikula opstel nie? Waarom mense aanstel wat geen woord Afrikaans kan verstaan en aan ons kinders voorskryf wat hulle mag leer en nie mag leer nie? Wat van ons geskiedenis, ons letterkunde, ons gedigte en ons liedereskatte?"

Vryheid beteken vir my om nie onder beheer van ander persone of instansies te staan nie, om nie deur arbitrêre regulasies ingeperk te word nie, en om my eie denke volgens eie aard mondelings of skriftelik te formuleer en sonder beletsel na ander oor te dra. Dan is jy vry van die bande wat burgers soos marionette beheer.

Selfbeskikking is die som van al die regte wat gesamentlik deur 'n gemeenskap besit word om aan daardie gemeenskap die reg te verleen om sy eie toekoms volgens sy eie aard, sonder die toedoen van enige ander gemeenskap of owerheid, self uit te werk en na te streef.

Beperkings word altyd geplaas op vryheid. Die vryheid van ander persone kan negatief geraak word deur jou vryheid. Enige mens kan sy motor oral heen bestuur, solank hy binne die spoedbeperking en verkeersreëls bly, anders word ander padgebruikers se veiligheid deur jou vryheid van beweging bedreig.

Selfbeskikking van een gemeenskap word egter nooit deur dié van 'n ander bedreig of ingeperk nie. Ek sou sê dat dit die wesenskenmerke van vryheid en selfbeskikking is.

Die gesamentlike regte van gemeenskappe en die vryheid om dit volgens eie aard saam uit te leef, is die reg wat Afrikaners nou moet opeis. Die Suid-Afrikaanse grondwet, soos hy tans geskrywe staan, maak dit moontlik om nou reeds selfbeskikking van 'n gevorderde aard te beoefen, maar dan moet die gemeenskap homself as 'n volwaardie gemeenskap organiseer.

Die semantiek van die Grondwet veroorsaak dat heelwat verwarring by mense oor die begrippe minderheidsregte en gemeenskapsregte bestaan. Nêrens word daar van minderheidsregte in die Grondwet gepraat nie, maar slegs van gemeenskapsregte. Hieronder word godsdienstige, kulturele en taalgemeenskappe bedoel. Terwyl daar in die Afrikaanse politieke semantiek van volke gepraat word, word in die Europese Unie se protokolle van minderhede en minderheidsregte gepraat. Dit skep verwarring by diegene wat hierdie kwessies in Engels wil debatteer.

Die sleutel tot selfbeskking lê daarin dat Afrikaners moet aandring op die skeiding tussen organe van die burgerlike samelewing en van staatsinstellings. Ek het by dr. Christo Landman, voormalige Kommissaris van die Artikel 185-Kommissie, gaan kers opsteek en hier is sy vertolking daarvan:

Dit is 'n fout om uit die Grondwet, 1996, af te lei dat dit vir minderheidsgroepe voorsiening maak.
Die term minderheidsgroepe het 'n etniese inslag.
Etnisiteit herinner aan apartheid, sal die opstellers van die Grondwet redeneer.
Die Grondwet maak wel op allerlei wyses voorsiening vir die regte van georganiseerde gemeenskappe.
So word 'n duidelike onderskeid gemaak tussen organe van die staat (a.239) teenoor organe van die burgerlike samelewing (a.31(1)(b)).
Nie net is daar gesagsverdeling tussen die organe van die staat (wetgewend, uitvoerend en regsprekend) nie, maar ook mag die organe van die staat nie in die interne bevoegdheid van die organe van die burgerlike samelewing inmeng nie.
Die georganiseerde organe van die burgerlike samelewing word in a.185 nader bepaal deur 'n Kommissie vir die Bevordering en Beskerming van die Regte van Taal-, Godsdiens- en Kultuurgemeenskappe.
Artikel 185 en die 185-Kommissiewet 19 van 2002 maak voorsiening vir die registrasie van rade. Alhoewel die 185-Kommissie kan help met die daarstelling van Rade, is en bly dit die plig van organe van die burgerlike samelewing om tot Rade oor te gaan.
Rade is privaatregtelike instellinge wat by die publiekregtelike 185-Kommissie bloot om registrasie vra.
Die reg op godsdiens word in a.15 en die reg op taal en kultuur in artikels 30 en 31 omskryf.
Om 'n gemeenskapsreg te kan bevorder en te kan beskerm moet omskryf word wat met taal, godsdiens en kultuurgemeenskapsregte bedoel word.
Artikel 234 maak voorsiening vir die grondwetlike aanvaarding van ander regte as individuele regte, soos omskryf in hoofstuk 2 van die Grondwet.
Dit behoort die 185 se plig te wees om taal-, godsdiens- en kultuurregte te omskryf en in terme van artikel 234 by die Parlement te laat goedkeur as deel van die Grondwet van SA.
Die aangestelde Kommissarisse sedert 2004 was onbevoeg om hierdie taak te verrig en dit is my submissie dat die Voorsitter 'n politieke opdrag gehad het om Rade te laat skipbreuk ly.

Die 185-Kommissie het liederlik gefaal om sodanige regte te formuleer. Insgelyks het die burgerlike organe nagelaat om dan in die afwesigheid van prestasie deur 185 sodanige regte te omskryf.

Ons het dus te make met 'n lam regering wat nie rigting het nie en slap gemeenskapsorganisasies wat hulself nie in verteenwoordigende rade wil organiseer om hul plig teenoor toekomstige geslagte na te kom nie.

Hieruit kan mens aflei dat die ANC-regering willens en wetens die grondwet volgens hul eie agenda vertolk en die land se kultuurgemeenskappe laat Gods water oor Gods akker loop terwyl elkeen van 50 Afrikanerorganisasies die volk op sy eie wil red.

As Afrikaners nie eens in staat is om hul gemeenskapsregte op te eis nie, kan hulle die volkstaatdroom maar op hul mae skryf. 'n Volkstaat sal nie uit die lug op hulle neerdaal nie.

free casino gambling

Regses wag op ‘n leier

Uit wat ander briefskrywers vermeld, kan ons aflei dat daar voor 1994 omtrent 800 000 regses was. Hiervan was omtrent 450 000 ondersteuners van 'n volkstaat. Die volkstaters het toe die Vryheidsfront van genl. Viljoen gesteun. Sedertdien het 300 000 van hulle die Vryheidsfront+ verlaat.

Baie van die regses wat nie 'n volkstaat ondersteun het nie, kon moontlik sedertdien van gedagte verander het. Dus kan tussen 450 000 en 800 000 tans hulle steun aan 'n volkstaat toesê.

Waarskynlik wag hulle op 'n leier.

Sal 'n volkstaat bereik kan word binne die huidige stelsel of daarbuite?

Nie een van die rubrieke of briewe maak melding van die Volksraadverkiesingskommissie nie. Is hulle nie van hierdie opsie bewus nie of wil hulle nie daarvan bewus wees nie?набор инструментов

US-studente s? dis Afrikaans se Soweto

Lede van die Adam Tas-studentevereniging van die Universiteit Stellenbosch het gister 'n lys van griewe oor US se taalbeleid by die Kasteel in Kaapstad afgelees.

Nico de Wet, Adam Tas-voorsitter, meen die US het dubbele standaarde toegepas. Die vereniging glo die US-raad sou gistermiddag ’n besluit oor die afdwing van Engels bekragtig. Hulle beskou die stap as soortgelyk aan die apartheidsregering se destydse besluit om Afrikaans as onderrigtaal op swart leerders af te dwing.

Mnr. Mohamed Shaikh, die US se senior direkteur: kommunikasie en skakeling, hetgesê dat hulle “so gou doenlik” verslag sal lewer van die raadsbesluit.

Op ’n spesiale raadsvergadering vroeër vanjaar is besluit dat parallelmedium-onderrig in plaas van van dubbelmedium-onderrig (die T-opsie) van aanstaande jaar af in die eerste studiejaar in vier groot US-fakulteite – ekonomiese en bestuurswetenskappe, natuurwetenskappe, agri-wetenskappe en ingenieurswese – sal geld.

Adam Tas meen dié beleid sal diversiteit en transformasie teenwerk omdat Engels Afrikaans in die praktyk uiteindelik gaan oorskadu. “Navorsing het getoon dat kleiner tale soos Afrikaans in die verlede by ander fakulteite aan die US en ander universiteite uitgedryf is,” het De Wet gesê.

Die US wil net in die eerste jaar aan studente vryheid van hul taalkeuse gee, het De Wet gesê. Van die tweede jaar sal klasse 50% in Afrikaans en 50% in Engels aangebied word, ongeag watter taal studente praat.

"Soos wat studente in Soweto die keuse ontneem is om hul hooftaal van onderrig Engels te hê, word huidige en toekomstige Afrikaanse studente in Stellenbosch dit tans ontneem vir Afrikaans.”

гайковерт