Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

Zambiese polisie vat opposisie-betogers vas

Zambiese polisie het 133 mense in hegtenis geneem wat betoog het teen die herverkiesing van pres. Edgar Lungu nadat sy hoofopponent, Hakainde Hichilema (foto bo), gesê het daar met die verkiesingsuitslae gekonkel is.

Reuters berig dat Lungu Maandag ‘n naelskraapse oorwinning in Afrika se tweede grootste koperproduserende land behaal het.

Zambië se ekonomiese beleef ‘n insinking vanweë verlaagde kommoditeitspryse.

Die polisie sê die inhegtenisnemings het gevolg nadat ondersteuners van Hichilema ondersteuners van die regerende party geteiken en hul eiendomme verwoes het.

“Dit wil voorkom asof hierdie optrede vooraf beplan is, en dat hulle net gewag het vir die wenner om aangekondig te word. Kalmte is nou herstel,” het die polisiebevelvoerder van die suidelike provinsie, Godwin Phiri, aan Reuters gesê.

Zambië was tot nou toe een van Afrika se mees stabiele demokrasieë al het geweldpleging tydens die veldtogvoering plaasgevind.

Die Zambiese geldeenheid, die kwacha, het gister met 2,5 persent verstewig, ‘n aanduiding dat beleggers ‘n algehele wenner in die verkiesing verwelkom.

Lungu het 50,35 persent van die stemme teenoor die 47,63 persent van Hichilema verower. Enige kandidaat moes minstens 50 persent van die stemme wen om ‘n tweede rondte verkiesings af te weer.

Hichilema se United Party for National Development (UPND) het aangedui dat hulle die verkiesingsuitslae in die grondwetlike hof sou uitdaag en het verkiesingsbeamptes van bedrog beskuldig tydens die stemtellery wat Donderdag begin het.

“Die PF het ‘n staatsgreep op Zambië se demokratiese proses uitgevoer,” het Hichilema laat Maandag in ‘n verklaring gesê.

“Ons het voor die uitslae bekend gemaak is, bewyse voorgelê wat grootskaalse onreëlmatighede aan die lig bring. Dit is waarom ons nie die uitslae kan aanvaar nie.”

Die regerende party en die verkiesingskommissie het die UPND se beskuldigings verwerp.

Lungu het Dinsdag ‘n oorwinningsvergadering gehou, maar hy kan eers ingehuldig word sewe dae nadat die uitslae bekend gemaak is.

Penny Sparrow kry nuwe regshulp

Penny Sparrow het Maandag vlugtig in die Umzinto-landdroshof verskyn.

Sparrow, wat neerhalende opmerkings oor swart strandgangers gemaak ná hulle morsige Oujaarsaandpartytjie op Facebook, is aangekla van crimen injuria.

Sparrow was stil in die beskuldigdebank terwyl sy deur landdros Vincent Hlatshwayo aangespreek is.

Die saak is uitgestel sodat haar nuwe prokureur kan konsulteer met haar. Sy sal nou verteenwoordig word deur ‘n Regshulpprokureur, Elaine MacDonald.

In haar oorspronklike Facebook post, Sparrow het geskryf:

“These monkeys that are allowed to be released on New Year’s eve and New Year’s day on to public beaches towns etc obviously have no education what so ever so to allow them loose is inviting huge dirt and troubles and discomfort to others.

“I’m sorry to say that I was amongst the revellers and all I saw were black on black skins what a shame. I do know some wonderful and thoughtful black people. This lot of monkeys just don’t want to even try. But think they can voice opinions and get their way of dear,” she continued.

“From now on I shall address the blacks of South Africa as monkeys as I see the cute little wild monkeys do the same, pick and drop litter,” Sparrow added.

In Junie het die Umzinto-gelykheidshof gelas dat Sparrow tot R150 000 betaal aan die Oliver en Adelaide Tambo Stigting.

In ‘n onderhoud met News24, het Sparrow gesê dat “aap” gebruik word as ‘n troetelwoord deur wit mense.

Sparrow het intussen doodsdreigemente ná haar kommentaar ontvang.

“Die dreigemente was verskriklik … my selfoon was so besig dat ek nie kon bel nie. Daar was verskriklike doodsdreigemente. Mense het gesê hulle gaan my huis bom en ander het foto’s gestuur van naakte vroue, en gesê ek gaan verkrag word… dit was skokkend,” het sy gesê.

Uitspraak in kinderporno-saak Woensdag verwag

Die Vrystaatse Hooggeregshof sal waarskynlik Woensdag uitspraak lewer in die kinderpornografie-verhoor.

Die aangeklaagde, ‘n man van Sasolburg wat in die hof erken het dat hy ‘n pedofiel is, het vroeër skuld beken op honderde aanklagte, waaronder die vervaardiging, besit en die verspreiding van kinderpornografie en seksuele aanranding.

Hy ontken egter aanklagte van verkragting op van sy slagoffers.

In die Staat se betoog is die hof versoek om die man se weergawe oor verskeie geleenthede rakende beweerde verkragtings te verwerp ten spyte van die aangeklaagde se skulderkenning.

Die Staat het geargumenteer dat dit en ander aspekte die hof genoeg bewyse gee om die man skuldig te bevind op verkragting. Die man se verdediging het aangevoer die Staat kon nie “opset” in al die beweerde verkragtings bewys nie.

Die saak is uitgestel vir vonnisoplegging.

Fedsas bekommerd oor geweld in skole

Geweld in skole is besig om ‘n kopseer te raak omdat onderwysers en kinders met te veel frustrasies worstel.

Dit is volgens die uitvoerende hoof van die Federasie van Beheerliggame van Suid-Afrikaanse Skole (Fedsas), Paul Colditz.

Hy het gereageer op die hardhandige onnie-video van ‘n Bloemfonteinse skool wat die rondes op sosiale media doen.

Die video wys hoe ‘n onderwyser by die Academy of Excellence, ‘n private skool in Heidedal, ‘n Graad 7-leerling hardhandig behandel.

Die voorval het reg voor ‘n volgepakte klaskamer gebeur en die video is deur ‘n klasmaat geneem. Die skool het die voorval bevestig en die voorsitter van die beheerliggaam, Hansie Engelbrecht, het by navraag gesê die onderwyser is intussen tydelik geskors.

Colditz het aan OFM-nuus gesê al hoe meer kinders kom uit ‘n gebroke huis en word blootgestel aan dwelmmisbruik, geweld en misdaad in hul gemeenskappe.

Hy sê terwyl onderwysers nie gerat is om hierdie probleme aan te spreek nie, sit hulle ook dikwels met oorvol klaskamers en ‘n tekort aan dissipline onder leerders, maar geweld is steeds onaanvaarbaar.

“Geweld kan nooit in die beste belang van kinders wees nie. Ouers sou na die polisie toe kon gaan en kriminele klagtes lê teen onderwysers wat hul kinders aanrand. Onderwysers moet na hul beheerliggaam gaan as hulle hierdie tipe probleme ondervind.”

Ses in hinderlaag in Mosambiek dood

Ses mense is gedood in ‘n aanval deur Renamo-rebelle in Mosambiek, het die polisie in ‘n verklaring gesê.

Dit is die jongste in ‘n reeks gewelddadige skermutselings tussen gewapende opposisielede en regeringsmagte.

“Gewapende mans van Renamo het Vrydag ‘n voertuig in ’n hinderlaag gelei en daarop geskiet totdat die voertuig aan die brand geslaan het,” het ‘n polisiewoordvoerder gesê.

Ses insittendes het doodgebrand. Die slagoffers was burgerlikes, maar hul name is nog nie bekend gemaak nie. Die polisie is nog op soek na moontlike oorlewendes wat dalk ontsnap het.

Renamo, wat ‘n 16 jaar lange burgeroorlog gevoer het wat in 1992 ten einde geloop het, weier om die uitslae van die 2014-verkiesing te aanvaar.

Die regerende Frelimo-party het weereens ‘n oorwinning behaal en is reeds sedert onafhanklikwording, 40 jaar gelede, aan bewind.

Die spanning is sedert 2013 aan die oplaai en Renamo-rebelle het weer die wapen opgeneem in wat hulle bestempel as ‘n geveg teen ’n Frelimo-elite wat hulself ten koste van land verryk het.

Vredesonderhandelinge word in die vooruitsig gestel, maar die owerheid beskuldig Renamo intussen vir die toename in gewelddadige aanvalle in die noorde en sentrale dele van Mosambiek.

In Mei is op die oorskot van 13 mense in die onstabiele sentrale deel van die land afgekom, waar veiligheidsmagte en Renamo-rebelle gereeld slaags raak.

Mosambiek se menseregte-organisasie­ voer aan dat minstens 83 summiere teregstellings sedert die begin van die jaar voorgekom het.

Tweede dag van BLM-rassegeweld in Milwaukee

Rassegeweld het uitgebreek in Milwaukee, in die Amerikaanse staat Wisconsin, Saterdag ná ‘n swart man noodlottig geskiet is deur die polisie. Polisievoertuie en vier ondernemings is aan die brand gesteek deur BLM-aktiviste, volgens WISN.

Die swarte wat glo deur die polisie geskiet is, is geïdentifiseer deur familielede as die 23-jarige Sylville Smith.

Smith het ‘n lang kriminele rekord gehad en was in die besit van ‘n gesteelde vuurwapen en ammunisie. Die insident is deur ‘n klein kamera wat die polisiebeampte gedra het, afgeneem.

Die beampte wat hom geskiet word beskryf as ‘n 24-jarige swart man met ses jaar ervaring, volgens Fox 6. Hy is op administratiewe verlof geplaas.

Desnieteenstaande het die BLM-onluste ‘n duidelike anti-wit karakter.

Een wit polisiebeampte is in die hospitaal nadat ‘n baksteen deur sy patrolliemotor se venster gegooi is in die onrus wat na die skietery gevolg het.

Die onluste het uitgebreek ná vyf mense gesterf het in noodlottige skietvoorvalle tussen swartes op Vrydag 12 Augustus en vroeg Saterdag 13 Augustus.

Swart oproeriges kan gehoor gehoor word waar hulle dreunsing “swart mag” in ‘n video van die toneel van die onluste.

“Yeah they white!” states someone else, prompting the mob to run towards the vehicle.

“Yeah they white, get their ass!” screams another.

“Hey they beatin’ up every white person!” exclaims another rioter.

“He white – beat his head – bitch!” he adds.

The footage appears to show the mob attacking cars and trying to drag out the drivers.

The footage then cuts to an upper floor window before the person shooting the video states, “I think they just beat some white bitch ass for no reason – they bust open the window.”

Plaaslike wit joernaliste is ook geteiken en aangerand.

Die situasie in Milwaukee het Sondag versleg nadat ongeveer 20 polisiebeamptes probeer het om ‘n saamtrek van sowat 100 swart betogers op te breek, berig Reuters.

Twee terminale van JFK lughawe in New York is intussen ontruim en alle vlugte tydelik gekanselleer nadat owerhede verslae van ‘n skietery ontvang het.

Die polisie was nie in staat om te bevestig wat gebeur het na ‘n haastige ontruiming nie.

Die skote is die eerste keer gehoor om 21:30 plaaslike tyd in die Internasionale Lughawe John F. Kennedy se Terminal 8, volgens getuies.

Nog ‘n rondte skote is later om 22:15 in Terminal 1 van die lughawe gehoor, het PIX11 berig.

Twee Suid-Afrikaanse ISIS-simpatiseerders vra borg

Tweelingbroers Sallahoeddin (Brandon-Lee) en Jakeen (Tony-Lee) Thulsie, wat van terrorisme beskuldig word, sal na verwagting om borgtog aansoek doen by die Johannesburgse landdroshof.

Tydens hul laaste verskyning het kol. André Neethling, ‘n provinsiale ondersoeker van misdade teen die staat, getuig teen die 23-jariges, wat na bewering hul arrestasies onwettig wil laat verklaar.

Neethling het aan die hof gesê dat hy aan huis van een van die Thulsies, die ondersoekbeampte ao. Wynand Olivier raakgeloop het.

Olivier het na bewering aan hom gesê dat ‘n getuie, Renaldo Smith, erken het dat hy en die broers deel was van ‘n groep wat Suid-Afrika wou verlaat om aan te sluit by die terreurgroep, die Islamitiese staat (ISIS).

Die tweeling wou na bewering aanvalle op die Amerikaanse ambassade en Joodse kulturele sentra in Suid-Afrika uitvoer. Hulle is na bewering in hegtenis geneem tydens klopjagte in Newclare en Azaadville op 9 Julie.

Hulle staan ​​tereg op drie aanklagte van die oortreding van die Beskerming van Konstitusionele Demokrasie teen Terroriste- en verwante Aktiwiteite.

DA en EFF in koalisie

Die DA en die EFF staan luidens berigte op die drumpel om ’n historiese koalisieooreenkoms te sluit wat beloof om die munisipale regeringstoneel in Suid-Afrika dramaties te verander (foto hierbo).

Rapport berig die pakt, wat na verwagting vandag of môre gefinaliseer sal word, sal beteken dat vyf van die grootste stede in Suid-Afrika, insluitende die hoofstad, nie meer onder ANC-beheer sal wees nie.

Johannesburg, Pretoria, Mogale City (Krugersdorp) en Nelson Mandelabaai (Port Elizabeth) sal deur ’n DA-EFF-koalisie regeer word, terwyl die vyfde, Kaapstad, reeds sedert 2011 uitsluitlik deur die DA regeer word.

In Rustenburg gaan die DA-EFF-koalisie waarskynlik die ANC toelaat om ’n minderheidsregering te vorm omdat geen enkele party of koalisie daar 50% + 1% van die setels kon wen nie.

Nog onluste dreig by kampusse

Die minister van Hoër Onderwys en Opleiding, Blade Nzimande het weer beklemtoon dat die regering nog nie besluit het oor klasgeld vir studente in 2017 nie.

Dit volg terwyl studente weer dreig met klasboikotte en betogings omdat die regering glo reeds ‘n besluit oor klasgelde geneem het.

Volgens berigte kan protesoptogte al vandag begin, het RSG berig.

PRAAG is reeds meer as ‘n maand lank bewus van die dreigemente van onluste by die Universiteit van die Witwatersrand. Studente is voor die Julievakansie al vertel dat hulle klasse in Augustus ontwrig gaan word.

Nzimande het in `n verklaring sy kommer uitgespreek oor dié dreigemente.

Hy sê nadat hy die verslag van die Raad op Hoër Onderwys ontvang het, het hy besluit om verdere standpunte van alle rolspelers te kry.

Die Raad op Hoër Onderwys stel voor dat klasgelde met ses persent verhoog word nadat die Tesourie gewaarsku het dat daar groot druk op staatshulpbronne sal wees indien studentegeld weer nié verhoog word nie.

Volgens Nzimande sal hy ook eers met sy kabinetskollegas samesprekings voer voordat `n besluit geneem sal word.

Intussen moes die wit dekaan van die Universiteit van KwaZulu-Natal se Nelson Mandela-mediese fakulteit, Professor Richard Hift uittree om blykbaar “ander verpligtinge” op te volg.

Die universiteit se studenteraad het onlangs gevra dat hy vervang moet word. Die studente eis ‘n swart dekaan sodat “transformasie” in die instelling kan “voortgaan”.

‘n Woordvoerder van die universiteit, Lisiba Seshoka sê Hift sal deel bly van die universiteit en het nie bedank nie.

Volgens Seshoka sal hy ook van die doelwitte van die fakulteit aandryf.

Rio: Russiese atlete sit op die kantlyn terwyl swart atlete mag deelneem

Terwyl Rusland se baan- en veldnommeratlete, insluitende diegene met geen geskiedenis van misbruik van verbode middels nie, uit die Olimpiese Spele Rio 2016 geskop is, is daar ‘n magdom veral swart atlete wat wel toegelaat is om mee te ding in Brasilië ten spyte van hul eie probleme met verbode middels.

Benewens die Internasionale Vereniging van Atletiekfederasies (IAAF) se besluit om die hele Russiese baan- en veldspan van Rio se Olimpiese Spele te verbied, het die Internasionale Olimpiese Komitee (IOK ) ook verklaar dat die Russiese atlete met ‘n geskiedenis van misbruik nie toegelaat sal word om mee te ding in Rio nie, selfs al het hulle ‘n straf uitgedien.

Hier is ‘n blik op sommige van die dwelmbesmette atlete uit ander lande, wat hul plek in Rio volstaan:

Tyson Gay, Amerikaanse naelloper wat positief getoets het vir ‘n verbode middel Mei 2013 en ‘n ongespesifiseerde derde party blameer het, neem deel.

Hy is gestroop van sy silwer medalje gedurende die Londen 2012-Spele en tot Junie 2014 enige deelname verbied.

Gay is egter weer toegelaat, terwyl die Russe op die kantlyn moet bly sit.

Nog ‘n swart atleet, Justin Gatlin, wat in 2004 in Athene ‘n goue medalje ontvang het is verbied nadat hy positief getoets vir ‘n verbode middel.

In 2001 is hy vir twee jaar geskors, terwyl hy in 2006 ‘n vier-jaar verbod gekry het. Maar Gatlin is terug op die en het in Junie 2012 die vinnigste tyd ooit vir ‘n man oor die ouderdom van 30 behaal, wat baie wenkbroue laat lig het.

Die Kroaties tennisster Marin Cilic is in 2013 uitgeskop na spore van Nikethamide gevind is in sy urinetoets.

Die skorsing het tot Februarie 2014 geduur en hy het teruggekeer na die spel om die Amerikaanse Ope-titel te wen in dié jaar.

Die Oekraïense naelloper Yelyzaveta Bryzgina sal na steroïde misbruik in 2013-2015, in aksie wees en sal meeding in Rio.

In Mei 2014 het Sun Yang positief getoets vir die verbode stimulant Trimetazidine, maar is vir net drie maande deur die Chinese Swem Vereniging verban.

Hy sal sy 400m en 1500m vryslagtitels in Rio verdedig.

Die bekendste voorbeeld van misbruik is die swemmer Amerikaanse Michael Phelps wat in 2014 afgetree het weens dwelmmisbruik en sedertdien weer bevoeg verklaar is om mee te ding in Rio.

Yohan Blake (foto bo), die Jamaikaanse naelloper was eens beskou is as die grootste bedreiging vir Usain Bolt, het positief getoets voor die 2009 Wêreldkampioenskappe, maar sal meeding in Rio.

Intussen het die bruin Suid-Afrikaner Wayde van Niekerk die wêreldrekord in die mans 400 meter verbeter en Suid-Afrika se eerste goue medalje by die Olimpiese Spele in Rio ingepalm.

Hy het sy oorwinning reeds aan ‘n Britse sokkerklub opgedra, dus kan patriotiese Suid-Afrikaners dié oorwinning maar gerieflik ignoreer.

Die 24-jarige Van Niekerk het die wedloop in 43,03 sekondes voltooi. Die vorige rekord van 43,18 is in 1999 deur die Amerikaner Michael Johnson opgestel.

Suid-Afrika het nou in totaal sewe medaljes, waarvan een goud, vyf silwer en een brons is.

Akani Simbine, nog ‘n Suid-Afrikaner, het vyfde gekom in die mans 100 meter, met ‘n tyd van 9,94 sekondes.

Usain Bolt van Jamaika het sy derde opeenvolgende Olimpiese goue medalje in die 100 meter verower, en het die wedloop in 9,81 sekondes voltooi.

Justin Gatlin van Amerika was in die tweede plek, en Andre de Grasse van Kanada, nog ‘n bruinman, in die derde plek.

Zambiese ‘stembedrog’ gevrees na SA nie stembriewe mag druk nie

Zambiërs het gaan stem ná ’n verkiesings­veldtog wat deur “ongekende” geweld geteister is en die land se relatiewe stabiliteit en demokratiese rekord kan bedreig.

Ten spyte van meer mededingende tenders van Suid-Afrikaanse maatskappye, het die die Verkiesingskommissie vir Zambië (ECZ)’n Doebaaise firma gekies om die stembriewe te druk.

Dit het gelei tot spekulasie oor moontlike stembedrog, het Newsweek berig.

Net 18 maande nadat pres. Edgar Lungu in ’n blitsverkiesing naelskraaps gewen het, kom hy en sy hoofopponent, Hakainde Hichilema, weer teen mekaar te staan in ’n wedloop tussen nege kandidate.

In die 2015-verkiesing was die verskil in stemme tussen die twee kandidate slegs 27 757.

Minstens drie mense is tydens die verkiesingsveldtog dood, wat gekenmerk is deur gereelde­ skermutselinge tussen ondersteuners van Lungu se Patriotic­ Front (PF) en Hichilema se United Party for National Development (UPND).

Vóór stemdag het die verkiesingskommissie ’n verklaring uitgereik waarin die onrus as “ongekend” beskryf is en gewaarsku is dat dit Zambië se “geskiedkundige rekord van vreedsame verkiesings skade berokken”.

Verlede maand is veldtogvoering vir tien dae in Lusaka afgelas om die geweld te verminder.

Die skermutselinge het egter tot stemdag voortgeduur. Dit het straatgevegte en voertuie wat omgegooi is, ingesluit naby die plek waar Hichilema Woensdag sy laaste vergadering in Lusaka gehou het.

Grondwetlike veranderinge het meegebring dat die wenner nou meer as 50 persent van die stemme op hom of haar moet verenig. Dit kan beteken dat ’n tweede rondte verkiesings binne enkele weke gehou kan word, wat die gevaar vir verdere vyandigheid versterk.

Zambië het sedert onafhank­likwording in 1964 oorlog en ernstige politieke onluste vrygespring.

Die vorige vreedsame oordrag van mag aan ’n opposisiekandidaat was in 2011 toe pres. Michael Sata aan bewind gekom het. Hy is in 2014 oorlede en ná die 2015-verkiesing, het die 59-jarige Lungu die reg gewen om Sata se termyn te voltooi.

Zambiërs het gister gestem om wetgewers en plaaslike raadslede te verkies. Hulle het ook in ’n referendum gestem om die handves van regte te wysig.

Die uitslae word laat vandag en môre verwag.

Ma van drie op plaas doodgesteek

‘n Vrou en moeder van drie jong dogters is Woensdagmiddag op ‘n plaas naby Hartbeespoort in Noordwes vermoor.

Sy is vermoedelik oorval kort voordat sy haar kinders by die skool sou gaan haal het.

Verskeie steekwonde is aan haar lyk opgemerk waar sy buite die huis gevind is.

Die polisie het glo die toneel vir leidrade gefynkam tot in die vroeë-oggendure, het Netwerk24 berig.

Die vrou was ‘n weduwee. Haar naam is nog nie bekend gemaak nie. Sy het na die afsterwe van haar man twee jaar gelede, alleen met haar dogters in hul huurhuis op die plaas in die Rietfontein-omgewing gewoon.

Hul huis was afgeleë, weg van ander wonings op die plaas.

Die drie kinders is glo tans in veilige sorg van vriende.

SA kry aanstons nuwe nommerplate

Suid-Afrika sal nuwe nommerplate in 2017 kry, sê die departement van vervoer.

Nuus van die nuwe nommerplate het eers aan die lig gekom in 2015 toe die departement van vervoer ‘n kennisgewing uitgestuur het om Suid-Afrikaners van die beoogde plan van aksie in te lig.

Die nuwe borde, sê die departement, sal elke vyf jaar hernu moet word.

Onder die nuwe wet, moet die nuwe nommerplate die volgende bevat:

  • SABS-sertifisering onder die lisensie van die provinsie.
  • Vier dimensionele strepieskode met QR-kode.
  • Die verkorte naam van die vervaardiger van die nommerplaat.
  • Die unieke nie-oordraagbare stempel van die blanko nommerplaat.

Die letters en syfers sal vertoon in die volgende kleure:

  • Swart – openbare vervoer voertuie.
  • Blou – algemene voertuie en persoonlike nommerplate.
  • Rooi – staatsvoertuie.
  • Groen – diplomatieke voertuie.

Nuwe nommerplate moet die volgende vertoon:

  • SA-vlag op die boonste linkerhoek.
  • lisensie en lisensiemerk van die provinsie.
  • Die naam van die provinsie onder die SA-vlag en gesentreer bo-aan die nommerplaat.

EFF se eis dat OB-onderhoude gestaak word verwerp

Die EFF eis dat die onderhoude vir die pos van Openbare Beskermer gestaak word en dat die proses om kandidate op die kortlys te plaas weer moet begin.

Die hoofsweep van die EFF, Floyd Shivambu, sê daar moet onderhoude met meer mense gedoen word. Hy het ook gevra dat die besluit om op een dag onderhoude met al die kandidate te doen hersien word.

Die EFF dreig met regstappe.

Die Parlement se adhoc-komitee sal vandag onderhoude voer met al 14 kandidate op die kortlys.

Shivambu sê die pos van Openbare Beskermer is te belangrik om oorhaastig keuses te maak.

Die komitee se voorsitter, Makhosi Khoza, het egter die EFF se versoek van die hand gewys en gesê die party se eie optrede het daartoe gelei dat hulle nie vroeër aan vergaderings deelgeneem het waar daar oor die program besluit is nie.

Khoza het bygevoeg dat die doel daarvan is om regverdig teenoor alle kandidate te wees maar indien die onderhoude oor twee dae gehou moes word, sou daar ‘n onregverdige voordeel vir sekere kandidate wees.

Kandidate met wie onderhoude vandag gevoer gaan word het voor agtuur vanoggend by die Parlement begin opdaag. Al veertien die kandidate sal deur die dag voor die komitee verskyn.

Kandidate sal in ‘n afgeslote area wag waar hulle nie sal kan sien hoe die ander kandidate se onderhoude verloop nie.

Die onderhoude sal regstreeks op die parlementêre televisiekanaal en op YouTube gevolg kan word.

Die kandidate sluit onder andere in die adjunk nasionale direkteur van openbare vervolging, Willie Hofmeyr, die voormalige adjunk openbare beskermer, advokaat Mamiki Goodman, en die huidige adjunk openbare beskermer, Kevin Malunga.

Verskeie groepe het vroeër kommer uitgespreek omdat net een dag vir al die onderhoude opsygesit is.

Hulle meen onderhoudvoerders kan moeg word en nie so lank aaneen sal kan konsentreer nie.