Suider-Afrika – Bladsy 31

Veediewe met ‘n wenk vasgestrek voor eienaar wakkerskrik

Die polisie op Edenville in die Vrystaat was vinniger as twee vermeende veediewe wat hul Moses behoorlik teëgekom het nadat hulle na bewering drie skape op ‘n plaas gesteel het.

Polisiewoordvoerder, Ian Gaobepe, sê die verdagtes het gister in die vroeë oggendure op ‘n plaas in die distrik vermoedelik drie skape, wat in ‘n kamp geloop het, uitgekeer.

Gaobepe sê hulle het die skape daarna te voet in die veld aangejaag. Volgens hom het een van dié skape in die proses weggehardloop.

Hy sê iemand het die booswigte in die veld buite die dorp sien skape aanjaag en onraad vermoed. Die polisie is ontbied. Gaobepe sê polisiebeamptes het vinnig gereageer.

Een van die verdagtes is op die toneel by een van dié skape aangekeer. Die ander verdagte is later op die dorp in hegtenis geneem en hy het die plek waar hy een van die ander skape weggesteek het, aan die polisie uitgewys.

Gaobepe sê die boer was heel in sy noppies toe hy ‘n klag van veediefstal by die plaaslike polisiekantoor gaan aanmeld, net om uit te vind sy drie gesteelde skape is reeds teruggevind en twee booswigte is agter tralies.

Die verdagtes sal na verwagting vandag in die plaaslike landdroshof verskyn.

Bron: OFM

Swart leerlinge beseer polisiebeampte by skool

‘n Polisiebeampte is beseer toe swart leerlinge oproerig geraak het en eiendom beskadig het in Tlakgameng naby Ganyesa Donderdag.

Die polisie in Noordwes het gesê die leerlinge het op ‘n plundertog gegaan van die skool.

Kolonel Sabata Mokgwabone sê die polisie is na Thuso-Thebe Hoërskool in Tlakgameng vir ‘n deursoeking van leerlinge. Hulle het beslag gelê op selfone sowel as gevaarlike wapens van die swart tieners.

“Laasgenoemde het daarna die polisie aangeval. ‘n Polisiebeampte is beseer tydens die voorval. POP [Public Order Police oftewel Openbare Orde Polisie] is ontplooi om die situasie te bestuur,” het hy gesê.

Meer besonderhede was nie onmiddellik beskikbaar nie.

Kindermoordenaar Winnie, sterk gom vir swart eenheid

Die kindermoordenaar en terroris Winnie Mandela, het haar 80ste verjaardag by die Mount Nelson-hotel in Kaapstad gevier, saam met haar politieke “vyande”.

EFF-leier Julius Malema, die burgemeester van Kaapstad, Patricia de Lille en ANC adjunk-president Cyril Ramaphosa kon haar nie genoeg ophemel nie.

Ramaphosa, wat een van die hoofsprekers was, het Madikizela-Mandela se “skoonheid en krag” besing, en sy toespraak met ‘n anti-wit gedig van Maya Angelou afgesluit.

Die uitspattige prag-en-praal, op die onkoste van die vrygewige belastingbetaler by Kaapstad se duurste hotel, was nog ‘n kragtoer in oordaad en swak smaak.

Swart eenheid en “vryheidsvegters” was op die selfverheerlikingsspyskaart van die spannetjie marionette wat met veral geweld teen hul eie mense gehelp het om Suid-Afrika aan die oligarge te oorhandig.

“Jy bring Patricia de Lille, myself en ander in die ANC en Julius [Malema] en Dali [Mpofu, “geswore vyand” van Ramaphosa volgens die dooieboommedia], byeen. Sjoe, jy is inderdaad die moeder van die nasie,” het Ramaphosa in die oortreffende trap geflikflooi.

Winnie het gillend die formaliteite afgesluit met die enigste manier wat sy ken, naamlik die gebalde vuis, swartmagkreet: “Amandla!”

Madikizela-Mandela is gebore op 26 September 1936.

Winnie het Stompie Moeketsi oftewel James Sepei, tesame met drie ander swart kinders laat ontvoer op 29 Desember 1988 uit die Metodistepastorie in Orlando, Soweto.

Moeketsi is daarvan beskuldig dat hy ‘n polisie-informant was. Winnie het sy keel laat afsny en sy lyk is op ‘n afvalhoop naby haar huis op 6 Januarie 1989 gevind. Die ander drie is ernstig aangerand.

In 1991, is Winnie Mandela skuldig bevind aan ontvoering en as ‘n medepligtige in die aanrandings. Sy het egter nooit haar ses jaar tronkstraf uitgedien vir haar aandeel in die moord nie. Dit is verminder na ‘n boete en ‘n twee-jaar opgeskorte vonnis op appèl.

In 1992 is sy beskuldig van die moord op dr Abu-Baker Asvat, ‘n familievriend van haar wat Seipei ondersoek het by die huis voordat hy vermoor is, waarskynlik om te keer dat hy nie uitpraat oor Winnie se werklike aandeel in die moord op die kind nie.

Sy het vermoedelik self die kind se keel afgesny, soos dit ‘n ware ISIS-terroris sou betaam.

Toestroming na Kimberley skep sanitasie-kopseer

Meer as 1600 huishoudings in ‘n hele paar plakkerskampe in Galeshewe, Kimberley gebruik die emmer-stelsel.

Dit is volgens ‘n antwoord op ‘n geskrewe vraag in parlement. Water and Sanitatasie Minister Nomvula Mokonyane sê plakkers in Ramona-, Santa Centre- en Lerato Park gebruik nog steeds die emmerstelsel.

‘n Toestroming wat ‘n styging in inwonersgetalle veroorsaak het, sê Mokonyane, het daartoe bygedra dat planne vir behuisingsprojekte heeltemal te kort skiet.

Sy sê dié plakkers is reeds in die gebied gevestig en is besig om baie vinnig uit te brei.

Inwoners van die gebied het verlede jaar teen swak dienslewering betoog en verskeie paaie in die gebied afgesper.

Mokonyane sê daar sal nou gekyk moet word om inwoners wat nie kan baat by die projekte te hervestig.

Diegene wat ook in gebiede bly wat vir die projekte geoormerk is, sal moet verskuif word.

Swart advokaat wat glo regter wou omkoop hoop op borg

‘n Swart advokaat wat na bewering probeer het om ‘n regter om te koop, weet nog nie of ‘n Bloemfonteinse landdroshof aan hom borgtog sal verleen nie.

Landdros Richards Lawrence het die saak tot Donderdag uitgestel.

Vroeër Woensdag het Karabo Tau, 39, wat homself verteenwoordig, gesê hy gaan onskuldig pleit op aanklagte van korrupsie, afpersing, hom voordoen as ‘n advokaat en sameswering om ‘n misdryf te pleeg.

Maar aanklaer Johan Roothman het gesê die staat het ‘n sterk saak teen Tau. Hy het gesê hulle wag vir selfoonrekords en bankstate wat Tau inkrimineer.

“Ek sal dié aanklagte heftig ontken. Ek was nog deurmekaar toe ek daaroor lees in die media,” het Tau daarop geantwoord.

Tau is in hegtenis geneem in Bloemfontein in Augustus nadat hy na bewering deur die families van nege mense beskuldigdes gevra is om ‘n regter om te koop om hulle vry te spreek.

Die nege is skuldig bevind aan die diefstal van diesel en afpersing.

‘n Woordvoerder van die Valke S’fiso Nyakane, sê die nege aangeklaagdes sou gevonnis word in die Vrystaatse hooggeregshof in Oktober.

Hul gesinne het na bewering R80 000 oorbebetaal aan die swart advokaat. Dit was blykbaar ‘n deposito vir die betaling van R500 000 aan die regter.

Maar Tau ontken dit. Hy het aan die hof gesê dat hy borg moet kry omdat hy aan diabetes ly en voortdurend medikasie neem.

Zim stel nuwe verbod op betogings in

Die Zimbabwiese polisie het ’n nuwe verbod op betogings in die hoofstad, Harare, ingestel, het die staatsmedia berig.

Die aankondiging is gedoen net ure nadat ’n koalisie van opposisiepartye aangekondig het dat hulle Saterdag massabetogings landwyd sal hou, het AFP berig.

Die opposisie dring aan dat hervormings vóór die 2018-verkiesings plaasvind.

Anti-regering veldtogvoerders het gesê hulle sal die verbod verontagsaam en hulle op appèl tot die land se howe wend.

“Hierdie is die laaste stuiptrekkings van ’n sterwende bewind en ons verwag niks beter van hulle nie,” het Douglas Mwozora, woordvoerder van die opposisieparty, die Movement for Democratic Change (MDC), gesê.

“Hulle het geen respek vir die landswette nie, maar ons sal nie ons grondwetlike regte prysgee nie.
“Ons sal teruggaan na die howe en hierdie onwettige verbod uitdaag,” het hy gesê.

’n Vroeëre verbod op betogings in Harare is verlede week deur die hof verwerp, ondanks pres. Robert Mugabe wat regters vir hul “onverantwoordelike” uitsprake gekritiseer het.

In ’n kennisgewing in die staatsbeheerde Herald-koerant, het die polisiehoof, Newbert Saunyama, gesê ’n verbod is ingestel teen enige openbare betogings wat vanaf Vrydag vir een maand van krag sal wees.

Hardlife Mudzingwa, ’n woordvoerder vir die drukgroep, Tajamuka het op sy beurt gesê: “Ons sal nie aan hierdie ongrondwetlike opdrag van die polisie gehoor gee nie.”

Opposisie teen Mugabe se 36-jaar lange bewind het in afgelope maande toegeneem met ’n string openbare betogings oor die ekonomiese krisis wat banke ’n tekort aan kontant laat ondervind het en die regering wat sukkel om sy werknemers betyds te betaal.

Die 92-jarige Mugabe het in die verlede dikwels geweld gebruik om sy opponente te onderdruk. Hy het die naweek gewaarsku dat betogers “’n gevaarlike spel speel”.

“Laat die opposisiepartye en diegene wat na chaos, wanorde en gewelddadige betogings streef, gewaarsku wees dat ons geduld besig is om op te raak,” het Mugabe by Zanu-PF se sentrale komiteevergadering gesê.

Verlede week het die regering planne aangekondig om 25 000 poste af te skaf nadat dit aan die lig gekom het dat 97 persent van die staat se inkomste aan staatsamptenare se salarisse bestee word.

Voormalige Valke-hoof veg terug teen Indiër-sakeman

Die voormalige hoof van die Valke in KwaZulu-Natal, Johan Booysen, sê hy is van mening dat die Nasionale Vervolgingsgesag gemanipuleer word.

Booysen sê die aanklagte dat hy en 30 lede van die Valke se Cato Manor-eenheid soos ‘n moordbende gefunksioneer het, is die funksie van politiekery.

Hy hou reeds jare lank vol dat hy van rampokkery aangekla word om die Toshan Panday-ondersoek te stop.

Hy het ‘n boek oor sy wedervaringe bekendgestel, waarin hy sê dat die doel van die aanklagte teen hom is om hom te keer om hoëvlakkorrupsie te ondersoek.

Die Nasionale Vervolgingsgesag het intussen besluit om die aanklagte teen die Durbanse sakeman, Panday (foto), weer in te stel.

Sedert 2010 het Panday vier afsonderlike aanklagte gesystap.

Sy verhouding met lede van die Zuma-familie, onder meer Jacob Zuma se seun Edward en die president se neef Deebo Mzobe, het vermoedelik gehelp daartoe.

Panday is vir die eerste ondersoek saam met ene Madhoe, ‘n aankoopbeampte by die polisie se hoofkantoor in Durban, omdat hulle saamgesweer het om die Suid-Afrikaanse Polisiediens te bedrieg oor ‘n R60-miljoen kontrak om tydelike verblyf vir die polisie te verskaf in KwaZulu-Natal tydens die 2010 FIFA Wêreldbeker.

Panday is later in hegtenis geneem nadat hy na bewering Booysen met R2-miljoen wou omkoop om ‘n verslagdatum te vervals.

Panday en die senior polisie-offisier, Navin Madhoe, sal op aanklagte van korrupsie in die Durban-streekhof verskyn.

Venda-bank wat Zuma-lening verskaf onder die soeklig

In ‘n eksklusiewe onderhoud op Power FM het die uitvoerende hoof VBS Mutual Bank, Andile Ramavhunga gesê die bank se lening president Zuma het groter belangstelling gewek as wat verwag is.

“Die publisiteit wat ons in die afgelope twee dae ontvang het, is net oorweldigend. Sommige daarvan is negatief, sommige daarvan positief.”

Die bank bestaan sedert 1982 en het begin met ‘n kliëntebasis van inwoners van die destydse Republiek van Venda as kliënte, wat spesialiseer in huislenings aan stamhoofde.

Die bank het drie takke in Limpopo en een in Gauteng.

Ramavhunga het gesê hy kan nie meer oor die lenig uitwei nie weens vertroulikheidklousules. Hy het ontken dat politieke invloed enige rol gespeel het in die bank se besluit.

Volgens Ramavhunga, het die bank meer as R300 miljoen se soortgelyke lenings aan ander Suid-Afrikaners goedgekeur.

Zuma het die Nasionale Vergadering Dinsdag toespreek en vrae van parlementslede beantwoord, maar voor hy kon begin, het opposisielede hul gewone manewales uitgehaal.

Die EFF het hom daarvan beskuldig dat hy sy ampseed verbreek het en het daarna uitgestap. Zuma sê die Nasionale Vergadering behoort hom nie te nooi as niemand in sy antwoorde belangstel nie.

Ander opposisiepartye het die President se lening bevraagteken vir die R7,8 miljoen om nie-veiligheidsopgraderings by sy privaatwoning op Nkandla terug te betaal.

Die EFF, self intiem vertroud met korrupsie-aanklagte, het daarop gewys dat die Openbare Beleggingskorporasie ‘n 25 persent aandeel in die bank het.

Media24 het die EFF lowend beskryf as ‘n party wat uit die “volksmond” praat.

‘Verdraagsame’ gays jubel na SA pastoor verbied

Steven Anderson, ‘n Amerikaanse pastoor wat gekant is teen homoseksuele, is hartseer oor die besluit van Suid-Afrika om hom en sy 17 helpers te verbied om na die land te reis.

Anderson het nou sy hoop op Botswana geplaas, maar GayRadio SA se bedryfsbestuurder Hendrik Baird het gesê Botswana moet Suid-Afrika se voorbeeld volg en Anderson ook toegang verbied.

Die radiostasie het name ingesamel teen die pastoor se besoek.

“Ek is verban uit Suid-Afrika en die Verenigde Koninkryk. Ek word nie eens toegelaat om ‘n aansluitingsvlug in Londen te kry nie,” het Anderson op Facebook en Twitter gesê.

Hy het uit Handelinge 18, vers 6 aangehaal:

Paulus al sy aandag bestee aan die prediking om die Jode daarvan te oortuig dat Jesus die Messias is.

6 Toe hierdie Jode hom egter aanhou teenstaan en beledig, het hy die stof van sy klere afgeskud en vir hulle gesê: “Julle bloed is op julle eie kop. Ek is onskuldig. Van nou af spits ek my toe op die nie-Jode.”

“Ek voel jammer vir mense wat in Suid-Afrika woon, maar dank God ons het nog ‘n wye oop deur in Botswana. Bly uitkyk vir verslae van menigtes wat gered word in Botswana, waar godsdiensvryheid nog bestaan,” het hy geskryf.

Die minister van Binnelandse Sake Malusi Gigaba, het sy aansoek vir vrystelling van ‘n visum teruggetrek.

Gigaba het Dinsdag aangekondig dat Anderson, van die Gelowige Wêreld Baptiste Kerk in Arizona, in terme van die Wet op Immigrasie, Artikel 29 (1) d toegang verbied is, na aanleiding van ‘n petisie wat GaySA Radio geloods het.

Die 17-sterk afvaardiging wat Anderson (foto) vergesel sal ook nie welkom wees nie.

In die aanloop tot die aankondiging van sy besluit, het Gigaba sonder ironie gesê Suid-Afrika is ‘n “pionier” van maatskaplike geregtigheid en menseregte.

Die land het die hoogste moord- en verkragtingsyfer ter wêreld en die bestaan van ‘n sistematiese uitwissingsveldtog teen wit boere is algemene kennis. Herhaaldelike petisies met honderde duisende name oor die verskriklike toestand, het geen indruk nog gemaak op die regering nie.

Burgers van die VSA word gewoonlik vrygestel van ‘n aansoek om ‘n visum na Suid-Afrika te kom, maar in die geval van Anderson en sy gevolg, is hierdie voorreg herroep.

Anderson sê Botswana is meer ontvanklik vir sy standpunt dat gay mense sodomiete is. Hy het gesê hy het ‘n sendeling wat reeds werk doen daar, en glo hulle sal verwelkom word.

Anderson het ondersteuners in Botswana soos dit uit ‘n Facebook-inskrywing blyk: “Een ding kan jy weet van mense wat hulself voordoen as verdraagsaam, is dat hulle net verdraagsaam is teenoor sonde, nie verskillende idees nie. Moenie daaroor bekommer nie Pastoor Anderson.. hou aan met die verkondiging van die Woord.”

Vrystaatse munisipaliteite het meeste uitstaande skuld

Munisipaliteite in die Vrystaat het die meeste uitstaande skuld in vergelyking met ander provinsies.

Dit is volgens ‘n finansiële verslag, wat die stand van munisipaliteite landswyd soos op 30 Junie 2016, vergelyk. Die verslag dui daarop dat 73.7% van munisipaliteite in die provinsie se skuld aan diensleweraars al vir meer as 90 dae agterstallig is.

Die provinsie met die tweede meeste uitstaande skuld is Mpumalanga met 69.4% en die Noord-Kaap met 66.9%. Die totale uitstaande skuld van munisipaliteite aan diensleweraars het op 30 Junie vanjaar op R38.9 miljard rand gestaan.

Hierteenoor het munisipaliteite in die Vrystaat egter 100% van hulle Landelike Huishoudelike Infrastruktuurtoekenning bestee.

Hierdie toekenning word meestal bestee vir die uitwissing van sanitasie agterstand in gebiede waar grootmaat sanitasiedienste nie beskikbaar is nie.

Bron: OFM

Al-Sjabaab slaan weer in Kenia toe

Al-Sjabaab het weer in Kenia toegeslaan. Drie vroue in boerkas het ‘n polisiekantoor in Mombasa in Kenia al kletsend binnegdring, waar hulle een polisieman met ‘n mes aangeval het voordat hulle die gebou met behulp van ‘n petrolbom aan die brand gesteek het.

Die drie is op die toneel doodgeskiet.

Die polisie het ook ‘n selfmoordgordel gevind wat nie ontplof het nie, het ‘n polisiewoordvoerder gesê.

Die stad Mombasa aan Kenia se kus het ‘n groot Moslembevolking en het die afgelope jare gereeld onder aanvalle deur Islamitiese militante deurgeloop.

Die vroue het onder die voorwendsel dat hulle ’n gesteelde telefoon wou aanmeld, Saterdagoggend by die polisiekantoor ingestap. ’n Petrolbom en ’n mes was in hul boerkas, ook bekend as boei-boei, versteek.

Twee polisiebeamptes is in die hospitaal opgeneem en word vir hul beserings behandel.

‘n Vrou by wie die drie vroue die nag vantevore tuis gegaan het, word aangehou. Drie ander mense is by die huis van een van die aanvallers aangekeer.

Die polisie het nie gesê aan watter militante groep die vroue verbind word nie, maar ’n ooggetuie op die toneel het gesê die vroue het gesê hulle is lojaal aan Al-Sjabaab.

Hulle het ook Arabiese slagspreuke soos “Alla uAkbar” tydens die aanval geskree.

Die Somaliese groep Al-Sjabaab, wat bande met Al-Kaïda het, het aanspreeklikheid vir die aanval in Mombasa aanvaar en sê die aanval is ter vergelding vir die troepe wat Kenia na Somalië gestuur het.

Duitse regering gebruik amptelik ‘volksmoord’ vir Herero-slagting

Die Duitse regering se spesiale gesant vir onderhandelinge oor die 1904-1908 Duitse koloniale volksmoord in Namibië, Ruprecht Polenz, en sy Namibiese eweknie, Zed Ngavirue, het vanaf 5 tot 7 September in die Duitse hoofstad, Berlyn, vergader.

Dit is die vierde rondte van onderhandelinge tussen die twee lande.

Die Namibiese afvaardiging het verteenwoordigers van die geraakte gemeenskappe en hooggeplaaste regeringsamptenare ingesluit.

Volgens ’n kort verklaring deur die Duitse ambassade in Windhoek, het die samesprekinge in ’n “goeie en konstruktiewe atmosfeer” plaasgevind.

Die volgende rondte sal later vanjaar in Namibië plaasvind waar die Namibiërs waarskynlik sal probeer om geld uit die Duitsers te pers.

Maar die Duitse regering weier om “vergoeding” te betaal aan Namibië. Daar word gesê dat hulle “ontwikkelingshulp” sal gee.

Die dryfkrag agter die Duitse inskiklikheid om die Armeense volksmoord verlede maand te erken het gesê dat hy nou sal druk toepas in die Bundestag om te stem oor die Herero-volksmoord.

“Ek dink dit is ons plig om vinnig hierdie volksmoord ook te erken,” het Cem Özdemir (foto) van die opposisie Groen Party gesê.

Die Herero-volksmoord is “baie belangriker” vir die Duitse parlement omdat dit Duitse troepe was wat “die vernaamste sondebok was,” het hy gesê.

Erdogan, die Turkse president, het die Duitse parlement van skynheiligheid beskuldig om die moord op Armeniërs deur Ottomaanse soldate as volksmoord te beskryf, maar nie die uitwissing van die Herero deur Duitsers nie.

Dit is egter nou reggestel, en Angela Merkel het erken dat die Duitse regering voortaan amptelik na die Herero-slagting as “volksmoord” sal verwys. Dit is bevestig in ‘n skriftelike verklaring in die Bundestag na ‘n parlementêre vraag.

Die Duitsers het dus vir die eerste keer in die geskiedenis historiese skuld erken vir wat tussen 1904 en 1908 in Namibië gebeur het.

Na Nkandla wag moeilike vrae oor kredietgraderings

President Jacob Zuma sal Dinsdag in die Nasionale Vergadering vrae van parlementslede beantwoord.

Dit volg ‘n dag nadat hy verklaar het dat hy die geld vir Nkandla gaan terugbetaal.

Die Grondwethof se beslissing dat Zuma byna agt miljoen rand moet opdok wat aan nie-veiligheidsopgraderings aan sy huis op Nkandla bestee is, het hom genoop tot die stap.

Die meeste bevindings van ‘n verslag van die Openbare Beskermer is deur die Hof bekragtig.

Die Presidensie en die Tesourie het vroeër bevestig dat Zuma die geld betaal het. Hy het ‘n huislening by die VBS Mutual Bank, ‘n Vendabank, bekom.

Die vrae aan die president sal glo handel oor besonderhede van die nuwe presidensiële koordineringsraad vir staatsbeheerde maatskappye, waarvan die president die voorsitter is.

Moontlike oplossings vir kredietafgraderings om te verseker dat arm mense so min as moontlik geraak word, sal ook behandel word, meen ontleders.

Beleggers moet Suid-Afrika as ‘n veilige beleggingsbestemming kan oorweeg, sê hulle.

Die ANC parlementslede sal ook vrae aan die president stel.

SA uitgedaag om Moslemveelwywery te erken

Die Vroueregsentrum gaan die Suid-Afrikaanse regering in die Wes-Kaapse Hooggeregshof uitdaag om Moslemveelwywery te erken.

Moslemvroue is glo ongelukkig oor die versuim om Moslemhuwelike amptelik te aanvaar.

Verskeie regeringsdepartemente insluitende Binnelandse Sake staan die aansoek teen.

‘n Prokureur, Hoodah Abrahams-Fayker, sê wanneer burgerlike of gewoontereghuwelike misluk, tree die reg in om regverdigheid tussen die eggenote te verseker en kinders te beskerm.

Abrahams-Fayker sê dit is nie die geval met Moslemhuwelike nie.

Sy sê hulle dien die aansoek in in die openbare belang omdat die gebrek aan erkenning vroue en kinders raak.