‘n Swart advokaat wat na bewering probeer het om ‘n regter om te koop, weet nog nie of ‘n Bloemfonteinse landdroshof aan hom borgtog sal verleen nie.
Landdros Richards Lawrence het die saak tot Donderdag uitgestel.
Vroeër Woensdag het Karabo Tau, 39, wat homself verteenwoordig, gesê hy gaan onskuldig pleit op aanklagte van korrupsie, afpersing, hom voordoen as ‘n advokaat en sameswering om ‘n misdryf te pleeg.
Maar aanklaer Johan Roothman het gesê die staat het ‘n sterk saak teen Tau. Hy het gesê hulle wag vir selfoonrekords en bankstate wat Tau inkrimineer.
“Ek sal dié aanklagte heftig ontken. Ek was nog deurmekaar toe ek daaroor lees in die media,” het Tau daarop geantwoord.
Tau is in hegtenis geneem in Bloemfontein in Augustus nadat hy na bewering deur die families van nege mense beskuldigdes gevra is om ‘n regter om te koop om hulle vry te spreek.
Die nege is skuldig bevind aan die diefstal van diesel en afpersing.
‘n Woordvoerder van die Valke S’fiso Nyakane, sê die nege aangeklaagdes sou gevonnis word in die Vrystaatse hooggeregshof in Oktober.
Hul gesinne het na bewering R80 000 oorbebetaal aan die swart advokaat. Dit was blykbaar ‘n deposito vir die betaling van R500 000 aan die regter.
Maar Tau ontken dit. Hy het aan die hof gesê dat hy borg moet kry omdat hy aan diabetes ly en voortdurend medikasie neem.
Ja’k, soos ‘n regsman my vertel van ‘n Indiër wat die eiser in ‘n saak is. Sy opponent is ook ‘n Indiër.
Vra die applikant aan sy advokaat of die regter omkoopbaar is met ‘n bottel Whiskey. “Nee, nee, dit moet jy nie doen nie dan kan jy maar weet jy verloor die saak!”
Toe die uitspraak kom, is die regter sommer kortaf met sy uitspraak teen die verweerder Indiër – diè moet sommer al die kostes betaal.
Vra die eiser se advokaat vir hom, “Het jy die regter omgekoop?”
“Nee”, sê die eiser, “ek het die regter ‘n bottel Whiskey gestuur onder die naam van die verweerder.”