Karin Roodt – Bladsy 23

Swaar reën demp Krugerwildtuin, Oscar

Daar is nog geen einde in sig vir die deurdringende reën wat dae reeds oor die noordelike en oostelike dele van die land uitsak nie, het RSG berig.

Dit reën reeds ‘n week lank in Gauteng en Mpumalanga. Die Suid-Afrikaanse Weerdiens sê inwoners van dié twee provinsies moet hul regmaak vir ‘n nat naweek.

Kanse vir reën wat oor Limpopo, Noordwes, Gauteng, Mpumalanga en Kwa Zulu-Natal sal uitsak Sondag is 80 persent.

Die Nasionale Krugerwildtuin het die hek by Krokodilbrug en vier ander kampe weens oorstromings gesluit.

Volgens ‘n woordvoerder van die wildtuin, William Mabasa, word die meeste paaie en brue in die suide van die wildtuin geraak deur vloedgevaar en is dit gesluit om moontlike ongevalle te voorkom.

Die swaar reën in Pretoria sal waarskynlik lede van die publiek ontmoedig om die Oscar Pistorius-verhoor by te woon.

Die saak word Vrydagoggend halftien in die Noord-Gautengse hooggeregshof hervat. Mense het Donderdag sowat drie banke in die aangrensende hofsaal volgesit, maar minder word Vrydag verwag.

Die nat toestande bied ook tegniese uitdagings vir fotograwe en die uitsaai-media van regoor die wêreld. Die sewende staatsgetuie, dokter Johan Stipp sal binnekort verder kruisondervra word.

Intussen word berig dat Michelle Burger en haar man Charl Johnson die meeste aandag in die aanlyn-media kry. Volgens die media monitoreringsmaatskappy, Data Driven, kry die egpaar sowat 70 persent van die aandag.

Die twee was lank in die getuiebank en het onder kruisondervraging deurgeloop. Kevin Lerena, wat getuig het oor die voorval toe Pistorius ‘n vuurwapen in ‘n restourant laat afgaan het, het elf persent media aandag gekry.

Dr. Johan Stipp se getuienis oor hoe Pistorius Reeva probeer bybring het, het agt persent gekry.

Die media gebruik ook die woord skuldig, met verwysing na die saak, tien keer meer as onskuldig.

Polisie plunder saam by Pienaar

Kruideniersware afgelewer — Gesteelde kruideniersware afgelewer

Polisielede het blykbaar die plundertogte by Pienaar as ‘n geleenteheid gesien om self deel te neem.

Vier polisiebeamptes is Donderdag in verband met diefstal en regsverydeling in Mpumalanga hegtenis geneem. Kruideniersware is glo tydens die onlangse onrus in Pienaar gesteel.

Kol. Leonard Hlathi, polisiewoordvoerder, het gesê die beamptes, tussen 30 en 34 jaar, staan tereg op aanklagte van diefstal, die besit van gesteelde goedere en regsverydeling.

Inwoners van Pienaar naby Nelspruit die polisie Woensdag in kennis gestel dat twee polisiebakkies kruideniersware by ŉ huis in die area aflaai.

Toe die polisie by die toneel opdaag, het ‘n vrou wat daar woon aan die polisielede gesê dat die vier beamptes die kruideniersware by haar huis afgelaai het. Sy het nie geld gehad om hulle te betaal nie.

Die beamptes wou R2 500 vir die kruideniersware ter waarde van R4 000 hê. Toe sy aan die konstabels sê dat sy nie die geld het nie, het hulle gesê hulle sal die geld later by haar kom haal.

Die vrou is in hegtenis geneem vir die besit van gesteelde goedere. Die verdagtes het hulself Donderdag aan die polisie oorgegee.

Hulle sal na verwagting Vrydag in die Kabokweni-landdroshof verskyn.

NWU wys Nazi-saluut-ondersoekspan aan

Die Noordwes-Universiteit sal ’n ondersoekspan van vier aanwys om ontgroeningspraktyke op al die universiteit se kampusse te bestudeer, het die bestuur Donderdag gesê.

Die ondersoek is gelas na ’n ontgroeningsvoorval waarin die Nazi-saluut glo gebruik is by dié universiteit.

Beeldmateriaal is kwaadwillig geredigeer deur ‘n Naspers-joernalis, bevriend met die redakteur van Beeld, om die studente as “ongetransformeerde wit studente” voor te stel. Dié stereotipiese voorstelling het groot byval by Boerhaters gevind.

President Zuma het vroeër aangedui dat die voorvalle waar die Nazi-saluut gegee word, ondersoek moet word omdat dit onaanvaarbaar is.

“Die (universiteit se) raad het besluit om ’n onafhanklike span van vier persone aan te wys om die verwelkoming en bekendstelling van eerstejaarstudente op al drie kampusse te ondersoek,” het die raadsvoorsitter, Peet van der Walt, in Pretoria aan verslaggewers gesê.

Die span sal gevra word om ondersoek in te stel na kulturele toelating, oriëntering, ontgroening en ander praktyke.

“Hulle sal die ontvangs- en bekendstellingsprogramme op al die kampusse ondersoek en vasstel wat die beste praktyke landwyd en wêreldwyd in hierdie opsig is,” het hy gesê.

Van der Walt het gesê die ondersoek na die voorval wat Beeld se voorblad gehaal het, is voltooi en daar sal nou opgetree word. “Die dissiplinêre proses sal nou voortgaan,” het hy gesê.

HK-lede van die Noordwes-Universiteit se Puk-kampus in Potchefstroom het intussen regshulp ingewin nadat hulle verlede maand geskors is.

Nege HK-lede elk van die manskoshuis Over de Voor en die Karlien-dameskoshuis is op 11 Februarie tydelik van hul verantwoordelikhede onthef weens die “onbehoorlike” praktyke.

Chantelle Ludik, die geskorste primaria van Karlien-dameskoshuis, is nooit die kans gegun om haar saak te stel voordat sy summier geskors is nie.

Twee HK-lede het hul eie regsverteenwoordigers genader, terwyl een regsverteenwoordiger moontlik die sewe ander HK-lede se saak sal behartig.

Beurtkrag sal nog voortduur

Die minister van openbare ondernemings, Malusi Gigaba sê die huidge klam toestande wat deur die aanhoudende reën by sommige kragaanlegte veroorsaak is, is net deels verantwoordelik vir die kragnoodtoestand.

Hy sê die reën is nie die enigste faktor nie.

Beurtkrag wat deur Eskom ingestel is, sal volgens alle aanduidings nog verskeie dae kan voortduur.

Die woordvoerder van die Tshwane Metro, Selby Bokaba sê Pretoria moet regmaak vir kragonderbrekings wat minstens nog ‘n week kan voortduur. Bokaba sê munisipaliteite reg oor die land wag dat die jongste inligting oor beurtkrag afgekondig word.

Eskom het Donderdagaand weer die noodtoestand opgehef, maar volgens ‘n woordvoerder, Andrew Etzinger verkeer kragvoorsiening steeds onder ernstige druk.

Etzinger sê beurtkrag sal waarskynlik verleng moet word om die druk te verlig.

PRAAG se rekenaars was Woensdagoggend vir ‘n paar uur onverwags sonder krag.

Die Krim kies Rusland

Die Krim het Donderdag oorweldigend ten gunste van aansluiting by Rusland gekies, nadat die parlement in dié Russiese deel van die Oekraïne gestem het.

Westerse mediapropaganda poog om sedert die staatsgreep wat deur Anglo-Amerikaanse agente uitgevoer is, die Russiese teenwoordigheid as ‘n “inval” te beskryf.

Daar is tans 16.000 Russiese troepe in die Krim. Rusland het die reg om 25.000 van hul troepe daar te ontplooi agv van vroeëre ooreenkomste wat tussen die twee lande gesluit is. Rusland het verskeie strategiese militêre basisse in die Oekraïne.

Die nuut aangestelde Anglo-Amerikaanse marionette probeer Kiëf in ‘n ooreenkoms met die Europese Unie dwing met die hulp van Amerikaanse dreigemente van militêre optrede en sanksies teen Rusland.

Die pro-Russiese parlementslede het verder aangekondig dat hulle op 16 Maart ‘n referendum sal hou oor die moontlikheid dat Krim wegbreek van die Oekraïne.

Uit die 86 parlementslede het 76 ten gunste van nouer bande met Rusland gestem. Die marionette in Kiëf het die besluit onmiddellik as “onwettig” verklaar, terwyl die Moslem-minderheid gesê het hulle gaan die verkiesing boikot.

Die krisis wat die VSA ontketen het, is die ergste sedert die Koue Oorlog. Amerika probeer hul energiemonopolie in Europa vestig om Rusland te ondermyn.

President Barack Obama het intussen ‘n uitvoerende bevel uitgereik om kritici van die VSA-gesteunde staatsgreep in die Oekraïne toegang tot die Verenigde State te verbied.

“Toegang tot die Verenigde State van Amerika word aan immigrante of besoekers geweier van sodanige persone wat aan die volgende kriteria voldoen: (i) Verantwoordelik is vir of aandadig aan, of betrokke is in, direk of indirek, aan enige van die volgende: (A) optrede of beleid wat demokratiese prosesse of instellings in die Oekraïne ondermyn.”

Kennelik word hierdie “demokratiese prosesse” deur die VSA alleen bepaal, en sluit nie die mening in van inwoners in die land self nie. ‘n Golf neo-Nazi-ondersteuners, die Svoboda Party, in die Oekraïne het die staatsgreep moontlik gemaak.

Die VSA steun hierdie groep openlik, ten spyte daarvan dat neo-Nazi-simpatiseerders in Amerika as gevaarlike “wit suprematiste” gebrandmerk word.

Volgens CNN se Craig Bannister sal dit beteken dat enige persoon wat simpatiek teenoor Rusland is, toegang tot die VSA geweier sal word. Dit beteken ook dat vryheid van politieke assosiasie in die VSA nie meer erken word nie en dat net politieke korrektheid geduld sal word.

Min kiesers registreer om te stem

Min kiesers het geregistreer om te stem in die komende verkiesings. Net 80,8% van stemgeregtigde Suid-Afrikaners sal op 7 Mei hul kruisies kan trek.

Net 25 390 150 Suid-Afrikaners is geregistreer om te stem, die meeste van hulle vroulik en jonk, het Beeld berig.

Van die geregistreerde kiesers is 55% vroulik en 50% is jonger as 40.

Die hoofverkiesingsbeampte van die Onafhanklike Verkiesingskommissie (OVK), het Donderdag nadat die lyste afgehandel is, die aantal geregistreerde kiesers bekend gemaak.

Alhoewel dit is 2,2 miljoen meer is as in 2009, is dit die laagste registrasiesyfer in tien jaar.

Die meeste kiesers, 6,1 miljoen, is tussen 30 en 39 jaar oud. 5,7 miljoen is tussen 20 en 29 jaar oud en 5 miljoen tussen 40 en 49.

‘n Navorser by die Suid-Afrikaanse Instituut vir Rasseverhoudinge (SAIRV) sê studies toon dat kiesers nie stem nie omdat hulle glo die verkiesingsuitslag sal nie veel verander nie.

Potch-heksejag: Wat wil jy wees?

Deur Gerhard Venter

Ek het op skool geleer dat as jy anti iets is, moet jy pro iets anders wees.

Is Elma Smit en Adriaan Basson dan ondersteuners van pedofiele en allerlei ander afskuwelike perversies?

Kom ek verduidelik. As jy pro-Amerikaans is, sou jy uiteraard pro-kapitalisties en pro-demokraties wees want hulle gee voor om die voorvegters vir vryheid en geregtigheid te wees.

Jy sou jouself ook met die beleidsrigtings en sosiale standaarde van die gemiddelde Amerikaner vereenselwig, en fel anti-kommunisties wees wat ideale, politiek en ekonomie betref.

Die Potch-debakel laat ‘n mens dink wat anti-Nazi, anti-Hitler en pro-Nazi en pro-Hitler werklik beteken, en hier begin die hele ou kaartehuis ineentuimel. Want sien die eerste ding wat Hitler en sy party gedoen het nadat hul aan bewind gekom het was om Berlyn, of Babilon soos hy dit gestel het, te vernietig.

In die 1920’s was Berlyn bekend as die sekshoofstad van Europa. Berlyn was toe deur misdaadsindikate beheer gedurende Duitsland se ergste depressie, en mense het daagliks selfmoord gepleeg agv hul benarde finansiële omstandighede.

Duitse vroue, selfs seuns en meisies, het weens hul ekonomiese verknorsing hulself tot prostitusie gewend om te oorleef. Dis dan ook hier waar die eerste homseksuele film genaamd Anders as die ander deur ‘n ene Magnus Hirschfeld vervaardig is.

Hy was die dryfveer agter seksuele vryheidsbeginsels wat sadomasochisme, pedofilie en bestialiteit ingesluit het.

Hy het ook ‘n skool vir die bogenoemde afwykings geopen en was bekend as die Einstein van seks. Hy was ‘n voorstaander van aborsies wat hy met ywer aangemoedig het.

Pedofiele en perverte het na Berlyn van oraloor uit die buiteland gestroom want hulle kon daar vir ‘n nietige som geld koning kraai en alllerlei perversies uitleef.

Hitler se gewildheid het juis toegeneem weens sy beloftes om van hierdie plaag, wat hy as Babilon beskou het, ontslae te raak.

Daarom bly die optrede van dié Naspers-gespuis ‘n raaisel. Wil hulle dan graag die terugkeer van ‘n Hitler aanmoedig?

Rassisme? Hitler se weermag was die mees veelrassige weermag van sy tyd. Daar was Indiërs, Asiërs, Japannese, en swart soldate in die Duitse weermag. Daar is steeds hordes foto’s van hierdie vrywillige troepe beskikbaar.

Die tergendste vraag is dan hoekom hul almal bereid was om vir Hitler – die “aartsrassis” – te sterf? Daar was selfs Jode in Hitler se weermag waaronder generaals en veldmaarskalke.

Een van die stigterslede van die SS was ‘n Jood. Hitler se beleid was eenvoudig elke volk regeer oor homself en volke moet nie vermeng nie. Is dit nie ‘n basiese beginsel van die Bybel nie?

Seksisme? Vroulike gevegsvlieëniers is deur die Nazi’s opgelei, soos onder meer Hanna Reitsch. Hierdie ystervrou het menige manne in die skande gesteek met haar vliegkuns en sy is beskou as een van die bestes in die wêreld.

Verskeie van Reitsch se internasionale sweefrekords staan steeds. In die 1960’s het sy ‘n sweefskool in Ghana geopen, waar sy vir Kwame Nkrumah gewerk het.

Aan die jong mense van Potchefstroom wil ek dus net sê: Julle het niks verkeerd gedoen nie, en ek salueer julle!

Vir al die gepuis wat hulle oordeel, nou ja, kies dan maar self: Om pro-Hitler te wees impliseer seker anti-pedofilie, anti-prostitisie, anti-aborsie, anti-bestualiteit, anti-pervers, anti-rassisties en les bes, anti-seksisties.

Arbeidsontleder waarsku mynmaatskappye

‘n Arbeidsontleder, Terry Bell het mynmaatskappye gewaarsku om simpatiek te wees teenoor die lot van mynwerkers, het RSG berig.

Lede van die vakbond Amcu het in Januarie begin staak. Hulle eis ‘n intreevlak-salaris van R12 500.

Die kommissie vir versoening, bemiddeling en arbitrasie (KVBA), het samesperkings om die staking in die platinumsektor te beëindig, vir ‘n onbepaalde tyd opgeskort omdat Amcu en platinummaatskappye sê hulle mandate laat hulle nie toe om verder te onderhandel nie.

Die drie grootste platinummaatskappye het meer as sewe miljard rand in inkomste verloor sedert die staking begin het, terwyl werkers meer as drie miljard rand in lone verloor het.

Bell sê egter dat mynmaatskappye hulle verliese sal kan verhaal, terwyl mynwerkers nie so maklik sal herstel van die staking nie.

Amcu hou vandag ‘n optog na die Uniegebou om ‘n memorandum met eise aan regeringsamptenare te oorhandig.

Ierse wedder moet Oscar-advertensie afhaal

Die Britse advertensie-reguleerder het die Ierse beroepswedder, Paddy Power beveel om sy omstrede advertensie oor Oscar Pistorius in Brittanje te onttrek.

Die groep se advertensie beeld ‘n Oscar-toekenning uit wat met Oscar Pistorius verband hou.

Duisende klagtes het ingestroom nadat die maatskappy ‘n veldtog gevoer het om mense op die uitslag van die Pistorius-moordverhoor te laat wed.

Die advertensie-owerheid, die Advertising Standards Authority (ASA ) het 5200 klagtes tot dusver ontvang oor die advertensie in die koerant en beskryf dit as ‘n “ongekende aantal klagtes”.

Die advertensie toon ‘n foto van Pistorius as ‘n beeldjie van ‘n Oscar-toekenning soos die Amerikaanse rolprentbedryf uitloof.

Neffens die beeldjie is die woorde: “Dis Oscar-tyd. Kry jou geld terug as hy vrykom.”

Die golf van die klagtes is aangevuur deur ‘n aanlynpetisie op Change.org wat meer as 122.000 handtekeninge gelok het.

Die ASA het gesê hulle ondersoek klagtes dat Paddy Power “die kwessies rondom ‘n moordverhoor, die dood van ‘n vrou en gestremdheid belaglik gemaak het”.

Die Pistorius-advertensie stel die “goeie reputasie van reklame in die algemeen” in ‘n swak lig, sê die ASA.

Die ASA het gesê Paddy Power het ingestem om die advertensie te onttrek van koerante in die Verenigde Koninkryk.

DA wil buitelanders in SA se sekuriteitsbedryf hou

Die DA en VF+ staan die nuwe klousule teen wat buitelandse eienaarskap in die privaatsekuruteitsbedryf beperk. Dié partye sê dit sal “werkloosheid” meebring.

Die wetgewing is daarop gemik om strenger regulering in die privaatsekuriteitsbedryf toe te pas. Daar is meer lede in dié bedryf as in die weermag en polisie saam.

Die Nasionale Raad van Provinsies het die Wysigingswetsontwerp oor die Regulering van die Privaatsekuriteitsbedryf met 20 stemme teenoor 9 goedgekeur.

Die wetsontwerp is verlede week in die Nasionale Vergadering aanvaar. President Jacob Zuma sal eersdaags die wetsontwerp bekragtig.

Privaat eienaarskap sal tot 49% beperk word.

Die DA sê die wetsontwerp gaan ook ‘n nadelige uitwerking op die ekonomie hê. Die VF+ het vroeër gesê die wetsontwerp is “ongrondwetlik”.

Eskom roep nuwe noodtoestand uit, beurtkrag kom

Eskom het ‘n beroep op die publiek gedoen om kragverbruik te verminder, nadat die kragvoorsiener ‘n nuwe noodtoestand uitgeroep het.

Eskom het Donderdagoggend opnuut ‘n noodtoestand verklaar en gewaarsku dat hulle genoodsaak sal wees om beurtkrag toe te pas.

‘n Woordvoerder van Eskom, Andrew Etzinger sê steenkool-voorrade is glo nat na sewe dae se swaar reëns.

Etzinger sê hulle het groot nywerheids-kliënte gevra om hulle kragverbruik met 10 persent te verminder, maar die vermindering blyk nie genoeg te wees om die kragtekort te verlig nie.

Volgens Etzinger sal dit beteken dat beurtkrag toegepas mag word.

Reusegrondeis kom teen Pretoria

Meer as 700.000 swartes wat beweer hulle is afstammelinge van ‘n Ndebelekoning Tshwane sê die eienaarskap van Pretoria – waar die setel van die regering, die Uniegebou geleë is – kom hulle toe.

Die stad van 687.54km² en setel van nasionale staatsdepartemente, is die Afrikanererfenishoofstad met die Voortrekkermonument wat daaroor uittroon. Een van die grootste grondeise ooit sal nou oor die gebied in die hof betwis word.

Verlede week het die eisers die eerste ronde gewen toe die Grondeisehof ‘n bevel toegestaan het dat die plaaslike grondeisekommissaris vir Gauteng en Noordwes hul eis herstel.

Volgens hofstukke is lede van die stamme wat glo bestaansboere met vee was, “gemartel en ‘n paar is dood” toe hulle gedwing is om uit Pretoria pad te gee tussen 1913 en 1970.

Die stamme beweer dat hulle en hul voorouers “eksklusiewe besetting van die grond in die Pretoria-distrik en sy omliggende gebiede geniet het voordat dit met geweld van hulle geneem is”.

Hulle is glo “in vragmotors gelaai en op die buitewyke van Pretoria afgelaai, waar daar nie genoeg grond vir weiding en opbrengste was nie”.

Die gemeenskap beweer sommige het permanente letsels as gevolg van marteling opgedoen. Sommige het gesterf van die honger.

Die sewe stamme – Modimokoana, Bapo, Moletlane Ndebele, Manala, Letswalo, Bakgatla en Malete – het hul eis in 1998 ingedien, maar dit is verwerp.

Andrew Tladi, ‘n konsultant het die eis namens die gemeenskap ingedien. Hy het gesê hul verwydering is bewerkstellig deur die 1913 Grondwet en die 1957 Groepsgebiedewet.

Die groep se Indiërprokureur, Munesh Singh, het gesê die kanse op sukses is baie goed.

“As [ restitusie ] nie moontlik is nie, moet daar billike en regverdige vergoeding vir die gemeenskap wees,” het Singh gesê.

Mpumalanga se luukse Mala Mala-wildsplaas is oorhandig aan die N’wandlamhlarhi-gemeenskap in Januarie ná sy suksesvolle eis waarvoor die regering die vorige eienaar Michael Rattray R1.1 miljard betaal het.

Selby Bokaba, Tshwane se munisipaliteit se woordvoerder, wou nie sê of hulle die eis sal teenstaan nie.

Hy het egter gesê die “waarskynlike uitkoms sal vergoeding wees”.

Die eisers kon voorheen nie nodige inligting indien by die Grondkommissie nie ten spyte van talle versoeke.

Koeberg toets noodplan

Joe Slovo het planne van die hele kernaanleg gehad

Die Kaapstadse Nooddienste het inwoners wat in die omgewing van die Koebergkernkragsentrale woon gemaan dat noodoefeninge gehou gaan word.

Inwoners is gewaarsku dat die kernkragsentrale se noodsirenes Woensdag getoets sal word.

‘n Woordvoerder, Wilfred Solomons-Johannes van die Nooddienste het ‘n beroep op inwoners gedoen om nie paniekerig te raak nie.

Die noodsirenes sal teen omstreeks 10-uur Woensdagoggend loei.

Solomons-Johannes sê die roetine-inspeksie is om te verseker dat alle sirenes in geval van ‘n kernramp in werkende orde is.

Hy het bygevoeg dat inwoners moet sorg dat hulle troeteldiere veilig is.

Noodsirenes kan moontlik Donderdag en Vrydag weer getoets word.

Brandstofprys skiet die hoogte in, voedsel sal volg

Petrolpryse sal vandag weer styg. Motoriste word opnuut gestraf deurdat brandstof nou byna R15 per liter petrol sal kos.

Alle grade petrol het om middernag met 36 sent ‘n liter die hoogte in geskiet. Diesel kos nou tussen 27 en 28 sent meer.

Die impak op motoriste sal onmiddellik gevoel word, maar die styging sal ook uiteindelik weer bydra tot hoër voedselpryse.

Hoër voedselpryse word wêreldwyd verbind met opstande en rewolusies wat selfs verkose regerings destabiliseer.

Die hoof van die wêreld se grootste voedselmaatskappy het gewaarsku dat stygende voedselpryse tot verdere opstande kan lei soos in 2008.

Die Switserse voorsitter van Nestlé, Peter Brabeck het vroeër aan ‘n Oostenrykse koerant gesê stygende pryse is ‘n produk van ‘n groeiende wêreldbevolking, die opkoms van ‘n middelklas in lande soos Indië wat gretig is om meer vleis te eet, en die toenemende vraag na water.

Brabeck het gesê: “Dit is die nuwe werklikheid.”

In die geval van die Franse Revolusie is die krisis, hongersnood, kunsmatig geskep deur die Jakobyne wat sleutelposisies in die vervaardiging van die opstand gehad het.

Hulle het wetteloosheid aangemoedig deur ‘n groep boewe hul gang te laat gaan. Daarna het hulle meer invloedryke lede van die gemeenskap gekry om ‘n oproep vir “wet en orde” te doen en duisende Franse mans is na die guillotine gestuur. Daarmee het die verdeling tussen ryk en arm versterk.

In die lente en somer van 1789 is ‘n kunsmatige tekort aan graan geskep deur manipulasies van die graanmark. Dit het tot ‘n hongersnood gelei.

Maar in werklikheid het die samesweerders voedselvoorrade en alle hervormings in die Nasionale Vergadering geblokkeer om die situasie te vererger en die bevolking uit te honger.

Daar is dus ruim voorbeelde uit die geskiedenis wat aantoon hoe kunsmatige manipulasie van voedselpryse aanleiding tot opstand kan gee.

Die minister van finansies, Pravin Gordhan het tydens sy begroting aangekondig dat die brandstofheffing en bydrae tot die padongelukkefonds van 2 April verhoog word.

Dit beteken ‘n bykomende verhoging van 20-sent per liter.