Polisielede het blykbaar die plundertogte by Pienaar as ‘n geleenteheid gesien om self deel te neem.
Vier polisiebeamptes is Donderdag in verband met diefstal en regsverydeling in Mpumalanga hegtenis geneem. Kruideniersware is glo tydens die onlangse onrus in Pienaar gesteel.
Kol. Leonard Hlathi, polisiewoordvoerder, het gesê die beamptes, tussen 30 en 34 jaar, staan tereg op aanklagte van diefstal, die besit van gesteelde goedere en regsverydeling.
Inwoners van Pienaar naby Nelspruit die polisie Woensdag in kennis gestel dat twee polisiebakkies kruideniersware by ʼn huis in die area aflaai.
Toe die polisie by die toneel opdaag, het ‘n vrou wat daar woon aan die polisielede gesê dat die vier beamptes die kruideniersware by haar huis afgelaai het. Sy het nie geld gehad om hulle te betaal nie.
Die beamptes wou R2 500 vir die kruideniersware ter waarde van R4 000 hê. Toe sy aan die konstabels sê dat sy nie die geld het nie, het hulle gesê hulle sal die geld later by haar kom haal.
Die vrou is in hegtenis geneem vir die besit van gesteelde goedere. Die verdagtes het hulself Donderdag aan die polisie oorgegee.
Hulle sal na verwagting Vrydag in die Kabokweni-landdroshof verskyn.
Enige soort karakter word in ‘n uniform geprop om wet en orde te probeer handhaaf. Dit is hoekom dit so gaan.
Hau I kant bielief….. just storing of eviedense.
Lyk my of ons binnekort meer Polisie binne die tjoekie gaan he as buite…. Wonder wie gaan die laaste polisie manne toesluit as almal agter tralies is
Dit sal moet ons wees Eric! Oe ek sal dit geniet! Sleep hulle so agter die bakkie tot by die sel!
Nou kom mense, wie wat die artikel lees is nog geskok oor dit??? DIT IS NIE EENS MEER NUUS as die bliksems saam steel nie! DIS NUUS AS HULLE IETS GOED DOEN! Ek is vas oortuig daai polisiemanne wat nou die dag maan toe geskiet was deur die dinamiet was besig om die Kruideniersware trok te besteel en dis hoekom die bestuurder dood is want hulle het hom nie gaan help nie hulle wou net gou score! Een teen tien was daar ander polisievoertuie op die toneel wat klaar van die goed weg begin ry het. En dis hoe ek oor hulle voel!
Wolf is skaapwagter.
Ek skud net my kop in ongeloof.
Yip, Yip!!!
Wat is die verskil tussen die gemeenskap en die polisie – die polisie kom dan uit die gemeenskap 😉
Is dit ‘n plundertog of is dit net “uitstekende logika”?
Wat steel hy, die koeldrank of die kruiwa?
Wat ‘n nasionale bespotting, en mors van blou materiaal!