Etiket: Woolworths

Woolworths wen voedselinflasie

Woolworths dui nie aan met hoeveel pryse gestyg het op hulle produkte nie en dit is dus moeilik om te bepaal of klereverkope of ‘n toename in kospryse tot hul goeie winste bygedra het.

Die verkope van kos het met 13,5% gestyg te midde van ‘n gemiddelde prysverhoging van 7,7% nadat groter winkels geopen is wat meer voorraad hou.

Dié prysstyging is hoër as die verbruikersprysinflasie vir die land.

In ‘n aanbieding aan beleggers het die kettingwinkelgroep gesê pryse sal ook met ’n enkelsyferpersentasie in die komende tydperk styg.

Vir die komende tydperk gaan sy kosinflasie steeds “bo verbruikersprysinflasie wees weens die mengsel van produkte wat verkoop word, asook die droogte en druk op invoerkoste” weens die swak rand.

Woolworths sê die ekonomiese toestande in Suid-Afrika verkeer onder druk, maar ryk kliënte wat by Woolworths koop is klaarblyklik teen die sulke werklikhede bestand.

Die groep se bedryfswins het met 42% tot R5,5 miljard gestyg na die verkrying van die Australiese aankoop, te wete David Jones.

Die groep se wins vir die jaar was 4,3% hoër op R3,1 miljard.

Swart ster wat Woolworths kritiseer se Britse konsert ontwrig

Swart musieksterre, Cassper Nyovest, Brickz en Kelly Khumalo moes vertonings in Brittanje kanselleer na dreigemente om hulle konserte te ontwrig.

‘n Woordvoerder van Elite Promotions, Ezra Sibanda, sê hulle het die konserte gekanselleer omdat die Britse polisie toestemming geweier het. Diegene met kaartjies vir konserte gekoop het, sal glo hulle geld terugkry.

Nyovest het Woolworths onlangs gekritiseer omdat hulle buitelandse musieksterre betaal om hul promosies te doen. Hy het gesê Suid-Afrikaanse bedrywe moet in die land belê.

Die ontwrigting is georganiseer oënskynlik teen die xenofobiese aanvalle in Suid-Afrika, alhoewel die kunstenaars daarteen gekant is.

Opgesweepte swartes in Brittanje het glo gedreig om die konserte te boikot en ander konsertgangers te verhinder om dit by te woon, het die polisie gesê.

Khumalo sou in Manchester en Coventery optree, maar burgers van verskeie Afrikalande in Brittanje glo het gedreig om ‘n stokkie daarvoor te steek.

Buitelandse swartes in die VK beplan nou om aanstaande week na die Suid-Afrikaanse ambassade in Londen op te ruk en te eis dat die Suid-Afrikaanse regering ‘n einde maak aan die geweld.

Vier vas oor boikotveldtog teen Woolworths

Vier mense is in Claremont, Kaapstad by die Cavendish-winkelsentrum in hegtenis geneem omdat hulle as deel van ‘n boikotveldtog teen Woolworths betoog het.

Die veldtog teen Woolworths is weens hul voortgesette handel met Israel ná die oorlog in Gasa.

Lt.kol. Andre Traut, woordvoerder van die polisie, het gesê drie mans en ‘n vrou is Saterdag in hegtenis geneem op aanklag van intimidasie, betreding en die oortreding van ʼn hofbevel.

Erwin Arrison, voorsitter van die National Coalition for Palestine (NC4P), het gesê vier lede van die Action Forum for Palestine (AF4P), is in hegtenis geneem.

“Volgens berigte het Woolworths die SAPD ontbied om die #BoycottWoolworths-aktiviste in hegtenis te neem. Woolworths het hulle valslik daarvan beskuldig dat hulle lede van die Boycott, Divestment and Sanctions in South Africa (BDS) is en dat hulle ‘n hofbevel oortree het,” het Arrison aan Sapa gesê.

Volgens Arrison is die vier egter nie lede van BDS nie. “BDS het ingestem om te goeder trou nie in Woolworths-winkels te betoog nie weens die hofbevel. Die hofbevel is egter nie van toepassing op ander organisasies wat nie deel is van BDS nie.”

‘n Nagwaak sal buite Claremont-polisiestasie gehou word uit solidariteit met die vier.

 

COSAS: Jode skenk varkkoppe vir anti-Israelveldtog

COSAS het in ‘n verklaring gesê hulle is baie teleurgesteld dat die media misluk het om gebalanseerde dekking te verskaf oor hul militante en radikale optrede in die Wes-Kaap om varkkoppe in Woolworths te laat.

Die organisasie het nog drie varkkoppe wat deur Jode geskenk is, in winkels gelaat.

Hulle sê hulle sal voortgaan met die veldtog as ‘n duidelike oproep van Suid-Afrikaanse verbruikers vir Woolworths om alle bande met die Apartheidstaat Israel te verbreek.

Hulle het die media aangeval en gesê Woolworths moet verantwoordelik gehou word vir sy “skokkende meedoënlose rassistiese ondersteuning van die Israeliese Apartheidstaat en moord op Palestynse kinders”.

COSAS het dit betreur dat ‘n elite groep rassistiese mans wat die winkel besit, nie erkenning gee aan Suid-Afrika se weersin vir hul ondersteuning aan die misdade in Gasa nie.

Volgens die organisasie het Woolworths selfs hul aandeelhouers verraai met die keuse om Israel ten spyte van hul winsverlies en handelmerkskade te ondersteun.

COSAS het ontken dat hulle anti-Joods is. Die varkkoppe en die hulpbronne vir die veldtog is deur Jode self geskenk, lui die verklaring.

 

 

Die vark in die Woolworths-verhaal

‘n Varkkop in Woolworths het tot ‘n herrie gelei.

Die studenteliggaam, Cosas, het ‘n lid geskors wat verlede week ‘n varkkop in die Kosher-afdeling van die winkelketting gelaat het.

Die student het die varkkop in ‘n Woolworths-winkel in Kaapstad gesit waar die Joodse gemeenskap graag koop.

Die optrede het gelei tot talle klagtes van Jode sowel as Moslems.

‘n Lid van die Joodse Raad vir Afgevaardigdes het gesê dit is erger as die die vervolging van Jode deur Nazi’s. Woolworths verkoop varkvleis in byna al hul ander winkels.

Cosas se adjunk-president, Tshepo Louw sê die voorval is betreurenswaardig.

Hy sê dit was nie op spesifieke gemeenskappe gerig nie, maar is deel van hulle boikot-veldtog teen Woolworths, om die kleinhandelaar te dwing om bande met Israelse verskaffers te verbreek.

Cosas is gekant teen Israel se hardhandige optrede teen Palestyne in Gasa.

Swede het intussen dié week die eerste Europese land geword wat ‘n Palestynse staat ondersteun.

Woolworths dreig boikotters met die hof

Die kleinhandelgroep Woolworths het gewaarsku dat hy die BDS-organisasie (Boycott, Divestment and Sanctions) hof toe kan neem omdat betogers en boikotters glo die “veiligheid” van sy personeel en klante “bedreig”.

“Ons werknemers, van alle gelowe en kulture, vertel ons dat hulle toenemend deur die betogings bedreig voel. Daarbenewens berig die gesinne van ons werknemers dat hulle deur BDS beledig en daar op hulle gevloek word.

“Indien dit aanhou, sal ons verdere voorsorgmaatreëls neem, waaronder regsoptrede teen die individue wat daarby betrokke is,” sê die groep se mediawoordvoerder, Babs Dlamini.

Terwyl Afrikaners voorheen vir Woolworths geboikot het weens die groep se “slegs-Engels”-beleid, asook sy streng regstellende-aksie-voorskrifte, verkeer die winkelketting tans in die spervuur vanaf BDS omdat hy met Israel sake doen.

Tans is dit nog onbekend of die BDS-veldtog enige invloed op Woolworths se verkope uitoefen. Me. Dlamini sê: “Ons kliënte ondersteun ons steeds en verkope hou aan styg, van jaar tot jaar.”

Tot en met Junie vanjaar, het Woolworths se Suid-Afrikaanse verkope van klerasie met 10,6% gestyg en dié van voedsel met 14,8%. Maar in die mees onlangse jaarverslag waarsku die uitvoerende hoof, Ian Moir, dat “groei oor die kort termyn gedemp sal wees” in Woolworths se vernaamste markte in Suid-Afrika, Australië en die res van Afrika.
Volgens Dlamini beskik BDS oor die reg om te betoog, maar die groep se werknemers het insgelyks die reg om te werk en klante die reg om inkopies te doen sonder om geïntimideer te word.

Sy sê dat Woolworths nie seker is waarom hy uitgesonder word nie aangesien “meer as 95% van ons voedsel plaaslik aangekoop word en die regering steeds handel met Israel magtig”.

BDS, wat reeds 40 betogings by Woolworths-winkels regoor die land gehou het, waaronder Sandton City in Johannesburg, Gateway in Durban en Cavendish Square in Kaapstad, beplan egter om die druk verder te verhoog tydens die kleinhandelaar se algemene jaarvergadering op 26 November.

Volgens die BDS-aktivis, Mohammed Desai, “moet ons ons veldtog verskerp”.

Hy ontken dat BDS enige personeel of klante geïntimideer het en sou wou sien dat Woolworths sulke gevalle by die polisie aanmeld.

BDS word ook gekritiseer omdat hy Woolworths uitsonder terwyl vele ander maatskappye soos Coca-Cola, McDonalds, Danone, Nestlé en Motorola insgelyks bande met Israel handhaaf.

“Ons weet dat daar ander maatskappye met soortgelyke aktiwiteite bestaan,” sê Desai, maar BDS beskik nie oor die vermoë om almal van hulle op dié stadium aan te pak nie.

“Tans is Woolworths ons teiken. Hulle begaan ‘n ernstige fout deur ons te ignoreer en as ons al daardie kleinhandelaars betrek, gaan ons ons veldtog afwater.”

BDS probeer ook druk op die openbare beleggingskommissaris plaas om sy aandele in Woolworths te verkoop.

ANC-Jeugliga wil Woolworths sluit

Die ANC-jeugliga wil verseker dat geen groente uit Israel op Suid-Afrikaners se borde beland nie.

Jeugliga-ondersteuners, in ANC T-hemde, het buite die Woolworths-hoofkantoor in Kaapstad Maandag betoog en geëis dat die kleinhandelonderneming bande met die Israeliese verskaffers beëindig.

Suid-Afrikaners moet Woolworths boikot omdat die winkelketting die “apartheid-staat” ondersteun.

Woolworths voer pretzels, matzos, lietsjies, mango’s, kersies en ander vrugte en groente uit Israel in.

‘n Woordvoerder van die jeugliga, Braam Hanekom, het gesê die protes is deel van ‘n boikot teen Woolworths gelei deur die beweging Boikot, Desinvestering en Sanksies (BDS) teen Israel in Suid-Afrika.

Hy het gesê die handelaar gegenereer ‘n wins van R12 miljoen per jaar deur produkte uit Israel in te voer.

“Die apartheidstaat van Israel moet ekonomies geboikot word. Ons [verbruikers] moet nie betaal vir die koeëls en die bomme wat teen kinders in Palestina gebruik word nie,” het hy gesê.

“[Woolworths] kan maklik die produkte onttrek. In plaas daarvan wil sy winkels regoor die land honderde miljoene rande verloor, want ons sal baie, baie Woolworths-winkels laat sluit. Ons het al die lede van die Jeugliga, die Jong Kommunistiese Liga en die SA Kommunistiese Party ontmoedig om by Woolworths te koop.”

Hanekom het gesê die veldtog sal verskerp word totdat Woolworths gehoor gegee aan sy eise.

Die maatskappy het daarop aangedring dat dit voldoen het aan die regering se riglyne oor Israeliese produkte en gesê die oorsprong van elke produk word op etikette aangetoon.

“Woolworths verafsku geweld en die verlies van lewe, veral van kinders, in enige omstandighede en ons is diep getref deur die tragiese gevolge van die konflik in Gasa,” het Woolworths gesê.

Die winkelgroep beweer dat hulle nie produkte uit “besette gebiede” te koop aanbied nie.

Woolworths mislei glo verbruikers oor melk

Woolworths, die handelsmerk wat nie graag wit Afrikaanse verbruikers wil raaksien nie, is weer in die moeilikheid, maar dié keer is dit nie oor rassisme en Boerehaat nie.

Die aktiviste groep Grass Consumer Action het die winkelgroep daarvan beskuldig dat hulle kliënte oor melk mislei en hul koeie wreed onthoring.

Skrywer en aktivis Sonia de Villiers het ‘n storm veroorsaak toe sy foto’s van Woolworths se melkbottels, gemerk met “vry om rond te loop”, geplaas het terwyl Woolworths se diere glo in skure gehou word.

Die etikette waarop staan “vry om rond te loop” is nie meer op die Ayrshire melkbottels nie, het die groep geskerm en gesê is vervang met ‘n nuwe etiket.

Woedende verbruikers op sosiale media het Woolworths beskuldig daarvan dat hulle nie organiese melk verkoop nie en verbruikers mislei.

Een het gesê: “Ek ry spesiaal na Woolworths (‘n halfuur se ry), want ek het geglo [hulle] melkery is beter.”

Woolworths het teruggekap en gesê organiese melk is nie so winsgewend soos gewone melk nie.

Woolworths-transaksie in Australië lyk verdag

Die Australiese reguleerder is bekommerd oor die hoë prys wat Woolworths vir die kleinhandelbates van mnr. Solomon Lew betaal. Die Suid-Afrikaanse groep is besig om die kleinhandelgroepe Country Road en David Jones uit te koop teen pryse wat Lew uitermate gaan bevoordeel.

Woolworths bied $2 miljard (R21 miljard) vir die afdelingswinkel David Jones aan, ‘n bod wat gevolg is deur A$213m (R2,15 miljard) vir Solomon Lew se 11,88%-aandeel in die klerewinkelketting Country Road. Woolworths verkoop reeds Country Road-klere in Suid-Afrika.

Country Road se aandele verhandel teen omtrent 30 keer die verdienste van die afgelope 12 maande en David Jones teen 23 keer die jaarlikste verdienste. Hierteenoor verhandel hul Australiese mededinger, Myer Holdings, teen ‘n prysverdiensteverhouding van slegs 12. Waarom sou Woolworths so duur vir Solomon Lew se bates wou betaal?

Volgens die Australiese Sekuriteite- en Beleggingskommissie behoort daar ‘n “deskundige waardasie” van die David Jones-aandele by hul bod ingesluit te word sodat beleggers ‘n ingeligte besluit kan neem.

“Ondanks ‘n periode van 17 jaar wat hy gehad het om die aandele uit te koop, het Woolworths besluit om slegs die oornamebod vir Country Road te maak toe mnr. Lew ‘n materiële belang in David Jones verkry het,” sê die Australiese reguleerder in hofstukke rondom die saak.

“Dié aanbod bied ‘n bykomende voordeel (wat nie aan ander aandeelhouers van David Jones beskikbaar is nie) aan mnr. Lew en sou in analoë omstandighede van ‘n oorname nie toelaatbaar wees nie.”

Die kommissie se beswaar is egter deur die hof van die hand gewys en sal na verwagting nie Woolworths se aanbod van R20 miljard vir David Jones, Australië se naasgrootste kleinhandelaar, laat ontspoor nie.

Woolworths meen die Country Road-transaksie word om handelsredes gedoen en maak deel uit van sy langdurige begeerte om minderhede in die luuksekleinhandelaar uit te koop.

“Daar is geen ooreenkoms met Solomon Lew rakende die bod vir Country Road nie. Dit word om goeie handelsredes gedoen en Country Road sal hul eie deskundige mening oor die waardasie bekom,” sê die woordvoerder vir Woolworths, Nic Bennett.

Woolworths mik vir wins met swart kleregroottes

stetopegieDie kleinhandelaar Woolworths het met ’n nasionale veldtog begin om klere vir swartes te skep.

Die tema is ‘Find Your Perfect Fit’ wat daarop gemik is om die swart mark se sug na groter klere te bevredig.

Die winkel meen waarskynlik dit sal verkope aansienlik aanhelp as swart kliënte kleding kan koop wat hul agterstewes dek.

Navorsing sal in Maart onderneem word om seker te maak dat die kleregroottes swart kliënte ook trek.

“Suid-Afrika het ’n diverse bevolking en die enigste manier hoe ons die beste pasmate kan verskaf, is om werklike mense te meet,” sê Thateng Shimange, hoof van vroueklere by Woolworths.

‘n Liggaamskandeerder wat reeds deur internasionale handelsname gebruik word, sal deur die maatskappy Alvanon, beskikbaar gestel word. Dié internasionale bedryf spesialiseer in liggaamskandering en pasmaatontwikkeling.

Dit sal Alvanon, wat soortgelyke navorsing in 21 lande doen, se eerste projek in Afrika wees.

Woolworths sal die geslag, ouderdom en, heel belangrikste, die etniese groep van deelnemers vereis.

Woolworths sal die navorsing gebruik om al sy groottes en mates in die vroue- en mansklere-afdeling te hersien en winsgrense op te stoot.

ANC-minister loof Woolworths

Mildred OliphantDie minister van arbeid, Mildred Oliphant, het Woolworths vir sy standpunt oor gelyke indiensneming geloof.

“As die regering van Suid-Afrika en diegene wat transformasie nastreef, sal ons aanhou om maatskappye soos Woolworths aan te moedig om met die transformasie en integrasie van die samelewing voort te gaan,” het sy in ‘n verklaring gesê.

Die Pro-Afrikaanse Aksiegroep (PRAAG) en die vakbond Solidariteit het vandeesweek ‘n veldtog begin om Woolworths te boikot nadat die maatskappy vertoë geïgnoreer het om indiensnemingsadvertensies wat blankes uitsluit van sy webwerf te verwyder.

Woolworths het gesê hy het as ‘n werkgewer met meer as 50 werknemers ‘n verpligting om sy rassevoorkeurteikens na te kom.

Oliphant het gesê Woolworths is een van die maatskappye wat in 2009 onderhewig was aan ‘n hersieningsproses kragtens die Wet op Gelyke Indiensneming.

“Tydens die proses, soos enige ander werkgewer wat hersien is, het Woolworths onderneem om sy maatskappy te transformeer deur sy gelyke-indiensnemingsplan, wat deur die direkteur-generaal goedgekeur is, te implementeer,” het sy gesê.

Die minister het gesê nadat ‘n opvolghersiening in die 2011/2012-boekjaar gedoen is, het die maatskappy vordering getoon.

“Daar is egter diegene wat dit nie kan verdra om integrasie in die werkplek en die samelewing te sien nie; hulle wil fout vind met diegene wat werklik gelyke indiensneming implementeer as ‘n manier om ons pynlike verlede en wanbalans aan te spreek.”

Фильчаков прокурор