Vier mense is in Claremont, Kaapstad by die Cavendish-winkelsentrum in hegtenis geneem omdat hulle as deel van ‘n boikotveldtog teen Woolworths betoog het.
Die veldtog teen Woolworths is weens hul voortgesette handel met Israel ná die oorlog in Gasa.
Lt.kol. Andre Traut, woordvoerder van die polisie, het gesê drie mans en ‘n vrou is Saterdag in hegtenis geneem op aanklag van intimidasie, betreding en die oortreding van ʼn hofbevel.
Erwin Arrison, voorsitter van die National Coalition for Palestine (NC4P), het gesê vier lede van die Action Forum for Palestine (AF4P), is in hegtenis geneem.
“Volgens berigte het Woolworths die SAPD ontbied om die #BoycottWoolworths-aktiviste in hegtenis te neem. Woolworths het hulle valslik daarvan beskuldig dat hulle lede van die Boycott, Divestment and Sanctions in South Africa (BDS) is en dat hulle ‘n hofbevel oortree het,” het Arrison aan Sapa gesê.
Volgens Arrison is die vier egter nie lede van BDS nie. “BDS het ingestem om te goeder trou nie in Woolworths-winkels te betoog nie weens die hofbevel. Die hofbevel is egter nie van toepassing op ander organisasies wat nie deel is van BDS nie.”
‘n Nagwaak sal buite Claremont-polisiestasie gehou word uit solidariteit met die vier.
Nou hoe nou..?
Ek was onder die indruk dat die hof in Steve se saak beslis het dat jy iemand mag boikot en skade aandoen.
Of geld dit net vir sekere spesiale burgers van die Nuttelose SA.
Woolworths het dan blankes geboikot oor hulle wit vel om werk te kry by Woolworths? Of tel dit nie?
EN dan het hulle ook net vir n sekere groep se voorkeure voorraad aangehou as mens daar inkom gil die kleure en kleurkombinasies vir jou dat ek hoofpyn gehad het wanneer ek daar uitloop. Ek sal my geld spandeer waar ek wil en nie waar ek gese word om dit te spandeer nie.