Die Nag van die lang messe gaan blykbaar plaasvind wanneer Mandela sterf. (Google: 'Nag van die lang messe')
Kan Praag asseblief ondersoek instel en moontlik die regering konfronteer. Of is dit beter om nie slapende honde wakker te maak nie?
Die regering behoort ook duidelik te motiveer waarom daar nie grensbeheer met Zimbabwe toegepas word nie en waarom geen vlugtelingskampe opgerig word nie. Botswana is tans besig om presies dit te doen.
Ek het ook probleme met die huidige hoofstroom “gereformeerde” Afrikaner kerke se teologiese en volksbeskouinge. Om die huidige slap Afrikaner houdinge aan die Calvinisme toe te skryf en spesifiek die uitverkiesingsleer daarvoor te blameer, is darem bietjie dik vir ’n daalder en openbaar ’n gebrek aan kennis en oor die rol wat die Calvinisme die afgelope eeue gespeel het om juis die teendeel van verlamming te bewerkstellig.
As kerke, en baie van hulle lidmate, vandag hierdie soort beskouinge huldig dan verander dit nie ’n duit aan hul afwykende teologie om eintlik hul eie liberale politieke beskouinge te regverdig nie.
Die woorde “gereformeerd” en “Calvinisties” het hier by ons, net soos vandag in die VSA, feitlik geen ander betekenis as ’n historiese naam wat met gepaardgaande “futlose” belydenisskrifte deel van hulle papierwerk is. Van die aanvaarding daarvan het net niks behalwe hul eie geskiedenis oorgebly nie.
Die PCUSA in die VSA is ’n voorbeeld hiervan. Al is hulle nog nie sovêr nie, is die Sinodale besluite van die NGK hier te lande die ekwivalent van die PCUSA.
Ek noem kortliks ’n paar grepe uit die geskiedenis om die dryfkrag van Calvinisme toe te lig:
* Calvyn se stryd in Genève teen die libertyne en die stadsowerheid wat ook gelei het tot sy sterk beskouing dat Kerk en Staat geskei moet word en elkeen wat werk betref in sy eie kring sonder inmenging van die ander moet kan opereer
* Die tagtigjarige oorlog van die Nederlanders teen die Spanjaarde. Indien hul fatalisties was, sou hulle vroeg reeds opgehou het en elke nederlaag as ’n deterministiese wegwyser vertolk het
* Die Groot Trek wat in 1838 begin het om onder die Engelse bewind uit te kom. Die Kaapse Sinode het in 1837 hierdie trekkers ten sterkste veroordeel omdat hulle teen die owerheid in opstand gekom het. Hulle was almal Calviniste en het dit saam met hulle na die binneland geneem waar hulle teen alle “tekens” en terugslae volgehou het
* Die besluit om die magtige Zoeloeryk met sowat 460 man aan te pak. Op die oog af ’n sinnelose besluit wat tot uitwissing en ’n mislukking van die Groot Trek kon lei
* Die Calvinisme het ook gelei tot die Gelofte. Daar was geen determinisme in hierdie besluit nie. Hulle het nie reg gemaak vir ’n “wonderwerk” nie. Hulle het beplan vir ’n groot geveg en van meet af aan daarvoor voorberei
* Hoewel hulle op ’n Sondag sou wou veg nie, toe dit blyk dat dít die dag van die geveg sou wees, het hulle sonder huiwering oorgegaan tot die geveg
* Dit was Calviniste wat die Britse ryk, tóé die magtigste ryk op aarde, die oorlog aangesê het. Hulle wat skaars meer as 120 000 onopgeleide burgers in die veld kon stoot. Engeland het uiteindelik 450 000 soldate aangewend om die twee Republiekies te verslaan. Geen Arminiaan of bloot intellektuele sou dit aanpak nie. Dit was hul Calvinisme en begeerte om nie weer onder Britse bewind te staan wat die dryfkrag was. Indien fatalistiese determinisme die kenmerk van die Calvinisme is, dan sou daar definitief geen stryd gewees het nie
* Die stigting van die NHK in die ZAR omdat die Kaapse Kerk (NGK na 1842) hul in die steek gelaat het en hulle nie weer van hulle predikante wou gehad het nie, getuig ook nie van die soort determinisme wat aan die Calvinisme toegedig word nie
* Die GRA en die stryd van Afrikaans teen die magtige Engelse taal, is ook hoofsaaklik deur mense met ’n Calvinistiese en gereformeerde lewensbeskouing aangepak en gedryf. Wat ’n kans het so ’n klein nuwe taal? In terme van ’n deterministiese beskouing absoluut niks! Tog het Calviniste teen alle kanse in die taak aangepak
* Die Afrikaners het egter die afgelope 30 jaar al hoe meer ongereformeerd geraak. Die groei van die AGS en die charismatiese kerke het teen ’n ongekende stroom plaasgevind. Meer as 95% van hul huidige lidmate het nog familie in of was tot onlangs nog lidmate van ’n gereformeerde kerk
* In Amerika was teen die vorige eeuwisseling (1900) sowat 90% van gelowiges Presbiteriaans. Vandag is dit sowat 10%
* In naam is die Afrikaner-gelowiges nog nie daar nie, maar in werklikheid is ons al baie naby, veral as afwykings van die Dordtse Kerkorde in ag geneem sou word
* Terloops, Die afgelope 100 jaar het daar wel wêreldwyd ’n défaitisme in kerklike geledere ingetree. Die gedagte van ’n oorlewende i.p.v. ’n oorwinnende kerk het die eskatologie begin oorheers. Dit is hoofsaaklik uit Arminiaanse kringe aangeblaas en die Amerikaanse dispensationaliste , wat meer as 85% van hul gelowiges se beskouinge verteenwoordig, is oorheersend. Sowat 90% van boeke in Christelike boekwinkels alhier is deur dispensationaliste geskryf en dien as die leesstof vir “gereformeerdes”. Onthou egter, hulle is uiters Arminiaans en nie Calvinisties nie!
Wat wel waar is, is dat die oorgawe aan die ongelowige en kultuurvreemde swartes deur mense wat die Calvinisme “bely” (o.a. FW De Klerk, Pik Botha, Roelf Meyer, die Broederbond en andere) beplan en bewerkstellig is. Maar hulle Calvinisme is nie dié van die strydende Nederlanders en Voortrekkers nie!
Ek stem volkom met Wolvaardt saam op die punt dat Afrikaners hulself in ‘n gat gepraat het. Ons het ‘n fatalistiese houding ingeneem oor ons kultuur en taal. Ons glo VAS dat dit gaan verdwyn en nog meer, ons glo VAS dat ons niks daaromtrent gedoen kan kry nie.
Hierdie fatalisme kan ‘n mens terugvoer na die euwel van Calvinisme met die uitverkiesingsleer waarmee ons as kinders geindoktrineer is. Ons is vertel dat alles uitwerk soos God wil hê en jy as individu kan niks daaraan verander nie – selfs nie jou eie salighed as individu kan jy oor besluit nie. So, die enigste strategie is om maar oor te gee.
Ek dink ons moet nou onself begin vertel wat ons alles KAN doen om die posisie van die Afrikaner te verbeter en om die golf van Afrikanerhaat teen te staan. Daar is baie om te doen. Wat ons net sal moet besef is dat as ons nie bereid gaan wees om te betoog, klippe te gooi en ander vorme van openbare ongehoorsaamhed en verset te beoefen nie, ons nie ver gaan kom nie.
Ons leef in ‘n Afrikaland en ons kan nie die hoë, demokratiese diskoerse verwag wat in Westerse lande gevoer word nie. Hier ter lande is geweld die koning. As jy iets wil hê, soos wat die duisende betogers in die strate al bewys het, sal jy in opstand moet kom.
Daar is te lank geploeter in ons eie defaitisme en ons moet nou oorgaan tot aksie. Koms ons bespreek ‘n lys van dinge wat ons kan doen om ons lot ter verbeter. Ek sal voorstel dat ons almal bymekaar kom en so ‘n lys opstel. Dit moet dan die program wees waarvolgens ons kan optree.
Ek dag ek gooi maar net my mening in. Die taaldebat heers nou weer op Praag en ek kan myself met beide kante vereenselwig, die vrees dat Afrikaans geheel en al sal verdwyn en die wete dat dit tog sal voortbestaan.
Die vrees dat Afrikaans totaal verdwyn, word oorspeel en ek dink ook nie dit het veel waarde nie; dit maak mense net depressief… en die afkraak- en negatiefmaakargument werk nie vir Afrikaners nie. Dit maak hulle negatief en lus om die land te verlaat. Die HNP en KP kwyn nou al vir jare met hulle negatiewe houdings. 'n Positiewe benadering werk beter. Dis beter om vir mense te sê dat ons moet werk daaraan om die pendule vroeg om te draai. Die houding by mense is dan anders; hulle weet dit gaan verander; hulle wil hê dit moet vroeër gebeur; dit maak hulle vol selfvertroue oor hulle argumente en dit maak ander mense meer vatbaar daarvoor.
Afrikaans het baie boeke, skole, tydskrifte en koerante, webwerwe, radiostasies en selfs 'n TV-kanaal. Afrikaans het nie in die Kaap onder Britse beheer uitgesterf nie en dit gaan ook nie onder die Afro-saksers uitsterf nie. Wat wel gaan gebeur is dat ons baie woorde gaan verloor en baie Engelse woorde gaan erf, nie veel anders as wat met die Frans/Hollands-kombinasie aan die Kaap gebeur het nie (behalwe dalk met meer woorde).
Wat belangrik is, is dat ons vir Afrikaners moet benadruk dat dit wel gaan verander, dalk nie nou nie, maar later. Dat dit groot siklusse is waaroor hulle min beheer het en dat dit kom of hulle dit nou wil hê of nie. Dit skep 'n soort afwagting by die een kant en 'n vrees dat hulle onbelangrik en in die moeilikheid gaan wees by die ander kant. Niks soos die vrees vir die onafwendbare om joernaliste geleidelik oor jare heen te swaai nie (soos wat ná die einde van apartheid gebeur het). Eiebelang en werk of geldlike sekuriteit troef vir 95-99% van mense alles.
Dan is dit nou maar eenmaal so dat hierdie goed in siklusse loop. Tans is ons besig om nog te na die lamsakkige geslag (dis nou die skuldig voelende, arme wonderlike swartmense, kom ons praat Engels om almal in ag te neem-groep) oor te slaan, soos wat hulle ouer word en meer invloed verkry. Dit beteken nie dat dit die einde is nie; dit beteken maar net dat ons vir nog 'n ruk moet wag vir die pendule om terug te kom (na my mening het hy reeds in seker opsigte gedraai). Soos die taal nou kwyn, sal hy weer opbloei as ons weer selfregering verkry (soos tydens die vorige taalomwentelings). In baie opsigte het Afrikaans reeds verbeter; daar is baie musiek en kuns wat gepleeg word, baie jongmense wat na Afrikaanse rockgroepe luister, ens.
Ons gaan intussen woorde verloor, maar ons is 'n te groot groep vir die taal om uit te sterf. Ná baie Jode in die 1940s omgekom het, is daar meer van hulle as ooit. Onderdrukking is seker die beste ding vir groei, soos die kunsmatige aanmoediging deur die ou NP die slegste ding daarvoor was. Ek dink ons sal 'n vorm van selfregering binne 15 jaar vekry. Ja, dis lank, maar dis lank want 'n nuwe "nie-skuldige geslag" moet eers grootword en meer mag begin bekom (hier, asook in Europa en die VSA).
Die mode in Europa is om vir minderhede kultuurregte te gee. Ons moet oor die volgende 5 jaar die idee propageer. Ons moenie vir mense vertel dat hulle dit wil hê nie, ons moet hulle vertel dat dit die nuwe wêreldmode is, dat dit vroeër of later gaan gebeur omdat Europa en die VSA dit van lande gaan vereis, net soos hulle tans "demokrasie" vereis.
Dit moet ook duidelik gemaak word dat dit goeie wêreldklasskole (nie Afrikaanse skole nie, maar wêreldklasskiole; hulle gaan toevallig Afrikaans wees) sal beteken en beter veiligheidsdienste. Dit moet ook gepropageer word dat dit nie die voorloper vir afstigting is nie, maar 'n poging om mense beter te integreer (soos in Europa). Die heel belangrikste is dat dit gaan gebeur, vroeër of later; dis onkeerbaar.
Met die lees van gister se Rapport besef ek weereens net hoe sterk die aanslag teen ons is. Nog nooit in ons volk se geskiedenis was ons in sulke groot gevaar soos nou nie. Tyderns die goudoorlog het ons ten minste geweet wie die vyand is en waar ons heil lê. Vandag het ons vergeet wie die vyand is en waar ons verlossing vandaan kom. Kan ons oorleef?
Dit is die vraag wat ons moet beantwoord. Iemand waarvoor ek baie respek het, het eendag vir my gesê om die oplossings van vandag se probleme te vind, moet ons na die verlede kyk. Ons voorsate het na die suidpunt van Afrika gekom om die Katolieke vervolging vry te spring. Hulle het vir geloofsvryheid gekom. Die gevolge van die Groot Trek is so relevant vandag soos toe. Vryheid was die kernslagspreuk. Dít is wat ons saamgesnoer het as 'n volk bestaande uit 'n klomp verskillende nasies, dít is wat ons een gemaak het. Dit is die gom wat ons by Vegkop, Bloedrivier en Majuba geplak het en is seker die mooiste woord in Afrikaans: VRYHEID.
Wat was die wenresep? Getrouheid aan ons Skepper en getrouheid aan mekaar en ons vryheidsideaal; dít is wat ons laat wen het.
Hierna het ons vyand sy taktiek verander en Mammon onder ons ingestuur. Van ons mense het geswig en verpand hulle siele; in die proses word ons volk van binne gewen. Die 3-jarige oorlog, Rebellie van 1914 en die verset tydens die Tweede Wêreldoorlog was alles pogings van ons volk om sy vryheid te herwin. Daardie verset was suksesvol en tot vandag toe word ons daarvoor gehaat. Ná onafhanklikheid was daar 'n vlietende oomblik van lig vir ons as volk maar met die dood van dr. Verwoerd was ons op 'n afdraandepad wat sy topspoed met die oorgawe van 1994 bereik het.
Kan ons oorleef? Ons mag nie eens in sulke terme dink nie; ons móét oorleef. Hoe gaan ons dit regkry? Ons moet terugkeer na die kernbeginsels wat ons voorsate 'n volk gemaak het. Nommer een: ons moet terugkeer na ons Skepper wat ons gemaak het en wat ons hier gewil het en Hom elke oomblik volg. In die tweede instansie moet ons weer getrou aan mekaar wees en nommer drie moet ons strewe na ons vryheidsideaal. Want alleenlik deur vry te wees, kan ons onsself wees.
Dit begin by my en jou, om verby al ons verskille te kyk en na Paulus se woorde te luister wat sê ons moenie struikelblokke vir mekaar wees nie. Wees getrou aan die verlede, dan is die toekoms verseker.
As ek nou die foto korrek eien, was hierdie meneer Joubert in die jare 70 student by die UOVS. As ek dit nie mis het nie, het ek sy gesiggie by die Staatmakerkommando en die Volkspelegroep se byeenkomste gesien.
Die kultuurskok was seker te veel vir sy tenger gestel. Slaan toe sommer agterent-oor-kop om na die arrogante skrywer van "Ek is ingelig – hou my dop-faam '. Ai, ai, ai. Vandaar geniet ek Anton Barnard se mening n.a.v. die kultusfiguur, Rektor Jansen (hoofletters as u blief), tot in my murg. Sal maar sien wie het bek, en wie het binnegoed as die glorie op my se alma mater neerstuif.
Rapport is, benewens die SAUK, die ANC se grootste propagandamasjien.
Van hul propagandalokvalle behels die gereelde verdagmakery van die Afrikaanse taal, geskiedenis, kultuur en die vernietiging van die Afrikaner se nasionale identiteit.
Artikels word op eensydige manier geplaas en op die internet is dit opvallend dat ANC-standpunte geplaas word sonder ‘n opsie om daarop in die kuberruim te antwoord.
Met die ou landsvlag wat in 'n kerk hang, is daar eensydige berigte geplaas oor die ongewensdheid daarvan. Geen ruimte is gelaat vir diegene om te verklaar hoe gewild die vlag onder Afrikaners is nie en hoe nie een vandag die nuwe vlag van onderdrukking minag nie.
Sou Rapport op die internet die publiek die kans gee om mondelings oor die ou landvlag kommentaar te lewer, gaan daar 'n prentjie, simboliek en ongekende nasionalisme uitspring wat heeltemal teenstrydig is met die swaksinnige en breindood- "simunye"-, "we are one"-prentjie wat Rapport se propaganda in ons kele afwurg.
Die ou landsvlag is volgens Rapport "ongewens", maar geen melding word gemaak van Britse rugbyondersteuners met die simboliek van Engelse verkragtings – die Rooi Baadjies van die Engelse wat Afrikanervroue en Afrikanerdogters op massaskaal verkrag het – se ongewensdheid op rugbystadions nie.
Vir Rapport is hierdie Engelse verkragtersimboliek in Suid-Afrika welkom.
Die kommunis Nzimande wie se ideologie meer as 100 miljoen mense wêreldwyd sedert 1917 vermoor het, se poging om ook die Stellenbosse Universiteit se Afrikaansheid te vernietig, se kommentaar word geplaas sonder dat daar 'n opsie vir repliek of kommentaar vir Rapport se lesers gegee op die internet gegun word.
Daar word geen melding gemaak van die ongeveer 30 ander universiteite in Suid Afrika, wat net in Engels of swart tale klasgee nie.
Dan sou dit duidelik gewees het vir die lesers van Rapport dat dit nie om die Universiteit van Stellenbosch gaan nie, maar om die vernietiging van een van die laaste AFRIKAANSE universiteite. Want dit is wat gebeur as die universiteite soos die voormalige RAU vir anderskleuriges oopgegooi word. Grootskaalse ontwrigting van klasse vind plaas; studente word deurgesit wat nie slaag nie; klasgelde word nie betaal nie en die kwalifikasie raak niks werd nie en word in die wêreld as n piesangblaar met jou naam op beskou. Om dié rede het Ihron Rensburg van UJ nou die dag gese hy wil UJ onder Afrikaanssprekendes bemark, "want hulle betaal hulle klasgelde".
Ook met die artikel oor die land se weerlose mag, gee Rapport geen kans vir repliek op die internet nie.
En so hou dit aan.
Dit is nie óf Rapport ondergaan nie; die vraag is net wánneer – volgens een van Rapport se voormalige redakteurs. Want, sê hy: "By Rapport is daar nou 'n kliek ingebring wat die Afrikaanse koerante die een na die ander laat sneuwel."
In watter gestig Rapport die mense uitkrap en nogal sover kry om die twak te skryf wat ons van Sondag tot Sondag, en van Januarie tot Desember, moet verduur in Rapport, weet mens nie. Eintlik is dit prysenswaardig, want dit getuig van 'n grenslose verbetenheid by Rapport om die ware Boere se nasionale gevoel en nasionale identiteit te vernietig.
Piet Picasso skryf ook 'n woernaal op LitNet met die titel: Die keiser is kaal.
Weens swak administrasie is baie eienaars van meenthuise tans glad nie eens bewus dat hulle rekeninge met agterstallige skuld het, wat terugdateer tot Julie 2008 nie. Hierop word ook rente elke maand gehef.
Self moes ek herhaaldelik oproepe maak en uiteindelik die munisipaliteit besoek, voor ek kon vasstel dat my rekening na 'n wildvreemde adres gestuur is. Die rekening wat ek gekry het, is helaas nog in Engels! In gesprekke met ander meenthuiseienaars kon ek vasstel dat baie eienaars bloot nie die tyd het om iemand anders se administrasie te doen nie, en gevolglik nog nooit 'n rekening ontvang het nie.
Daar bestaan egter nou 'n skema waarvolgens alle inwoners met agterstallige skuld kan aansoek doen dat hierdie skuld met tot die helfte verminder word. Aansoekvorms is beskikbaar by munisipale kantore en die skema is van krag vanaf 1 Augustus 2009 tot 31 Januarie 2010.
Daar word 'n beroep op lesers wat hierdeur geraak word, gedoen om definitief aansoek te doen, aangesien die munisipaliteit in elk geval van plan is om miljoene rande se skuld van nie-betalers in die lokasies rondom Pretoria so af te skryf.
Ek is egter ook nuuskierig wat nou wel met nie-betalende meensthuiseienaars gaan gebeur, aangesien die munisipaliteit dienste in geheel vir meenthuiskomplekse lewer. Elektrisiteit word ook meestal nie direk deur die munisipaliteit verskaf nie, dus is dit nie moontlik om net die dienste te beëindig nie. Gaan dit dus weereens daartoe lei dat net die eerlikes onder ons betaal? Hoe kan ons verseker wees dat belastingbetalers regverdig behandel en oor dieselfde kam geskeer word?
Met die dood van dr Willem De Klerk kom daar sekere gedagtes onwillekeurig op.
‘n Rampgedrewe lewe ipv ‘n doelgerigte lewe en selfmoord ipv wedergeboorte…
Baie tragies…en baie leeg as mens op die pad van geestelike bevryding / ontvoogding nie Calvyn se riglyne volg nie. Dan is "verligtheid" baie donker.
Met Vrouedag vandag sien ons die gevolge van die ontvoogding van die Afrikanervrou agv die seksuele bevryding wat die wetenskap teweeggebring het. Voorbehoedmiddels en wettige aborsies het die laaste 50 jaar die lewe van die vrou totaal verander – bevry is die man (!) van enige aanspreeklikheid. En ons lees met verleentheid hoedat die beskawingsnorme en menslikheid agteruitgaan. Omdat die basiese verskil tussen mens en dier nie seks is nie maar die huwelik. Met ontvoogding raak die vroue al meer primitief soos hoenders en bokke wat hulle aanteel alleen grootmaak en mans soos teelramme en saadskenkers – wat nie hul eie kinders ken en geken word nie.
Ongelukkig was die oorledene deel van die probleem en tragies nie die oplossing vir die voortbestaan van sy volkie nie.
Me Lizeka Mda van City Press skryf dat ons swart landgenote eerder dood sal gaan as om die Stemgedeelte van die Volkslied te sing.
Ek het weer 'n broertjie dood aan die nasionale vlag.
Dit het 'n pragtige ontwerp; 'n gulde geleentheid het egter verbygegaan om nasiebou te bevorder indien die huidige rooi baan in die vlag oranje van kleur was.
Indien daar 'n nuwe volkslied sou kom, moet die vlagkwessie ook aandag geniet.
Op Dan Roodt se woernaal, het sy stuk oor Nuwe Tuks-rektor sit rasseoorheersing oor Afrikaners voort heelwat kritiek ontlok. As mens die skille van jou oë afhaal, kan enige aap egter raaksien hoe die nuwe SA regering daarop fokus om alles waarvoor die Afrikaner staan en die geskiedenis wat hy opgebou het en die inrigtings en baanbrekerswerk – binnelands en internasionaal – wat hy voorsien en verrig het, af te takel. Al die slegte punte van die vorige bedeling word beklemtoon en alles wat die nuwe regering kwansuis bereik het, word opgehemel om alewig almal bewus te maak van die verskriklike verdrukking waarmee hulle voor 1994 moes saamleef. Hul donkere verlede word netjies weggesteek deur te fokus op die ou regering se foute en hul onbevoegheid word selfs 15 jaar na apartheid steeds op apartheid geblameer. Maar Emil, en al daardie draadsitters (and by the way, for the Engelse "boeties" in Londen or wherever you find yourself in an English or new SA loving government, I write this in English so you blokes would also grasp it), ek was ook in Engeland en glo my ek kan sien waar die nuwe bedeling al sy idees vandaan kry!
Maar kry vir julle. Engeland land is ook tops as dit kom by propaganda en is op dieselfde pad as Amerika en Frankryk. Om jou eie slegtighede te verbloem, wat doen jy? Produseer wêreldnuus en kontreinuus wat fokus op alle ander lande se probleme, waar Suid-Afrika of ander Oos-Europese lande of enige ander land behalwe hulself altyd die sondebokke in hul oë is. En gee aan alle nie-blanke vlugtelinge en kriminele die wêreld oor burgerskap op 'n besigheidsvisum. Snaaks genoeg in die apartheid-era was die Engelsmanne, die kleurlinge (nie bruines nie) en die koelies (nie Indiërs nie, dis 'n naam wat die Britte hulle gegee het lank voor ons hulle dit genoem het) juis die mense, wat baie meer bevoordeeld gelewe het saam met menige Jode en Sjinese in Suid-Afrika as die swartes, wat nou steeds so bevoordeel word in die nuwe era. 'n Groot menigte nuwebedelingministers het hul "minder bevoorregte jare" in Brittanje deurgebring in die topuniversiteite van daardie land, asook in Amerika, Nederland en Frankryk.
Ek weet nie van baie Afrikaners wat sulke bevoordeling ontvang het in enige tyd vanaf 1652 tot nou toe nie. Afrikaners is ná die Boere-oorlog net so gemarginaliseer deur die Britse owerheid van die Unie Van Suid-Afrika. Skole is net soos nou ook verengels deur die verbloeming van "tweetaligheid", waar Afrikaans verbied is. Dié dat baie Afrikanerorganisasies juis toe gestig is om na die belange van ons mense en ons kultuur en taal om te sien. Afrikaners het maar hul eie instellings moes oprig en met eie inisiatief en vernuf organisasies soos Volkskas, Evkom, Sasol, Yskor, M-Net, RAU, Sanlam, Santam, ens. help stig. Snaaks dat dié organisasies juis so geteiken is dat baie nie meer in Afrikaanse hande is nie, sommiges nie eens meer 'n enkele Afrikaanse direkteur of raadslid nie. Afrikaners het nie net die organisasies van ander kulture oorgeneem en dan as hul eie toegeëien nie. Hulle is ook nie aalmoese gegee deur ander lande soos Brittanje of Europa of Amerika of Swede en Denemarke of Kanada nie. En is beslis nie aangestel in poste as SEB-bevoordeelde kandidate nie. Hulle is aangestel op grond van hul prestasie en dit was dít. Elmboog-ghries.
Maar ek verstaan dis mos maar hoe Brittanje ook oorgeneem is deur die 1066-inval by Hastings. Neem oor en eien dit vir jouself toe. Die nuwe bedeling is mos kop in een mus met die Engelsman en alles waarvoor hy staan. Ek is seker meeste van hulle ken nie nie eers 'n kwart van die ongelooflike "beskaafde land" se geskiedenis nie. Eish! Klomp barbare en die huidige generasies jongelinge is nie veel beter daaraan toe as die destydse Wikinge van ouds nie. Die Afrikaner en sy lewenswyse word beslis deur die nuwe bedeling geteiken. Indien mens jou instellings en ondernemings in die nuwe SA op taal- en kultuurgrondslag wil bedryf en uniek wil behou, wat in alle ander lande die norm is – totaal aanvaarbaar en grondwetlik (werklike liberale en demokratiese lande, nie diktature nie) – word sulke instansies onmiddellik 'n teiken van die nuwe regering. Sonder dat diegene met skille op hul oë dit agterkom, word sulke instellings deur sogenaamde "minder bevoorregtes" geïnfiltreer wat uiteindelik die voet in die deur kry deur regstellende aanstellings en kort voor lank propagageer hulle dat die instelling rassisties van aard is en dat alle rasse se belange op die hart gedra moet word en veral dat 'n veelrassige en veeltalige kultuur gehandhaaf moet word. In so 'n mate dat die Afrikaanse topbestuur juis vervang moet word deur kleurlinge of Indiërs of swartes wat juis die grootste Afrikaanshaters – meer nog as blanke Engelse – is en slegs Engels magtig is. Neem maar die skool in Ermelo as tipiese voorbeeld en dis beslis nie uniek en die enigste geval nie.
Duitse, Joodse, Russiese en Italiaanse kultuurorganisasies mag wel bestaan
Duitse, Joodse, Russiese en Italiaanse en enige ander kultuurorganisasies wat in SA bestaan word nie op dié manier bedreig nie. Hulle instellings en skole floreer, snaaks genoeg, met uitsluitlike Duitse onderrig en Engels as tweede taal. Slegs Afrikaanse instellings verkeer in die visier. Ons mag nie sulke instellings van ons eie stig nie, want dis ongrondwetlik. Slegs ander kulture mag dit in SA doen.
Die hele doel van die ANC en sy makkers, wat almal insluit behalwe die Vryheidsfront en tot 'n mindere mate die DA, is om Afrikaans en sy geskiedenis en kultuur vir die geslagte wat volg dood te vee en vanuit die amptelike geskiedenis van SA en Afrika te verwyder. Die taal moet juis oor die volgende paar dekades wegkwyn. In die ou Soewjetunie is dieselfde taktiek gebruik. Propaganda het die ideologie laat voortleef tot in 1990. Vryheid is onderdruk. En die ANC is "comrades" van die Ystergordynbedeling. Oor 'n paar dekades van nou af sal die meeste Suid-Afrikaners glo dat die Zoeloes en die Xhosas en hulle "comrades" Kaapstad gestig het en alle ander stede in Suidelike Afrika en dat Afrikaners kriminele, agterlike burgers was. Ook dat alle beskaafde ontwikkeling (indien daar teen daardie tyd nog iets daarvan oor sal wees, as mens kyk na die res van Afrika se verval) deur die Nguni-mense gebring is.
Die Vlaminge van België voer baie dieselfde stryd om hul taal teenoor Frans as Afrikaners teenoor die oorheersing van Engels in SA. Net snaaks genoeg het die ou SA, wat volgens al die draadsitters en die nuwe regering en meeste oningeligte Europeërs en Britte, wat die propaganda vir waarheid opeet, 'n "mislukking" was, klopdisselboom gewerk, ten minste wat die ekonomie en infrasruktuur betref het. Selfs met geweldige sankies teen ons, het mens nie elke dag 'n verstopte drein gehad wat vir maande loop voor enige iets daaraan gedoen is nie. Paaie was in 'n toptoestand- beter as in Europa en Amerika. Vandag is meeste derdewêreldlande se infrastruktuur beter daaraan toe as die meeste van SA se paaie. En Gauteng is seker die provinsie met die slegste padinfrastruktuur in die land. Rioolwerke in die meeste munisipaliteite in SA is óf glad nie in werking nie, óf dit werk, maar stort rioolwater direk deur die suiwerkingswerke sonder enige suiwering, weer in die rivier in. Die water beland dan sonder meer weer in ons krane. Dié dat ek as 35-jarige man die eerste keer in my leeftyd in SA hoor van cholera-uitbrekings en kindersiektes soos polio wat voorheen nie meer by ons bestaan het nie. SA drinkwater was in die tagtigerjare, naas Kanada, van die skoonste in die wêreld; nou kan ek jou verseker haal SA nie eens die top 50 nie. In apartheid-SA was jou rand baie meer werd as vandag. Jou kos het nie elke maand met 10% gestyg nie, selfs al daal petrolpryse en rentekoerse konstant elke maand.
So glo maar al die twak soos julle wil. Al is Dan Roodt nie altyd die mees geliefste mens nie, stem ek saam met wat hy sê. En dis oral om te sien. Gaan kuier in eerstewêreldlande en kom dan terug na SA, dan onthou mens weer die tagtigerjare en hoe ons agteruitgegaan het vanaf 1994 in vergelyking met dié lande, in teenstelling met wat die nuwe bedeling mens wil laat glo.
Nêrens in die nuwe SA se amptelike geskiedenis word die Afrikaner se bydrae tot die ontwikkeling van die land tot en met 1994 korrek weergegee nie. Die minderbevoorregte lede van ons land se bydrae word groter uitgebeeld as die Afrikaner s'n en dit sluit natuurlik in 'n baie groot mate die Indiërgemeenskap en selfs die Sjinese gemeenskap in. Net snaaks dat dié gemeenskappe in 1880 deur die Britse setlaars as slawe na SA gebring is, respektiewelik in 1880 om in die Natalse suikerplantasies te werk en tussen 1910 en 1925 om in goud- en ander myne aan die Rand te arbei. Juis as 'n maatreël om Afrikaanse arbeiders te vermy. Dis juis een van die redes vir die ontstaan van die 1914-rebellie waar Engelse Uniepropaganda juis veroorsaak het dat mede-Afrikaners op hul eie mense geskiet het en hul dood veroorsaak het. Wie het daaronder gelei? Net Afrikaners self. Sulke vooroordele teen Afrikaners is geensins nuut nie. Die Slagternekrebellie het ook gevolg weens vooroordele teen Afrikaners. Gaan besoek gerus Brixton en Braamfontein se begraafplase in Johannesburg en sien vir uself hoe baie is doodgeskiet deur die Uniemagte wat hulle uitgekryt het as kriminele oortreders en opstokers. Dieselfde geld vir die destydse Britse owerheid tydens Slagtersnek. Die Britte het nes die nuwe regering en kleurlinge en koelies 'n haat vir alles wat Afrikaans is.
Afrikaners het hulself reeds hier gevestig sedert 1652; my familie is reeds hier vanaf ten minste 1666. Maar volgens die meeste draadsitters word Afrikaans en sy kultuur nie bedreig nie, dis maar net 'n regstelling om saam met alles wat nie Afrikaans is in te val en jou kultuur en taal en geskiendenis prys te gee vir 'n kultuur wat geen ordentlikheid nastreef en veral geen geduld of respek vir jou kultuur het nie.
Snaaks dat moorde op Afrikaanse plase steeds op 'n gereelde grondslag plaasvind. Maar dis nie nuus nie. Nee wat, solank 'n swartman die daad pleeg, is dit byna normaal en kwalik kritiseerbaar. (En ek verafsku die taalgebruik in die nuus wat altyd net noem dat die swart kriminele moordenaars, "mans" is en nie "swartmans" nie. Ons almal weet wat die ras is van 99,99% van die oortreders wat al die terreurdade teen witmense op hul plase, kleinhoewes, in die stedelike woonbuurte en deesdae sommer in inkopiesentrums helder oordag pleeg.)
Maar laat 'n witman net eenkeer hom vererg vir die doelbewuste propaganda van die nuwe regering en die laksheid waarmee hulle strafsake hanteer en die reg in eie hande neem en 'n paar swartes dieselfde behandeling gee as wat hulle op ons wittes in die nuwe SA toepas. Ek neem die seun van Swartruggens as voorbeeld. Snaaks genoeg, dan haal dit sommer oornag wêreldnuus, om nie eens te praat van die binnelandse nuus nie. Die man word onmiddellik gevang en gevonnis, nie soos die miljoene swart kriminele mans, ag ek bedoel "baie opgevoede, vredeliewende, hardwerkende, jong manne van die nuwe SA", wat elke dag en nag koelbloedig ons wittes en veral Afrikaners afmaai vir onbenullighede nie. Soms word daar nie eens iets gesteel nie. En dan word dit onmiddellik genoem dat die persoon 'n witman was wat op swartes moord gepleeg het. Ek dink die oningeligtes kan gerus 'n draai maak by die webwerf Boergenocide. Daar vind mens eerstehandse besonderhede en grusame foto's van die duisende moorde op Afrikaners wat nooit nuuswaardig genoeg is om uitgesaai te word nie. Kyk ook sommer elke oggend op die voorblad van Beeld, 'n Afrikaanse koerant vir die oningeligtes, vir die vele berigte oor grusame moorde en aanvalle voordat julle jul siening lug oor dinge waarvan julle glad niks weet of wil weet nie.
Droom voort, André en ander. Ek het nie 'n universiteitsgraad behaal by die Universiteit van HULL nie, maar mens het nie een nodig om te sien wat hier aan die gang is nie. Ons is vinnig oppad na 'n grusamer Zimbabwe as wat meeste mense besef en die nuwe era wêreldwyd is nie gebaseer op 'n Westerse lewenswyse en opvattings nie maar is Oosters en van Afrika, wat boekdele spreek oor wat die volgende paar dekades op SA en die wêreld en veral die bleekvelliges oraloor wag. Daarom is dit ook nie vreemd dat die wêreld ook nie regtig ag slaan op wat hier aangaan nie, want dis meer en meer 'n globale verskynsel.
Die nuwe regering is nie meer mensliewend as die vorige bewind nie, in die sin dat hy alle menseregte beskerm soos die grondwet kwansuis vereis nie. Indien mens regtig demokraties wil wees en regtig dinge wil laat werk, vergeet mens van die slegte dinge van vroeër, vergewe mens mekaar soos God dit wil en bou mens voort in geregtigheid en handhaaf mens eerlikheid en stel mens werkers op grond van hul vermoë en prestasies aan. Verder stel mens alle tale en kulture se belange voorop en doen die regering alles in sy vermoë om misdaad daadwerklik te bekamp. En is ras nie 'n kwessie nie. Ek voel dat – meer as ooit tevore – is ras 'n baie groot kwessie by veral swartes in die nuwe SA. En almal wat nie wit is nie, maar ook nie swart is nie, sit maar op die draad en soek witvoetjie in plaas van om die ou kwessies op te los en werklik 'n sukses van SA te maak. Ons reënboognasie is vinnig besig om een kleur te ontwikkel aan die einde van die reënboog en dis net donker en die taal is net Engels.
So kan mens voortgaan, maar ek laat dit daar.
In sy rubriek oor die aanstelling van lt.genl. Stanley McChrystal as opperbevelhebber van die Amerikaanse magte in Afganistan, laat Scholtz na om die werklike agtergrond van die man te skets en verkies hy om 'n romantiese beeld van Patrys-hulle se held op te tower.
McChrystal was naamlik in bevel van Task Force 6-26, 'n elite-eenheid van 1 000 spesiaal opgeleide soldate by Camp Nama. Nama is glo die afkorting vir Nasty Ass Military Area.
Onder sy bevel is die Geneefse Konvensie se bepalinge klaarblyklik herhaaldelik oortree. McChrystal se slagspreuk was "If you don't make them bleed, they can't prosecute for it." 'n Onlangse artikel in Esquire vertel meer van sy beskouinge.
Yswater was blykbaar McChrystal se spesialiteit en sy manne het die dood van 'n aangehoudene veroorsaak wat verkluim het op die manier.
Die hoop wat Scholtz uitspreek dat McChrystal die VSA se oorlogspoging in Afghanistan gaan red, gaan aan die hand van 'n klaarblyklik trotse en uitgesproke folteraar moet geskied. McChrystal het glo vermakerig vertel dat hy nooit nie Rooi Kruis naby sy bedrywighede sal toelaat nie.
Terwyl 'n Gallupmeningsopname bevind het dat 'n meerderheid Amerikaners wil sien dat die besluitnemers in die vorige Amerikaanse administrasie verhoor word vir hulle foltermisdade, loop Scholtz op dun ys. Sy base by Media24 sal ook nie veel van sy bewondering vir McCrystal dink nie.
Dan het Scholtz nog nie eens oorweeg dat die VSA se koloniale benadering tot sy bedrywighede in Afghanistan, nie strook met wat gangbaar is in die 21ste eeu nie.
En ja, ek hou die situasie in Europa ook met 'n mate van kommer dop. Hulle is besig om sonder slag of stoot alles te verloor wat hulle eeue geneem het om op te bou, danksy hulle obsessiewe politieke korrektheid.
Mens moet dalk eerder met Israel handel dryf, siende hulle nie so politiek korrek is oor Moslems nie! Maar ek sien ongelukkig in vele Afrikaners 'n onderstroming van uiterste anti-semitisme, wat ek eintlik nie verstaan nie.
Ek sou dink daar is vele parallelle tussen ons en Israel, en dat ons straks baie van hulle kan leer (en hulle van ons). As ek nou reg onthou was hulle tydens die bose dae van Apartheid ook onder ons min vriende op die planeet, gedeeltelik juis omdat hulle ook maar al te goed weet hoe dit is om te sukkel met hordes barbaarse inboorlinge.
Maar ek dwaal af. Ek wag in spanning om te sien of iemand Attie se voorstel vir 'n koffie- en sjokoladefabriek op Orania prakties tot uitvoering gaan bring. As ek so kyk lyk dit my dinge woeker nogal daar.
Op Google kan binne sekondes in Engels die disinformasie van die Afrikaanse dagblaaie raakgesien word. En daaroor net enkele regstellings wat geplaas behoort te word ter wille van die waarheid.
Die grootste misdaad teen die mensdom van alle tye is gepleeg deur die Roomse Kerk met die vervolging van Jode en Protestante – ‘n onmeetbare tragedie wat die donker Middeleeue en Franse Revolusie tot gevolg gehad het vanweë ‘n allesverterende teokrasie. Dit was Lüther en Calvyn wat by uitstek die mensdom bevry het en wetenskap tot eer van die Skepper moontlik gemaak het. Calvyn was die eerste Bybelkritikus met sy wetenskaplike benadering tot die Skrif.
Die bevryding van die tiranie van ‘n staatskerk oftewel ‘n kerkstaat met die Reformasie/ Hervorming het egter gou sekere grense geïmpliseer met die vervolging van Servetus – die Spaanse kastraat [Hy is as seuntjie in die klooster gekastreer ter wille van sy sopraanstem.] Briljante, maar getroumatiseerde man aan die hand van Roomse mishandeling, wat probleme gehad het met die konsep van ‘die soewereiniteit in eie kring’ naamlik die Drie-eenheid van God – wat hy beskou het as verkeerd.
Ten tweede het hy beweer dat die Kerk en Staat een moet wees en derdens het hy verkondig dat die skepsel aanbid moet word ipv die Skepper. Dit was sy klagstaat en onder kruisverhoor deur Calvyn, die regsgeleerde en aanklaer, moes hy erken dat Satan as skepsel dan ook aanbid moet word. Dus suiwer Satanisme. Die regsbank het hom as ketter veroordeel om op die brandstapel te boet vir sy ernstige ketterse dwaling.
Hierdie saak het die moderne ‘New Age’ van selfaanbiddinge en sinkretisme met die heidendom [waarvan die bekende Israelvisieteologie ‘n goeie voorbeeld is] suksesvol gestuit vir 500 jaar. Daarom steeds aktueel die afsnypunt van godsdiensvryheid vir Christenskap.
Hierdie kettery is dus nog net so vars soos altyd, veral in Suid-Afrika met verskynsels soos die polities korrekte Belharsinkretisme in die ‘verleidenis’ van dr Nico Smit et al. ‘n Politieke hoëpriester van ’n Madiba wat glo dat ‘Man is the master of his own destiny’ is en derdens ‘n Afrikaanse pers wat voltyds en uitsluitlik negatiewe en afbrekende aandag gee aan die fundamentele Drie-enige God van Protestantisme en nooit ooit ander godsdienste soos Islam kritiseer nie.
En dit dmv Afrikaanse teoloë wat terwille van hul eie selfbeeld en grootheidswaan altyd aan die groot klok gehang word deur die einste pers.
Die goeie en vroom dr Verwoerd was ongelukkig ook nie ‘n Calvinis nie. Hy het juis sy teologiese studies op Stellenbosch gestaak omdat hy probleme met die uitverkiesingsleer van Calvyn gehad het.
Om dus te probeer suggereer dat apartheid in sy oorspronklike betekenis uit Calvinisme ontstaan het, is absoluut vals.
