Nuus – Bladsy 41 – praag.co.za

Apie urineer op president

Onbewus van die soogdier in die takke bokant sy kop, het Zambiese president Rupiah Banda, die media Woensdag buite die Staatshuis toegespreek. Terwyl die president gepraat het, het die apie op die niksvermoedende leier geurineer.

"Jy het op my baadjie geurineer," het 'n verbaasde Banda aan die apie gesê. Die apie is een van vele wat hulleself in die bome van die Staathuis in Lusaka, waar die president se kantore is, tuisgemaak het.

"Ek gaan hierdie apie vir mnr Sata gee om te eet vir middagete," het hy gespot. Banda het Michael Sata, die opposisieleier, in verlede jaar se verkiesings verslaan.

Banda het baie tyd in sy tweede onderhoud in die amp van president afgestaan om Zambiërs moed in te praat oor die dramatiese ekonomiese afgang wat die land beleef. Zambië se belangrikste uitvoerproduk, naamlik koper, se prys het na benede getuimel.

"Ons groeivooruitsigte het gekrimp, soveel so dat die geskatte bruto nasionale produk nou afwaarts hersien is na 4% of minder. Hierdie afname het implikasies vir binnelandse inkomste omdat korporatiewe sowel as inkomstebelasting waarskynlik gaan afneem," het Banda gesê.

Skoolonderrig stuur op ‘n ramp af

Die Burger berig dat sowat agt uit elke tien leerders in gr. 3 en gr. 6 verlede jaar minder as 50% vir wiskunde en taalvaardighede behaal het. Die dagblad het ’n verslag bekom wat die prestasie van leerders in die nasionale eksamen ontleed.

Suid-Afrikaanse leerders is dus nie eens binne trefafstand van die nasionale onderwysdepartement se mikpunt om hulle teen 2011 'n gemiddeld 50% te laat behaal nie. Leerders in die ondersoek kan tans nie eens 'n eenvoudige teks met begrip lees nie.

Die verslag is gegrond op die uitslae van 1 000 gr. 3- en gr. 6- leerders verlede jaar. Die uitslae het gewys 35% van gr. 3’s landwyd kry net tussen 0% en 34% vir wiskunde en 37% kry tussen 0% en 34% vir geletterdheid.

Wat gr. 6-leerders betref is die uitslae nog slegter, met 54% van leerders wat tussen 0% en 34% vir wiskunde kry en 53% wat tussen 0% en 34% vir geletterheid ontvang. Die uitgebreide ondersoek het 7 000 skole betrek.

Nasionaal het 15% van gr. 3’s 70% of meer vir onderskeidelik wiskunde én geletterdheid behaal. ’n Skamele 6% van gr. 6- leerders het 70% of meer vir wiskunde behaal en 10% het 70% of meer vir tale behaal.

Dit blyk uit die ondersoek dat die aanwendig van tyd in taal problematies is, veral die toekomstige tyd. In wiskunde kon leerders nie eenvoudige optel- en aftreksomme bemeester by geldtransaksies nie. Breuke, desimale en persentasies, asook die afronding van getalle was ook te ingewikkeld vir die meeste.

social media

Iran gee CIA skuld vir protes

Die Iranse minister van binnelandse sake het die CIA daarvan beskuldig dat dié Amerikaanse spioenasieagentskap help om oproermakers te finansier.

“Baie van die oproermakers was in kontak met Amerika, die CIA en die MKO en word deur hul finansiële bronne gesteun,” het Sadeq Mahsouli gesê. Die MKO (Moedjahideen Khalq-organisasie) is ’n Iranse opposisiegroep wat in ballingskap is.

“Brittanje, Amerika en die Sionistiese regime (Israel) is agter die onlangse onrus in Teheran,” het hy aan die semi-amptelike nuusagentskap Fars gesê.

Fars het berig dat die polisie gister bevestig het dat 'n Iranse vrou Neda Agha-Soltan verlede week gedurende die betogings in Teheran doodgeskiet is en gesê dat nuwe leidrade oor haar dood opgevolg word. Sy is per ongeluk in die agterkop geskiet.

Agha-Soltan se dood, wat op kamera vasgelê is en op die internet uitgesaai is, het haar ’n martelaar vir die protesbeweging gemaak.

Die verslane presidentskandidaat Mir Hossein Mousavi, wat deur sekere buitelandse moondhede voorgehou word as die eintlike wenner van die verkiesing, het homself intussen gedistansieer van die betogers.

Hy het op sy amptelike webwerf aangekondig dat hy dit nie teenkanting ondersteun nie en dat die betogings nie deur hom georganiseer is nie.

Die aantal betogers in Teheran het sigbaar afgeneem.

Mohsen Rezaie, die konserwatiewe kandidaat wat derde gekom het in die afgelope verkiesing, het ook intussen sy besware teen die uitslag teruggetrek.

Hy het aan die IRNA-nuusagentskap gesê dit is sy verantwoordelikheid om die huidige gebeure onder beheer te bring

Александр Фильчаков

Misdaad deur polisie neem met 72% toe

Pieter Groenewald

Kriminele klagtes teen polisielede het volgens die Onafhanklike Klagtedirektoraat (OKD) die afgelope vier jaar met 72% (71,7) toegeneem. Volgens die OKD was daar in 2005/2006 en 2006/2007 onderskeidelik 1 643 en 1 787 kriminele klagtes teen polisielede en in 2007/2008 en 2008/2009 boekjaar onderskeidelik 2 101 en 2 289. Dit sluit misdade in van moord, poging tot moord, verkragting, aanranding met die opset om ernstig te beseer, diefstal en korrupsie.

“Dit is net klagtes wat by die OKD aangemeld is, maar daar kan baie meer wees. Die laaste jaar was die toename 9%. Dit dui daarop dat daar ‘n ernstige probleem is met die keuring en opleiding van polisielede. Hierdie lede is ook ‘n verleentheid vir die ander getroue en hardwerkende polisielede. Die syfers bevestig ook waarom lede van die publiek se vertroue in die Polisie afneem. Hierdie is ‘n skerp toename en die publiek se vertroue in die Polisie sal verder afneem. Duidelik is daar ‘n vrot kol in die Polisie wat dringend uitgesny moet word,” sê mnr. Pieter Groenewald (LP), hoofwoordvoerder van Polisie vir die Vryheidsfront Plus.

“Wat verder kommerwekkend is, is dat die OKD slegs 51% van die nuutste klagtes kon afhandel. Van die laaste jaar se 2 289 klagtes kon slegs 1 165 afgehandel word. Daar was egter 1 968 sake van die vorige jaar wat nog uitstaande is. Dit beteken 4 257 sake is nog nie eers afgehandel nie. Die OKD sal dringend versterk moet word met kundige personeel om die sake af te handel,” het Groenewald gesê.

“In die verlede het ek verskeie vrae hieroor in die parlement gevra, maar die vorige minister van Polisie, Charkles Nqakula, het geweier om die syfers bekend te maak. Die minister het toe gesê die inligting is nie geredelik beskikbaar nie en dit sal tydrowend wees om dit te bekom. Verder sal personeel ontplooi moet word om die inligting te bekom wat nadelig sal wees vir ander belangrike take van die Polisie. Toe reeds het ek gesê Nqakula het iets om weg te steek. Dit is nou duidelik hy het wel iets probeer wegsteek,” sê Groenewald.

pour chat topcargo

W?reld word gryser

‘n Krisis wat kom?

Die wêreld se bevolking van mense wat ouer as 65 is gaan teen die middel van die eeu verdriedubbel na een uit elke ses mense en dit gaan regerings in ontwikkelde lande laat bars om hulle ouer mense te onderhou.

Die aantal senior burgers het alreeds met 23% vermeerder vanaf 2000 na 516 miljoen volgens die VSA se sensusberaminge wat Dinsdag vrygestel is. Dit is meer as dubbel die algemene bevolkingsgroei.

As die mees snelgroeiende ouderdomsgroep is seniors nou net onder 8% van die wêreld se 6,8 miljard mense. Maar demograwe waarsku dat die grootste verskuiwing nog voorlê. 'n Komende golf afgetredendes van die 'baby-boomers' en China se Rooi Wag-generasie gaan lande se pensioenfondse uitput en mediese sorg onbetaalbaar maak.

Die gryste burgers leef in Duitsland, Italië, Japan en Monaco waar meer as 20% van die bevolking 65 en ouer is. In die VSA is dit 13%.

"Die 2020's gaan vir die grootste deel van die ontwikkelde wêreld 'n era van fiskale krisis wees, stagnasie van ekonomiese groei en lelike politieke gevegte oor besnoeiings in ouderdomstoelae,"sê Richard Jackson, direkteur van Global Aging Initiative in Washington, wat deel vorm van die Center for Strategic and International Studies.

Hy sê ontluikende lande soos China gaan 'n werklike ouderdomskrisis beleef. Die huidige verhouding is 16 oumense vir elke 100 werkers, maar dit gaan teen 2025 verdubbel en dan weer verdubbel teen 2050 na 61 oumense vir elke 100 werkers vanweë die Chinese se gesinsbeplanningsbeleid van een kind per egpaar.

Sonder 'n pensioenstelsel gaan miljoene ouer Chinese in armoede verval wat skokgolwe deur die wêreld kan stuur namate dit sosiale en politieke onrus meebring omdat China so 'n belangrike ekonomie is.

Net 5% van Afrika se bevolking gaan teen 2050 ouer as 65 wees en suider-Afrika is die tuiste van die wêreld se jongste bevolking. In Oeganda is die gemiddelde ouderdom slegs 15 jaar.

In Europa sal 29% van die bevolking teen 2050 ouer as 65 wees en in Oostenryk en Rusland het owerhede stappe geneem om kinderlose egpare aan te moedig dmv uitbetalings, gratis skoolboeke en belastingtoegewings om kinders te kry.

In Suid-Amerika sal 18% van die bevolking teen 2050 senior burgers wees vanweë 'n afplatting in geboortes in Meksiko en Brasilië. Kuba het onlangs hulle aftreeouderdom met vyf jaar verleng, om pensioenuitbetalings uit te stel.

Die VSA se sensusburo se navorsing is onafhanklik van die VN se agentskap se navorsing wat demografie en bevolkingsgroei betref.

Insek bedreig vrugtebedryf

'n Insekplaag wat die vrugtebedryf in Kalifornië twee dekades gelede feitlik lamgelê het, het kop uitgesteek in die Wes-Kaap, het 'n entomoloog van die Universiteit van Stellenbosch Dinsdag aangekondig.

Die 'Granaatwitvlieg'of 'Ash whitefly' kan tuinstruike, appel-, peer-, olyf-, sitrus- en granaatbome erg beskadig volgens die verklaring wat professor Jan Giliomee uitgereik het.

Giliomee het die insek onlangs vir die eerste keer raakgesien op 'n wilde olyfboom langs die Overbergse kus en dit is daarna formeel geïdentifiseer deur 'n taksonoom van die Nasionale Insekversameling in Pretoria.

Die witvlieg kom oorspronklik uit Mediterreense lande soos Spanje, Italië, Israel en Egipte, en het sedertdien na Indië, Iran, Nieu-Seeland en Australië versprei.

Volgens Giliomee is 'n aantal granaatsteggies oor die afgelope paar jaar vanuit Israel en Indië na Suid-Afrika ingevoer. Hy meen die pes is ingebring met behulp van plantmateriaal wat nie gekwarantyn is soos die wet vereis nie.

Toe die witvliegpes in 1988 in Kalifornië aangeland het, het dit soveel skade aan struike en bome veroorsaak wat al hulle blare verloor het, dat die vrugte-oes dramaties afgeneem het.

"Jong peerbome het gevrek as 'n gevolg van herhaaldelike ontblaring," het hy gesê.

"In stede en dorpe, het die taai sap wat afgeskei word met die aanvanklike stadia van indringing, op mense en motors beland en is in huise ingedra deur die wind wat matte en meubels taai gelaat het."

"Dit was ondraaglik en die pes is eers onder beheer gebring nadat parasiete in Kalifornië ingevoer is," het hy gesê.

"Daar sal nou gekyk moet word of wespes wat op die pes teer hier teenwoordig is, en indien nie, sal hulle dringend ingevoer moet word."

In teenstelling met die naam 'witvlieg' lyk die insekte nie soos vlieë nie maar eerder soos dopgogga's of plantluise.

Die volwasse insek lyk soos 'n klein motjie wat vinnig rondfladder, terwyl die jong insekte onder die blare skuiling soek.

для пуско лобановский обыск

Wapenopslagplek in Johannesburg gevind

Die polisie in Gauteng het 'n wenk ontvang wat Dinsdag gelei het tot die ontdekking van 'n wapenopslagplek in 'n huis in die voorstad Westdene, Johannesburg.

'n Vonds van 1 800 rondtes ammunisie, ses magasyne vir 'n R1-geweer, 100 R5-aanvalsgeweerrondtes, twee rookgranate en 'n fakkelgranaat is gevind nadat die polisie vloerplanke in die huis in Seymorestraat opgelig het, het 'n woordvoerder van die polisie senior superintendent Noxolo Kweza gesê.

Die eienaar van die huis woon nie in die provinsie nie. Hy het die huis aan vyf mense verhuur wat reeds 'n maand gelede hulle intrek geneem het.

Kwesa sê die vyf mans is ondervra, maar hulle het gesê hulle was nie bewus van die ammunisie nie.

Die polisie het tans geen verdagtes nie.

машинка топкарго отзыв

CERN-versneller weer aan die gang

Die reusagtige, subatomiese partikelversneller wat deur die Europese Organisasie vir Kernnavorsing (CERN) gebou is om “oerknalomstandighede” na te boots, sal teen die lente uiteindelik weer begin werk.

Wetenskaplikes glo hulle weet hoe om ’n herhaling te verhoed van die probleme wat veroorsaak het dat die LHC-versneller (Large Hadron Collider) slegs nege dae ná sy groot aanskakeling in September verlede jaar weer afgeskakel moes word.

Dr. Steve Myers van CERN het gesê die LHC – die grootste, ingewikkeldste masjien wat tot nog toe gebou is – het oorverhit weens ’n foutiewe splitsing in ’n supergeleierkabel wat twee verkoelingsmagnete verbind het. Daar is 10 000 sulke splitsings om die ondergrondse partikelversneller se 27 km lange magnetiese ring.

In die LHC-ring kan deeltjies by ’n temperatuur van net bo “absoluut zero” teen mekaar gestamp word om toestande tydens die oerknal, 13,7 miljard jaar gelede, te herskep.

Die yslike masjien het R74 miljard gekos om te bou.

Onder die herstelwerk en modifikasies wat gedoen is, tel ’n stelsel wat sal reageer as die kern opwarm, verskeie drukverligtingskleppe, verbeterde vakuumtegnologie en sterker ankers om die LHC-magnete teen die grond te anker.

“Al hierdie ekstra aanpassings berei die masjien net voor vir ’n lang en veilige operasionele leeftyd.”

hair accessories

Beurtkrag is nie verby

Suid-Afrika wat gebuk gaan onder ’n energiekrisis is steeds onder druk, maar die wêreldwye ekonomiese krisis het die vraag na krag laat taan en die land kans gebied om aan die kragvraag te voldoen, het Dipuo Peters, minister van energie, Dinsdag gesê.

Suid-Afrika het sedert Januarie verlede jaar beurtkrag toegepas toe die nasionale kragnetwerk byna inmekaargestort het en myne en smelters is gedwing om vir dae toe te maak.

Peters het gesê Suid-Afrika is nog nie uit die moeilikheid nie. “Indien dit nie vir die ekonomiese afswaai was nie, sou ons steeds beurtkrag toegepas het,” het sy gesê.

Дровяные печи топкарго

Groot Vyf nou Sewe

Witdoodhaai in Valsbaai

Suid-Afrika se sogenaamde Groot Vyf sal binnekort as die Groot Sewe bekend staan wanneer die haai en die walvis amptelik by dié toeriste aantreklikheid gevoeg word.

Volgens die minister van Omgewingsake, Buyelwa Sonjica, het die departement besluit om die twee by die huidige groot vyf te voeg, wat tans uit die leeu, luiperd, renoster, olifant en die buffel bestaan, het SAUK Dinsdagoggend berig.

Sonjica het die verandering as ’n “hoogs sigbare skuif in ons land se toerisme” beskryf wat beteken dat “Suid-Afrika die enigste land sal wees wat met die Groot Sewe sal spog.”

“Ons sal toeriste kan aanmoedig om saam met haaie in Gansbaai te gaan duik. Ons gaan hierdie seediere aan die wêreld bemark en dit sal ’n sigbare impak op toerisme hê,” het sy gesê.

’n Groot verskeidenheid spesies van walvisse en haaie word aan die Suid-Afrikaanse kusgebied aangetref.

Фільчаков прокурор

‘SARK nie die enigste Christene nie’

Die Suid-Afrikaanse Raad van Kerke probeer Jesus "privatiseer" en dit in 'n Christelike kultus verander, het die Vriende van Jacob Zuma Trust Woensdag in 'n verklaring gesê.

"Ons weier soos baie ander Suid-Afrikaanse Christene om toe te laat dat die SARK optree asof hulle Jesus Christus besit. Dit is duidelik dat die godsdiensliggaam die Christelike geloof in een of ander kultus wil verander wat aan 'n spesifieke groep behoort."

Die Trust het gereageer op verklarings van die SARK dat president Jacob Zuma "besig is om sake van aardse belang met sake wat as heilig beskou word, te verwar".

Zuma het weer die naweek aan 'n skare by 'n ANC-byeenkoms in Mpumalanga gesê die party sal regeer tot Jesus kom.

Die Trust het gesê hulle "wens die SARK wil met ander Christelike liggame in die toekoms konsulteer voordat hulle dink hulle is die enigste Christene in die land". Hulle het ook gesê die SARK is nie die enigste Christelike gemeenskap wat aan mense toestemming kan gee om te bid nie.

Gaya Mlangeni, die Trust se voorsitter in Gauteng, het gesê Zuma is, soos SARK-lede, 'n Christen en "het die reg om homself op enige element van sy geloof te beroep".

Hulle glo ook by die Trust dat die ANC sal regeer tot Jesus kom. Eddie Makue, die SARK se sekretaris-generaal het egter gesê die ANC moet onthou dat die mense van Suid-Afrika bepaal wie regeer.

FIFA voor Afrikasokkerdilemma

Die Beweging vir die Emansipasie van die Nigerdelta, bekend as MEND, het 'n e-pos aan FIFA gestuur om hulle te waarsku dat sokker nie in Afrika sonder meer sonder probleme gespeel gaan word nie. Hulle het die wêreldsokkerliggaam aangeraai om nie die onder-17 toernooi in Nigerië aan te bied nie.

Om die erns van hulle versoek te onderstreep is Abiel Tabor, kaptein van Bayelsa United wat Sondag Nigerië se Premierligasokkertoernooi gewen het, kort na die eindstryd deur Mend-rebelle vermoor.

FIFA sit tans met 'n kopseer in Suid-Afrika waar skeidsregters nie hulle werk doen nie, stadions half leeg is en velde veel te wense oorlaat. Daarbenewens word die atmosfeer vir besoekers bederf deur die aanhoudende lawaai van die vuvuzelas wat Afrikane nou as 'n kulturele reg om algar se gehoor permanent te beskadig, geëien het.

Die hopelose Suid-Afrikaanse span is 'n verdere verleentheid vir sokkerbaas Sepp Blatter en om die gasheerland vir 2010 se toernooi se tekorkominge te verbloem het hy juis die vriendelike Afrikagees aan voornemende toeskouers probeer verkoop.

Chevron, wat olie in die Delta pomp, is hoogs kwesbaar nadat die VSA ook vir die jeugtoernooi gekwalifiseer het. Die lande wat deelneem is Algerië, Gambia, Nigerië, Burkina Faso, Malawi, Iran, Suid-Korea, Japan, die VAE, Duitsland, Nederland, Switserland, Italië, Spanje, Turkeie, Costa Rica, Honduras, Meksiko, Argentinië, Brasilië, Colombia, Uruguay and Nieu-Seeland.

Volgens FIFA-reëls kan lande wat aan die toernooi onttrek gestraf word as daar deur hulle afgekondig is dat die toernooi voortgaan

Dit verteenwoordig 'n yslike dilemma vir FIFA wat aanstons sal moet besluit of Afrika werklik die kontinent is waar 'n nuwe sokkerlente gaan aanbreek.

deposit free топкарго отзыв

Angola martel separatiste s? HRW

Angola se weermag het vermeende separatiste in die olieryke Kabinda gemartel volgens die menseregteorganisasie Human Rights Watch se verslag wat Maandag vrygestel is. Hulle het die regering dringend versoek om onwettige arrestasies van beweerde rebelle te staak.

Ten minste 38 mense is sonder rede deur die weermag tussen September 2007 en Maart 2009 in die klein gebied gearresteer waarvandaan meer as die helfte van Angola se olie kom. Die meeste van hulle is in die geheim aangehou en gemartel en het geen toegang tot regshulp of besoekers gehad nie.

Georgette Gagnon, Afrikadirekteur van Human Rights Watch sê Angola se sekuriteitsoorwegings regverdig nie marteling van mense en om hulle mees basiese regte te ontken nie. Sy het gesê die Angolese weermag begaan ernstige misdrywe in Kabinda.

Die organisasie se bevindinge is op onderhoude met gevangenes sowel as hofrekords gebaseer. HRW het die Angolese regering gevra om alle klagtes teen verdagtes te laat vaar wat dmv marteling verkry is en geëis dat alle verhore volgens internasionale standaarde geskied.

Angola het in 2006 'n vredesooreenkoms met die separatistiese faksie in Kabinda gesluit, maar sporadiese aanvalle kom steeds voor.

Kabinda was 'n Portugese protektoraat wat deur Angola geannekseer is met onafhanklikheidwording in 1975. Die stukkie aarde lê tussen die Kongo en die DRK en die inwoners voel kultureel nader aan hulle Kongolese bure.

Kabinda se mense voel die miljarde dollars aan olierykdom wat hulle grondgebied oplewer, bereik hulle nie.

инструмент минск

Britte wil nuwe grondwet in Zim sien

Britse premier, Gordon Brown, het na sy ontmoeting met Morgan Tsvangirai gesê 'n nuwe grondwet binne die volgende 18 maande en verkiesings wat daarop volg, is wat sy land graag sou wou siem in ruil vir hulp aan Zimbabwe.

Hy het daarmee te kenne gegee dat hervorming nodig is voordat grootskaalse beleggings in die land sal instroom.

Tsvangirai het egter gesê: “Ek is bewus van skeptici en weet dat die wêreld gretig is om te sien of daar vordering is."

“Ongelukkig dink diegene in Brittanje dat terwyl hulle Mugabe nog sien, niks werklik verander het nie.”

Volgens Tsvangirai het Zimbabwe se inflasiekoers in die vier maande van koalisieregering van 500 miljard persent tot 3% gedaal.

Die Zimbabwiese premier skat daar is tot drie miljoen Zimbabwiese vlugtelinge in Suid-Afrika en hy wil so gou moontlik maatreëls met president Zuma bespreek om hulle terug te bring na hulle eie land.

'n Georkestreerde groepie Zimbawiërs het Tsvangirai die naweek by ’n byeenkoms in Londen uitgejou toe hy hulle huis toe genooi het. Hulle sê dis steeds te gevaarlik om terug te keer.

Die uitgewekenes wil druk op Suid-Afrika plaas om vlugtelingstatus aan Zimbawiërs toe te ken.

Brittanje het gister aangekondig hy gaan ’n bykomende R67 miljoen aan Zimbabwe skenk, maar soos die VSA gaan hulle die skenkings hoofsaaklik deur nie-regeringsorganisasies kanaliseer.

Altesame R53,6 miljoen moet vir kos gebruik word en R13,4 miljoen om skoolboeke te koop. Dit beteken dat Brittanje se begroting vir Zimbabwe vanjaar op R804 miljoen staan.

Tsvangirai het gesê dis makliker as wat hy verwag het om met Mugabe saam te werk. Hulle behoort al twee aan dieselfde stam, naamlik die Shona's.

Hy het gesê die BBC wat in Zimbabwe verbied is, sal dalk al volgende maand weer toegelaat word.

фото бани изнутри Фильчаков Харьков