Nuus – Bladsy 38 – praag.co.za

Reeksverkragter is ‘n ‘gevaar vir die samelewing’

Tsediso Letsoenya – ‘n ‘gevaar vir die samelewing’

Die veroordeelde reeksverkragter Tsediso Letsoenya is 'n gevaarlike misdadiger en 'n gevaar vir die samelewing, is Maandag in die Kaapse Hoëhof aangevoer.

Die aanklaer Christenus van der Vijver het aan die hof vertel dat hy "nie in die minste hieraan twyfel nie". Van der Vijfer het voor regter Abe Motala en twee assessore betoog oor 'n geskikte vonnis wat Vrydag aan Letsoenya opgelê sal word.

Letsoenya gaan op 28 aanklagte van verkragting gevonnis word, waarvan agt vir lewenslange tronkstraf kwalifiseer, asook agt van roof waarvoor hy vir die minimum van 15 jaar op elk van die roofklagte in aanmerking kom.

Van der Vijver het gesê dat hy van plan is om die hof te versoek om Letsoenya tot 'n gevaarlike misdadiger te verklaar, wat sou beteken dat Letsoenya weer in die hof moet verskyn voordat hy uiteindelik op parool vrygelaat mag word.

Die voorgeskrewe minimum vonnis vir iemand wat as 'n gevaarlike misdadiger verklaar word is trouens swaarder as 'n lewenslange vonnis van 25 jaar in die sin dat 'n oortreder wat tot lewenslange gevangenisstraf gevonnis word nie in die hof hoef te verskyn alvorens hy op parool vrygelaat word nie.

Van der Vijver het gesê die jurisprudensie skryf voor dat, waar moonlik, 'n oortreder 'n lewenslange straf moet ontvang eerder as wat hy tot 'n gevaarlike misdadiger verklaar word.

Volgens die Appèlhof is lewenslange gevangenisstraf die hoogste vonnis in Suid-Afrika, aangesien dit die doodstraf vevang het, het hy gesê.

Van der Vijver het gesê as daar ooit 'n saak was waar 'n mens kon sê dat die feite vir sigself spreek, dan was hierdie so 'n saak.

Hy het gesê die verkragtings is almal sorgvuldig beplan en elke keer het Letsoenya verseker dat hy op 'n plek soos 'n stasie was waar hy sy slagoffers sorgvuldig kon uitsoek.

Hy het voortse gesê dat die verkragtings oor 'n lang tyd plaasgevind het waartydens Letsoenya genoeg tyd gehad het om te besin en op te hou.

Van der Vijver het gemeen dat Letsoenya slegs opgehou het vanweë die tussenkoms van die polisie.

Volgens hom is verkragting een van die mees aftakelende en vernederende dinge wat 'n vrou kan oorkom.

проверка и Александр Фильчаков

‘Getoor, ‘n prostituut en ‘n idioot’

Die VSA se mees senior diplomaat in Afrika is ’n “idioot” sê Mugabe.

Johnnie Carson is pas as Amerikaanse onderminister van buitelandse sake belas met Afrika aangestel. Volgens Carson het Mugabe Zimbabwe “verwoes”. Carson en Mugabe het verlede week tydens die Afrika-Unie (AU) se leiersberaad in Sirte, Libië, bladgeskud.

Die staatsbeheerde ZBC het die ontmoeting as ’n “belangrike stap” vir verbeterde verhoudings met die internasionale gemeenskap beskryf, maar diplomate in Harare het aan Sapa-dpa gesê Mugabe het uit die vergadering gestorm.

Volgens die Herald was Mugabe woedend oor Carson se “patroniserende houding”.

Carson is ’n “klein outjie wat dink hy kan vir ons voorskryf wat om te doen,” het Mugabe na berig word gesê. “Ek hoop nie hy praat namens Obama nie. ’n Mens sal nie met ’n idioot van daardie aard praat nie. Ek was baie kwaad vir hom.”

Mugabe het Jendayi Frazer, Carson se voorganger, vroeër ’n “prostituut” genoem en verlede week gesê Irene Khan van Amnestie Internasionaal is “getoor”.

Die VSA weerhou steeds direkte geldhulp aan die Zimbabwiese regering.устройство

VSA se Vi?tnam-strydos sterf

Robert McNamara, 93, ’n voormalige Amerikaanse minister van verdediging en argitek van die VSA se betrokkenheid by die oorlog in Viëtnam, is gisteroggend tuis in sy slaap oorlede.

“Hy het vreedsaam in sy slaap gesterf,” het sy vrou, Diana, gesê. McNamara het algaande verswak nadat hy verlede jaar geval en ’n rugwerwel gekraak het.

Hy was van 1961 tot 1968 minister van verdediging in die kabinette van oudpress. John Kennedy en Lyndon B. Johnson.

Liggaamsdelesaak uitgestel

Die verhoor van 'n swartman wat daarvan beskuldig word dat hy handel in liggaamsdele gedryf het, is Maandag uitgestel, volgens die polisie in Mpumalanga.

Philemon Batulekile Baloyi, 48, het in die landdroshof op Acornhoek verskyn waar hy teregstaan op 'n klag van die besit en skending van 'n lyk, het kaptein Leonard Hlathi gesê.

Hy is op 20 Junie in hegtenis geneem nadat hy na bewering gepoog het om die bors en "gemanikuurde linkerhand" van 'n blanke vrou aan aan 'n injanga oftewel tradisionele geneser te verkoop.

Baloyi het na bewering die liggaamsdele van Ben Mongadi, 35, 'n dagloner by Doves-begrafnisondernemers in Lydenburg, aangekoop.

Hlathi het gesê dat Mongadi, wat ook verhoor word, aan die polisie gesê het dat hy die bors en hand van die vrou verkry het wat veras sou word.

Die polisie ondersoek ook 'n bewering deur Baloyi dat hy liggaamsdele aan vyf injangas in die Acornhoekgebied verkoop het.

Baloyi sal weer op 20 Julie in die hof verskyn en Mongadi op 14 Julie.

Albei swartes word steeds aangehou.

Geweld breek in weste van China uit

Beste vriende

Die Chinese staatsnuusagentskap het Maandag aangekondig dat 140 mense gedood is en 816 beseer nadat betogers met die polisie in die weste van China slaags geraak het.

Indien die dodetal bevestig word, kan dit die dodelikste manifestasie van geweld in die land wees in baie jare. Spanning tussen die Moslem Uighurs en Han-Chinese is al etlike dae in die gebied aan die oplaai.

In Maart 2008 het Tibetane in opstand gekom, in wat eweneens beskryf kan word as etniese geweld, maar net 19 mense – feitlik almal Han-Chinese – is gedood.

Die geweld het Sondagmiddag uitgebreek by 'n groot mark in Oeroemki, die hoofstad van die uitgestrekte woestynagtige deel van die Xinjiang-gebied, en het 'n hele paar uur gewoed voordat onluspolisie en die weermag die Uighur-area van die stad afgekordon het.

Ooggetuies en foto's van die geweld bevestig dat 1 000 betogers die strate ingevaar het, die polisie onder klippe gesteek het en voertuie aan die brand gesteek het. Rookkolomme het oor die stad gehang terwyl die polisie met brandslange en knuppels probeer het om die Uighurs, wat die protes gelei het, onder bedwang te bring.

Die aantal slagoffers is eers deur die nuusagentskap as 129 aangegee, maar die getal is in 'n latere berig na drie burgerlikes en 'n polisieman verander. 'n Streeksamptenaar het egter per telefoon gesê 105 mense is dood en ten minste 800 beseer.

Beeldmateriaal wat op die staatstelevisie uitgesaai is wys bebloede mense wat in die straat lê terwyl motors brand.

Dosyne Uighurmans is Sondaagaand by polisiestasies opgemerk met hulle hande vasgebind en hulle hemde oor hulle koppe getrek. 'n Aandklokreël is in die stad ingestel.

Die Uighurs, 'n Turkssprekende minderheid, is gekant teen die Han se oorheersing want Beijing probeer sedert die 1990's die olieryke Xinjiangprovinsie onder streng beheer hou. Verskeie aanvalle teen Chinese veiligheidsmagte is verlede jaar deur separatistegroepe geloods.

Chinese amptenare het Rebiya Kadeer, 'n Uighur menseregteadvokaat, daarvan beskuldig dat sy verantwoordelik is vir die oproer. Sy was eers in China in die gevangenis maar woon tans in Washington.

Die geweld het Sondag uitgebreek nadat die Uighurs 'n optog gehou het om 'n polisieondersoek te vra oor botsings tussen die Han en Uighurs wat by 'n speelgoedfabriek begin het en 2 Uighurs dood gelaat het en 118 mense beseer.

обработка цена

Agt mense vas na geweld in Diepsloot uitbreek

Agt mense is Maandag in hegtenis geneem na geweld in Diepsloot, Johannesburg, uitgebreek het, volgens die polisie.

"Ons het agt mans om twee uur vanmore (Maandag) in hegtenis geneem, net voor die situasie kalmeer het," het inspekteur Daniel Mavimbele gesê.

Die agt is gearresteer ná openbare geweld Sondag uitgebreek het met honderde inwoners wat ontevrede is oor behuising.

Volgens IOL Online, is paaie afgesper met brandende bande, strate is met groot klippe besaai en motoriste is onder klippe gesteek. Winkels in die gebied is ook geplunder.

Die protes het 10vm begin. Dit is gehou om ontevredenheid oor die toewysing van huise en die verskuiwing weereens van sekere krotbewoners te wys. Die krotbewoners sou na 'n plakkerskamp naby Brits, noordwes van Pretoria, geskuif word.

Die betogers het ook elektrisiteit gevra. 'n Groep het glo gedreig dat hulle die plaaslike raadslid se huis wil afbrand, en die polisie het die huis gedurende die nag bewaak.

'n Polisiehelikopter is ook na die gebied te stuur om knelsituasies te monitor.

Mavimbele het gesê die toestand is "kalm vir nou", maar betogings kan later in dag weer hervat indien daar nie aan die ontevredenes se eise voldoen word nie.

"Daar is steeds 'n swaar polisieteenwoordigheid in Diepsloot," het hy gesê.

SAUK-werknemers begin protesaksie

Bykans die helfte van die SAUK se werknemers het gesê hulle gaan Maandag met protesaksie vir hoër salarisse begin.

Die vakbond Mwasa sê hulle verwag al 600 hulle lede sal deelneem aan die aksie, terwyl die Kommuniskasiewerkersunie ook aangedui het dat 'n 1 000 van hulle lede gaan deelneem.

Die SAUK het net meer as 3 000 werknemers. Die unies het hulle tot die Kommissie vir Versoening, Bemiddeling en Arbitrasie gewend nadat die SAUK 'n 12,2% multi-voorwaarde verhoging afwaarts hersien het wat in April van krag sou wees, na 8,5%.

Die Arbeidshof in Johannesburg het die SAUK se poging verlede week om 'n aksie af te weer, van die hand gewys.

Die betogers sal na verwagting oor etenstyd byeenkom, sal nie oortyd werk nie en sal net die take in hulle werkskontrakte verrig.

Indien daar geen vooruitgang in onderhandelinge met die werkgewer is nie, het werknemers gewaarsku dat hulle vanaf 13 Julie heeltemal gaan wegbly.

светильники на дом Александр Фильчаков

Franse generaal verdedig rol in volksmoord

Gen. Lafourcade

Die Franse bevelvoerder van operasie Turquoise in Rwanda, generaal Jean-Claude Lafourcade, sê 15 jaar na die volksmoord aldaar, hulle het 'n goeie ding gedoen.

Die Franse word allerweë veroordeel dat hulle deels vir die volksmoord verantwoordelik was omdat hulle die moordenaars beskerm het.

Lafourcade sê egter die hele wêreld het die operasie ondersteun en alhoewel hulle te laat was om die slagting te keer, het hulle nogtans talle mense se lewens gered. In die suidweste van Rwanda het die Franse magte gekeer dat drie miljoen mense na die DRK vlug.

Hy sê hulle was 'n stabiliserende vredesmag wat menseregteorganisasies in staat gestel het om hulp te verleen aan die geteisterde bevolking. In daardie lig gesien verstaan die Franse weermag nie die kritiek teen hulle nie.

Toe die vliegtuig van president Habyarimana op 6 April 1994 afgeskiet is, wat die volksmoord aan die gang gesit het, was daar reeds 2 500 VN-troepe in Rwanda wat agt dae na die aanvang onverklaarbaar deur 'n besluit van die Veiligheidsraad met 'n driekwart verminder is.

Twee maande het dus verbygegaan waarin die menseslagting sonder verposing gewoed het en sonder dat daar enige ingryping van buite was. Dit terwyl die media ernstig gewaarsku het dat 'n volksmoord gepleeg word, het die generaal gesê.

Die situasie was ook kompleks, want die VN se bevelvoerder Roméo Dallaire, het gedreig om Franse vliegtuie bokant Kigali af te skiet omdat die Franse teenwoordigheid nie as 'n vredesending beskou is nie, maar 'n politieke projek.

Lafourcade neem Dallaire kwalik want Dallaire kon selfs met die beperkte middele tot sy beskikking iets gedoen het, sê hy. Dallaire se verskoning dat hy nie 'n mandaat van die VN gehad het nie, gaan die vir die Franse bevelvoerder op nie.

поршневой компрессор

Frankryk waaksaam na Moslemdreigement

Franse amptenare was Woensdag waaksaam nadat Moslems gedreig het om wraak te neem oor president Nicolas Sarkozy se kritiek teen die boerka.

In Frankryk heers "baie groot waaksaamheid" teen aksies en verklarings uit Noord-Afrika, het die Franse minister van buitelandse sake se woordvoerder Eric Chevallier tydens 'n inligtingsessie vir die media gesê.

"Franse owerhede het hulle beslistheid om terreur te beveg herbevestig," het hy bygevoeg.

In Algerië het Moslemfundementaliste op die intenet bekend gemaak dat hulle gaan wraak neem. Die verklaring kon nie onafhanklik geverifieer word nie.

Sarkozy het onlangs gesê die boerka is nie welkom in Frankryk nie en sal vroue in gevangenes verander. Die Franse parlement het 'n kommissie aangestel om die kwessie te ondersoek wat daartoe kan lei dat die Moslemkledingstuk in die openbaar in Frankryk verbied word.

Human Rights Watch sê so 'n besluit sal kontraproduktief wees en 'n gesiene Britse Moslemorganisasie het Sarkozy se opmerkings as patroniserend en kwetsend beskryf.

Libanon se mees invloedryke Sjiïetise godsdiensleier het die Franse president gevra om sy gewraakte stelling te heroorweeg.

Die Al Kaida-verklaring uit Algerië het 'n beroep op volgelinge gedoen om op te tree "vir die eer van ons dogters en vroue" en het alle Moslems gevra "om te reageer op hierdie haat".

play online лобановский харьков

Facebook verander MySpace in swart ghetto

Facebook het MySpace in 'n swart ghetto verander weens die feit dat blankes gevlug het van laasgenoemde netwerk, sê 'n sosiale navorser in die VSA.

Danah Boyd sê Facebook se bestaan het 'n migrasie van MySpace se wit gebruikers veroorsaak. Opgevoede en welvarende gebruikers identifiseer nie met die hoofsaaklik Noord-Amerikaanse MySpace nie, terwyl Facebook vir hulle aantreklik is.

MySpace behoort aan News Corp. "Dit was nie net enige een wat MySpace verlaat het vir Facebook nie ,” sê Boyd, wat vir Microsoft Research New England werk.

Sy het aan 'n gehoor by die New Yorkse Democracy Forum gesê hulle kan maar net sowel 'n ongemaklike waarheid in die oë kyk. "Wat gebeur het was 'n moderne weergawe van wit uitvlug."

Boyd het gesê MySpace het in 'n digitale “ghetto”verander. "Die mense daar is meer geneig om bruin en swart te wees en hulle het 'n stel waardes wat die wit gemeenskap beangs maak."

In haar onderhoude met Amerikaanse tieners sedert 2006 het dit duidelik geword dat aanlynmigrasiepatrone dieselfde is as groepe se keuses vir stede. Facebookgebruikers sien neer op MySpacegebruikers en nie andersom nie.

Wit hoërskoolkinders het Facebook "meer gekultiveerd" en "minder dom" gevind as MySpace. "Enige leerder met 'n Facebookbladsy sal jou vertel dat MySpacegebruikers meer geneig is om swak opgevoed te wees en luidrugtig," het sy gesê.

Boyd glo dat sulke verskille in sosiale netwerke meer na vore gaan kom met tyd. "Facebookgebruikers is dit eens oor die gevoel dat hulle na 'n vreedame, stiller, minder openbare ruimte migreer, wat meer idillies is."

план бани фото

Amerikaanse offensief kan Taliban laat groei

Daar is in baie dele in die suide van Afghanistan 'n gevoel van openlike verset in die lug, wat Amerikaanse magte se taak om die plaaslike bevolking se vertroue te wen bemoeilik.

Die Taliban is gewild in veral die provinsie Helmand en dorpenaars het die wapen opgeneem teen die invallers om hulle huise te beskerm of uit weerwraak omdat 'n familielid in 'n Amerikaanse lugaanval gedood is.

Ander weer, het by die Taliban aangesluit uit armoede of omdat die Taliban die enigste alternatief bied op wat hulle as 'n vyandelike mag beskou.

Donderdagoggend het 4 000 Amerikaanse seesoldate 'n groot offensief begin om die streek terug te neem van die insurgente. Die spesialissoldate vorm deel van 'n meer uitgebreide ontplooiing van addisionele magte wat die nuwe Amerikaanse bevelvoerder in Afghanistan, Gen. Stanley A. McChrystal, aangekondig het.

Die offensief is daarop gemik om nie alleen die Taliban uit te roei nie, maar om ook die bevolking te beskerm. Laasgenoemde skyn 'n haas onbegonne taak te wees aangesien die Taliban ten minste die platteland van twee provinsies, naamlik Kandahar en Helmand, heeltemal oorheers.

Hewige gevegte, waarsku plaaslike inwoners en amptenare van die huidige eenheidsregering, gaan verhoudinge tussen die invallers en die plaaslike bevolking verder versuur. Die regering het geen verteenwoordiging in 5 van Helmand se 13 provinsies nie en in verskeie ander, soos Nawa, is troepe en amptenare in die geïsoleerde dorpe waar hulle wel teenwoordig is, onder beleg.

In landelike gebiede word die Taliban se gesag aanvaar en inwoners vrees die opbou van Amerikaanse troepe. In Junie het hulle gesê om onder Talibanbeheer te leef is vir hulle beslis verkieslik. Artillerievuur en lugaanvalle deur 'n buitelandse mag bly vir die meeste 'n steen des aanstoots.

Die suidelike provinsies het die grootste burgerlike lewensverlies sedert die NAVO-ontplooiing in 2006 ervaar. Gevegte het ook duisende vlugtelinge na nabygeleë dorpe laat stroom.

Meer mense ondersteun die Taliban as die regering, sê Abdoel Kadir Noorzai, hoof van die Afghaanse Onafhanklike Menseregtekommissie. Gemeenskapsleiers sê die Taliban is 'n bekende, waar die regering en 'n buitelandse mag heeltemal onbekend is.

Die Amerikaans invallers hou aan om groteske foute te begaan wat die plaaslike bevolking se weersin in hulle verder aanmoedig. 'n Invloedryke stamhoof en gesiene man in die hele Helmandprovinsie asook sy vrou is onlangs gedood, ten spyte daarvan dat hy van die Taliban oorgeloop het na die regering. Net hulle babadogtertjie het die aanval oorleef.

Verlede jaar het 2 400 Amerikaanse seesoldate 'n klein, maar belangrike area in suid-Helmand suksesvol oorgeneem om die Taliban se toevoerroete van Pakistan af te sny. Dit het die Talibanmagte wat verder noord opereer 'n ernstige knou gegee.

Lt. Gen. James Dutton, die Britse onderbevelvoerder van NAVO in Afghanistan, sê hulle wil hierdie jaar soortgelyke operasies in meer plekke deurvoer. Maar kenners waarsku dat meer troepe juis 'n felle teenreaksie kan veroorsaak.

topcargo

Colesberg-inwoners herstel elektrisiteit met hofbevel

Die Aksiegroep Colesberg het daarin geslaag om die elekrisiteitsvoorsiening aan inwoners met 'n hofbevel herstel te kry. Die Aksiegroep en sy lede verkeer tans in dispuut met die sogenaamde Umsobomvu-munisipaliteit weens onredelike tariefstygings en gebrek aan dienslewering.

Nadat die Aksiegroep, wat by die Nasionale Belastingbetalersunie van mnr. Jaap Kelder geaffilieer is, 'n tydelike hofbevel teen die munisipaliteit verkry het, het die burgemeester, munisipale bestuurder en finansiële bestuurder steeds geweier om die krag aan te sit.

Mnr. Johan Matthee, voorsitter van die Aksiegroep Colesberg, 'n klag van minagting van die hof teen die burgemeester en sy twee mede-amptenare gelê. Hy sê: "Nadat die stukke deur die balju op die respondente bestel is, het die munisipale bestuurder steeds hardnekkig geweier om die kragtoevoer te herstel. Ek was derhalwe genoodsaak om lasbriewe vir die inhegtenisneming van die munisipale bestuurder, burgemeester en die finansiele bestuurder aan te vra op sterkte van minagting van die hof. Die lasbriewe is uitgereik en die polisie het onmiddellik opgetree.

"Die munisipale raad het gistermiddag 14:00 'n spesiale raadsvergadering gehou (rede onbekend) en toe die vergadering verdaag, het die polisie gereed gestaan om die mense te arresteer. Die munisipale bestuurder het toe so groot geskrik dat hy daar-en-dan opdrag gegee het dat die krag weer aangeskakel moet word".

Volgens mnr. Matthee het hy "om 17:45 begin oproepe ontvang van baie dankbare inwoners om te bevestig dat hulle kragtoevoer, ná 5 weke in die donker en in uiterse koue, herstel is."

Die keerdatum vir die bekragtiging van die tussentydse hofbevel is 28 Julie 2009. Tensy die munisipaliteit verweer aanteken, sal die bevel dan finaal verklaar word.

Die inwoners dring daarop aan dat hulle net vir elekrisiteit wil betaal, hetsy per rekening, hetsy per voorafbetaalde meter, terwyl hulle dispuut met die Colesbergse munisipaliteit aan die gang is.

Die inwoners beroep hulle op die Munisipalestelselswet nr. 32 van 2000, waarvan artikel 102(2), saamgelees met artikel 102(1), bepaal dat 'n munisipaliteit nie 'n belastingbetaler se skuld vir dienste mag konsolideer "waar daar 'n dispuut met die munisipaliteit bestaan nie".

Aksiegroep Colesberg is finansieel bygestaan deur die Nasionale Belastingbetalersunie om sy regskoste te dek, met advokaat Mari Olivier wat vir die Aksiegroep opgetree het.

Мордвинов Александр Фильчаков

Gautrein dalk voor 2010 gereed

Bushalte in Johannesburg

Die Gautrainprojek vorder goed en mag dalk gereed wees vir die 2010 Fifa Wêreldbeker het die Gautreinbestuursagentskap Donderdag aangekondig.

HUB, Jack van der Merwe, sê dit is hulle bedoeling om die Gautrein so naby aan 2010 as moontlik te loods. Hy het met joernaliste in Johannesburg gepraat gedurende 'n mediatoer.

Die agentskap beoog om die trein te voltooi en te begin toets 'n maand voordat die toernooi afskop.

"Ons probeer om die twee op te lyn en ons probeer versnel," het hy gesê.

Hy het nietemin gewaarsku dat die Gautrain se nuttigheid sal afhang van ondersteunende openbare vervoerprogramme soos die BRT, die snelbusdiens, asook die taxi's.

'n Uitdaging wat voorlê is die staking waarmee die Nasionale Metaalwerkersunie van Suid-Afrika, NUMSA, dreig.

Van der Merwe sê onderhandelinge met die unie sal deur die Suid-Afrikaanse Federasie van Siviele Ingenieurkontrakteurs gevoer word.

Stuur ‘n vraag aan Obama per SMS

Lede van die publiek kan vrae na die Amerikaanse president Barack Obama stuur per SMS op die vooraand van sy besoek aan Ghana.

Die missie van die VSA in Suid-Afrika het Donderdag gesê die president sal teksboodskappe voor sy besoek aan Ghana Saterdag ontvang.

"President Obama sal direk op uitgesoekte vrae antwoord deur plaaslike radiouitsendings in Afrika," het die missie in 'n verklaring gesê.

Om 'n SMS aan Obama te stuur vanaf 3 Julie , tik "English" of "French" in en stuur na +61-41-860-1934 en instruksies sal daarna volg.

Obama sal Akkra, die hoofstad van Ghana, op 11 Julie besoek.

Фільчаков прокурор