Afrikaanse nuus – Bladsy 23

Mandela en die ou ANC-kw?la

Van die vyftigerjare af sing die ANC nog dieselfde deuntjie. Ons gaan armoede uitwis, swartes ophef, 'n kommunistiese stelsel daarstel, die "rassistiese wittes" wegjaag en uitwis. Wel, groot gaan die val van die ANC wees. Hierdie is maar net die begin. Die streke van Niehaus, Zuma en ander ANC's bewys een ding – die Freedom Charter en die verbintenis van die ANC tot die kommunistiese ideologie is niks minder as vals nie. Dit is weereens 'n hebsugtige elite, wit of swart, wat eintlik net hulself wil verryk – ten koste van die massas wat hul aanhang. Die toestand in SA onder die ANC-regime bewys dit ook.

Die afgelope naweek se saamtrek met Mandela se teenwoordigheid bewys weereens wat die ANC is.

Wreed is die ontnugtering by wit en ander Afrikane (Afrikaners en regsgesinde witmense is lankal bewus daarvan) dat die ANC verrot is met 'n klomp terroriste, kriminele en rampokkers in hul geledere. Veral dié wat Mandela as heilig en 'n ikoon voorgestel het, omdat hy sogenaamd geweld teen witmense afgesweer het, is volkome naïef.

In werklikheid gaan die ANC's voort met hul "struggle" op plase en stede soos voor 1994, net op 'n baie meer geslepe manier. MK sing nog "Kill the Amabhulu" en "Kill the farmer, kill the Boer". Nóg Mandela nóg ander ANC's het dit al ooit veroordeel of selfs verskoning daarvoor aangebied. Blote stilswye word daaroor gehandhaaf.

топкарго

Nee vir COPE

As ek dit ooit oorweeg het om vir COPE te stem in die komende verkiesing is ek tans in ‘n proses van selfbesinning. Alhoewel ek steeds van mening is dat die koms van COPE een van die beste goed is wat met ons politieke situasie kon gebeur, wonder ek of dit wel ons probleme gaan aanspreek en of hulle die sogenaamde "reënboognasie" gaan verenig. Dat hulle ‘n wig in ANC-geledere vorm en die spreekwoordelike doring in hulle vlees is, betwyfel ek nie. Meeste COPE-lede het egter die ANC-wa goed gery totdat die wiele afgeval het en hulle besluit het om verder te ryloop in die vorm van ‘n nuutgestigte party.

Mnr. Lekota se onlangse uitlatings oor die herinstelling van die kommando's om uiters noodsaaklike dienste te lewer laat mens wonder oor sy ware bedoelings. Hy sê dat tydens sy deelname aan die proses om die kommando's af te stel, het hy dit teensinnig gedoen want hyself wou dit eintlik geleidelik uitfasseer. So hy was ten gunste daarvan, maar hy wou dit op sy manier doen. 'n Absolute gespeel met woorde waarmee hy homself maar net meer skuldig maak. Hy is steeds van mening dat slegs die SAPS na burgerlikes moet omsien aangesien dit so tydens Kodesa bespreek is. Waar hy egter die pot sleg mis sit, is dat hy voel dat ons landsgrense deur die polisie verdedig moet word in die vorm van grensbeheer. Sedert die weermag van ons landsgrense verwyder is, het duisende vrylik oor ons grense gestroom en die effek daarvan is tans oral te sien.

Van die meeste misdade teen ons burgerlikes word deur misdadigers vanuit Mosambiek en Zimbabwe gepleeg waarna hulle vrylik met hulle buit na hulle land padgee. Van die grootste dwelmhandelaars kom uit Nigerië en het ons bure geword in die townships en ook Bishops Court. Die Polisie wat hy wil hê om al dié kwessies aan te spreek is duidelik onbevoeg as mens slegs kyk na die toename in misdaad en spesifiek dwelmhandel. Ons het nou al so baie dwelms in die land dat ons dit deur ons nasionale lugredery na Engeland kan uitvoer. Wat duidelik van onbevoegdheid spreek, is die feit dat ons nooit die dwelms van hier af kan keer nie en dat die Britte dit elke slag namens ons moet doen. Dis geen wonder hulle vereis nou visums van elke persoon wat hulle eiland vanaf SA wil besoek nie. Met ons swak paspoortbeheer en bedrog kan enige onwettige immigrant hiervandaan maklik na enige land as Suid-Afrikaner reis.

Die kommando's het vir jare landelike gebiede beveilig teen normale misdaad en ook aanvalle van oorkant ons grense. Die weermag en kommando's het hand aan hand gewerk en ‘n gedugte span gevorm. Spesifiek op ons plase is beveiliging deur die boere self gedoen en was plaasmoorde ongehoord. Nie net is blankes beskerm nie, maar mense van alle kleure. Nou is al hierdie mense wat deur 'n hoogs doeltreffende diens beskerm is die slagoffers van gewetenlose misdadigers met die polisie om hulle te beskerm. Die afstelling van die kommando's was juis uit vrees vanaf ANC-kant en presies om die verpolitisering van die polisie en weermag te bespoedig. COPE ry tans ook maar net in die spore van die ANC op ‘n voosgeryde pad en as mens mooi kyk, is daar min verskille in hul beleid. Mnr. Lekota waarsku teen die verpolitisering van ons polisie en die weermag en soos hy dit stel is dit een van die ANC se doelwitte. Hy vertel ons dan mos iets wat ons weet, want hy was self minister van verdediging en het gehelp om voetsoldate van Umkhonto in te lyf. Selebi se doen en late en die hantering van sy saak spreek mos ook boekdele. So Terror moenie dink hy kan vir baba bangmaak met sulke voorverkiesingsmenings nie. Die polisie en weermag is lankal verpolitiseer; dink eerder aan iets nuuts om jou volgelinge te beïndruk. Ons gaan nie almal na jou nuutgevonde "hawe" hardloop nie. Deur Boesak weereens 'n kans te gee, het julle baie van jul ou identiteit maar net weer laat deurskemer. Hy verwys na die onlangse toesmeerdery van Carl Niehaus deur die ANC wat baie goed vergelyk met Boesak se aanstelling. Hulle smeer daardeur ook maar net toe, deur Boesak as die nuwe kandidaat voor te stel wat ons onder sy leiding verder gaan voer.

Sy uitsprake teenoor die landbou en grondhervorming is maar net soos afgeroomde melk en het min om die lyf. Hy is blykbaar onbewus van opleiding en leiding wat aan mense gegee word wat plase en grond ontvang het. Hy stel voor as deel van sy meesterplan dat hulle eers opleiding sal ontvang voor enige grond oorgedra sal word aan diegene wat daarvoor kwalifiseer. Briljante plan, mnr. Lekota, as mens dit net kan laat werk. As hy maar net realisties sal wees en sy trots in sy sak steek, sal hy besef dat die blanke boer die een is wat hierdie ekonomie dra en van kos voorsien. Hoekom hulle nie kry om hierdie opleiding, waarmee hulle in elk geval al jare lank besig is, te doen en swart boere sodoende te bemagtig nie?

Ek dink die aantwoord daarop is voor die hand liggend of is dit net ‘n geval van: "Hy dink nie"?

COPE het 'n reusetaak voor die deur om uit die skoene van die ANC te kom en sal met unieke idees moet kom om die kieser, vernaam die een op die draad, te oortuig. Deur bloot die "julle-het-dit-gedoen-en-ons-doen-dat"-politiek te wil beoefen, is nie goed genoeg nie.

slots win real money no deposit

Hebsug lei tot ‘n volk se ondergang

Bravo vir Dan Roodt se rubriek oor die Niehaus-semels – wat ook deur die varke gevreet sal word.

Voorheen het ek al dikwels hierdie diaboliese opportunistiese Afrikanerkitaarslaners, voorbokke en agterryers met mening aangevat en ontmasker.

Dit herinner my aan die volgende:

"Slegte mense kan onmoontlik nie goeie burgers wees nie. 'n Volk van sedeloses en afgodedienaars kan onmoontlik nie 'n vrye volk wees nie. Wanneer mense hul God vergeet, word die kettings van tirannie gesmee. Immoraliteit en 'n korrupte publieke gewete is onverenigbaar met vryheid." Patric Henry, 1775.

"Die krag en swakheid van 'n samelewing steun meer op die vlak van sy geestelike lewe as op sy vlak van industrialisering. Nóg die markekonomie nóg algemene welvaart verteenwoordig die mense se hoogste prestasie. Indien 'n volk se geestelike energie uitgeput raak, sal hy nie deur die mees volmaakte regeringstruktuur of deur enige nywerheidsontwikkeling van ineenstorting gered word nie. 'n Boom met 'n verrotte kern kan nie staande bly nie. Alexander Solsjinitsin.

Voorspoed met die goeie werk hier op praag.co.za.

Александр Фильчаков

Nederland ervaar ongekende ekonomiese inkrimping

Die jare dertig is terug, altans vergelykings met die 1930’s. Die Nederlandse premier, Jan-Peter Balkenende, het gister op ’n sombere perskonferensie gesê dat die ongekende inkrimping van die Nederlandse ekonomie aan daardie tyd herinner.

Die Nederlandse ekonomie krimp vanjaar met 3,5%. Twee maande gelede is nog gemeen dat dit 0,75% sou wees, maar die wêreldwye ekonomiese krisis en die resessie het veel sterker toegeslaan as wat verwag is. Die krimping was in 1931 laas so groot.

Balkenende het gesê dat die tempo waarin die ekonomie krimp, heeltemal ongekend is.

Hy het gesê dat die styging in werkloosheidsyfers die pynlikste is van die huidige voorspelling van die Centraal Planbureau. Die aantal werkloses kan vanjaar styg tot 425 000, en volgende jaar tot 675 000. Dit is onderskeidelik 5,5% en 8,75% van die beroepsbevolking.

Soos in een TV-program opgemerk is, het Balkendende byna in “Ou-Testamentiese terme” van die krisis gepraat. Hy het gesê dat “grote beproevingen” op die Nederlandse samelewing wag.

‘Daai pispotstylhelm’ is onwettig

Motorfietshelms wat nie die ore van die gebruiker toemaak nie, voldoen nie aan basiese veiligheidsvereistes nie, het die Nasionale beheerliggaam vir verpligte spesifikasies (NRCS) Dinsdag gesê.

Die NRCS-woordvoerder Mirriam Moswaane het gesê die "pispotstylhelms (waarna normaalweg verwys word as Chips, German, Beanie of Cruiser) voldoen nie aan die verpligte spesifikasies – spesifiek seksie 5.1a wat stel dat alle helms die ore van die gebruiker behoort toe te maak vir veiligheidsredes nie".

Die helms word verkoop onder name soos Lafe, Stinga en Lynx en dra "misleidende" etikette soos "perdry, nie vir snelweg gebruik en nie vir padgebruik nie".

"Alhoewel die helms gemerk word vir 'n ander gebruik of doel, word dit steeds aan winkels vir motorfietsbybehore verkoop," het Moswaane gesê.

"Om dinge erger te maak, het party van die helms valslik die Suid-Afrikaanse Buro van Standaarde- (SABS-)plakker op," het Moswaane gesê.

Die Nasionale beheerliggaam vir verpligte spesifikasies was voorheen die SABS-beheerafdeling.

slot free Фільчаков прокурор

VF+ wen hofsaak oor buitelandse stem

Mulder, Pieter

Die VF Plus het in 'n verklaring die uitspraak van die Pretoriase Hooggeregshof verwelkom dat artikel 33 van die kieswet ongrondwetlik is. Artikel 33 van die kieswet (Wet 73 van 1998 artikel 33) bepaal dat daar onderskei word tussen Suid-Afrikaners in die buiteland en dat sommige mag stem en ander nie.

Al die bedes voor die hof, is deur die regter toegestaan. Die uitspraak sal nog vandag aan die Grondwethof voorgelê word vir bekragtiging. Die respondente, waaronder die Departement van Binnelandse Sake, kry dan opnuut geleentheid om hulle besware voor die Grondwethof te argumenteer.

Afhangende van die besluit van die hoofregter, kan bekragtiging gou afgehandel word. Indien die VF Plus ook hiermee slaag, sal dit beteken dat alle Suid-Afrikaners in die buiteland wat as kiesers geregistreer is, in hierdie verkiesing sal kan stem.

“Dit is ’n reuse oorwinning teen die arrogansie van die ANC wat sy wil op almal probeer afdwing,” het dr. Pieter Mulder, VF Plus-leier gesê. “Die VF Plus sal nie huiwer om die ANC of watter regering ook al, op hierdie wyse in die toekoms weer aan te vat ten einde te voorkom dat burgers se regte van hulle weggeneem word nie,” het dr. Mulder bygevoeg.

“Die VF Plus het ’n rekord dat die party opstaan vir die regte van gewone landsburgers. So het die VF Plus geslaag om die “Kill the Boer”-slagspreuk as haatspraak verklaar te kry en verskeie oorhaastige ANC-naamsveranderinge met hofuitsprake te stuit,” volgens dr. Mulder.

справка 1 депутат лобановский

Potchefstroomse burgemeester krabbel terug

Een van die ondertekenare van die skikkingsooreenkoms wat sou verhoed dat hofsake verder oor die naamsverandering van Potchefstroom na Tlokwe gevoer word, het kop uitgetrek net dae nadat 'n onderneming gemaak is.

'n Persverklaring is deur burgemeester Mapethle Mapethle en die groep Aksie Potchefstroom uitgereik waarin aangekondig word dat die dorp sy naam kan behou terwyl die stadsraad voortaan bekend sal staan as Tlokwe.

Mapethle het intussen teruggekrabbel en beweer dat hy nie weet waarom sy naam om die verklaring verskyn het nie. Hy het bygevoeg dat Pallo Jordan, minister van Kuns en Kultuur, die finale besluit sal neem oor die aangeleentheid.

Die KVP waarsku kiesers oor Zuma

Senior ANK-lede en KwaZulu-Natal-kiesers behoort nie enige leier te ondersteun wat kriminele klagte in die gesig staar nie, het die KVP-woordvoerder Siyanda Mhlongo Donderdag gesê.

"Daar is baie, baie vrae wat Zuma eers moet beantwoord voordat hy die gesig van die ANK in die verkiesing kan word," het Mhlongo in 'n ope brief gesê.

Hy het verwys na die ANK –president Jacob Zuma, wie se kriminele saak Woensdag uitgestel is tot 25 Augustus, wanneer hy waarskynlik die president van Suid-Afrika sal wees.

"Die KVP … is ook bekommerd dat indien Suid-Afrikaners die fout maak om Zuma as president in te stem, die Zuma-kamp in die ANK die volgende sal doen – forseer 'n wet deur om aan 'n sittende president kwytskelding te verleen van vervolging en werk sekere individue in die Nasionale vervolgingsgesag uit en vervang hulle met ANK-kaders wat sal redeneer dat daar geen saak teen Zuma is nie."

Mhlongo het ANK-leiers "wat korrupsie haat" aangemoedig om nie vir Zuma se veldtog te werk nie.

Die party het gesê hulle is ook "bekommerd" deur die ANK se reaksie op die Zuma-saak, aangesien die party aangedui het dat hulle gaan vra dat die saak teen hom teruggetrek word.

"Ons … is bekommerd dat pleks daarvan dat die ANK teen korrupsie stry, hulle 'n aansoek wil bring dat die saak teen Zuma laat vaar word."

Mhlongo het die regerende party as "immoreel" en "nie nugter nie" beskryf.

Hy het gesê die land se vorige twee presidente, Nelson Madela en Thabo Mbeki, het nie presidente geword "met sulke ernstige klagte wat oor hulle gehang het nie".

Baie ANK-lede, insluitend LUR'e het tans kriminele klagte teen hulle. Diegene wat veroordeel en gevonnis word, soos voormalige ANK-hoofsweep Tony Yengeni en Zuma se voormalige finansiële adviseur Schabir Schaik word "soos rasieleiers en sterre behandel", het hy gesê.

"Toe ons in die ANK was het Zuma en sy maters geweier om ons toe te laat om 'n konferensiedokument oor 'Revolusionêre moraliteit' by Polokwane te bespreek. "Hoekom?" het hy gevra.

Ná Zuma aangekla is, "sou 'n sober ANK hom (Zuma) verpligte verlof gegee het of gevra het om verlof te neem… Die ANK soek 'n persoon met sulke ernstige klagte teen hom as hulle voorbladpersoon.

Фільчаков прокурор

Direkteurgeneraal van kommunikasie bedank

Die direkteurgeneraal van kommunikasie, Lyndall Shope-Mafole, wat van haar kontrak vrygestel is met onmiddellike ingang het Donderdagaand gesê haar skeiding van die departement was "heeltemal vriendelik". Omdat sy nou voltyds vir die KVP se veldtog wil werk, het sy gevra dat haar kontraktydperk verkort word.

Shope-Mafole het by die KVP aangesluit net voor verlede jaar se nasionale konvensie in Sandton. By die party se stigting in Bloemfontein in Desember het sy die hoof geword van internasionale sake en 'n lid van die top-12 uitvoerendekomiteelede.

Sy het gesê dat sy omtrent 'n week lank met haar minister Ivy Matsepe-Casaburri gepraat het omtrent haar wens om vrygestel te word van die kontrak, wat oorspronklik in 2010 sou verval.

"Ek het Donderdag my versoek op papier gesit en dit gefinaliseer," het sy gesê. "Ek is verlig en dankbaar. Die minister was baie ondersteunend – sy kon 'nee' gesê het."

"Gegewe my verhoogde politieke betrokkenheid, het ek meer tyd nodig om die mense te dien," het sy gesê.

Sy het gesê dat sy haar volle gewig agter die KVP se verkiesingspogings gaan werp.

Shope-Mafole het gesê sy het "geen idee" wie in haar plek by die departement gaan intree nie.

"Hulle sal nou moet adverteer," het sy gesê. "Maar daar is 'n baie sterk en bekwame span, en dit het dit ook moontlik gemaak dat ek kan bedank."

Matsepe-Casaburri het Shope-Mafole bedank vir haar bydraes tot die openbare diens, "haar uitstaande rol in die internasionale telekommunikasiesektor en haar leierskap in Afrika" en het haar sterkte in haar nuwe aktiwiteite toegewens.

Ministeriewoordvoerder Joe Makhafola het gesê Shope-Mafole se kontrak is verkort in ooreenstemming met die regulasies. Sy was vir 'n dekade aan die stuur van die departement.

free casino games topcargo развод

Ons kan die perseel gesluit hou

'n Konstruksieperseel in Merapong, Limpopo, is gesluit toe subkontrakteurs wat vir 'n filliaal van Eskom gewerk het begin staak het oor salarisse, het Eskom Donderdag gesê.

Woordvoerder Fani Zulu het gesê die werkers was besig om akkommodasie te bou vir Roshconwerkers wat gewerk het aan Eskom se Medupikragstasie toe hulle oor salarisverhogings begin betoog het.

Die perseel is Dinsdag gesluit ná werkers die pad geblokkeer het en polisie en bestuur met klippe begin gooi het.

"Dit is moontlik dat ons die perseel gesluit kan hou tot volgende week," het Zulu gesê.

Roshcon, wat deel vorm van die Eskom Enterprises-divisie en sy subkontrakteurs het 'n reeks vergaderings gehou met die werkers voor die onlangse staking, het hy gesê.

"Dit is jammer dat die werkers weer moes begin staak nadat beide partye 'n oplossing bereik het."

Superintendent Ronel Otto het gesê die werkers het twee busse met klippe gegooi. Polisie was op die toneel om die situasie te monitor. Geen beserings is aangemeld nie.

Woensdag is 10 werkers beseer toe polisie met rubberkoeëls op hulle geskiet het buite die Roshcon-konstruksiemaatskappy.

Die stakende werkers eis 'n 11%-verhoging.

Vier aangehou vir inbraak en kaping

Vier mans, wie se ouderdomme wissel van 19 tot 38 is Woensdag in Brooklyn gearresteer vir huisbraak en kaping, het die Gautengse polisie gesê.

Kaptein Colette Weilbach het gesê die vier mans het na bewering by 'n huis in Nicolstraat ingebreek omtrent 11 vm. en juweliersware en rekenaartoerusting gesteel.

Die eienaar van die huis het teruggekom terwyl die mans besig was in die huis, en hulle het daarna sy Ford Bantambakkie gekaap deur hom met 'n skerp voorwerp te dreig.

'n Sekuriteitswag wat deur die bure se bediende ontbied is, het op die toneel aangekom en twee skote op die mans geskiet terwyl hulle in die bakkie en in hulle eie silwer Citroen-voertuig gevlug het.

Die bakkie is later verlate in Rupert straat gevind.

Ondersoek deur die Sunnyside-taakspan het polisie na 'n adres in Mamelodi gelei.

Polisie het die silwer Citroen gevind en nadat die vier mans in die huis gearresteer is, het hulle al die gesteelde goedere weer gevind.

Die vier sal binnekort in die hof verskyn op klagte van huisbraak, kaping en besit van gesteelde goedere, het Weilbach gesê.

стоимость зубов Александр Фильчаков

Volgende keer sal Zuma as president in hof verskyn

Jacob Zuma

Die volgende keer wat die ANK-president Jacob Zuma in die hof in Pietermaritzburg inloop, kan dit moontlik as die president van die Republiek van Suid-Afrika wees.

"Wanneer Zuma weer in Augustus in die hof moet verskyn, sal dit wees as die president van die land en die regters sal hom as die president moet aanspreek," het die party se Jeugligaleier Julius Malema Woensdag gesê ná Zuma se kort verskyning in die hof.

"Ek wil net vir diegene vra wat agter die saak is of hulle trots sal wees om hulle eie president te vervolg en hulle eie land in die skande te steek."

Vroeër het regter Leona Theron voorlopig Zuma se volgende hofdatum vir 25 Augustus vasgestel, wanneer hy na verwagting sal aansoek doen dat die klagte teen hom permanent laat vaar moet word.

'n Senior advokaat vir die Franse wapenvervaardiger Thint, Michael Collins, het gesê hulle sal weer op 24 Junie in die hof wees om aansoek te doen dat die saak teen hulle permanent laat vaar word.

Die opposisieleier, Mangosuthu Buthelezi, van die IVP het gewaarsku dat daar ernstige gevolge vir die land kan wees indien Zuma in die saak as president van die land moet verskyn.

"Dit sal ook moeilik wees in Suid-Afrika vir ons politieke stelsel om eerlikheid en integriteit te projekteer en te beskerm as sy hoogste waardes, wanneer die president op aanklagte van korrupsie vervolg word," het hy gesê.

best social media

‘DA sien Pretoriase kandidate oor’ – VF Plus

Willie Spies

Die spanning in die DA oor sy Gautengse kandidatelyste openbaar onder andere ook dat die party Pretoria as magsbasis afgeskryf het.

Volgens ‘n berig in die oggendkoerant Beeld, is veral Pretorianers in die DA ongelukkig omdat hulle aan die agterspeen gesuig het met betrekking tot posisies op partylyste. Slegs drie van die top twintig posisies vir die Gautengse Wetgewer is aan Pretorianers toegeken terwyl die oorblywende 17 aan lede uit die suide van Gauteng toegeken is. Die feit dat die DA slegs 15% van sy wenbare posisies aan mense toeken waar meer as 50% van die party se voormalige steun kom, dui op ‘n ondemokratiese minagting van die party se Afrikaanse en Pretoria-steunbasis. Ook wat die party se parlementêre lyste betref, het Pretorianers sleg tweede gekom. Die party se hardwerkende LP, dr. Manie van Dyk, moes tevrede wees met die nommer 17 posisie op die party se nasionale lys vir Gauteng. Verder het ‘n ander Pretorianer, mnr. Karel Minnie, vroegtydig besluit om die parlement vir die stadsraad te verruil.

Willie Spies, VF Plus-LP vir Pretoria, het in sy reaksie gesê dit wil voorkom of die DA die omstrede joernalis, Niekie van den Berg, bloot as ‘n rookskerm om Afrikaners te paai op sy kandidate lys geplaas het terwyl hardwerkende Afrikaanse kandidate oor die algemeen benadeel is in die lysproses. Die VF Plus is nie verbaas dat die DA Pretoria en die Afrikaanse stem op die manier afgeskryf het nie omdat die VF Plus hom lank reeds in die Tshwane Metroraad as die nie-amptelike amptelike opposisie bewys het.

topcargo отзыв

Grondeise gaan meer as R50 miljard kos

Grondeise en restitusie gaan Suid-Afrika meer as R50 miljard kos teen die tyd wat die proses afgehandel is vyf jaar van nou af, het die waarnemende grondeisekommissaris, Andrew Mphela, Dinsdag gesê.

Tydens 'n gesprek met joernaliste in Gordonsbaai naby Kaapstad, na afloop van 'n vergadering van streeksgrondeisekommissarisse, het hy gesê dat die staat tot op hede restitusie ten bedrae van R17,6 miljard goedgekeur het.

"Van die 79 696 eise wat aangemeld is by die kommissie, het ons nou omtrent nog 4 589 eise wat uitstaande is."

"Aanvanklike skattings was dat dit R17 miljard sou kos om af te handel, maar aanduidings is dat dit nou meer mag kos… die uitstaande eise is redelik groot."

Die koste van grondeise in die Nasionale Krugerwildtuin alleen, wat 400 000 hektaar beslaan van die park se oppervlakte, "sal ten minste R15 miljard kos om te finaliseer," het hy gesê.

Gevra of dit beteken dat die grondeise en restitusie wat op R17,7 miljard staan dan nou 'n addisionele R32 miljard sal kos, het Mphela bevestig dat dit "ten minste nog R52 miljard" sal kos, tot die proses afgehandel is.

In antwoord op vrae oor afhandelingsdatums, het hy gesê die prosessering van eise sal aanhou tot in 2014 in provinsies soos die Oos-Kaap, KwaZulu-Natal en Limpopo.лосины девочка 7 лет topcargo